الأخبار
منوعات سودانية
رجل يشنق نفسه بسبب شكه في نسب أبنائه
رجل يشنق نفسه بسبب شكه في نسب أبنائه



03-10-2013 11:04 PM


رجل يشنق نفسه بسبب شكه في نسب أبنائه
وضع رجل حداً لحياته عندما قام بشنق نفسه وتعليقها داخل غرفة نومه بمدينة كوستي ولاية النيل الابيض بسبب شكه في نسب ابنائه اليه. وبحسب المصادر فإن نقاشاً دار بين الرجل وزوجته ليلاً طالبها فيه بإثبات نسب اطفاله اليه بعد أن ترامى إلى مسامعه بعض الوشايات الا أن زوجته رفضت التحدث اليه ولكنه هددها بالانتحار صباحاً ما لم تؤكد له نسب ابنائه. وفى الصباح استيقظت الزوجة وبحثت عن زوجها فلم تجده وعندما دلفت إلى غرفة نومه وجدته مشنوقاً ومعلقاً إلى سقف الغرفة لتقوم بابلاغ الشرطة التي هبت إلى مسرح الحادث وعثرت على الرجل معلقاً ليتم انزاله واحالة جثته للمشرحة فيما تم اتخاذ اجراءات جنائية وفتح بلاغ وشرعت الشرطة في التحري.

السوداني


تعليقات 16 | إهداء 0 | زيارات 7385


التعليقات
#608187 [حسين حسن الحسين]
0.00/5 (0 صوت)

03-11-2013 06:23 PM
ياخي يا ناس معليش نكتب ليكم بي لهجه سودانيه هو وقت شك فيها خلاص حرمت عليه يطلقه فورا كده خسر لا دنيا ولا 000000 ونسال الله يسترنا جميعا


#607958 [سوداني]
5.00/5 (1 صوت)

03-11-2013 09:53 AM
لا حول ولا قوة الا بالله .. ان بعض الظن اثم .. هذا الرجل مريض نفسي .. مثل هذا التصرف مهما كانت الاسباب لا تصدر من شخص عاقل .. نسأل الله له الرحمة وانا لله وانا اليه راجعون.


#607940 [محمد علي]
5.00/5 (1 صوت)

03-11-2013 09:38 AM
غايتو فحص ال DNA ده كان بقى إجباري في الزمن ده وبالحال الشايفنو ده ,. عيييييييييييك .. أسكت ساي بس ,, أخير السترة


#607927 [الشاعر]
5.00/5 (1 صوت)

03-11-2013 09:22 AM
انتو عايزين النصيحه...تمسك فى لباب القال ليك الكلام ده بيديك العشره والحلا بله ما يحلو منك لما يثبت الكلام ده...(أو يأخذ علقه أمها بت أعم أبوها).لان كثير من الناس يرمون الكلام للبسطاء عن طريق المزاح...زى مره واحد الجماعه قالو ليهو...مرتك دى جابت ليك سبعه بنات عليك الله عايز بيها شنو وهى كانت حامل فى شهرها التاسع لما ذهب البيت قال لمرتو يامره تعالى لما جات قال ليها المره دى لوجبتى بنت عليك الطلاق الا أطعنك بالسكين..خافت الزوجه وقررت الولاده بالمستشفى..فعلا وضعت وجابت تيمان..قام رسلو ليهو عشان يجى لما جاء قام عاين ليها بالشباك قل ليها ياحوه جبتى شنو وطبعا لابس السكين ببره قالت ليهو جبت تيمان قال ليها شنو و شنو قلت ليهو ولد وبنت...قام صلح السكين قال ليها يعنى الولد جبتى البنت لازم تجيبى.


#607752 [rabeeababiker]
0.00/5 (0 صوت)

03-11-2013 05:49 AM
الحديث (الولد للفراش وللعاهر الحجر )


ردود على rabeeababiker
United States [المستغفر من الذنوب] 03-11-2013 09:27 PM
هذا حديث ضعيف وحكم الله في الزني(الزاني و الزانية.... مئة جلده)فقط وفقط لا غير


#607743 [ابو عمار]
5.00/5 (3 صوت)

03-11-2013 05:42 AM
عموما هو انتحر وانقطعت اعماله وسيحاسب ويجازى عدلا عند الله تعالى العادل والمنصف الرحيم ولكن السؤال مصير الذى اوشى وسمعه هذه المعلومه وادخل الشك فيه حين ان الزنا صعب شهادته واثباته لذلك نقول دوما رب كلمه او اتهام او سب احد يجعلك من القاتلين ولا تستهينو بهذا هذه النعم المعلوماتيه نت هاتف غيره خطيره جدا يجب ان لا يعبث الانسان ويكون واعيا وصادقا فى ما يقول ويكتب ويتقى الله .


#607677 [يوسف]
0.00/5 (0 صوت)

03-11-2013 04:37 AM
ياجماعة دا الخبر الثلاث من النوع دا الحكاية مقصودة ولا عاوزين تبقو ذي الناس الواحد اذا فتح محل اتصالات بكرة تلاقي الجميع عمل محل اتصالات عمل محل سمك الجميع عمل محل سمك الي اخر النوتة ؟


#607666 [خال فدوى]
0.00/5 (0 صوت)

03-11-2013 04:29 AM
وداعا الى نار جهنم خالدا مخلدا


ردود على خال فدوى
United States [موردة حضارة] 03-11-2013 09:01 AM
ياخي انت منو عشان تقول الكلام الفاضي ده..انت رب الكون ولانبي ولاجاك وحي..اترحم عليه مش تكون جاهل...وانت عارف قدرك شنو عند الله ...الله يهديك


#607475 [دار فوري اصيل]
0.00/5 (0 صوت)

03-11-2013 01:33 AM
اللهم يغفر له ويرحمه بالجنة هم السابقون ونحن اللاحقون ، الله اعلم لكن لابد من اسباب للشك ، ولكن اذا وصل الحد لدرجة الشك عليه بالصبر اما تطليقها او مغادرها باي صورة كانت لان بعض الظن اسم ومع ذلك ان يعض النساء او الرجال ينتهكون حرمات الاخرين واعراض المسلمين فنسأل الله له المغفرة والله يعفيه ويرحمه ، لكن الحياة فيها اشياء يصعب الحديث عنها كيف يجوز لرجل او امراة متزوجة ان تزني سبحان الله لذا لابد من الاختيار الصحيح في الزواج (في معني الحديث تنكح المرآة لاربعة ( لمالها ونسبها وجمالها ولاديهنا فاظفر بذات الدين تربت يداك ) صدق رسولنا الكريم والله ينجينا ويحفظنا ويهدينا جميعاً


ردود على دار فوري اصيل
United States [MAHMOUDJADEED] 03-11-2013 03:41 AM
ان بعض الظن اثم .

United States [عمر] 03-11-2013 03:11 AM
كفيت و وفيت بهذا الايضاح الجميل و للاسف الشديد ان تجد بعض الاخوان المعلقين يوجهون اصابع الاتهام الى الحكومة الضاله او الحالة الاقتصاديه و يتناسون النفس الخنزيره التى تترك الطيب وتتجه الى الرمه عفانا الله


#607456 [اخو فاطنه]
5.00/5 (2 صوت)

03-11-2013 01:11 AM
كان تعمل تفجير انتحاري فى اليهود وتموت بطل


#607451 [سامي]
0.00/5 (0 صوت)

03-11-2013 01:03 AM
لااله الاالله هذا وسواس وقبل هذا فى واحد جاهو وسواس زي دا ,;وكان له بنت فطلعت بنته بعد فحص DNA


#607433 [على الشايقى]
5.00/5 (5 صوت)

03-11-2013 12:46 AM
دى كارثة و الكارثة الاكبر منها الصياغة قال شنو( شنق نفسه و قام بتعليقها داخل غرفة نومه ) يا خيبة الصحافة ده كلام شنو يعنى؟ عموماً قالوا قى واحد داير يكاوى مرته بالليل فقاليها تصبحى على خير يا مرة يا عجوزة يا ام 5 اولاد! فردت عليهو وانت من اهله يا ابو ولا واحد فيهم!!!!


ردود على على الشايقى
United States [zihoor] 03-14-2013 07:46 AM
هههههههههههههه حلوة دى والله ضحكتنى

United States [الطريفي زول النصيحة] 03-11-2013 07:41 AM
يا علي انت قرأت الخبر كويس النص كالاتي (عندما دلفت الى غرفة نومه وجدته مشنوقا و معلقاالى سقف الغرفة)يعني بعربي جوبا كده المره دا لقا الراجل بتاعو ربط حبل في رقبا بتاعو في السقف ونطا قام شنق نفسه و بقا معلق في السقف)واضح يا علي ?

United States [نوجا] 03-11-2013 07:22 AM
والله يا الشايقي انت اظرف واحد معلق على الموضوع .... يا حليل الصحافة .......الخ
السودان اصبح التوظيف فيه بالفلوس والمحسوبية ... عشان كدة ما غريب تلاقي صحفي زي دا
لكن ممكن يكون الزول دا شاهد على( الكارثة )


#607409 [المتغرب الأبدي]
5.00/5 (2 صوت)

03-11-2013 12:21 AM
لماذا تسرع في الانتحار ؟؟
لماذا لم يبلغ الشرطة ، ويطلب إجراء تحليل الحمض النووي (DNA) له ولأولاده ؟؟
لماذا يخسر نفسه ويخسر دنياه وآخرته ؟؟


ردود على المتغرب الأبدي
United States [ابونديبو] 03-11-2013 02:09 PM
يا مغترب اسئلتك دي هي اجراءات حقيقةً ويقوم بها زول فاهم ، (مثلاً ساكن اركويت وشغال في
الخارجية ....) المنتحر قالوا من أهالي كوستي ........وأكيد ما كوستي ....


#607388 [بت الرجال]
0.00/5 (0 صوت)

03-10-2013 11:57 PM
الدي ان ايه ده ما سمع بيه بدل يشنق نفسه يبيع الوراه والقدامه ويفحصهم

وتانيا انتي ماتستري نفسك في داعي للفضايح وتشيلي عيالك عار طول عمرهم

هو خلاص ودع احفظي باقي سمعتك وسمعة عيالك

غايتو بس الحمدلله وسبحان الله رب العالمين ما بخلي شي ساي

يمكن سترها كتير - لله في خلقه شئون

والمات مقهور ده ربنا يرحمه

عشان كده الرسول صلى الله عليه وسلم قال

اظفر بذات الدين تربت يداك

والمرأة الصالحة تاج في الدنيا والاخرة


ردود على بت الرجال
United States [الحمد لله] 03-11-2013 04:04 AM
ولو بقى كلامو صاح كده يادوووب سهل ليها


#607385 [الكعوك]
5.00/5 (2 صوت)

03-10-2013 11:52 PM
المرحوم بصراحة خيبان...كان يشنق المرا ولا يشنق الأولاد طالما انو موافق على مبدأ الشنق


ردود على الكعوك
United States [سامي] 03-11-2013 01:05 AM
المرحوم ربنا يرحمه يااخي لو اولادك او لم يكونوا اولادك خلاص ربيهم وتأخذ الأجر ان شاء الله

وطب نفساً اذا حكم القضاء


#607366 [المحسى]
3.00/5 (1 صوت)

03-10-2013 11:29 PM
والله متخلفين 00 ياخى لو الشك وصل مرحلة النقاش فى حاجة اسمها فحص الDNA ده شئ يقطع الشك 00 ربنا يتولاك برحمته


ردود على المحسى
United States [ودالطاهر] 03-12-2013 01:57 AM
تم تعديل الرد في الاول كان مكتوب ده اكيد عربي متخلف

United States [اللريوش] 03-11-2013 01:18 PM
يا أخواننا صدقوني التعليق بتاع المحسي الأول العلقنا عليهو دا ما إياهو، لقد حدث تغيير في هذا التعليق

United States [العتمور] 03-11-2013 08:45 AM
المشكلة في الأساس في رد (السوداني) الذي أشك في سودانيته, فلقد أتي بشيء غير موجود في تعليق (المحسي) , ثم جاء (العوض ) وخاض في شيء لا يفهمه ولا يدرك عنه.
المهم حتى نكافح العنصرية أرجو أن يتم اعتماد تعليق أي شخص يحمل أسم قبلي مثل صاحب المداخلة وغيره, حتى لا يكون هناك أي تأويل بأن المقصود بالمتخلفين هم عرب كما فهمها (السوداني ) رغم أن مدينة كوستي فيها كل القبائل السودانية عربية كانت ام أفريقية.
أخيراً,الرجاء تجاهل الرد علي أي صاحب مداخله لا تحمل فكرة أو مضمون وبعيد عن الطرح أو المداخلة.

United States [lwlawa] 03-11-2013 06:41 AM
ردود على العوض :
الفي بطنو حرقص براهو برقص ..؟!
عندما قرات ردك على المحسي بحثت عن عبارة عربي متخلف هذه، فلم اجدها. ورجعت الى الموضوع الاساسي ولم اجد غير اسم كوستي..؟!.. فمن اين اتيت بعبارة عربي ومتخلف هذه ..؟!! يبدو انك من الجماعة اياهم الذين تخصصوا في السعي بين الناس بالفتن ومحاولة الانحراف بالمعلقين الى متاهات التنابذ بالالقاب واثارة مواضيع بعيدة كل البعد عن المقال المعني .
ارجو ان ينتبه المعلقون والقراء الى امثال هؤلاء فهم كثر .

United States [محمد فضل المحسي] 03-11-2013 03:35 AM
يا العوض (إنت نفسك من أهل العوض)

لو مابتعرف تقرأ ما تدخل في تعليقات إنت نفسك ما بتفهمها ولو ما بتعرف ترد على حسب الموضوع خليك بعيد من التعليقات لأنو في تعليق أخونا (المحسي) ما ذكر عرب وعجم يا بليد يا بتاع الفارغة لأن تعليق أخونا (المحسي) بالنص هو ( والله متخلفين 00 ياخى لو الشك وصل مرحلة النقاش فى حاجة اسمها فحص الDNA ده شئ يقطع الشك 00 ربنا يتولاك برحمته) بس عايزك توريني وين كلمة عرب وعجم هنا يا أهبل وبعدين خلينا الفهم ليك إنت يا أهطل .

United States [العوض] 03-11-2013 02:00 AM
لو دخلنا في عربي وعجمي بنلف صينيه في الفاضي وبعدين انت مصنف نفسك عربي ولاعجمي طالما انت وصفت العرب بالتخلف فانت غير عربي وبعدين بتقصد منو العرب لو انت قاصد كل العرب اشتهروا العرب بالذكاء والدهاء والدليل علي ذكاء العرب في السودان فانهم حكموا السودان من الاستقلال الي اليوم باستثناء الرئيس النميري فهو في مسماك غير عربي لانو كان علي حسب فهمي من قبيلة الدناقله يعني اخصم من 1956 فترة حكم النميري وشيل الباقي لي المتخلفين يعني بالعربي انت لو كنت متخلف كنت حكمت السودان يا,,,,,,,,,,,,,,فاهم

United States [اللريوش] 03-11-2013 01:12 AM
هسع الجاب العرب شنو، يمكن ديل يكونوا ما عرب، شوف يا زول والله أنا ما عربي وبعيد كل البعد عن العروبة لكن ضد أن تحشر القبلية والعنصرية في كل شيء!!!

United States [السوداني] 03-11-2013 01:06 AM
ياالمحسي كفاية عنصرية وتشرزم وجهوية وقبلية مقيتة دا السبب الضيع السودان والسودانيين ياخي هل ذكر في هذه القصة عربي واللا (س) فرد من الناس خليك منطقيي ياخي نحنا قريفنامن هذا الاسلوب الهمجي في التعليقات.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة