الأخبار
أخبار إقليمية
وزير التخطيط : تعويضات لاصحاب المنازل بأم درمان القديمة
وزير التخطيط : تعويضات لاصحاب المنازل بأم درمان القديمة



03-18-2013 12:13 PM

الخرطوم : أعلن وزير التخطيط والبنى التحتية مهندس الرشيد عثمان فقيري ،جاهزية وزارته لدفع تعويضات عادلة ومجزية لسكان أحياء أم درمان القديمة الخاضعة لعمليات إعادة التخطيط .
ودعا الوزير خلال زيارته أمس لمحلية ام درمان وإجتماعه بالفريق أحمد أمام التهامي معتمد محلية أم درمان بحضور نواب المجلس التشريعي ، المواطنين بالتوجه لمكاتب الوزارة لاكمال إجراءات التعويضات ،وربط الوزير إدخال خدمات الصرف الصحي لاحياء أم درمان القديمة باكمال التخطيط خاصة نمشيراً الى أن هذا المشروع مكلف للغاية «وأقل عرض تلقته الوزارة حتى الآن بلغ 200 مليون دولار»، وفيما يتعلق بتخطيط القري أعلن الوزير أن هناك (19) قرية بالمحلية خاضعة لعمليات إعادة التخطيط حيث تجرى أعمال وضع العلامات والرفع المساحي وفتح الشوارع .

الصحافة



تعليقات 10 | إهداء 0 | زيارات 4190


التعليقات
#613171 [البشير]
0.00/5 (0 صوت)

03-18-2013 11:33 PM
هو فقيرى ده بيعرف المسالمة من حى الامراء روح بلا تعويض بلا بطيخ الارض لنا وكفاكم كافورى ويا عزيز لك الله وعيشة السوق


#613098 [mohamed]
0.00/5 (0 صوت)

03-18-2013 09:46 PM
يمكن باعوها اشان بيعملوا مدينة ملاهي عالميه بدل ما يعتمدوا علي ايرادات ضعيفة زي فاتورة الموية والكهرباء و النفايات الما بيملأ جيب المعتمد الله يكون في عون المساكين الغلابة
بلدي انت عزيز


#613024 [مريود]
0.00/5 (0 صوت)

03-18-2013 08:12 PM
البشيلو بيتو من أمدرمان القديمة لو سكنوه ( القصر الجمهوري ) يكون ظلموه.


#612998 [جركان فاضى]
0.00/5 (0 صوت)

03-18-2013 07:19 PM
طيب اذا ما اعادوا التخطيط كيف يكون الصرف الصحى؟هذا زمن الصرف الصحى وانتو يا ناس ام درمان كفاية ازقة ضيقة اصبحت لاتشيل البشر البكتر كل يوم-من اليوم وصاعدا ممنوع استخدام المرايض والتى ريحتها طاقة الكورنيش السياحى طق-اصحووووووا قبل مااااااا


#612898 [سانجيلك]
0.00/5 (0 صوت)

03-18-2013 04:26 PM
هلاهلا وجينا للكلام الجدنحنا ناس امدرمان ما ناس قرعيتىي راحت وقاعدين فيها فى الحفر والجحور ورضيانين بيها والداير يجرب حندخلو بى فنقر ونمرقو بى ام سويقو نمن ما يعرف سويقو والداير يبنى يمشى يبنى فى حجر الطير ولا فى ام العسل قومو قدو بلاش اوهام عالم مرض


ردود على سانجيلك
Saudi Arabia [الدماكي] 03-18-2013 05:34 PM
اي تدخل جراحي في ام درمان بفقدها قيمتها التاريخية ، زي ما قلت اخي نحن ام درمان دايرنها بحالها دا


#612875 [سودانى منفرج الأسارير]
0.00/5 (0 صوت)

03-18-2013 03:46 PM
امدرمان القديمه دى وين؟ هل اعادة التخطيط مطلب جماهيرى من مطالب السكان..اللى ورد ذكرهم فى اغنية يا قايد ألأسطول" ولا هو وحى تنزل على الكوادر ذات الحضور الواسع متنوع المرتكزات القياديه الرياديه ذات التاثير النوعى والتوعوى!! مجرّد سؤال (لكنّو) مهم بالنسبالنا: هل زقاق ناس الرئيس القائد المرحوم نميرى وشارع جامع الخليفه حسن سوار الدهب جد المشير وهمّا واقعان فى اقدم احياء امدرمان القديمه) داخلين فى اعادة الصياغه دى؟ قال ايه: ادخال خدمات الصرف الصحى!! اللى حيكلف شويات وشويه - بس يعنى كدا 200 مليون دولار ..طيب المبلغ دا للأدخال ولآ للتعويضات .. وهوّ ذات نفسو القروش دى اندكم سواء للأدخال او للأخراج .. اقصد اخراج المسرحيه.


#612831 [عصمتووف]
0.00/5 (0 صوت)

03-18-2013 03:06 PM
علي سكان تلك المناطق الرفض جملة وتفصيلا امدرمان القديمة تعتبر من الآثاااااااار الوطنية وتوجد احياء قديمة في جدة والمغرب وسوريا والرياض وغالبية الدول تحتفظ بها اعادة تخطيط شنو وكيف كان يعيش اسلافهم لو سيارات تمنع دخولها بل بالقانون يجب المحافظه عليها واكثر ما يؤلمني فقدان قطاطي وبيوت السكة حديد وحجارة كورنيش النيل متي نتعلم


#612805 [ناديه فضل المولي ادريس]
0.00/5 (0 صوت)

03-18-2013 02:47 PM
فعلااحياء امدرمان القديمه تحتاج اعادة تخطيط يتوافق مع متطلبات العصر لكن كل مااخشاه يدو المشروع لشركات المتعافي والا علي عثمان طه....هايكلوا القروش والناس تطلع ملوص زى موضوع سفلته ورصف شوارع امدرمان التي تدمرت حتي قبل ان ترفع الشركات المنفذ بالغش معداتها من الطرق.


#612756 [شكبزور]
0.00/5 (0 صوت)

03-18-2013 01:57 PM
مشيت السودان شهر سبعه الفات عندي بيت في ابروف لقيت ناس التختيت مشخبتنوا سيافي من نص
البيت الحيطه الشرقية للركن الشمالي الغربي تماما , جاري الغربي عندو عماره التختيت ماشايل منو شبر لانو واصل الركن البيناتنا .
شهر كامل بجري مكتب السجم في زقلونا عشان اعرف اسأل ليه سيافي والتعويض شنو
قالو المسئول من ابروف مهنس اسمو الريح
امشي الصباح يقولو بجي بعد الضهر امشي الضهر يقولو جا الصباح وطلع امشي اقيّل طول النهار آخر اليوم يقولو بعد دا ما بجي لامن الاجازة انتهت ماتشرفت بمقابلة الريح .
الله لا ريحو لا دنيا لا آخره

قال توجه لمكاتب الوزاره قال !!!!!!!!!!!!!!!


#612682 [شقلبان]
0.00/5 (0 صوت)

03-18-2013 12:22 PM
أمك ! جاكم ، شيلو شيلتكم يا ناس أم در، ديل ناوين علي عمليه عبود !!!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة