الأخبار
أخبار إقليمية
أزياء أفراح عصام تتسبب في منعها من الغناء بجامعة الخرطوم
أزياء أفراح عصام تتسبب في منعها من الغناء بجامعة الخرطوم
أزياء أفراح عصام تتسبب في منعها من الغناء بجامعة الخرطوم


10-30-2010 07:26 AM
أزياء أفراح عصام تتسبب في منعها من الغناء بجامعة الخرطوم

أمرت الشرطة الفنانة أفراح عصام بالنزول من خشبة مسرح جامعة الخرطوم الاسبوع الماضي ومنعتها من أداء وصلتها الغنائية بسبب الأزياء التي كانت ترتديها وهي عبارة عن بنطال وتشيرت محذقات عليها. وقالت مصادر لصحيفة فنون أن طلاب جامعة الخرطوم – كلية الآداب تفاجأوا بالشرطة تمنع المطربة افراح عصام من الغناء في اليوم الترفيهي الذي اقامته الكلية ما حدا بالطلاب تصعيد احتجاجهم لمنعها من الغناء.


صحيفة فنون


تعليقات 22 | إهداء 0 | زيارات 11424


التعليقات
#41750 [بت الخرطوم]
0.00/5 (0 صوت)

10-31-2010 10:06 PM
يا اخوان الراجل راضى شن دخلا الامنى


#41691 [عادل]
0.00/5 (0 صوت)

10-31-2010 06:03 PM
بصراحة البت صوتها حلو وهى على قدر من الجمال .... اما موضوع اللبس ده فى السودان بقى كارثة قومية . مشكلة حقيقية واخطر من مشكلة الجنوب والانفصال . بس وين وليانها ياناس كيف بيخلوها تلبس مخشلع . الله يستر ونسأل الله يصلح الحال . بصراحة الشارع العام ما مضبوط وكان سالت حد .... يقول ليك دى حرية وحاجة شخصية . احسن نفرق بين الحرية والحرية .


#41690 [ابوفيصل]
0.00/5 (0 صوت)

10-31-2010 06:03 PM

جامعة الخرطوم اعرق وانضف من كده بكتير ويا حليل جامعة الخرطوم زمان.. كان الواحد ذى الداخل لمكان مقدس يجب احترامه واحترام اساتذته وطلابه..

ولكن للاسف الشديد حتى الطلاب الموجودين فى الجامعه اليوم يحتجون عن المهازل
اليوميه والمتكررة دائما ًالتى لا يختلف عليها اثنان على انها مخلة بالاداب العامـــــه
والاعراف السودانيه الاصيله...


الافضل يا اولاد تشوفوا دروسكم وتحافظوا على المبادىء وتخلونا من شبيهــــات
نانسى عجرم واخواتهـــــــــــــــــــــــا..................


#41567 [خالد إدريس ]
0.00/5 (0 صوت)

10-31-2010 12:21 PM
يا عمرابي انت مالك بتناقض نفسك بنفسك فالبنت ما عاجباك ولا عاجبك غناها وبتعترض على حضور ناس الامن ( النظام العام ) وانزالها من المسرح ومن ثم الغاء الحفل وايضاً بتقول الحكومة عندما تنقلب بتفرح زي فرح المسلمين والغاء النظام العام مثل تكسير الاصنام والله يا أخ تشبيهك مناف للحقيقة ولا يجوز ان يكون تشبيه لان تكسير الاصنام التي كانت يتخذها المشركون آلهة ولا يجوز الا عبادة الواحد القهار وكانت بمثابة احقاق الحق وابطال الباطل ، والنظام العام لو يؤدون عملهم على اكمل وجه لما كان الوضع الذي يعيشه الشارع السوداني فساد في الاخلاقيات ونساء متبرجات وهنالك من يدعون للرزيلة وعلى الملأ العام فالواحد بقى يسأل الله ان ينعم عليه بالستر في حله وترحاله ، فالرجل اصبح مستهدف من الجارة ومن صديقة الزوجة ومن القريبة وربنا يستر حتى الفضائح بقت تذكر في الاعلام المرئي والمسموع والمقروء وهذا يشجع على تفشي الرزيلة وايجاد سبل للتفنن في الرزيلة .
ولنرجع الى موضوع الفنانة التي انزلت من المسرح فالبنت هذه حديثة على الحياة الزوجية اتي تزوجت منذ فترة قصيرة فزوجها ليس لديه غيرة على زوجته وليس لديه شهامة ومرءة حتى يترك زوجته تخرج بازياء غير محتشمة فصحيح قول الحبيب المصطفى صلى الله عليه وسلم ( إذا لم تستحي فافعل ما تشاء ) وويلٌ للديوس الذي لا يشتم رائحة الجنة.


#41512 [الشاهد ]
0.00/5 (0 صوت)

10-31-2010 10:39 AM
هي هسي في الصورة دي بتلعب سك سك مع منو.. والله العظيم تعبنأأأأأأأأأأأأأأ


#41501 [عمرابي]
0.00/5 (0 صوت)

10-31-2010 10:22 AM
انا البت دي ما بحبها و ما بحب غناها
لكن نحن لي متييييين ابسط حرياتنا مهضومة و حقوقنا مسلوبه باسم ما يسمي نظام عام و ما هم الا شرزمة من الصعاليك و البلطجية المرتشين
ثم اية اليدخلهم الجامعة و اية العرفهم اصلا انها لابسة بنطلون لو ما اصلا الموضوع موضوع اتحادات و جبهجية معر....ين
غايتو انا يوم تنقلب الحكومة دا حيكون بالنسبة لي ذى دخول مكة للمسلمين و يوم يحلو النظام العام دا ذى كسير الاصنام
زليتونا و دمرتونا و شردتونا من بلدنا الله لاجاب باقيكم ياخ


#41500 [hafiz]
0.00/5 (0 صوت)

10-31-2010 10:20 AM
لكن بيني وبينكم شده وغسيل عده
النصيحه ليك يالله


#41427 [Omer]
0.00/5 (0 صوت)

10-31-2010 01:26 AM
طيب ليه ما ودوها محكمة زى لبنى الحسين. وليه ما جلدوها زى ما بجلدوا فى بنات الناس كل يوم. وليه بيسمحوا لندى القلعة تغنى فى نيجريا بالبنطلون البودى والتيشيرت الفاتح صدرو وبنتها تجمع فى النقط. وتصدقوا تجى تغنى فى عرس الهندى عزالدين بياع الاكياس الذى اصبح يمتلك جريدة. حبيب المؤتمر الوطنى. شريعتهم دى فى الغلابة اما الناس بتاعينهم لا فى شريعة لا قانون. اما افراح دى بنت غبية عاوزة تشتهر باى ثمن وراجلها العوير ماشى وراها زى ضكر البط.


#41365 [سوداني مخلص]
0.00/5 (0 صوت)

10-30-2010 09:31 PM
سبحان الله .............تقريبا الواحد بقا كلو ما يعلق يقول سبحان الله ونزيد هنا بربنا يشفي الناس العلقت دي ما ماخده بالا للشرطه البقا ما عندها شغله يعني خلاص يالامن المستتب قالو يشوفو حاجه تانيه خلو الاساسيات و بقو للما ثانويات اصلا بعدين يا جامعة الخرطوم احتفال شنو و فارغة شنو صلحو الاكاديميات واللابات والكلاسات يا جامعه يا فضيحه اختشو شويه واتذكرو تاريخ الجامعه المجيد ورجعوها عهدها الاول فالحين تتفاخرو بيو وتقولو الجامعه رفضت الملك فهد زمان وهسه بقت زريبه لتجار البنفو وبالمناسبه كمان قالو تجار الكريستال خشو كمان ..البلد واقعه بكل الجهات الله يستر علينا يارب


#41363 [ف م ع]
0.00/5 (0 صوت)

10-30-2010 09:28 PM
ياجماعه الخير خلوها قايله نفسها نانسي عجرم مسخره


#41328 [ام الحسن ]
0.00/5 (0 صوت)

10-30-2010 07:26 PM
بصراحة في السودان في مشكلة لبس خاصة لبس البنات الصغار عبارة عن بهدلة وشى غير مفهوم هويتها من وين ،،،ففكرة التى شيرت او البلوزة مع طرحة لم تعرف هل هي طرحة ام إيشارب ،،، افتكر من المفترض الإلتفات لهذه البهدله وعلى المصصمات والمبدعات التكرم بتطوير فكرة الطرحة وإعادتها إلى عالم الأناقة بالعودة لحجمها القديم وهي ليست إيشارب والعمل على إدخال تصميم جميل إذا اصرت عليها الفتيات وقد شهدناها كثيراً في الفضائيات خاصة الفنانات وكانت عبارة عن بهدلة الوان ،،، في رأى الثوب السوداني محترم جداً ويجب الإلتزام به في المناسبات العامة خاصة الفنانات بدلاً ان يعرض انفسهم لمشاكل الأمن ورجاله ،،، وإلا عايزين يفرضوا عليكم العباية السوداء؟؟؟؟؟؟؟؟؟؟؟؟

ــــــــ
نرجو ارسال مقالك مرة أخرى


#41298 [أبو العلاء]
0.00/5 (0 صوت)

10-30-2010 06:28 PM
قال ابن مسعود -رضي الله عنه- : ( الغناء ينبت النفاق في القلب كما ينبت الماء العشب )


#41281 [افراحabuabdullab]
0.00/5 (0 صوت)

10-30-2010 05:38 PM
افراح؟؟؟؟؟؟ عصام ؟؟؟؟ يا اهل الراكوبة افيدونا افادكم الله من وين الفنانة دى من ايطاليا من اليونان ولا من دولة المقرة والله السودان مصيبته كبيرة خلاااااص ما كفانا مصائب حكومتنا تقع فينا مصائب الاغراب دى بلد الجاياها كبيرة عاد ابفو رجال واركزو


#41278 [ديل كلبة منو دي ]
0.00/5 (0 صوت)

10-30-2010 05:29 PM
أمرت الشرطة الفنانة أفراح عصام بالنزول من خشبة مسرح جامعة الخرطوم

ينصر دينكم ..

خشبة مسرح جامعة الخرطوم أشرف وأعرق من انو تقيف فيها وحده زي دي ..

يا سودانين اختشو اختشو انتو ادوكم عين ولا شنو بقيتو رجال المره ولا شنو .. استرو بناتكم الله يجازيكم .. والماعندا البسترا رجال البلد وين يلموها بي كــف ..

والله يا قطامه ما كضبته اخخخخخ يا زمن





#41272 [اب فلجة قدووم]
0.00/5 (0 صوت)

10-30-2010 05:16 PM

نحن منتجى وموزعى كريم كونى النجمة بالتضامن مع محبى ومريدى الكريم ندين بشدة تدخل العسعس ونطالب باعادة رتق النسيج الاجتماعى


#41249 [قطامة]
0.00/5 (0 صوت)

10-30-2010 04:32 PM
جامعة الخرطوم جميلة ومستحيلة السنتر شارع المين البركس بقت تدخلها اشكال زي دي اخخخخخ يا زمن


#41246 [ابو كوج]
0.00/5 (0 صوت)

10-30-2010 04:28 PM
اي شرطة يا جماعة دول شرطة امن الجامعة مش شرطة الامن العام !!!!!!!!!!!


#41143 [صلاح فضل السيد حامد]
0.00/5 (0 صوت)

10-30-2010 01:14 PM
الإحتفال الترفيهي هذا قبل الزواج أم بعده.


#41135 [قرفان من الكيزان]
3.00/5 (1 صوت)

10-30-2010 12:50 PM
خلاص يعنى حبكت ؟؟؟ كيزان معفنين بتاعين مظاهر ______ وفى مزارعهم وفى قصورهم

بيعملوا البدع _______ ليكم يوم ياعواليق ________


#41131 [البيلي]
0.00/5 (0 صوت)

10-30-2010 12:43 PM
كلام صاااااح دي جامعه بيدخلوها بي شهادة سودانيه نجاح مش شهاده من برنامج نجوم الغد ونحن ضد قانون النظام العام وتدخلو في الصغيره والكبيره لكن الفنانه مفترض لوما عايز تحترم مشاعر المستمعين علي الاقل تقدر مشاعر زوجها وتلبس زي الناس مسخره فارغه


#41122 [محمد نعيم]
0.00/5 (0 صوت)

10-30-2010 12:26 PM
جزاهم الله خيراً


#41116 [واحد زهجان]
0.00/5 (0 صوت)

10-30-2010 12:14 PM
و الله لكن دي حكاية غريبة جدا الناس في شنو و نحن في شنو أها إن شا الله و جهو ليها إتهامات و ح تدخل دائرة المحاكم عشان تعيد لينا سيناريو لبنى يا ناس عليكم الله أرحمونا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
8.31/10 (79 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة