و قصه انابه الخدم واظنهم الحبش لتقديم واجب العزاء نيابه عن صاحبات البيت والادهى من ذلك البكاء بصوت جهوور حتى لا يشعرن اهل الفقيد او الفقيده بغياب الجاره او من كلفت الحادمه بذات التكليف ^ عجبي ^ ف اظن أن كاتب المقال لم يتطرق لهذه العاده الدخيله جداااااااا علينا
يمكن تكون فى بيوت الكيزان الكلام دة
قال الأكل الفاخر قال
عن أي بيوت بكا بتتكلموا ؟؟؟؟!!!! في ح شعبي ولا حي ناس مرتاحين !!!! هو الناس بقيت بتفرش يوم واحد وبيتمو بالدين واخوي واخوك .....
ارد على تعليق ( أبوحسن) هههههههههههه كويس انك قلتها ودا اعتراف واضح بقولك ( شي عجيب صراحة في مجتمعنا السوداني الشي الغريب ايضا رقم الفقر والغلاء موجود التباهي موجود من اين لهم هذا ) يعني معناها الناس حتى لو ما عندها قروش ووضعها تعبان لكن يتقطعوا تقطيع ويجازفوا ويبزروا ومابكون في توفير للقروش لشراء الحاجات المهمه زي الغذاء اليومي والعلاجات وغيرها من الحاجات المهمه , واكيد طبعا الكلام دا مقصود بيو -------------------------> الناس البكوركوا ويقولوا (( جوعت الناس يارقاص )) !
رحم الله شيخنا بدرى ذلك الواعظ التقى الورع الزاهد فى دنياه فقد جاء فى سبعينيات القرن الماضى وقضى اكثر من عشر سنوات يجوب ولاية نهر النيل شرقا وغربا بين مدينتى شندى وعطبرة وقد ذهبت لكل القرى التى زارها هذا الشيخ وشاركناهم اتراحهم ورأيت العجب العجاب . اصبح المأتم يعمه الحزن دون العويل واندثرت عادة ضرب الخدود وشق الجيوب وقد اختفت تلك النساء وتلك العادات ومنها ذر الرماد على الراس والزغاريد والصياح الذى كان يحصل فى السابق فتجد زوجة المتوفى او امه او اخته جالسين على الارض ويدعون لميتهم دون صياح ودون غبار وشاهدت بيوت بكاء فى الخرطوم ولكن بكل اسف كلها صياح والنساء لا زالن تقومن بوضع الرماد والتراب على رؤؤسهن ويصفن الميت بأوصاف لا تنتهى وحمدت الله على السلوك الحضارى والاسلامى عندنا بنهر النيل فى مثل هذه المناسبات الحزينة وأسأل الله ان يجعل ذلك كله فى ميزان حسنات المرحوم الشيخ بدرى طيب الله ثراه فهى صدقة جارية يسعد بمشيئة الله بحلاوتها وطيبتها فى قبره .
عن ياتو بيوت بكاء بتتكلمو!! يمكن بيوت بي كوز ومن معهم,...قال اكل فاخر!! الناس مالاقيه حق التمباك!... كالعاده الاخبار الزي دي نوع من الغش والتضليل للناس الغرض منها عكس واقع وهمي بان الناس عايشين في ترف وسعاده حد البوبار في البكيات.
السلام عليكم ورحمة الله
ياأخواتنا السودانيات تبن الى الله واستغفرن ربكم( ويوم لا ينفع مال ولابنون)(ويوم يجعل الولدان شيبا)
شي عجيب صراحة في مجتمعنا السوداني الشي الغريب ايضا رقم الفقر والغلاء موجود التباهي موجود من اين لهم هذا على العموم حسبي الله ونعم الوكيل
البوبار في بيت البكاء!!..تغيير المفردات وعرض القدرات
9 | 
0 | 
5386
