الأخبار
أخبار إقليمية
شاهد الصور .. السودان يشارك في معرض أيدكس 2013م بالأمارات العربية المتحدة بقيادة وزير الدفاع
شاهد الصور .. السودان يشارك في معرض أيدكس 2013م بالأمارات العربية المتحدة بقيادة وزير الدفاع
شاهد الصور .. السودان يشارك في معرض أيدكس 2013م بالأمارات العربية المتحدة بقيادة وزير الدفاع


02-18-2013 07:20 AM
(سونا)
يشارك السودان في معرض أيدكس 2013م للصناعات الدفاعية ضمن 57 دولة تقدم إنتاجها الحربي .
وتعرض هيئة التصنيع الحربي السودانية إنتاجها من الاسلحة والذخائر والإلكترونيات وأنظمة ومشبهات التدريب والمهمات العسكرية .
وزير الدفاع الفريق أول مهندس ركن عبد الرحيم محمد حسين أكد أن مشاركة السودان تجئ ضمن المنتجين العالميين للمنتجات الدفاعية وذلك من خلال ما أمتلكه السودان من خبرات وتجارب أهلته لان يعرض ما أنتجه خلال السنوات الماضية في مصانعه الحربية .
كما ثمن السيد وزير الدفاع جهود الشعب السوداني الذي دعم الإنتاج الحربي السوداني وجعله يشكل رافداً رئيسيا أدي لخروج هذه المنتجات بهذه الصورة المشرفة .
وتقدم الوزير بالشكر للجالية السودانية بدولة الأمارات العربية المتحدة التي شرفت حفل الأفتتاح ووقفت على الجناح السوداني بالمعرض .
كما شكر سيادته الأمارات العربية المتحدة حكومة وشعباً علي تنظيم المعرض الناجح والرائج .

image

image

image

image

image

image

image


تعليقات 44 | إهداء 0 | زيارات 8751


التعليقات
#590776 [hala]
0.00/5 (0 صوت)

02-20-2013 09:03 PM
الله ياناس ماخليتو لينا كلام نقوله للأبله دا المسمى نفسو وزير دفاع .. ياخى دى فضايح لم يسبق لها مثيل منذ أستقلال السودان .. هولاء الكيزان مصاصى الدماء الذين ينامون فى رغد من العيش على حساب الغلابة .. اللة ينتقم منكم .. تصنيع شنو ياخى هم حتى الأن لايستطيعو تصنيع موس حلاقة.. بلاش كذب وخداع ..


#589483 [إننتكارت]
0.00/5 (0 صوت)

02-19-2013 01:19 PM
لزيزه صوره السلاح ال فى الباقه البيضاء .. ههههه


#589429 [المهندس]
0.00/5 (0 صوت)

02-19-2013 12:21 PM
وزير اهبل وابورياله وحاجاتك زاتها زي ريالتك


#589341 [ali]
0.00/5 (0 صوت)

02-19-2013 10:53 AM
مبروووك والمزيد من التقدم للسودان


#589239 [يوسف]
5.00/5 (2 صوت)

02-19-2013 09:27 AM
الحسد نار الله اكبر الله اكبر ولا نامت اعين العملاء ولانامت اعين الحساد الله اكبر ولا نامت اعين الحاقدين
النار تأكل بعضها ان لم تجد ما تأكله


#589203 [حرقة وألم]
5.00/5 (1 صوت)

02-19-2013 09:03 AM
علينا جاي علينا جاي جابوا بالطيارة وباعوا بالخسارة!!!
يا ربي ياتو دولة في العالم ده اتعس من السودان تعمل ليها طلبية كبيرة كدة من الكرور بتاعنا ده عشان على الاقل نقدر نسدد بيها مصاريف النقل والسفر وتذاكر الطيران وحجز الفندق والذي منه.

علي الطلاق يا عبدالرحيم محمد حسين كان طلعت من المعرض ده بدون أي طلبية حقوا تقعد قبلك وتطلب حق اللجوء السياسي وتعرف انك اكبر مهرج


#589014 [مقهور]
0.00/5 (0 صوت)

02-19-2013 06:52 AM
الاسلحة دة بصنعوها لمليشيات البشير ونافع ووووووووووو لقمع الشعب السوداني يعني للاستعمال الداخلي

عقبال السلاح النووي هههههههههههههه وههههههههههههههههه


#588946 [جمال البراري]
0.00/5 (0 صوت)

02-19-2013 12:44 AM
حرام عليك جايب ليك شوية ذخبرة اوكرانية انت فاكر المعرض ده طبلية ونوع الطائرة دي بتتباع في مدينة كييف باكرانيا بمبلغ320 الف دولار غايتو حتضحك علينا العالم يا عبدالرحيم الله يجازيك هو انت لو وزير دولة بتصنع ةجاي معرض من النوع ده بيكون عندك وقت تقعد مع ناس الجالية قال جالية قال


#588859 [إبن السودان البار ***]
5.00/5 (3 صوت)

02-18-2013 08:52 PM
هذه المنتجات الحربية تم تصنيعها بالسودان بواسطة خبراء وعلماء معادن وكمياء وميكانيكا وتصميم أسلحة سودانيين ؟؟؟ وهم كالآتي :- خبير المعادن العالمي / جورج محمد عثمان الطاهر وهو الذي طور تريكيبة المعدن الخفيف للطائرة السودانية بمعمل أبحاث المعادن بأم بدة شرق ؟؟؟ والذي طور دهان الطائرات والدبابات الخارجي الكيمائي العالمي / جون فتح العليم بمعامله بالثورة الحارة 133 ؟؟؟ والذي صمم موتور الطائرة المهندس الميكانيكي القدير / جيمس حسب الرسول الشايقي بورشة تطوير وتصميم وتركيب الموتورات بالكلاكلة غرب ؟؟؟ وان شاء الله حا ينجح علمائنا الزراعيين بقيادة فني المجاري الصافي جعفر في أنتاج كميات ضخمة من البصل واللبن والنبق والخضروات في مشروع سندس الزراعي العملاق ونوقف الإستيراد ونوفر العملات الصعبة لنتمكن من تطوير صناعاتنا العسكرية ونتفوق علي إسرائيل وأمريكا ونصدر لهم كمان ؟؟؟ الكيزان أحرف سودانيين في الخداع وهنالك الكثيرين الذين سيخدعون بهذه المظاهر والصرف في الفاضي للكسب السياسي الرخيص ؟؟؟ ثمن واحدة من هذه المعروضات المجمعة يمكن أن يشتري عدد من الأجهزة الطبية لتنقية دم مرضي الكلي الذين يموتون يومياً من جراء هذا السفه ؟؟؟ قاتل الله الكيزان اللصوص القتلة مغتصبي الرجال ولإناث والأطفال ؟؟؟ والثورة في الطريق ؟؟؟


#588796 [طارق الباز]
0.00/5 (0 صوت)

02-18-2013 07:25 PM
(خلال ما أمتلكه السودان من خبرات وتجارب أهلته لان يعرض ما أنتجه) طيب اصنع ليك رادار يا وزير العريس بدل ما تعمى العساكر بالنظر فى شمس بورسودان, وجود عبد الرحيم فى المعرض سوف يكون اضحوكة وكل زول حيقول العوير اهو


#588746 [جرير]
3.00/5 (2 صوت)

02-18-2013 05:57 PM
وا اسفاه على بلاد انتم ايها المعلقون مواطينها... اختلفنا او اتفقنا مع الحكومة ما الذي يزعجنا اذا راينا منتجات بلادنا حاضرة في معرض عملاق كهذا... والله البلد دي ليها حق ما تتقدم اذا كانت هذه عقول السودانيين


ردود على جرير
United States [إبن السودان البار ***] 02-19-2013 02:02 PM
هل انت متأكد ومصدق انه هذه منتجات وصناعة سودانية أم تجميع ؟؟؟ يعني الدبابة أو الطائرة صنعت قطع وتم تجميعها بالسودان ؟؟؟ والا انت طيب خالص ومصدق أنه بالسودان في صناعات معدنية ومعهد أبحاث لتصميم الأسلحة والطائرات ؟؟؟ فأذا كنا بنتعالج في الأردن والمصريين والأتراك والصينيين يبنوا لينا بيوتنا والأثيوبيين يأكلونا والسعوديين يشربونا لبن والأماراتيين يأكلونا نبق ؟؟؟ تصدق أنه هؤلاء اللصوص القتلة مغتصبي الرجال والإناث والأطفال قاتلهم الله يستطيعوا صناعة لستك عجلة ؟؟؟ سيبك من السودانيين أسأل اي عربي زار المعرض وقول ليه نحنا بنصنع طائرات وهلم جر ؟؟؟ وحا يكون رده كدي أزرع وأشبع وبعدين أصنع عجلات ثم فكر في الطائرات ؟؟؟ والثورة في الطريق ؟؟؟

United States [Haytham] 02-18-2013 09:20 PM
قول لينا انت الحل شنو


#588730 [RBG]
0.00/5 (0 صوت)

02-18-2013 05:30 PM
أسلحة للدفاع عن كرسي التسلط, إذا كان السودان بهذه الإمكانيات لماذا تحتقركم إسرائيل علنآ؟
هذه منتوجات لإبادة كل من قال لا للإستبداد, حرام عليكم إحترمو عقولنا يا..............


#588710 [الهادى صالح بشاشة]
4.50/5 (4 صوت)

02-18-2013 04:55 PM
ظل الجيش السودانى فى حالة حرب منذ الحرب العالمية الثانية وأستطاع دحر القوات الكينية واليوغندية أثر محاولاتهم أحتلال الجنوب وتم تلغينهم دروسا لاتنسى , ويعتبر ثانى أكبر جيش على المستوى العربى والافريقى بعد الجيش المصرى فى الوقت الراهن .أما من ناحية القوات الجوية فيسبقه العديد من الدول مصر السعودية وذلك بسبب الحصار والتامر .
مع الاخذ فى الاعتبار أن الخبرة القتالية عامل هام ومميز للجيوش وجيشنا لديه ما يجعله فى مقدمة الجيوش العربية والافريقية ويمتلك قوة ضاربة وعتاد هائل ويكفى جيشنا قخرا تصنيعه لمظم حاجياته
والعالم كله يشهد بذلك
والجندى السودانى يتميز بالروح القتالية العالية والشجاعة والبسالة المشهودةوقد شارك جيشنا الباسل فى الحرب العالمية الثانية ولقنا العدو دروسا وتشهد لنا جيوش العالم وخاصة البريطانية والايطالية أضافة الى مشاركة الكتيبة السودانية مع بريطانيا فى حرب المكسيك وايضا شاركت قواتنا فى مناورات النجم الساطع مع القوات الامريكية فى الثمانينات بجيع أفرع جيشنا البطل وشاركت قواتنا فى معركة العبور بالسرية 102 بقيادة الملازم الجسور عمر احمد البشير أضافة الى مشاركت جيشنا فى قوات حفظ سلام فى العديد من الدول أضافة الى المناورات المشتركة مع البحرية السعودية
ويشارك جيشنا بعدد من المدمرات والفرقاطات ومركبات أستطلاعية ودعم وبرمائية ودوريات قتال ساحلى
ومعدات مضادة للألغام وجميع أسلحتنا البحرية تعتبر حديثة التصنيع من روسيا والصين وأيران وليعلم الجميع بأن جيشنا بدأفى تجهيزات حديثة فى أنظمة الدفاع الجوى بعد الغارة الاسرائيلية على مصنع اليرموك ويكفينا فخرا بأن دولتنا دولة ( لا سلام - لا تفاوض - لا تطبيع ) مع الكيان


ردود على الهادى صالح بشاشة
United States [علي دينار] 02-18-2013 11:13 PM
هذا هي الجيشك منذ الحرب العالمية الثانية وأستطاع دحر القوات الكينية واليوغندية
http://www.youtube.com/watch?v=lXIbdNy9SSM

United States [مواطن] 02-18-2013 08:35 PM
هههههههههههههههه وتاني ههههههههههههههههههههه

عايش في الوهم العميق

United States [قلام] 02-18-2013 07:45 PM
الكلام دا انت جايبو من كتاب العلوم العسكرية بتاع الثانوي ولا شنو

United States [يا هادي] 02-18-2013 07:38 PM
و جيشنا هو الذي ذهب الجنوب و حلايب و الشفقة وهو يتفرج و ضربت أمريكا مصنع الشفا و هو يتلفت و إسرائيل ضربت بور سودان و مصنع الأسلحة و الجيش يتفرج فلاحتو بس في الانقلابات و المظاهرات و نسيت كمان دخول خليل أم درمان

United States [deng] 02-18-2013 07:19 PM
هههههه يابشاشة انت بتخش في نفسك ساااي..كده خش اليوتيوب وخش بالرابطة ده(هزيمة مذلة للجيش السوداني في هجليج) وحاتتاكد انو الجيش السوداني بقى اكذوبة ساكت خاصة بعد89


#588694 [دقنة]
5.00/5 (3 صوت)

02-18-2013 04:45 PM
بضاعة فاسدة وياها شبهكم !!! إن لم تستحي فافعل ما تشاء

الزخيرة السودانية مشهورة بأنها من أتفه أنواع الزخائر في العالم بأسره ،،، تختها في الآر بي جي تفرطقو ليك ،،، تختها في الجيم تلاتة تعلق ليك الإبرة ،،، تستخدما في الكلاش تشرط ليك الماسورة ،، حتى الخرطوش عيار إطناشر الكرتون المستخدم يصلب ليك الخرطوشة ويخليها ما تسوى دولار !!!! والله والله والله وأتحدى أكبر كوز يقول الكلام ده ما صاح !!!

أعتقد مشاركة السودان في هذا المعرض الدولي ،،، إنما هي محاولة بائسة كغيرها من المحاولات لتحسين صورة هذا النظام المتهالك ،، إنها أسلحة لا ترعب سوى الأقزام ،،، ولكنها تفتح شهية العمالقة لغزو السودان بكل إطمئنان !!!


#588659 [الهادى صالح بشاشة]
5.00/5 (1 صوت)

02-18-2013 04:11 PM
ظل الجيش السودانى فى حالة حرب منذ الحرب العالمية الثانية وأستطاع دحر القوات الكينية واليوغندية أثر محاولاتهم أحتلال الجنوب وتم تلغينهم دروسا لاتنسى , ويعتبر ثانى أكبر جيش على المستوى العربى والافريقى بعد الجيش المصرى فى الوقت الراهن .أما من ناحية القوات الجوية فيسبقه العديد من الدول مصر السعودية وذلك بسبب الحصار والتامر .
مع الاخذ فى الاعتبار أن الخبرة القتالية عامل هام ومميز للجيوش وجيشنا لديه ما يجعله فى مقدمة الجيوش العربية والافريقية ويمتلك قوة ضاربة وعتاد هائل ويكفى جيشنا قخرا تصنيعه لمظم حاجياته
والعالم كله يشهد بذلك
والجندى السودانى يتميز بالروح القتالية العالية والشجاعة والبسالة المشهودةوقد شارك جيشنا الباسل فى الحرب العالمية الثانية ولقنا العدو دروسا وتشهد لنا جيوش العالم وخاصة البريطانية والايطالية أضافة الى مشاركة الكتيبة السودانية مع بريطانيا فى حرب المكسيك وايضا شاركت قواتنا فى مناورات النجم الساطع مع القوات الامريكية فى الثمانينات بجيع أفرع جيشنا البطل وشاركت قواتنا فى معركة العبور بالسرية 102 بقيادة الملازم الجسور عمر احمد البشير أضافة الى مشاركت جيشنا فى قوات حفظ سلام فى العديد من الدول أضافة الى المناورات المشتركة مع البحرية السعودية
ويشارك جيشنا بعدد من المدمرات والفرقاطات ومركبات أستطلاعية ودعم وبرمائية ودوريات قتال ساحلى
ومعدات مضادة للألغام وجميع أسلحتنا البحرية تعتبر حديثة التصنيع من روسيا والصين وأيران وليعلم الجميع بأن جيشنا بدأفى تجهيزات حديثة فى أنظمة الدفاع الجوى بعد الغارة الاسرائيلية على مصنع اليرموك ويكفينا فخرا بأن دولتنا دولة ( لا سلام - لا تفاوض - لا تطبيع ) مع الكيان


#588649 [موردة حضارة]
5.00/5 (1 صوت)

02-18-2013 03:59 PM
the above shown images just look like babytoys or playstation it doesn't look reall at all
abou riyala insulting us by providing such a machines war and civil defnse to the world..

may Allah safe us from his riyala


#588608 [beko]
1.00/5 (1 صوت)

02-18-2013 03:05 PM
كد الكداح شايله سفينة الناس عوجات تحرس ترجي ترجعبو سلاح وانوار زينة.


#588581 [adil a omer]
4.85/5 (6 صوت)

02-18-2013 02:30 PM
شاهد الصور .. السودان يشارك في معرض أيدكس 2013م بالأمارات العربية المتحدة بقيادة وزير الدفاع

وقد شارك السودان باعجوبته الطائرة الحربيه اف اف ريحتك خرا والتى تفوقت على المقاتله الامريكيه اف 35 من حيث انها لا تحتاج لذخيره فهى نتاج استراتيجية الدفاع ( بالعفنه ) بالريحه


ردود على adil a omer
United States [الطيب عبد الله] 02-18-2013 09:54 PM
تفففففففففففففففففففففففففففففففف عليك وعلى الفاظك اسلوبك زى وشك وانت زاتك زى كتابتك ياواطى

United States [الدالي] 02-18-2013 09:21 PM
ههههههههههههههههههههههههههههههههههه .. الله يجازي شيطانك يا عادل يا اخوي دي ما سبقك عليها زول .. قلت لي اف اف ريحتك شنو هههههههههههههههههههههههه غايتو وصفك شين عديييييل كدا بس بني كوز يستاهلو

United States [ابو الليل] 02-18-2013 04:37 PM
الله عليك ياعادل والله ضحكتة . لمان داير اقع من الكرسى ، افف ريحتك خرا هههههههههههههههههههههه


#588570 [kola]
3.00/5 (6 صوت)

02-18-2013 02:13 PM
دا شنو التخلف دا ؟ جايب ليهو طيارة رش وداخل بيها المعرض ابوريالة دا؟


#588552 [موسى محمد]
0.00/5 (0 صوت)

02-18-2013 01:57 PM
ما فائدة تصنيع وعرض السلاح في وقت صارت فيه البلاد ملطشة للغاشي والماشي، وقد أصبح شعارنا إذا ضربك أحدهم في خدك الأيمن فأدر له خدك الإيسر ليضربك فيه... ونحن لم يتبقى لنا موضع لم يتلقى الضربة والضربتين.


#588547 [mosoliny]
0.00/5 (0 صوت)

02-18-2013 01:54 PM
هههههههههههه والله ضحكت ولينا زمن ما ضحكنا ضحكه زى دى الله يبارك فيك ياراعى الدفاع بالنظر يا لمبينا
والله انت اكتر زول بتفرق علينا همومنا وكربنا ... حقو يدوك وسام الكوميديا الاول فى العالم


#588514 [daly]
3.00/5 (9 صوت)

02-18-2013 01:25 PM
معرض الانتاج الحربي السوداني .. وقائمة الاسعار
1-رادار كشف الطائرات (عادي) بالف جنية ... 2-رادار كشف الطائرات (مع نظارة وفريم ايطالي) بالف ونص ..3- بندقية رش الريالة الفعالة ضد المشاة 500 جنية ...
4- استشارات في انجع الاساليب في التملص من مسئولية الهزائم تقدم مجانا مع اي منتج من مما ورد اعلاه ...
عبقري يا لنبي ...عبقري خاااااااااااااااااالص


#588513 [الناصح الكوده]
1.50/5 (2 صوت)

02-18-2013 01:25 PM
ياعبد الرحيم إنت وكت عندك سلاح قدر ده .ليه بتخلى إسرائيل تبرطع فى السودان ذىمادايره ؟؟؟؟؟


#588476 [Mohd]
4.00/5 (3 صوت)

02-18-2013 01:00 PM
(عبد الرحيم محمد حسين أكد أن مشاركة السودان تجئ ضمن المنتجين العالميين للمنتجات الدفاعية وذلك من خلال ما أمتلكه السودان من خبرات وتجارب أهلته لان يعرض ما أنتجه خلال السنوات الماضية في مصانعه الحربية)


طيب وقت بتنتج الحاجات دي انت مالها جزء من اراضيك محتل من اثيويبا ومصر وانت قاعد لا بتهش ولا بتنش

واسرائيل وسعت سماك

داير تستخدمها متين حاجاتك دي ومالك غلبك ترجع هجيليج يا المنغولي؟

انت بتضحك على منو شفت لك واحد متخلف عقليا بيضحك على زول عاقل ؟

حمار فعلا


#588468 [عمر أحمد حسن]
5.00/5 (1 صوت)

02-18-2013 12:49 PM
للأسف كل هذا الانتاج من السلاح والدبابات والطائرات كانت نتيجته أن فتح أبواباً هائلة من الفساد حيث الصرف من الميزانية بلا حساب ولا رقيب على كل صغير أو كبير وكل من له أدنى علاقة بهذه المصانع التي لم يستفد منها الشعب السوداني شيئاً ، بل العكس .. فباسم المجهود الحربي دفع المغتربون دم قلوبهم دون أي فائدة تذكر ..

بالله عليك قل لي ما فائدة هذا السلاح إذا لم يحافظ على وحدة البلاد وفي وجوده انفصل الجنوب ؟
بل ما فائدته إذا لم يسترد كاودا وما جاورها من مدن وقرى من يد الحركة الشعبية قطاع الشمال ؟
وحلايب .. آه من حلايب .. من يد الحلب المصريين ؟؟
وما فائدة الطائرات والرادارات إذا لم تردع الطائرات الإسرائيلية التي تنتهك سيادتنا وتستبيح سماءنا ليلاً ونهاراً ؟؟
ما فائدة الذخيرة لماذا لم تحمي مصنع اليرموك الذي ينتج الذخيرة ؟؟

للأسف سلاحنا وذخيرتنا موجهة إلى صدور أبناء الوطن في دارفور وقمع المظاهرات الطلابية هنا وهناك وليس إلى الأعداء المتربصين على حدود الوطن ..
..
ليت هذه المصانع كانت تنتج حليب الأطفال بدلاً من الرصاص والذخيرة ..


#588438 [عبد الله]
5.00/5 (1 صوت)

02-18-2013 12:26 PM
هههههههههها والله يا ناس الانقاذ ما خليتو بدعة لزول تانى
الله يجازيكم قطعتوا مصارينى بالضحك


#588415 [Amer al Hassaen]
0.00/5 (0 صوت)

02-18-2013 11:58 AM
ههههههههههههها ابورياله دى بتحمى من فسادك انت و اخوانك وابنائك ولا لهروبك من الفجر الجديد


#588341 [كتاحة]
4.50/5 (7 صوت)

02-18-2013 10:48 AM
دي فعلا اسلحة بتقتل الاعداء لاكين بتكتلهم بالضحك

عليكم الله صورة الطيارة الصافات دي ما تضحك الغنماية تشبه طيارة الرش ( رش ريالة طبعا ! )

و بعدين الصواريخ الزي فتايل المنكير دي دايرين تصيدوا بيها ود ابرق ولا شنو

والله محن اتذكرت في بداية التسعينات و ناكل مما نزرع و نلبس مما نصنع احد المتكوزنين

حديثا فرحان قال صنع اول كلاش الي سوداني 100% بالله فك لي تلاتة طلقات الرابعة جاتو في كتفو هو زاتو!! و الخامسة انفجرت جوة السلاح قطعت لي اصبعو

غايتو الزول دا حتى الان جنو و جن العيش ( الالي )


#588330 [احمد]
5.00/5 (1 صوت)

02-18-2013 10:38 AM
ابريالة حايملاهم ريالة وعوارة


#588327 [يسقط البشير]
5.00/5 (2 صوت)

02-18-2013 10:37 AM
طبعا وزير الدفاع الهمام مشى عشان يروج لنظرية الدفاع بالنظر !!! طبعا نظريته حتقلب عالم الدفاع الجوى تحت فوق ! لكن طيارة الصافات دى فى السوق الصينى ما حتنافس!!!احتمال تباع كلعبة اطفال!


#588297 [Kurbeke]
0.00/5 (0 صوت)

02-18-2013 10:11 AM
جيبو واحد من الشارع قولوا ليه الاسلحه دي مصنوعه في ناهيك عن اي حد تاني يا ناس الراكوبه احترموا عقول الناس


#588275 [السنجاوي]
0.00/5 (0 صوت)

02-18-2013 09:58 AM
منتجات كلها فشوش وغير ذات جدوى
والدليل برتعت إسرائيل واستباحتها للتراب السوداني
وعليه أرجو تحويل المبالغ التي تصرف في هذه الترهات لخدمة الشعب في الصحة والتعليم
فإذا تعلم الإنسان وكان صحيحاً وحراً فهو قادر على الإبداع والإنتاج.
أتفهم فكرة المحاولة والبداية وكل أباطرة التصنيع بدأوا من الصفر
لكن هذا ليس وقته ولابد من الأولويات

سؤال تعسفي؟

هل هناك طلبيات لهذه المنتجات في هذا المعرض؟


#588269 [الضاحي]
0.00/5 (0 صوت)

02-18-2013 09:55 AM
أكد أن مشاركة السودان تجئ ضمن المنتجين العالميين للمنتجات الدفاعية
طيب أين هذه المنتجات من الهجمات الاسرائيلية المتعددة على الأجواء السودانية بلد لا يوجد فيها حتى رادار صالح للعمل كفاكم مهاذل واستخاف بعقول البشر


#588242 [اسماعيل محمدذين]
2.94/5 (5 صوت)

02-18-2013 09:35 AM
والله هزاء انجاز كبير لجيش السوداني رغم انف الحاقدين


ردود على اسماعيل محمدذين
United States [اللريوش] 02-18-2013 03:46 PM
رغم أنف ولا رغم نخرة؟؟؟ ههههههه. مسكين والله يا إسماعيل محمد زين وليس محمدذين،، جيشك بقا ملطشة زي ما قال أحد الشباب في التعليقات أعلاه، وواحد كما طرح سؤال تعسفي هل يوجد طلب لهذه المنتجات؟؟؟


#588218 [بلد]
5.00/5 (1 صوت)

02-18-2013 09:16 AM
السيد الوزير حيشرفنا كالعادة!..خاصة لو قدم محاضرة
عن المقاتلات البتغير (بالليل) و(أنوارها طافية) وعن تكتيك الدفاع بالنظر!!!


#588215 [karlos]
0.00/5 (0 صوت)

02-18-2013 09:15 AM
عندكم ده كلوا و ما قادريين توفروا فول و عيش يا اخوان ابليس حريقة فيكم و فى منتجاتكم منتجات الدمار و القتل و التعذيب يا كلاب جهنم


#588210 [ايوب]
0.00/5 (0 صوت)

02-18-2013 09:10 AM
الدفاع بل نضر يا عالم


#588184 [عثمان حمد]
2.94/5 (5 صوت)

02-18-2013 08:48 AM
شغل صاح هذا هو السودان الذى نريد تصنيع فى كل المجالات وخصوصا الحربى
حتى نحمى البلاد من كل الاعداء وهذه تحسب لكم يا ناس المؤتمر الوطنى


ردود على عثمان حمد
United States [ا/???] 02-18-2013 10:33 AM
تحسب ليهم شنو الفداعات بالنظر

United States [ابغازي] 02-18-2013 10:14 AM
وه وه وه وااااااااااااااه عليك الله بيني وبينك انت جادي


#588177 [كاسنجرابى]
0.00/5 (0 صوت)

02-18-2013 08:45 AM
وهم كبير وبؤرة للفساد اسمه التصنيع الحربى عشرات الشركات الفاشله تديرها الهيئة والفساد ينخر فى جسدها ليل صباح ودونكم جياد التى اصبح ينعق فيها البوم ولا حول ولا قوة الا بالله


#588166 [بادى]
5.00/5 (4 صوت)

02-18-2013 08:41 AM
وين تقنية الدفاع بالنظر!!!!


ردود على بادى
United States [ما متحزب] 02-18-2013 10:36 AM
التقنيه اتطورت ح تكون الدفاع بالمناظير شايف كم منظار فى الهتش ده.


#588146 [ahmed]
3.00/5 (2 صوت)

02-18-2013 08:26 AM
نعمه الدفاعات التي نصنعها ياوزير الهناء لماذا تستخفون بعقول الشعب هل تعتقدون انه مازال يصدق تفاهاتكم وخطاباتكم الواهيه اسال الله العلي القدير كل ماعملتوه في هذا الشعب المغلوب على امره ان ترونه في انفسكم في الدنيا قبل الاخره واياكم ودعوة المظلوم ليس بينها وبينا الله حجاب


#588129 [أبو عمرو]
3.00/5 (2 صوت)

02-18-2013 08:08 AM
طيب نحنا عندنا ده كله ووين الإنجاز العسكري ؟؟؟؟؟


#588104 [مصطفى]
0.00/5 (0 صوت)

02-18-2013 07:51 AM
ههههههههههه وين إنتاجنا أوعى تقولى الكلاش المن سنة ستين ده ولا الطيارات البدون طيار البتقع فى الثورة


#588090 [كركعوب]
3.00/5 (2 صوت)

02-18-2013 07:42 AM
والله مبروك للسودان....باكر الصباح نمشي نشوف المعرض، أتمنى الا توجه هذه الأسلحة لصدور السودانيين وأن يتم الإستفادة من بيعها وتسويقها للعالم الخارجي


ردود على كركعوب
United States [اللريوش] 02-18-2013 03:48 PM
والله دا كل خصماً على الميزانية المتهالكة ومافي أي عائد لا مادي ولا سياسي ولا ولال ولا...، بس مجرد ظهور فقط ليس إلا

United States [جوطه] 02-18-2013 12:34 PM
و منو الحمار الماشي يشتري ده ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (3 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة