الأخبار
أخبار إقليمية
الصحفي الهند عزالدين يكتب : الرئيس البشير (هبة من السماء) تماماً. لحسن حظ أهل السودان أن رئيسهم المشير "عمر البشير"
الصحفي الهند عزالدين يكتب : الرئيس البشير (هبة من السماء) تماماً. لحسن حظ أهل السودان أن رئيسهم المشير "عمر البشير"
الصحفي الهند عزالدين يكتب : الرئيس البشير (هبة من السماء) تماماً. لحسن حظ أهل السودان أن رئيسهم المشير


02-20-2013 08:36 AM
شهادتي لله

} لحسن حظ أهل السودان أن رئيسهم المشير "عمر البشير" بصفاته الشخصية الحميدة.. النادرة والاستثنائية..!!
} ولسوء حظ الرئيس والشعب – أيضاً – أن المشير "البشير" لم يتوفر له مستشارون ووزراء بوزن وثقل وتجارب مستشاري الرئيس الأسبق "جعفر نميري" مع اختلاف طبائع الرجلين، حيث إن "النميري" – رحمه الله وغفر له – كان الأكثر عنفاً وبطشاً بخصومه.
} من بين مستشاري الرئيس "نميري" كان الدكتور "حسن الترابي"، ومن وزرائه كان الدكتور "منصور خالد" وزيراً للخارجية فانظر – عزيزي القارئ – إلى فارق (الأمخاخ) و(الأوزان) و(الثقافات) بين هذين الرجلين من وزراء "النميري"، والمحدثين من الوزراء ووزراء الدولة والمستشارين مع أن فارق السنوات وثورة المعلومات يفترض أن تكون لصالح رجال الزمن الجديد!!
} يدهشني – وهذه شهادة عميقة وخالصة لله – تواضع وبساطة وشعبية الرئيس "البشير" بحيث إنني وكثيرين من زملائي ومعارفي في الوسط الإعلامي وغيره من الأوساط لا يستطيعون أن يتبسطوا كما يتبسط مع الناس الرئيس "البشير"!!
} في الصلاة على جنازة الراحل الكبير "فتحي الرحمن شيلا" بأحد مساجد حي "العمارات"، وخلال مراسم الدفن بمقابر "فاروق" أمس كان الرئيس "البشير" يضع الجثمان مع آخرين، ويتحرك بين الناس لتقويم صفوف المصلين في صلاة الجنازة!!
} إنه زعيم استثنائي.. (شعبوي) بحق وحقيقة.. متواضع بتلقائية عجيبة.. محبوب رغم معاناة الشعب.. ومقبول بكثافة مدهشة – والقبول من الله – في زمن عزَّ فيه قبول الآخر حتى بين أفراد أسرة محدودة العدد!!
} هذا الرئيس، لا يمكنه أن يشبه رؤساء من شاكلة "مبارك" و"بن علي" و"الأسد" و"صالح"، وبالتأكيد لا مجال أصلاً للمقارنة بينه و(مجنون ليبيا) الراحل "معمر القذافي".
} هذا الرئيس (هبة من السماء) تماماً كما قالها الشيخ "الترابي" – وكان صادقاً – في مطلع تسعينيات القرن المنصرم حينما كان (المرشد) و(المنظر) لثورة الإنقاذ الوطني، وهو رئيس لا يشبه (الطغاة) كما قال الإمام "الصادق" وهو – والوصف للمهدي – (لا يصعر خده للناس)!!
} غير أن هذا الرئيس الجماهيري العجيب سيظلم نفسه وشعبه، وسنظلمه نحن، وتظلمه قبلنا قيادات حزبه الحاكم (المؤتمر الوطني) إن لم تحاصره بالشورى والمراجعات والاعتراضات على كل القرارات، بما فيها قرارات تعيين وزراء (الدفاع) و(الداخلية) و(الخارجية) و(المالية) و(الزراعة)، فقد رشحت مؤخراً أحاديث تقول إن هذه الوزارات تمثل (حصة الرئيس) في الاختيار ولا مساحة فيها للجدال.
} الرئيس "البشير" رجل من طراز خاص، (عاطفي) و(قوي) في آن واحد، ولهذا فإن من عيوب مثل هذه الشخصية أنها إذا اعتقدت ووثقت في (شخص) فإنها (لا تقبل النقاش حوله) مهما تكاثرت أخطاؤه!!
} و"البشير" بهذه القوة البائنة، والعاطفة الجياشة، يحكم الآن بلاد السودان، لا نقول بانفراد، لأن هذا يتعذر عليه ويستحيل، ولكنه يمثل – وحده – (أغلبية).. لأنه الأكثر شعبية بين قيادات (الإنقاذ) – لا جدال في ذلك – ولأنه في الوقت ذاته قائد الجيش.
} مع حبي وتقديري الزائد للرئيس، فإنني أتمنى أن يتقاعد وهو في أوج جماهيريته – كما قال بذلك خاله المهندس "الطيب مصطفى".
} كما أنني أدعو الله صادقاً أن يمُنَّ عليه في ما تبقى من عمر حكمه بمنصور خالد جديد و(بلون آخر).. و"ترابي" حديث.. ولكن بدون سطوة (المشيخة)!!
} دعواتي سيدي الرئيس.

المجهر


تعليقات 326 | إهداء 0 | زيارات 25178

صفحة 1 من 512345>
التعليقات
#598773 [ود الجربان]
5.00/5 (2 صوت)

03-01-2013 12:19 PM
لا تعليق لجائع
يا اخوانا نحن جوعانين بعد مانشبع بنرد علي الجرز الهندي


#594155 [زرياب]
1.00/5 (1 صوت)

02-24-2013 04:13 PM
الهندى هنا وصف الدعول بانه دكتاتوووور عديل كده
واتى بهاهكذا لتمر عبر العسكرى الامنجى البليد مراقب مايكتب فى الصحف

اعتقد ان الهندى نجح فى ان يوصل ما اراد توصيله الى الدعول


#593627 [محمد المكي]
5.00/5 (1 صوت)

02-24-2013 08:02 AM
ربنا يكون في عون السودان والسودانيين..... والحمد لله أني سوداني.....


#593608 [محمد المكي]
5.00/5 (1 صوت)

02-24-2013 07:17 AM
الرجل دي وجهة نظرو.... وبعدين يا جماعه الرجل كلامه صحيح الريئس البشير رجل متواضع وكويس، بس الكيزان اتحرفنوا عليهو وغشوهوا ولعبوا بالبلد........وفعلا لو لقي مستشارين من الحادبين علي مصلحة البلد والعباد كانت الأوضاع اتغيرت بس البطانه السيئه هي السبب ونحن ياجماعه محتاجين إصلاحات قبل مانكون محتاجين تغيير.... والله يصلح الحال.... قولواامين


#592823 [ود عبدالله]
5.00/5 (1 صوت)

02-23-2013 11:00 AM
شهادة زور
تغيب عنها الحقيقة
مدفوع اجرها


#592547 [سوداني عجوز]
0.00/5 (0 صوت)

02-22-2013 11:20 PM
ندري انك يا الهندي بتقرأ (الراكوبه) كما قلت .. بالله عارف معني (شعبوي) دي شنو ؟؟
نعرف قصدك وانت (تمدح) جنرالكم ، ولكن امشي لعمك (قوقل) وشوف (شعبوي) ماذا تعني ..

والله وإن مصيبتنا لكبيره يا اخوتي !!!!


#592535 [ابوفلجه]
5.00/5 (1 صوت)

02-22-2013 11:10 PM
ما هكذا يكون (الرجل) يا هنيدي .


#592335 [othmansaad]
0.00/5 (0 صوت)

02-22-2013 05:44 PM
يا مشاطة كفاية خطابه للرد علي المتظاهرين


#591895 [غدار دموعك]
0.00/5 (0 صوت)

02-22-2013 02:53 AM
بتاع النفايات اترقي بقي كسار تلج للرئيس حته واحدمبرووووووووووووووووووووووووك ياهندي


#591863 [ود شيخ إدريس]
0.00/5 (0 صوت)

02-22-2013 01:20 AM
(ي راجل !!!!) زي ما قال أستاذنا محمد سليمان "جراب الحاوي"


ده والله مصنع تلج ما يكفيه كسير .... معقول لكن؟؟؟


#591836 [Asmar]
4.00/5 (4 صوت)

02-22-2013 12:39 AM
عشان كده نقتطع من قوت اولادنا لعمل القناة الفضائيه لفضح امراء الجاهليه
ونحن وراك يا سيف لا يصدى من اجل بلادنا السودانيه
من اجل اعراضنا المهتوكه صباح ومسيه
من اجل صغار فقدوا الامل فى عيشه كريمه هنيه
من اجل فقير قتله المرض ورئيسه طار بوجع الحلق للسعوديه
من اجل ارامل وستات الشاى وكشات الدوريه
من اجل سلام وعداله وحريه
من اجل ابيض و ازرق تعانقوا فى قلب بلادى فى وحده ابديه
من اجل دم سائل صباح وعشيه
من اجل قبور هنا وهناك منسيه
من اجل دين عزيز اصبح لكل سفيه مطيه
من اجل حضاره الاف السنين غير منسيه
من اجل جليله و هندوسه وصفيه
من اجل نساء ورجال ابدا ما باعوا قضيه
من اجل امهاتنا يرون فلذات اكبادهم فى طواحين الجبهجيه
من اجلك و اجلى ومن اجل الانسانيه
من اجل دمار بيوت اشباحا شلحت وسلخت فيها رموز الوطنيه
من اجل سماء بكت لمشاهد اغتصاب ارضيه
من اجل شعب يعيش الفقر فى بلاد غنيه
من اجل كل الاديان وكل الاعراف تكون اخلاقنا سويه
من اجل بلاد عاشت ليلا ظالم قاتم وجيوش سريه
من اجل الفجر القادم قادم الف تحيه


#591702 [الحاج ساطور بن الدفاع بالنظر]
0.00/5 (0 صوت)

02-21-2013 08:27 PM
يا جماعة الهندى ده اسمو بالونة الانقاذ ماذا تتوقعون منه !!!!


#591627 [اب توب]
5.00/5 (2 صوت)

02-21-2013 06:50 PM
دا بتتكلم عن مهاتير محمد قال هبة من السماء دا غضب والعياد بالله من غضب الله


#591496 [محمد احمد وداعة الله]
4.25/5 (3 صوت)

02-21-2013 03:40 PM
والله يا "الهندي" وال (two enverted comas) مقصودة.. انت بمقالك هذا أثبت إنحك أتفه شخصية صحفية على مستوى العالم وليس على مستوى السودان .. تعتقد نفسك اذكى من غيرك مع انو انت اغبى انسان يمشى على رجلين .. خليك في مساحيقك وكريمات التجميل بتاعتك الطرودوك بيها قبل كدة من القصر الجمهوري.


#591495 [حلفاوي]
1.00/5 (1 صوت)

02-21-2013 03:39 PM
الشعب لابد ان يكون فقيرا الفقراء يدخلون الجنة


#591443 [سلام]
0.00/5 (0 صوت)

02-21-2013 02:50 PM
ده زول **** ساااااااااي خلو , شوفو الكبار


#591421 [بدر النهار]
0.00/5 (0 صوت)

02-21-2013 02:32 PM
شهادتي لله كضباً كاضب


#591410 [lwlawa]
4.99/5 (7 صوت)

02-21-2013 02:14 PM
........كما أنني أدعو الله صادقاً أن يمُنَّ عليه في ما تبقى من عمر حكمه بمنصور خالد جديد و(بلون آخر).. و"ترابي" حديث.. ولكن بدون سطوة (المشيخة)!!
...ياربي (الهندي ) ده داير يكون في محل ياتو من الاتنين ديل ..؟؟!!..قالو البلد المافيها تمساح، يقدل فيها (ضب هندي)...مع الاعتذار (للورل) السوداني ...؟!


#591374 [mosma3]
4.44/5 (5 صوت)

02-21-2013 01:40 PM
لا داعي للتعليق فأجمل تعليق هو ضحكة الوليدات الأربعة الفي الصورة . فأنت لا تملك إلا أن تضحك معاهم وبنفس السخرية . ضحكة معبرة جدا لو أطلع عليه الهندي لأحتقر نفسه وأنزوى خجلا .


#591359 [دنيا دبنقة ..]
5.00/5 (6 صوت)

02-21-2013 01:28 PM
الرجال مواقف ..

و ال ما رجال برضو مواقف ..


#591357 [ناجى]
5.00/5 (1 صوت)

02-21-2013 01:25 PM
وين انت يا المشتهى السخينه
شوف الهندى ده بقول فى شنو


#591349 [محموم جدا]
5.00/5 (1 صوت)

02-21-2013 01:18 PM
بئس المقارنةبين النميري و البشير و هذا الذي يحكم على المستشارين و الوزراء نسي ان يحكم على رؤساء تحرير آخر الزمان أظن الهندي داير تقول لضياء بلال لو إنت منفوخ بجمال الوالي و النائب أنا بالرئيس ذاتو فهمناك لكنها تجارة رخيصة و تحتاج لاعادة تدوير و ما أظن هذه النفايات سيبقى فيها أي شئ ( نافع) !! لماذا لم تعقد المقارنة مع طيب اردوغان أو مع مهاتير محمد أو محمد بن راشد أم أن عنز الرماد ما بتفوت رماده عندك طبل هندي و راقصات هنديات فلقتوووووووووونا يا صحفيي الغفلة لكن نقول الحال من بعضووو!


#591342 [عبدالحليم]
5.00/5 (1 صوت)

02-21-2013 01:12 PM
الزول ده جن قال النميرى قال طيب النميرى مات وما عندو حتى ولد ولا ورثة يا مخبول روح ماليزيا شوف املاك البشير واعوانة النميرى لو كان عمل زى عمايل الجماعة ديل الحين السودان ما كان بقى منو ولا حاجة النميرى سلم السودان على ساق سليم والشعب كان ما عندو عوجة على الاقل ما كان فى اختصاب اطفال


#591317 [برهان]
5.00/5 (2 صوت)

02-21-2013 12:49 PM
ان كان هناك حسنة في هذا المقال فهو ازدراء الهندي لبطانة الرئيس وطلب تنحيه .. اما عدا ذلك فلا يخرج من نطاق المداهنة و التطبيل كاطرائه لحركة الرئيس بين المصلين في المقابر .. مع استشهاده برأي خصومه الترابي الذي ( كان صادقآ ) عندما نعته بانه هبة السماء .. ثم وصف الصادق له بانه لا يشبه الطغاة و لا يصعر خده ...


#591272 [مطيع]
0.00/5 (0 صوت)

02-21-2013 12:14 PM
للهندي الحق ان يقول رايه الخاص فب البشير مثل لما منتقديه حق انتقاده في ما ذهب اليه.لكن اظن همت البشير في هذا الجثمان تحديدا اعتقد نوع من الدعاية والغزل السياسي كمايقولون اي رسالة للمعارضة فحواها ان يا معارضين وسنكرمكم احياءً وامواتالان البشير فعل هذا وهو يعلم وجود الكاميرات وان عين المعارض علي هذا الصاحب القديم ويا الهندي قل رايك في من تشاء ولكن ما تزيد الجرعة


#591218 [Jados]
5.00/5 (1 صوت)

02-21-2013 11:29 AM
هذا (الهندي) انت والله مطبلاتي من الطراز النادر جدا وهذا زمانك مأمرح لولا هذة السلطة البالية لما كنت صحفيا وانت واحد مستنسخ من المشروع الحضاري الانقاذي بالله البشير دا رئيس لو ما السودان واقع في كارثة بحق وحقيقة.. انت خاوي الفكر لذلك تعتقد بان الشير رئيس متفرد بالله ارحنا من كتاباتك الركيكة هذة .......... ثورة ثوورة حتى النصر.


#591213 [حيدر خلف الله]
5.00/5 (2 صوت)

02-21-2013 11:28 AM
لقد علمت من مصدر خاص ان هذا الدواء يتكون من جرعتين وارجو من الهندى ان يعجل بالجرعه الثانيه فى مواعيدها حسب النشره المرفقه داخل الفتيل لأن الاطباء يقولون ان عدم تناول الدواء حسب وصفه الطبيب والالتزام بمواعيد الجرعات تمكن الفيروس من مقاومه الدواء مما يصعب علاجه .


#591208 [احمد زاكي الدين]
5.00/5 (6 صوت)

02-21-2013 11:24 AM



عزان سعيد

لا تغرنك المقدمة .. اقرأ ما بين السطور فستجد أن
الهندي قد هاجم الرئيس بل وهجاه بما لم يسبقه عليه أحد.



تماما.. إستطاع الهندي بذكاء أن يدس "السم في العسل" عندما عرف أنه لا يستطيع تقديمه خالصا
في المقال:
إتهم الرئيس بالدكتاتورية والإنفراد بالقرار فيما يختص بتعيين الوزراء المشار إليهم و أن هذه الوزرارات "لا مساحة فيها للجدال" .. يعني الرئيس لمن يركب راسو خلاص
وعاد ليؤكد أن الرئيس عنيد ولا يقبل المراجعة حتى في القرارات الخاطئة في قوله : " ولهذا فإن من عيوب مثل هذه الشخصية أنها إذا اعتقدت ووثقت في (شخص) فإنها (لا تقبل النقاش حوله) مهما تكاثرت أخطاؤه"
وقال أن الرئيس "(عاطفي) و(قوي)" وعندما تجمع الكلمتنين معا لا أجدها تساوي غير "أهوج" أو "أرعن" وهو ما نعلمه جميعا عن شخصية البشير
كما أن وصفه بعاطفي يضاد صفة "عقلاني" الواجب توفرها في القادة .. وهو هجاء لم يسبقه عليه أحد في صحيفة سودانية !
وعاد ليؤكد دكتاتورية البشير المعتمدة على قيادته للجيش في قوله "ولكنه يمثل – وحده – (أغلبية).. لأنه الأكثر شعبية بين قيادات (الإنقاذ) – لا جدال في ذلك – ولأنه في الوقت ذاته قائد الجيش."
ثم قال له "قرفنا" و"إرحل" بطريقة مهذبة : " مع حبي وتقديري الزائد للرئيس، فإنني أتمنى أن يتقاعد وهو في أوج جماهيريته"
كما إن إنتقاده اللاذع لمستشاري الرئيس الحاليين فيه نقد مبطن للرئيس نفسه الذى يعين مستشارين غير أكفاء وليسو بمستوى منصور خالد والترابي: "كما أنني أدعو الله صادقاً أن يمُنَّ عليه في ما تبقى من عمر حكمه بمنصور خالد جديد و(بلون آخر).. و"ترابي" حديث"

الهندي الختاها رقدت .. لكن بصورة ذكية جدا ...


ردود على احمد زاكي الدين
United States [واحد] 02-24-2013 09:46 AM
أتمنى أخى أحمد أن يكون (الهندى) قصد ذلك -- مع أنى اشك كثيرا فى تحليله - لكن اقول برافو

عليك فقد فسرت مقاله بذكاء يحسد عليه - عكس الاخوة الاخرين فى الموقع الذين غلبت عليهم كراهية

هذه الشخصية لذلك اختفت الموضوعية فى تعليقاتهم - برافو مرة اخرى اخى احمد فقد تفوقت على

الهندى المفلس -

United States [ود الماحي] 02-21-2013 02:03 PM
والله يا أبوحميد ده الكنت بفكر فيه لان مافي زول عاقل بقول الكلام ده حتي البشير نفسه لو سمع الكلام ده بستغرب . بس ذكرني قصة بتاع البوكس مع السمسار. غايتو إن شاء الله البشير يصدق ويستقيل . والله البشير إستثنائي بخداعه للشعب وكأنه يمتلك عصاة سحريه 24 يكذب ولسه في ناس بتصدقه. حسبنا الله ونعم الوكيل

United States [رقاص] 02-21-2013 12:27 PM
يكتب الهندي .. و كل يحلل علي هواه معارض كان ام انقاذي منتفع ..

والعبرة بالخواتيم .. اذ لم يسبقه صحفي بالارتماء تحن اقدام الرئيس كما فعل في مقاله المعيب .

United States [احمد زلكي الدين= الهندي] 02-21-2013 12:27 PM
الاخ الهندي اقصد احمد زاكي الدين كلامك صح وعين المنطق وانا في تعليقي السابق قلت انه مدح بما يشبه الذم عسل وسم في آن واحد .

واشك انك الهندي نفسه جاء ليفسر اكثر بعد هذه التعليقات المنهالة على قلمك وعلى تفكيرك .

فلا الومك ولا الوم المعلقين والناس قرفانه عايزة المواجهه وخايفين الصراحة عايزة شجاعه في زمن طغت فيه الدكتاتورية على التفكير في الحكم بوعي واخلاق سماوية .


#591162 [الواضح]
5.00/5 (2 صوت)

02-21-2013 10:55 AM
الاخوةالمعلقين من الاقضل الالتزام بالموضوعية والبعد عن الالفاظ البذيئة.لان هذا منبر صحفى يتسع للراى والراى الاخر.


#591153 [ابنوسي]
0.00/5 (0 صوت)

02-21-2013 10:45 AM
لا حول ولا قوة إلا بالله ياهندي إنت لو عاوز يجيبوك مساعد ماتعشم فيها لكن بثلجك ده ممكن يعينك خادم
عليك الله دفع ليك كم يامرتزق يا....
صدق ضغطتي حيترفع عشان كده حاكتفي بهذا
‏لكن بنصحك بطل نقاق وتوب إلي الله
هدانا الله وإياكم وكفانا شر كل ظالم ومنافق فنعم المولي ونعم النصير.


#591144 [نظام عام]
4.44/5 (6 صوت)

02-21-2013 10:39 AM
الرئيس البشير زعيم استثنائي بحق و حقيقة
فهو رجل من طراز خاص .. ذو قوة بائنة و عاطفة جياشة
و هو محبوب و عاطفي و قوي .. لا يشبه الطغاة
مح حبي وتقديري الزائد .. دعواتي سيدي الرئيس .


يا جماعة ( أبو صليب ) رجع تاني و نحن ما عارفين ؟؟؟؟؟


ردود على نظام عام
United States [نظام عام] 02-21-2013 06:56 PM
يا عتباني كان ما متنا شقينا المقابر .. مع تشابه لغتك للهندي و ابراهيم روثمان .

United States [عتبانى] 02-21-2013 03:37 PM
ابو صليب الظاهر اتربيت فية لاننا لم نحضرة بل سمعنا عنة

United States [ابوعديلة] 02-21-2013 10:55 AM
((يا جماعة ( أبو صليب ) رجع تاني و نحن ما عارفين ؟؟؟؟؟))
ومعاهو كمان ابراهيم روثمان.


#591141 [المتفائلة جدا]
4.00/5 (3 صوت)

02-21-2013 10:36 AM
أنا غايتو شايفة الكلام ده القصد منه إستفزازكم ايهاالقراء ليس إلا..وإنتو كده عملتوا ليه راس وقعر ...خلوا الرويبضةده يهضرب فى هضربته دى وطنشوهوا بس .. وتعالوا نتفق تانى الهلفوت ده لو كتب أى شىء مافى واحد يعبره مننا ولو بشتيمه..ونعمل بالمثل الداير تهريهو أسكت خليهو..


ردود على المتفائلة جدا
United States [واحد] 02-24-2013 09:51 AM
(المتفائلة جدا) انحنا لواتفقنا ماكان ده حالنا - مشكلتنا مابنتفق علشان كده حكمنا البشير

ربع قرن - وظهروا صحفيين فى مستوى الهندى - مصيبتنا كبيرة ياعالم -


#591139 [مجنون]
0.00/5 (0 صوت)

02-21-2013 10:35 AM
المنافقون فى الدرك الاسفل من النار من لمعت جضومك ديل وسمنت انت زول دنيا ساى تسرد النار وانت والكيزان وبئس الور المورود


#591075 [علي مسند علي]
5.00/5 (1 صوت)

02-21-2013 09:42 AM
( لم يتوفر له مستشارون ووزراء بوزن وثقل وتجارب مستشاري الرئيس الأسبق .)
هذا معناه ان كل جوقة البشير لاخير فيهم
(إن لم تحاصره بالشورى والمراجعات والاعتراضات على كل القرارات، بما فيها قرارات تعيين وزراء (الدفاع) و(الداخلية) و(الخارجية) و(المالية) و(الزراعة)، فقد رشحت مؤخراً أحاديث تقول إن هذه الوزارات تمثل (حصة الرئيس) في الاختيار ولا مساحة فيها للجدال. )
هذا معناه ان كل خياراته خرقي والدليل هذه الوزارات الفاشلة وهي مسؤوليته وحده .
( من عيوب مثل هذه الشخصية أنها إذا اعتقدت ووثقت في (شخص) فإنها (لا تقبل النقاش حوله) مهما تكاثرت أخطاؤه!!)
لا تقبل النقاش مهما تكاثرة الاخطاء ..........ماذا نقول عن مثل هذا الشخص
(أتمنى أن يتقاعد ).........(كما قال بذلك خاله المهندس "الطيب مصطفى )
كل هذا هو الزم فيما يشبه المديح .


#591037 [مصطفي مهنا ابوكوراك]
0.00/5 (0 صوت)

02-21-2013 09:12 AM
طبعا يا اهــل الخير هـذا تلميع مدفوع الاجر او يتوقع منه مردود معنوي او مادي، لـو اسـتسلمنا جـدلا ان اهـل الشرق واهـل الغرب والغرب الاقصى واهـل " العوض " ليس فيهم واحد جدير بتولي منصب رئيس البلاد بعد 60 عاما من الاستقلال ، أليس في حزب "الانقاذ " او قل "التضامن النيلي " رجـال اجدر من الذين جربناهم.إلى هذا الحد رحم الانقاذ أو رحم " التضامن النيلي عقيم "؟؟؟!!!


#591033 [حامد]
0.00/5 (0 صوت)

02-21-2013 09:09 AM
اسعاف يا جماعه انا مرارتى انفقعت


#591021 [بطني طامه]
0.00/5 (0 صوت)

02-21-2013 08:54 AM
اوقات الرؤساء ثمينة جدا وبدل صرف الزمن فى المجاملات الأكثر من اللزوم والشوفنيه يفضل تكريسه لمراجعة هموم البلد العاجله ، عرف عن ملك سلطنة عمان تكريس جزء كبير من زمنه لمراجعة عروض وعقود مشاريع بلده الكبيرة والحساسة حرف حرف مع مستشاريه والمتابعة السرية والغير ملعنة للتنفيذ بصورة راتبه وبعد الاكتمال يبدأ المشروع فى دورة الانتاج مباشرة بدلا من الاحتفالات ، حتى الزيارات الرسميه خارج البلد تركها لممثلين له والأن سلطنة عمان من اقل البلاد فسادا... نحن مادايرين رئيس يضيع زمنه فى تسوية الصفوف دايرنه يعدل حال البلد المائل فى الآمور الاستراتيجية.


#591018 [Ageeb]
5.00/5 (1 صوت)

02-21-2013 08:51 AM
Breaking ice will never make a decent, successful man. To survive and remain effective, the "Word" should be true, simple, and honest.

Mankind history indicates clearly that the layman is more responsive to everyday life events than those empty theories telling him everything is okay... economy is working fine, security is preserved; health is maintained, and before all, education is secured free for all! However, on the opposite, everything is deteriorated in the real life on the streets.

When people can not afford to have good health services, a decent living, a good education, they will never look at what the hypocrite opinion leaders are saying. They will only look to the real facts in hand!


#591002 [ابوابرار]
0.00/5 (0 صوت)

02-21-2013 08:08 AM
علي الاقل يا الهندي نميري ما سرق ومات وشيع من بيت أبوه في ود نوباوي وكان راجل بمعني الكلمة والظاهر لقيت ليك أو موعود بشرهة قويه من ناس الانقاذ ما كنت بالامس كويس واعتقلت في سبيل كلمة حق نشرت لك يا خسارة يا ....................................


#590982 [شمالي]
4.00/5 (2 صوت)

02-21-2013 07:25 AM
هههههه
لو إستمر هذا الصـخــفي الهندي عزالذين في إبتذاله دا لي قدام
ما أستبعد أن يكتب لنا يوماً مقالاً عن نبوة عمر البشير ونزول الرسالة عليه
أو أنه المهدي المنتظر
وما بعيد يشطح وينطح في كسير التلج ويقول لينا ريحة الادبخانة عطرة أكتر من غابات الصندل

غايتو نقول شنو
شكلو الهندي عزالذين دا منقولي وعندو مرض تخلف عقلي


ردود على شمالي
United States [العبادي] 02-22-2013 06:23 PM
انا لله وانا اليه راجعون يالهندي اليوم دا انت راس فيه ايه عشان تقول ونحكي بالطريقة دي ولا انت الصحفي المدلل للنظام اعمل حساب قلمك المامسنون ياولد واكتب في حدود طولك والا سوف لا ينفعك كسير الثلج البتعمل فيه دا اللهم ارحم واعفر للاستاذ حسن ساتي معلمك كان جعلك بكلماتك دي تفقد قلمك العاصي علي الشعب الفاضل دا ارجو قل خير او اصمت ،،،،،،

United States [ود الماحي] 02-21-2013 02:05 PM
ما عارف يالشمالي قاصد واللا جات صدفه الصخفي لو كانت بالسين كانت بتكون أجمل


#590976 [مسلم غيور]
5.00/5 (1 صوت)

02-21-2013 07:17 AM
قال شهادتي لله ..قال ..ارجو من الاخ الهندي ان يثبت على هذا الراي عندما ان يسقط هذا النظام ان كان فعلا صادق فيما كتب ..يا اخي هذا الرجل الذي تصفه بانه هبه الله لاهل السودان رجل لا يوفي بما يقول يعني كذاااب ..وكذلك احمق وانفعالي ومتهور وهذه هي شهادتنافيه لله وهو ادرى بما في القلوب وبعدين الشعب السوداني يستفيد شنو من تواضعو وهو ظالم وقاتل ..يا اخي قوم لف بلا هبة بلا مهبب معاك ...


#590962 [دلوعه الخليج 💕]
5.00/5 (4 صوت)

02-21-2013 05:55 AM
الحمد لله علي نعمة العقل بس......انا الجابني هنا شنو


#590950 [ماهر بدرالدين]
5.00/5 (1 صوت)

02-21-2013 05:06 AM
يا هندي حتي كسير الثلج و النفاق لا يكونان بهذه الطريقة الممجوجه المهينة


#590938 [الغريب عن وطنو]
0.00/5 (0 صوت)

02-21-2013 04:27 AM
حينما قرأت عبارة شهادتي لله حسبت أن الرجل سيقول ما لم نتعود عليه منه ..
ولكن بعد عدة سطور منعني الشعور بالغثيان من إكمال هذا المقال الذي تفوح منه نتانة التملق والنفاق ..
اعذروني لسوء الالفاظ ولكن هذا اقل ما يقال ..


ردود على الغريب عن وطنو
United States [اب توب] 02-21-2013 10:31 PM
شهادتو دي ما شهادو زور هو دحين مشو قالوا ما عندو شهادة علمية . الله يدينا الشهادة والعمل الطيب


#590930 [فرقتنا]
5.00/5 (4 صوت)

02-21-2013 03:20 AM
يا راجل والله الناس ديل شهادتهم توديك جهنم عدل شوف المعلقين وتب الي الله فان البشير لن ينفعك يوم الحساب لقد شهدوا لك بالنفاق بأبشر بالويل والدرك الاسفل من النار


ردود على فرقتنا
United States [الحقيقة مرة] 02-21-2013 03:23 PM
قال شهادتو لله لكن هي للجاه ياخوي


#590927 [احمد]
5.00/5 (1 صوت)

02-21-2013 03:08 AM
الهندي يجهز نفسه للإنتخابات 0ومن هو عمر البشير ؟ هو الذي قتل عشر ألف من أهل دارفور بإعترافه0 هو الذي تم في عهده تدمير مشروع الجزبرة والسكة حديد والتعليم والصحة والإقتصاد وتقسيم السودان والحرب في جنوب كردفان والنيل الأزرق وهو الذي إنتشر في عهده الظلم والفساد بإعتراف حزبه


#590925 [محجوب عبد المنعم حسن معني]
5.00/5 (1 صوت)

02-21-2013 02:55 AM
لا حولة ولا قوة الا بالله العلي العظيم الصباح انا في المكتب كانو المعلقين عشرة الان الساعة الثالثة صباحاً من فجر اليوم الثاني والصفحات وصلت 5
بختك يا الهندي عز الدين بقيت اشهر من مونيكا ليونسكي
شكله الراجل ده مقطع فشافيش ناس كثار
(انه الهدوء الذي يسبق العاصفة لمن لا يعلمون)
هناك شئ يدبر في الخفاء ارجو ان تتمعنو في كلام الهندي ده كويس


#590924 [ابو صاج]
4.63/5 (7 صوت)

02-21-2013 02:54 AM
المقال ده يعتبر أول دعوة صريحة من راجل يحمل أدوات التجميل في حقيبته بتقنين زواج المثليين في السودان. و كأول محصل نفايات يخطب السيد عريس الجمهورية لنفسه! خيابة آخر زمن


#590922 [بجد هندي]
4.00/5 (1 صوت)

02-21-2013 02:36 AM
دا حلام فات ابو لهب ومسيلمه الكذاب..ياخ مسيلمه شنو دا فات الافلام الهنديه ذاته..الزول دا بكون مضرب يطلع ليهو بزقاق في كافوري الظاهر..
المحيرني كلماتو دي هو ذاتو مصدقه لمن يكون راجي شعب كامل يصدقها..كل البقولو ليهو ياشريف انت سوطي ليمون ساي وماعندك اي شعره وطنيه..شعره التقوم ليك يايابا في ....


#590921 [راصد مع سبق الإصرار]
4.75/5 (3 صوت)

02-21-2013 02:35 AM
قدر ما فتشت كلام مناسب اقولو في الشسيء عز الدين دة غلبني.. اعتبروني نقلت تعليقات الجميع عملتها في تعليق واحد كبير....


#590915 [مفكر الحر]
5.00/5 (1 صوت)

02-21-2013 01:59 AM
المقال يعبر عن كسرالجمود والسكون في الفعل السياسي لمنظومه الصراع للخلافه فالتيار الذي بدا بمباداره التنحي هو الذي يعد ويخطط لانتخابات برلمانيه ورئاسيه مبكره فهي دفعت الهندي ويمثل رمح الدعايه والمغذي دارسه رد فعل البشير في الاتي:
1- الانتخابات المبكره
2- رد فعل الرئيس اتجاه الهندي بالتنحي
3- انقلاب صلاح قوش لانه اول من صرح وادعي لتنحي الرئيس
ماذا سيحدث للهندي وهل الهندي له الشجاعه بان لايذكر من الذي دفعه لفتح ملف التنحي علي الملاء بعد ان كان يتداول في الغرف المغلقه
خلاصه : الهندي اهداء الجنرالات الذين سيخلفون اليشير فرصه لتقليل فرص نافع و علي عثمان في الرئاسه
والذي يجر الكوره من منظومه الوطني للبشير يحدد من يخلفه


#590888 [ود الفاو]
5.00/5 (1 صوت)

02-21-2013 01:18 AM
قدر ما فتشت كلمات كعبة عشان توصف الطفيلي ده ما لقيت ، ياخ والله انا بكرهك يا الهندي وبي جردقة ما بتنهضم ، تففففففففف عليك ياخ


ردود على ود الفاو
United States [عنيد] 02-21-2013 12:50 PM
والله دا عشان يتهضم داير ليهو جنينه ليمون


#590884 [فلان الفلانى]
5.00/5 (1 صوت)

02-21-2013 01:09 AM
الغريبة العمود اسمو( شهادتي لله )


#590878 [مصطفي]
3.00/5 (2 صوت)

02-21-2013 12:57 AM
لك التحيه هندي عزالدين كلام في محله ودالبشير مبشر بالخير وضع النقاط في الحروف وبانت كل الحقاق وتكشفت في عهدة نعم المستعمر ترك لنا قنابل كامنه وضعها ف مناطق كانت تسمي مقفوله وفعلا الان صارة كذالك هناك علاج يحتاج لفترة من الزمن حتي يشفي منه واخر بيودي التوج


#590876 [amar abdeldaim]
5.00/5 (1 صوت)

02-21-2013 12:52 AM
هههههههههههههههههههههههههههههههههه صح اي زيك انت برضو صحفي هدية من السماء (فلتذهب الي الجحيم )


#590861 [[جنوب]
0.00/5 (0 صوت)

02-21-2013 12:42 AM
ياخى خاف الله انت بتتغزل فى الرئيس غزل جميل فى بثينة ماقالوا وايه النفاق وكسّير التلج فى داعى عاد البشتنة دى كويسة


#590856 [abusafarouq]
5.00/5 (5 صوت)

02-21-2013 12:39 AM
} هذا الرئيس (هبة من السماء) تماماً كما قالها الشيخ "الترابي" – وكان صادقاً – في مطلع تسعينيات القرن المنصرم حينما كان (المرشد) و(المنظر) لثورة الإنقاذ الوطني، وهو رئيس لا يشبه (الطغاة) كما قال الإمام "الصادق" وهو – والوصف للمهدي – (لا يصعر خده للناس)!!
السؤال للهندى ماذا يقولون عن البشير فى مطلع عام 2013 ياترى؟ هو فعلا هبة منزل من السماء للإنتهازين والطفيلين والغوقائين والفوضوين والحرامية السرقو البلد : لولا نزول البشير عليهم هبة من السماء لما وجدو مأوى تقيهم الحر والبرد فى قصور : لولا البشير لما ركبوالفارهات كانو جرابيع مع عيشة أولاد الحارة : لولا البشير هبة من السماء لما أصبحو مسؤلى دولة فى مناصب 24 سنة يتحكمو فى أمور الدولة وأشاعو الفساد والافساد فى الارض وسرقة المال العام والانحطاط الاخلاقى الكامل وإفلاس الدولة السودانية من كل موارده الحيوية والمعنوبة :.


#590849 [عز الدين لكن ما هندي]
5.00/5 (2 صوت)

02-21-2013 12:33 AM
انا بعرفو كويس الزول دا قبلما اتزوج خطب واحدة قريبتو رفضتو وقالت كلامو كلام نسوان .


#590846 [salih ramtool]
5.00/5 (2 صوت)

02-21-2013 12:27 AM
يالرغم من ان الموضوع ....... والكاتب ........
لكن قريتها كلها والهندي دة بتاع خمسات ولا شنو ؟


#590836 [زول الله]
5.00/5 (1 صوت)

02-21-2013 12:14 AM
يا جماعة الهندى ده زول مخلوع إتخيلوا زول من محصل نفايات يركب برادو حته واحدة ، وهذا المريض النفسى لا يعى ما يقول اكيد كتب المقال ده وهو ضارب ليه سيجارتيين ، اعذروه يا جماعة فهو غلام ، هسى الزول ده لو بستحى كان قفل خشموا بعد فضحيتوا ايام الانتخابات.
النصيحة : حقوا نشوف طريقة نعالج بيها الزول ده لان كلام زى ده ما بطلع الا من زول مجنون وما نصيح.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 512345>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة