الأخبار
أخبار إقليمية
الوالي : الرقم إكتسب قيمته بسبب أنه إرتبط بجمال الوالي و ليس لأنه مميز أو أن سعره كبير.
الوالي : الرقم إكتسب قيمته بسبب أنه إرتبط بجمال الوالي و ليس لأنه مميز أو أن سعره كبير.
الوالي :  الرقم إكتسب قيمته بسبب أنه إرتبط بجمال الوالي و ليس لأنه مميز أو أن سعره كبير.


برر شراءه للرقم المميز (0123000000) الذي وصل سعره الى 124 مليون جنية
03-18-2013 02:58 PM
برز نزاع حاد بين القيادي بالمؤتمر الوطني جمال الوالي ورجل أعمال شاب حول ملكية الرقم (0123000000) بعدما تمسك " الوالي " بأحقيته في الرقم . في وقت أبلغ رجل الأعمال الشاب النور عبد العزيز أمس (السبت) أنه إشترى الرقم بالغ التمييز من إحدى منافذ البيع بمبلغ (85) مليون جنيه "بالقديم " ، وقام فورا بتسجيل بياناته الشخصية كمالك للرقم في سجلات المشتركين بشركة سوداني للاتصالات منوها إلى أن فاتورة الإستهلاك الشهري للرقم موضع النزاع ، تصدر بإسمه دوريا من شركة سوداني .

من جانبه قال الوالي أمس السبت : إنه قام بشراء الرقم في وقت سابق من إحدى الجمعيات الخيرية بمبلغ (35) مليون "بالقديم " كمساهمة منه في أحد أعمالها الخيرية ، وأنه كان يستخدمه لفترة محدودة لافتا إلى أنه قام بتسليم شركة سوداني للإتصالات إنذارا قانونيا بواسطة محاميه بعد علمه بأن الرقم متداول وأنه معروض للبيع .

وعلمت مصادر أن الرقم المميز قد عُرض مؤخرا على قطب المريخ الشاب إبراهيم ملاح بمبلغ 124 مليون جنية "بالقديم " ، عن طريق أحد الوسطاء في الوقت الذي أكد فيه رجل الأعمال الشاب النور عبد العزيز أنه لا يمانع في بيع الرقم حال عرض عليه المبلغ الذي يطلبه .

وكان رجل أعمال قطري إشترى أمس السبت رقم هاتف مميز ينتهي بـ(6666666) بمبلغ (2.75) مليون دولار في مزاد خصص عائده للأعمال الخيرية في العاصمة القطرية الدوحة .

وأوضح رجل الأعمال ، رئيس نادي المريخ السابق جمال الوالي أنه قام بشراء الرقم (0123000000) من إحدى المنظمات الخيرية بهدف الإسهام في أعمال المنظمة التي تنشط في تقديم الدعم للأيتام ، و ليس بهدف البحث عن التميز أو المظهر الإجتماعي.

في وقت أبلغت مصادر داخل المنظمة التي باعت الرقم بالغ التميّز إلى رجل الأعمال جمال الوالي أمس الأحد أن المنظمة قدمت الدعوة للوالي للمشاركة في مزاد بخصوص بيع أحد الأرقام المميزة على أن يعود ربعه إلى خدمة الأيتام في السودان .

جمال الوالي أمس الأحد أنه ما كان ليشتري الرقم إذا لم يكن معروضاً لدعم أنشطة خيرية ، لافتاً إلى أنه حريص على الرقم من باب أنه يمكن بيعه في مزاد آخر لدعم جهة أخرى خيرية أو مشاريع تطوعية و ليس من منطلقات شخصية ، و أضاف : " تمسكي بالرقم نابع من باب أنه ملك لي و ليس لأنه ذو قيمة مميزة" و أكد جمال الوالي أنه مستعد للتنازل عن الرقم لصالح جهات خيرية لتسيير أعمال البرّ و الإحسان مشدداً على أن الرقم إكتسب قيمته بسبب أنه إرتبط بجمال الوالي و ليس لأنه مميز أو أن سعره كبير. و عتب الوالى على الذي فسروا الخبر تفسيراً في غير موضعه و حملوه أكثر مما يحتمل .

صحيفة الأهرام اليوم


تعليقات 65 | إهداء 1 | زيارات 15944


صفحة 1 من 212>
التعليقات
#614068 [عمر الجيلي]
0.00/5 (0 صوت)

03-20-2013 04:51 AM
أقنعتنا بدى وأموال المحترفين نسميها شنو يا شاطر


#613872 [الميرم]
0.00/5 (0 صوت)

03-19-2013 07:03 PM
على الرغم من انى هلالابية 100% الا انى اقول الحق فى هزا الرجل ...واللة نحن فى البحر الاحمر -بورتسودان لمن تكون فى ازمة مياة ...نجد الخير كلة من هزا الرجل الزى لايشبة المريخ كان مفروض يكون من اهل الهلال لان قيمة هلالية بحتة ..اللة يحفظك ويبعدك من المريخ والمؤتمر الوطنى .بس مع فلوسك وخلى بالك على نفسك وعلى عمل الخير .


#613764 [اصبعي لو,,,كوز بقطعه.]
0.00/5 (0 صوت)

03-19-2013 04:06 PM
انا ما عارف الناس دي بجيب القروش كيف?
قدر ما حاولت اعمل قروش تقوم جاريه مني?
اعمل شنو ياناس?


ردود على اصبعي لو,,,كوز بقطعه.
Sudan [ابن السودان] 03-20-2013 01:41 AM
(استغفروا ربكم ) انه كان غفارا يرسل السماء عليكم مدرارا و يمددكم باموال وبنين م يجعل لكم جنات و يجعل لكم أنهارا. هذا هو الحل يا صديقى ، اما غيره فلا ضمان ، فلتتوكل على الرازق ولتصدق الله فى تجارتك يصدقك الله.

Portugal [dongl] 03-19-2013 05:02 PM
if you want to get rich be big cuoz


#613621 [sulieman abdella]
0.00/5 (0 صوت)

03-19-2013 12:47 PM
هذا هو حال السودان ناس ما لاقية حق الفطور وناس .................


#613604 [صفوة]
0.00/5 (0 صوت)

03-19-2013 12:26 PM
العِندو قِرش ومحيرو بيشتري حمام ويطيرو ....... والما عندو شي بالتشوي .... والفقير الله يديهو ... والوالي غالي والي المال والجمال وأنجح رجل اعمال ...... وعين الحُساد تتملي رماد


#613601 [فووووووووووكس]
0.00/5 (0 صوت)

03-19-2013 12:24 PM
هههههههههههههههههه والله العظيم شئ يضحك ا عالم يعني اسي يا سيد جمال الوالي عايز تقنعنا انو انت اشتريت الرقم عشان تساعد الغلابه ياخي ما تدفع القروش كااااااااش للغلابة وين المشكلة شيل القروش دي وامش اقرب حوادث مستشفي في البلد الاسمو السودان وصدقني قروشك كلها بتكلم في مريض واحد بس ولا امشي دور الايتام ولا مرضة القلب والكلي قروشك دي بتمرق ولاشئ عشان كدا والله العظيم عمرنا ما نطور ولا نمشئ لي قدام ياخي ارحمو روحكم شوية وما تشغلو الناس بي الفارغة ساااااااااي ويا النور انت ولا كان جمال ولا كان ملاح شوف 123 مليون دي تقضي حوايج كم شخص في البلد فقير وتكن ليك حسن لحدي يوم القيامة دا شنو المنطق الغريب دا نبيع الرقم عشان نتبرع بيهو لي منظمة خيرية ياخي المنظمة دي شيل المبلغ العايز تشتري بيهو الرقم واديهو ليها وين المشكلة في الموضوع دا يعني لزم تشتري رقم مثلا ليكم يوم يا فارغين وكل اناء بي ما فيهووووووووو ينضحك والله قصص مخجل جدا وكمان قال فيها قسمة وقاااااااضي ياخي القاضي دا ما عندو شغل زاتو المفروض يقول ليكم كلكم تجلدو وتخش الحراصة بتهمة اهدار مال عااااااااااااااام


#613545 [SAEED AL SAEED]
0.00/5 (0 صوت)

03-19-2013 11:38 AM
دائما كبير وبتثبت الايام انك انسان صاحب فهم عالى - لكن منو البيفهم _ شوف التعليقات الحاقدة

والمفلسة المعروضة الان ؟؟؟

ربنا يوفقك ويزيدك - ويموتوا الحاقدين بغيظهم ----


#613543 [جارسيفو]
0.00/5 (0 صوت)

03-19-2013 11:37 AM
قبل الانقاذ وفسادها انت يا جمال الطين كنته نكرة وغير معروف حتى علي مستوى فداسي والعربي كان اتفلهم بسوي جيب في طاقيته وبعد اسقاط النظام بنلبسك توب اختك


#613523 [عبدالحكيم]
0.00/5 (0 صوت)

03-19-2013 11:23 AM
وهو يعني جمال الوالي ما يتبرع لجمعية خيرية إلا عن طريق رقم تلفون ؟؟ .. بالله عليكم في تفاهات أكتر من كدة ؟؟ .. ياخي لو مديت كراعك برة باب بيتكم ساي تلقى المعوزين والمحتاجين .. يعني الشغلانة ما محتاجة فلسفة فارغة وجمعيات خيرية وأعمال تطوعية .. منظرة وشوفونية على الفاضي .. الناس وصل بها البؤس مراحل لا يرضاها مسلم لمسلم وإنتوا متشاكلين في رقم تلفون .. الحاجة التانية والأهم أعمال الخير ما محتاجة تصريحات في الصحف ولا زي فضايحكم البتعملوا فيها قدام العالم دي وأنا إشتريت الرقم لصالح جمعية أو لصالح سمسمية .. أعمال الخير بتولى أمر نشرها رب العالمين .. ياخي خذوا العبرة من الراحل المقيم فينا أبداً محمود عبدالعزيز .. منو الكان بيصدق فينا إنو محمود كان بيعمل الحاجات دي كلها ؟؟ .. مستجدين نعمة كلكم .. بلا يخمكم


#613267 [محمود يس]
0.00/5 (0 صوت)

03-19-2013 07:26 AM
مستجــد النعمـة دايماً تلقى لخبات ..


#613240 [صلاح الدين]
5.00/5 (1 صوت)

03-19-2013 05:35 AM
لا حول ولا قوة الا بالله العلي العظيم. جماعة المؤتمر اللا وطني يتلاعبون بالملايين، في الوقت الذي يموت فيه المئات من الأطفال في المستشفيات الحكومية لقلة الدعم. والآلاف منهم في مناطق النزاع المهمشة!! والفقر والجوع محدقين بالبلاد.. لكن ما العمل، والآلاف صدحت في غباء (سير سير يا البشير نحن جنودك للتعمير)!! عن أي تعمير يتحدثون، لست أدري! وكان الله في عون إنسان ما كان يسمى بلد المليون ميل مربع!!؟؟


#613198 [الفاتح مقبول]
5.00/5 (1 صوت)

03-19-2013 12:45 AM
انا عاوز اسمع رأى وفتوى من هيئة
علماء السلطان فى هذا التبذير المقيت
وهذا الفعل المستفز والذى قد يفتن الناس
فى دينهم بعد ان فتنهم فى دنياهم
اليس الامر فى كل معطياته اسراف منهى عنه
ثم اليس المال العائد لشركة الاتصالات هو
سحت صراح ..
قولوا الحق وما تبلعوا الذمة (اشك فى ذلك)


#613197 [lwlawa]
5.00/5 (3 صوت)

03-19-2013 12:39 AM
هذا دليل على مدي هيافة وطفولية العقول التي تسلطت على هذا البلد القارة، فهذا عضو مجلس وطني ورئيس نادي المريخ لما يقارب العقد من الزمان، يفتعل معركة من اجل شريحة سعرها لا يتعدى ال3 فقط ثلاث جنيهات ...؟؟!! اذن ماذا تركتم للاطفال ...؟؟
وكما قال احدهم: السودان بلد يساوي جرار زنة 100 طن، يريدون سحبه بماكينة دفار..؟؟. واضيف من عندي، بانها ماكينة تيكو وليس دفار حتى ...؟؟!!


ردود على lwlawa
Austria [مصفوف من المصفوفه] 03-19-2013 01:33 AM
تيكو شنو يا ابن عمي دي بلد دايراين يجروها بركشه


#613195 [جعلي أهدرت كرامته]
5.00/5 (3 صوت)

03-19-2013 12:39 AM
عالم رمم، أنتو في شنو و الناس في شنو. بس حقارة كده حاقعد اضرب للرقم ده كل يوم و نشوف الحاصل. و بعدين ياتو عمل خير بتتكلم فيه، بتدو باليمين و تأخذوها بالشمال. يا ناس أخجلو شوية و شوفو حالة البلد الطبظتوها، بدل الجري ورا الفارغة.


#613182 [مافى داعى]
1.00/5 (1 صوت)

03-18-2013 11:55 PM
هو جمال محمد عبداللة الوالى ومن اسرة محترمة جدا جدا من قبلى مايجو الكيزان ومن قبل الترابى زاتو يافارغين


ردود على مافى داعى
Saudi Arabia [ابو فاطمة العمرابي] 03-19-2013 12:44 PM
باين الاحترام عليه ، وكمان محترم كتير جدا قدر القروش الببعزق فيها يمين وشمال ما هي في النهاية اموال حسابات التجنيب بتاعة المؤتمر الوطني ، وما علينا أنا بضييييييع يا وديع !

Saudi Arabia [الجاغريو] 03-19-2013 10:12 AM
تقريبا انت من ::::::::::::::::::: يا وهم

United States [الفاتح مقبول] 03-19-2013 06:40 AM
(جمال محمد عبداللة الوالى ومن اسرة محترمة جدا جدا من قبلى مايجو الكيزان ومن قبل الترابى زاتو يافارغين)
تحدثنا عن فعل من منظور تأصيلى
ولم نجنح الى الشخوص او نميل الى
التهاتر الأجوف ..وكفى

Saudi Arabia [واحد] 03-19-2013 04:56 AM
وين الاحترام في ال بسوي فيهو ده ؟!!! اولاد البرير ذاتوم بقو ما محترمين , مقاييس الاحترام وااااااضحه
1 تحترم قرشك لانك جبتو بالاجتهاد
2 تحترم نفسك وما تدخل في الفارغه
3 تحترم شعبك و تراعي حالتو = تتبرع وما تتضرع وتتواضع ما تترفع في زمن مرتب الدكتور الاخصائي مليون ومائه والمجاعه خلت ناس تبيع كليه وحاجات تانيه

[يا وهم] 03-19-2013 04:50 AM
اتفق معك في الجزء الاول من تعليقك وهو ان جمال الوالي من اسره محترمة جدا و من قريه فداسي الحليماب ولكن اسرته كانت تعيش في وضع مادي بسيط كاغلب اسر تلك المنطقة وهذا ليس غيبا وانما العيب الان في جمال الذي يصرف المال يمينا و يسارا دون حساب وفي امور فارغة واترك لك تفسير من اين له هذا المال وهل تغتقد ان شخصا اصبح ثريا بعرقه وجهده وماله حلال يتعامل بهذه الطريقة


#613153 [nagatabuzaid]
5.00/5 (1 صوت)

03-18-2013 10:54 PM
يا ناس الراكوبة يقع فيكم العدو قطعتوا لحم الراجل لكن يستاهل لانه كلامه سطحى وعبيط

وجمعيات خيرية ايه اتحداه ان كان بتعامل مع جمعية غير سند الرئاسية حد السفر بالطائرة

لتهريب الاموال وفتح الحسابات فى لندن للمدام البقت رئاسية وقالوا كدى الخواجات قالوا ليهم

ابيييينا يا جمال فى فداسى اسر فقيرة هل تكرمت فرحمتها او ساعدتها فى تعليم اولادها وفى

مرضى هل ساعدتهم فى شراء الدواء هل مررت على المستشيات وساعت المرضى او انشاءت مرفق صحى

هل مررت بشارع الحوادث هل رديت على نمرة تلفون لا تعرفها وقلت فى نفسك يمكن شخص محتاج ؟

انت ترد على التلفونات التى تدعوك لفنجان قهوة كاااااااااااااااااااارب

استغفر الله العظيم لى ولك لكن تانى ما تتكلم كلام عبيط بتاع ناس شبعة بعد جوعة


#613151 [بتاع الجرايد المحمى من فوق]
5.00/5 (2 صوت)

03-18-2013 10:50 PM
=*** لو كنت القاضى الحيحكم فى قضية الفنان بتاع بحرى القبضوهو جوة شقتو متحنن ومعاهو 9 شباب...والجوطة الحاصلة فى الموضوع فى الاعلام...كنت عملت كلاتى:-

1- اطلاق سراح جميع المتهمين
2-اصدار أمر قبض لنيابة الخرطوم بالقبض على جمال الوالى والنور عبدالعزيز وابراهيم ملاح
3- بما أن الرقم الخاص هو 0123000000عليه:-
=يدفع كل واحد من الثلاثة المذكورين اعلاه مبلغ 123000000(123 مليون)جنيه غرامة
ويتم التصرف فى المبلغ كالآتى:-
*** 123 مليون تسلم للادارة المالية لجامعة الخرطوم...كان مدير جامعة الخرطوم قد ذكر الأسبوع الماضى أن الأساتذة أضربوا عن مراقبة الامتحانات وتصحيحها لعدم ايفاء وزارة المالية بمبلغ مليون جنيه شهريا وهى كافية لتغطية العجز فى رواتب الأساتذة...وبتغريم المتهم الأول 123 مليون فان ذك كفيل بتغطية العجز فى راتب أساتذة جاعة الخرطوم لما يزيد على 10 سنوات
***123 مليون جنيه يتم تسليمها للمركز القومى لأمراض وجراحة وزراعة الكلى...حيث ذكر مدير المركز أول أمس فى لقاء صحغى بوزارة الخارجية أن هناك 5000مواطن سودانى تحت برنامج غسيل الكلى بمعدل 3 غسلات أسبوعيا...وذكر أن المركز يحتاج 110 مليون جنيه وفرت منها وزارة المالية 84 مليون جنيه بعجز يبلغ 26 مليون جنيه..وأن المركز فى حوجة ل 100 ماكينة غسيل كلى جديدة وذلك لأنه سنويا يدخل 500 مواطن سودانى فى برنامج غسيل الكلى كحالات فشل كلوى جديدة علاجها الوحيد هو الغسيل
*** 123 مليون جنيه تسلم لمستشفى بحرى لفك حظر جزء من معينات العمل بقسم حوادث مستشفى بحرى بعد رهن المعينات من أجهزة أشعة ومعامل وجهازات لقياس الأوكسجين فى الدم وأجهزة انعاش القلب وجهازتخطيط القلب وجزء من تكلفة جهاز الأشعة المقطعية...


#613130 [عصمتووف]
0.00/5 (0 صوت)

03-18-2013 10:15 PM
غايتو رزق الهبل علي المجانين والما بتعرف بتدخن بتحرق (××××××××7)تة


ردود على عصمتووف
Saudi Arabia [Abu Areej] 03-19-2013 12:03 PM
يا عصمتووف الليلة درسك عالي خلاس..


#613110 [ودالعوض]
5.00/5 (1 صوت)

03-18-2013 09:55 PM
رقم جوال كله اصفار؟ هذا فعلا يعكس تماما حالة السودان الصفر الأكبر بلد لا هوية ولا وطنية ولا ضمير يجوع اهله ويموتون وتسرق اموالهم امام اعينهم وتنهار كل مقومات واساسات الدولة جنسيته تباع ويشتريها اتفه الخلق ويقولون انهم سودانيون وفعلا اذا كان مسئولي هذا البلد الأفشل في العالم يتصارعون علي جوال الأصفار فعلي البعض ان يمزق هذه الجنسية المتوهمة حرصا علي كرامته ونخوته التي تربي عليها والبعض اللآخر من التافهين امثالهم يحصلون عليها أي وطن هذا؟؟؟


#613104 [الحقيقة مرة]
3.50/5 (2 صوت)

03-18-2013 09:50 PM
المفارقة في انو الرقم دا اخدتو الجمعية الخيرية لانو سهل واي زول عايز اعمل خير ممكن احفظو ويتصل بيهم عشان يعرف يتبرع معاهم كيف لكن في سودان الكيزان بقا مجرد وسيلة للتباهي بين الطفيلية ولصوص السلطة السرقو قوت الشعب ودا بورينا البوصلة الاخلاقية بتاعتنا بقت متجهة لوين


#613091 [zozo]
0.00/5 (0 صوت)

03-18-2013 09:41 PM
المريخاب يجب عليهم ان يشكروا هذا الفعل من الوالى ويمدحونة امامن يشتمة فمعروفون


#613083 [ليث]
0.00/5 (0 صوت)

03-18-2013 09:33 PM
يا جماعة الخير بيقولوا كل اول ليهو اخر .لو تتزكروا احمد عز ملك الحديد في مصر وينوا هسع .دى نهاية كل حرامي .


#613070 [كاظم الغيظ]
0.00/5 (0 صوت)

03-18-2013 09:18 PM
الله لا بارك فيكم يا دباس يا بعام يا رخم يا بغاث يا ملة الجوع يا الما كنتو شبعانين في كسرة الفتريتة قبل يونيو 89


#613066 [santo]
0.00/5 (0 صوت)

03-18-2013 09:16 PM
يا جماعة عندى رقم مميز داير لي بس 200 جنيه


#613058 [سري]
0.00/5 (0 صوت)

03-18-2013 08:57 PM
الشي الذي استحضره ان هذا الرقم قد منح للفنان المرحوم الاستاذ العطبراوي طيب الله ثراه كهديه عند تدشين خدمة شركة سوداني للاتصالات ولا أدري كيف وصل الي يد جمال الوالي ؟ اللهم الا عن طريق الوراثه ...


#613049 [مجنون]
5.00/5 (1 صوت)

03-18-2013 08:43 PM
حافظوا على دينكم وسلامة اسلامكم من نجاسة الكيزان


#613045 [دكتور تروتا]
5.00/5 (1 صوت)

03-18-2013 08:39 PM
مسؤولين من الخير ؟ الناس ديل حسانية ولا شنو ؟ الناس في شنو وهم في شنو .


#613033 [جركان فاضى]
5.00/5 (1 صوت)

03-18-2013 08:20 PM
مواضيع زى دى افضل تناقش فى مجلس الشعب لتشابه مواضيع المجلس معها


ردود على جركان فاضى
Austria [مصفوف من المصفوفه] 03-19-2013 05:24 PM
لالالالالالالالالالالالا مابنرضي ياجركانه الا بمجلس الامن ويصدر قراره وممنوع الفيتو حتي علي الصين وروسيا ولو كتر الكلام امريكا او روسيا يحتفظوا بالرقم ده مع الاسلحه النوويه


#613021 [طارق الباز]
0.00/5 (0 صوت)

03-18-2013 08:01 PM
الرقم المميز لا يخفض سعر المكالمة وليس له شبكه خاصه!!! وحيكون مصدر ازعاج بعد ما كل زول عرفو, بعدين العاوز يدعم جمعية خيرية لازم ياخد منها حاجة؟


#613014 [مقهور]
5.00/5 (2 صوت)

03-18-2013 07:49 PM
طظ في الوالي وفي البشير وفي الانقاذ


#613013 [مواطن حر]
5.00/5 (1 صوت)

03-18-2013 07:49 PM
طيب ممتاز.. بقيتوا خلايجه عديل.... يلا أبنوا زي برج خليفه ولا طيران ألأمارات ولا جزيرة ألنخله


#613012 [خالد حسن]
5.00/5 (2 صوت)

03-18-2013 07:46 PM
جمال الحرامي قايل عندنا قنابير
الداير يتبرع للايتام ممكن يتبرع من غير شراء رقم مميز
قال لايبخث عن التمييز قال ! تعلل اهبش القنبور ده
وانترثروتك دي جبتها من وين؟
بعدين شركات الاتصالات ديل بقو ببيعوا للناس الهوا
يعني الرقم يبيعوا لاكثر من شخص ! دي شركه ولامافيا


#613008 [ألامين المهدي]
5.00/5 (1 صوت)

03-18-2013 07:42 PM
تنافس رجال الاعمال علي الارقام المميزة عادة منتشرة في كل دول العالم يعني للفاهم ما فيها شيئ ومن يقول غير ذلك فهو حاسد ولو كنت انا مكان الوالي اخصص رقم هاتف مميز من ثلاثة ارقام فقط كأرقام الشرطة والمطافي والنجدة وغيرها والماعاجبو اقع البحر
بالمناسبة انا طالب من اسرة فقيرة وليست لي علاقة بالوالي لكني لست بحاسد احب ان يعج وطني بأمثال هذا الرجل لاننا سوف نستفيد منهم بطريقة غير مباشرة
وآخيرا ادعوا الله لهم بأن يزيدهم غني حتي يدخلوا لائحة اثرياء العالم مع الوليد ابو طلال وقيتيس وغيرهم


ردود على ألامين المهدي
[Musab] 03-18-2013 09:44 PM
هذا الانتهازي اين هو قبل مجي ثورة الدمار هذه ،ومن اين له هذا وما هو مصدر ثروته قال رجل اعمال قال


#613005 [حجازى]
0.00/5 (0 صوت)

03-18-2013 07:37 PM
الله يرحمك يا وطن...اذا كان دى العقليات اللى بتدير شؤون الدولة التجارية والرياضية.....


ردود على حجازى
Sudan [nagatabuzaid] 03-18-2013 10:28 PM
صدقت ناس شبعة بعد جوعة والناس البلملموا الاموال بطريق بعرفوها براهم بعملوا كدة


#613000 [ود بحرى]
0.00/5 (0 صوت)

03-18-2013 07:24 PM
اتصلت على الرقم ومافى حد يرد على ومن الساعة بقوليكم الرقم دا حقى.


#612990 [umhiba]
5.00/5 (1 صوت)

03-18-2013 06:55 PM
وانا اقول السودان مالو بقي معفن وحالو مايل لا يسر عدو ولا حبيب ... هذه هي البطون التي شبعت بعد جوع


#612982 [مترجم الاحساس]
5.00/5 (8 صوت)

03-18-2013 06:41 PM
شباب لمن الواحد يخزن الرقم بيكتب الاسم يعني بعد الكتابه بيختفي بريق الرقم يعني زي العطر بعد يوم بروح في الهواء اتمنى تكون المعلومه وصلت


#612979 [aviv]
0.00/5 (0 صوت)

03-18-2013 06:35 PM
عدم موضوعية, عليكم الله رقم مميز إيه وملكية إيه, الجوطه دي كلها عشان رقم تلفون, كلام فارغ الناس في شنو وإنتو في شنو عليكم الله ,


#612975 [ابو الليل]
5.00/5 (9 صوت)

03-18-2013 06:31 PM
يا ناس سؤااااال ساااااااي ... المدعو جمال الوالي.. جلب اللاعب استسفن وارغو من انيمبا بملغ 2.700 مليون دولار ... دفع للاعب ضفر مبلغ مليار. دفع لكلتشي مبلغ مليار. دفع لي عديد من اللاعبين مبالغ خرافية هذ غير رواتب اللعبية الخرافية ... بس داير اعرف الراجل دا شغال شنو؟؟؟ السودان وااقع في ديون لي رب السماء والناس جعانة والراجل دا مستمتع بي قروشنا .... تب لك ياااخ..


ردود على ابو الليل
[كتاحة] 03-18-2013 11:33 PM
الزول دا يا ابو الليل شغال حرامي كبير لكن حريف لابس لي وش مسكنة و قايلنا بنتغشا

والله نحنا الحرامي دا بنعرفوا من نخرتو


#612973 [Elbadri]
0.00/5 (0 صوت)

03-18-2013 06:27 PM
إنه الرئاء بعينه. ألم تقرأ قول الرسول صلِّ الله عليه وسلم حين قال: سبعة يظلهم الله في ظله يوم لا ظل إلا ظله وذكر منهم٠ رجل تصدق بصدقة فأخفاها حتى لا تعلم شماله ما تنفق يمينه. إذاً يا أخي الوالي إذا كنت صادق فيما تزعم لماذا لم تتصدق خفية الي هذه المنظمات الخيرية حتي تنال الأجر العظيم. تكذبون حتي علي الله!!!. اللهم طولك ياروح.


ردود على Elbadri
Sudan [nagatabuzaid] 03-18-2013 10:31 PM
ان كانوا بعرفوا الرسول صلى الله عليه وسلم وفهموا حديثه ما كان ده حالهم الرسول حبيب الفقراء والمساكين يتبرا منهم


#612962 [الكنزي]
0.00/5 (0 صوت)

03-18-2013 05:59 PM
ان لم يكن هذا الرياء فماذا يكون.........
عالم شوفونيه


#612959 [الغريب عن وطنو]
5.00/5 (1 صوت)

03-18-2013 05:53 PM
هو يعني عشان تتبرع لازم الدنيا والعالمين يعرفوك تبرعت؟ هي قروشك اصلاً؟
دي قروشهم وانت كده بترجعها ليهم .. وكمان بتمن عليهم؟
اتعلم من الناس اللي بتنفق في السر حتى لا تعلم شمالها ما تنفق يمينها زي محمود عبد العزيز رحمه الله اللي الناس ما عرفت اغلب الحاجات الخيرية اللي كان بيعملها إلا بعد وفاته ...
لعنة الله عليكم يا من سرقتم اموالنا وشردوتنا ومرضتونا وجهلتونا ..
ده كلو ح تجي شايلو على ظهرك يوم القيامة ..
الشريحة هينه الكلام عمارة باكينقهام اللي جمب قصر عمتنا فيكتوريا ...
ابقى عتالي نجيض بس ..


ردود على الغريب عن وطنو
Norway [ابو الليل] 03-18-2013 08:02 PM
الله ينصرك ياخ.. مارقين لي لقمة العيش في اخر الدنيا والله لو الوالي جاء يوم واااحد بس هنا ويشوف المعاناة دي كان بكا ... برد وغربة وسهر الله المستعان بس ... حقنا قدام بنلقاهو


#612955 [مجنون]
5.00/5 (1 صوت)

03-18-2013 05:50 PM
استفزاز للملاقين لقمة العيش الحاف ولا الفول الغلابة ولا عيش الكسرة والعصيدة الرقم عشان تتصل بمين بالله عليك رد على سؤالى


#612952 [ايمن]
0.00/5 (0 صوت)

03-18-2013 05:46 PM
يرجي الانتباه ...اصلا النصب جاي من شركة الاتصالات بغض عن النظر عن مداخلاتكم المسيسة !!كيف تبيع رقم لاكثر من واحد ؟؟؟ اما من اين اتي هؤلاء بهذه الاموال فهذاموضوع اخر ومحاكمة اخري فالمنهوب من الشعب السوداني اضعاف مضاعفة ماذكر بل حتي الناهبيين اكثر من هذا الرقم اذا احصيتم بشفافية بدءا صغار اللجان الشعبية في الاحياء والفرقان انتهاءا بالرئاسة منذ 89 وحتي 2013 لانستثني حتي الفترة من 2005 الي 2010 ( مشاركة الحركة الشعبية ) ودي فيها لصوص - مناضليين وجهاديين وغيرها من المسميات ...قلبي عليك ياوطن !!


#612947 [ود شريف]
0.00/5 (0 صوت)

03-18-2013 05:40 PM
بس كلمة الرقم اكتسب شهرة لانه مرتبط باسم الولى !!!!! دى بالغت فيها شديد من تكون انت ياجمال الوالى كتر خير المريخ الذى جعل لك اسما ولكتك ستكون الاسم الاسود في تاريخ المريخ لانك دمرت المريخ فانت فاشل وناجح فقط في امتلاك المال الذى لايعرف مصدره فاين كنت قبل الانقاذ ومن اين لك هذا ؟


#612944 [المشتهي الكمونية]
3.00/5 (1 صوت)

03-18-2013 05:38 PM
لك الله يا شعب السودان المسكين الغلبان
في عهد الكيزان أهل الشيطان يتصارع زعماء الراسمالية الطفيلية على رقم مميز بعشرات الملايين بينما محمد أحمد الغلبان لا يملك حق المواصلات ويحلم بطلب الفول


ردود على المشتهي الكمونية
Sudan [nagatabuzaid] 03-18-2013 10:34 PM
هو جمال الوالى كووووووووووووووووووووووووووووووووز ؟

الله يستر ما يلحق عديله

Norway [مجنون ليلى] 03-18-2013 08:12 PM
وما تنسى الكمونية ..

في مطعم في عيال ناصر( دبي ) بظبط كمونية ابوكديس تاكل ما تدي الجنبك امش ليهو وبل شوقك ، بس ما تجينا بعد يمومين تقول مشتهي الكول ...

تحياتي لك ولكل جماعتنا بالامارات


#612941 [عنبر عمر الطيب]
3.00/5 (1 صوت)

03-18-2013 05:25 PM
كذاب اشر يا جمال يا والى وقد حاولت ان اتصل بهذا الرقم فلم اجد حتى كلمة ( مشغول ) او ( مغلق ) هذا رقم سرى وسرى خالص لا يقبل لاى واحد مسكين مثلى ...... يمكن بيفتح ( لل..... ) استغفر الله


#612938 [ودالدكيم]
5.00/5 (1 صوت)

03-18-2013 05:21 PM
حاجة غريبة هذا المدعو جمال هذا الرقم الخرافي من المال.الذي دفعه جمال الوالي لرقم اتصال مميز.والله ان الله سوف يسألكم عن هذه الأموال يوم الحساب.هذه الأموال أولي بها الحالات الانسانية التي تدمي القلوب والتي يبثها برنامج (شراع الأمل) بقناتك الشروق ياجمال الوالي.السؤال هذا الوالي ماذا كان يمتلك قبل 30/6/1989م هذا اليوم الأسود في تاريخ أمتنا.سبحان الله نائب اختصاصي ليس بمقدوره تناول (واحد بلدي)بالسوق العربي بينما جمال الوالي يشتري رقماً مميزاً بهذا المبلغ نهدي هذا الحديث للرئيس الراقص وباقي العصابة لك الله ياوطني


#612936 [الدماكي]
0.00/5 (0 صوت)

03-18-2013 05:19 PM
بالله الناس في شنو و ديل في شنو ، يا ناس عووووووووووووووووووك الشعب السوداني بموت بالجوع والمرض و الحرب حسو حسو حسو ، ربنا بسألكم عن مالكم دا يوم القيامة بتقولو شنو اشترينا بيهو رقم مميز لو المبالغ دي عملتو بيها مشروع خيري او اي شي ينفع الناس وينفعكم يوم العرض مش احسن. اسال الله الهدايا لي وللمسلمين


#612929 [امير الحكيم]
0.00/5 (0 صوت)

03-18-2013 05:11 PM
عالم ما عندها شقلة رقم باالقروش دى باالله ما كان احسن تنبرعو بيها لاطفال المايقوما اخس عليكم


#612926 [خبير ارقام مميزة]
5.00/5 (1 صوت)

03-18-2013 05:02 PM
ياشباب فيه ارقام مميزة وبتستاهل....قبل سنتسن اشتريت رقم ***0912300 بمبلغ 25 مليون ولو ماجاب لي 50 ماببيعو وبي صراحة رقم جمال الوالي الكلو اصفار دا بيستاهل في حدود 100 مليون


#612921 [saif]
0.00/5 (0 صوت)

03-18-2013 04:56 PM
الوالي رجل مهذب ومحترم
لا يستحق كل هذه الشتيمة منكم


ردود على saif
Saudi Arabia [ابو فاطمة العمرابي] 03-19-2013 12:53 PM
مهذب ومحترم لكن اشوف عمايله استعجب ، وسلم لينا علي التهذيب والاحترام

[سيد الكارو] 03-18-2013 11:10 PM
سيف ده يا هو الهندي عزالدين يا جماعه ..

[osman abdel rahman] 03-18-2013 06:51 PM
جمال الوالى التهذيب ذاتو يا سيف و ما قلت الا الحقيقة- الساكت عن الحق شيطان اخرس

France [الغريب عن وطنو] 03-18-2013 05:49 PM
يا سيف اكتب اسمك كامل عشان تضمن حقك ...
حرامي مهذب ومحترم!!!!!
سبحان الله


#612916 [ابونور]
0.00/5 (0 صوت)

03-18-2013 04:49 PM
هذا زمانك يامهازل فأمرحي


#612907 [محمد]
0.00/5 (0 صوت)

03-18-2013 04:42 PM
الله يسودن ركبيكم ياأولاد الحايل .الناس عيانه مالاقيه
حق الحبوب أنتوا تشتروا فى شرايح ب الملايين ؟؟


#612905 [ساري]
5.00/5 (1 صوت)

03-18-2013 04:39 PM
دعم الجمعيات الخيرية شيء جميل يا(الوالي) ولكن ممكن الدعم هذا يتم
من غير شراء هذا الرقم المميزة مادام هذه الجمعيات لديها مكاتب ومواقع
معروفة ....


ردود على ساري
Sudan [nagatabuzaid] 03-18-2013 10:36 PM
بيدعم سند وبس


#612899 [Fato]
5.00/5 (1 صوت)

03-18-2013 04:26 PM
كله من مال الأيتام والمشردين والجوعى والذين لايستطيعون العلاج ومعروف أس ومصدر هذا المال الذى فى النهاية مال هذا الشعب المنهوب ولو كنت مكانك ياجمال الوالى لناديت بأعلى صوتى بأن هذا المال يعود للص السودان الأول(عمر البشير)ولكن الأيام دول وسيرجع الشعب يمتلك ناصية القيادة لحكم هذا الوطن والحساب ولد.


#612897 [كاره الكيزان]
5.00/5 (1 صوت)

03-18-2013 04:23 PM
يا أخوانا الليس والغموض واللغط والهمز واللمز ليس في رقم مميز او رقم غالي الثمن، الكلام في جمال نفسه وأمثاله من الذين إغتنوا على حساب الشعب الذي يرزح تحت نيار الفقر الجوع والمرض.


#612891 [أبو أحمد]
0.00/5 (0 صوت)

03-18-2013 04:08 PM
(لافتاً إلى أنه حريص على الرقم من باب أنه يمكن بيعه في مزاد آخر لدعم جهة أخرى خيرية أو مشاريع تطوعية و ليس من منطلقات شخصية)

ما تكون مفكر تستثمر فيه زي استثمارك في وارغوووووو


#612888 [البهلول]
5.00/5 (1 صوت)

03-18-2013 04:05 PM
|الخرطوم|نزاع بين جمال الوالي ورجل أعمال على رقم هاتف مميز .. تم شراءه بمبلغ 85 ألف جنيه

برز نزاع حاد بين القيادي بالمؤتمر الوطني جمال الوالي ورجل أعمال شاب حول ملكية الرقم (0123000000) بعدما تمسك " الوالي " بأحقيته في الرقم . في وقت أبلغ رجل الأعمال الشاب النور عبد العزيز أمس (السبت) أنه إشترى الرقم بالغ التمييز من إحدى منافذ البيع بمبلغ (85) مليون جنيه "بالقديم " ، وقام فورا بتسجيل بياناته الشخصية كمالك للرقم في سجلات المشتركين بشركة سوداني للاتصالات منوها إلى أن فاتورة الإستهلاك الشهري للرقم موضع النزاع ، تصدر بإسمه دوريا من شركة سوداني .

من جانبه قال الوالي أمس السبت : إنه قام بشراء الرقم في وقت سابق من إحدى الجمعيات الخيرية بمبلغ (35) مليون "بالقديم " كمساهمة منه في أحد أعمالها الخيرية ، وأنه كان يستخدمه لفترة محدودة لافتا إلى أنه قام بتسليم شركة سوداني للإتصالات إنذارا قانونيا بواسطة محاميه بعد علمه بأن الرقم متداول وأنه معروض للبيع .

وعلمت مصادر أن الرقم المميز قد عُرض مؤخرا على قطب المريخ الشاب إبراهيم ملاح بمبلغ 124 مليون جنية "بالقديم " ، عن طريق أحد الوسطاء في الوقت الذي أكد فيه رجل الأعمال الشاب النور عبد العزيز أنه لا يمانع في بيع الرقم حال عرض عليه المبلغ الذي يطلبه .

وكان رجل أعمال قطري إشترى أمس السبت رقم هاتف مميز ينتهي بـ(6666666) بمبلغ (2.75) مليون دولار في مزاد خصص عائده للأعمال الخيرية في العاصمة القطرية الدوحة .

صحيفة الأهرام اليوم


#612881 [ali]
5.00/5 (1 صوت)

03-18-2013 03:55 PM
حرامية أولاد كلب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
6.00/10 (1 صوت)

الاكثر تفاعلاً/ق/ش

الاكثر مشاهدةً/ق/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة