الأخبار
أخبار إقليمية
طلبوا منهم التنازل عن البرادو.. شباب يقعون في مصيدة الابتزاز من قبل فتاتين ونظاميين بالخرطوم
طلبوا منهم التنازل عن البرادو.. شباب يقعون في مصيدة الابتزاز من قبل فتاتين ونظاميين بالخرطوم
طلبوا منهم التنازل عن البرادو.. شباب يقعون في مصيدة الابتزاز من قبل فتاتين ونظاميين بالخرطوم


تتم المداهمة في وقت محدد لكشف تمثيلية الافعال الفاضحة
04-02-2013 10:45 AM
الخرطوم: منال عبد الله:

ألقت الشرطة القبض على فتاتين متورطتين في استدراج ثلاثة شباب إلى داخل غرفة بفندق شهير وسط الخرطوم ومن ثم ابتزازهم، بعدما داهم (4) أشخاص آخرون بينهم نظاميان متعاونان مع الفتاتين الغرفة ووجدوا الأخيرتين والشباب في أوضاع فاضحة. و الفتاتين تعمدتا الإيقاع بالشباب، وبعد المداهمة طالب الأربعة أشخاص الشباب بمبالغ مالية نظير عدم تدوين إجراءات رسمية في مواجهتهم لدى السلطات المختصة، واستجاب الشباب لطلبهم وقاموا بإعطائهم الآلاف من الجنيهات نقداً وعبر تحويل الرصيد في هواتفهم وفي مرات أخرى قاموا بمنحهم مصوغات ذهبية وتجاوزت المبالغ الـ(44) ألف جنيه استلمها النظاميان والشخصان الآخران والفتاتان من قبل الشباب الذين لجأوا إلى قسم الشرطة بالرياض بعدما تفاجأوا بطلب أخير من النظاميين بأن يتنازلوا عن ملكية العربة الـ(برادو) الخاصة بهم، وتولت الشرطة التحقيق في البلاغ، وكشفت التحريات عن تعرض الشباب الثلاثة والذين تربط بينهم صلة قرابة لجريمة ابتزاز وتمكنت من توقيف الفتاتين واثنين من المتهمين الآخرين، وفي الوقت ذاته كثفت من تحرياتها لملاحقة النظاميين الذين قادت التحقيقات إلى الوحدة التي يعملون بها بعدما لاذا بالهرب.


اخر لحظة


تعليقات 31 | إهداء 0 | زيارات 18250


التعليقات
#627702 [عثمان الحلفاوي]
4.50/5 (2 صوت)

04-03-2013 04:47 PM
اي كارثة في البلد دي قتل - احتيال - اغتصاب - سرقة - ابتزاز - قواده - نهب -وكل مايخطر ببالك بتلقي فيها واحد من القوات النظاميه كده اتاملوا معاي في الحته ولو ماشريك اساسي يكون مشارك بطريقة غير مباشرةمعناها خبانة من تحت الله يخرب .....


#627662 [بريجاوي]
5.00/5 (1 صوت)

04-03-2013 04:07 PM
طالب الأربعة أشخاص ... = طالب الأشخاص الأربعة...


#627560 [um amed]
5.00/5 (2 صوت)

04-03-2013 02:55 PM
الاخ طارق عثمان انت تصفنى بالجهل وانت لاتستطيع ان تميز من اسمى انا امراءه ام رجل سبحان الله اخى من حقك ان تنتقد رايى ولكن ليس من حقك ان تسبنى لان السب واللعن ليست من شيم المسلم ارجو ان تتقى الله .اشكرك جزيل الشكر اخى صاروخ اثبت لى انك انسان فاهم وراقى ومعدنك اصيل لانك فهمتنى الفهم الصحيح فى كل ما اشرت اليه وخصوصا عبارة بنات السودان.ااسف اذا فهم اى فرد كلامى بطريقه غير التى اقصدها.سبحانك اللهم وبحمدك اشهد ان لا اله الا انت استغفرك واتوب اليك


#627521 [موسى الكرين]
5.00/5 (1 صوت)

04-03-2013 02:27 PM
بعيدا عن الخبر ياجماعة العربية الفوق دى ما برادو دى لاندكروز ...


ردود على موسى الكرين
Sudan [aboaldo] 04-03-2013 05:57 PM
انت عامل فيها بتاع كرين علي شنو ده برادو ولا انت بتاع هكر في الخليج


#627034 [um amed]
5.00/5 (1 صوت)

04-03-2013 01:25 AM
لا حول ولا قوة الا بالله فتاتين يبتزن الرجال عديمات التربيه ياخساره يابنات السودان وصلتن مرحله متاخره من الانحطاط وين اهلكن دا نتاج عدم الايمان والبعد عن الدين وكيف صاحب الفندق ياجر لهم غرفه من غير قسيمة ذواج المفروض محاسبته معهم . على السودان السلام


ردود على um amed
Saudi Arabia [صاروخ] 04-03-2013 12:40 PM
يا طارق الزولة دى اسمها ام احمد يعنى هى بنت . تانى شئ من انت حتى توصف الآخرين بالجهل . اتقى الله. ثالث شئ يجب ان تكون ضليع باللهجات فالسودانى يتحدث بلغة الجمع حتى عندما يتكلم عن نفسه بيقول على سيبل المثال مشتاقين وليس مشتاق . اذآ بنات السودان لا تفيد الجمع . اما نسب صيغة الرجل للمرأة فهذه ليس من لغتنا. تحياتى

United States [طارق عثمان] 04-03-2013 05:39 AM
لاتعمم ياجاهل ..لم يقولوا لك بانه تم القبض علي بنات السودان .. لسن كلهن انبياء ولسن كلهن اشرار .. ايضا نحن الرجال وهكدا هو الانسان خيرا وشرا وهدا بااختصار شديد .. ولكن بجهلك فات عليك اخطر مافي الحدث وهو اشتراك اثنان من ضباط القوات النظامية مع العصابة .. والمرجح انهما من الشرطة لان عمل المداهمة والنظام العام من اختصاص الشرطة وهنا مكمن الخطورة..


#626980 [Amin]
3.75/5 (3 صوت)

04-02-2013 11:12 PM
نظاميين ..مبتزين ..قوادين..شرهين .. طماعين.. لصوص..جبناء هاربين



في سوء ياأخوانا أكتر من كده


#626952 [طارق]
4.38/5 (4 صوت)

04-02-2013 10:28 PM
يعلقوا ع شنو ولا شنو ؟؟
نعلق ع بناتنا البقن منحرفات و لا ع الاجرام بتاعم ؟؟ نعلق ع الفنادق البترعا الدعارة ولا ع الاداهم تصريح ؟؟ نعلق ع البوليس الببتزا المواطن ؟؟ ولا ع الناس البتضيع قروشا ف المسخرة ؟؟ نعلق ع النظام ولا النظاميين ؟؟ ع الوطن ولا المواطنين ؟؟

احسن اسكت "!"


ردود على طارق
United States [aladdin] 04-03-2013 05:17 AM
ما عرفت أقول شنو!
لا حول و لا قوة إلا بالله


#626945 [abu MORAM]
5.00/5 (5 صوت)

04-02-2013 10:09 PM
يا حلليل السودان


#626906 [حسان]
3.25/5 (9 صوت)

04-02-2013 08:59 PM
ديل ما اولاد الاثرياء الجدد!!! اسه في زول بيلقط من الشارع!!! في الزمن ده!!! حته الصعلقه مانافعين فيها!!!


#626760 [الضريسة]
5.00/5 (1 صوت)

04-02-2013 04:52 PM
الفارات دقسوا و طمعوا و ده الجاب ليهم الهواء و دى البلادة ذاتا..عايزين برادوعديييل..


#626730 [احمد]
4.00/5 (4 صوت)

04-02-2013 04:18 PM
ما الحكومه ساعدتهم بالقانون سئ السمعه الاسمه النظام العام استغلوه الفاسدين من الشرطه لابتزاز البشر وتصفيه الحسابات وتلفيق القضايا


ردود على احمد
Sudan [زعلاااااااااان شديييد] 04-03-2013 10:48 PM
انا لو عندي إمكانية بعمل لي مليون عصابة من النوع دة ... عشان الناس العندها قروش و ما عارفا إلا تهتك بيها أعراض المساكين يفلسوا ويتوبو ... ولا شنو يا جماعة ...


#626723 [عصمتووف]
4.50/5 (11 صوت)

04-02-2013 04:06 PM
انا في العواليق ديل الله منحهم بسطة في الرزق في مقدورهم الزواج 4 نسوان بدلا عن واحده لكن ربنا يمهل ومد لكم في طغيانكم


بالله 44 الف ودهب + البرادوا كانت عرست لي واشتريت بيت 50 سنةما قادر اكون نفسي وغيري كثير من البايرين والبايرات ماحوجهم لتلك الا موال التي تصرف ارضاءا للشيطان والنزوات

حليل الباع عنقريبوا وقام بليلو


ردود على عصمتووف
Sudan [عصمتووف] 04-02-2013 08:30 PM
الاخ سوداني الحمدلله قنوع جدا الجنية وال10 عندي واحد واحمدالله بنظر تحتي لا انظر فوق للاعلي وبقول الحمدلله واموال مثل تلك لا اتمناها لكن اقصد تلك الاموال عند الاغنياء السفهاء لو تبرعوا بها في مشاريع لدعم الشباب العزاب او الاسر الفقير ه بدلا عن صرفها علي الداعرات حكمة من الله بعثها لكل فاسد الله يمنحا كل شئ ويمهد لنا طريقان الفساد والخير ولنا الخيار هؤلاء اختارو الطريق الاول ومد لهم حتي سقطوا وانفضحوا هي العبرة

Sudan [سوداني] 04-02-2013 06:32 PM
احسن ليك حلالك من مالهم الحرام


#626707 [المستغرب]
5.00/5 (3 صوت)

04-02-2013 03:50 PM
هذه الحكاية قطرة من محيط الحاصل . . واسمعوا لمسدار النصيحة البقول اولاد الكبار بالثابته في كم مادة . . .


#626677 [الطريفي زول النصيحة]
4.75/5 (5 صوت)

04-02-2013 03:20 PM
للاسف الاختيار للعمل بسلك القوات النظامية اصبح غير دقيقا و يعتمد على المحسوبية و المجاملة و الجهوية مما افرز وجود اشخاص يعملون بهذه المهنة الشريفة و هم ابعد من الشرف و الامانه والاخلاق و المسؤولية ليت اولي الامر ينتبهوا للقيم و السلوك السوي عند الاختيار حتى يسلم المجتمع من هذه الممارسات البغيضة .


#626676 [بو المحضار]
5.00/5 (3 صوت)

04-02-2013 03:19 PM
يا صاحب الفندق كيف لك سمحت بدخول من هم لا رابط شرعي بينهم معروف عن الفنادق لا تسمح بدخول حد حتي تدقق في شهاده الزواج الوثيقه ان كان متزوجا ولا عازب يفصل في غرفه منفصله 4 لا رابط شرعي بينهم يحاسب اداره الفندق اولا وتانيا قضيه المجرميينديل


ردود على بو المحضار
United Arab Emirates [هيثم عوض] 04-02-2013 07:54 PM
انت صح يا بوالمحضار


#626658 [Fatah El-Rahman]
5.00/5 (1 صوت)

04-02-2013 03:07 PM
كيف كدا الصورة ظبطت ؟


#626603 [MOGTARB]
4.50/5 (3 صوت)

04-02-2013 02:22 PM
ده افرازات عدم حيادة نافع من راية لا الله الا الله.. ومشروع الذى سوف يجعل السودان منارة للتائهين .زاهو جلعوه منارة للفاسدين.هاهاهاااااااااااااااااى.قالوا اسلاميين


#626537 [lahib]
4.72/5 (6 صوت)

04-02-2013 01:27 PM
هسع نعرس كيف البلد بقت كلها مواسير .. وانا قال نازل السودان عشان اشوف لى عروسه .. غايتو ربنا يستر ويسهل لينا امورنا


ردود على lahib
Sudan [ابن السودان] 04-03-2013 01:41 AM
عفو ، تعف نساؤكم. ....

Canada [أبوالزوغ] 04-03-2013 12:48 AM
ياااااLahib أعمل أبوالزوغ وعرس ليك خواجية زى ماعملت أنا .. القصة بقت خربانة هناااااك !

United Kingdom [المغترب] 04-03-2013 12:34 AM
عروسة من السودان !!
انت غلطان عديل
شوف ليك اجنية تحفظك فى مالك وعيالك

United Arab Emirates [زوووول داير العرس] 04-02-2013 07:19 PM
اوعي من البايرة التحت دي يالهيب نفس الاحاسيس والشعور...

United States [ودالبلد دى] 04-02-2013 06:48 PM
هههههههههههههههههههه ارجيهووو يا البايره ربنا يفك بورتك دى وبورة كل الشباب ؟؟؟؟ قال برادوا قال

Sudan [بايرة] 04-02-2013 02:49 PM
جاي متين

تجي ولا نجي في مطار ابو ظبي


#626526 [ود السقي]
5.00/5 (3 صوت)

04-02-2013 01:19 PM
عادي عادي يا شباب ما خفي اعظم انتو فاكرين نحن ما عندنا مهارة اجرام خالص ولا شنو ؟ عموما نحن مرقنا الله يستر علي باقي اهلنا ( بس المفروض يشوفو النظاميين ديل جايين من اي وجهه وتتم محاسبتهم قبل البنات )


#626515 [عاطف]
4.25/5 (4 صوت)

04-02-2013 01:08 PM
شوفو البنات الما بيخجلو ولا يخافو على سمعتهم ياجرو فندق مع شباب ويرضو بنفسهم ان يكونو فى وضع فاضح وكلو من اجل المال


#626506 [abumohanad]
4.50/5 (4 صوت)

04-02-2013 01:01 PM
يعني القوادة بقى ينظمها النظاميون دعارة مقننة يا نظاميين - الله يكون في عون البلد


#626502 [MBC2 !!]
3.75/5 (7 صوت)

04-02-2013 12:59 PM
الجريمة دى مستوحاة من فيلم تم عرضه فى MBC2 وبحذافيره مع إختلاف طفيف إنو هناك راجل واحد وبنت واحدة !! إذن نحن فقنا العالم أجمع بمخرجات مشروعنا الحضارى (حانفوق العالم أجمع )ودهـ شئ جميل إنك تستلهم النص وتضع بصمتك عشان مايكون تقليد أعمى ...


ردود على MBC2 !!
Sudan [تختخ] 04-02-2013 04:01 PM
وكذلك في فلم السفارة في العمارة ولحدي ماتنازل عادل إمام عن القضية.وعلي فكرة الفكرة اسرائيلية وكل أعمال الجاسوسية تتضمنها.ومازال المشروع(حضاري)ياخ قوم


#626497 [واحد من الناس]
5.00/5 (3 صوت)

04-02-2013 12:56 PM
فوضة شديدة دا السودان ولا لبنان


ردود على واحد من الناس
[ابكواميد] 04-02-2013 10:49 PM
ما قلتو السعودية ما فيها *****!!!

Sudan [alaa] 04-02-2013 06:00 PM
الأثنان


#626443 [انصاري]
4.75/5 (6 صوت)

04-02-2013 12:19 PM
ما عادت مثل هذه الجرائم مدهشة،! في ظل المشروع الحضاري،!!؟؟ وإعادة صياغة الانسان السوداني، وفقا لشريعة الإنقاذ، وفي ظل جهاز بوليس وأمن، أغلب منتسبيه، ضباطا، او افراد فاقد تربوي، او فاقد أخلاقي، مسيجين بحصانات، لم تمنح حتي للانبياء والرسل، وقوانين تشرع، التجسس، والتحسس، ودخول البيوت، من غير ابوابها، وتمكن من الفساد.


#626427 [صاروخ]
4.25/5 (14 صوت)

04-02-2013 12:08 PM
المصيبة انو الناس ديل ما دايرين يفهموا بأن الزنا سبب للفقر والهم. ناس زى ديل مقتدرين وعندهم برادو وبيستأجروا فندق فهل لا يستطيعوا الزواج؟. الفقير يستطيع الزواج فما بالك بالاغنياء. تانى شئ كيف سمحت ادارة الفندق بحدوث هذه الامور. يجب معاقبة الشباب والبنات والنظاميين وادارة الفندق. الظاهر السودان كلو بقى فوضى فى فوضى والحمد لله اننا خرجنا من الوسخ ده.


ردود على صاروخ
Saudi Arabia [ابو] 04-03-2013 12:58 AM
يا صاروخ - الله يدينا خير الصواريخ- تعرف الجماعة ديل القروش دي ما تعبو فيها و صحي يذهب الحرام من حيث أتي...لكن القصة في النظاميين الفاسدين ديل!!!

Egypt [محمد أدروب] 04-02-2013 01:50 PM
أخي الكريم هذا مال السحت...من الآن في السودان يملك مال ينفقه بهذه الصورة الا من له صلة مباشرة بالنظام فلايمكن لشخص ان يبدد مال شقى فيه


#626412 [الجعفري]
4.13/5 (4 صوت)

04-02-2013 11:58 AM
يستاااااااااااااااااااااهلو


#626394 [جمعة الكتاحة]
5.00/5 (3 صوت)

04-02-2013 11:52 AM
هاك المشروع الحضاري ده يادكتور مانافع علي


ردود على جمعة الكتاحة
United States [ابتزازى] 04-02-2013 12:28 PM
الحس كوعك يا نافع


#626380 [عاشور على عاشور]
4.75/5 (10 صوت)

04-02-2013 11:46 AM
المال لا يخرج من كف الفتى إلا من الباب الذى منه أتى .


ردود على عاشور على عاشور
United Arab Emirates [lahib] 04-02-2013 01:25 PM
صدقت يا عاشور


#626371 [اسامة نصر]
5.00/5 (8 صوت)

04-02-2013 11:40 AM
كيف يسمح لفتاتين مع ثلاثة شباب بالدخول والسكن بالفندق!يجب محاسبةإدارة الفندق اولاً


#626339 [ود الريف]
4.25/5 (12 صوت)

04-02-2013 11:12 AM
ياجمال النيل والخرطوم بالليل،مش حتقدر تغمض عينيك، المشروووووع الدعاري


#626326 [محمد عباس]
5.00/5 (7 صوت)

04-02-2013 11:01 AM
المصريين عندهم مثل بقول ( أمشى عدل يحتار عدوك فيك ).... يا جماعة الخير أمشوا عدل عشان ما تدخلوا نفسكم فى حتات ضيقه و خافوا من الله قبال ما تخافوا من الفضيحه.


ردود على محمد عباس
Saudi Arabia [سمير] 04-02-2013 05:43 PM
كلام رائع امش عدل وخط مستقيم

الفراغ والشباب والجدة مفسدة للمرء اي مفسدة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (2 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة