الأخبار
منوعات سودانية
فنانة معروفة تقتحم منزل الشاعر الصادق الياس مرتدية النقاب..!!
فنانة معروفة تقتحم منزل الشاعر الصادق الياس مرتدية النقاب..!!



بعد أن قالت له : ( الشمس ساخنة بتأثر على وجهي):
03-10-2013 06:59 AM


*الخرطوم: محاسن أحمد عبدالله
اندهش الشاعر الصادق الياس من تصرف إحدى الفنانات المشهورات والتي قدمت إليه في منزله بمنطقة الجريف وهي منقبة مما أدخله في حيرة وتساؤل عن هوية تلك المنقبة التى جاءت تبحث عن نصوص غنائية. وتعود التفاصيل كما رواها الشاعر بقوله : ( في ذات يوم قدمت إلى منزلي إحدى الفنانات وهي تقود عربتها وعلى وجهها نقاب فاحترت من تكون ولماذا جاءت و لماذا تسأل عني؟، وبعد أن رحبت بها دعوتها للجلوس خاطبتني قائلة: (أريد نصوص غنائية) فاندهشت وسألتها من أنتِ فرفعت عن وجهها النقاب فكانت المفاجأة أنها إحدى الفنانات المشهورات الأمر الذي جعلني أقول لها (متين تنقبتي) فأجابتني قائلة : ( أنا ما اتنقبت لكن عشان الشمس ساخنة بتأثر على وجهي)، فازددت دهشة واستغراباً وأنا أردد (سبحان الله) ثم بارحت مكاني وقمت بإعطائها النصوص الغنائية المطلوبة ثم غادرت بعدها وتركتني متعجباً للحالة التى وصلت إليها عدد من الفنانات عندنا ).

فنون


تعليقات 19 | إهداء 0 | زيارات 5593


التعليقات
#607924 [محبى كريم كونى النجمة]
5.00/5 (2 صوت)

03-11-2013 05:19 PM
( أنا ما اتنقبت لكن عشان الشمس ساخنة بتأثر على وجهي)

عشان كده قام الشاعر طوالى والحالة كان شادى كمان كتب وادها اغنية: " الشمس غابت...."


#607712 [ابو محمد]
0.00/5 (0 صوت)

03-11-2013 01:07 PM
والله عدم المضوضوع مصيبة هس ده خبر الواحد يكلف نفسو بقرايتو


#607338 [الراصد الاول]
0.00/5 (0 صوت)

03-11-2013 06:06 AM
دى نصوص والا شحتة سعوط


#607160 [سوكو رأس حربة]
0.00/5 (0 صوت)

03-10-2013 09:22 PM
الحاصل أنو الفنانة العروفة دي (جلبطت) وجهها بالكريمات و المبيضات فخلت الوجه بقع بقع كل ألوان الطيف غي الوجه باينة علشان كدة غطت وجهها؟؟؟ و لا موش كدة يا أبو صاحب؟؟؟ و إنت ياشاعر الفنانات المشهورات كما كلمتها بتعرف كيف أنو عندك قصائد غنائية بالله بطلوا عبط تلاقيك مواعدها و جات لقت البيت ما فاضي ؟؟؟


#607121 [ودالنــــــــيل]
5.00/5 (1 صوت)

03-10-2013 08:21 PM
وانت يا شاعر الهناء مالك ماتبقي راجل وتسترها؟
شنو نقيل الخبارات دة هسع دة كلام شنو البتقول فيهو دة
وكمان جبت ليها النصوص؟ يعني جاهز موية ونور قلتلي
بتبيع في بطيخ


#606998 [أبو أواب]
3.00/5 (3 صوت)

03-10-2013 05:20 PM
ده زي الخبر الجابوه مرة في صحيفة الدار

(( شاب يقع في بالوعة))

رايكم شنو مش ياهو زاتووووووووووووووووووووووووو.


#606983 [mohmd]
5.00/5 (2 صوت)

03-10-2013 04:58 PM
(ثم بارحت مكاني وقمت بإعطائهاالنصوص الغنائية المطلوبة) ياأخي إنت فاتح ليك بقالة؟ ده كلام شنو؟


#606939 [ود الجيران]
5.00/5 (1 صوت)

03-10-2013 04:05 PM
دي علوية امبدة


#606829 [ahmed]
5.00/5 (1 صوت)

03-10-2013 01:52 PM
لله يستر فاتت علينا ياسودان؟ كل يوم خبر جديد.؟ شواذ بحري وكمان واحدة تغطي وجهها لاشياء اخري الايام الجاية ملئة بالمصائب طالما تفشي صفات لاتليق بهذا المسلم المحافظ؟


#606802 [ابن حلايب]
5.00/5 (1 صوت)

03-10-2013 01:08 PM
سميه حسن


#606712 [عووووووع]
5.00/5 (4 صوت)

03-10-2013 11:50 AM
هسة دهـ شنو ؟؟ والرسالة الوصلتنا شنو ؟؟ بت غطت وشها من الشمس !!! يعنى دهـ نظام الصحافة ونبض المجتمع ولا شنو ؟؟ ولا إمكن المجتمع ونبض الصحافة ؟؟ ولا اقول ليك,,بكون دهـ نبض الشمس المحرقة فى حنايا الذكريات المشرئبة !! الله يقرفكم ويطمم بطنكم زى ما طممتوا بطنى يا ...........


ردود على عووووووع
United States [ابو الكجص] 03-10-2013 02:36 PM
أحييك ياعوووووع إنت كده 100% وفعلاً ده شنو الغثاء دا؟


#606702 [اخمد]
5.00/5 (1 صوت)

03-10-2013 11:46 AM
تكون ماخده حقن تفتيح وكريمات وبلاوى زرقه عشان كده الجابركم شنو السمار ده مالو


#606680 [ابوعلى]
0.00/5 (0 صوت)

03-10-2013 11:31 AM
زوله محافظه على شكلها


#606666 [شخلعه.]
5.00/5 (1 صوت)

03-10-2013 11:22 AM
عادي مشت الدكان تشتري قصائد
كان منقبه كان مشخلعه,دي فيها شنو?


#606537 [سمؤل نصر الدين]
0.00/5 (0 صوت)

03-10-2013 09:44 AM
هههههههههه
قلت لي يا ود أورو يكتب ليها شنو
الشمس بتحرقني عشان كدا قطيت وشي ترم ترم ترم


#606483 [اورو]
5.00/5 (7 صوت)

03-10-2013 08:47 AM
مفروص تكتب ليها قصيده بعنوان الشمس بتحرقني عشان كدا قطيت وشي ترم ترم ترم


ردود على اورو
United States [osama] 03-10-2013 10:31 AM
والله حلوة يا اورو وكمان تديها بيت:
لما شفتك انكشفتا ووريتك كضومي


#606480 [بسام]
5.00/5 (3 صوت)

03-10-2013 08:45 AM
مادمت اندهشت واستغربت مديها النصوص ليه؟


#606452 [مصطفي كونج]
5.00/5 (2 صوت)

03-10-2013 08:22 AM
مافي حاجة غريبة في الموضوع .. زولة الشمس بتأثر على وجهها وغطتو .. اها تاني في شنو
الحالة التي وصلت والحالةالتي لم تصل .. انت زاااااتك يا الصادق اليأس بتستقبل ليك مرة جوة بيتك وكمان تقوليها اقعدي ... انت وكتين عامل فيها زول كويس مش كان تتكلم معاها في خشم الباب ..


ردود على مصطفي كونج
United States [المطوع] 03-11-2013 09:50 AM
صاحبك كان مواعدها تجيهو في البيت ومافي حد يعرف وطبعاً بما انها فنانة معروفة الطريقة الوحيدة انها تتنقب وتغطي وشها عشان ما حدا يعرفها بس لسوء طالع شاعرنا الجماعة كانوا طالعين للجيران بس غيرو رأيهم بدون ابداء اي اسباب وعشان صاحبك يمرق من المأزق دا قال دي جات عشان يديها قصائد تغنيها ... طيب يا كونج اذا كانت القصائد دي بوزعوها كدا روح واخد منو قصيدة وحاول غنيها او لحنها واديها محمد ميرغني يغنيها بدل ما يعمل لينا فيها مذيع..........

United States [ضل الفيلراجع] 03-10-2013 09:40 PM
واالهى يا كونج انت تبدوا عليك طيبة اهلنا طوالي صدقت انت ما بتفهم السودانيين ولا شنو الواحد طوالي اعمل ليك فيها كبير الاساقفة


#606400 [مرمر]
3.00/5 (2 صوت)

03-10-2013 07:08 AM
هههههه دي
صفيه هبابات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.50/10 (2 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة