الأخبار
أخبار إقليمية
جلال الدقير: "اشراقة"رفعت رؤوسنا وثوبها هو ثوب أمي وأخواتي
جلال الدقير: "اشراقة"رفعت رؤوسنا وثوبها هو ثوب أمي وأخواتي
جلال الدقير:


شن هجوماً على لجان تزكية المجتمع
04-01-2013 04:53 PM
الخرطوم -
تحولت الجلسة الختامية لملتقى أمناء الولايات بالحزب الاتحادي الديمقراطي، مساء أمس الأول، إلى تظاهرة سياسية ساخنة داخل دار الحزب بالخرطوم، لدعم وتأييد وزيرة العمل وتنمية الموارد البشرية القيادية بالحزب "إشراقة سيد محمود"، وقدم رئيس الحزب الدكتور "جلال الدقير" - حسب مصادر (المجهر) بين ممثلي الولايات - مرافعة مطولة عن الوزيرة وقال (إنها بحربها على الفساد إنما تعيد مجد الاتحاديين التليد). وأضاف "الدقير" في كلمته أمام الملتقى: (إشراقة رفعت رؤوسنا جميعاً، وهي تستند في محاربة المفسدين على أرضية صلبة مدعومة بالوثائق والمستندات).
وشن مساعد رئيس الجمهورية د. "الدقير" هجوماً على لجان تزكية المجتمع التي وجهت انتقادات لثوب الوزيرة وقال: (ثوب إشراقة هو ثوب أمي وأختي.. وأمهاتكم وأخواتكم).
وفي السياق اكد الدكتور احمد بلال عثمان وزير الاعلام والقيادي البارز بالحزب الاتحادي ان وقفتهم مع الوزيرة المستهدفة ستكون قوية وصامدة.
وكشفت مصادر أن عدداً من ممثلي الولايات أشادوا بمواقف الوزيرة وتعهدوا بالدفاع عنها بكل ما أوتوا من قوة.

المجهر


تعليقات 20 | إهداء 0 | زيارات 7558


التعليقات
#627005 [وطني السودان]
0.00/5 (0 صوت)

04-02-2013 11:16 PM
حمـــــــــــــــــــــــــــــانا الله منكم ومن افعالكم,كلكم في الفساد اخوان


#626928 [جركان فاضى]
0.00/5 (0 صوت)

04-02-2013 08:38 PM
يقول الدقير(انها-اشراقة-بحربها للفساد تعيد مجد الاتحاديين) مالقيت ليك طريقة لاعادة المجد للاتحاديين الا من خلال نظام الانقاذ؟مبروك يا اتحاديين على هذا الانجاز ونتمنى لكم مزيدا من الاشراقات


#626766 [قنقر]
0.00/5 (0 صوت)

04-02-2013 04:03 PM
وهل تعين اخيها مدير لمكتبها داخل برضو فى محاربة المفسدين و رفع الرأس اخجل شوية يا دقير لكن انت الخجل تجيبو من وين


#626618 [ابوعبدا]
4.00/5 (1 صوت)

04-02-2013 01:30 PM
قال رفعت راسنا وانت عندك راس .وبعدين هى ذاتها والدقير من اكبر المفسدين .المتعوس وخائب الرجاء


#626377 [sanmka]
1.00/5 (1 صوت)

04-02-2013 10:42 AM
هل قدم الدقير وإشراقة ديل إقرار ذمة ، إذا كانو فعلوا فعليهم أن يبرزوه لنا حتي نعلم هل هم حرباً علي الفساد، أم جزء من حزب الفساد


#626258 [الفجري داك]
5.00/5 (2 صوت)

04-02-2013 09:20 AM
يالدقير ياشهامة الرجال ؟ لماذا لم نسمع لك صوت عندما تم إعتقال هندوسة الصحفية !
هل كانت ترتدي عباية ولاأسكيرت ؟
قال .وشن مساعد رئيس الجمهورية د. "الدقير" هجوماً على لجان تزكية المجتمع التي وجهت انتقادات لثوب الوزيرة وقال: (ثوب إشراقة هو ثوب أمي وأختي.. وأمهاتكم وأخواتكم).
وين ثوب هندوسة من إشراقة بنتك وأمك والكلام العسل دة ياقومي .
نسال الله أن يرينا فيكم عجائب قدرته يالملتحفين بالرزيله !!!!


#626114 [أبوعلي]
5.00/5 (1 صوت)

04-02-2013 05:42 AM
إشراقة رفعت رؤوسنا جميعاً،

هي فضلت عندكم رؤوس ، ماهي مندكسة من سنين ومابتترفع تاني
هي دي روسين البترفعا مرة فاسدة ومتستّرة على الفساد لسنين
ياخي أسكت وخليك في لحسك لي أقدام الكيزان
أو أمشي سافر لتدير شركاتك في أبوظبي
شركاتك الممولة من عرق الشعب السوداني ، يا بائع كرامتك وضميرك


#626019 [river]
0.00/5 (0 صوت)

04-01-2013 10:55 PM
هى زتقة للحكومة اشراقة بقتلهم شوكة حوت بالله ما تستحى لجان الحسبة من الفساد الازكم الانوف ولا تحرك ساكناابس كلام الدقير دا الجماعة بحفرولو


#625990 [nagatabuzaid]
3.00/5 (1 صوت)

04-01-2013 09:57 PM
كدى فهمونى اشراقة الظهرت فى بداية الهيجة صفراء فاتحة اللون مسبسبة الشعر ضعيفة هى


ذاااااااااااااااته اشراقة الصور الاخيرة وصورة اليوم لونها غامق سمينونة ومدغلبة ما شاء ا

الله مغطية الشعر ؟ كان ياها ذاته نصيحتى ليها تمرق من حكومة المؤتمرجية البتسود الوجوه

يا ويلهم يوم تسود وجوه وتبيض وجوه


#625984 [mohamed]
5.00/5 (1 صوت)

04-01-2013 09:52 PM
جزب الاتحادي اصبح مجرد دمية في أيدي النظام يلعبوها الكيزان متي ما شاءوا
اما الدقير و أشراقة ومحمد عثمان الميرغني وغيرهم لا وزن لهم سواء اكتفوا بمسح احذية البشير مقابل حفنة من الجنيهات


#625961 [ابو خنساء]
5.00/5 (2 صوت)

04-01-2013 09:24 PM
انت يا اخونا الدقير تاريخك وموقفك من حزب الشرفاء الذي تدعيه يرد عليك ترهاتك نحن ما لينا في حزبك الديكوري المستنسخ ولا في الوزيرة اشراقه كلاهما في الغدر شرق . وان كنت تعتقد تسلق القضايا مثل قضية اشراقة ونفخ الحلاقيم في الفاضي والمليان سوف ينسينا من انت ولماذا تتمسك وتتمسح بالاستوزار ووظيفة المستشار وضبابية مواقفك وتلونهاكل ذلك معلوم للشعب واصبح الان الشعب يدري من تلطخت اياديه بالفساد ومن اجرم في حقه وحرمه حقوقه وسار في درب النفاق والتمسح بقرب السلطان والبهرجة والصولجان فذاكرته ترصد هؤلاء واؤلئك من امثالكم والفجر لاحت بوادره ولا نامت اعين الجبناء


#625955 [اللورد]
5.00/5 (5 صوت)

04-01-2013 09:11 PM
جلال الدقير ... ده مش كان وزير صناعة في سنوات خلت؟ ولفترة ما بسيطة... هو زاتو مفروض تتفتح ملفاتو .. نحن كنا في السودان أشتغلنا ليو شغل على فيلا تبعو على النيل ... مرطب شديد ... وكان عندو حساب تحت تصرفو في ميزانية شركة كنانة وعلى ما أذكر كان رصيد الحساب ما هين (رسم معين في سعر الجوال)... هو قطعاً ما حساب بأورنيك الحكومة ... ويا ود الدقير ده رقيصاً ما عندك ليو رقبة ... الجبهجية ديل سايبنك ترعى ساكت... هسه بنبشو ليك ماضيك


#625930 [زكرياء]
0.00/5 (0 صوت)

04-01-2013 08:33 PM
ناس الفتة الحارة ارجوها تبرد ديل خلينا منهم


#625919 [عصمتووف]
0.00/5 (0 صوت)

04-01-2013 08:04 PM
وشن مساعد رئيس الجمهورية د. "الدقير" هجوماً على لجان تزكية المجتمع التي وجهت انتقادات لثوب الوزيرة وقال: (ثوب إشراقة هو ثوب أمي وأختي.. وأمهاتكم وأخواتكم).

اولا شربت حليب السباع (ثوب إشراقة هو ثوب أمي وأختي.. وأمهاتكم وأخواتكم).ويطق حنك بجملة مفيده هههه هيههههها


#625898 [Zoul sakiit]
5.00/5 (2 صوت)

04-01-2013 07:24 PM
الحزب الاتحادي هو حزب الشرفاء حزب الازهري الذي كان يستدين لتسيير أمور معيشته حزب الشريف الهندي وابو حريرة والوزيرة اشراقه لاتقدر وحدها علي محاربة المفسدين تجار الدين لذا شنو عليها حربا شعواء بدس الاعلان المشين لكي يبعدوها ثم طالبوها بان تتحجب إمعانا من اذلالها لكي تهرب
لابد من وقفة شجاعه معها تعينها علي كنس اوكار الفساد


ردود على Zoul sakiit
Sudan [nagatabuzaid] 04-01-2013 09:48 PM
علييييييييييييييييك الله اشراقة كم سنة وزيرة فى حكومة الفساد ليه تكلمت عنه الان هى

مشاركة اصيلة ومن يطاطىء راسه اهو ده مصيره بس احمدوا ربكم ما ضموها لناس ود ابراهيم

كنتم عملتوا منها بطلة كدى اذحروا ليها تيس ابيض خلوها تنطوا


#625857 [سودانى منفرج الأسارير]
5.00/5 (2 صوت)

04-01-2013 06:19 PM
يفتنكم ويقل حجازكم ..مسكين مسار طلع زول هوان ..لا لقى اسناد استراتيجى ولا قوافل دعم تشد من ازره .. ضاع وضيع وراهو السيده سناء رغم حملها "الحديد" ذى البأس الشديد .. ما شفعت ليها منافحتها عن الثوابت والتصدى فى حزمة معالجيه للدفاع عمن اشرف على قمة امهات القضايا ألأنقاذيه.. الخطاب ألأنقاذى ألأول,,,
اكيد اشراقه ليها حضور متنوع المرتكزات وكان حيكون حضورها اوسع ارتكازا لو افصحت عن كنه الجهات العليا اللى طلبت منها ألأمساك باطراف فقه الستره وعدم ألأفصاح عما ظل ينخر فى جسم الوزاره من فساد ادارى ومالى...
اها ماذا هى لجنة الحسبة قائلة . نامل الا يصاب رئيسها ومن ومعه بالحصبه والبرجم (بوث آت ذا سيم
"تاين" ..ويسكتون عن المباح وغير المباح من الكلام والتلاعب باللألفاظ.. ومن يعش ير .. دوله تدعى التحضر تنشر مكوناتها غسيلها على حبال التراشق همزا وغمزا ولمزا ...


#625847 [عباس]
5.00/5 (1 صوت)

04-01-2013 06:05 PM
هذا هو الكلام ويجب محاربة المفسدين امثال المنافق الذى يحلف بالطلاق انه تمر عليه الايام ولايجد حق الفطور شوفوا عدم الحياء وصل الى اين من بعض مرتزقى الانقاذ ونحن نقف مع الوزيرة ونشد على ازرها ويجب فضح كل منافق وخائن .


#625822 [ADIL]
5.00/5 (2 صوت)

04-01-2013 05:34 PM
نائب الرئيس طالب بتقديم دليل عن الفساد حتى لا ياخذ الناس بالشيهات وزراء يشاركون معكم لديهم الديل بالمستندات فماذا انت فاعل


#625821 [المتفائلة جدا]
4.00/5 (3 صوت)

04-01-2013 05:31 PM
فى مثل بقول الخنفسانة شافت جناها فى الحيط قالت لولى منضوم فى خيط ..سبحان الله شيوخ الفساد بتمدح فى صغار الفاسدين والله ده زمن العجائب يا بلد..


#625795 [نافر]
4.00/5 (3 صوت)

04-01-2013 05:05 PM
امل ان تصمدي ايتها الوزيرة وأن لا تلوثي يدك بالمال الحرام وواجهي الفاسدين والمفسدين بكل قوة 000 لكن في النهاية الدقير وعصبته سوف يتخلوا عنك وحاتصيري كبش فداء لان الفاسدين أقوى منك لان في بلادي لا أهمية للمستندات والقضاء مسيس ولا استقلالية له بعد ان باع رئيس القضاء السابق هيبة القضاء وسلمها للسلطة والجاه


ردود على نافر
United Arab Emirates [المتفائلة جدا] 04-02-2013 12:18 PM
تواجه المفسدين من وين ؟؟ومن هو الكبش فداء ؟؟والله الحاجة البنعرفها إنه أى واحد دخل مع حكومة الإنقاذ مستحيل يكون نزيه وحتى لو قبل ما يدخل كان نزيه مستحيل يكون لسه فى نزاهته يا عزيزى ديل البدخل معاهم زى الواحد لما يدخل يده فى شوال دقيق حتى لو ما غرف ليه غرفة لازم يده تكون إتغبرت بالدقيق يعنى مستحيل يطلع يده من شوال الدقيق وتكون نظيفة بل من رابع المستحيلات ..يعنى بالعربى الفصيح كده مافى زول حشر راسه معاهم و ممكن تقول عليه نزيه ..يا حليل زمن النزاهة.. لك الله ياوطن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة