الأخبار
أخبار إقليمية
الكودة الي كمبالا للحوار مع الجبهة الثورية
الكودة الي كمبالا للحوار مع الجبهة الثورية
الكودة الي كمبالا للحوار مع الجبهة الثورية
يوسف الكودة


01-27-2013 02:40 PM
الكودة الي كمبالا للحوار

ربما يسأل البعض عن سبب سفرنا الي كمبالا للحوار مع من يحمل السلاح من السودانيين ما يعرف ب (الجبهة الثورية) و الحقيقة ورغم ما نحن عليه من مبدأ وقناعة تامة وايمان ب [الكودة] عدم صلاحية استخدام السلاح في التغيير الا ان هذا لا يمنع ابدا ولا يحرم بتاتا مبدا الحوار والتواصل مع اخوتنا هؤلاء من السودانيين ونحن اصلا لسنا مسؤلين عن حملهم للسلاح و ليسأل عن ذلك من دفعهم الي حمله فهي ليست مسؤليتنا ان كانت هنالك مسؤولية ولكن نحن لدينا قناعة قوية بأن هذا النظام الحاكم لا مفر له بل هو قادم لا محاله للتوقيع (ثنائيا) مع حاملي السلاح في الجبهة الثورية سواء ان كان ذلك بضغط من المجتمع الدولي او بارادة خالصة منه واخوتنا في الجبهة الثورية لا شك انهم فاعلون ذلك معه في حال غيابنا ولا عجب ان يفعل النظام ذلك طالما انه قد وقع من قبل اتفاقية ثنائية اولي مع الحركة الشعبية ما يعرف باتفاقية نيفاشا والتي كان من نتائجها ما نحن فيه الان من احوال سيئة وكان ذلك في غياب القوي السياسية بكاملها.

ولا شك ان هذا النوع من الاتفاقيات الثنائية ضار بالبلاد ايما ضرر اذا ما غاب من كان حضوره ضروريا ونحن كقوي سياسية لدينا الحق في المشاركة في ما يخص الشأن العام لبلادنا فلا يجوز عزلنا بحال ولا ان نعزل انفسنا تقصيرا وما حدث من غياب في اتفاقية نيفاشا لا شك انه كان تقصيرا بل جريمة يعاقب عليها الدين والتاريخ ان لم يعاقب عليها القانون ان كان الغياب بارادة الغائب ولم يمنعه مانع.

لذا كان هذا هو السبب في سفرنا الا كمبالا للتفاكر مع اخوتنا عن مصير كثير من القضايا التي تهمنا ومن ابرزها :

1- علاقه الدين بالدولة
2- وحدة ما تبقي من السودان
فان الله استرعانا علي تلكم المقدرات والمكتسبات وسائلنا عنها لذا تحركنا حراكا ضروريا بدلا من البكاء والعويل وحده علي صفحات الصحف وذلك للاطمئنان واعذارا لانفسنا امام الله حاملين معنا مبادرة حوت الاتي:-


حزب الوسط الاسلامي السوداني
مبادرة السودان للجميع

مقدمة:-

ان الهم عند الجميع ينبغي ان ينصب كله في العمل علي تغيير النظام وتهيئة الاجواء للتحول الديمقراطي ولا مانع من التأمين علي ان يكون السودان ( دولة مدنية ) لتحقيق الاتي:
1- التأمين علي وحدة البلاد
2- السعي لبسط الحريات بما في ذلك حرية المعتقد والدين
3- العمل علي ارساء العدل في كافة مناحي الحياة
4- المواطنة هي اساس توزيع الحقوق
5- الديمقراطية والتداول السلمي للسلطة اساسا للحكم
6- السودان بلد متنوع الثقافات
7- نبذ العنف واشاعة التسامح بين المواطنين

أ/ الاتفاق علي ان يرحل كل ما يحتاج الناس فيه الي المشاركة بالرأي من المواطنين الي فترة ما بعد التغيير مثل :
1- علاقة الدين بالدولة
2- كيفية نظام الحكم
3- وغير ذلك من قضايا شبيهة

ب/ في الحوار مع النظام :
وللوصول الي تغيير كامل للاوضاع في البلاد حسب ما يريد الجميع من قوي ثورية واخري سياسية ودون ان يتم ذلك باثمان باهظة كما هو مشاهد في كثير من المناطق بدخولها في دوامة اخري من صراع مستمر بين ابناء الوطن الواحد فنحن نري ما يلي :

* ان يلتزم النظام بالاتي :
1- تكويين حكومة قومية
2- عقد مؤتمر دستوري جامع
3- انتخابات مبكرة با شراف دولي كامل لتحري النزاهة والشفافية
4- العمل علي اصلاح الخدمة المدنية بما يحول ان يكون لها تأثيرا سالبا في العملية الانتخابية لصالح المؤتمر الوطني

ج / في ما يلي الجبهة الثورية :
1- الالتزام بالقاء السلاح متي ما توفر ما يدعي لذلك
2- القبول بالدخول في مفاوضات مع النظام ولا عزل له وفق ما تم الاتفاق عليه من شروط
3- القبول بعرض ذلك علي كافة القوي السياسية

د/ في المؤتمر الدستوري الجامع :
يترك للمؤتمر الدستوري الجامع :
1- تحديد مدة الفترة الانتقالية
2- تحديد تاريخ الانتخابات
3- تنظيم عملية وضع دستور دائم للبلاد

وبالله التوفيق
التوقيعات:
حزب الوسط الاسلامي الجبهة الثورية
................................... ...............................
....../......./2013م


تعليقات 37 | إهداء 0 | زيارات 5848


التعليقات
#572660 [بهاء]
0.00/5 (0 صوت)

01-31-2013 08:06 AM
يا ناس الراكوبة الشعب السوداني عاطفي ومسالم يعني ناس الجبهة الثورية إذا مسكوا الحكم وسلموه للشعب حيجي واحد يقطف الثمرة في النهاية ويتحكم في رقاب الناس بمجرد ان يمسك السلطة وبعدين تتحسروا على زمن الإنقاذ والمؤتمر الوطني ,, وروني دي حيحلوها كيف إذا لم تحل أزمة الضمائر زي ما قال محمود محمد طه , وفي النهاية العمر ينتهي ويكون الواحد ماحقق أي شئ في حياته


#570329 [عماد]
0.00/5 (0 صوت)

01-28-2013 04:28 PM
والله لو نفض ايدو من الحكومة وقال كل المدسوس بوضوح فالساكت عن الحق شيطان اخرص على الاقل يعترف بفشل الحكومة وفسادها ممكن نقول انو الزول تاب وكلامو دا لو قالو اى زول تانى حيكون مصيرو شنو مع صاحبنا ابو مركوب


#570323 [الدقداق خطر]
0.00/5 (0 صوت)

01-28-2013 04:14 PM
مرسل من الجماعة يا كذاب

حركات منك و بس --- كيزانك دخلوا حيص مبص


#570244 [سوداني صفر علي الشمال]
0.00/5 (0 صوت)

01-28-2013 02:10 PM
كلام منطقي جدا جدا


#570183 [بهاء]
0.00/5 (0 صوت)

01-28-2013 01:11 PM
يا اخ [mabba ashoni مين القالك أنو الكودة مرسال من الحكومة ؟؟ هذه مبادرة من الرجل وعسى الله أن ينفع بها وبعدين ما تقولو ناس الحكومة مزنوقين ديل ثابتين ثبات قوى بدليل انو كل المحاولات لم تنفع معهم وممكن الكودة يرفض إذا كان ما مقتنع بالمشي لكمبالا؟؟ وبعدين كلامه عن الكندوم فهو عين العقل حتى لا يحصل حمل وفضايح ,, وبعدين الفضيلة التي تتكلمو عنها فمازال الناس بعيدين كل البعد عنها وماممكن تخلي الشاب مع الشابة يتسكعون في الظلام وتحت الأشجار وبعدين تقول حنربيهم على الفضيلة متى تربيهم على الفضييلة ,, أولاً مفروض الشباب يتزوج قبل أي شئ وبعدين شوف الحلول التانية


ردود على بهاء
United States [jempower power] 01-30-2013 09:11 PM
كل ما نريده من الجبهة الثورية ان تترك للشعب السودانى ان يختار كيفية حكم نفسها والا لم يكن هناك جديد فى الامر


#570001 [علي]
0.00/5 (0 صوت)

01-28-2013 09:58 AM
موقف عقلاني يعبر عن صحوة سياسية واعتراف بالاخر
هذا بالضبط ما ينقص هذه البلاد الطيبة والمعطاة منذ استقلالها غياب الحكمة السياسية وإذدراء الاخر والأستخفاف بآراءه. يحسب للجبهة الثورية كونها بكفاحها ونضالها الوطني أستطاعت وضع سياسينا على العتبة الأولى لسلم الحل الوطني.

شكراً الكودة
شكراً الجبهة الثورية


#569759 [mabba ashoni]
0.00/5 (0 صوت)

01-28-2013 06:33 AM
نعم انه مرسال من الجماعه بعد الزنقه التي بدأت تلوح بوادرها في الافق. الكوده احد رموز الكوزنه المخفيه والتي لها اضلاع واحزاب سياسيه متعدده ومسميات مختلفه يستخدمها النظام وقت الحاجه وعند الضروره ليخغي وجهه الكالح القبيح للخروج من المآزق التي يقع فيها. بل يجب الحذر من الكوده واشباه الكوده فهم كثر ومعروفون لدي الجميع يظهرون في الاوقات التي تضعف فيها حيلة الحكومه وعندما يشتد عود الجبهه الثوريه. يدعون معارضتهم النظام وهم ينهلون من نعيمه الزائل.فهذه واحده من الالاعيب التي يستخدها النظام. للمعارضه رموز معروفون وقائمون علي امر المعارضه ولم يتدنسوا بقذارة النظام.
يجب العمل الجاد من اجل اسقاط النظام ومحاكمة كل الذين تعاونوا معه وساهموا في تقتيل وتجويع وتشريد الشعب السوداني.
اما اباحة الشيخ/ الكوده لاستخدام الواقي الذكري للزناة فانها لا تعنينا في شيئ لانها ليست من شيمتنا ولا ندعوا الي ذلك وانما ندعوا الي الفضيله وتدعيم القيم السودانيه الاصيله التي عمل النظام الاسلاموي في الخرطوم على محوها في واقع الامر.
اننا نحذر مرة اخري بعد فشل مهمة الشيخ/ الكوده سوف يبعثون بأناس آخرين لم تعهدوهم من قبل.
والدلاله واضحه ولن تمر مرور الكرام على الجبهه الثوريه.


#569676 [صديق مهدي هباني]
0.00/5 (0 صوت)

01-28-2013 12:23 AM
كلام جميل ياكودة وربنا يوفقك وربنا يهدي العصابة الحاكمة السودان لكن يجب محاكمة القتلة علي. جراءم دارفور وجبال النوبة وتعزيب المواطنين وقتل الطلبة في الجامعات ونهب المال العام والفساد الاداري .


#569656 [كوشن تود]
0.00/5 (0 صوت)

01-27-2013 11:45 PM
كلامك كل سمح ألا الجلوس والتفاوض مع الحكومة .


الحساب ولد والبادي أظلم .


الكيزان لازم يتحاسبو حساب عسير .

العملو فينا الكيزان يا أخوي كودة ما بسيط .

ما ممكن ننسي مجدي محجوب ولا أحواننا الماتو في كجبار ولا في جامعة الجزيرة والألاف في دارفور وجبال النوبة والانقسنا .

الكيزان ظلمونا ظلم الحسن والحسين .

باعوا شرفنا -- وزرعوا الرزيلة في وطننا الحبيب .
عملوا فينا كل شئ كعب .


#569608 [كتاحة]
5.00/5 (1 صوت)

01-27-2013 10:33 PM
غايتو الجماعة ديل مغلغلين منير رماح معاهم جنس غلغلة

حالتو الصورة دي بعد الفوتوشوب .. برنامج الفوتوشوب بكون نفسو قام

عموما و بعيدا عن السخرية قد ينجح هذا الرجل في مسعاه و رغم سخريتي منه اعلاه الا انني

احترم فيه عدم تزمته و انفتاحه النسبي و فهمه الصحيح للاسلام .. فلنمنحه فرصة ..... لعل و عسى


#569581 [عباس الرهداوى]
5.00/5 (1 صوت)

01-27-2013 09:26 PM
يلا خلونا من كودا و فجل احمر


#569576 [عواد]
0.00/5 (0 صوت)

01-27-2013 09:20 PM
الكودة ده راجل وواضح وضكران لمواقف كثيرة ما ذى بنى كيزان ارجو احترام مواقفه واراءه !!!


#569572 [الأسد]
5.00/5 (1 صوت)

01-27-2013 09:17 PM
أنت ياكودة بعد ساعة الصفر ؟ تريد شنو ؟؟؟


#569566 [ودالجزيرة]
5.00/5 (1 صوت)

01-27-2013 09:10 PM
التفاوض مع ديل مجرب ومابنفع معاهم الا لغة البندقية ولا ننسى تصريح أظلم من ظلم (نحن أخذنها بالبندقية العايز يجى ياخذها بالبندقية)

كافر بالإنقاذ


#569551 [سودانى منفرج الأسارير]
0.00/5 (0 صوت)

01-27-2013 08:46 PM
يا جماعة الخير .. ختوا الرحمن فى قلوبكم .. أدّوا الراجل فرصه .. عسى بل لعل ياتيكم بقبس ينبر لكم جزءا من الطريق .. الجماعه الثوريون اللة فى كمبالا عندهم حضورهم الذهنى الواسع المتنوع المرتكزات فضلا عن قدرات القياده الواعيه قومية التوجه الموصوفه بالمهنيه غير المسبوقه للتعرف على ألآخرين من عيونهم ونظراتهم ولحاهم ذات التاثير الذى قد احينا ينعكس ايجابا على مسارات المعرفه بدواخل النفوس ان كانت حاملة لفيروس تكامل الأدوار او لتامين ألأحتياجات المرحليه عبر اسناد استراتيجى نافذ متعدد الجوانب والمقاصد الرساليه .. دون الأطالة مع ألأنزال النوعى المعبر عن المصالح والتطلعات كونوا متفائلين وقابضين على زمام قوافل الدعم والمسانده لما تتمخض عنه استراتيجية الشيخ كحزمة معالجية لأعادة بناء الثقه وتمتين العلاقات الحميميه فى اطار انفاذ الخطط المنبثقه عن تلك الأستراتيجيه والقيام بترجمتهاالى برامج عمل مرحليه لمواجهة التحديات والتصدى لامهات القضايا فى تعاون بينكم غير مسبوق للحفاظ على ثروة الموروثات الأنسانيه.. قوموا لصلاتكم يرحمكم الله..


#569536 [عصمتووف]
4.00/5 (1 صوت)

01-27-2013 08:27 PM
لديكم 17 بند مقسمة علي ا ب ج البند ال18 هل سقط سهوا جرائم القتل التعذيب السرقات الفصل من الخدمة طرد الجنوب هل شاورتم أهل تلك المظالم ونلتم تفويض منهم بالمسامحة أم فوضكم المؤتمر الوطني جس نبض


#569525 [السودنة]
0.00/5 (0 صوت)

01-27-2013 08:11 PM
فلتعمل ايها الكودة و غيرك ان ثوار السودان عازمون على إقامة دولة القانون ولن يفر هؤلاء الراقصين البذئيين الذين لا يمضى يوم إلا وهم ينعتون شعب السودان باقزز الالفاظ واسواءها من العدالة على جرائمهم الشيطانية بحقنا وحق بلادنا ومواردنا...
ثوار السودان هذه المرة لا يتحدثون عن إنتفاضه شعبية لتتغير نظام الحكم فقط , بل ثورة بكل ما تحمله من معنى وإستئصال شافةالفساد والنفاق والكذب على الله والناس...


#569511 [Almo3lim]
4.50/5 (2 صوت)

01-27-2013 07:47 PM
و نعم يا ( الكوده) ... بس الحلو ما يكملش ..

سبق و أن قدمت نفس الأطروحات عبر عشرات المبادرات و ذهب الناس إلى أبعد من ذلك و هو(الخروج الآمن )"للرئيس و جماعته" (غتغتة الجنائية) فهل تفاعل معها النظام؟ ..

لا ... بل زاد صلفا و بالأمس يقول نافع بأننا تحت (مراكيبهم) !!!

مبادرة(أهل السودان)كانت أقوى وثيقة توضح (وطنية و جدية و صدقية) المعارضة و حرصها على أن يبقي السودان موحداو قويا وأن يتجاوز الناس كل أخطاءالماضي المفضية إلى ( توم& جيري) " ديموقراطية & شمولية" لكن إنقلب عليها النظام و رمى بها وراء ظهره و عقد مؤتمر ( كنانة) الذي (عزز) فكرة الإنفصال لدى الجنوبيين و حاول النظام سرقتها بإقصائه (ممثلى المعارضة) في المفاوضات مع جبهات دارفور و من ثم ركن إلى مفاوضات الدوحة التي لم تستقطب إلا (المنتفعين) من أبناء غرب السودان أمثال السيسي و أبو قردة و من ثم تعينهم في مناصب لم تحل القضية الدارفورية بأي صورة من الصور ووجدوا أنفسهم يحلون محل مناوي كنباتات الزينة مجرد ديكور في القصر الرئاسي !!!!

لن نقول لك لا تذهب يا أستاذ(الكودة) لكن فلتعلم بأن "بعضا" من رؤاك "مرفوضة سلفا" ليس من قبل التحالف فقط ، لكن (أولا) من قبل جماهير الشعب التي تجاوزت ماهو معروض بمئات السنين الضوئية و لا مجال لسياسة( عفا الله عما سلف)إلا بعد تسوية ( الغبن و المرارات و رد الحقوق لأهلها).

نعم للدولة المدنية دولةالمواطنة نعم للسلام و نعم للحوار و نعم لإلقاء السلاح و نعم لكل ما يقوي السودان و يجمع ما تبقى منه ، لكن لا و ألف لا للتسامح مع من أرتكب الفظاعات على مدى 23 عام و يحتمها بأننا (تحت مراكيبهم) فهذه مرارات لا بد من تصفيتها و تسويتها (برفعالغبن و المرارات و رد الحقوق لأهلها)، و لو بعد حين ...


#569506 [بو المحضار]
0.00/5 (0 صوت)

01-27-2013 07:32 PM
في زول عارف تاريخ الكودة دا يا جماعة غايتو انا شايف كمبالا دي الزول داء ماشبها دايرة ليها زول بعاتي الزول داء من فئة الحناكيش ما بنفع شوفو اب ساطور ممكن اداوس كان دعي فقة الضرورة


#569492 [شق زروق؛جارالنبي]
0.00/5 (0 صوت)

01-27-2013 07:16 PM
طبعأ الجماعه ديل الوطه اظلمت ليهم بعد نورالفجرالجديد
ورسلوك للأشاوس ديل بس ابقي قدر كلامك ده وماتنبرش تقع
من اول نفخه من ابوعفين ؛ولوكنت فعلأ مقتنع وده مبداء ثابت فعليك باللحاق بالركب؛
بس اعمل حسابك ماتجي راجع بالمطار؛


#569489 [طيره]
5.00/5 (2 صوت)

01-27-2013 07:10 PM
عجبا لشيوخ ناعمه بشرتهم شبعه بطونهم يقولون قال الله ورسوله ويدهم مغموسه فى صحن الكيزان ياكلون ويشربون من ظهر المواطن الذى لم يجد شيخا ناصحا لشرزمة اللصوص م اكل حق الناس بالباطل بل ونجدهم يطبلون فى كل مناسبه يدعوهم لها شيخهم الطيب مصطفى حتى اصبحت فتواهم بالمقاس يحرمون مالايناسبهم ويحللون مايناسبهم


#569487 [حليم-براغ]
5.00/5 (1 صوت)

01-27-2013 07:04 PM
والله لا أديس بتنفع... و لا كمبالا بتنفع... ولا جن الأحمر بينفع ولا مفاوضات بتنفع... 24 سنة والنفخ في قربة خرمها كبير جداً... السودان راح في شربت شربوت... البينفع الموت من أجل الوطن البينفع الإغتيالات ... تفجير مقرات الحزب الحاكم... وبيوت كلاب أخوان الشيطان...وقتل كل من تلاعب بقوت الشعب السوداني وخاصة شواذ الأمن ... ناس عبد الخالق والشفيع ومحمود محمد طه وهاشم العطا ورفقائة ماتو رجال من أجل السودان... وهم الأن يحسرون ويتألمون في قبورهم لما وصل اليه حال أهل السودان...رحم الله الشهداء والشرفاء من أبناء السودان... أصحوا وفوقوا من نوم الله الكهف يا أهل السودان... وما تخلوا العالم يضحك علينا ... أصبحنا مهذلة شوية انذال يعملوا فينا العاوزينوه.


#569475 [امين الشريف]
0.00/5 (0 صوت)

01-27-2013 06:52 PM
اعتقد انه مجهود مقدر من الدكتور يوسف الكودة

لكن في رايي ان المبدا الاساس للفجر الجديد هو اسقاط النظام

وهذا اساس لا تفاوض حوله وسيقوم عليه ما تبقى من روى ربما

يتم قبول التفاوض حولها الشيء الوحيد الغير مقبول هو التفاوض

اسقاط النظام واجب وطني وكما افتى شيوخ الدجل الكهنوتي علماء

الحيض والنفاس بتكفير كل من وقف مع الفجر الجديد نحن لا نكفر احد

لكننا نقول من وضع يده فوق يد النظام فهو خائن للوطن ومن يهادن

ويشرك ابناؤه في النظام المجرم فهو خائن للوطن وشريك في جرائم النظام

ومن يهادن ايضا فهو خائن للوطن شريك في جرائم النظام -

اسقاط النظام ومحاسبة مجرميه واجب وطني يمليه الضمير الحي على كل وطني

غيور على ارض الوطن وشعبه المنكوب ...


#569414 [عشان كده]
5.00/5 (1 صوت)

01-27-2013 04:58 PM
ما فى جديد فى المبادرة دى فيماعدا حضور الكودة الي كمبالا للحوار مع حاملى السلاح.. بس يا ريت يا الكودة لو بتثبت فى قناعاتك دى وما تبقى زى الصادق المهدى تقوم تنط فى اول زنقة فى حكاية (لا مانع من التأمين علي ان يكون السودان ( دولة مدنية )) وتشبكنا توحيد اهل القبلة.. السودان متعدد الاديان والثقافات عشان كده يكون الهم الوطنى توحيد اهل السودان كافة..


#569408 [منديل جميل]
5.00/5 (2 صوت)

01-27-2013 04:46 PM
الجماعة قالوا الروب يا الكوده قاموا رسلوك مش؟


#569383 [kuwal]
0.00/5 (0 صوت)

01-27-2013 04:18 PM
هؤلاء يفسرون بعد جهد الماء بالماء ....؟؟


#569377 [Yaguob]
4.75/5 (3 صوت)

01-27-2013 04:10 PM
Why you are not mentioned the judgement and equality and accountability and ICC?


#569370 [elfatih]
0.00/5 (0 صوت)

01-27-2013 04:03 PM
لا مفاوضات لا جلوس مع هؤلاء الشرزمه الطفيليون






الحاضر يكلم الغائب يا شباب لابد ان نتفق من الأن على مقاطعة الانتخابات مهما كانت المغريات حتى نحافظ على ما تيقى من وطن


#569365 [دولار]
3.50/5 (3 صوت)

01-27-2013 03:58 PM
يا كودة ما قلنا ليكم حوار (نهي كرتاهيه) !!!!

بعدين اعمل حسابك كمبالا دي فعلا محتاجة (كندوم) !!!!!!!


#569355 [RBG]
5.00/5 (2 صوت)

01-27-2013 03:54 PM
إذهب إلي كمبالا وستجد من يسستمع إليك, ولكن _ لا تنازل عن رحيلكم
وإلي الأبد,,,, رحلة الرمق الأخير


#569346 [fadeil]
0.00/5 (0 صوت)

01-27-2013 03:31 PM
من هو الكوده هذا ؟ في اعتقادى أن هذا الرجل ما هو الا أحد أعمدة فقه الستره وبلاش شيطنه والدليل واضخ وضوح الشمس من الصوره أعلاه .


#569345 [حيدر خلف الله]
4.50/5 (2 صوت)

01-27-2013 03:31 PM
حتى لو كان مرسال او غواصه اعتقد انه يحمل ما هو جدير بالتفاوض .


#569334 [azeem]
4.75/5 (3 صوت)

01-27-2013 03:18 PM
سفر البن دق وحرق


#569330 [fax]
0.00/5 (0 صوت)

01-27-2013 03:15 PM
لا تستقبلوه ولا تتفاوضوا معه إنه ( غواصة ) و رسول النظام إليكم يريد شق صفوفكم وبلبلتها , اثبتوا علي مواقفكم وأهدافكم وفجركم الجديد ولا تلقوا أسلحتكم أبداً أبداً, هذا الرجل يحمل في لحيته كل خبث ودهاء فهو شبيههم ومنهم.


#569328 [Kantoosha Khamis]
3.00/5 (2 صوت)

01-27-2013 03:10 PM
انت مرسال يا كوده؟


ردود على Kantoosha Khamis
United States [mabba ashoni] 01-28-2013 06:31 AM
نعم انه مرسال من الجماعه بعد الزنقه التي بدأت تلوح بوادرها في الافق. الكوده احد رموز الكوزنه المخفيه والتي لها اضلاع واحزاب سياسيه متعدده ومسميات مختلفه يستخدمها النظام وقت الحاجه وعند الضروره ليخغي وجهه الكالح القبيح للخروج من المآزق التي يقع فيها. بل يجب الحذر من الكوده واشباه الكوده فهم كثر ومعروفون لدي الجميع يظهرون في الاوقات التي تضعف فيها حيلة الحكومه وعندما يشتد عود الجبهه الثوريه. يدعون معارضتهم النظام وهم ينهلون من نعيمه الزائل.فهذه واحده من الالاعيب التي يستخدها النظام. للمعارضه رموز معروفون وقائمون علي امر المعارضه ولم يتدنسوا بقذارة النظام.
يجب العمل الجاد من اجل اسقاط النظام ومحاكمة كل الذين تعاونوا معه وساهموا في تقتيل وتجويع وتشريد الشعب السوداني.
اما اباحة الشيخ/ الكوده لاستخدام الواقي الذكري للزناة فانها لا تعنينا في شيئ لانها ليست من شيمتنا ولا ندعوا الي ذلك وانما ندعوا الي الفضيله وتدعيم القيم السودانيه الاصيله التي عمل النظام الاسلاموي في الخرطوم على محوها في واقع الامر.
اننا نحذر مرة اخري بعد فشل مهمة الشيخ/ الكوده سوف يبعثون بأناس آخرين لم تعهدوهم من قبل.
والدلاله واضحه ولن تمر مرور الكرام على الجبهه الثوريه.


#569327 [Al Shanggar]
0.00/5 (0 صوت)

01-27-2013 03:07 PM
و هو أحد الذين تم تنذيلهم من "قطار الليل"....و منذ ذلك يحاولون "التشعبط" مرة تلو ألأخري...و من أراد أن يري النفاق يمشي علي رجلين فحسبه الصورة أعلاه.


ردود على Al Shanggar
United States [فيصل هحمود] 01-27-2013 07:01 PM
الخوا الزىن يسمو الجبه السوريه هم بلا وطن وبلا اهد شنو الكلم مرا الحركه الشعبيه ورا شنو ما خشو فى الموضع القوات الشعب المسلاح كيف تعرفكون السودان ما ادركا ما السودان\\\\\\\\\\\\\\\\السودان محروس بى السودانين هم افسهم لالس المضمين بي الشهاد الملاد نترك الكلام لى اليام تعرف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (3 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة