الأخبار
أخبار إقليمية
لعدم صرف متأخراتهم استحقاقاتهم ،،وقفة احتجاجية للعاملين بالتلفزيون
لعدم صرف متأخراتهم استحقاقاتهم ،،وقفة احتجاجية للعاملين بالتلفزيون
 لعدم صرف متأخراتهم استحقاقاتهم ،،وقفة احتجاجية للعاملين بالتلفزيون


القوات النظامية قامت بحراسة سور التلفزيون من الخارج
01-28-2013 08:59 AM


الخرطوم: رقية الزاكي - انتصار فضل الله:

شهدت مباني التلفزيون القومي أمس، وقفة احتجاجية داخل حرم مباني التلفزيون، طالب خلالها منسوبوه بدفع متأخراتهم واستحقاقاتهم منذ يونيو العام الماضي حتى اليوم، والمتأخرات عبارة عن منحة. وردّد المحتجون شعارات مناوئة لمدير التلفزيون وطالبوا برحيله.

وتدخلت القوات النظامية وقامت بحراسة سور التلفزيون من الخارج دون وقوع احتكاكات مع المحتجين الذين لم يغادروا مبنى التلفزيون. وطالب العاملون بالتلفزيون بضرورة معالجة استحقاقاتهم فوراً، وأشارت مصادر بالهيئة إلى عدم اعتراف المدير العام بالاستحقاقات والإيفاء بحقوق العاملين.

وعلمت (الرأي العام) بأن نقابة العاملين وعدت بحسم القضية خلال اليومين المقبلين، فيما قرر العاملون الاستمرار في الاحتجاج يومياً حتى الأربعاء، تمهيداً لتوقف كامل عن العمل. وفي السياق، كشفت عفاف تاور رئيس لجنة الإعلام والشباب والرياضة بالبرلمان، عن اجتماع مع وزير الإعلام حول قضية استحقاقات العاملين بالتلفزيون.

وقالت عفاف للصحفيين أمس: ليس لدينا حديث مع مدير التلفزيون، وإن أي رأي حول الاستحقاقات سيناقش مع وزير الإعلام، وأضافت: لا نريد أن تكون العلاقة مع الأجهزة غير عامرة، وأكّدت أنّ المدير لديه آليات للتقرير بشأن الحل الذي يراه.

إلى ذلك، قالت عفاف إن لجنتها تنتظر رؤية الأحزاب السياسية بشأن قانون الصحافة، وأشارت إلى إمهال الأحزاب أسبوعاً آخر لتبيين وجهة نظرها، وكشفت عن عقد ورشة للتقرير بشأن إجراء تعديلات على القانون الحالي أو إعداد قانون جديد.



تعليقات 37 | إهداء 0 | زيارات 4926


التعليقات
#570845 [عمار]
5.00/5 (1 صوت)

01-29-2013 08:55 AM
يا جماعة .. لا تظلموا العاملين بالتلفزيون ، ديل ناس مغلوبين على امرهم ، و يكفيهم بهدلة أمثال محمد حاتم و ظلمه .. هم ما بقدروا يسووا أي حاجة و لو كنو مكانمهم ما حتقدرو تقولوا بغم و الا حيشوتوكم برة و يجيبوا غيركم .. خلونا نقيف و نتضامن معاهم ضد الظلم و الظالمين ..


ردود على عمار
United States [أبو الحسن] 01-30-2013 08:34 AM
اتفق معك .. مدير التلفزيون الحالي هو سبب التردي في برامج التلفزيون .. لأنه هو وراء كل البرامج الباهتة ، و قبليه كان التلفزيون السوداني ممتاز و برامجه مشاهدة .. و العاملين ديل ممغوصين كمان يا ممغوص زيك ، لانه مديرهم مكرهم و حاميهم يعملوا الصاح . عشان كدة هم بحتجوا .. نحن معاهم و نؤيدهم

United States [أمير] 01-29-2013 10:19 AM
صحيح أخي .. لا يعمينا الكره أن نكون موضوعيين .. هنالك مدير سيء و ممقوت و الحكومة مصرة عليه و خاتاهو غصبا عن أي زول ، و هؤلاء العاملين أثبتوا شجاعتهم و العملوه ده ما عملوه غيرهم من الجبانات .. نحييهم ونشد من أزرهم ..


#570623 [الممغوص]
5.00/5 (1 صوت)

01-29-2013 02:44 AM
ماظنيت في زول قاعد يتفرج تلفزيونكم دا لانو جهاز منحط لا يعكس هموم المواطن ولا يتناول قضايا المجتمع .شايلين كمراتكم تصروا في بشو وكرعينو المكعوجات ديل ونافع وقله ادبو.انشاء الله ما يدوكم حقوقم يا منافقين.الممغوص


#570615 [فرقتنا]
0.00/5 (0 صوت)

01-29-2013 02:18 AM
ايوه يعني نص النهار واقفين في الشمس عشان تكونوا من السائحين والله دا تهديد خطييييييير


#570609 [النيل الفاير]
0.00/5 (0 صوت)

01-29-2013 01:23 AM
غايتو الجماعة ديلي محظوظين خﻻص ،، اها لقو يلهم حاجه جديده يبيعوها


#570581 [وزرا هوت]
0.00/5 (0 صوت)

01-28-2013 11:48 PM
قرشكم مشت للمجهود الحربى فى زول عندو اعتراض


#570566 [معتصم]
4.00/5 (1 صوت)

01-28-2013 11:10 PM
ناس التلفزيون يستاهلو لانو كلهم كلاب الموتمر البطني وليس الوطني التلفزيون ما عندو اي فائده الي الشعب افضل يقفله


#570565 [حنيطير]
5.00/5 (1 صوت)

01-28-2013 11:10 PM
مافي داعي للتلفزيون !!!

اصلو مافيهو حاجة وبقي خرابة

والناس محتجة علي حقوقها ؟؟؟ حقوق شنو ؟؟؟ هم عملوا شنو ؟؟؟

ولا ياهو الصوت الما قادرين يتحكموا فيهوا ....

تكون بتسمع فى المسلسلك فجأة تجئ الاخبار الصوت يشق الحيط ياخ

تضطر تخفض الصوت ... بعد شوية ما تسمع

يعني هم ما قادرين يتحكموا فى الصوت ... تاني ح يتحكموا في شنو ؟؟؟


ردود على حنيطير
United States [barakat] 01-29-2013 03:55 AM
you are 100% right

United States [فرقتنا] 01-29-2013 01:58 AM
والله معك قلبا وقالب وما قلت الا ما يجيش بالخاطر


#570499 [amar]
4.00/5 (1 صوت)

01-28-2013 09:47 PM
الفضايئة الكيزانية قبحها الله ومن وراءها


#570471 [الأسد]
3.00/5 (1 صوت)

01-28-2013 08:47 PM
ناس التلفزيون ديل هم موزفييين عاديين ولهم أسر فى إنتظارهم وبالرغم مع اختلافنا معهم إلا أن حق الأجير واجب وهم نفذوا للنظام كل شئ وأخيراً الدائرة عكست !!!!


ردود على الأسد
United States [فرقتنا] 01-29-2013 02:02 AM
اجير الدجال ما عندوا اجر بس ببيع كلامو بالوزن لو شريف ومؤهل ما كان حجز واتمكن في محل غيرو وبعدين الالاف الشردوهم ما كان عندهم اسر ايها الاسد الحنون


#570403 [أبوكراعا حديد]
0.00/5 (0 صوت)

01-28-2013 06:41 PM
شنو أحزاب و ما أحزاب و شنو دخل الأحزاب في هذا الموضوع؟؟ كل شئ بيد المؤتمر الوني هو الآمر و الناهي خلاص لمن بقي فيها دفع مستحقات تطالبون رأي الأحزاب ؟؟؟ حتي معتصم البشير يتهم الأحزاب بالأنشغال بالصراع حول السلطة و كأن هناك أحزاب تنازع المؤتمر الوطني السلطة؟؟؟ يا هة يا طير كل الأمو ر في السودان تدار من طرف عصابة الإنقاذ أما الأحزاب في تمامة جرتك لا غير؟؟؟ فأبحثوا عن شماعة غير؟؟؟


#570381 [زول]
0.00/5 (0 صوت)

01-28-2013 06:00 PM
ولاقرش العندو حق ديك الغابة ابقي راجل يشيل سلاحه 23سنة تأكلوا مال الكذب بقت علي الحرابيش دي عندكم عيال واسر لكن حق الحرام والتطبيل مابنفعهم


#570348 [BB]
0.00/5 (0 صوت)

01-28-2013 05:02 PM
القنوات التانية عامله دعاية عدس انتو اعملو دعاية ويكه او كمونية وادو الناس حقهم.


#570343 [وطني أنا وطني]
0.00/5 (0 صوت)

01-28-2013 04:56 PM
بسم الله الرحمن الرحيم

في البد التحيا والتجلي الى السيد مديرعام تلفزيون وقناة السودان
هؤلا العاملين دخل هذه الهيئة لم يقدمو الجديد من الناحية التقنية والفني في العمل البرامجي
ولايوجد أي جزب للمشاهد من الناحية الموضعي التي يستفيد منها الموطن داخل وخارج البلاد
وعليه يجب جلب خبراة ذات كفاءة واعترافيه
حتي تصبح قناة السودان الفضائية تليق بهيبة هذا الوطن الحبيب وانترك تلك المهاتفات الخيبه
فهم يردون استحققات ماليه للأ يسحقونها
ومن المعرف لدى ذوي الخبرات في مجال الاعلام المرئي والمسموع خارج هيئة الاذاعة والتلفزيون
ان تلفزيون السودان لأ ينقصهو شيئ من ناحية اجهزة البث الرقمي
فالدولة لم تبخل بلدعم المادي على الاجهزه الاعلامية بصورعامة


#570322 [حليم-براغ]
4.50/5 (2 صوت)

01-28-2013 04:08 PM
تستالوه لانو بعت نفسكم وغير الكذب والتطبيل لإخوان الشيطان ماعندكم حاجة ... وخاصة ناس مراسي الشوق... إن شاء الله ما يدوكم قرش واحد... المهم قبل نهاية هؤلاء الكلاب أحسن تفتشوه ليكم عن مصدر رزق تاني ...لأنو بعد نهاية هذه العصابة ماعندكم طريقة في تلفزيون الشرفاء ... لعن الله علي كل مرتزق وكل من باع أخلاقة من أجل حفنة من المال القذر...


#570273 [عجيب]
4.13/5 (4 صوت)

01-28-2013 02:55 PM
قناة بايخة انشاءوكضابين ودجالين كلهم انشاء الله ما يلقو قرش
عاوزين حق الكضب والدجل ويارب مايلقو اليسمعهم


ردود على عجيب
United States [mourtad] 01-28-2013 04:14 PM
يا سيد ديل ناس موظفين فقط مغلوب على امرهم ما عندهم اى حاجه عبار


#570235 [الجزيرة ابا]
5.00/5 (1 صوت)

01-28-2013 02:02 PM
حبل الكضب قصيّر


#570231 [المحمدي محمدسعيد]
0.00/5 (0 صوت)

01-28-2013 01:57 PM
يا ناس التلفزيون ما هي لله ودا شعار البلد حقتنا تاني مافي حقي وحقك ارضو بالواقع والنقابة من الجماعة وانتو جابوكم الجماعة ومدير التلفزيون من الجماعة ولو اختلفتو حا تذهب ريحكم يا جماعة وخلصوا حاجاتكم مع الجماعة تحت تحت لحدي ما ياتي يوم (ينزع الملك ممن يشاء) فيأتي الله بقوم يحبهم ويحبونه ولا يظلمون فرد ولا جماعة.


#570223 [Almo3lim]
4.25/5 (4 صوت)

01-28-2013 01:46 PM
أكثر من (4 ملايين) سوداني يعملون بالخارج يدفعون رسوم خدمات من ضمنها(الإذاعة و التلفزيون)و في هما في ذات الوقت يستثمران في ( الإعلان) و الدعاية ( المجانية) للنظام و لا يقدمان اي(خدمة تذكر) للمواطن .. في المتوسط (200 مليون ريال سنويا)!!! و أضرب الحسبة في 23 سنة !!!!

تكفي لأنشاء مستسفي تخصصي كل سنة في لكل ولايات السودان ( يعني خلال 7 سنوات كل و لاياتنا بها مستشفيات تخصصية على أحدث مستوي) أو إقامة ( مشاريع حقيقية) تستوعب كل الخريجين أو أي شيء ينتفع و يستفيد منه المواطن !!!!!

و النظام بخبرته الطويلة في ( الإستغفال) يعلم بأن جميع العاملين في التلفزيون هم(مجرد) مجموعة من (قراء) نشرات الأخبار و (مقدمي البرامج الموجهة) و يمكن الإستغناء عنهم جميعا و تشغيل الإذاعة و التلفزيون بكوادر من الحزب أو بواسطة ( الهواة) لأن ما تقدمه الإذاعة و التلفزيون (حاليا) يستطيع أي (هاوي) أن يؤديه بمستوى أفضل مما نجد الآن ...

في تصوري أن الأمر مفتعل و يحدث بعد تكوين اللجنة الرباعية للإشراف على الإعلام ( البشير ، الحاج ساطور، نافع والأجرب البلال)وأعتقد أن من مهام هذه اللجنة( تغيير الكوادر العاملة بالتلفزيون) حسب (مقتضيات المرحلة) و سنسمع (بمجازر التصفية)و أسهل أسلوب لفصل العاملين هو دفعهم في إتجاه (الإحتجاجات و الإعتصامات)..

عموما لا أسف عليهم أن لم يقبضوا رواتبهم أو إن فصلوا لأنهم مجموعة من التابعين و(المدجنين) و حقيقة هم ممن يأكلون المال (المشبوه)عبر النفخ في (بوق السلطان الظالم) و هم جزء من (الطفيليات) التي نمت في هذا العهد الظلامي ..


#570199 [واحد مطفوش]
4.82/5 (5 صوت)

01-28-2013 01:29 PM
هو تلفزيون السودان دا لسع شغال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#570194 [الربيع]
3.00/5 (2 صوت)

01-28-2013 01:26 PM
يستاهلوا ديل ظلوا يزينو للناس باطل النظام ، ولبئس المهنة كانت، الله فكاكم شوفوا ليكم شغله اشرف.


#570140 [المشتهى السخينه]
3.00/5 (2 صوت)

01-28-2013 12:20 PM
السيد محمد حاتم مدير تلفزيون دولة الخلافه الاسلاميه .. وفروا اموال بيت مال المسلمين .. واقسم لك ان قناتكم لا يشاهدها احد والارسال كله فى الهوا ..اخر مره شاهدت فيها قناتكم اوائل التسعينات عندما كان التلفزيون ينقل اخبار الملائكه والقرود وطير الجنه التى كانت تحارب مع المجاهدين . وعندما كان الشجر والحجر يكبر ويهلل باسم المشير البشير .. وذلك قبل الهزيمه المدويه وتسليم مفاتيح الجنوب للقائد العظيم جون قرنق دى مابيور ..ولا عزاء لاهل الهالكين الماتوا سمبله والذين قدموا ارواحهم رخيصة فى سبيل نصرة كرسى خليفة المسلمين الاعرج الملياردير المشير عمر حسن احمد البشير ..الرئيس الدائم الخالد ابدا ..


#570139 [كمال الشناوي]
0.00/5 (0 صوت)

01-28-2013 12:20 PM
حاتم سليمان رئيس الحرامية في الاجهزة الاعلامية لكن ربنا قادر علي رد الحقوق لأهلها


#570132 [شوك الكتر]
0.00/5 (0 صوت)

01-28-2013 12:15 PM
ياتو تلفزيون دا غير الكذب والخداع والغش وتغييب وعى الجماهير مره عباره عن معسكر دفاع شعبى ومره كلو كاكى ومشروع حضارى-أقصد خسارى-بال حافز بلا تلفزيون قفلو بالمره أحسن شئ.


#570104 [Saleh]
5.00/5 (2 صوت)

01-28-2013 11:43 AM
التسوي كريت بتلقا في جلده , فاكين فينا كدب و كرهتونا تلفزيون السودان.


#570081 [أب كدنكة]
5.00/5 (1 صوت)

01-28-2013 11:19 AM
بالمناسبة عفاف تاور دي أخت محمود تاور الفنان ولا إسم علي إسم على كل حال أنا في رأيي الشخصي ما يدوهم أي مليمة بل يدقوهم دقة بكر بت بكر لأنهم ما عندهم أي إنتاج


#570059 [بت ام درمان]
1.00/5 (1 صوت)

01-28-2013 10:58 AM
رجل استيقظ مبكرا ليصلى صلاه الفجر ف المسجد لبس وتوضأ وذهب الى المسجد

وف منتصف الطريق تعثر ووقع وتوسخت ملابسه
قام ورجع الى بيته وغير ملابسه وتوضأ وذهب ليصلى
وف نفس المكان تعثر ووقع
وتوسخت ملابسه فرجع
الى بيته وغير ملابسه وتوضأ وخرج من البيت لقى شخص معه مصباح سأله:من انت؟ قال
:انا رأيتك وقعت مرتين وقلت
انور لك الطريق
الى المسجد ..ونور له الطريق وعند المسجد قال له :ادخل لنصلى..رفض الدخول وكرر طلبه لكنه
رفض وبشده الدخول للصلاه ساله: لماذا لا تحب ان تصلى؟ قال له: انا الشيطان انا اوقعتك المره الاولى
لكى ترجع البيت ولا تصلى بالمسجد ولكنك رجعت ولما رجعت الى البيت غفر الله لك ذنوبك ؛
ولما اوقعتك المره الثانيه ورجعت الى البيت غفر الله لاهل بيتك ؛ وف المره الثالثه
خفت ان اوقعك فيغفر الله لاهل قريتك.فلا تجعلو للشيطان عليكم سبيلا.
اذا كان نشرها سيرهقك فلا تنشرها فالشيطان
هو من منعك فلن تستحق اخذ ثوابها
لان ثوابها عظيم ..تخيل انك عندما قرأتها حصلت على 240 حسنه ..وحصلت انا كذلك على 240حسنه.


ردود على بت ام درمان
United States [فرقتنا] 01-29-2013 02:13 AM
اعوذ بالله من الشيطان الرجيم وصلي الله علي محمد خير المرسلين لكل مقام مقال ولكن حسب القصة المدونة فاللهو كان من الشيطان وحسب تعليقك بقصة فاللهو كان منك ولا اكثر

United States [zein] 01-28-2013 09:28 PM
بريك خفيف من ساسه ويسوس

United States [mohammed] 01-28-2013 06:20 PM
مافى محلها يابت امدرمان لكن عجبتنى القصة

United States [aaa] 01-28-2013 04:53 PM
الدخل الشيطان شنو فى الموضوع ده. ياشيطانة الكيزان.


#570044 [محمد حسن العمدة]
3.75/5 (3 صوت)

01-28-2013 10:39 AM
الحرامي مدير التلفزيون محمد حاتم نهب خمسين الف دولار باسم قناة الضحى الاسلامية في زول فيكم شاف القناة دي قبل كدا ؟؟
أما تعليق الأمين العام للديوان بخط يده يقول بالنص (الأخ إبراهيم حسن إبراهيم:
نؤكد على دعم الديوان لهذه القناة الدعوية وإنها ستكون إضافة عالمية للعمل الإسلامي وعليه سيكون الدعم مستمرا لها حتى ترى النور وعليه تصدق لها الآن بمبلغ 50 ألف دولار خمسون ألف دولار ستكون من بند (في سبيل الله) للعام 2007 م.
ثم تعليق جانبي (الأخ أبوعلي عبيد يكتب لهم شيك من الرصيد بالعملة الحرة .
التاريخ 2007/1/21

ديل اكلو مال اليتامي والمساكين ومال الله ومال النبي ما بياكلو قروش العاملين ؟!!


ردود على محمد حسن العمدة
United States [خالد السوداني القرفان] 01-28-2013 05:30 PM
الحق يا أستاذ الفاتح جبرااليوم عرفنا سر كان غايب عننا،تتذّكر الفضائية التي دفع ديوان الزكاة عشان تقوم اليوم أخونا المعلق ( محمد حسن العمدة) جاب خبرها. والله صدق المثل" يا ما خبر اليوم بقروش ،بكرة يبقى بلاش". هل يار ب مدير التلفزيون ده هو نفسه ال كان عايز يعمل برج للتلفزيون بمبلغ>ألف دولار؟ سبحان الله ، وكمان سمعنا إنه قالوا عايزين يعملوا {{قمر صناعي سوداني}}!!!!!! هو الناس لاقية تتعالج؟ وللا لاقية الطلاب تدرس في مدارس مهيئة للدارسين؟وللا يعني خلاص ما فضّل إلا التفرُغ لمشاهدة التلفزيون ؟ عالم فاضية تفكِّر في أشياء لا أهمية لها على أرض الواقع عالم قاعدة[[ تشطح على الفاضي]]


#570019 [ود الراوي]
5.00/5 (2 صوت)

01-28-2013 10:10 AM
يلا استعدوا ومرحبا بكم في الصالح العام


#570013 [محمد حسن العمدة]
5.00/5 (1 صوت)

01-28-2013 10:07 AM
يعني محمد حاتم ما قادر يدفع مستحقات العاملين الساعدوهو ونظامو في تغييب شعب باكلمو ومارسو الكذب والخداع وفي النهاية ما عاوزين يدوهم حق الكضب ؟!1

طيب كان يصر ليهم من الخمسين الف دولار الاخدا من ديوان الزكاة لتاسيس قناة الضحى !!

او علي الاقل من صفقة وكميشن العقد الجديد مع الشركة الصينية


#569947 [ريحة شيَة]
5.00/5 (1 صوت)

01-28-2013 09:08 AM
يستاهلو ما عندهم منتج على الاطلاق. يجب عليهم ان يدفعوا لخرابهم التلفزيون و لعدم امانتهم المهنية.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة