الأخبار
أخبار إقليمية
الفساد محمي بالقانون
الفساد محمي بالقانون
الفساد محمي بالقانون


03-26-2013 08:10 AM

ابراهيم ميرغني

في المؤتمر الصحفي الذي انعقد اول امس كشفت وزيرة الموارد البشرية الحجم الهائل للفساد في وزارتها. والملاحظ ان الاعلان تزامن مع الاعلان التجاري المسئ للسودانيات وفي اعقاب مشادات واتهامات متبادلة بين نقابة العاملين والطاقم الوزاري.

ومن جملة ما قالت الوزيرة ان مدير الشورن المالية والادارية موظف مزور وانه ليس موظفاً بالخدمة المدنية وليس له تسكين بديوان شؤون الخدمة حتى وصل الى الدرجة الثانية وبعد عامين يفترض ان يصل مرتبة وكيل وزارة واوضحت الوزيرة ايضاً ان الموظف المذكور جاء الى الوزارة بخطاب انتداب مزور يوضح انه في الدرجة الرابعة في عهد الوزير السابق وقالت عندما وصلنا التقرير النهائي للتحقيق اتضح ان الحالة اشبه بطبيب عطبرة المزور . فهل يعقل هذا؟ هل وزارة بكاملها لا تستطيع التاكد من صحة خطاب انتداب موظف حكومي من مرفق الى اخر وكيف استطاع هذا الموظف الاستمرار في هذه الوظيفة لفترة عامين ولماذا كشفت الوزيرة التزوير في هذا الوقت بالذات فالفساد في ظل دولة الانقاذ ممارسة يومية تتحدث عنها تقارير المراجع العام واللجان الحكومية الكثيرة التي شكلت للتحقيق في الفساد وما يكتب في الصحف عن فساد شركات الاتصال ومؤسسة الاقطان والخطوط الجوية السودانية وخلافه لكن لا يتم الاعلان عن أي نتيجة لاي تحقيق ولا تتم محاكم أي مختلس او مزور او مستغل لنفوذه لانه ببساطة الفساد بمحمي بالقانون في دورة المشروع الحضاري.

الميدان



تعليقات 18 | إهداء 1 | زيارات 3084


التعليقات
#621863 [adil a omer]
0.00/5 (0 صوت)

03-28-2013 04:00 AM
شل شل شل كب لى جالون حسب القانون

كب لى خطين حتى لو بالدين

هاك الجالون ده


#621716 [الطريفي زول النصيحه]
0.00/5 (0 صوت)

03-27-2013 10:02 PM
يعني يدوب الجماعة ديل انتبهوا انه الوزيره ما محجبه ياخ انتو قايلننا نحن شنو ؟ ماكنتوا غاضين عنها البصر ! لمن هسه طلعت الفضايح و العفن خلاص ما لقيتو ليها غير حكاية انها ما محجبه حق تريدون به باطل ياخ انتو مفتكرين انكم ما حتقابلوا ربكم ؟


#620620 [maazalhaj]
0.00/5 (0 صوت)

03-26-2013 10:09 PM
هي اسع طالعة برة الموضوع اول شى اتحجبي


#620580 [Sudani Sai]
0.00/5 (0 صوت)

03-26-2013 09:15 PM
المدير المالي الذكرته الوزيرة الله يستر ما يكون زولنا بتاع مفوضية الإستثمار في ولاية شمال كردفان السابق يا أخ ده مش فاسد ده الفساد بعينه يا أخي ده خريج ثانوي وعامل فيها أفهم زول في الإستثمار والإقتصاد ومعروف في شمال كردفان بفساده من ما كان في وزارة المالية وقصة توصيل الكهرباء لبيته في حي المطار بالأبيض ولإدارته لمفوضية الإستثمار من منزله بالخرطوم حيث كان يحضر غليها يومان في الإسبوع حتى تم حلها فاراحت وإستراحت


#620577 [ود البلد]
0.00/5 (0 صوت)

03-26-2013 09:11 PM
اريتك تبقى قدر كلامك وتكملى الباقى عشان نشوف الحقيقة المدفونه وساعتها ممكن نقول ربنا ينصرك وتكونى بالجد قدر التكليف وبعدتى من زون التشريف بالوزارة يا سعادة الوزيرة.واظنهم ماحايخلوك بعد ده عشان كده قولى النصيحة وخارجى رقبتك من حساب الدنيا لانو حساب الاخرة ده ماحقنا .


#620568 [عطشقى سفرى]
0.00/5 (0 صوت)

03-26-2013 08:57 PM
احححححححححى ...قولو وراى وعضو السبابةوصرة وش ...........يمكن نتفشا..........اححححححححححححححححححى.واختومها تف


#620469 [ودمدني]
0.00/5 (0 صوت)

03-26-2013 06:13 PM
إختلف اللصان فظهر السارق ... انت كنت (عامله نائمة ليه) ماحالفة قسم امام الله ورسوله والشعب المسكين ده بالمحافظة علي أموال ومكتسبات الشعب الغلبان ده ولمن عرفتي انك حاتكوني كبش الفداء لموضوع تصدير الراقصات وان وجودك بالكرسي قد دنا فراقه وان الكيزان اعلنوا الجهاد عليك كشفتي المستور حسبي الله ونعم الوكيل عليك وعليهم وده بعكس دوافع مشاركتكم انتم كاتحادي مع العصابة دي ما القصد منكم اصلاح القصد مشاركة سلطة بعد ماضيقوها عليكم وخلوا حزبكم كالهلام


#620443 [radona]
0.00/5 (0 صوت)

03-26-2013 05:41 PM
السيدة الوزيرة على حق
ويجب مساندتها في حربها على الفساد
الايكفي ان الوزيرة اميرة الفاضل انسحبت بسبب الفساد اتريدون التضحية بالوزيرة اشراقة
نحن نعلم انك وقعت في وكر الفساد الذي ستواجهين فيه ما تواجهين وبمختلف الاساليب والطرق ولكن لا تعيري هؤلاء الفسدة التفاته ... انت على حق .. ولو حاولت اي جهة عليا او سفلى اثنائك لا تليني .. المواطن السوداني يعول عليك كثيراونحن نعلم بانك ريحانة وسط بئر نتنة فاسدة ومصنفة من قبل منظمة الشفافية العالمية بالفساد .. كان الله في عونك وسندك .. ولانملك الا ان ندعو الله لك


#620357 [Mohammed]
0.00/5 (0 صوت)

03-26-2013 03:42 PM
شوفو رد المؤتمر الوطني على الوزيره شنو

أعلنت لجان الحسبة وتزكية المجتمع، عزمها على مخاطبة وزيرة تنمية الموارد البشرية والعمل، اشراقة سيد محمود، المنتمية للحزب الاتحادي الديمقراطي جناح الدقير، رسميا ودعوتها للالتزام بالحجاب الشرعي.
وقال رئيس اللجان، الشيخ عبدالقادر أبوقرون ان اللجان ومن باب الغيرة على الدين قررت محاسبة الوزيرة التي ظلت تظهر خلال الصحف كثيرا وهي حاسرة الرأس، مبينا انه سيقدم لها نصيحة ووصية ويدعوها للاحتشام.
واشاد ابوقرون بموقف الوزيرة تجاه اعلان الجنس اللطيف وحرصها على الفتيات السودانيات، وقال ان اللجان كان لها دور اساسي في القضية ونالت قصب السبق بإبلاغ جهاز الامن والمخابرات بنشر الاعلان في احدى الصحف السياسية، والذي يطلب فتيات للعمل بالكويت، وطالب ابوقرون، بإغلاق مكاتب الاستخدام التي تقوم بإجراءات سفر نساء السودان دون محرم الى خارج البلاد، وقال انها «ليست قضية بحث عن عمل بل دعارة واضحة»


ردود على Mohammed
Sudan [محمد] 03-26-2013 10:45 PM
المحسبه لمنو الجديد شنو نحن دوله مسلما الدستور وين


#620335 [Abeer]
0.00/5 (0 صوت)

03-26-2013 03:21 PM
اشراقة يايمة زي البنات لحدهن حلاااااااتة لكن يابت امي الشعيرات ديل ماتغتيهن النسوان كلهن اتحجبن اتقنعي عليك الله القيامة قربت


#620313 [عباس]
0.00/5 (0 صوت)

03-26-2013 03:01 PM
يكفي ماخذوه من العمال الذين يريدون ان يعملوافى ليبيا من 110 الى 600 و750 الف عشان ورقة تسمى الممانعة


#620191 [وطني غيور]
0.00/5 (0 صوت)

03-26-2013 01:27 PM
اه ناس الحسبه قامو عليك وقالوا تتحجبي ده هو الحل للفساد يا بنتنا

دحين خاطبي الميديا وقولي ليهم يختوا صورت الجديدة ام حجاب حسب توجيهات اهل الحسبة


#620122 [abubaker]
0.00/5 (0 صوت)

03-26-2013 12:46 PM
الاخ / ابلااهيم اظنك كنت نائم في الفترة الانقادية لان الفساد اصبح من شيمت الانقاز وليس هنالك عمل بدون فساد الارحمك الله ورحم والديك اكتب عن شي غير الفساد


#619985 [عنبر عمر الطيب]
5.00/5 (3 صوت)

03-26-2013 10:55 AM
يا الوزيرة الانت يا بت سيد محمود ...من المفترض المحاكمة تبدأ بيكى لأنك المدة دى كلها متسترة عن الفاسدين والنهبوا مبالغ كبيرة زيما بتقولى .. انت كنتى وين وللا لمن حبل حكاية تصدير الفتوات والاعلان القذر والهجوم الشديد من المواطنين الشرفاء التف حول رقبتك ياداب تعلنى ان هنالك اختلاسات فى الوزارة ... يعنى على وعلى اعدائى ... ويا حليل الشعب الطيب ... اذا اوكلت الامور الى غير اهلها فانتظروا الساعة .


#619927 [اسامة الشريف]
0.00/5 (0 صوت)

03-26-2013 10:16 AM
قلنا قبل هذا ونقول الآن وسنقولها مليون مرة
مالم يستصحب القضاء أسلوب التشهير على الجاني لن ينصلح الحال
وسيكون كل ساعة هنالك مليون حرامي إبن كلب
لابد من التشهير في وسائل الإعلام بأن يسمح لمصوري الصحف والقنوات التلفزيونية بتصوير هؤلاء المجرمين السفلة .
والسلام


ردود على اسامة الشريف
Saudi Arabia [اسامة الشريف] 03-30-2013 01:14 PM
تحياتي سيد ابوالمكارم من الامارات
الشريف المرتبط بالاسم هو اسم والدي عليه رحمة الله
يعني اطمئن ماليه علاقة بالشرفاء بتاعنك

بعدين انت ياخوي مخلي الموضوع دا بي حاله وجاي تسألني من الشريف دا منو ؟؟
أها كمان ماعايز تعرفوا كان شغال شنو ؟؟ ووين ؟؟
اذا حبيت بعرفك
تحياتي للامارات مقيمين وسفارةً
اسامة الشريف

United Arab Emirates [ابوالمكارم] 03-26-2013 12:45 PM
اخ اسامة افصح الشريف منو؟؟؟؟؟؟؟؟؟صرنا نتحسس وانت عارف اى واحد يقول الشريف يطلع ما شريف حتى نفهم قول شريف هثرو ولا نيجيريا وماعارف شريف تجارة خار...؟؟؟؟؟؟؟؟!!!!!!!!!!!!!


#619904 [واهن من الفساد]
0.00/5 (0 صوت)

03-26-2013 10:01 AM
معروف الفساد من زمن عيشة


#619842 [ابومحمد]
0.00/5 (0 صوت)

03-26-2013 09:23 AM
ههههههه , وانتى قاعده تسوى شنو يا خادم الله ؟؟!!


#619817 [AbdelRahman]
5.00/5 (2 صوت)

03-26-2013 08:56 AM
الوزيرة تريد تشتيت الكورة اى صرف النظر عن الفضيحة .فسااااااااااااااد +اعلان مسئ = استقالة حالا لشخص عنده كرامة وعزة نفس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (2 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة