الأخبار
أخبار إقليمية
نفوا تأثرها بالدولار... تجار العقارات : السوق يسيطر عليه الكبار
نفوا تأثرها بالدولار... تجار العقارات : السوق يسيطر عليه الكبار



04-02-2013 10:50 AM
تقرير: الطيب علي

نفى عدد من تجار العقارات بالخرطوم تأثر أسعارها بالانخفاض الراهن فى أسعار الدولار واصفين انخفاضه بغير الحقيقي وقال التجار إن سوق العقارات أصبح يسيطر عليه كبار التجار ويعاني من حالة أشبه بالركود موضحين ارتفاع أسعارها خاصة فى مناطق شرق ووسط الخرطوم والتى يباع المتر الواحد فيها بواقع ألف دولار منبهين الى أن انخفاض أسعار العقارات يحتاج لفترة من استقرار أسعار الدولار.
وقال صاحب العقارات نجيب حسن إن أسعار العقارات لم تتأثر بالانخفاض الراهن فى أسعار الدولار منبها الى أن سعر المتر بالخرطوم الكبرى 1000 دولار.
واتفق صاحب وكالة عقارات حميدان بالإسكان الشعبي شارع كبري الحلفايا علي التاج حميدان مع سابقه فى عدم تأثر أسعار العقارات بتراجع أسعار الدولار بسبب احتكار التجار لها واصفا حركة البيع والشراء (بالصامتة)، موضحا أن سعر أقل قطعة درجة ثالثة فى مساحة 300 متر 40ألف جنيها والمتوسطة 60 ألف جنيها فيما يتراوح سعر أعلى قطعة من 90 ألف جنيه فما فوق بحسب الميزات فيما يتراوح سعر المنزل درجة أولى أكثر من مليون جنيه خاصة فى منطقة الواحة مربعات(3، 4، 5)، مبينا ارتفاع أسعار العقارات بمناطق الإسكان الشعبي نسبة لزيادة الطلب عليها بغرض التوسعة باعتبار أن كثيرا من المنازل فى مناطق الثورات وغيرها أصبحت تضيق بأصحابها مما يدفعهم للتوسع بمناطق الإسكان الشعبي والذى تتراوح أسعار عقاراته بمختلف المربعات (71،72،73،76) من 140 ألف جنيه فما فوق بحسب مميزات الموقع فيما تتراوح أسعار الإيجارات بنفس المربعات من (150-250) جنيها للمنزل الواحد.

السوداني


تعليقات 4 | إهداء 0 | زيارات 5713


التعليقات
#627743 [halfa]
0.00/5 (0 صوت)

04-03-2013 05:33 PM
المفروض الدولة تتدخل فى المسائل دي وعملا بدول الجوار الارض ملك للدوله وعلي كل زول جاهز داير يبني يقدم اوراق اعتماد ماليه وشهاده تثبت انه سيبني حالا وهنا تصبح ملكيه منفعه
ما معقول كل زول عنده قروش يشتري عشرين قطعه واطه ويتاجر في خلق الله والراسمالي بدل يشغل قروشه ويشغل اللى حوالينه بادارة اعمال تفيد بها الناس يقوم يجمدها في اراضي ويتاجر فيها ويأجر
عقليه عويرة
والكيزان لا هم لهم سواء بيك كل اراضي السودان
اجيالنا بعدين بروحوا وين
يا كافي البلاء


#626936 [aviv]
5.00/5 (1 صوت)

04-02-2013 09:53 PM
انا مشكلتي كبيرة والله , كدي حاولوا فكروا معاي يا جماعة الخير , والله لي 4 سنة خارج البلاد كل ما الم لي شوية دولارات عشان ارسهايشترو لي قطعه فااااااااااااضية بس لاغير , القي سعر الأراضي في زيادة , بقوم بأجل الموضوع للسنة البعديها ازيد في الدولارات العندي زيادة , وكل م اتصل بلقي الأسعار في السمآء يعني الزيادة بتاعت السنة دي ما بتعمل أي حاجة بقوم بأجل الموضوع للسنة البعديها وهكذا جارين ورآء الأراضي والأراضي جارية من دون فرامل والله ماعارف متين السرعة دي تقيف ؟؟؟
الحمد لله بس الواحد ما مقصر مع الأهل , لكن لو بالطريقة دي كلنا بالذات نحنا الشباب والله لا ح نعرس ولا ح نسكن , ما عارف الحل حيكون كيف يا شباب ؟؟؟؟ساعدونا عليكم الله بتجاربكم وافكاركم لأنكم شعب واعي وحكيم


ردود على aviv
Saudi Arabia [ابو عناد] 04-03-2013 10:17 AM
يا حازم مافي سعر بيقل في السودان .. الا سعر الانسان . خلي الراجل يشتر ي قبل ماتطير قروشو .. اما موضوع البناء والخرسانه كدي شوف ليك واحد غيري ..

Egypt [hazim] 04-03-2013 01:22 AM
زمان ممكن نقول ليك اشتري بعيد و بكرة السعر يزيد,و لكن الان ما في اي ضمان ,يمكن ان تشتري و السعر يقل..لاننا وصلنا حد المرونة خلاص,اراضي ولاية الخرطوم دخلت الولايات المجاورة,كردفان,النيل الابيض,الجزيرة و الشماليه و نهر النيل..لذلك السناريو القادم هو الزيادة الراسية(الابراج السكنيه) لانها الاجدى اقتصاديا..اذا لا يعقل ان اكون ساكن فى الكلية الحربيه ام درمان و اكون شغال فى وزارة التخطيط الاجتماعي(حوالى جالونين يوميا ذهاب و اياب) زائد ساعتين او اكثر سفر يوميا...افضل و ارحم ان اسكن بالقرب من مكان الشغل...ثم ثانيا:اسهل للحكومة ان توفر الخدمات للناس كل ما كانت الرقعة السكنية صغيرة و متمركزة فى اماكن متقاربة

Saudi Arabia [ابو عناد] 04-02-2013 11:07 PM
أتكل على الله وأشتغل رقاصة ...!! خلينا في الجد القروش دي هسع بتجيب ليك قطعه في منطقه بعيده شويه (مثلا نهايه الثورات) .. أشتريها ..وبعد فتره لم ليك قروش تاني واشتري قطعه بعيده تاني ..كده بتحفظ قروشك وبتزيد سعر وطاتك ..في النهايه بعهم واشتري في المكان العايزو..عايزه صبر ،، واي واحده تعرف انو عندك قطعتين بتعرسك بي حالتك دي ..ولا كيف ياعفيف؟

[من الآخر] 04-02-2013 10:56 PM
اشتري بعيد بكرة البعيد يقرب


#626565 [الخمجان]
3.00/5 (1 صوت)

04-02-2013 01:57 PM
الوحد يشتري ليه قطعة في الثورة الحارة75--100بمبلغ 150الف جنيه وبعدين ياجرها بمبلغ150--250 دي يحسبوها كيف ياجماعة.....السودان دة بلد المحن ....بلد فاضيه وواسعة وبعد دة اهلها مضاييقيين....نقول شنو عدم الماعندو مخ ح يتعب ...


ردود على الخمجان
Saudi Arabia [سمير] 04-02-2013 03:44 PM
اذا كان ايجار المنزل 150000 ( مائة وخمسون الف ج بالقديم ) مفروض ا يكون سعر القطعة تقريباً فى حدود 18 مليون جنيه ( متر الارض فى السودان اغلي بكثير من بريطانيا )والل رايكم شنو يناس العقار ؟


#626487 [ود الحاجة]
5.00/5 (2 صوت)

04-02-2013 12:49 PM
الخبر :(((الإسكان الشعبي والذى تتراوح أسعار عقاراته بمختلف المربعات (71،72،73،76) من 140 ألف جنيه فما فوق بحسب مميزات الموقع فيما تتراوح أسعار الإيجارات بنفس المربعات من (150-250) جنيها للمنزل الواحد.)))

المعالجة :بقسمة مبلغ 140 ألف جنيه علي قيمة الايجار الشهري ستجد انك تحتاج الى (ستة و اربعون) 46 سنة على الاقل لاسترجاع قيمة المنزل , و الاعمار بيد الله.

التحليل : المتوسط في الدول الاخرى لا يزيد عن 15-20 سنة أي ان المعدل عندنا بين ضعفين الى ثلاثة

النتجة: هناك مشاكل في الاقتصاد السوداني


ردود على ود الحاجة
Egypt [hazim] 04-02-2013 05:34 PM
السوداني مسكين لا يجيد الاستثمار,ما في انسان عاقل يستثمر 140 الف فما فوق في بيت و ياجرها بمبلغ 150 الى 250 جنيه فى الشهر (منتهى الغباء الاستثماري!!!),اذا طرحت تكلفة صيانات البيت,ضرائب الحكومة فالمسكين يحتاج لقرن من الزمان لاعادة راس ماله..هههههه,دا كلو لان السوداني كسلان و جبان لا يريد ان يشغل فلوسه فى اي مشروع فيه ادنى مخاطرة..النتيجةهي انو كل الناس وقعت فى الاستثمار العقاري حتى اصبح هناك عرض بدون طلب,يعرض البيت للبيع لمدة سنه و لا يشتريه احد...انا اتوقع ان نصل درجة نقول فيها:اشتري شقة الطائف ب150000 جنيه و خذ بيت الفتيحاب ببلاش...ههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة