الأخبار
أخبار إقليمية
تطورات جديدة في قضية بيع خط (هيثرو) ..
تطورات جديدة في قضية بيع خط (هيثرو) ..
 تطورات جديدة في قضية بيع خط (هيثرو) ..


03-11-2013 07:22 AM
الخرطوم: عمار محجوب :

أكدت لجنة النقل والطرق والاتصالات بالبرلمان أن التحقيقات في قضية بيع خط «هيثرو» مازالت مستمرة ولم تكتمل حتى الآن وكشفت اللجنة في الوقت ذاته عن عزمها مساءلة واستفسار وزير النقل والطرق والجسور د. بابكر أحمد نهار عن الخطوة الاستباقية التي قام بها والمتمثلة في إطلاع رئيس الجمهورية المشير البشير على نتائج التحقيق في القضية قبل فراغ اللجنة المكلفة بالتحقيق من مهامها ورفع تقريرها النهائي للوزير، وانتقد رئيس لجنة النقل والطرق والاتصالات بالبرلمان أوشيك محمد أحمد ما تناولته أجهزة الإعلام مؤخراً عن محاسبة ومعاقبة المتورطين في ضياع خط هيثرو، وقال لـ(آخر لحظة) إن التقرير النهائي بشأن القضية لم يرفع لوزير النقل واستنكر بشدة الخطوة الاستباقية التي قام بها دكتور نهار، وقال إن لجنته تعتزم الجلوس مع الوزير خلال اليومين القادمين لمساءلته واستفساره حول الأمر، مبيناً أن الخطوة ستؤثر سلباً على سير التحقيق في القضية.



واوضح أوشيك أن لجنته لديها ممثل في لجنة التحقيق وأنه أكد في آخر تنوير أن التحقيقات الخاصة بالقضية لم تكتمل حتى الآن وأن اللجنة لم ترفع تقريرها النهائي لوزير الطرق.

اخر لحظة


تعليقات 32 | إهداء 0 | زيارات 9804


التعليقات
#608161 [sam111]
0.00/5 (0 صوت)

03-11-2013 11:57 PM
للاسف حتي هذه اللجان ستشكل عبئ اقتصادي اضافي علي الشعب المغلوب في امره

من بدلات ونثريات اجتماعات وغيره وفي النهاية النتيجة معروفة نفس مصير

السرقوا فلوس المودعين في بنك امدرمان الوطني قبل سنيين.....

في احسن الحالات ممكن سيادة الريس ومستشاريه يعاقبوا الباعوا خط هثروا بحفظ ايات من الذكر

الحكيم ......

غريبة يا بلد !!! ملامحك غريبة وشعبك غريب وامرك غريب !!! .. احترنا فيك !!!!!

قصص اغرب من الخيال!!!!!


ردود على sam111
United States [ابونديبو] 03-12-2013 07:31 AM
يا سام 111 بمناسبة سرقة فلوس المودعين في بنك امدرمان الوطني قبل سنتين كما ذكرت انت.وانو
البنك فلس لهذا السبب...

أرجو أن أفيدك انو تاني فلس والآن وعشان يغطي عجزه استطاع اقناع حكومة ولاية الخرطوم بتحويل
رواتب المعلمين للبنك حتي يقوم باستخراج بطاقات صراف آلي لكل معلمي الولاية .... يلا بعد ده
انت احسب عدد المعلمين مضروب في مبلغ 200ج.س رسوم فتح الحساب واستخراج البطاقة .....وده
سنوي ....أكيد تقرير البنك السنوي سيعكس ايرادات مهولة وسيتم صرف ارباح عشرة شهور حافز
لمجلس الأدارة والعاملييين......
نعم يفتحوا ليك حساب بالرجالة كده ويضعوا ليك مرتبك فيه ويخصموا رسم المعاملة وأشياء أخري

هل تدري من هو رئيس مجلس أدارة هذا البنك؟؟؟؟؟؟؟؟


#608124 [Siddig Hussein]
0.00/5 (0 صوت)

03-11-2013 10:53 PM
هو اسمووو او شيك معناهااااابتاع كلوووووو و ما عندو مانع كمان يقبض كاااااااش - والتاني اسمووو منو؟ نهااااااااااااار - اهااا زي ديل يا اولاد امــــــــــــــي ^ ماذا يرجى منهم ؟؟؟؟؟ ف هنيئا لك ياااا مهـــــــــــــازل فتمتعي بالمرح


#608010 [السمان]
4.75/5 (3 صوت)

03-11-2013 07:40 PM
حاجة عجيبة رئيس دولة ما يكون عارف البحصل في بلدو شنو الا بعد الوزراء يوروهو الحاصل. ما بقرأ جرايد ولا شنو؟مش المفروض كل فترة يجتمع مع مسؤول ورعيته عشان يعرف الحاصل من خشيم سيدو؟ بدل مستشارين ومساعدين على الفاضي. الله يكون في عوننا.


ردود على السمان
United States [دربكين الارض] 03-11-2013 10:33 PM
يا اخي ديل كلهم وسخانين واي واحد منهم عارف ملف التاني - بيهددوا بعض . لذلك مساءلة او محاكمة اي واحد منهم هي في الحقيقة مجرد مسرحية هزلية - ديل ربنا بيعاقبنا بيهم .


#607893 [ابو سوران]
3.00/5 (1 صوت)

03-11-2013 04:38 PM
هو الخط ده ولاسمح ولندن ذاتا ماتدينا فيزا وكسرة جبرا ولابوقفا وسمك لبن تمر هندي عشان يدسو أثار الجريمة اللصوص


#607871 [اب عود]
0.00/5 (0 صوت)

03-11-2013 04:20 PM
كلام خارم بارم .


ردود على اب عود
United States [ابو سوران] 03-12-2013 05:07 PM
عليك الله ياب عود السودان ده كله ماخارم بارم كل أي شيئ معروف وكل مليم أتسرق معروف منو السرقو وكل البعملو فيه ذر للرماد في العيون وفي النهاية تموت القضية زي ما ماتت قضايا كتيرة أخري الحل يمشي النظام ويتحاسب اللصوص وعافانا الله من شرور الذاكرة السودانية الضعيفة


#607793 [mahjob]
0.00/5 (0 صوت)

03-11-2013 02:37 PM
أكثر ما اتعجب له أصرار هذه الفئة علي أكل أموال البلد وحلم الله وصبره عليهم


ردود على mahjob
United States [مختار] 03-11-2013 04:01 PM
ألم تتمعن في قوله سبحانه و تعالي :
( انما نملي لهم ليزدادوا اثمآ ولهم عذاب مهين ) 178 _ آل عمران ؟؟؟ صدق الله العظيم .


#607766 [dougokoper]
5.00/5 (1 صوت)

03-11-2013 02:05 PM
واصل الكسره يا أستاذ جبره ... الموضوع جابلو نفس .. يعني لسه ما استوا ..حسبي الله ونعم الوكيل.


#607742 [lwlawa]
5.00/5 (1 صوت)

03-11-2013 01:41 PM
اوشيك، اخد اوكاش..؟!.. وعمل نايم، في الخط. وديل صحوه من النوم..؟!.. عشان كده محتج.


#607728 [حسن]
5.00/5 (1 صوت)

03-11-2013 01:26 PM
وينك استاذ جبرة
الظاهر العملية عايزة واوات كثيرة


#607699 [Mohd]
5.00/5 (1 صوت)

03-11-2013 12:58 PM
سنة ونص بتحققوا ؟


ام بتخلوا القضية تتقادم

والمشتري الجديد يتمكن من ترتيب وضعه

يا كلاب يا حقراء يا جزم يا خونة يا عملاء


بشيركم ذاته عميل وخائن لبلده وللمواطن ضيع البلد كلها في الشرق والشمال والجنوب والغرب الله يضعيكم في الدنيا والاخرة يا اولاد الحرام يا اكلي مال السحت

لعنة الله عليكم


#607697 [محموم جدا]
5.00/5 (2 صوت)

03-11-2013 12:58 PM
الرئيس قال محاسبة و ليست محاكمة كما قال الاستاذ جبرة و لكن المحاسبة معناها تكوين لجنة للمحاسبة تذهب الى الوزير و تشرب الحاجات الباردة و يطلب منها الوزير الاجتماع معه بتاريخ XX /XX /2013 و بعد مرور شهرين الوزير في مأمورية في الولايات و بعد مرور شهرين آخرين في يوم ما تجمع أعضاء اللجنة للاسف الوزير في مهمة رسمية خارج الدولة بعد اسبوعين عاد الوزير ليكلف مدير مكتبه بالاتصال باللجنة و تحديد مواعيد إجتماع الاسبوع القادم لكن عضواللجنة زيد سافر لعرس إبنته و عبيدسافر العمرة و الهزلان سافر الاردن للعلاج و تمر أيام وتتعدى و تشنق واوات الاستاذ على سطور المواقع و الصفحات و حصل أن اقترحت عليه استيراد الواو الضكر من الصين و ما سمع كلامي و تجتمع اللجنة مع الوزير بعد ستة شهور لكن الوزير الجديد ما عنده خلفية عن الفايل و سيدرس الفايل بعد التهنئةمن اللجنة و البارد و النظرات المتفائلة و البسمات الحالمة و تشنق واوات الاستاذ الفاتح للمرة الثانية و يذهب الوزير الجديد لمقابلة الرئيس و يوجه الرئيس بحل اللجنة و تعيين لجنةالنقل والطرق والاتصالات بالبرلمان و تعلن الشهر الاول أن اللجنة في طريقها الى الجلوس مع الوزير و أسكتي يا صحافة لأن التحقيق لم يكتمل بعد و سيؤثر النشر على مجرى العدالة و بعد عدة شهور تعلن اللجنة أنها تعتزم الجلوس مع الوزير خلال اليومين القادمين لمساءلته واستفساره حول الأمر،و الشعب و الرئيس و الفاتح جبرا و الخط المعلق في الهوا و الطيرات الخربانة في المطار والوحلانة في طريق هيثرو الفوقاني بسبب السيول و الامطار و الجليد كلنا ننتظر اليومين و ما تكون يومين تلاتة و تمتد حتى تأكل البقرات العجاف البقرات السمان... أنا خايف حمتنا تطير لينا في راسنا .. يا لطيف ..بالمناسبة انا يا دوب عرفته معنى دولاب العمل الحكومي يعني الدولاب الذي تحفظ فيه الفايلات الى غير رجعة ...


#607693 [لسه بدري ياجبرا]
5.00/5 (4 صوت)

03-11-2013 12:55 PM
كسرة:أخبار ملف خط هيثرو العند النائب العام شنو؟ أهها يا جبرا الملف طلع لا عند النائب العام ولا بطيخ ده قالوا ليك يا دابو ...... ياولد ناولني حبوب الضغط


#607686 [عكليت]
5.00/5 (1 صوت)

03-11-2013 12:48 PM
اين هي اللجنة البرلمانية و تحقيقاتها منذ سنوات ؟؟ في خط تم بيعه في قضية واضحة بوجود الشركة البريطانية المشترية ومن باعوا لها من جانب عارف وسودانير( الشريف عمر بدر ) ؟؟ اذ لولا صحوة الرئيس ( المتأخرة ) لما صحي برلمانكم النائم عن الباطل رغم واوات جبرة التي فاقت العام ؟ ؟ ؟


#607632 [adil]
5.00/5 (1 صوت)

03-11-2013 11:50 AM
هو التحقيق فى خط هيثرو اسع عليكم الله فى طيارات كدة حققو فى المهم الاول فساد بالجملة وقالو السترة


#607628 [بارجقل فى بطنو شغل]
5.00/5 (1 صوت)

03-11-2013 11:44 AM
لجنة تلجين الخط تنهر نهار


#607609 [المتجهجه بسبب الانفصال]
5.00/5 (2 صوت)

03-11-2013 11:28 AM
هؤلاء لا أمل فيهم،، لو كان خط هيثرو حبل غسيل اتسرق في دولة محترمة الدولة بتجيب من سرقوه،، وخط هيثرو دة مسروق ليهو حوالي 5 سنوات والحكومة عاملة أضان الحامل طرشا،، اشمعنا الايام دي الظاهر في غتغتة لي حاجات تانية أخطر ،، لكن لا تستغربوا لو خرج عليكم مصطفى عثمان أو الحاج آدم شاهرين تبريراتهم العويرة وقالوا ليكم يا جماعة الله كدي ختو الرحمان في قلوبكم خط هيثرو ده أصلوا أيام الاعصار الضرب سواحل بريطانيا الهوا شالوا ودخل في خط جرينتش ونحن أرسلنا خبراءنا الهندسيين والفضاءيين وكونوا لجنة مع رصفاءهم البريطانيين لكن ما قدرنا نفك اشتباك خط هيثروا مع خط جرينيتش وانتو يا جماعة ما تدوها كوز وتحكوها شديد كدة يعني خط هيثرو أهم من حلايب وجنوب خط 23 ما هي كلها خطوط دخلت وتشابكت ونحن خليناها في حالا،،،


#607601 [ابو الديس]
5.00/5 (4 صوت)

03-11-2013 11:22 AM
اسئله ليست للاجابه:
1-هل ما يسمي بالرئيس(والله نحن له كارهون وندعو عليه ليل نهار) ما عارف قضية خط هيثرو؟
2-لماذا لجنة تحقيق وليست نيابه؟
3-واذا سلمنا باللجنه لماذا تتلكأ طيلة هذه المده في كشف نتائج التحقيق؟
4-هل ستعلن اللجنه نتائج التحقيق؟هل ستحيل الحكومه الامر للمحكمه بعد اعلان نتائج التحقيق؟ ام ستصدر هذه اللجنه احكاما حسب ما توصلت اليه ادانه أو براءه؟
5-ماذا يضير اللجنه اذا الوزير مشي كسر تلج للعره دا واتونس وضحك معاو ببلاوي الاستاذ جبرا وقام العره قال ليو ههههههه والله جبرا دا ود حنود لكن احسن نخليو يكتب عشان لو في واحد قال مافيش حريات صحفيه يشوف البكتبو جبرا دا بسكت..ولمن الوزير جا طالع قام العره قاليو(خلاص يا زول بينا تلفون وموضوع خط هيثرو دا اعملو فيو حركه عشان ما يعملو لينا بيو ازعاج)؟
6-هناك اعضاء في الجنه دي كانو او ما زالوا اعضاء في لجان تحقيق أخري..هل سبق ادانو مسؤل او احالو مسؤل الي اي محكمه او حتي اعلنو نتيجة تحقيق في اي قضيه؟
7-للذاكره العامه: هل سبق ان حوكم مسؤل في قضية فساد؟(مسؤل مؤتمر وطني)
8-هل عبارة (او ارجاع قيمتو ) دي قالا ما يسمي بالرئيس فعلا؟ وكيف يقول كلام زي دا وهو مسؤل عن اموال الزفت السوداني دا(لكن لانو مسك البلد رجاله فطز في الزفت)
9-يعني اذا اثبتت اللجنه انو الناس ديل باعوهو بس تطالبم بارجاع قيمتو ويا دار ما دخلك شر؟ وما حيقدمو الي محاكمه عادله ويعدمو؟؟ ومن وين حيرجعوها بعد ماثبت انهم حراميه؟ اكيد حيرجعوها من قروش مسروقه من حته تانيه!!!!!
10-هل العره دا لمن يتكلم عن الشريعه ما بضحك لمن يتشنقل؟ ولا هو شايف نفسو عندو اخلاق وانو فعلا حامي حمي الدين والاخلاق ومصدق الكلام دا؟
11-هل الكيزان كلللهم لمن يكونو في اجتماع ويقوم ابو العفين ولا البعاتي علي عثمان يتكلم عن الدين وكده.. ما بضحكو بينم وبين نفسهم ومافي واحد منهم بخجل من الكضب اثناء الاجتماع؟
12-هل عندهم محاسبه داخليه(في الحزب) ولا دافننو سوا ومافي زول بقدر يسأل زول؟
13-متي سيزول هذا الطغيان والظلم واكل اموال الشعب بالباطل؟
14-هل يستحق السودانيون هذا الاذلال؟ ولماذا؟
15-هل وهل
وسخ وقلة حيا.....................................


#607582 [أب عين حمره]
5.00/5 (3 صوت)

03-11-2013 11:07 AM
يا أخوانا طيلة ال23 سنة الماضية ،فى زول حاسبو أو قدمو لمحاكمة!!؟؟؟


#607574 [مفجوع]
5.00/5 (1 صوت)

03-11-2013 10:58 AM
قاعدة معروفة تقول إن أردت دفن قضية فكون لها لجنة لتنبثق منها لجان ...
الموضوع واضح وملمحتاج لي لجان ، جماعة إعتدت على أملاك عامة ..
تكون جنائية ويتولى التحقيق فيها وكيل نيابة ومن ثم القضاء ..
سؤال بشبش عنها وطلب الإذن منه يعني أن هناك خيار وفقوس فإن كان له أحد المحاسيب يدفنوها حية ...
ليكم يوم وإن لم يأتي فهناك يوم لايظلم فيه أحد أمام قاضٍ لا يعرف الظلم ...!


#607556 [عايز اعرف]
0.00/5 (0 صوت)

03-11-2013 10:40 AM
ياجماعة انا ماكنت ماتابع بس عايز اعرف قصة بيع خط هيثرو دى شنو؟
الشمار قتلنى


ردود على عايز اعرف
United States [عايز اعرف] 03-12-2013 11:19 AM
اشكر الاخوان على هذه الاجابات الرائعة واكيد السودان يبقى فى صدارة الدول المتقدمة طالما فى مثل هذه الاجابات والعقول المتفتحة ؟؟؟؟؟؟؟؟؟؟؟؟؟

United States [محيو] 03-11-2013 09:35 PM
بقيت زى احمد البلال الطيب عايز اعرف

United States [السودان الذى كـــــان] 03-11-2013 09:16 PM
فى هايسات زمان بتمشى بخط (مايو)،وفى الشارع بتاعهم أوعى تقيف !ولا تركب معاهم!فى الحالتين حتمشى الآخرة.وخط (هيثرو)دة أصعب من كدة السواق مصقوع وعندو نفسيات وتلاتة نسوان وشوية أورام سرطانية كل يومين بودوها للمخرطة بتاعة أبراهيم الهادى فرع السعودية يخرتوا منها حبة والهايص بتاع هيثرو دة صعب ما دمت ما عارف عنو حاجة وما أظنو يلا قيك ،فنوم قفا.

United States [amin] 03-11-2013 07:35 PM
لا لا دا واحد عمك قبطي كده مشي البلد لما رجع لقي خط تلفونو ادوه زول تاني.........ما متابع شنو يا عمك دا موضوع ليهو سنين.

United States [ali saleh] 03-11-2013 03:54 PM
الشمار قتلك وخط هيثرو ماقتلك ؟؟؟؟؟؟؟؟؟؟؟؟؟؟؟؟


#607551 [Omer Manofally]
0.00/5 (0 صوت)

03-11-2013 10:36 AM
هذه نفس حكايةالوزير أمين بناني ولجنة التحقيق في مخالفات طريق الانقاذ الغربي والتي طالب فيها بمحاسبة المتورطين في الفساد. لكنه اصتدم بنفس المشكلة والجماعة ميعوا ليه القصة ولما اصر على المحاسبة قالوا له النائب الاول على عثمان أنك تغرد خارج السرب. الظاهر أيضا اليوم نهار يغرد خارج السرب. لأن الذين قاموا ببيع خط هيثروا هم نفس المفسدين السابقين وبعلم أكبر مسئول فيهم بدون استثناء.
لذلك تامل محاسبة الوزير ليه عشان قال الحقيقة للرئيس. بكل قوة عين يعني ما عايزين الريس يعرف حاجة أو أصلا الريس عارف وما محتاج يقولوا ليه شي جديد.


#607526 [ود شريف]
5.00/5 (1 صوت)

03-11-2013 10:15 AM
دى لجان تضيع وتغبيش للموضوع والله حاجة غريبة كل السنين دى ولسة ماعارفين الباع خط هيثرو منو ؟
ليها حق اموال اهل السودان تضيع بالفساد لانه للاسف كل النظام فاسد ولاتنتظر من الفاسد استرداد حقوق قال لسة اللجنة بتحقق كلام عجيب وبلد غريب منكم لله يامفسدين


#607471 [marwan saif]
5.00/5 (2 صوت)

03-11-2013 09:28 AM
شنو شنو شنو التحقيق ما إكتمل زمان ما سمعنا اكتمل التحقيق وحددو الضالعين فى بيع الخط واتحولوا للنائب العام . تانى لجان وبطيخ ومش عارف ايه


#607470 [كسرة ثابتة]
5.00/5 (1 صوت)

03-11-2013 09:28 AM
أموت واعرف بحققوا في شنو؟ الخط موجودوالجهة الاشترت موجودة ومعروفةأسألوها: اشتريتوالخط دا بواسطة منو؟ يعني سؤال ما ح ياخد ليهو ثانيتين؟


#607448 [Karbail]
5.00/5 (1 صوت)

03-11-2013 09:02 AM
خطوة استباقية!
طيب لو الرئس عرف في البداية ولا النهاية يعني ما منحقه الاطلاع علي مجريات التحقيق بعدين مش هو دا الرئس. بعدين مسائلة د.نهار في شنو؟ ولا دا تخويف او في حاجة مفروض السيد الرئس ما يعرفها؟
بعدين اللجان دي مسؤلية مطلقة؟ ولا هي تكليف من القائم بالامر والمفترض يكون السيد المشير عمر حسن احمد البشير رئيس الجمهورية؟


#607430 [مجنون]
5.00/5 (2 صوت)

03-11-2013 08:43 AM
انتو مصدقين انو فى تحقيق ولجنة وكلام زى دا ديل بيضحكو على الدقون دى كيكة كبيرة واتقسمت والقضية تطلع فشوش تانى ماتسمعوا بيها خالص


#607410 [Abu Areej]
5.00/5 (1 صوت)

03-11-2013 08:23 AM
واضيف ان التحقيقات لن تنتهي ولن يرفع تقرير .. والقصة ستموت قبل الولادة..

السؤال الذي يجعل الكل او معظمهم في حيرة من امرهم.. ان السيد رئيس الجمهورية لم يسمع ببيع هذا الخط الا الاسبوع الماضي؟؟؟ وان كان كذلك فهل سمع اصلاً ببيع الخطوط السودانية لشركة عارف هذه؟؟؟- يا اما ان السيد رئيس الجمهورية لا يعلم بما يجري حوله او انه قصد بتوجييه الاخير هذا ذر الرماد على العيون لكي يصمت الذي ظل يبحث عن هذا الخط وهو الاستاذ جبرا الذي سلط سوطه وصوته بكسرته الثابتة واصبحت محفوظة لكل او معظم القراء .. بل ان بعض القراء كانوا يتحينون الفرصة لان ينسى الاستاذ جبرا الكسرة فيذكرونه ..

ماذا يعني ارجاع قيمة الخط؟؟؟؟ وهل المشكل اصلاً في ارجاع قيمة الخط؟؟؟ اليس هنالك اموال منهوبة تستوجب الاسترجاع اكثر من قيمة خط هيثرو؟؟ الامر ليس في قيمة الخط يا سعادة الرئيس.. المهم ارجاع الخط مع محاكمة الذين تسببوا في ضياعه .. لان استرداد قيمة الخط يمكن ان تكون من خزينة الدولة وتنهب مرة ثانية بواسطة من سبق لهم نهب اموال هذا الشعب الصابر ... لمن اراد ان يعرف النهب فليرجع الى تقارير المراجع العام وليس من بنات افكار احد الصحفيين او الكتاب..

في حالة لم يتم ارجاع الخط او حتى ارجاع قيمته بماذا نتوقع ان تتم محاسبة ممن تسببوا في هذه الكارثة؟؟؟ ا

اللهم انصر السودان وصبرنا يا رب يا كريم


#607401 [محمد احمد]
4.75/5 (7 صوت)

03-11-2013 08:06 AM
هذه اللجنة سترفع تقريرها إلى لجنة اخرى والتي ستنبثق عنها لجنة ترفع تقريرها إلى لجنة منبثقة عن اللجنة الاولى ومن ثم تقوم اللجنتان بتكوين لجنة مشتركة ترفعة تقريرها الى مفوضية .. وفي الاخير (خلوها مستورة) او ياتي التقرير بأن المعارضة كان لها دور في بيع الخط مع اطراف لها اجندة خارجية .. وجعير وتكبير وجعير وتكبير والله اكبر تكبير ... جعير ... تكبير .... الله اكبر .... رقصة ... الله اكبر ... جعير ... تكبير .... رقصة .... الله اكبر ...
حسبنا الله عليكم


#607400 [اجاويدو]
0.00/5 (0 صوت)

03-11-2013 08:06 AM
يا ساخر سبيل (الاستاذ جبر )شوف لك شغله الناس قالوا التحقيقات الخاصه بالقضيه لم تكتمل . الوزير شفغان ومستعجل وصل الموضوع للرئيس قبل الشغلانيه ما تنضج . واصل كسرتك الاولى وخلى التانيه لوقته .


#607373 [زرياب]
3.00/5 (2 صوت)

03-11-2013 07:37 AM
الحقنا يا جبرا ... الحكاية جرت ورا.... ويا فرحة ما تمت .


#607368 [كشاتا]
3.00/5 (2 صوت)

03-11-2013 07:31 AM
خلاص عاوزين تستخدم فقه السترة ... حسبي الله ونعم الوكيل من الكيزان تجار الدين


#607367 [الدود]
4.00/5 (3 صوت)

03-11-2013 07:30 AM
كضاااااااااااااااابين, يا اخوانا حصل يوم سمعتو بموضوع شكلو ليهو لجنة مشى لقدام؟


ردود على الدود
United States [ابو خنساء] 03-11-2013 09:54 PM
ذكرتني مصطفى سيد احمد الله يرحمه .. اذا اردت ان تقبر امرا للابد شكل له لجنة وبعدين هو ذاته متين اتفتح موضوع وصل لنتيجة ما السرقة شغالة من 25 سنه الجد شنو على المخدة كيس جديد ولا تنجيد

United States [NASRELDEEN ALI] 03-11-2013 09:52 AM
لا
لالالا
لالالالالا
لا
لا
لا لآلآلآلآلآلآلآلآلآلآلآلالآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة