الأخبار
أخبار إقليمية
هجرة (3) آلاف طبيب سنوياً (48%) منهم من النساء.. الدول تقدم ثلاثين ضعفاً للراتب،. تزايد هجرة الكوادر الصحية أثر سلباً على الخدمات الصحية بالسودان
هجرة (3) آلاف طبيب سنوياً (48%) منهم من النساء.. الدول تقدم ثلاثين ضعفاً للراتب،. تزايد هجرة الكوادر الصحية أثر سلباً على الخدمات الصحية بالسودان
 هجرة (3) آلاف طبيب سنوياً (48%) منهم من النساء.. الدول تقدم ثلاثين ضعفاً للراتب،. تزايد هجرة الكوادر الصحية أثر سلباً على الخدمات الصحية بالسودان


نظام البشير يستنجد بمجلس وزراء الصحة العرب لوضع ضوابط لتنظيم هجرة الكوادر الصحية،
03-18-2013 12:32 PM

الخرطوم: أماني اسماعيل :

كشف بحر ابو قردة وزير الصحة، عن هجرة (3) آلاف طبيب سنوياً (48%) منهم من النساء. وأبدى ابو قردة في تنوير إعلامي أمس عقب عودته من اجتماع وزراء الصحة العرب بالقاهرة، قلقه من تزايد هجرة الكوادر الصحية مما يؤثر سلباً على الخدمات الصحية بالسودان

وقال: لا ننكر الظروف الاقتصادية وإن الدول تقدم ثلاثين ضعفاً للراتب، وأكد أنه لا يمكن إيقاف الهجرة ولكن لابد من توفير الحد الأدنى حتى تستقر الكوادر، وقال إن السودان تقدم بطلب لمجلس وزراء الصحة العرب لوضع ضوابط لتنظيم هجرة الكوادر الصحية، ونوّه إلى أنّه تم الاتفاق على توقيع مذكرة تفاهم ثنائية بين الدول المستقبلة والمرسلة، وأبان أنه تم التوصل لاتفاق مع وزير الصحة السعودي على قيام وفد من كل القطاع الصحي بزيارة السعودية لوضع رؤية محددة، وأضاف بأنه تم اتفاق لإرسال وفد من وزارة الصحة الليبية لمعالجة الإشكالات التي واجهت هجرة الكوادر الصحية، وكشف عن اختلالات واجهت الاتفاقيات مع ليبيا، وأكد أبو قردة حرص الوزارة في المحافظة على حقوق المواطنين والكوادر الصحية، وقال إنه حسب القانون تدفع الدولة المستقبلة مصروفات الإعارة، إلا أن الهجرة من خلال الوكالات يصاحبها خلل وطرق غير قانونية، حيث يتم أخذ راتب شهرين من الكوادر، وأوضح أنه تم الاتفاق على تخصيص مبلغ من الصندوق العربي للتنمية الصحية لدعم المكوِّن الصحي في مؤتمر المانحين بالدوحة حسب توجيهات الأمين العام لجامعة الدول العربية. وقال إنه رغم انخفاض نسبة وفيات الأمهات من (550) الى (216) حالة لكل (100) ألف، إلا أنه ما زالت المسافة بعيدة لأهداف الألفية، وكشف عن تقدم السودان بطلب لتقديم دعم فني أو مادي للتوسع في برامج القبالة والتمريض لخفض وفيات الأطفال والأمهات. وقال إن السودان يعاني من نقص كبير في الكوادر الصحية المساعدة، وأضاف أنه ستتم تغطية (4) آلاف قابلة لمعالجة الخلل وتسعى الوزارة لأن تصل التغطية إلى (10) آلاف خلال ثلاثة أعوام، وأكد ضرورة وضع برنامج ترويجي للسياحة العلاجية في السودان خاصة لدول الجوار الأفريقي.

الرأي العام



تعليقات 19 | إهداء 0 | زيارات 4017


التعليقات
#613627 [عادل نقد]
0.00/5 (0 صوت)

03-19-2013 12:54 PM
قبل مده من الزمن ذكر وزير الصحه مامون حميده انه يؤيد هجرة الاطباء للاكتفاء الذاتي .......
الان الجرسه في شنو............


#613467 [..... جعلتي من كبشتي .....]
0.00/5 (0 صوت)

03-19-2013 10:34 AM
يا أبو قردة المستشفيات الحكومية اتباعت والدكاترة والممرضين قاعدين يهاجرو ووزارتك بتاعة الصحة دي قاعدة تتلشع اته ذاتك المعقدك شنو شوف ليك طريقة اتخارج بعد دا!!


#613233 [BLUENILE]
0.00/5 (0 صوت)

03-19-2013 04:27 AM
اخى ود الاصم
والاخ شوشو
انا بقول كلام وشفته بعينى سفر البنت من غير محرم شئ غلط وانا لا اقصد غلط من ضرورة سفرها لوحدها لانوا نشهد بالكثير من بناتنا من هن فى الطب والصيدله والكوادر الصحيه المساعده والاكاديميات وهن تاج على رؤوسنا بلاشك
لكن اقصد عمليه الابتزاز والتى تاتى بها للجان المعاينات خاصه للبنات لم تتضمن لهم السفر مع محرم ويعنى لو سافرت عليها ان يكون المحرم على حسابهم الخاص لكن اقصد ان السفر ليش ما يكون مع الاسره ومضمن من ضمن عقد العمل وتكون للجان مكتب العمل ووزارة الموارد البشريه لها دور فى ضمان حقوق المغترب ويجب ان لا يكون المغترب اين كان رجل او مراة ان يكون له الحق والامتيازات الاخرى من سكن واقامه وتزاكر سفر وهو حق مشروع
واقصد يا اخوان ان التعاقد لم يكن كما كان من قبل فى السابق فى عهد نميرى كان الاغتراب بالنسبه للبنات من هن اكاديميات او طبيبات فى عقد العمل يتمتعن بكل الحقوق وهى العقد شامل الزوجه واثنين من الابناء وبالنسبه للزوجه محرمها واثنين من الابناء وكانت كل المدارس تقبل الاجانب بكل بساطه حتى المستشفيات كان العلاج بها مجان
اما الان الحاله تغيرت تجديد الاقامه مبلغ وقدره ثم البطاقه العلاجيه مبلغ وقدره خلاف التليم لازم تكون بمدارس خاصه
فانا فى راى ان جهات التعاقد قللت وحزفا اشياء كثيره امتيازات كان تصب فى صالح المغترب واصبح كل شئ على عاتق المغترب يعنى سفر المحرم او الابناء على حسابه الخاص
وان دل انما يدل على جهل القايمين فى خدمه ابناء الوطن اين كانوا رجال ام نساء
كل ما قصدته هو توعيه جهات الاختصاص بمطالبه الجهات الاخرى بتوفير ادنى درجه للتحسن شرلاوط التعاقد وان لا يجعلوا حوجه البشر للاغتراب نقطه ضعف للقبولهم لاى عقود عمل
واقول اليكم شئ هنالك طبيبات يعملن فى مناطق ريفيه بعيده وفى ظروف صعبه يسكن فى غرفه مشتركه كل غرفه بها اكثر من اثنين ثلاثه خلاف عدم وصرف منحه التاسيس التى تكتب فى العقد 3000ريال لم تصرف لهم خلاف امتحان المهنه السعوديه لا يعلمون عنه شئ تجد البنت فى وداى والامتحان فى وادى اخر
انا ما قلته شفته بعينى ولا انكر ان هنالك بنات ياكلن الجمر من اجل ابائهن واهلهن لهن منا التحيه والتجلى
اتمن ان اكون شرحت لكم
يا الاصم ويا الشوش نيه قصدى وكل همى المحافظه على ىبناتنا وابنائنا واخواتنا
والله من وراء المقد

ل


#613103 [محمد]
0.00/5 (0 صوت)

03-18-2013 09:50 PM
الله يستر ما يقوموا النواب كمان يهاجرو واعضاء مجلس الوزراء

قالوا في مديري شركات قدموا في الشركة القطرية للبتروكيماويات ودخلوا المعاينات يضايقوا في المهندسين الصغار


بعد كدا مصر يا حزب الشئوم ويا البشير انك وديت البلد لقدام

والله شكلك بتشوف بالابيض انت

الله ينتقم منك في الدنيا والاخرة ومن معك


#613065 [مغترب]
0.00/5 (0 صوت)

03-18-2013 09:15 PM
معادلة صعية يعيشها الطبيب الذي يغترب إلي الخليج. المعايش جيارة. المستقيلالعلمي علي كف عفريت. لهم العون من الله.


#613059 [محمد]
0.00/5 (0 صوت)

03-18-2013 08:57 PM
وأكد ضرورة وضع برنامج ترويجي للسياحة العلاجية في السودان خاصة لدول الجوار الأفريقي.
هو الفاضل بعد عندنا فير وبيو كلير وعندنا ماسكات وغرز
مضحك مبكي والله


ردود على محمد
Saudi Arabia [بحري نفر] 03-19-2013 10:14 AM
كلام الوزير.....زي كلام الطير في الباقير....فال سياحه طبيه قال !!!!!!!!


#613038 [dr.suha]
0.00/5 (0 صوت)

03-18-2013 08:29 PM
الحكومه بدل تزيد رواتب الاطباء عاوزه تختار اسهل الحلو وتمنعهم من السفر.. اصلا الواحد لو عاوز يسافر بيسافر لانو مهما ناس الخليج نزلو الرواتب حتكون اعلى من هنا والوضع هناك احسن كتير بس تبقى الغربه هي المشكله.. ربنا يسهل


#613018 [مقهور]
0.00/5 (0 صوت)

03-18-2013 07:55 PM
هو منو الفضل في البلد ... كل الكوادر البشريه هربت من جحيم البشير وزمرته ...


ردود على مقهور
Canada [السوداني الكندي] 03-18-2013 10:13 PM
بالله في وزير اسمو كده؟ "ابو قرده"؟؟؟ ده ككو يعني ولا شنو. جابو من وين ده؟ و علاقته شنو بالطب؟
انا بقترح ابو قرده ده يمسك وزاره الثروه الحيوانيه


#612985 [دريد]
0.00/5 (0 صوت)

03-18-2013 06:44 PM
خلاص نسيتوا كلامكم بنصدر اية واية والنبق و الاطباء ----خلاص جرابكم نضب من الاطباء حتي بعدما خلوا ليكم البلد ملاحقينهم في الخارج----خلوا الناس في حالها مادام خلوكم في حالكم


#612984 [أبوبكر]
2.00/5 (1 صوت)

03-18-2013 06:43 PM
أخونا بحر أبوقردة عايز يوقف هجرة الكوادر بس عليك القيام بالخطوات الجاية دي بعدها ما تلقى ليك زول بيقول داير يطلع من البلد:
1 - صلح الرواتب للحد البعيش.
2 - التعيينات والترقيات والنقليات ما تكون بالإنتماءات الحزبية.
3 - أقيموا دورات تدريبية للكوادر داخلية وخارجية بس مايكون الإختيار بالإنتماء الحزبي.
4 - إبعاد أي تمييز حزبي لأي منتمي للخدمة المدنية إلا بالتخصص والكفاءة.
5 - مساءلة ومحاسبة ومحاكمة من لا يلتزم باللوائح والنظم التي تنظم العمل بالخدمة العامة بغض النظر عن مركزه أو فكره أو إنتماءه.

بعد دا لو لقيت زول قال داير يطلع تعال أسألني..

وتحياتي ...


#612848 [سمير]
0.00/5 (0 صوت)

03-18-2013 03:18 PM
انجو سعد فقد هلك سعيد


#612813 [BLUENILE]
1.00/5 (1 صوت)

03-18-2013 02:53 PM
سفر الكوادر الطبيه والكوادر الصحيع والاكاديميه النسائيه يعتبر ابتزاز ودمير للبنات وهن خلقن للتحسين النسل والحفاظ على النسل ودى سنه الحياةوالشريعه التى شرعها الدين
لكن سفر البنات وهن على مفترق قطار الزواج مع تشديد رغبه صاحب العمل بان تسافر لوحدها دون محرم تعتبر جريمه نكراء والمفروض من الدوله ان تحافظ على خصوصيه النساء والبنات بان تكون الهجره للبنات بوجود محرم مع الزام صاحب العمل بتوفير كل سبل الراحه والاقامه ويكون شئ ملزم بواسطه العقد
لكن والله ما نشاهده بسفر البنات وهن فى اشد الحوج للهجره مغلوب على امرهن ان العقد لم يوفر امتازات المحرم
فكيف تسافر البنت وهى على اعتاب الثلاثين او بالمعنى الاصح على باب العنوسه ونجعلها تسافر دون ادنى حمايه
فالجهل هو جهل الحكومه والمسؤليين بوزارة الصحه وهم يعرفون جيدآ حوجه بعض الدول للكوادر الصحيه والاكاديميه ولا يشددون بامتيازات بتوفير او تضمين المحرم مع توفير الاقامه والسكن ان يكون شرط اساسى فى عقد العمل
1اول علاج للقضيه لابده من سفر البنت بواسطخ محرم وياريت يكون شرط اساسى الزوج
ودى طريقه وعلاج اساسى للحمايه بناتنا واوخواتنا من شرور كثيره قد تحدث بوجود البنت فى غربتها للوحدها بازمات نفسييه واجتماعيه فالقروش تطير الف مره لو كانت هى سبب من اسباب التعاسه وجحيم الغربه للبنت فى مقتبل العمر تسكن لوحدها وهى فى حوجه ماسه للرفقه مامونه تحافظ عليها من نفسها ومن اشرار العاملين معها
اصحوا يا حكومه السجم والرماد وحافظوا على بناتكم وابنائكم من جشع اصحاب العمل وهم يفضلون البنت ان تسافر دون محرم وهم يجعلون اتلسودانيات مثل الاسيويين والافارقه وديل لديهم اطفال ولديهم تجارب خارج نطاق الزواج ومعظمهم لديهم اطفال ودة ثقافه عندهم اساسيه يعنى 90% من الفلبنيات لديهن اطفال وتجارب قبل الزواج وهن عندما يعملن بالخليج او غيره لا يهمهن لانهن لديهن اطفال رغم انهم غير شرعيين
لكن كيف تسمح الحكومه لاى صاحب عمل ان يطلب كوادر صحيه بعقود عمل غير متضمنه سفر البنت مع محرم
لا سبيل غير تشديد وتحفيز للبناتنا ان يسافرن مع محرم شرط اساسى مع عقد العمل ولو طبق القرار ونحن نعلم حوجه الادول العربيه للكوادر النسائيه السودانيه بكل تاكيد سوف يرضخون للتنفيز القرار مكن اجل الحفاظ على البنات
اللهم بلغت فاشهد


ردود على BLUENILE
Saudi Arabia [ود الاصم] 03-18-2013 05:14 PM
هاهاهاهاها الناس في شنو والحسانيه في شنو

Netherlands [شوشو] 03-18-2013 04:40 PM
يا اخي اتق الله- هذه كلمة حق اريد بها باطل- شوف كم بيت في السودان فاتحنو بنات ومع الغلاء وانعدام الصحة والدواء في بلد زي السودان جاي تقول محرم؟ يعني يقعدن راجيات المحرم وعينم لاهلهم قدامهم بيموتوا من الجهل والفقر والمرض؟ ومنو الماعندها محرم في الخليج؟ والله السودانيين في الخليج بقوا اكتر من السودانيين في السودان!!! ولو عايز تتكلم عن صيانة الشرف شوف العوز والفقر عمل شنو في الناس جوة السودان لما نسوا معنى كلمة شرف ذاتو!!!!
عندكم كلام معقول قولو ما عندك ما تفقع مرارتنا ساي وكفانا الفينا


#612788 [Basha]
5.00/5 (2 صوت)

03-18-2013 02:25 PM
لم نخرج رغبة في الإغتراب وانما تم دفعنا دفعا لمغادرة البلاد تخيلو معي هذا الموقف وانا الطبيب الوحيد بالمستشفي هذا ان جاز تسميته بمستشفى, ليست به اي من الأدوية المنغذة للحياة ووصل بنا الأمر ان نطلب من المريض احضار كل شيء نعم كل شيء ليتم علاجه تخيلو معي طفلا لم يتعد الخامسه يتلوى الماحتى الموت امامك وانت تعرف ما به ولا تستطيع ان تقدم له المساعده لانه ببساطه نحن لا نملك شيء رواتبنا يدوب تغطي حق الدكان, واحيانا نعديها خنق, فما الداعي لوجودنا اصلا ااااااااااخ يارب لطفك.


ردود على Basha
Sudan [ناجى] 03-18-2013 06:18 PM
قاف شنو وغين شنو وصلت الفكره!!!!!يبقى كفايه
بالله يادكتور اكتبها بالكاف المره الجايه تبقى منكذه

[abdul] 03-18-2013 03:57 PM
يا دكتورمنقذة بالقاف مش بالغين انت مرض ولا شنو


#612769 [وداب زهانة]
5.00/5 (2 صوت)

03-18-2013 02:04 PM
2014 بشبش حيحكم حبوباتنا والمرافعين ووزراءه ماحيلقي زول قاعد ياابوقرده اختشي ابنى للناس ديل زي بيت نافع ده وريحهم هسسه عليك الله زى نافع ده يبنى بيت زى ده من وين وكيف؟؟ وهل يستحق هو ولابروف في الطب ياخى اختشوا الكاتبة رشان اوشي عامل تحقيق لو قريته علي بشبش ياابوقرده يكون احسن عشان تعرف قيمة الانسان في كردفان ودارفور ومدعم بالصور الصادمة ياكلاب تمن برادو واحد من اللي سايقنه حريمكم كافي لتعمير 30 مركز صحي والله انتو دايرين 30 ملك لكل واحد فيكم يوم الحساب


#612724 [شاكر]
5.00/5 (3 صوت)

03-18-2013 01:25 PM
يعني لو اتفتحت رحمة للناس ما عاوزين يسيبوها تصل لا حول و لا قوة إلا بالله ، لعنة الله على الظالمين


ردود على شاكر
Oman [ود المدير] 03-18-2013 04:34 PM
ما هو دا المجننا مع الكيزان أولاد ال..........
الصبر قربو يكسحو بعدين نبشرهم بعيدان القذافي


#612717 [ابو الجاز]
3.50/5 (2 صوت)

03-18-2013 01:09 PM
عما قريب سوف لن يبقى في السودان الا الوزارء الإتحاديين ووزارء الدولة ووكلاء الوزارات ورؤساء الدوائر الحكومية وأعضاء جهاز الأمن وأعضاء الحكومات الولائية متمثلة في الولاة ووزراء الحكومات الولائية وكذلك النفعيين والمطبلاتية والهتيفة ولفيف من الأحباش والأوباش وسوف يتناحرون فيما بينهم الى مزبلة التاريخ..... لك الله ياوطني باعوك بثمن بخس وأذاقوا اهللك الوان العذاب من اين اتى هولاء


#612711 [ود شندي]
5.00/5 (1 صوت)

03-18-2013 01:00 PM
وأكد ضرورة وضع برنامج ترويجي للسياحة العلاجية في السودان خاصة لدول الجوار الأفريقي.

ياقردة إنت بتحلم أل سياحة علاجية في السودان أل


#612706 [fadeil]
0.00/5 (0 صوت)

03-18-2013 12:52 PM
الحاصل الان نتيجة لعمايل الدوله نفسها حيث ضعف مرتبات الكوادر الطبيه اضافة الي الاصرار علي تفكيك المستشفيات المرجعيه والتدهور المريع في الخدمات الصحيه بجميع مشافي المشروع الحضارى والذى أصلا لا يوجد في ظل هذه الدوله ، فلماذا لا تهاجر الكوادر الطبيه ناهيك عن انعدام وغلاء الدواء بجانب اضطهاد الأطباء وهم يؤدون مهامهم وكل الشعب علي درايه تامه بما يحدث من اعتداء علي الأطباء أثناء تأدية واجياتهم الوطنيه حيال الشعب المغلوب علي أمره وعلي مأمون حميضه أن يتحمل تبعات هذه الهجره .


#612701 [karlos]
0.00/5 (0 صوت)

03-18-2013 12:46 PM
نضحك ولا نبكى يا مساعد اللورى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
8.00/10 (1 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة