الأخبار
منوعات
محمد ميرغني : اتجهت لتقديم البرامج لأن أذن المستمع أصبحت (طرشة)..!!
محمد ميرغني : اتجهت لتقديم البرامج لأن أذن المستمع أصبحت (طرشة)..!!
محمد ميرغني : اتجهت لتقديم البرامج لأن أذن المستمع أصبحت (طرشة)..!!


03-11-2013 08:11 AM


*الخرطوم: تفاؤل العامري
اتجه عدد من نجوم الغناء لتقديم البرامج عبر الفضائيات والإذاعات المختلفة بالإضافة للكتابة عبر الصحف ما يجعل التساؤلات تقفز للأذهان عن الأسباب التي دفعتهم لذلك، وبرر الفنان محمد ميرغني إقدامه على تلك الخطوة قائلاً في حديثه لـ(فنون) :( لا أبحث عن شهرة فقط أحسست أن أذن المستمع أصبحت (طرشة) لذا عمدت على تقديم برنامج (الزول الجميل) الذي يقدم أجمل الأغاني السودانية من الزمن الجميل بمعنى أنني لم أبعد عن تخصصي وكنت حريصاً على أن أزيد معرفة الناس بالفن الجميل، لأن التمييز بين الجميل وغيره أصبح أمراً صعباً).
من جانبه رفض الإعلامي زهير بانقا تلك الخطوة، لافتاً إلى أن الإعلام أصبح مهنة من لا مهنة له، قائلاً ضمن سياق تقرير ينشر بالداخل : ( المهنة صارت متاحة يدخلها عدد كبير ممن لا علاقة لهم بها ولا مقومات تعزز من هذه الرغبة وتدفع للنجاح، وفي رأيي الشخصي يمكن للفنان أن يكون ناجحاً فيما يقدم من أغنيات وتكون مقبولة لدرجة الامتياز لكن لا يعني ذلك أن يكون الطريق معبدًا أمامه للنجاح في مهنة أخرى).

فنون


تعليقات 11 | إهداء 0 | زيارات 1694


التعليقات
#608083 [ابونديبو]
0.00/5 (0 صوت)

03-11-2013 10:48 PM
أولاً : وين كان محمد ميرغني ؟؟؟ولماذا أطلق لسانه الآن؟؟؟هل يريد تضليل الجيل الحالي ويوهمهم انه كان
من الكبار؟؟؟ لا والله يقطع لسانك محمد ميرغني انت لم تكن في يوم من الأيام تستطيع حتي الكلام في زمن كبار الفنانين والشعراء والملحنين....انت كان معاك شلة سكر فقط ومعك ملحن مغمور اسمه حسن بابكر
يسكن حي الذهور...
ثانياً: انت كنت لا تستطيع مجارة مني الخير ومهلة العبادية وثنائي النغم ...(مع احترامي الشديد لهم لما قدموه ..
ثالثاً هو انت كنت بني آدم....ناهيك عن فنان لم يكن لك وجود حتي في حفلات الزار قوم لف


ردود على ابونديبو
United States [zihoor] 03-14-2013 03:24 PM
أولا أتساءل هل بينك و بين هذا الفنان الرائع تار؟؟ لماذا كل هذا الحقد؟ بعدين يا أخى رأيك فى فن هذا الرجل أما التحدث عن حياته الشخصيه فقد يعنى هذا شىء آخر فى نفس يعقوب ولا أنا غلطانه؟؟؟

United States [نوره] 03-12-2013 05:25 AM
اولاً التحية والتجلة لأستاذنا الكبير محمد مرغني
يا ابونديبو والله ظلمت هذا العملاق المتواضع كثيراً وواضح انك لا تعرفه الإنسان الرائع المعلم الكبير وكم خرج اجيالاً نحن منهم ،،،
هل سمعت بحكي ليكم يا مظاليم الهوى وغيرها من الروائع

هو المعلم والإستاذ بطبعه ويريد ان يساهم فيما يدور الأن من إنحطاط وتخلف في عالم الفن
بكل تواضع فله كل الشكر والتحية

وما هكذا يهاجم الإنسان العظيم الرائع


#607830 [ككو حليمه.]
0.00/5 (0 صوت)

03-11-2013 04:34 PM
الحمد الله سمعنا نظيف
لاننا بميز الاصوات الفارقه.


#607825 [بيكانتو]
0.00/5 (0 صوت)

03-11-2013 04:22 PM
ما قلنا ليك


#607804 [Amin]
5.00/5 (1 صوت)

03-11-2013 03:55 PM
قد يشيخ الصوت

لكن يبقى الاحساس الفني والذوق السليم و الأذن الموسيقية

هذه أشياء تبقى مع تقدم العمر.. وتضاف لها الخبرة

اتمنى على عظماء الفنانين والرواد أن يكونوا مدارس فنية

ترعى وتو'هل وتوجه وتلحن للفنانين الجدد

وتكون بمثابة شهادة اجازة لهم


#607799 [عبدالله]
5.00/5 (1 صوت)

03-11-2013 03:44 PM
مع احترامي ليك يا استاذ الميرغني زي ما بقولوا الكديسه لمن ما تلحق اللبن بتعمل شنو ................ ! هههههه سبحان الله انت يالميرغني قبل كدا لمن ما لقيت زول شغال بأغانيك زهجت وقلت ( انا بشيل شنطتي وبرحل من البلد ؟! ) وقلنا ليك اوكي الباب مفتوح للرحيل مافي زول ماسكك ,, هسي عملتها انه الناس بقت طرشه ؟! المشكله انه غناك اصلا ما حلو ومافيو طعم يسمعوا ليك كيف ؟ بالقوة ؟! وبعدين خلاص انت كبرت ربنا يطول في عمرك ويرزقك بالصحه والعافيه المفروض تخلي الغناء وفكرتك كويسه انه تلجأ بإنك تكون مقدم برنامج بس من غير استهتار للمستمع السوداني


ردود على عبدالله
United States [سبيل آدم] 03-11-2013 05:00 PM
كلامك صااااااااااااااااح محمد ميرغني بقى ما بيقدر يكمل غنية واحدة

من زماااان صوتو ضعيف وعمل مليون عملية وخـلاص بح

بنحب غناك لكن خلاص آن الأوان تخلي غيرك يغنوها

ومافي داعي الإستفزاز المستمعين البدونم ما بتسوى حاجة وباين إنه عدادك وقف

والشباب هم القلعو من الفرصة بالتجويد و الإبداع / كف


#607789 [الفاتح مقبول]
5.00/5 (1 صوت)

03-11-2013 03:31 PM
فى زمان كان العشاق يحفظون
عن ظهر قلب ما يجود به الشعراء
عبر حنجرتكم التى كانت مميزة
لذا قولكم:
(أذن المستمع أصبحت (طرشة)..!!)
هو قول غير سديد لان الذى صار
الى (طرش) هو صوتكم الذى فارقكم
بعد أن بلغت من العمر عتيا وصرت
على شفا حفرة .. لا ندرى أهى من
نار او جنة..
وبتصريحك غير الموفق هذا قد
قبرت نفسك وانت حيا ترزق ..


#607646 [ود النوبة]
5.00/5 (2 صوت)

03-11-2013 01:08 PM
طيب لما اذن المستمع اصبحت (طرشة) انت حتقدم برنامج الزول الجميل دا للصم والبكم ولا كيف فهمنا يأستاذ ما هو نفسه البسمع ليك زولك الجميل دا بسمع اغانيك الجميلة لو انت قادر تقدمها بالشكل الجميل ...


#607629 [المتجهجه بسبب الانفصال]
5.00/5 (1 صوت)

03-11-2013 12:44 PM
يا جماعة اشمعنا لاعب الكورة ممكن يكون معلق رياضي والفنان تحرموه من تقديم برنامج يهتم بالغناء سيما وأن الحالة الغنائية في السودان تمر بمنعطف خطير بسبب حركة النشاز الغنائي الذي طفا على الساحة وخلف سلوكيات غريبة من بعض الشباب ممتهني الغناء وما في داعي نذكر الفضائح،، الاستاذ محمد ميرغني مهنيا معلم وبالتالي يمكنه تقديم برنامج في الشأن الغنائي ،،


من جانبه رفض الإعلامي زهير بانقا تلك الخطوة، لافتاً إلى أن الإعلام أصبح مهنة من لا مهنة له، قائلاً ضمن سياق تقرير ينشر بالداخل : ( المهنة صارت متاحة يدخلها عدد كبير ممن لا علاقة لهم بها ولا مقومات تعزز من هذه الرغبة وتدفع للنجاح، وفي رأيي الشخصي يمكن للفنان أن يكون ناجحاً فيما يقدم من أغنيات وتكون مقبولة لدرجة الامتياز لكن لا يعني ذلك أن يكون الطريق معبدًا أمامه للنجاح في مهنة أخرى).


لا نتفق مع زهير بانقا لأن مهنة الاعلام موهبة وتطوير أكثر من كونها دراسة فهناك صحفيين لم يدرسوا اعلام ولا صحافة وكانوا مرموقين، وهناك مقدموا برامج تلفزيونية وحوارية لم يدرسوا اعلام ورغم ذلك بزوا بعض رصفائهم المتخصصين في المجال.


ردود على المتجهجه بسبب الانفصال
United States [الفاتح مقبول] 03-11-2013 06:40 PM
يبقى مقدم برامج يبقى مخرج
انشاء الله يبقى وزير ثقافة
بس من سكات ..لكن..
نحنا فى الاساءة الغير مبررة
تقديرى


#607591 [الجاغريو]
0.00/5 (0 صوت)

03-11-2013 12:14 PM
قومو لفو


#607474 [المطوع]
5.00/5 (1 صوت)

03-11-2013 10:32 AM
زي ما قال ليك ود البلد الكبر حصل والصوت بح ونضب معينك . طيب لو رجعت الى مهنة التدريس مش كان احسن ليك ولا عداد مهنة التدريس ما بكفي . اقتراح للاخوة بالراكوبة ..... انت وحمد الريح حقو يودوكم المتحف القومي للتراث . لانكم خرفتو واصابكم مرض الزهايمر .
بالمناسبة محمد ميرغني صوتو راح نهائي واهو دا الزمن بش بش برضو صوتو راح بكثرة الجعجعة والرقيص في حفلات الكيزان وسافر السعودية لاجراء بعض الفحوصات الروتينية بالرغم من وجود مستشفى الزيتونة بالسودان .


ردود على المطوع
United States [ahmed] 03-11-2013 11:48 AM
قول المعلق المطوع ؟ انت وامثالك بحق طرش و زبالة هذا القرن ؟ اما محمد مرغني وجيله تراث وموروث لن يتكرر ابدا في االغناء السوداني؟ هذا زمانك يامهازل فامرحي؟؟؟؟؟ يقول.. بشه بشة من حديثك يدل عنك من امثال ناس محكمة بحري؟ بلا وساخة وعفن.


#607374 [ودالبلد]
5.00/5 (1 صوت)

03-11-2013 08:40 AM
لا لا ده ما السبب ، قول (الغنا) راح ليك و(الصوت) ببح !! معهليش يا ود ميرغني (الكُبُر) ما بخلي زول !



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة