الأخبار
أخبار إقليمية
محاكمة ضباط المحاولة الانقلابية تكشف فضائح وزير الدفاع واحتمال تدخل البشير.
محاكمة ضباط المحاولة الانقلابية تكشف فضائح وزير الدفاع واحتمال تدخل البشير.
 محاكمة ضباط المحاولة الانقلابية تكشف فضائح وزير الدفاع واحتمال تدخل البشير.


03-18-2013 09:52 AM
بعد الجلسة الثانية لمحاكمة ضباط بالجيش الحكومي بتهمة قلب نظام البشير بدأت تتسرب تفاصيل ماجري داخل جلسات قاعة المحكمة من خلال مصادر عسكرية عليا داخل القوات المسلحة.
وقالت المصادر ان المحاكمة جرت داخل احدي القاعات بمعسكر بمنطقة الكدروه شمال الخرطوم بحري بمقر مستودعات سلاح الاسلحة وتراس المحكمة اللواء السر من سلاح المشاة بشندي .

شملت قائمة المتهمين :
اللواء عادل الطيب ، العميد : محمد ابراهيم عبد الجليل ، العقيد : الشيخ عثمان الشيخ ، العقيد : فتح الرحمن سليمان ، العقيد : الطيب بدر ، العقيد : محي الدين عمر ، العقيد : أحمد زاكي الدين ، المقدم : محمود صالح ، المقدم : مصطفى مختار ، الرائد : حسن عبد الرحمن .

وتم توجية تهمة التخطيط والإشتراك لقلب نظام الحكم وتقويض النظام الدستوري ، وشهدت جلسة الخميس 14 مارس للاطلاع وسؤال المتهمين بالموافقة على الاتهام ، وأفاد المصدر العسكري ان المتهمين قد مورست عليهم ضغوط لتغيير اقوالهم حتي يتم اطلاق سراحهم في محاولة من النظام لإنهاء هذه القضية التي انعكست داخل صفوف القوات المسلحة من تذمر وسط الضباط والجنود .

واضافت المصادر العسكرية ان الجلسة الاخيرة بدأت بسماع اقوال المتهم العقيد الركن أحمد زاكي الدين قائد اللواء الأول مدرع حول دوافع قيامه مع الاخرين بالمحاولة الانقلابية فقال من أجل إزالة الفساد الذي وصل الى قواتنا المسلحة واتهم وزير الدفاع عبد الرحمن محمد حسين بشراء اسلحة فاسدة من دول شرق اوربية تسببت في مقتل عدد من زملائه ( 2 برتبة نقيب – 5 جنود ) ولديه وثائق تثبت اقواله وطالب المحكمة باستدعاء وزير الدفاع ، واضافت المصادر ان رئيس المحكمة حاول التدخل لمنع العقيد الزاكي من تكملة اقواله وتدخل محاميه موجه حديثه لرئيس المحكمة ، ان من واجب المحكمة سماع دوافع المتهم مما اضطر رئيس المحكمة لرفع الجلسة للاستراحة التي تخللها قيام رجال الاستخبارات العسكرية بعمل اتصالات بجهات سيادية عليا للمحافظة على اسرار الدولة اثر اقوال العقيد احمد زاكي الدين وايجاد مخرج سياسي للمعتقلين وتم تأجيل المحاكمة . وأضافت المصادر العسكرية ان الرئيس البشير قد يتدخل ، ورشحت انباء يوم امس باحتمال محاكمتهم ثم بقرار رئاسي يتم منحهم العفو،وقال أحد الاسلاميين أن ما يجري من محاكمة مجرد مسرحية .

ويطلق مصطلح " السلاح الفاسد " على كل سلاح لا يعمل بصورة طبيعية أو ينفجر عند استخدامه الاستخدام العادي المخصص من أجله .


تعليقات 41 | إهداء 0 | زيارات 27645


التعليقات
#614005 [disco]
0.00/5 (0 صوت)

03-20-2013 01:15 AM
يا اخوان الحقوووووووووووووو السودان الفضل الحكومة ده عميلة كلها واي حاجة بتعملها هي ضد السودان


#613755 [الطريفى]
0.00/5 (0 صوت)

03-19-2013 04:47 PM
اخر ما اتوصل ليهو اللمبى من افكار لنهب اموال منسوبى القوات المسلحه هو حرمان الافراد عند انتهاء فترة خدمتهم من حقوق وفوائد مابعد الخدمه . على ان يمنحوا معاشهم فقط الذى لا يتجاوز مبلغ 250 جنيه فى الشهر .


#613745 [الارباب]
0.00/5 (0 صوت)

03-19-2013 04:36 PM
متى سوف نرى محاكمتهم


#613377 [maher]
0.00/5 (0 صوت)

03-19-2013 10:25 AM
ده بسيط في زول عندو فكره عن 12 طياره في قاعدة وادي سيدنا اشتراها ابو رياله بي ملايين الدولارات وماطارت منها ولا واحده


#613217 [Faisal]
0.00/5 (0 صوت)

03-19-2013 03:36 AM
walahi ya jama3a,the swiss want to buy 20 military air craft from Suede (swidish) they discuss more than 2 years at the parlaman, diffrent cometion went to inspect the plain, the swidish bring it here at swiss, and even till now they never take their final decision.


#613161 [برنابه عكود]
5.00/5 (1 صوت)

03-19-2013 12:10 AM
عشان حركتاتكم دى احسن نشوف لينا بلد تانى نعيش فيهو يا كيزان . حسبى الله ونعم الوكيل فيكم


#613122 [محمد]
5.00/5 (1 صوت)

03-18-2013 11:10 PM
والله كان بقيت الرئيس ابوريالة دا زريبة غنم ما احرسها ليهو

خلي امسكه بلد كمان ؟


#613100 [taha]
0.00/5 (0 صوت)

03-18-2013 10:48 PM
بالله شوف السبب اكان شنو ياقايد المدرعات ياتلمذ مدرسة الانقاذ المدمره وين الاسباب المشرفه والواضحه ياخي كضب قول عشان القتل الحاصل في دارفور ولا انفصال الجنوب ولا الفتن المزروعه من المؤتمر الزفت بين افراد الشعب السوداني ياخي خافو الله متموتو يوم وتسالو عن ما كنتم تعملون يالاسلامين المزورين,,,,,,,,,,,,الله يكون في عون السودان


#613052 [مجنون]
3.50/5 (2 صوت)

03-18-2013 09:44 PM
جرح تاني هو قلبي لسة طاب من الاولاني


#613020 [المحسي]
3.00/5 (2 صوت)

03-18-2013 08:58 PM
ابو ريالة ده فضحنا والله وشرط عينا طلع حرامي كبير
السؤال الي متي يصبر الشعب السوداني ومتي سوف ينجلي هذا البلاء
ابدا ماهنت ياسوداننا يوما علينا


#613009 [talalmoneer]
3.00/5 (2 صوت)

03-18-2013 08:44 PM
اعزائي الكل يعلم عن الاسلحة الفاسدة وقصة المنظوومة الصينينية الشهيرة وما دار بين المهندسين الضباط وبعدها اسرائيل تضرب السؤال يطرح نفسه من المسول عن تعين وزير الدفاع المؤتمر الوطني ام انتخاب كبار الضباط وماهي ميزات وزير الدفاع التي تنطبق علي عبدالرحيم لكي يكون وزيرا للدفاع لمذا الاهانة بالجيش ي شرفاء الوطن لماذا تحنون جباهكم الم يكن هولاءؤ الضباط يوما زملاءئكم الم يدافعو عن هذا الوطن هل هم خونة بربكم اقسم بالله انهم شرفاء والتحية لهم


#612988 [معاوية]
0.00/5 (0 صوت)

03-18-2013 07:51 PM
والله الجيش لو اصلا فيهو رجال ماكان ده كلو يحصل من واحد مريل وفنى يسيطر على مقاليد الجيش السودانى على كل الضباط الاحرار السودانيون اى كان انتمائهم عليهم ان يعوا الدرس والبلد الان غاب قوسين او ادنى بسبب البشير وعبد الرحيم ولمصالحهم الشخصية وانهم لو سكتو سوف لن يجدوا شيئا اسمه السودان تحركوا يا ابناء السودان يا ابناء البلد هذا الغبى المسمى عبد الرحيم ابوريالة ضيع البلد وحيضيعكم انتى السودان صرف ويصرف عليكم ولا يزال مستعد وكل اهله بالصرف والوقوف معكم جنبا الى جنب لازالة هؤلاء الخونه الجهلاء والمرتزقه عبد الرحيم اصلا ضابط فنى لا يصلح لقيادة حامية او كتبة زكلكم يعلم ذلك ازيحوهم واستلموا زمام الامور لانقاذ البلد من هذه العصابه الفاسده المفسده وحتى يتمكن الشعب من اختيار ممثلين شر عييين له فى برلمان ديمقراطى منتخب ورئيس شرعى تحركوا لازالة النجوس الاوقاد من على ظهر سفينة الشعب التى امتطوها تحت ستار الظلام وحتى تتم محاسبتهم ان شاء الله فردا فردا لعنة الله عليهم الى يوم الدين ......................................................


ردود على معاوية
Sudan [nagatabuzaid] 03-19-2013 12:28 AM
ولو فيه رجال ما كانوا سمحوا بمحاكمة زملائهم ولو كان فيه رجال كان صبحوها بركة مقلوبة


عليكم الله شفتوا ليكم ضباط جيش بزنقلة الواحد كرشه قداموا خمسة امتار ؟ الشحم كان نادر

هسع كلهم كور مدردقة وعليكم الله شفتوا ليكم ضباط جيش اقزام ؟ ده جيش الانقاذ


#612945 [محمداحمد]
0.00/5 (0 صوت)

03-18-2013 06:39 PM
ياحليل زمن الرجال والجيش .
اللة يرحم ويغفر لكل شرفاء القوات المسلحة .
ناس ابوشيبة وهاشم العطاوفاروق حمداللة كانوا رواد فقط ولكن كانوا ابطال ومعروفين فى الجيش بالشجاعة والاخلاص ونكران الذات .


#612933 [عنبر عمر الطيب]
5.00/5 (3 صوت)

03-18-2013 06:15 PM
والله انا بستغرب من تعاليقكم العجيبة - انتو شايفين الفيل وتطعنو فى ضلو - اسأل والبيسأل ما بيتهش -
من الذى عين ( ابو ريال ) وزيرا للداخلية ولمن مشالكو كترت فيها مسكو وزارة الدفاع لمن جنود الدكتور خليل ابراهيم جهارا نهارا دخلت امدرمان وليست الهجليج ببعيدة . وكل يوم سف شديد من التصنيع الحربى وناس الخرطوم يشوفو ابراج الاوباش ثم اخيرا وليس اخرا صفقة الاسلحة الفاسدة ولمن ذكر العقيد المتهم وطالب المحكمة باستدعاء وزير الدفاع لخبط الامر رئيس المحكمة والمفروض من الان لو فعلا البشير تهمه مصلحة البلد ان يحل الحكومة وياتى بوطنيين يوصلوا المركب الى بر الامان لان كترة الاتهامات للوزراء وتستر البشير على عيوبهم والله سيؤدى الى انفجار شعبى عاجلا او اجلاوالشعب السودانى معروف بالصبر ولكن لا يتحمل الحقرية وباذن الواحد الاحد نسمع اما تعديل جزرى من البشير للوزراء جميعا اما خروج وغليان الشارع السودانى والموبايلات شغالة ايها البشير . اللهم انى قد بلغت .


#612843 [سماره]
5.00/5 (2 صوت)

03-18-2013 04:12 PM
ياحليل زمن الجيش كان اسمو الديش


#612842 [بدرالسما]
4.00/5 (1 صوت)

03-18-2013 04:12 PM
يعني قوش عرف القصة دي متأخر ؟ بلا عواليق معاكم .


#612835 [الزيدابي - الجزيرة ام طرفة]
5.00/5 (2 صوت)

03-18-2013 04:08 PM
الله يسألك يوم تقبر ياعمر البشير ومعاك الثعلب الترابي وعلى عثمان ونافع المونافع وكل من شارك في قتل ال الثمانية وعشرون طابط بدون محاكمة ..

الحمد لله الزبير رب العز والجلال انتقم منه غريقا بفعل فاعل اما انتم فلكم يوم اسود .


ورونا شطارتكم في المعتقلين الان ونفذوا فيهم الاعدام كما نفذتموه في ال 28 ضابط بدون محاكمة ....


ردود على الزيدابي - الجزيرة ام طرفة
Saudi Arabia [واحد] 03-18-2013 06:10 PM
الزبير قال هو مستعد يقتل 3/2 ثلثين الشعب السوداني , وعذب الناس والمزراعين حتي قالوا المحصول تلت للطير وتلت الاسبير وتلت الزبير وسارت مثلآ


#612821 [أفراهين]
0.00/5 (0 صوت)

03-18-2013 03:59 PM
دا كلام عجيب


#612819 [almdih]
5.00/5 (1 صوت)

03-18-2013 03:57 PM
بالله عبدالرحيم وزير الداخلية وقصة جامعة الرباط والان يكرر مافعله بالامس وين الضمير وين السودان


#612810 [دوشكا]
5.00/5 (1 صوت)

03-18-2013 03:51 PM
الحقيقة وزير الدفاع ارتكب فضيحة بشعة لشراء اسلحة فاسد معروف لدي الشعب السوداني ولدي الجيش من المفترض لو في عداله يتحاكم وزير الدفاع في الملا وترجم بالحجارة حتى الموت لانو باع بلدو بثمن رخيص تفو عليك يا أهبل المابتفهم ياوسخانة


#612803 [عشا البايتات]
0.00/5 (0 صوت)

03-18-2013 03:45 PM
يعني حيقول كل حاجة تمام وعملت انقلاب لازم يفتش عن اسباب


#612793 [المشتهى السخينه]
3.00/5 (2 صوت)

03-18-2013 03:32 PM
اى عسكرى يتطاول على دولة الخلافة الاسلاميه المملوكه للرئيس الدائم واسرته يجب ان يعدم فورا ..وممكن لهيئة علماء السودان ان تبصم على قرار الاعدام بالعشرة .. القصاص بالرصاص .. اعدموا الخونه ..


ردود على المشتهى السخينه
Sudan [ناجى] 03-18-2013 10:16 PM
ياخى انت وين انا بقتش ليك
لكن اولا القصاص بالرصاص

Netherlands [zero dark thirty] 03-18-2013 08:18 PM
هههههههههههههههههههههههههههههههه مافى اى شخشخة ربنا يسهل ليك بصحن سخينة جامد مع انهيار دولة امير المؤمنيين الخالد ابداً رئيسنا المشخلعنا المدلعنا والممرمطنا فى كل محفل على سطح المعمورة ودمت


#612789 [قمطوانق]
5.00/5 (1 صوت)

03-18-2013 03:25 PM
الفساد ظاهرة من نظام البشير الظالم اصبح الاول علي مستوى العالم نحييك شنو البعملوا للتمكين انفسهم............؟


#612735 [خالد حسن]
5.00/5 (5 صوت)

03-18-2013 02:43 PM
العقيد احمد زاكي الدين داير يقلبها عشان اتنين من زملاءه اتكتلوا بسلاح فاسد اشتراه وزير فاسد ؟
يالحرارة قلبه !!! لكن للاسف حرارة قلب في شئ خاص وليس شأن عام
وين حرارة قلبك ياعقيد الخنا لمن الجنوب انفصل؟
وين حرارة قلبك ياعقيد الخنا لمن جيش الخنا بتاعك بكتل في اهل دارفور؟
وين حرارة قلبك واطفال النوبه والدمازين يختبئوا من طائراتكم في الاجحار مع الثعابيين ؟
وين حرارة قلبك ياعقيد الخنا وانت شايف الحبش محتليين الفشقه والحلب محتلين حلايب
مافي شي مضيع البلد غير هؤلاء العساكر ذوي العقول الصبيانيه والجبروت الكبير
ومافي اذي جاي للبلد الا من جيشه الخيبان ..
هذا الجيش الذي لايحمي ارضا ولاعرضا .. ولايقتل غير السودانيبن
لو اعدموكم لن نبكي ابطالا كالماظ ودقنه .. فانتم لنا بمثابة المستجير من الرمضاء بالنار
فلاخير في عساكر ولاننتظر خير من جيش لايطلق رصاصاته الا علي بنيه


ردود على خالد حسن
Saudi Arabia [ساري] 03-19-2013 09:24 PM
كلامك 100% لكن بس (( الخنا)) دي ما عرفنا ليها شنو
أوعك تكون قاصد ((الهنا)) عشان النقطة هذه في حرف ((الهاء))
بي برشام ما تقعد (قرقرقرقرقرقرقرقرقرقرقر....))

Netherlands [zero dark thirty] 03-18-2013 08:20 PM
ما قلتا الا الصدق.


#612728 [هديس]
5.00/5 (1 صوت)

03-18-2013 02:30 PM
علي سبيل المثال لا الحصر ضباط قتلوا بسبب السلاح الفاسد وماذا عن اللذين قتلوا بواسطة الفراخ الفاسدة هههههه اما كان الاجدي والانفع ان يقول من اجل تغيير نظام الحكم الذي يقتل شعبنا في كل انحا السودان لان الشعب لا يقتل في دارفور وحدها ولا كردفان وحدها الشعب في الخرطوم ايضاً يقتل بالفشل الكلوي والمستشفيات والعمليات الجراحية والادوية الفاسدة وقلة العناية ويموت اهل الشمالية من قلة الخدمات والتصحر والغبن الموت لا يعني ان يصيبك عيار ناري من مدفع او تصطادك طائرة بغزيفة بالستية الموت ان لا تشعر انك موجود في هذه الحياة الموت ان لا تتعلم الموت ان تحتاج الي شي علي رفوف البقالات لاطفالك فلا تقدر علي شرائه الموت ان تنتهك حرمة بيتك وزوجتك وان تقتصب ابنتك وابنك , نحن لا نعاني من موت البندقية وحدة فهو خير من موت الاحياء غربة الوطن من اشد سهام الموت العاجلة فالننظر الي ان الشعب يموت كل يوم الاف المرات بالبؤس والشقاء فيحرم حق الحياة نفسها فما معناها في ظل اناس يركضون خلف مصالحهم وهمهم الوحيد ان يبقوا علي الحكم .... لابد لنا ان نعي جيداً ان السودان جسد واحد لم يعرف معني التفصيل يتعايش منز ميئات السنين رغم القبلية فهي لم تكن تمثل حجر عثرة وخلافات الا من بعد ان استخدمتها الحكومة كمصطلح ارادت به ان تفتت شمل الشعب فأن كانت القبلية مشكلة لما كان القران الكريم ذكرها (وجعلناكم شعوباً وقبائل لتعارفوا ان اكرمكم عند الله اتقاكم) لتعارفوا جاء التفسير علي ان التعارف يعني التمييز والتمييز (كالوشم)اي ان اي قبيلة تتميز عن الاخرة ليس علي دين ولا علي لون بل كونها مجموعة انسانية تعيش في بقعة من الارض ..نتأثر جميعاً لكون جذء منا يتالم لكن اقولها دعوا الفتنة فهي لن تقدمنا كشعب وامة اجعلوا المصير واحد وهوا قتال ومعاداة من عادانا وفرق صفوفنا حكومة الكيزان التي لا تشبة الانسانية في شي .......


#612707 [aaa]
5.00/5 (3 صوت)

03-18-2013 01:53 PM
ياجماعة ابورياله غبى والله العظيم ده كتلة غباء متحركة واحد مايعرف الكلام يشترى سلاح وانا متاكد إن السلاح فيه عيب مصنعى وخدعوه الجماعة واخذو منه القروش والجماعه الماتو راحو شمار فى مرقه.


#612664 [AMJAD]
5.00/5 (3 صوت)

03-18-2013 12:58 PM
يا خبر اسود الكلام ما دخل الحوش ابو رياله طلع حرامى يا ناس الحله- و شهد شاهد من اهلها معناه الكلام صحيح انو فى ناس شقالين فى السفارة فى موسكو اشترو فلل فى موسكو و قالوا سعر الفله اكثر من ٥ مليون دولار يا خرابى واطفال المايقوما الله يكون فى عونهم


#612659 [ابو الجاز]
5.00/5 (3 صوت)

03-18-2013 12:54 PM
اللهم اجعل بأسهم بينهم شديد وأخرج العباد والبلاد من بين ايديهم سالمين


#612654 [ود الحاجة]
5.00/5 (2 صوت)

03-18-2013 12:45 PM
نفهم ان المعلق عادل بيدافع عن شخص معروف بفساده عندما كان وزيرا للداخلية

اذا كان الساكت عن الحق شيطان اخرس فان المدافع عن الباطل شيطان بلس (+)


#612642 [ود البلد]
3.00/5 (2 صوت)

03-18-2013 12:34 PM
الجماعة ديل ياجماعة ما حلفوا بدين امهم فى البداية بانها محاولة تخريبية مع نفى شديد جدا كونها انقلاب على نظامهم المتسلط . الجده شنو هسه وبقت المحاكمات العسكرية فى قضية محاولة انقلابية ؟ السؤال موجه للمتلسنين والناطقين باسمهم وعلى راسهم (العوير) جدا وزير السخافة والاعلام ؟؟؟؟؟؟؟


#612639 [واحدة من الهامش]
5.00/5 (2 صوت)

03-18-2013 12:30 PM
يا للعجب دافع الانقلاب وفاة 5 بسبب اسلحة فاسدة؟ من للذين يبادون يوميا ولا يحصى عددهم.


#612623 [راكب الفيل]
5.00/5 (2 صوت)

03-18-2013 12:10 PM
طيب المبي دا مشا دبي يتفشخر بي شنو


ردود على راكب الفيل
Saudi Arabia [الفكى الصينى] 03-18-2013 02:42 PM
%100
حيث عرض الجناح السودانى احدث ما توصلت الية تكنولوجية الدفاع
ورصد الجراد من قبل قيام العدو بدء انطلاقة من نقطة الانطلاق
وقد اشاد المتابعون بالخبرة السودانية العسكرية
ومتدحين دحر قوات الفلول لصد الغارات الاسرائلية المتتابعة لشواطئ (ريو) البورسودانية
وقد عقد الوفد السودانى عدة صفقات ناجحة لكل من دول الخليخ وماليزيا وتشاد وجبيوتى ديل كدة مساعدة يعنى.
و قد ظهرت الشفقةعلى الوفود من نفاذ الكمية المطروحة
وحسب ما علمنا قد تم من البعض تقديم رشاوى ودخول الواسطة اللعينة فى كيفية الحصول عليها
وقد شوهد الوزير الشهير متبخرتا فى ارض المعارض فى حين كان الكل محولا لفت انتابة حتى ولو بكحلة عين
لكن بدء الوزير الهمام واثقا مما لدية
وسعمنا تحت تحت امريكا وفرنسا وبريطانية ادخلت الصومال واسيطا لها
لعقد صفقات من نوع ابو فرار وابو ساطور
عاش السودان عاش الكيزان


#612605 [أبودجانة]
5.00/5 (2 صوت)

03-18-2013 11:53 AM
تدخل قاضي المحكمة العسكرية لوقف المتهم باكمال افادته بفساد وزير الدفاع في الاسلحة المضروبة يوحي باننا امام محاكمة صورية مثلما حدث لضباط رمضان في 1990 ..


#612591 [عادل]
2.25/5 (3 صوت)

03-18-2013 11:41 AM
يا ناس أرحمونا يعني وزير الدفاع يجيب سلاح من وين إذا كانت الدول الغربية و القريبة منها و المتعاونة معها تفرض حظر على السودان كتر خيرو الراجل إجتهد في التصنيع الحربي عشان يعوض هذا الحصار و يقدر يوفر سلاح للحروب الدائرة لعشرات السنين
أما شراء الأسلحة فيقوم بها جهات فنية داخل القوات المسلحة ( لجنة مشتريات )
لكن السؤال لماذا لم تستطيع الحكومة طوال 24 سنة من وقف الحروب الداخلية


ردود على عادل
Qatar [واحد] 03-18-2013 03:03 PM
غايتو لو نحن ما عارفين اللمبي غبي وما ممكن يفكر كدا كان قلنا انت اللمبي لكن اكيد في صفات مشتركة بيناتكم عشان كدا بتدافع عنهصحي اللمبي 2

Saudi Arabia [محمد العربي] 03-18-2013 02:03 PM
انت اللمبي 2 خلاص ما في اي مشكلة الوزير يجيب لجنة المشتريات الجابت السلاح .. لمصلحة من ان تكتب ؟ هل انت من الشعب الذي تاثر سلبا بالفساد ؟لا اظن اشك في انك مستفيد بصوره اواخري الان هو النقاش حول من اشتري ام حول الشي الذي تم شراءه اذا كان البكتب مجنون فالذي يقراء عاقل سبحان الله عالم متملقة بشكل

[gameel] 03-18-2013 01:21 PM
ياسيد عادل خليك في سعوديتك دي قال (لجنة مشتريات) قال.. صحي زي ماقالو الجمرة بتحرق الواطيها لو انت ماعارف الحاصل في البلد شنو مافي داعي انك تتكلم في حاجة انت ماعارف عنها اي حاجة البلد كلها فساد ومحسوبية ليس هنالك مايسمى لجنة مشتروات ولا دياولو كلها اشياء صورية لانو الحاجات دي بقت تمرق العطاءات بالمحسوبية والمعرفة وفي كثير من الاحيان تعطي العطاءات لمن يكون عطاءه اعلى سعر ليأكل منه صاحب العطاء ومن وراءه بالتاكيد فلا تفتي ومالك بالمدينة

Germany [متابع الحاصل دا] 03-18-2013 12:31 PM
مش كان ممكن يجتهد ويقنع لينا صاحبو البشكير انو يجنح للسلم ويشوف الفساد الحاصل دا بدل ما يجتهد في التصنيع الحربي ويوفر سلاح للحروب !!!؟؟؟

* تجي تقول يوفر سلاح للحروب ولكن برضو تسأل ليه الحرب ما وقفت .... تبا لك


#612580 [الراوي]
4.50/5 (2 صوت)

03-18-2013 11:33 AM
( بدأت بسماع اقوال المتهم العقيد الركن أحمد زاكي الدين قائد اللواء الأول مدرع حول دوافع قيامه مع الاخرين بالمحاولة الانقلابية فقال من أجل إزالة الفساد الذي وصل الى قواتنا المسلحة واتهم وزير الدفاع عبد الرحمن محمد حسين بشراء اسلحة فاسدة من دول شرق اوربية تسببت في مقتل عدد من زملائه ( 2 برتبة نقيب – 5 جنود((.
شفت كيف الفساد بيقود لمحاولة انقلابية!!!.
يعني يا أدارة جيشنا الهمام السلاح دا بيشتريه وزير الدفاع وهو شايل شنطة قروشه وحايم بيها, وإلا شنو؟ والله الحكاية غريبة وعجيبة!! ما في جهة مسئولة عن هذا الأمر ومتخصصة وفق كل الوحدات؟ طبعاً الدبابات الأوكرانية قصتها معروفة و العقيد الركن أحمد زكي الدين بحكم أنه وحدته هي المدرعات قال ذلك ولكن يبدو أنه يريد مخرجاً لمحاولته التي تم كشفها, لا يعقل أن لا يكون هناك مسئول منهم أي المدرعات عندما تم شراء هذه الدبابات.
طبعاً الجيش مبني علي بعض الخسائر حتى في التدريب, فما بالك باستخدام السلاح والتدريب عليه. يعني لما تقولوا للمتدربين بأن هناك خسائر متوقعة فكل هذا خداع للمتدربين والمستجدين معاً.
يبدو أن وزيركم يطبق فيكم نظرية الخسائر المتوقعة من التدريب علي أسلحة تم جلبها وفق ظروف السودان المعروفة (قدر ظروفك).
السؤال: هل هذه المرة الأولي التي يجلب فيه سلاح فاسد؟ ومن يحدد فساده؟ هل إدارة المشتريات بالقوات المسلحة لديها دور في الكثير هذا الفساد؟ ما هي الأسلحة الفاسدة الآخرة التي تم جلبها وفي عهد من؟ وهل شكلت مبادرة لانقلاب عسكري؟ أعلم أن هناك أسلحة تم جلبها وهي أقل جودة ولكنه قدر ظروف السودان المالية فما رأي العقيد؟
العمارات الشاهقة في البلد معظمها للضباط من وين جابوا القروش دي؟ دا ما الفساد ذاتو؟
المثل بيقول" الصقر كان وقع كتر البتابت عيب"


ردود على الراوي
[الراوي] 03-18-2013 05:07 PM
يا ابوعديلة هل المسطرينة بليسوا بيها!! عشان كدي الناس ما جايبا خبر,
ليس يطلع كويس
من يعمل يخطئ ومن يثرثر لا يعمل

Sudan [Abu Adeela] 03-18-2013 12:35 PM
(يعني يا أدارة جيشنا الهمام السلاح دا بيشتريه وزير الدفاع وهو شايل شنطة قروشه وحايم بيها, وإلا شنو؟)
عندما إنهارت أبراج مستشفى الشرطة هل كان الوزير الملياردير عبدالرحيم محمد حسين وزير الداخلية حينها هل كان يحمل مسطرين وطالع فى سقالة وشغال لياسة؟
فهو الوزير المسئول عن كل تصرفات منسوبيه خاصة أنهم قد وجدوا الأمان وتأكدوا بأن لا أحد سوف يحاسبهم خاصة وأنها وسخانة من كبارا, وعلى ذلك قس موضوع الأسلحة الفاسدة لا سيماأن الوزير هنا هو ذات الوزير هناك.


#612555 [المحسى]
5.00/5 (2 صوت)

03-18-2013 11:05 AM
قال من اجل ازالة الفساد موت 7 افراد واين الاف فى دارفور و النيل الازرق


ردود على المحسى
Saudi Arabia [Mohd] 03-18-2013 12:21 PM
يا المحسي الناس في شنو والحسانية في شنو


#612548 [Elmansoor]
0.00/5 (0 صوت)

03-18-2013 10:54 AM
فساد النظام وأركانه ما داير محاكمة عشان الفساد ينكشف ويبان الفساد منتشر في كل أركان الدولة ويعرفه الجاهل قبل العالم ببواطن الأمور. وزير دفاعكم ده عمل شنو لما كان وزير داخلية؟


#612543 [واحد كدا]
1.00/5 (1 صوت)

03-18-2013 10:51 AM
ودا بعلمني السواقة


ردود على واحد كدا
Serbia [هندسه] 03-18-2013 02:05 PM
تيييييييييييت و تييييييييييت


#612527 [الكاهلية]
0.00/5 (0 صوت)

03-18-2013 10:26 AM
تدخلوا وافسدوا واعملوا ما شئتم فالتاريخ لن يرحم


#612520 [صادميم]
0.00/5 (0 صوت)

03-18-2013 10:20 AM
من أجل إزالة الفساد الذي وصل الى قواتنا المسلحة واتهم وزير الدفاع عبد الرحمن محمد حسين
يبدو ان لقب ابوريالة قد طغى على اسم وزير الدفاع فلم يعد الناس يذكرون إن اسمه الاصلي هو عبدالرحيم


#612512 [عصمتووف]
5.00/5 (2 صوت)

03-18-2013 10:13 AM
ة فقال من أجل إزالة الفساد الذي وصل الى قواتنا المسلحة واتهم وزير الدفاع عبد الرحمن محمد حسين بشراء اسلحة فاسدة من دول شرق اوربية تسببت في مقتل عدد من زملائه ( 2 برتبة نقيب – 5 جنود )
كل همك *** تلك المحاولة البائسة من اجل 7افراد فقط الاعمال بالنيات وحكم الله كان عادلا لو كان هذا الانقلاب من اجل الملايين التي استشهدت تحت حوافركم والذين قطعت ارزاقهم وغيرهم كلكم شبة بعض لا خير فيكم انتهكتم باسم الدين كل شئ والله غالب في النهاية


ردود على عصمتووف
United States [عصمتووف] 03-18-2013 04:20 PM
فاهم اخي الكريم

هنا مربط الحمار ***** فقال من أجل إزالة الفساد الذي وصل الى قواتنا المسلحة واتهم وزير الدفاع عبد الرحمن محمد حسين بشراء اسلحة فاسدة من دول شرق اوربية تسببت في مقتل عدد من زملائه ( 2 برتبة نقيب – 5 جنود ) ولديه وثائق تثبت اقواله وطالب المحكمة باستدعاء وزير الدفاع ، واضافت المصادر ان رئيس المحكمة حاول التدخل لمنع العقيد الزاكي من تكملة اقواله وتدخل محاميه موجه حديثه لرئيس المحكمة ، ان من واجب المحكمة سماع دوافع المتهم مما اضطر رئيس المحكمة لرفع الجلسة للاستراحة التي تخللها قيام رجال الاستخبارات العسكرية بعمل اتصالات بجهات سيادية عليا للمحافظة على اسرار الدولة اثر اقوال العقيد احمد زاكي الدين وايجاد مخرج سياسي للمعتقلين وتم تأجيل المحاكمة . وأضافت المصادر العسكرية ان الرئيس البشير قد يتدخل ، ورشحت انباء يوم امس باحتمال محاكمتهم ثم بقرار رئاسي يتم منحهم العفو،وقال أحد الاسلاميين أن ما يجري من محاكمة مجرد مسرحية .

يعني لو لا الفساد وصل القوات المسلحة كان عمل نائم

United Arab Emirates [lahib] 03-18-2013 11:04 AM
يا اخ عصمتوووف هو ضرب ليك مثل عشان ياكد ليك انو الاسلحه فاااسده والسبعه ديل ماتو وهم بجهزو الاسلحه يعنى قبل يستخدموها ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
7.10/10 (7 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة