الأخبار
أخبار إقليمية
أزمة داخل مسجد في الخرطوم بسبب خطبة الترابي في زواج نجل غازي سليمان
أزمة داخل مسجد في الخرطوم بسبب خطبة الترابي في زواج نجل غازي سليمان
أزمة داخل مسجد في الخرطوم بسبب خطبة الترابي في زواج نجل غازي سليمان


غازي سليمان قال: " المناسبة حقتنا والما عجبو مع السلامة "
01-27-2013 06:42 AM
إحتج عشرات المصلين عصر أمس الاول خلال خطبة كان يلقيها الشيخ الدكتور حسن الترابي زعيم حزب المؤتمر الشعبي داخل مسجد العصمة الواقع جنوب شرق محطة البلابل في الخرطوم ، قبيل إجراء عقد قران نجل الأستاذ غازي سليمان المحامي (الشيخ) على كريمة محمد حمد احمد عثمان (رزان ) ، وذلك عندما أخذ الدكتور يتحدث عن الزواج والرابط الأبدي ما بين الرجل والمرأة مستشهداً بعدد من الأيات القرآنية والأحاديث النبوية الشريفة ، معضداً خطابه للمصلين الذين أدوا صلاة العصر وكانوا في انتظار مراسم العقد ، بأن عقد الزواج واستمراره يقوم على التقوى ، نافياً ان يكون مثله مثل عقود البيع والإيجار وغيرها .

وكانت المفاجأة التي فجرت الموقف وسط عدد من المصلين عندما تساءل الترابي قائلا ان العقد بين طرفين رجل وامرأه ، وهو عقد زواج وحياة وليس عقد تجارة يوكل فيه شخصاً آخراً لينوب عنه ، وقال " إذاً أين المرأة " . وقال لماذا لا تكون المرأة حاضرة في المسجد مع الرجال ، مشيراً إلي أن المرأة الآن هي التي تحدد زوجها وما دور الكبار إلا تكملة ما يبدأ الطرفان من خطوات .

وظهرت أصوات احتجاجات هنا وهناك داخل المسجد وخرج بعض المصلين من المسجد معربين عن عدم رضاهم عن خطبة الشيخ الترابي ، لينبري أحد المصلين ويطالبه بالإختصار ، الأمر الذي أدى الى تدخل الأستاذ غازي سليمان والد العريس ، الذي امسك بالمايكروفون يقول " انا عايز اقول للناس كلهم أنو المناسبة دي حقتنا ، والما عاجبو مع ألف سلامة " . وهو ما أغضب الكثيرين من أهل العروسين ليخرجوا محتجين قبيل اكتمال مراسم عقد القران .

وبعد إكتمال مراسم عقد القران كان الشيخ حسن الترابي اول الخارجين من المسجد ، بينما ظل الاستاذ غازي سليمان منفعلاً وسط عدد من القانونيين والمحامين يحاولون إحتواء بعض التفلتات ، خاصة عندما اخذ احد المصلين يصرخ في وجه " غازي " بـ " يا شيوعي كيف تسمح بي حاجة زي دي وكيف تقول لضيوفك كدة ؟!

وأثار الإنتباه الحضور الكثيف للمسلمين من أبناء دولة جنوب السودان ، مما اكد مكانة غازي وسط الجنوبيين والعلاقة المتينة .

صحيفة آخر لحظة


تعليقات 74 | إهداء 0 | زيارات 22777


صفحة 1 من 212>
التعليقات
#569986 [المسافر وحيدا]
1.00/5 (1 صوت)

01-28-2013 09:46 AM
العقد ده كان ناقصو زول واااااااااااحد ( أبو العفين ) كان إدعوه مع الترابي ...... عايره وأدوها سوط


#569699 [adil a omer]
4.00/5 (2 صوت)

01-28-2013 02:11 AM
سبحان الله مغير الاحوال من تصليح بوابير الجاز والمناقد فى مقابر حلة حمد الى اللهط والتسمين وكلو ان شاء الله الى النار

ما سالت نفسك كم شاب سودانى وصل اربعينات العمر ولا يجد عملا حتى ليحلم ان يتزوج فى يوم من الايام !! اليس من حق اهلهم ان يفرحوا بهم كما تفرحون بابنائكم ؟؟

كل جسم نبت من حرام فالنار اولى به اللهم ارنا عجائب قدرتك فى هذه الكلاب انت العلى القدير

عندما تموت الاسود جوعا تشبع الكلاب


#569659 [hit em up]
0.00/5 (0 صوت)

01-27-2013 11:53 PM
mashallah love this man Guys ..,Nowadayz its kinda hard to get married now because its all about who the family is and how much money the guy has, or how pretty the girl is (at least in da sudanese community), bt really mashallah doc TORABY zs amazing talk I've ever heard about marriage system in Islam(systm shd b changed) may allah bless u DOC


#569635 [الحلفاوي القرفان]
4.00/5 (1 صوت)

01-27-2013 11:11 PM
ياريت لو كانو المحتجين ديل جلدوهم الاتنين الترابي يضربوهو لامن يآمن

زي جلدتو في كندا ...والمفعوص المتقلب الغير مهذب في شكله كان يكسروه

عشان يكون درس لامثالهم من العاملين فيها صفوة ..الا لعنة الله عليكم الي يوم الدين


#569617 [رماح عزالدين]
0.00/5 (0 صوت)

01-27-2013 10:44 PM
صاحبي عندو جزمة عجيبة كدا .. لو لقيتك يا الترابي الا افكها فيك ..


#569603 [ادم محمد ادم البين(ايراني)]
0.00/5 (0 صوت)

01-27-2013 10:26 PM
انا بقول خطبة الترابي مامكن يختصر فى الزواج فقط دى امور فكرية ممكن يتناول الجميع النقاش من حولها


#569598 [الأسد]
5.00/5 (1 صوت)

01-27-2013 10:20 PM
أركان الزواج أربعة :1/ الصداق 2/ الولي 3/ المحل (المراءة) 4/ الشهود
؟؟؟؟؟؟؟؟؟؟؟؟؟؟؟؟؟؟


#569582 [ابوطارق]
5.00/5 (1 صوت)

01-27-2013 09:31 PM
في شهر العسل العرسان ديل حايتناولو موضوع عقدهم دا وفتوة الترابي


#569518 [بكرى ابوصلاح الدين]
5.00/5 (1 صوت)

01-27-2013 07:55 PM
لاول مؤة نسمع شئ صاح من شيخ الترابى

معروف شرعيا حضور العروسة امام المأذون وليس الوكيل عشان ما تحصل دغمسة والوكيل هو فقظ اجراء تكملي والمهم فى عقد النكاح هو ولى امر العروسة سواء كان والدها , شقيقها , عمها , خالها , جدها او اى فرد من اسرتها


#569491 [النقيب]
5.00/5 (1 صوت)

01-27-2013 07:12 PM
هوى الراكوبة دي حقتنا والماعجبوا الباب ىفوتالترابي وغازي


ردود على النقيب
United States [الأسد] 01-27-2013 09:26 PM
كلامك صاح يالنقيب الماعجبو الباب واسع مع ألف سلامة


#569483 [الأرباب]
5.00/5 (1 صوت)

01-27-2013 07:03 PM
برغم من خلافي سياسياً مع الترابي الا أني اتفق معه في ما قال .... لابد ان عمل العقل في الدين وعدم الاكتفاء بتفسير واحد وحكم فقهي تجاوزه الزمن والعقل النساني ...
المرأة هي أمي وأختي وزوجتي ...وهن نصف المجتمع وأحياناً أكثر وتقلدت أعلي المناصب. وقد ان الأوان لإخراجها من الوصاية والعادات القبلية والأعراف التي حطت كثيراً من قيمتها الإنسانية!
ما المانع من ان تحضر عقد قرانها وتوقع نيابة عن نفسها ؟!
لم تحضر في المسجد للتوقيع ..... فقط تساءل عن لماذا لا توقع عقد زواجها الذي سيلزمها ما تبقي لها من عمرها إنشاء الله .... انظر ردة الفعل !!
الاسلام لا بتعارض مع العقل وآياته عامة والله سبحانه وتعالي ترك كثير من التفاصيل لاجتهاد عبيده حتي يواكبون مستجدات عصرهم
نعم من حق المرأة التوقيع عن نفسها....


ردود على الأرباب
United States [nagatabuzaid] 01-27-2013 09:46 PM
نعم لكن نحن كعرف تعودنا ان يكون هناك وكيل وبيسالوا العروس وهذا متعارف عليه منذ عقود لكن الترابى دائما فتنة حيثما حل حلت الفتنة وغازى سليمان متهور ومتقنزح واسلوبه يشبه اسلوب نافع وكان ممكن يهدئ الامور ويحترم المدعويين ولكنه غازى ولكنه الترابى وعجبى اللماهم شنو؟


#569464 [الحقيقة مرة]
5.00/5 (1 صوت)

01-27-2013 06:21 PM
غايتو كان الفتنة حصلت بيناتم من هسا في العرس انشا الله على السماية كدا الثورة تكون قامت ندي الفاتحة يخوانا... امين !!


#569449 [الفاتح مقبول]
5.00/5 (1 صوت)

01-27-2013 05:49 PM
يا اخوانا..شوفوا السودان الفضل
غازى طاير والترابى فى كرعينو
ذى غازى ده مجرد نكرة لا يودى
لا يجيب ..
اما الترابى لو فى شعب يحب سودانو
ما كان قدر يمشى بكرعينو..


#569442 [هبار]
5.00/5 (2 صوت)

01-27-2013 05:45 PM
من المؤسف حقاًأن يتفق المرء مع الترابي في شيء . اليوم أجد نفسي مُضطراً للاتفاق معه حول وجوب وجود الزوجة لتعلن موافقتها على الزيجة بدل أن يقوم بذلك وكيل عنها وهي حية تُرزق ( والغنى سمح في خشم سيده) . ثم أنني أرى ضرورة تغيير الصيغة السمجة التي يتم بها عقد القران ، وهي صيغة تُركز فقط على ما بين الفخذين ( أنكحكم ، أنكحتك ، تنكحونا ، ننكحكم ، مأذون الأنكحة ) ، وكأنما الغاية الوحيدة من الزواج هي الجنس . طبعاً سيعترض شخص بالقول أن النكاح يُقصد به الزواج ، بيد أن اللفظة إرتبطت في الأذهان بمعنى محدد يرمز لشيء واحد . تمعن في صيغة زواج الكثير من الشعوب التي تركز على الوفاء والإخلاص وأن تظل الزوجة بجانب زوجها ويظل هو بجانبها في السراء والضراء إلى أن يفرقهما الموت ، إذ أن الزواج مودة وعُشرة وصفاء نفسي ، قبل أن يكون مصدراً لإشباع الرغبات الجسدية . وبما أن الهدف الرئيس من عقد الزواج هو الإشهار ، فلا أرى من داع مطلقاً لتدخل من يُسمى بمأذون الأنكحة ، إذ مالذي يأذن به هذا الشخص المتبطل ؟ إنها مهنة عطالة ويمكن للفيس بوك القيام بها خير قيام ، إذ باستطاعة العروسين القيام باستشهاد من يرغبان في شهادتهم من الأهل وإخطار الأصدقاء والمعارف بنبأ اقترانهما على كتاب الله وسنة رسوله عليه الصلاة والسلام عن طريق وسائل الاتصالات الحديثة .


ردود على هبار
United States [نوجا] 01-27-2013 10:14 PM
يا (( هبار )) اعمل حسابك كلامك دا ما يهبر بيك .....هههههه
انت لو عندك خلاف مع اي واحد حرر خلافك دا معاهو بعقلانية ... ولا حتورط نفسك سااااااااااااااااي
نصيحتي ليك .... الدين خلي بعيد من المهاترات حقت الركانية ديل ... واضبط عقلك بضابط الوحي تنجوا من كل وحل ..... والله من وراء القصد

United States [القرفان] 01-27-2013 08:20 PM
لاحول ولا قوة الا بالله........والله حرام عليك ويبدو انك من شاكلة هذا الاهبل المجنون ........


#569419 [مدحت عروة]
5.00/5 (2 صوت)

01-27-2013 05:08 PM
يا جماعة انا لو فى محل اعداء الاسلام والله ادعم الحركات الاسلاموية من اخوان مسلمين وجهاديين وسلفيين وهلم جرا لانهم احسن الناس لتمزيق اوطان المسلمين وتمزيق النسيج الاجتماعى ويث الكراهية والتنافر والشقاق والنفاق وكل شىء نهى عنه الاسلام وشرعه ورسوله الكريم!!!
الشعوب فى العالم الاسلامى مسلمة ومتمسكة بدينها بطبيعتها وتنتهج الوسطية والرافة والرحمة مع الكل حتى غير المسلمين مما يحببهم فى الاسلام وهذا لا يعنى عدم ارتكاب المعاصى لكن المسلمين العاديين لا يستغلوا الدين لاغراض سياسية او ينتهجوا الكذب مثل الحركات الاسلاموية وكما قال الرسول الكريم المسلم ممكن يرتكب اى معصية الا الكذب والحركات الاسلاموية هى الكذب يمشى على قدمين!!!!
اعداء الاسلام فرحين بالحركات الاسلاموية لانها تهدم الدين من الداخل وباسم الدين نفسه!!!
اعداء الاسلام لا يريدوا الاستقرار والنهضة العلمية والتكنولوجية واقامة مجتمعات حرة وديمقراطية فى اوطان المسلمين وهم عارفين ان المسلمين حتى ولو ارتكبوا معاصى لا يرضوا اى اساءة لدينهم لهذا افضل من يهدم ويحارب الدين هم الحركات الاسلاموية من الداخل!!!!
اتحدى كائن من كان ان يقول بان هذه الحركات القذرة اضرت باعداء الاسلام بل كل ضررها انصب فى المسلمين ومواطنى دولها فقط!!!!
وما عندهم الرجالة او الشجاعة او النخوة لمحاربة اعداء الاسلام بتاتا لانهم اقوى منهم ويخافونهم موت!!!!


ردود على مدحت عروة
United States [SESE] 01-27-2013 09:39 PM
لك التحية والود والاحترام

كله هرج ومرج ليس للدين دخل فيه شيخ الترابي هدم الدين والوطن معا وغازي سليمان متخبط بين الشيوعية والاسلام والقانون والسياسة فلم يفلح فيها جميعا والعزاء الوحيد انهما الاثنان على اعتاب القبر......

United States [وسطية الاسلام] 01-27-2013 06:04 PM
لا فك فوك اخي مدحت وحديثك هذه تعضده الكثير من التقارير المخابراتية لدول معادية للاسلام وبخاصة اليهود وبريطانيا وهما الدولتان الليتان انشأتا ما يسمي بالحركة الوهابية قبل 250 عاماً ولكل الباحثين عن الحقائق ارجعوا لتاريخ الحركو الوهابية الدموي وتكفيرهم لكل من عارضهم دون اي حجة ولا مرجعية من الكتاب والسنة وهي الحركة التي تم زرعها في الدول اللاسلامية لتفتيتها وتمزيقها وهي اخطر على الاسلام من الغرب الكافر الذي يصورونوه للناس


#569373 [الظافر محمد مختار الاصم]
4.88/5 (5 صوت)

01-27-2013 04:04 PM
والله العظيم أنا كل ما أشوف غازى ده بتذكر الكمونيه والجلافيط ,, ماعارف ليه ؟؟؟؟ سبحان الله


ردود على الظافر محمد مختار الاصم
United States [بكرى ابوصلاح الدين] 01-27-2013 07:40 PM
الاخ الظافر ياخى بالغت شديد ياخى الكمونية دى فى احلى منها تشبه لى هذا الرجل الزفر بها لا حولة ولا قوة الا بالله .. بالله قوم اعتزر للكمونية عشان نكون مبسوطين منك

United States [النقيب] 01-27-2013 07:19 PM
حرام عليك والله نرفع عليك دعوى ياخ الكمونية عملت ليك شنو

United States [عدلان يوسف] 01-27-2013 06:19 PM
يازول ما تسيء للكمونية !


#569333 [كاسترو عـبدالحـميد]
5.00/5 (3 صوت)

01-27-2013 03:18 PM
نرجـو من أدارة الصحيفة أن تنزل لنا المواضيع والمقالات التى ترد فى صحيفة " الأنتباهة " ليتم التعليق عـليها من قـبل القـراء لأن أدارة صحيفة " الأنتباهة " لا تسمح بنـشر التعليقات عـلى مواضعيها . كما نرجو ان تنزلوا لنا آخـر موضوع كتبه الطيب مصطفى عن والى الخرطوم والذى كال له فيه المديح والثناء لنرد عـليه .

ــــــــــــ

لك التحية

نرجو ان تمدنا بالمقالات التي تود نشرها مع الرابط


ردود على كاسترو عـبدالحـميد
United States [nagatabuzaid] 01-27-2013 09:53 PM
بالله عليك فى زول يطلب مواضيع الانتباهة او يقراها انا كان لقيته واقعة فى الواطة ما برفعها


الا خوفا ان تكون فيها ايات قرانية او البسملة وبسرعة بحرقة بدون النظر فيها . داير

تطيرنا من الراكوبة وما صدقنا اتلمينا عليها تانى


#569316 [مواطن]
4.91/5 (10 صوت)

01-27-2013 02:56 PM
الترابى (فرتق) السودان)
غالبو يفرتق عرس رزان


ردود على مواطن
United States [ود البلد] 01-27-2013 05:06 PM
هعهعهعههعهعهعههههههههههههههههه


#569313 [مواطن]
5.00/5 (1 صوت)

01-27-2013 02:52 PM
الترابى (فرتق) السودان
غالبو يفرتق عرس (رزان)!!!!!


ردود على مواطن
United States [اللولبي] 01-27-2013 06:46 PM
هعهعهعههعهعهعههههههههههههههههه ثاني .. هو (ود البلد) أحسن مننا.


#569308 [آنحناالشطة الكندآكة]
5.00/5 (1 صوت)

01-27-2013 02:47 PM
من جهز غازيآ فقد غزا (صدق رسولنا الكريم (ص):)


ردود على آنحناالشطة الكندآكة
United States [شطه شطه] 01-27-2013 07:01 PM
حتي انت يا بروتس
الشطه الدنقابة وليس الدنكابة

United States [ابو احمد] 01-27-2013 04:15 PM
اسما الشطه الدنكابه وليست الكنداكه


#569281 [موسى محمد]
5.00/5 (3 صوت)

01-27-2013 02:21 PM
للشيخ بعض الفتاوى المثيرة ومن يجلبه لمناسبته يكبر عكازه


#569279 [Babeker]
5.00/5 (1 صوت)

01-27-2013 02:19 PM
وهل ممكن تعطينا دليل من الكتاب والسنه علي ان كلام الترابي غلط وخارج عن الشرع؟


#569278 [الدالي]
4.75/5 (6 صوت)

01-27-2013 02:16 PM
السيد غازي ...
مبروك ...
المدخل الاول .... اذا كانت المناسبة حقت ولدك يا سيد غازي .. فالمسجد ما حق ابوك .. ومن حق اي من الحاضرين ان يعقب على ما يرى ويسمع ...
المدخل الثاني ...
من حق الترابي ان يقول ما يريد ...
المدخل الثالث ...
اهم شي لا تستمع للاثنين ... الترابي وغازي ... اولهما خبير في تدبير الخوازيق والدليل خازوق الانقاذ .. وثانيهما خبير فنجطة من موقف لاخر مناقض له ...


#569274 [أبو أيوب]
5.00/5 (2 صوت)

01-27-2013 02:12 PM
والله فضيحه غازى بتاع مقالب ساب ناس الحركه ومسك فى الحكومه المصالح المصالح الناس دى ماعارفه تمشي وين زاتو بس ياالترابي تجيب المره ومايكون فى وكيل دى ما الزواج العرفي زاااااااااااااتو بنات الجامعات لقيتوا ليكم شيخ فى صفكم سووو العايزنوا والإنقاذ تنقذكم ههههههههههههههههه


#569246 [hanankokoabas]
5.00/5 (1 صوت)

01-27-2013 01:42 PM
الكلام دة واقعى والترابى دة زول كويس ومجدد رغم غرابة الموقف الا ان العادة هى التى حكمتنا والزواج فعلا عقد بشروط معينة طالما توفرت فى الزوجين المتعاقدين يتم بذاك الشكل


ردود على hanankokoabas
United States [أبو أيوب] 01-27-2013 02:05 PM
هههههه يعنى بدون ولى خلاس خلى أختك ولى بنتك ولى قريبتك تجى البيت ومعاها زوج لها وتقول خلاس أنا عرستو مايحتاج وكيل نشوف بعدين الأسد النتر يقول شنو


#569187 [Abu Kanddaka]
5.00/5 (1 صوت)

01-27-2013 12:54 PM
I think all of you have no issue to talk a bout.


#569186 [عادل]
5.00/5 (2 صوت)

01-27-2013 12:53 PM
فتوى الترابي دي ما جديدة وهو طبقها في زواج كريمته الصغرى قبل سنوات
ومن طالب الترابي بالإختصار فقد تجاوز حدوده لأنها ليست خطبة جمعة ولا ندوة عامة بل هي مناسبة خاصة مهما كان عدد الحضور كبيرا.
أما غازي سليمان فتصرفه طبيعي جدا لأنه كان يدافع عن كرامة ومشاعر ضيفه لا عن الفتوى


ردود على عادل
United States [النور] 01-27-2013 05:03 PM
عاقل يا عادل


#569184 [ابو شريف]
5.00/5 (1 صوت)

01-27-2013 12:49 PM
اي شخص يهاجم خصومه بالشتائم والأساءة ,, فهو اسلوب العاجز في المواجهة ,, وغير عقلاني ومنطقي , فعليكم مواجهة الشيخ وغازي بالفكر والحوار والمنطق ,, حتي يقتنع الجميع ايهما علي الحق ؟؟؟ ولا ايش رأيكم ...


#569135 [أبو حوه]
4.88/5 (5 صوت)

01-27-2013 12:06 PM
يا جماعة غازي دا ما تلوموه دا من الجماعة الدخل فيهم النميري الخلعة وخلاه فاري من بلد لي بلد ، دا شرد من النميري مرق في اليمن كداري لمن سألوه قالوا ليه والبحر قطعته كيف قال ما لاقني بحر، أماسؤالي للشيخ الذي تختلف فتواه من عام لآخر ، (إنت عقدت آلاف القران في السنين السابقة لماذا لم تأمر بحضور العروس؟؟؟؟؟)


ردود على أبو حوه
United States [اسامة] 01-27-2013 07:25 PM
فتوي الترابي تعتمد علي بنتي شعيب عليه السلام لسيدنا موسي( قَالَ إِنِّي أُرِيدُ أَنْ أُنْكِحَكَ إِحْدَى ابْنَتَيَّ هَاتَيْنِ عَلَىٰ أَنْ تَأْجُرَنِي ثَمَانِيَ حِجَجٍ ۖ فَإِنْ أَتْمَمْتَ عَشْرًا فَمِنْ عِنْدِكَ ۖ وَمَا أُرِيدُ أَنْ أَشُقَّ عَلَيْكَ ۚ سَتَجِدُنِي إِنْ شَاءَ اللَّهُ مِنَ الصَّالِحِينَ) وده دليل علي وجود الفتاة وتسلمو يا شباب


#569132 [السودااني الخطر]
4.91/5 (6 صوت)

01-27-2013 12:03 PM
البراميل الفارغة يعمل ضجيجاً--مثل انجليزي


غازي برميل+الترابي برميل= جوطة وضجة


ردود على السودااني الخطر
United States [الحمد لله] 01-27-2013 12:34 PM
المسلم من سلم المسلمون من لسانه ويده


#569092 [adil]
4.00/5 (3 صوت)

01-27-2013 11:37 AM
ياخونا باركوها طلعو غازى برة القوس واقعو فى الباقى ضرب. ان شاءالله مايفضل فيها نفاخ النار.


#569089 [فرقتنا]
4.25/5 (3 صوت)

01-27-2013 11:32 AM
يا جماعة الخير ملاحظين حاجة اي خطاب ليناس الحكومة ولا البشتغل معاهم ولا الموالي ليهم تلقاهو ركيك في اسلوبو وتعاملو وبعدين لئيم اضافة لي جلدو التخين الناس دي مبرمجة علي سلوك واحد


#569083 [حيدر خلف الله]
4.00/5 (2 صوت)

01-27-2013 11:24 AM
فى شنو ياجماعه


#569071 [د. عبد الهادى إبراهيم]
3.44/5 (12 صوت)

01-27-2013 11:15 AM
الترابى قال الزواج يخص إثنين لا ثالث لهما إذن لماذا لا يكونا وكيلين عن أنفسهما؟؟
ما المانع أن يعقدا قرانهما كبقية الأمم المتحضرة بتوقيعهما شخصيا بدل الوكلاء؟؟
ألا يعطى هذا العقد قوة أكثر ويؤكد إلتزامهما به؟؟
لماذا لا نتغير مع متغيرات العصر وتطوره؟؟


ردود على د. عبد الهادى إبراهيم
United States [م.عبدالله] 01-27-2013 02:07 PM
لو كنت يادكتور في العقد لأسكت الترابي ومن معه من من يعتقدون انهم افذاذ في الفكر وفي الفتاوى وهذا لغو الحديث منهم وانا اعتبر انو كلامك منطقي والف لاااااااايك لردك


#569062 [ود النوبة]
5.00/5 (6 صوت)

01-27-2013 11:06 AM
يا غازي فعلا المناسبة مناسبتكم تطرد البتطردوا بس من بيتكم لكن من المسجد لالالالالا
عيب عليك إنت والشيخ بتاعك دة حتى بيوت الله دايرين تطردونا منها معقولة دي يا ناس


#569036 [طيره]
4.50/5 (3 صوت)

01-27-2013 10:45 AM
ماوريتنا يابو الغواذى فى ياتو صالا كا نجى نجاملك وناكل لينا فرخه فرختين ونضرب الباسطه ونبشر كمان ياحليلى اناالمواطن الحر الشريف المالاقى مره ترضى بي عدمان ومقطع


#569033 [عبد الرحيم الامين]
5.00/5 (4 صوت)

01-27-2013 10:41 AM
للمساجد حرمتها وادابها وهذه البداية ماذا بعد ذلك نسال العفو والعافية


#569026 [ابو بطن فاضية تكركر]
5.00/5 (1 صوت)

01-27-2013 10:34 AM
الترابي قال جيبو العروس داخل المسجد !!!!!!!!!!!! ما في حاجة اسمها وكيل للعروس لان الزواج عقد حياة ما عقد تجاري!!!!!!!!!!


#569024 [Babeker]
4.94/5 (5 صوت)

01-27-2013 10:32 AM
التربي رغم الخلاف معه كلامه صاح جدا وغازى كلامه اكتر من صاح والانسان ال ضيف مفروض عليه يحترم اهل الدار ويجلهم حتي ادب الضيافه والحوار السودانين نسوه! ضيوف قليلين ادب


ردود على Babeker
United States [بت ملوك النيل] 01-27-2013 02:24 PM
اوافقك تماما..رغم كرهي للترابي والكيزان وغازي بس كلامهم صاح نحن شعب (غياز) ومنظراتي والضيف ما بعرف حدودو وكل واحد عامل ابله نظيره..الخليج ده كلو مافيه عقد بتم بدون الماذون يسمع موافقة العروس بي اضانو وده كلام الله مش كلام الترابي

United States [Observer] 01-27-2013 02:20 PM
الخبر بيقول في مسجد ما في بيت, ضيف شنو في مسجد يا ضيف في راكوبة

United States [hanankokoabas] 01-27-2013 01:46 PM
واضيف انو الضيف لو ما عجبو يحترم نفسو ويغادر

United States [محمد] 01-27-2013 01:06 PM
هل ممكن تدينا دليل من الكتاب او السنة على صحت كلام الترابي

United States [ابو شريف] 01-27-2013 12:41 PM
كلامك صاااااااااااااااااااح .. يا ريت يفهموه ,,


#569015 [kommba]
3.75/5 (3 صوت)

01-27-2013 10:25 AM
TURAAAAAAAAAAAAAAAABI IS NOT CRAZY ...!!!
I THINK HE IS LEADING YOU THE RIGHT WAY ....
HE IS QUITE RIGHT CAUSE MARRIGE IS AN AGREEMENT BETWEEN MAN AND WOMAN, THEREFORE WHY NOT TO BE INVOLVED DIRECTLY IN THIS VERY IMPORTANT STEP OF THIER LIFE ?! WHY DO THEY NEED TO ASSIGNED OTHERS TO REPRESENT THEM ?!!!


ردود على kommba
United States [james m] 01-27-2013 02:52 PM
marrige is a contract or any binding agreement,it will not be valid if not signed by the two parties,because if it is signed by one party this will be called a proxy marriege

United States [المشتهي الكمونية] 01-27-2013 12:02 PM
I THINK HE IS LEADING YOU THE RIGHT WAY
---------------------------------------------
هوي يا باكومبا ، الراكوبة دي راكوبتنا ، ما عايزين زول يجي يشكر لينا فيها الترابي ، الترابي وغازي الأتنين أبالسة وكلام الأبالسة والشياطين ليس مكانه المسجد ، دا المفروض يطردوا خارج المسجد على أن يقوم الحضور بالبسملة وتلاوة سورة الاخلاص والمعوذتين


#569012 [الكلس]
5.00/5 (1 صوت)

01-27-2013 10:23 AM
ببساطة الجماعة ديل مااحترموا ضيف الراجل ... ليه هو يحترمهم ..


ردود على الكلس
United States [الفجر الجديد] 01-28-2013 07:04 AM
ركز شوية ، فى المسجد الناس سواسية ، ما فيش ضيوف ، لا فرق بين غازى وبين منتقدى الشيخ ترابى الكذاب! ( دخل السجن ليكذب على من تم قبضهم بواسطة عسكر لص كافورى ) .


#569000 [محمد حسن أحمد]
5.00/5 (1 صوت)

01-27-2013 10:18 AM
معزور تكون الجرعة كبيرة شوية نسي إنه إذا كان المناسبة خاصته فالمسجد ليس خاصته ومن حق اي إنسان أن دخله لأداء الصلاة أن ينتقد كل مايجري داخل المسجد من قول أو فعل أوسلوك يخرج عن النظام وعن تعاليم وآداب الإسلام وكان يتعين على هذا المعتوه أن يدعوا لمناسبته في بيته أو في واحد من الفنادق خمسة نجوم ويتملق الخنازير بتصريح معرصة جديد على شاكلة تصريحه بشأن ميثاق الفجر الجديد عشان يدفعوا له الفاتورة ويبدو أنه اختار المسجد لكي يستفيد من حضور الكثير من المصلين الذين يأتون لأداء الصلاة وتكون صورة الحشد كبيرة فهو يدرك أنه منبوذ ومكروه لدى كافة قطاعات الشعب السوداني بل من أقرب الأقربين إليه وزملائه المحامين وبالتالي لن يكون هناك حضور لغالبية المدعوين وما يهمه هوالمظهر لا الجوهر فأهم حاجة بالنسبة له الحشد فهو قد نهل من طبائع خنازير المؤتمر الوثني الذين إرتمى في أحضانهم ونهل من طباعهم


#568979 [عصام الدبن البشير]
5.00/5 (1 صوت)

01-27-2013 09:58 AM
يا جماعة كلهم غزاة ما الفرق بين البيبسي كولا والكوكاكولا


#568966 [ازرق اليمامة]
5.00/5 (1 صوت)

01-27-2013 09:49 AM
ياخ مامشكلة قولو
غازي سليمان
غازي صلاح الدين
شيخ الدجل حسن عبد الله الترابي
عمر البشير
علي عثمان طه
داهية تاخدكم كلكم ياخ


#568965 [shafya]
4.00/5 (3 صوت)

01-27-2013 09:47 AM
وما المشكله اصلا؟؟
سواءا في حديث الترابي أو غازي سليمان؟؟
كلام دكتور الترابي واضح..المراه من حقها
أن تستشار وتسال قبل اكمال عقد زواجها..
مما يحتم حضورها في المسجد..هناك مساجد
كثيره بالسودان تحضر فيها النساء كل
الصلوات..فما المانع من حضورها عقد قرانها
ووجودها في المصلى الخاص بالنساء؟؟
اما حديث والد العريس..فهو ايضا واضح وضوح الشمس
بان المناسبه مناسبة زواج سمح فيها للدكتور الترابي
بالحديث فيها وليس لأحد الحق في منعه الا امام المسجد..


ردود على shafya
United States [الأسد] 01-27-2013 09:45 PM
كلامك صاح ياشافية

United States [الحمد لله] 01-27-2013 12:41 PM
كلام صاح نحن شعب عجيب نستنكر انو العروس تجى للمسجد عشان تحضر العقد وفى نفس الوقت عادى لو خرجت فى وسط الحضور فى حفل موسيقى وهى تتراقص طربا عجبا عجبا ايها الشعب فما المكان الافضل ؟
وسط الصعاليك فى الحفلات ولا المصلين فى المساجد.


#568950 [ابوخميس]
5.00/5 (2 صوت)

01-27-2013 09:33 AM
غازي والترابي كبار رغم انف الجميع !!!!!


ردود على ابوخميس
United States [أبو أيوب] 01-27-2013 02:08 PM
والله كبار عليك إنته بس ولو معترف بي كلامهم خلى بنتك ولى أختك تتزوج راجل بي وكالتها هي وتجيب البيت وتختك أمام الأمر الواقع ديل قاعدين يخربوا الدين ويلعبوا بالإسلام زى ناسك الفى الحكومه كل يوم جايبين دين جديد

United States [نور] 01-27-2013 10:25 AM
لانك يا ابو خميس ضغير شايفم كبار يا ابوجهل

United States [mansour] 01-27-2013 10:07 AM
ياراجل اتق الله في حق نفسك اى كبر لرجل يطرد ضيفانه ويهزئهم وهو الذى قام بدعوتهم لحضور قد قران ابنهولم يحضروا من تلقاء نفسهم او بدافع الفضول وذلك العجوز الخرف اكبر لهم الا اذا كنت تقصد الكبر في السن وعدد السنين فهنا لاغبار عليك.


#568945 [MAHMOUDJADEED]
5.00/5 (3 صوت)

01-27-2013 09:29 AM
الله يعينك يا رزان على نسيبك المخرّف .


#568934 [mansour]
4.50/5 (3 صوت)

01-27-2013 09:24 AM
ياجماعه الخير اولا غازي سليمان ده محامي نكره وماعندوا مبدا ولاقيم يرتكز عليها واشك ان له اسره من الاسر العريقه والمتجانسه والتي تعرف القيم والاخلاق السودانيه الاصيله والتي توارثنها نحن السودانين ابا عن جد ومن اهمعا اكرام الضيف والتودد اليه وتدليله وكذلك خطيبه وقد من قال من اين اتى هولأء؟ وهذا السوال يتبادر الي الذهن عندما يتصرف المرء بمالم تألفه فى سلوكه ويخالف ماتواتر عليه الناس. ومثل هذا الغازى المتسلق والذى ماذال يبحث لنفسه عن موضع قدم في الخارطه السياسيه للشغب السوداني ناسيا ان مثل هذه المراكز والتي صنعها الرجال انتزعوها من براثن الانظمه الشموليه والدكتاتوريات العنيده وقدموا التضحيات الجثيمه من سجون ومعتقلات وتشريد من الوظائف وفراق للوطن والاحباب . ولم ينتهزوا الفرص ويستغفلوا الناس يامتسلق ياوصولي !!!!! الم تذكر يوما انك قلت في هذا الترابي وجماعته قولا لم يقله مالك في الخمر عندما قرر المحامين دعمك كمرشح لهم في انتخابات نغابه المحامين كنقيب لهم فى مواجهه الراحل فتحى خليل ونحمد الله انك لم تنجح رغم دعمنا لك !!!!! عارف ليه لانك كنت سوف تجعل هذا المنبر الحر للبيع ولمن يدفع اكثر. ويكزن ودك ورضاك مهمين وانت تدعمك مجموعه من المحامين !! فان السعر سيكون اغلى والبيع بالجمله وليس كبيعك اليوم كالمومس التى هي في صدر رجل واذنها على الطارق!!!!!


ردود على mansour
United States [sahlzahir] 01-27-2013 04:34 PM
غازى سليمان من الاسر العريقة فى السودان ومن المتعلمين ..تخرج من جامعة الخرطوم فى وقت كان فية دخول المرحلة المتوسطة انتصار كبير ..فهو شقيق بدرالدين سليمان .ز وخالهم العالم العالمى التجانى الماحى ..ترافع فى قضية مصنع الشفا .. ايضا من اسرة دينية .. فهو سودانى وسياسى .ز التعليق يجب أن يكون رفيعا ومؤدبا .. راجع نفسك وثقافتك التى تحتاج الى مزيد من التعلم والتفكر


#568927 [Ibrahim]
5.00/5 (4 صوت)

01-27-2013 09:14 AM
ياخى من هو غازى سليمان ؟؟ ومن هو الترابى ولاّ الجن الأحمر !!! كلهم منافقين وكل واحد إنعرف تاريخه الأسود زى وشو


#568926 [الرمنـتــــــــــوج]
5.00/5 (9 صوت)

01-27-2013 09:14 AM
السادة المعلقون أرحموا أعصابكم وعقولكم......
ماذا تتوقعون حين يجتمع غازي وترابي؟؟... غير الغبار والكتاحة!!!!!


#568907 [الأرباب]
4.75/5 (5 صوت)

01-27-2013 09:02 AM
الؤمن القوي لا يخاف الرائ الآخر .... وعندما يرفض حتي الاستماع ....فقط الاستماع ....فهذا ضعف في ما يعتقد وليس دليل علي قوة ومدي الإيمان !!
الترابي كان يعبر عن رائ أو اجتهاد... سمه ما شئت ...والاعتراض الشديد هذا من المصلين هو دليل ضعف وليس ايمان كما يبدوا من السطح!
تصرفهم هذا يصدر وصدر من عامة المسلمين ولا اقول المؤمنين طيلة الألف سنة الأخيرة من عمر الإسلام الشئ الذي إدي الي توقف الاجتهاد وبالتالي جمود الفكر وانحدار الأمة الإسلامية لتصبح الدولة المشودة حلم يزداد بمرور الزمن صعوبة وتعارضاً مع الواقع....
المصلين تنافسوا في الاعتراض علي الخطبة لان العقول المختونة لا تستطيع التفكير خارج الصندوق وتخاف الاجتهاد وتعشق المشي جنب الحيط...
اكبر عائق أمام تطور الامة الاسلامية هو الجبن..... لقد اصبح المسلم (جباناً) بفعل علماء السلطان الذين افرغوا الدين من مضمونه وأهدافه وحولوه الي صندوق فكري محكم لا فكاك منه وربطوا أي محاولة للتفكير أو الاجتهاد ....بالكفر!!
لا أريد الخوض في ما قاله الترابي ولكن رد الفعل هو الذي يجب ان نتوقف عنده لأهميته.....
والله من وراء القصد....


ردود على الأرباب
United States [Ali] 01-27-2013 08:54 PM
كلامك دا ذكرني بقصة فرعون وقلة عقلة. يعني إنت لو كنت حاضر فرعون وهو يتقدل عريان يتجول في شوارع المدينة, كنت دافعت عنة عندما ضحك الناس فية.

United States [الحكيم] 01-27-2013 11:25 AM
كلامك صحيح يا الارباب, البعض أصبحوا مشلولين و جامدين عقليا لأنهم ما بقرو كتب مفيدة وثقافتهم الدينية و الاجتماعية صفر, ودى نتيجة ال24 سنة حجر فكرى و ثقافى ممنهج.

United States [Mustafa] 01-27-2013 10:04 AM
لا أريد الخوض فى ما قاله الترابى طيب كدا انت ما بتنقد نفسك بنفسك لأنو دا جبن منك انت كمان كان الأفضل تكمل فلسفتك للآخر وتكون شجاع ويخوض فيما قال شيخك
والتحية للمصلين الذين اعترضوا على هذا الترابي (( من راء من منكر.....،الخ))


#568904 [ابوصلاح]
3.00/5 (3 صوت)

01-27-2013 08:57 AM
حتى لاتأخذنا العواطف انا لو والد العريس لن اسمح لكل صاحب رأي ضد الترابي ان يستغل المناسبة فالترابي ايضا ضيف وهو رد منطقي اذا عندك رأي قوله للترابي خارج المسجد او استأذن ووجه اعتراضك


ردود على ابوصلاح
United States [محمد عبد الرحمن] 01-28-2013 03:34 PM
و الله كلامك صاح يا ابو صلاح و اختلاف الراى لايفسد للود قضية و اى انسان له حق الرأى لكن يعبر عنه بادب و احترام لمشاعر الآخرين

United States [عابر] 01-27-2013 02:40 PM
كلامك حقيقة يا سيف (هو وقت دعاء صالح للعروسين بأن يوفقهما الله ويسعدهما ويرزقهما بالذرية الصالحة..) لكن الترابي علي ما أظن ما عايز الدعوات لود غازي , طبعا الثعالب بيعرفوا بعض كويس

United States [سيف الله عمر فرح] 01-27-2013 12:39 PM
ابوصلاح ، ونحن كمان ، حتى لا تأخذنا العواطف ، انا لو والد العروس لن أسمح للترابى ولا لمنتقديه أن يستغلوا مناسبة زواج ابنتى للترويج عن أفكارهم وآرائهم ! ، يتفق من يتفق ويختلف من يختلف مع الترابى او مع غازى ، ولكن ليس الآن ، الآن هو وقت دعاء صالح للعروسين بأن يوفقهما الله ويسعدهما ويرزقهما بالذرية الصالحة..
ونسألك يا ابوصلاح ، هل الترابى طبق فكره الذى يروج له الآن مع نفسه حين تزوج ! ، أو طبقه فى أولاده وبناته حين تزوجوا ؟ .
وفى ظنى الترابى وغازى مدمنان بحب الذات ، والأضواء .

United States [جعلي حر] 01-27-2013 10:04 AM
يا سلام عليك ياريت يا ريت لو كان 20% من السودانيين عندهم ذوق وادب زيك فعلا انت ابو صلاح اسمك يدل علي الذوق


#568894 [هيثم عوض]
5.00/5 (3 صوت)

01-27-2013 08:51 AM
بالله ده زمن يعرسو فيهو فرح فى زمن الهلاك والدمار والموت


ردود على هيثم عوض
United States [محمد عبد الرحمن] 01-28-2013 03:36 PM
ليه مايعرسو ما شبعانيييييين و جيوبهم مليانين

United States [معاوية بابكر] 01-27-2013 06:14 PM
اوع ياهيثم عوض تكون بتاع المختبرات


#568888 [fax]
5.00/5 (2 صوت)

01-27-2013 08:41 AM
خلافهم في السياسة وفي الإعلام لكنهم في بعضهم ( سمن ) علي (عسل)والشعب ضائع ما بين هذا (السمن) و(العسل).


ردود على fax
United States [الحمد لله] 01-27-2013 12:48 PM
هذه هى الاخلاق . لو افترضنا انو هناك اخوين وكل واحد ينتمى الى حزب يختلف عن الاخر ماذا يكون يتقاطعون ويتضاربون فى انتماءات حزبيه هذا قمة الجهل .


#568885 [خالد حسن]
5.00/5 (7 صوت)

01-27-2013 08:39 AM
انا كان بتِ ودامبعلوا مابزوجها لود ابوالقنفد ده
غازي ده شكله وكلامه تجيب شلل الاطفال ..
غايتو كان المنافق الاسمه غازي ده بقي نسيبي بمشي حمدالنيل برجليني ..
ده شخص لايطاق ..
والدجال الترابي عرفت كيف انك بقيت مكروه وملعون من الناس ...
ولسع نحن بنسأل الله انه يريدك الي ارزل العمر .. ونجي ماشي والناس تتفل علي وجهك وتسمعهم بلعنوك


ردود على خالد حسن
United States [محمد عبد الرحمن] 01-28-2013 03:40 PM
نحيييك و الله ياخالد حسن و لا فضف فوك اتلم التعيس على خايب الرجا


#568883 [زول ساااكت]
4.00/5 (2 صوت)

01-27-2013 08:37 AM
انا عايز اقول للناس كلهم أنو المناسبة دي حقتنا ، والما عاجبو مع ألف سلامة !
بعيد عن الترابي والخطبه وووو ..ياخي ماممكن اكون جاي اشاركك فرحتك تقول ليا كده!
بلاهي ياجماعة دا كلام؟..والغربيه طالع من زول قانوني وفاهم كويس!


#568860 [عبدالواحد المستغرب أيما إستغراب!!]
4.75/5 (4 صوت)

01-27-2013 08:21 AM
لاعجب فالجميع يعلم تمام العلم ان غازى سليمان شخص (غير مؤاخذ!!حسب التعبير الدارج) ويجب أن لا نستغرب إذا قال لنا هذا المعتوه يوما ما وهو يوجه كلامه لكل من يحمل جنسيه سودانيه بالميلاد او التجنس على خلفية ما يحدث فى بلادنا(البلد بلدنا والماعاجبو يمشى!!)..وهو حقيقة من النوع القابل للتلفظ بمثل هذا القول دون حياء، والرجل متارجح الفكر وعقله مشوش ونشاء وترعرع على فكرة ان يكون شيئا مهما وصاحب مكانه ساميه فى هذا البلد (الهامل أهله!!) ولم يبلغ مراده فوجد مبتغاه فى هذا الحشد (الهامل)وأخرج ما بنفسه بهذه الطريقه الغير مسبوقه!! عمركم يا ناس سمعتوا واحد عاقل او مجنون..حتى.. تعامل مع ضيوفه بمثل هذا (العنف اللفظى!!)؟ ونصيحتى لابناءه أن يتحفظوا على والدهم فى مكان آمن مستقبلا إذا كانت لهم مناسبه تجنبا للفضائح فمثل هذا الرجل غير مأمون الجانب وربما يتعرض لضيوفه بالضرب او ربما يتخلص من ملابسه امام ضيوفه ويقف امامهم كما ولدته امه!! فالذى تجراء و(كرش) ضيوفه عبر ميكرفون المسجد وقد دعاهم بنفسه لكى (يشرفوه)يجب أن لا يطمئن اليه إلا شخص مخبول مثله!!.


ردود على عبدالواحد المستغرب أيما إستغراب!!
United States [محمد عبد الرحمن] 01-28-2013 03:49 PM
تعرف يا عبد الواحد انا اكتشفت حاجة غريبة عن قطاع كبير من من بلغو ارزل العمر من السودانيين المتعلمين و محضرين دكتوراهات ان اسرهم ما هذبتهم و هم صغار ( اى قبل العلم اخلاقا )فهم شطار و اذكياء و مبرزين فى العلم لكن مع الاسف مال مهذبين و الذى يدعو اكثر للاسف انهم عندهم القابليه لتعلم كل شىء الا الادب و التهذيب ( يعنى الواحد يلقى الكلام على عواهنه بلا ادنى احساس او مراعاة لمشاعر الاخرين ).


#568859 [ابكر]
4.94/5 (6 صوت)

01-27-2013 08:19 AM
والله الزول دا انا شفتو مرة فى قناة امدرمان فى حوار الصحفى ساتى اما سكران اومسطول


#568850 [حماده]
5.00/5 (4 صوت)

01-27-2013 08:06 AM
انا عايز اقول للناس كلهم أنو المناسبة دي حقتنا ، والما عاجبو مع ألف سلامة "بالله ده كلام محامي علي الاقل ديل ضيوفكم احترمهم


#568846 [الراكب الماسورة]
5.00/5 (3 صوت)

01-27-2013 08:04 AM
Birds of feather flock together



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
9.50/10 (3 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة