الأخبار
منوعات سودانية
الشيخ محمد احمد حسن : الفنانين ديل لازم ينفوا (فنان الصافية) ..انتشار الفساد سببه المسلسلات التركية..!!
الشيخ محمد احمد حسن : الفنانين ديل لازم ينفوا (فنان الصافية) ..انتشار الفساد سببه المسلسلات التركية..!!
الشيخ محمد احمد حسن : الفنانين ديل لازم ينفوا (فنان الصافية)  ..انتشار الفساد سببه المسلسلات التركية..!!


03-10-2013 07:00 AM

*الخرطوم: تفاؤل العامري
أبدى الشيخ محمد أحمد حسن سخطه الشديد على الوسط الفني وما يبدر من بعض الفنانين الشباب من تصرفات تسيء لمجتمعهم ، واستنكر الشيخ المعروف بعباراته العامية - أن مظهر بعض الفنانين وتشبههم بالبنات في الزي المحذَّق واستعمال الكريمات حد تعبيره، ولفت عضو هيئة علماء السودان إلى أن الانفتاح على الفضائيات سبب مباشر في انتشار المخدرات إضافة إلى المسلسلات التركية، وضمن سياق حوار ينشر بالداخل شنَّ الشيخ محمد أحمد حسن هجوماً كاسحاً على الفضائية السودانية قائلاً: ( حتى قناتنا القومية الكان بتهتم بالبرامج الدينية خلتها وقبَّلت على الغناء)، وطالب أفراد الوسط الفني بنبذ فنان الصافية وإعلان براءتهم منه كعضو فاسد بمجتمعهم.

فنون


تعليقات 11 | إهداء 0 | زيارات 6143


التعليقات
#608128 [الشايقى التركى]
5.00/5 (1 صوت)

03-11-2013 10:56 PM
مهداء للشيخ محمد احمد حسن:



شايقى يصف عمليةبواسير
*اقروها لكن ما تضحكو بصوت عالي تلمو الناس...........


*
جاني تلفون من صحبي اسامة قالي زولك حسن ساولنلوا عمليي دحين أضربلو

أتاريه الخرابة ما قالي العمليي ألت شنو

شلت تليفوني طبزك طبزك طلعلي رقمو وضربتلو

- ألو


- ياخينا ألف حمدلالاك بالسلامي قالولي سويتلك عمليي

- ايه طارق هول ناس جبرين.. انت الخبر وصلك لا هناك

- ايي رسلي أسامة قالي صحبك سولوا عمليي

- نان ما قالك عمليي ألت شنو

- لا والله .. اها هسي انت كيفن

- وحاتك يا قريبي انا شفتلي أياما علي الضُلمة كله كله

- يا زول

- يا الحبيب قامن علي البواسير.. ليلن ونهارن ينتحن وانا اتململ من هني لاااا هني
علي اللقيمات وكتين يقلبوها في الصاج.. وكل يوم امشي اهبش فيها في المُستراح
وألقالك شخاليب مدلدلي علي الشافع وكتين ينفخ اللُبانة.. مشيت جبتلي مرهم من الاجزخانة
وقعدت أليس فيها ليلي وصباحي زي العروس اليدلكوا فيها قبل العرس

- اها

- تبرد شويي وتاني تتلافاني... وأقعد أتوحوح .. هبشتها لقيت الشخالب زادن بقن زي ترس الكلتش
والقصي جابتلها دم.. يا بي اسويلي فوطة تحت اللباس ولا كمان اسويلي بامبرز زي محمد ولدي
ودة كله يا الحبيب خوف من مشية الدكتور والبعبيص في الصُلب علي كُبرنا

- نان مالك ما مشيت لي د. طارق

- انا قلت يا الحبيب أكمدها بي شي لامن براها تروح.. نان هي همدت شي
اها يا الحبيب مشيت علي طارق الله يديه العافي..
دخلني وبقى يبعبص في صُلب الجن دة

- شن قال

- قالي يا زول انت الخرابة دي خليتها لي هسي كيفن.. لازم تسويلك عمليي سريعي
عمليي... وووب عليك يا حسن ود حزامة...

- ههههههههه اها

- المهم حددلي مواعيد للعملي في مستوصف في العمارات.. كلمت المرة وقلتلا تكلم اختها
فشان تجي تقعد مع البُطان وما تقولها نوع العمليي.

- ههههههههههههههههههه

- ايي يا الحببب لا نبقى في الفضايح كمان
يا زول مشيت شايلي معاي غيار ومعاي المرة دخلنا ملينالنا اوراق كدي ودخلوني اوضة
ختيت فيها الغيار ومعاي المرة.. جاء واحدا غليد كدي ليه رقبة علي ((التلكي)) أليل الجزارين
أداني مريلة كدي قالي ألبسها وأقلع هدومك كلهن..

-اها

- اتقولعت ولبست مريلة الجن دي.. وطبعا صايم ما أكلتلي شي من أمبارح
وأشوف في القرقوش المرسلاهو لي أمي من العفاض وأعضعض في لسناتي
جاء الخرابة الغليد دة ساقني.. مشينا علي أوضة كدي فيها سرير مصنقع كدي
رقدوني فيهو وأشوف في زولك يخجلو في باغة كبيري فيها رغوة ألت صابون
شويتين جابلو خرطوشا أخدر طويل كدي ليه راس صغوووير.. ووووب عليك يا حسن ود حزامة

قلتلو: انت الخرطوش دة لي شنو

قالي عشان بطنك تفضى لازم نكب ليك شوية صايون
وبقيت أقنت يا الحبيب قبل يدخلولي خرتوش الجن دة
شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
نان يا ود جبرين أنا باقيلي الله ما بيحاسبني تاني

- ههههههههههههه كيفن

- أماني خرطوش الجن ماهو حاااااار هو يدخل فيهو وأنا أقنت
شويتين بقى يكب في صابون الجن دة من الباغة.. هو يكب وأنا أنفخ في ريالتي
زي المكوة البترش الموية في الهدوم ديك
وحاتك كمل الباغة كلها في مصاريني وحسيت نفسي بقيت زي سمكة التامبيرا
اها قام قالي بعد نطلع الخرطوش دة حا تحس انك داير تمشي الحمام
الحمام قدامك.. نص ساعة ندخلك العمليي..
نان أنا صبرت لامن يطلع الخرطوش كله...
وحاتك سلة الخرطوش كدي بوووووووووووووش رشيتو ورشيت الحيط كلهن

- هههههههههههه الله لا كسبك أها

- يا زول مليتلك الدنيا هِرِرِي (جمع هُرار أكرمكم الله).. وإن ما أكذب
طلعتليي باميايي سالمي ضومة ضومة

- هههههههههه نان انت ماك صايم

- اييي بس قبليها بي يوم جيت جعان لقيت المرة مسويالا باميي سمحي
زي ألت دعاية زيت صباح ديك ووقعت فيها جف جف جف
وحات نضري يا ود جبرين الحيطة ألت الأوضة بقت زي حيط مُستراح السوق العربي
كلها مجلطة والعفني ما تديك الدرب..

- نان ما كاتلك الخرابة الغليد دة

- يكاتلني فييي شنو.. نان هو كبسني صابون زي المخدة الجديدة الينجدوا فيها
وفوق دة كله ما أهُر أن بقيت داير أهُر موش دافعلهم.. ما بي قروشي

- ههههههههههههه

- يا زول وضوني أوضة تاني ودخلت الحمام وبقيت أعصر في بطن الجن دي
وحاتك يا الحبيب أنا قايل مصاريني نزلن ضومة ضومة..
نص ساعة جوا دخلوني للعمليي وجاء د. طارق ومعاهو واحدا تاني
وبنيتين قالولي ديل سسترات.. اها رقدوني علي بطني وختولي شيتا تحت محسني
وبقيت راسي مدلدل لااا تحت وصلبي مفنتر لااافوق علي القلاب أليل التراب وكتين يجي يفضي التراب

- ههههههههه أها

- اها جاء واحدا شايلو حقني ليها راسا طويل كدي قمت قلتلو: انت دي شنو كمان
طارق قالي دي حقنت البنج حا نطعنك بيها في ضهرك.. قلتلو نان مالو رويسها طويل كدي
لا يبقى جبتولكم حقنة قرنتيي.. قعدوا يضحكوا يا الحبيب والراجل بقى يهبش في ضهري لمن
طبزني بي حقنة الجن دي... وجسمي التحت بقى يخدر وماني حاسيبو...
شويتين شلخولي رجليني زي الخروف الدايرين يقسموهوا نصين
اسمع في طارق قال لي واحدي من السسترات أحلقيلو..

- كمان جابتلها حلاقي من تحت..

- أيي الصُلب عارفه شين أنا والشعر فيهو علي شوك الكتر..

- نان أنت شوفته وين.. ههههه

- المهم يا حبيب حلقولي.. أنا إن بقيت قايل الشي فيهو حلاقي
كنت قلت للمرة شديلك حلاوة في علبة نيدو وكنت جيتهم ممعط

- أها

- يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
يعوجن فيهن الخرابات ديل من هني لا هني.. تقول لاعبة جمباز
وأشوف في طارق يشيل ويقطع في شخاليب الجن ديل.. ويخيط..
شويتين الزول المعاهو يا طارق جابلو خابورا كبييييير علي عصاية البشير البينقزبها
في ريوس العربات ديك.. أها خابور الجن دة كبولم فيهو شيتا ملايق كدي
وهجروه في حفرة الجن دي وطارق قلع الخرابات الكان لابسن وجاء عند راسي وقالي:
حمد الله بالسلامة أهملتها لكن الحمد لله العملية انتهت بس حا يعملوا ليك لصقة كدي وبجيك المساء أشوفك
وإن شاء الله باكر الصباح تمرق لي ولادك..
أها الزول المعاهو بقى يليس في خابور الجن دة وشالوني نقلوني علي الأوضة
لقيت المرة قاعدي ممحنة.. شافتني حمدلت لي بالسلامي وطلعتلها علبة حلاوة أدت السسترات منها..

- أها

- ساعتين يا طارق بنج الجن دة يفك مني.. زي التقول ضربوني بي ملتوف من تحت
وانطلقت فيني الناريي.. وبقيت أوجوج.. وأعضعض في يديني..
ووكتين الشي زاد علي قلت لي المرة شوفيلي أي دكتور أن قربت أموت..
ربك رب الخير جاء واحد طبزني حقنة شويي أرتحت،،

- سلامة والله

- يا زول أنا ما معرسلي جعليي.. وأخت البت قومي كلمي أهلك وجوا منكبسيني فيني

- اها شن قلتلم.. انت ماك داسيها


- آآآبعرف تراها بتهم كلمتهم.. وشويتين كبسني ليك نُفاخ يا طارق

- لا يبقى في باقي بامية في المصارين

- شن عرفني.. وحاتك كلو ما ليه زايد.. والخابور ماهو سادي المنافذ كلهن
وجات أمها تسويلي: ألف سلامة يا ود امي
النجما تهرد لهاتك أنا خلاص داير أطرشق..

- هههههههه شن سويت

- قلت للمرة بعد النفاخ زاد وعيوني بقت غُلاد علي ضكر القعونج اليفتشلوا في انتاييي
قولي لي امك تسوق النسوان ديل وتطلع أن بقت جات جنبي تاني بطرش فوقها

- ههههههههههه

- يا زول عافرت بي تحت لقيتم مليسين الخرابة زي بُرطمان الدلكي الخاتنو للعروس
بقيت أعافر بي أصبعي لااامن سويتلي فتحة صغوووويري.. بس بالله زي الماسورة
الكانت قاطعي منها المويي... كررررررر طررررررررر.. ضرررر

- هههههههههههههههههههه ماك نصيح وحات ربي ماك نصيح

- يا طارق انا ماني كنت داير أموت من بامية الجن دي...
المهم يا الحبيب أخدتلي نومي والمغرب جاني د.طارق حسين
طلعوا خابور الجن دة وسوولي مراهم كدي وقالي باكر الصباح تطلع

- والله سلامة يا الحبيب

- يا زول يومين وانا دخول الحمام دة علي ولادة الشفع
اسبوع كدي حتى استعدلت... غايتو أن بقن جاتك لا تسويها في السودان

- هههههههه يا زول مالك علي

- غايتو ضومة فضيحي


- يلا سلام يا الحبيب

- تسلم سلم علي وليداتك
*
*



--


#607565 [حسن محجوب]
0.00/5 (0 صوت)

03-11-2013 10:49 AM
جعفر النميري مع الشكر أرجو ان نتحد ونرفع صوتنا جميعا ونوجه أقلامنا وإنتقادنا لكل ما نراه قد مال عن الحق من ساسة وشيوخ وخلافه دون التجريح في بعضنا البعض لأن ذلك أجدي وأنفع عند الله تعالي فإن سمعه وعمل به نكون قد نلنا المراد والأجر إنشاء الله وإن لم يكن فهذا أضعف الإيمان وأيضا الأجر ثابت إنشاء الله


#607267 [كرموش]
0.00/5 (0 صوت)

03-11-2013 12:05 AM
http://www.youtube.com/watch?v=G_rwQdz-fDk


أصحاب الفضيلة الدّكتور القرضاوي و سماحة الإمام محمد الغزالي وفضيلة الشّيخ محمد متولّي الشّعراوي وصاحب الفضيلة الدّكتورعادل الكلباني وصاحب الفضيلة الدكتور أحمد الغامدي كلّهم ما قالو ولايقولون على الإطلاق بإباحة المجون المصاحب للفن الغنائي كما أنّ جميعهم مجمعون على تحريم المناظر المبتذلة والعري والتّعرّي وكلام الفحش أو الكلام المحرّم وما عدا ذلك فهو حسب رأيهم مباح وذلك هو موقف معظم علماء المسلمين الموثوقين والذي يعتدّ بكلامهم وفتاواهم


#606921 [ناجي]
0.00/5 (0 صوت)

03-10-2013 03:36 PM
مسلسلات تركية يا شيخ يا كبير !!!! ههههههههههه


#606727 [عصمتووف]
5.00/5 (2 صوت)

03-10-2013 11:55 AM
الانفتاح على الفضائيات سبب مباشر في انتشار المخدرات إضافة إلى المسلسلات التركية،

من اين لسيدنا الشيخ هذه المعلومة (المخدرات) غالبية المسلسلات قضاياة تمس المجتمع وعلاجة وحتي لو هل كل شاب شاهد مسلسل به مخدرات يصبح مدمن والا كانت جميع الاسر بالسودان وغيره مدمني مخدراتو الذي يريد ان يتعلم السطل وقلة الادب حياة الرتابة والملل والعطالة تؤدي للانحراف ابحث ليك عن شماعة اخري وانا احترمك واجلك ولا اريدك تصبح كمثل يوسف والكاروري وباقي عقد العواليق


#606718 [فيصل أحمد عمر احمد]
5.00/5 (3 صوت)

03-10-2013 11:51 AM
وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ (6) (لقمان)
لَمَّا ذَكَرَ تَعَالَى حَال السُّعَدَاء وَهُمْ الَّذِينَ يَهْتَدُونَ بِكِتَابِ اللَّه وَيَنْتَفِعُونَ بِسَمَاعِهِ كَمَا قَالَ تَعَالَى " اللَّه نَزَّلَ أَحْسَن الْحَدِيث كِتَابًا مُتَشَابِهًا مَثَانِيَ تَقْشَعِرّ مِنْهُ جُلُود الَّذِينَ يَخْشَوْنَ رَبّهمْ ثُمَّ تَلِينَ جُلُودهمْ وَقُلُوبهمْ إِلَى ذِكْر اللَّه " الْآيَة عَطَفَ بِذِكْرِ حَال الْأَشْقِيَاء الَّذِينَ أَعْرَضُوا عَنْ الِانْتِفَاع بِسَمَاعِ كَلَام اللَّه وَأَقْبَلُوا عَلَى اِسْتِمَاع الْمَزَامِير وَالْغِنَاء بِالْأَلْحَانِ وَآلَات الطَّرَب كَمَا قَالَ اِبْن مَسْعُود فِي قَوْله تَعَالَى " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه " قَالَ هُوَ وَاَللَّه الْغِنَاء . رَوَى اِبْن جَرِير حَدَّثَنِي يُونُس بْن عَبْد الْأَعْلَى قَالَ أَخْبَرَنَا اِبْن وَهْب أَخْبَرَنِي يَزِيد بْن يُونُس عَنْ أَبِي صَخْر عَنْ اِبْن مُعَاوِيَة الْبَجَلِيّ عَنْ سَعِيد بْن جُبَيْر عَنْ أَبِي الصَّهْبَاء الْبَكْرِيّ أَنَّهُ سَمِعَ عَبْد اللَّه بْن مَسْعُود وَهُوَ يَسْأَل عَنْ هَذِهِ الْآيَة " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه " فَقَالَ عَبْد اللَّه بْن مَسْعُود الْغِنَاء وَاَللَّه الَّذِي لَا إِلَه إِلَّا هُوَ يُرَدِّدهَا ثَلَاث مَرَّات : حَدَّثَنَا عَمْرو بْن عَلِيّ حَدَّثَنَا صَفْوَان بْن عِيسَى أَخْبَرَنَا حُمَيْد الْخَرَّاط عَنْ عَمَّار عَنْ سَعِيد بْن جُبَيْر عَنْ أَبِي الصَّهْبَاء أَنَّهُ سَأَلَ اِبْن مَسْعُود عَنْ قَوْل اللَّه " وَمِنْ النَّاس مَنْ يَشْتَرِي لَهْو الْحَدِيث " قَالَ الْغِنَاء وَكَذَا قَالَ اِبْن عَبَّاس وَجَابِر وَعِكْرِمَة وَسَعِيد بْن جُبَيْر وَمُجَاهِد وَمَكْحُول وَعَمْرو بْن شُعَيْب وَعَلِيّ بْن نَذِيمَة . وَقَالَ الْحَسَن الْبَصْرِيّ نَزَلَتْ هَذِهِ الْآيَة " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه بِغَيْرِ عِلْم " فِي الْغِنَاء وَالْمَزَامِير : وَقَالَ قَتَادَة قَوْله " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه بِغَيْرِ عِلْم " وَاَللَّه لَعَلَّهُ لَا يُنْفِق فِيهِ مَالًا وَلَكِنْ شِرَاؤُهُ اِسْتِجَابَة. بِحَسْب الْمَرْء مِنْ الضَّلَالَة أَنْ يَخْتَار حَدِيث الْبَاطِل عَلَى حَدِيث الْحَقّ وَمَا يَضُرّ عَلَى مَا يَنْفَع وَقِيلَ أَرَادَ بِقَوْلِهِ " يَشْتَرِي لَهْو الْحَدِيث " اِشْتِرَاء الْمُغَنِّيَات مِنْ الْجَوَارِي قَالَ اِبْن أَبِي حَاتِم حَدَّثَنَا مُحَمَّد بْن إِسْمَاعِيل الْأَحْمَسِيّ حَدَّثَنَا وَكِيع عَنْ خَلَّاد الصَّفَّار عَنْ عُبَيْد اللَّه بْن زحر عَنْ عَلِيّ بْن يَزِيد عَنْ الْقَاسِم بْن عَبْد الرَّحْمَن عَنْ أَبِي أُمَامَةَ عَنْ النَّبِيّ صَلَّى اللَّه عَلَيْهِ وَسَلَّمَ قَالَ " لَا يَحِلّ بَيْع الْمُغَنِّيَات وَلَا شِرَاؤُهُنَّ وَأَكْل أَثْمَانهنَّ حَرَام وَفِيهِمْ أَنْزَلَ اللَّه عَزَّ وَجَلَّ عَلَيَّ " وَمِنْ النَّاس مَنْ يَشْتَرِي لَهْو الْحَدِيث لِيُضِلّ عَنْ سَبِيل اللَّه " وَهَكَذَا رَوَاهُ التِّرْمِذِيّ وَابْن جَرِير مِنْ حَدِيث عُبَيْد اللَّه بْن


#606695 [اخمد]
5.00/5 (3 صوت)

03-10-2013 11:43 AM
هههههههههههههه قلت لى المسلسلات التركيه يا مولانا انت بتحضره ولا شنو يا مولانا الفساد ضارب البلد من جميع النواحى والبركه فى المشروع الحضارى الحروب والفقر وفساد النظام والضغط المعيشى بطلو تنظير وشوفو المشكله وين والشباب ليه اتجهو للمخدرات والزنا واللواط


#606576 [الشايقى التركى]
4.00/5 (6 صوت)

03-10-2013 10:12 AM
صدقت يادقن التيس تخصص شرح الدين لذوى الاحتياجات الخاصة من الشوايقة
فان مهند بتاع المسلسلات التركية لهو اكبر قيه داعر وتنتشر صوره الفاضحة فى المجلات المتخصصة بالمانياو هنا فى السودان الاولاد قبل البنات عاملين ليهو هيلامانة وقومة وقعدة فنستنتج من ذلك
بان معظم المعجبين والمعجبات والمقلدين والمقلدات لهذا البرنوغراف لهم ميول مثلية مثله لذا فقد وجب منع مسلسلاته وجلد المتشبهين به فى ميدان عام واولهم يجب ان يكون السحسوح وليد اتبرا المدعو:
امين حسن عمر ثم يليه صاحب البرشينغ متل البنات المدعو : كمال عبيد


ردود على الشايقى التركى
United States [alkheir] 03-11-2013 07:05 PM
روى أبو داود والترمذى من حديث أبى الدرداء رضى الله عنه قال : سمعت رسول الله صلى الله عليه وسلم يقول:
من سلك طريقا يلتمس فيه علمًا سهل الله له طريقًا إلى الجنة، وإن الملائكة لتضع أجنحتها لطالب العلم رضًا بما يصنع.
وإن العالم ليستغفرُ له مَنْ فى السموات ومن فى الأرض حتى الحيتانُ فى الماء، وفضل العالم على العابد كفضل القمر على سائر الكواكب.
وإن العلماء ورثة الأنبياء.
وإن الأنبياء لم يُوَرِّثوا دينارًا ولا درهمًا، وإنما وَرَّثوا العلم، فمن أخذه أخذ بحظ وافر.

فنامل من الاخوة الاستماع لكلام العلماء واحترامهم وعدم التطاول عليهم

United States [طرزان] 03-10-2013 08:44 PM
اولا الرجل عالم لايشق له غبار وان كان وليا ومقبول عند الله فانت قد خسرت الدنيا والاخره ومعاداة الولى فهى حرب من الله عليك...عليك ان تستغفر وتتوب الى الله

United States [الشايقى التركى] 03-10-2013 04:54 PM
"وعالم باالاحاديس ولحوم العلماء مسومومة"
انت فكيت الخط وين ياشقى الحال

United States [mohamed] 03-10-2013 02:33 PM
(دقن التيس) حافظ القران وعالم باالاحاديس وهو ما غلط فى حاجة وحتى لو غلط فى علماء بيصححو وهو فى الاخير عالم ولحوم العلماء مسومومة اى التحدث عنهم بمالايرضى الله اتقى الله


#606568 [Mohd]
4.50/5 (2 صوت)

03-10-2013 10:04 AM
الشيخ محمد أحمد حسن حافي كده، يا جماعة الخير الراجل بقى دكتور، في القنوات الفضائية يكتب أسمه على الشاشة "دكتور محمد احمد حسن"..


ردود على Mohd
United States [kamy] 03-10-2013 01:16 PM
اشمعنا محمد احمد حسن ماكل الناس بقت تكتب اسمهامسبوقا بدكتور موضة وكدة


#606536 [i,]
4.00/5 (3 صوت)

03-10-2013 09:44 AM
الشيخ محمد احمد حسن اطال الله عمره وجزاه الله عنا وعن الاسلام خير الجزاء وانى ارى عليه سيماء الصالحين وكما قال الشافعى:
احسب الصالحين ولست منهم وارجو ان انال بهم شفاعة
واكره من بضلعتهم المعاصى وان كن سويا فى البضاعة
ورد عليه بعض تلاميذه
تحب الصالحين وانت منهم الخ


#606440 [حسن محجوب]
3.00/5 (2 صوت)

03-10-2013 08:16 AM
لقد كان اجدي ان تدعوا وتوضح راي الدين في الغناء نفسه يا شيخنا ونتمني منكم ياعلماء السودان ان يعلوا صوتكم في ماوصل إليه السودان من نفاق وكذب ورياء وفسق ودجل وإغتصاب ونهب وسرقة وو..وو.. اين انتم بالله ورغم انني احبك جدا ياشيخ احمد حسن ولكنني اعيب عليكم عدم سماع صوتكم في كل ما يتعلق بالوضع الذي وصل إليه السودان وسمعة السوداني داخل وخارج السودان، فبالله ادركوا ما تبقي من القيم والاخلاق عسي ان يجعل الله منكم طوف نجاة لأهلنا في السودان ( وياريت بقت علي الغناء)مع كل إحترامي ..


ردود على حسن محجوب
United States [جعفر النميري] 03-10-2013 11:43 AM
أضم صوتي لك يا أخ حسن محجوب لابد لعلماؤنا أن يفهموا الناس حرمة الغناء وتذكيرهم بالآخرة والقبر والحساب إنقاذاً لهم قبل إنقاذ السودان وأضيف أخي حسن كمان ظاهرة المديح التي تسيء كثيراً لسيرة المصطفى صلى الله عليه بإقحام النساء في في هذا الذي يسمى مدح الرسول والرسول صلى الله عليه وسلم قال اتبعوني يحببكم الله ولم يقل أمدحوني فهو لايريد منا شهادة ولا صك بالمديح فقد مدحه سبحانه وتعالى من فوق سبع سموات وقال سبحانه وتالى:(وإِنِّكَ لَعَلَى خُلِقٍ عظيم).



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة