الأخبار
منوعات سودانية
ضابط برتبة رفيعة يقتل نظامياً بسبب شحنة فحم
ضابط برتبة رفيعة يقتل نظامياً بسبب شحنة فحم
ضابط برتبة رفيعة يقتل نظامياً بسبب شحنة فحم


01-28-2013 06:21 AM
سنجة - منى ميرغني

أوقفت شرطة سنجة ضابطاً برتبة رفيعة رهن التحقيق بعد قتله نظامياً بسبب شحنة فحم.
وقال مصدر موثوق - إن الضابط كان يستقل عربة (لوري) بها شحنة فحم بمعية شقيقه، وعند وصولهما نقطة (شيكا) استوقفهما نظامي يتبع لشرطة الغابات، وطالبهما بالمستندات التي تثبت أحقيتهما بشحنة الفحم، فنشب شجار بين الطرفين ليقوم بعده الضابط بتناول سلاحه وإطلاق الرصاص على النظامي الذي سقط قتيلاً. وتم تدوين بلاغ بشرطة سنجة والتحفظ على الضابط، وما زالت التحريات جارية.

المجهر


تعليقات 28 | إهداء 0 | زيارات 6853


التعليقات
#570822 [kola]
5.00/5 (1 صوت)

01-29-2013 08:41 AM
اشان تعرفوا انو اغلب البدخلوا الشرطة ديل فاقد تربوي


#570534 [العربى]
1.00/5 (1 صوت)

01-28-2013 10:27 PM
الضابط الشفت دا ما شاف ناس المرور ديل لكن المرحوم الله يرحمه لما شاف الضابط ماكان يحيهو ويعمل حميل اللداحة فوق ام كم لكن اشك ان الشحنة فحم ولا حتى فحم حجرى الشحنة حاجة تستاهل يكتلوا فيها رقبة له الرحمة ولاهله الصبر الجميل


#570439 [التوم]
5.00/5 (2 صوت)

01-28-2013 07:22 PM
أخشى ان يكون الموضوع أكبر من فحم يكون هناك حشيش وسلاح وذخيره مهربه للخرطوم كل الاحتمالات وارده ولا اصدق ان يكون موضوع تصريح او ايصالات رسوم او يجبر لدفع رسوم ويكون الثمن قتله ... الله أعلم ولكن نرجو من الراكوبه متابعة الخبر واعلامنا اذا الله حيانا من الموت .اللهم ارحم شعيد الواجب وعلى اولياء الدم المطالبه بالقصاص نرجو المطالبه بالقصاص لكل نظامى يقتل مواطنا عمدا او ضربا .


ردود على التوم
United States [nagatabuzaid] 01-28-2013 08:24 PM
اتفق معك


#570434 [Adil]
0.00/5 (0 صوت)

01-28-2013 07:18 PM
من المفترض ان يكون العنوان كالاتى تاجرفحم كبير يقتل نظاميا اثناء تادية واجبه


#570388 [اب جقادو]
5.00/5 (2 صوت)

01-28-2013 06:12 PM
عادي زي الزبادي في حكومة المؤتمر هناك حالات اسواء بكتير من الحالة دي .. اللهم لا تسلط علينا بذوبنا من لا يخافك ولا يرحمنا


#570373 [دقة لندن]
5.00/5 (1 صوت)

01-28-2013 05:50 PM
انها السلطة المطلقة ...كما تسمى في القانون . ويشعر صاحبها بأنه فوق رقاب الجميع ... لا رقيب او حسيب يفعل ما يشاء ....و شكراً للمشروع الاسلامي الحضاري .


#570330 [سلاق بيض]
0.00/5 (0 صوت)

01-28-2013 04:29 PM
العسكرية رتب.. والمسكين الله يرحموا ما اتصرف أو ديل ما اتصرفو معاهو صاح..


#570328 [حسبو]
0.00/5 (0 صوت)

01-28-2013 04:27 PM
دي نتيجة الشريعة ام حصانة ما في حد خايفة من حاجة طالما عندو حصانة و الحصانة ما يفكها الا المشير البشير كبير الحرامية و المشهور ب لص كافوري -- بدليل ضابط النظام العام قاتل الشهيدة عوضية لا يزال حرا طليقا و لم يحقق معه و بالتالي لم يقدم الي محاكمة و بالعكس هنالك ضغوط كبيرة علي اسرة الشهيدة للتنازل و شطب القضية -- و الناس لو عايزة تغير هذا الوضع المزري عليها بدعم وثيقة الفجر الجديد لانها تعتبر اول خطوة جادة في الطريق الصحيح لاسقاط هذا النظام المتهالك .


#570277 [محمد عبد الرحمن]
5.00/5 (2 صوت)

01-28-2013 03:03 PM
هو ذاتو ضابط بى رتبة رفيعة شنو البيركبو فى لورى فحم ؟


ردود على محمد عبد الرحمن
United States [nagatabuzaid] 01-28-2013 08:26 PM
قالوا ليك مهرب تقول المركبه فى اللورى شنوا

United States [cour] 01-28-2013 04:54 PM
انت وهم ولا عبيط ضابط كبير يعنى تاجر كبير دا شغل الناس ديل حاول تفهم


#570206 [الكلس]
5.00/5 (2 صوت)

01-28-2013 01:36 PM
غياب دولة القانون كل شيء متوقع نسال الله ان يرحم البوليس فهو صائب فيجزيه الله خيراً فربما يكون شهيداً


#570175 [التوم]
3.50/5 (3 صوت)

01-28-2013 01:02 PM
اضربوا الضباط ضربهم بلا يخمهم هم شنوا يعنى بالامس ضابط ضارب جندى فى مستشفى بالخرطوم وقبلها ضابط قتل المرحومه عوضيه عجبنا وكثير كثير . اضربوهم اقتلوهم قاتلهم الله هل اى ضابط يحق له ان يحكم بالاعدام ؟ عموما السودان اصبح بلفد تصفيات واختلاسات واغتصاب وتهريب وغيره بعد كده القوى ياكل الضعيف ... ثم ثانيا اذا هناك شخص اختلس قمنا عليه واذا هناك شخص أخلص قمنا عليه واتهمناه بالرشوه طيب ماذا تريدون ان امة محمد مازالت بخير فيهم الشريف العفيف الذى يخاف الله الواجب فوق كل رتبه ووظيفه مهما على شأنها


ردود على التوم
United States [هدهد] 01-28-2013 08:38 PM
والله يا التوم نحن لا يهمنا نظامى ولا غير نظامى ضابط والله جندى من يحترم نفسه يحترم ومن يتطاول ويمد يده او سلاحه فتصفيته واجبه وفورا بصرف النظر عن هويته دى قلة ادب من الكيزان عايزين عساكرهم يطلعوا لينا فى راسنا ويخوفونا بهم !!!!!!!!وانا شخصيا لو كان لى علاقة بالمرحومة عوضية ما تركت هذا العسكرى الذى قتلها يتبختر خطوة واحدة والباقية التبقى حياة بعزة او موت بشرف .

United States [nagatabuzaid] 01-28-2013 08:30 PM
لانه الضباط هسع ما ضباط ديل ضباط من منازلهم ياحليل زمن الضباط والمحيرنى فى ضباط يعيوات زمان كان شرط اساسى الطول والجسم السليم


#570163 [كول بالروب]
4.88/5 (4 صوت)

01-28-2013 12:49 PM
هذة نهاية الدول التي تتفشى فيها الواسطة , الظهر , التزكية , او انا من طرف فلان او الزول دا هوا , او دا زولنا و القائمة طويلة وبايخة ولكنها اصبحت واقع للاسف. الرحمة لهذا المرحوم وربنا يعين اسرتة.


#570153 [معاوية]
5.00/5 (1 صوت)

01-28-2013 12:33 PM
بس الظابط يكون من ظباط الكيزان الدخلوهم عرضا فى العسكريه وادوهم السلاح لقتل كل من يعترض تجارتهم المرخصه والتى جاءو من اجلها للسلطة لك الله يا وطنى


#570101 [محمد مصطفي مجذوب]
5.00/5 (1 صوت)

01-28-2013 11:40 AM
اللهم انت العالم ببواطن الامور فارحم الفقيدين من احسن منهم من اخطأ
العزاء لاهل السودان قاطبة في حراس ثغره وولاة امرهم وامره
وفي عسكره وفي امنه
نسأل الله ان يبدلهم بمن يصلح وان يسلط علي من تسلط علي من ضعف حاله وعلي من استضعف من هان امره من لا يخافه ولا يرحمهم


#570074 [ود تلودي]
3.50/5 (2 صوت)

01-28-2013 11:11 AM
مبروك الطلقة يا مرحوم

واكيد الميت بتاع شرطة وجاري وري مسح الشنب


#570017 [طارق الباز]
0.00/5 (0 صوت)

01-28-2013 10:08 AM
This is what they call power abuse


#570012 [راي اخر]
5.00/5 (1 صوت)

01-28-2013 10:06 AM
وليه يا جماعه ما فكرتو انو بساعد اخوهو المغلوب علي امرو وسط تجار الكيزان البيمرو مروور الكرام في هذه النقاط عشان مسنودين جبهجيا ... وهذا التاجر المغلوب علي امره وسط الحيتان الكبيره قد استعان باخيه ظنا منه انه سيمرره ولكن زز ليس كل ضابط له سلطه الطيزان حتي يعبر والنظامين وبالاخص الجنود ليس لهم احترام لاي شخصيه ضابط او طبيب او مهندس او حتي قاضي بل يحترم الكاش والغاش والطيزان


ردود على راي اخر
United States [ناجي] 01-28-2013 02:04 PM
الطيزان دي حلوه ،،، لقب يناسبهم تماما حيث ان همهم وفقههم كله ينحصر ما بين السبيلين لعنة الله عليهم


#570005 [برعي حسن برعي]
0.00/5 (0 صوت)

01-28-2013 10:02 AM
فعلا يستاهل العسكري لانو زول وهم ما بفهم تلقا ما بعرف يقرا زاتو


ردود على برعي حسن برعي
United States [بابكر] 01-28-2013 11:00 AM
معقول يابرعي هذا المفهوم أن العسكري إذا قام بواجبه وهو لا يقرأ ولا يكتب يجب قتله


#569861 [المحمدي محمدسعيد]
5.00/5 (3 صوت)

01-28-2013 07:57 AM
اي زول شاحن فحم تبش عجور بامبي تمر بأي نقطة تفتيش جباية لازم تدفع كان شايل معاك ورق مرور للجنة ؛ لكن ربنا جعل كيدهم في نحرهم ، ويا هو دا السودان ، والعايز يجرب يمشي يشحن رملة يشوف حا يخلو من غير المعلووووم. اللهم ربي عجل بالفرج على الامة السودانية.


#569843 [الرمنـتــــــــــوج]
5.00/5 (1 صوت)

01-28-2013 07:44 AM
معقولة بس؟؟؟؟؟؟......بالبساطة دي!!!!!!!!!


#569837 [ادم ادريس]
4.50/5 (3 صوت)

01-28-2013 07:41 AM
العسكريه مبنيه على الخطأ وهذا الضابط يعتبر ان الجندي قد خالف الاوامر وهذه عقوبه عاديه حسب فهم الجاني وسوف لا يعدم هذا هو الاستبداد انظر الى قانون القوات المسلحه هذه الانظمه تفتقر الى ابسط معايير العداله اعلم ان هذا الضابط عنده حصانه وسوف لم يحاكم في محكمه عاديه الا بعد نزع الحصانه وربما لاتنزع


#569831 [مريود]
5.00/5 (1 صوت)

01-28-2013 07:39 AM
خلاص اشرب.
كل واحد شايل سلاح مرخص يحسب نفسه سيد الناس .
ما أعطوك السلام للنهب وتهريب الفحم .


#569828 [عوض الحسن]
5.00/5 (5 صوت)

01-28-2013 07:36 AM
لقد أخطأ المرحوم بتصديه لسعادة الظابط المحترم .. فهكذا هي الحال في بلد التسيب .. وإسغلال المناصب للثراء .. وكثير من الظبط إلا القلة القليلة .. جواز مرورهم لأي خدمة أو واسطة هو البدلة العسكرية .. وعاشت حكومتنا الإسلامية؟؟؟؟؟؟


#569810 [algandawi]
5.00/5 (2 صوت)

01-28-2013 07:24 AM
أيه المشكلة ما هي خربانة من كبارها؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة