نقبل ذلك على ان يكون الاشراف الكامل على الا نتخابات من الامم المتحدة وجامعة الدول العربية و الاتحاد الافريقى
انفراجنا الأساريرى اليوم فى قمّتو.. طالما (اولا) اولاد المهمشين ديل اساريرم منفرجه كدا عألآخر ..
وثانيا لأنو القطاع السياسى للمؤتمر الوطنى يشيل ويوجه فى القوى السياسيه ويصدر ليها فى التعليمات
تعمل كدا متين وماتعملش كدا متين .. "حقيقة" هى القوى السياسيه دى منو وقاعده وين .. ويبدو انها ان هى فعلا موجوده وذات ابنيه قاعديه وهيكليه وكينونيه تكون ادت عنوانا بس للقطاع السياسى للمؤتمر الوطنى اللى ماسك اللجام والريموت كنترول! القطاع يأمر: اقطعوا علاقاتكم مع الجنوبيين وما تدوهم حقنه او كيلة عيش القوى السياسيه تستجيب فورا وينحسر نشاطا عشان المؤتمر الوطنى يرتاح شويه.. المؤتم يوجه: عززوا علاقاتكم مع اخوانكم الجنوبيين بغية خلق علاقات متمزه معاهم.. القوى السياسيه تتدافع لوضع التوجيه "ألأخوانى" موضع التنفيذ .. المؤتمر يشير (موش هو مشير وبشير: جهزوا انفسكم للأنتخابات ( اشارة ذكيه ولماحه) القوى السياسي تنفض النعاس وتبدأ فى وضع تقديرات وميزانيات متطلبات الأنسحاب والتنازل عن خوض ألأنتخابات .. طبعا المؤتمر الوطنى عارف انو كوووولللو يتمنو
واهو فى النهايه القطاع السياسى بيحذركم اهو .. ما عايز يسمع كانى مانى ولا نحن والله ما جاهزين جهزوا رقيتكم وكشوفات مرشحينكم وحضّروا ميزانياتكم من بدرى!!!
الصورة أعلاه خير تعبير على تصريح القطاع السياسي للمؤتمر اللاوطني
الاحزاب جاااهزة جدا .. وعارفه الفائز كمان ..الفائز هو المشير البشير الرئيس الدائم الخالد ابدا الى ان ينفخ فى الصور .. وستشارك الاحزاب لان الحكومة ( الفائزة) دائما وابدا درجت على منحها منحة ملياريه فى كل انتخابات عشان تديها طعم لانها مسيخه وما حدش بيشارك فيها ..نبارك لحزب الصادق وحزب الميرغنى عيد الانتخابات وموسم القبض ..
ما في راجل بقيف امام المؤتمر الوطني حواء عقرت منذ اكثر من 23 سنة والاسياد ما فيهم خير للوطن عشان كدا رجال المؤتمر هم الرجال والامل فيهم لتصليح حال المواطن سير سير سير يا مؤتمر يا وطني
طول ما الكيزان مكنكشين الإستعداد ما منو فايدا
مبروك عليـكم الفـوز المـزور والقـروش الزايدا
الشعـب جاع وقـرف وجاهـو إلتها ـب في الزايدا
منتظر فجرو الجديد وحريتو المن غير شك عايدا
حزب البشير يطالب القوى السياسية بالاستعداد للانتخابات منذ الآن
6 | 
0 | 
822
