الأخبار
أخبار إقليمية
مناوي : لامانع لدينا من الحوارمع اصلاحي المؤتمر الوطني بما في ذلك مجموعة السائحون
مناوي : لامانع لدينا من الحوارمع اصلاحي المؤتمر الوطني بما في ذلك مجموعة السائحون



03-18-2013 12:39 PM
الفجرالجديد – اس ال ام –

صرح السيد/ مني اركو مناوي وهو رئيس لاحدي الفصائل التي تقاتل الحكومة السودانية في اقليم دارفور غربي البلاد ، بأنهم لا يرون اي مانع من الحوار مع مجموعات الاصلاحيين داخل المؤتمر الوطني بما في ذلك مجموعة السائحون التي طلبت الحوارمعنا . واوضح مني مناوي وهو كذلك نائباً لرئيس تحالف الجبهة الثورية السودانية بأن الحوارمع كل مكونات الوطن استراتيجية نتبناه في سبيل الوصول الي صيغة مثلي يمكن الوصول من خلاله الي حد ادني للتوافق الوطني قبيل اسقاط النظام وهو امرفعلناه مع القوي السياسية السودانية ومنظمات المجتمع المدني كما هو منصوص عليه في كافة الوثائق الخاصة بالحركة وكذا الجبهة الثورية السودانية وبالتالي لا مانع لدينا من الحوار مع الجميع .
18/03/2013


تعليقات 11 | إهداء 0 | زيارات 2298


التعليقات
#613053 [ابوالبـــــــــــــــنات]
0.00/5 (0 صوت)

03-18-2013 08:45 PM
عشان تعمل شنو يامساعد الحله والله دى ذاتها كثير عليك فمساعد الحله بعمل حاجه يستفيدو منها انت عملت شنو تلعلع من 2003 والنتيجه مساعد حله كبير بدون مقومات الحله فاذا كان هناك واهم يتوهم بان منى ومن على شاكلته يمكن ان يغيرو نون النظام فسيطول انتظاره


#613042 [كربون]
0.00/5 (0 صوت)

03-18-2013 08:36 PM
لا لا لا لا لا ما في حوار مع اي وثني بائع تراب الوطن والشعب يا مناوي


#613010 [mohamed]
0.00/5 (0 صوت)

03-18-2013 07:45 PM
يا جماعة الزول خايف لناس الحركة الشعبية يدخلوا القصر ويخلوهو يمرق شمار في مرقة بالضبط زي ابوجا عمل سباق الفرسان جاء القصر خاف لناس عبدالواحد لكن بعض التوقيع عرف ان ناس عبدالواحد هدفهم الاساسي هو اسقاط النظام وليس دخول القصر


ردود على mohamed
United Kingdom [كركاب كنو. واكب] 03-19-2013 03:28 AM
وديل سقطوهو ليكم؟
ناس وهم بس بتستنوا في خيالات فقط
ديل بتاعين لمة وفنادق وقعد آت وعوازيم. والشعب صليبها. طلع. وان عصر لمن كاب الزيت
وبرضو قال بيسقطوا النظام ،،،. لمن يطلع الحمار في المئذنة ؟


#612994 [بت الرجال]
0.00/5 (0 صوت)

03-18-2013 07:07 PM
فعلا

مناوي حس بالخطر لانه ظهره انكشف بالاتفاقيات الامنية مع جنوب السودان

وعايز يلحق روحه

وصدقوني طالما كل واحد شغال براسه وكل حزب ينبثق منه حزب وكل حركة

مسلحة تنبثق منها حركات مسلحة فلنبشر بطول انقاذ

ديل عمرهم ما يتفقوا وعمرنا ما حا نعيش زي باقي خلق الله طالما ده حالنا

وهو الصوملة

مناوي كفاية تخاذل وخذلان لاهلك وقضيتهم

ناس المؤتمر الوطني مربيين تربية واحدة لا تقول لي اصلاح لا تقول لي اتجاه تاني

ده كله ذر رماد في العيون

كان ما كنت جووووووه القصر وفاهم اللعب كنت عملت شنو= ولا ما كنت فاهم ؟؟؟

نحن البنتاوق من بره بره جايبين اخرهم

اللهم ارحمنا برحمتك


#612925 [السنهوري]
0.00/5 (0 صوت)

03-18-2013 05:00 PM
كلام سياسي كبير بعيدا عن الحماقات والمراهاقات يجب الاستفادة من خلافات المؤتمر الوطني وتوظيفها لصالح الثورة بغض النظر عن اسباب اختلافاتهم في السلطة او مويةاو غيرها ما مهم المهم يكون بينهم خلاف ويتم توظيفها نحن كابناء الشمال ينبغي لنا عن ندعم هذا الخط لان مناوي اذا تحدث بطريقة اخرى نتهمه بالعنصرية


ردود على السنهوري
United Kingdom [كمساري لواري] 03-18-2013 06:29 PM
سجم خضم كان راجيين بتاع الاسمًوكن لو يقعد علي كرسي في مكتب تاني في الحكم
مناوئ آخر من يتحدث أن إسقاط النظام والديمقراطية وهو بانتهازيته ضييع القضيةالدارفورية من زمن توقيعه
علي أبوجا ودخل القصر ثلاث سنوات معديها لبس بدل اسموكن وفرفرة ما لبد زي موسي وما سجل حزب
سياسي عقلية البندقية سيطرت عليه بدل السبورة والطباشيرة. بقي زول ما عندو موقف ولا اتجاه ولما أتأكد
من موضوع فك الارتباط وسمع هجوم سلفاكير بقي يفتش في مخارجة وعلي حساب الشعب الغليان بطعم
الثورة
سايحون يا سائح ؟ ويا دايش؟. يلا خلي أمريكا تنفعك. هههه. فكت الجميع عكس الهوا. مصالح بقي


#612894 [N]
0.00/5 (0 صوت)

03-18-2013 04:15 PM
من زمان انت زول سلطة

مساعد البشير


#612781 [هيام عبدالله]
5.00/5 (1 صوت)

03-18-2013 02:16 PM
لا حوار مع القتلة والفاسدين وكلهم من طينة واحدة وصدقني لايوجد إصلاحي واحد في المؤتمر الوثني... إن أردت ان تنجح في إستقطاب المظلومين والمحرومين والمسجونين بدون وجه حق كن صامداً ومصمماً في هدفك وهو إسقاط النظام بكل الوسائل المشروعة وغير المشروعة ، ومما لاشك فيه لاتوجد شرعية في البلد وأصبح من يملك السلاح والعتاد هو الذي يحكم .... نريد إسقاط النظام اليوم قبل الغد كرهنا وملينا من نظام أصبح محنطاً لأكثر من ربع قرن وأصبحنا مضرب المثل في الجبن والخذلان، إمتصوا ونهبوا كل ثروات البلد وأحالوها إلى ففل راقية في كافوري وسويسرا وماليزياوهربت الأموال والودائع نهاراً جهاراً ماذا تنتظرون!!! قبل إزالة النظام لابد من محاكمتهم وإستراداد كل مليم خرج من البلد بدون وجه حق بمسميات وهمية وحينها صدقني سيساندك كل الشعب المستكينالمحبط من شماله لغربه لجنوبة ووسطه... فقط نريد المنقذ وأتمني أن يكون هناك رجلاً واحداً بقامة مصطفى عبدالجليل... هل عقرت حواء السودان من إنجاب الرجال إجيوني ....!!!!!!!!!!!!


#612754 [adil a omer]
0.00/5 (0 صوت)

03-18-2013 01:56 PM
دماء السودانيين ليست للمساومه


#612747 [Wahid]
5.00/5 (1 صوت)

03-18-2013 01:50 PM
هذا الرجل ليس لديه قضية تخدمنا نحن كسودانيين كل همه هو ان يرجع القصر تاني. لان من قبل هرب لانه حس ان موقفه كان ضعيف نسبة لظهور حركات اخرى. لان الحوار مع اصلاحي المؤتمر الوطني لاينفع السودان بشئ. هم قد تأكدوا ان سفينة الانقاذ قد قربت نهايتها لذلك بدوا بمحاولات البقاء في السلطة تحت مظلة الاصلاح وهنا نرى مناوي اركو فرصة مرة اخرى للقصر. مؤسف هذه هي المتاجرة بقضايا الوطن يامناوي.

.


#612742 [Elmansoor]
0.00/5 (0 صوت)

03-18-2013 01:48 PM
كلام سياسي وعاقل ويبعد الشبهات التي يثيرها ضعاف النفوس والرجعيين بأن الحركات المنواية للنظام هي حركات عنصرية وتمثل فئات بعينها فمعظم الشعب السوداني يحتاج الي تطمينات بأن يعمل الجميع من أجل السودان فقط لا غير. فمن كان السودان همه الأول فلابد أن يعود الخير لكل هامش السودان شمالا غربا جنوبا وشرقا. ولأكن هل هنالك من يدعوا الي الاصلاح وبيده سلطة أم دعوة الأصلاح تصدر من من فقدوا السلطة وهمشوا وهم كانوا أعضاء فاعلين ضمن النظام ولكن فقدوا الامتيازات مما دعاهم لرفع راية الاصلاح كورقة ضغط حتي يرجعوا ما فقدوه.


#612727 [بت الرجال]
5.00/5 (2 صوت)

03-18-2013 01:30 PM
ده شنو اللعب ده يا جماعة خلاص زهجنا وقرفنا

حوار

مداولات

طلوع ونزول

اتفاقيات

دخول القصر

الحال ما عجب

دخول الغابة

حمل السلاح

مناوشات يروح فيها موطن مواطنين

نرجع تاني للحوار

وووووووو

وووووووو

وووووو


الله يقلعكم ويقلع المؤتمر الوطني ياخ كرهنا عيشتنا نطير وين نحن

وكلكم اولادكم في امان واسركم في امان

والنار ماكلة ا لمساكين والفقارى


يااااااااااااااارب ارحم شعب السودان الفضل من هؤلاء وهؤلاء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة