الأخبار
أخبار إقليمية
ربطوا وضربوا الضابط وكسروا مخازن السلاح ..تمرد وإنشقاق قوة عن القوات الحكومية .
ربطوا وضربوا الضابط وكسروا مخازن السلاح ..تمرد وإنشقاق قوة عن القوات الحكومية .
ربطوا وضربوا الضابط وكسروا مخازن السلاح ..تمرد وإنشقاق قوة عن القوات الحكومية .


المتمردون خارج المدينة بانتظار مفاوض ومخاوف من اتساع حالة العصيان وفقدان النظام السيطرة.
04-22-2013 01:01 AM
كتب : سهل آدم

عاشت مدينة الجنينة عاصمة ولاية غرب دارفور امس يوما عصيبا اثر تمرد (92) من قوات الاحتياط المركزى كانوا يرافقون القافلة التجارية التى وصلت المدينة عبر مسار طويل وخطر ، واعترفت رئاسة الشرطة فى بيان رسمى بتمرد قوات الاحتياط المركزى وقالت انها تتعقبهم خارج المدينة قبل ان تصفهم بالفلول ، فى وقت حذر مواطنون من ان تفقد الحكومة السيطرة على القوات النظامية فى دارفور اسوة بالمليشيات الموالية لها ونبهوا الى احتمالات اتساع وتنامى حالة العصيان.

وبحسب روايات متطابقة لشهود عيان من داخل المدينة فقد بدأت الاحداث حوالى العاشرة صباحا بعد خلاف حاد نشب بين الجنود والضباط حول الرسوم التى يدفعها التجار نظير تأمين الطوف التجارى وتمسك الجنود باحقيتهم فى جزء من تلك الرسوم وهو مارفضه الضباط الذين استأثروا باجمالى المبالغ المتحصلة ، وفقا للشهود ، وتصاعدت الاحداث لتشمل اطلاق نار مكثف اثار الرعب والهلع فى المدينة التى كانت قد شهدت إضطراباً آخر واغلق سوقها الرئيسى الاربعاء الماضى بسبب احتجاج التجار على رفع رسوم دخول العربات الى البورصة من 4 الى سبعة جنيهات وشهدت الاوضاع تطبيعا حذرا بعد الغاء الزيادة فى رسوم الدخول والانخفاض التدريجى فى اسعار السلع التى شهدت ندرة حادة الايام الماضية.

وابغ الشهود (الراكوبة) ان جنود الاحتياط المركزى قاموا بضرب وربط ضابط برتبة مقدم واطلاق الاعيرة النارية وكسر مخازن السلاح والاستيلاء على كميات من المؤن والتزود بالوقود من محطة بحى الجمارك بالجنينة قبل ان يغادرورا المدينة باتجاه الجنوب الغربى وهو الطريق المؤدى الى منطقة (فوربرنقا) ، وفيما حدت السلطات من حركة المنظمات والافراد خارج المدينة شاع ان القوة المتمردة ترابط خارج المدينة الى مسافة قريبة بانتظار مفاوض رسمى من الحكومة ورئاسة الشرطة
وفى حين أقرت رئاسة الشرطة فى بيان رسمى بحادثة التمرد لم تذكر عدد الجنود المتمردين واكتفت بالقول انهم على متن (4) عربات نافية حدوث اى خسائر جراء اطلاق النار العشوائى ولفت البيان الى ان القوة المتمردة تزودت بالسلاح والمؤن قبل انسحابها من المعسكر واشار البيان الى ان (القوات لاتزال تطارد الفلول). واكد التعميم الصحفى الذى نشره ايضا المركز الاعلامى لوزارة الداخلية عودة الهدوء الى مدينة الجنية ، فى وقت ابدى سكان خشيتهم من حدوث اشتباكات داخل المدينة واتساع دائرة التمرد فى صفوف الشرطة ، وقال مواطن ان الحادثة تشير الى تدنى الروح المعنوية للقوات النظامية فى دارفور وتنامى حالات العصيان ، واشار الى ان مخاوف جدية من انتقال حالة عدم الانضباط العسكرى والانفلات التى وصمت المليشيات الحكومية مثل حرس الحدود الى صفوف القوات النظامية ، وتخوف مواطنون من فقدان الحكومة السيطرة حتى على القوات النظامية.






تعليقات 69 | إهداء 2 | زيارات 27194


صفحة 1 من 212>
التعليقات
#644790 [انصاري]
5.00/5 (1 صوت)

04-23-2013 12:22 AM
لقد ظلت آلة الدولة العسكرية في المركز دوماً موجهة ضد الشعب، المغلوب علي أمره في الهامش وكلما أطفئوا لهم جنوباً إكتشفوا لهم جنوب جديد ، و منذ فجر إستقلالنا المكذوب، يمارس العسكر هذه اللعبة القاتلة، وهذا التمرد نتيجة حتمية للفساد، وعدم إنضباط بعض الضباط، وعنجهيتم وثراءهم البلاء سبب لبعض ضباط الشرطة، من تعينات الافراد وحوافزهم وشهادات البدل فاقد وإيصالات مخالفات المرور، والتجنيب وحتى مخصصات طعام القوة، خاصة الدفعة60 التي اصبحت سيرتها علي كل لسان، حيث اصبح اغلب افراد هذه الدفعة يملكون العمارات والحافلات والجرارات وفاره السيارات، تملكهم الثراء بلا سبب فجاءة كأنهم ملكوا خاتم سليمان، فهذا الفلتان نتيجة حتمية راجع تقرير مراجع حكومة السودان والقادم أخطر


#644787 [um amed]
0.00/5 (0 صوت)

04-23-2013 12:12 AM
شكرا جزيلا 00 اخى دروغبا 00 الان تاكدت تماما ان الدنيا لازالت بخير وان هناك اخوه بحق وحقيقه يخافون على اخواتهم ولايرضون لهم الضيم .ما عدمناك اخى ان شاء الله


#644751 [حريه]
0.00/5 (0 صوت)

04-22-2013 10:58 PM
علي كل العساكر البندقجية ناس قرآيتي راحت وناس خميس فلس ودخل الديش أن يحذوا حذو عساكرالاحتياطي هولاء لأنهم يمسكوا القرون والضباط بيحلبوا وكمان اذا كان أي واحد لدية اتصال مع القوة التي تمردت أن يحذرهم من العوده ومفاوضة الحكومة ببساطة سوف يطبق فيهم قانون العسكرية ومصيرهم اما الاعدام أو السجن الطويل


#644742 [ياسر محمد طيب الاسماء]
0.00/5 (0 صوت)

04-22-2013 10:35 PM
بسم الله الرحمن الرحيم
الصلاة والسلام علي رسولنا الامين صلي الله عليه وسلم
اولا والله انا مستغرب في كمية المشاركات خاصة في موضوع تمرد قوات الاحتياطي المركزي في مدينة الجنينة وكانوا هذا الحدث هو الوحيد الذي يشغل السودان والسودانين رغم انو الحدث هو نتاج طبيعي لقوات اخذت حجم اكبر من حجمها الطبيعي وصارت كانها هي حامى الحمى في السودان . وانا لا اقلل من مجهوداتها ولكن استنكر التضخيم الاعلامي والتفريق بين الشرطين بسبب المسميات وعدم تفعيل القانون الشرطي في محاسبة الرتب واعني به من ملازم ما فوق وقصة اخونا خير دليل وماخفي اعظم . لذلك جاء تمرد ذلكم النفر لغياب القانون في كل شئ من لحظة التجنيد الي لحظة التمرد والمداراة والتجنيب في ادارات الشرطة هو قاعدة وليس شذوذ كمايفتكر البعض .
والشرطي لو ما اعطيتو شئ ما بمشي معاك خطوة واحدة خاصة لو كان امر قبض وبعدين حق الورق وبعدين حق الكتابة وبعدين حق العربية والفطور لو كان وقت فطور واي وجبة بوقتها وخلاف ذلك حق التعب.
التمرد سببه هو الهاله التي وضعت لقوات الاحتياطي واهمال القانون في محاسبة الشرطي وانا اقوال الشرطي ولا اقصد الافراد فقط بل الضباط كذلك . فلا اصلاح للشرطة بدون تفعيل للقانون ومحاسبة كل من تسؤل له نفسه المساس بكرامةالمواطن السوداني الذي تصرف مالك من اجل حمايته وليس اهانته.
التمرد سيظل مادام هنالك قوانين علي الكتب وليست علي ارض الواقع.


#644741 [سوداني اصيل]
5.00/5 (1 صوت)

04-22-2013 10:32 PM
بسم اله الرحمن الرحيم
التحية لكل واعي ومتفتح من ابناء هذا الوطن الذي يسمي مجازا دولة السودان والذي اصبح في الحقيقة ضيعة الكيزان ومن لف لفهم ...احي هؤلاء الشرفاء علي قرارهم الشجاع وانصحهم بعدم الالتفات للوراء لان هؤلاء القوم ديدنهم القدر والله والله اذا فاوضتم ورجعتم سيتم الغدر بكم وتويلكم الي اسمدة ..والذي لا يريد الانضمام للحركات المسلحة عليه ان يسلم سلاحه لاخوانه ويدخل الدول الافريقية المجاورة وربنا سيجعل له من بعد عسر يسرا ..وانتم ما فعلتم الا الصاح وهو ثورتكم ضد ظلم الضباط المتسلطين مصاصي دماء الاخرين والانتهازيين ..وربنا يكتر من امثالكم واتمني ان اسمع عصيان شامل في القوات المسلحة والقوات النظامية الاخري عشان ضهر هؤلاء الحرامية ينكشف ويولون الادبار ..ويرتاح هذا الشعب الضعيف المنهك التعبان المنتهي نهاية بطل ..والذي يسمي مجازا وافتراضا شعب سوداني يجمع المال لاشعب السوداني البشير وزبانيته من ابو العفين واللمبي ووداد وكرتي والوالي هؤلاء ومصطفي عثمان وكبيرهم الذي علمهم الحرامية عوض الجاز..الله ينتقم منهم .


#644740 [mohammed haroon]
4.00/5 (1 صوت)

04-22-2013 10:30 PM
اللهم ولي فينا خيارنا واكفينا اشرارنا


#644723 [ابكواميد]
5.00/5 (1 صوت)

04-22-2013 09:49 PM
يا جماعة انا مع الاخ على فى قصة الجعلية والدناقلة والشوايقة دى ومعاكم برضو فى انو لازم نحارب العنصرية واول خطوة مواجهة الحقيقة الماثلة امامكم هنالك اغنياء وفقراء،مسلمين وكفار،حكومة ومعارضة ، حناكيش وخراشيم ،هامش ومركز ،و...و...و...ورونى الطفا نور منو؟؟


#644717 [kamal]
0.00/5 (0 صوت)

04-22-2013 09:39 PM
John Garang did the same when he was in southern Sudan


#644716 [عبد الله]
4.75/5 (3 صوت)

04-22-2013 09:39 PM
المفروض انه الشرطة والجيش كجزء من التاهيل ان يتم تدريسهم علوم الدين والنفس والاجتماع التي تربي في الانسان القيم لانه الناس الي بيدخلو الشرطة والجيش عندنا بيدخلو عشان يتحصلو علي فلوس للعيش فاذا حصل اي خلل تحولوا الي مجرمين فضلا عن ان بعض المجرمين يدخلو الشرطة لممارسة الجريمة باسم القانون


ردود على عبد الله
Russian Federation [زغاوى] 04-22-2013 10:57 PM
فاقد الشئ لا يعطيه


#644669 [عين]
5.00/5 (2 صوت)

04-22-2013 08:06 PM
ليس هذا فحسب .. هناك تململ واضح و(كبير) داخل كل وحدات القوات النظاميه خاصة القوات المسلحه .. والايام (حبلى) ..
نرى شجراً يسير ..
سقوط نظام الإبادة الجماعيه والتطهير العرقي الفاسد بات (وشيكاً) ..


#644661 [دبوس]
5.00/5 (2 صوت)

04-22-2013 07:57 PM
النظام نجح في زرع الفتن والعنصرية في اوساط الشعب وبين معارضيه بدرجة امتياز لذلك النظام مستمر ومطمئن كمان ، طالما نحن مازلنا داك غرابي وداك جلابي ياعالم اصحوا


#644584 [um amed]
3.00/5 (2 صوت)

04-22-2013 05:51 PM
اختى 00 نجاة ابو زيد 00 اشكرك شكر جزيل . المدعو00على 00يقول انه ما من الغرب وكانه حانصدقو الاحظ ايى موضوع يخص غرب السودان يتصدى له بالدفاع المستميت وينذل اساءه فى الجلابه كما ينعتهم به .الا ترى ان قرارى عن عدم تعليقى فى ايى موضوع يخص الغرب صحيح لكى ابعد عن عنصرية البعض واساءاتهم .اما حديثك عن المفروض معلقى قبيلة الراكوبه تعليقهم والفاظهم مفروض يختلف عن الحكومه بعد ايه يا اختى البعض يكتب اشياء غريبه والفاظ نابيه وهذه الالفاظ يا اختى تجرح شعورنا نحن النساء فى هذا المنبر اتمنى اخوتى جميعا بل اترجاكم ان تحترموا شعورنا نحن النساء معكم فى هذا المنبر وتكتبوا فيما يفيد ولا تخرجوا عن طور التهذيب ولكم العتبى حتى ترضوا


#644571 [botarig]
1.00/5 (1 صوت)

04-22-2013 05:33 PM
حتى حمايه المواطنيين وممتلكاتهم بقو ياخدو عليها اتاوه , لا حول ولا قوة الا بالله


#644555 [um amed]
3.00/5 (2 صوت)

04-22-2013 05:10 PM
يا 00احمد 00 كلمة جلابه التى يكتبها البعض دائما لا كما تقول انها تعنى اى سودانى يلبس جلابيه .هنا البعض يقصد بها اهل الشمال النيلى بالتحديد كما يصفونهم وكانهم يشتمونهم بها.ثانيا اكيد بخصنى كون انى كتبت انى قررت ان لا اعلق عن موضوع يخص الغرب لان امثال على لايتقبلون الراى الاخر ويسيئون الى وانا لا اتعامل بهكذا اسلوب . ثالثا انا مثلك اكره كل من فى الحكومه اوكان فى يوم ما مع الحكومه من الشمال او من الشرق او من الغرب ومثلك اتمنى ان ياخذهم الله اخذ عزيز مقتدر .


#644542 [um amed]
2.00/5 (3 صوت)

04-22-2013 04:55 PM
وانت يا00 على00 تركت كل المعلقين الوصفوك بالعنصريه وقبلت على انا كالعاده انا ما عارفه انت فلاحتك بس فبنى انا ليه . ثانيا ليه تنكر انك من الغرب بدليل الحديث عن مناوى والحديث عن هذا الموضوع تسيىء لى وتسيىء للجلابه على رايكم وتدافع دفاع مستميت عن اولاد الغرب مع انى اكره هذه اللغه ديل جلابه وديل اولاد غرب لكن اضطريتونا نتعامل زيكم عشان نعرف نرد ليكم ارجوكم نظفوا قلوبكم عشان تعرفوا تعيشوا سليمين


ردود على um amed
Russian Federation [علي] 04-23-2013 11:07 AM
يا أبو عناد بلاش تكسير تلج على حسابنا
قال أيه الفاضلة أم احمد والمدعو علي !!!
يا أخوي كل الموضوع وما فيه أنا سوداني مثلك ومثل أم احمد كرهت الظلم والجغمسة والغش لصالح قبائل محدود خصماً على مصالح الوطن الكبير. ودفعت ثمن سكوتي على الغش بفقدان واحد من أعز المناطق في وجداني (جنوب السودان)، وقررت عدم المجزافة مرة أخرى والسكوت على جرائم الجلابة حتى لا أفقد جزء أخر من الوطن.
لإنهاء الحرب وتحقيق السلام يتوجب علينا أولاً الأعتراف بسيطرة الجلابة (الجعليين ، الشوايقة والدناقلة) على كامل جهاز الدولة السودانية وقد قاموا بتسخير سيطرتهم هذه ومنذ 1956 م لقمع وحرمان بقية الشعوب السودانية من حقوقها في المواطنة، بل تعدوا ذلك لإنتهاك أدمية بعض هذه الشعوب وممارسة الحرب والقتل والإبادة الجماعية اتجاهها كما في جنوب السودان ودارفور والآن في النيل الأزرق وجنوب كردفان. وأنه إذا ما رغبنا كسودانيين لإنهاء الوضع الشاذ القائم في مسيرة الدولة، فليس أمامنا سوى رفض التركيب الهيكلي لقيادات مؤسسات الدولة العسكرية (الجيش، الشرطة والأمن) التي يسيطر عليها الجلابة بصورة شبه حصرية، ونطالب بإعادة هيكلتها بحيث يعكس هيكلها الإداري والقيادي التنوع الأثني والجغرافي لما تبقى من السودان.

Russian Federation [ابو عناد] 04-23-2013 04:13 AM
الانسان الحساس الغارق في الحساسيه لدرجة الارهاق مثل الاخت الفاضله ام أحمد_وده من مكارم الاخلاق_عادة ما يصطدم بشخص (متبلد الحس) مثل المدعو علي .. الذي لانعرف هويته الجغرافية لكنه يبدو سوداني من حظيرة الموتمر الوطني ضل طريقه للراكوبة اذ ان له نفس رائحتهم النتنة ونفس طبعهم الماكر المحب للفتنة.. أقول للاخت واعترف لقد هداني الله على يديك عبر هذه الراكوبه الى جادة الطريق حين اسرفت في امر ديني قولا لا فعلا ..وكنت تحت وطأة غضب عارم مما يحصل ببلدي من ظلم الفئه الضالة التي اذاقتنا الامرين في الدنيا. وسالت الله كثيرا لك الاجر .ولا تخطئ اي عين من اعين قراء الراكوبه عفيف كلماتك وصدق ارائك ..ذلك الصدق الذي سبب لك غير قليل من المشاكل ..لكن والله ان المرء ليبلغ بحسن خلقه مالايبلغه العابد الزاهد .. هل نفقدك عشان هذا ال(علي) الذي لولا ان (جلده تخين) لوجدنا منه اعتذارا بعد اول رد من المعلقين الكثر على بذاءته

Russian Federation [دروغبا] 04-22-2013 10:59 PM
العتبى لك حتى ترضي يا اختي و لكن هذه طباعهم و عقدتهم النفسية التي حيرت اساطين الطب النفسي

فلا تلتفتي له و ليحفظك الله من امثال هؤلاء القمامة


#644519 [ابراهيم]
5.00/5 (1 صوت)

04-22-2013 04:32 PM
الانفلات نتيجه للضغط المفرط


#644503 [ابراهيم]
5.00/5 (4 صوت)

04-22-2013 04:06 PM
ثار الجنوب حتى انفصل
و ثار الغرب و فى طريقه نحو الانفصال
و ثار الشرق
و تمرد هنا و هناك
و غلاء طاحن يعصر المواطنين
و انهيار فى جميع مؤسسات الدولة
و المواطن المغلوب لا يجد العلاج
والامن
و قلنا قبل اليوم اخشى ما نخشى تمرد العسكر

و هذا مؤشر لبداية هذا التمرد والانفلات فى صفوف القوات النظامية

اليوم شرطة الاحتياطى المركزى
وغدا تمرد القوات المسلحة


و مازال البشير رئيسا و نافع مساعدا ديناصورات تجثم على صدور الشعب السودانى لن تغادر حتى ترى السودانيين يقطع بعضهم رقاب بعض

ارحلوا يا فاشلين


#644500 [nagatabuzaid]
4.00/5 (7 صوت)

04-22-2013 04:04 PM
الاخوة والاخوات لا تهتموا لتعليق الجهلاء العنصريين والاخت التى غضبت من ذلك العنصرى البغيض مثل حكومتنا البغيضة وقالت انها قررت ان لا تتناول اى مضوع يمس الغرب للكى لا تتعرض لاى هجوم عنصرى ابدا يا حبيبة لا تتوقفى وليكن شعارنا (انا سودانى انا ) والراكوبة راكوبتنا ونحن ا سيادها ونطلب من ادارة الراكوبة تحذير كل هنصرى وكل من يمس اب او ام او يعير بخلقة الله او يشمت بمرض احد اويعيره به والا سيكون لا فرق بيننا نحن قبيلة الراكوبة وبين الطغمة الحاكمة عديمة الاخلاق والادب نا الحس كوعك وقابلنى برة او يللا الخلا زكلنا قبائلنا فيها المشترك مع هذه الطغمة واولاد الاغرب المنبطحين بالكوم واسماء معروفة

نرجع لتمرد العسكر على الضباط الاكلوا حقهم وهم معرضين للخطر اكثر من حضرة الضباط وعندهم اسر منتظراهم واطفال محتاجة جرعة لبن رغم انى تمنيت لو انهم تمردوا لاجل دارفور ولا ننكر ان فى حراستهم للقوافل وتعرضهم للخطر من اجل دارفور بطولة الا ترون سادتى ان موقف الضباط اكلى حقوق الجنود وحقارتهم بالجنود تشبه الحكومة اكلة ثروة الشعب وحقارتها بالشعب والجنود يمثلون الشعب ؟؟؟ اكيد جميعكم قلتم نعم طيب يللا ثوروا ثورة الجنود وتمردوا و اقلبوا عاليها سافلها بس بدون عنصريةوبدون شباب الثورة وما بعرف شنو داك عايزين ثورة ( انا سودانى انا )

عقبال تمرد الاحتياطى المركزى فى الخرطوم ومعه كل الجهات الامنية وتنبعث الثورة من داخل الخرطوم وعدم السماح للمليشيات المسلحة من المعارضة والدفاع الشعبى ما يغشكم ما تامنوا ليه ديل وديلاك بره الثورة لانهم حيجوطوها فهم رجرجة


#644487 [krkasa]
3.00/5 (4 صوت)

04-22-2013 03:47 PM
نحن في السودان وللاسق، لا نتعامل وفقا للقوانين، وانما نتعامل وفق الطبقيات والعنصريات والشلليات والجهويات و..............الخ. وهذا السلوك موجود على كل المستويات وفي كل المؤسسات والاجهزة النظامية اكثر البيئات التي تفوح منها هذه الروائح الكريهة..؟؟
شفت ليك ماسورة...؟؟! بيحاسب دبورة...؟؟!..هكذا كان ينبغي ان يكون عنوان مقالك هذا..؟؟!!
درج مجتمع الانقاذ، في الآونة الاخيرة، على اطلاق عبارة ماسورة..؟؟.. للدلالة على تواضع المعني بها في كل شيء، ويكون عرضة بان تجرى عليه كل حركات (الاعراب)...؟؟..اشهر المواسير على الاطلاق هما سوق المواسير بالفاشر،(اكلو حقهم ودقوهم وخوفوهم)..؟؟.. وعلى المستوى الشخصي، لاعب المريخ السابق (وارقو)..؟؟..اكبر وافشل صفقة في تاريخ الكرة السودانية .

بإختصار شديد، اصل ومنشأ عبارة ماسورة، تعني: ما يحمل على الكتف..؟؟!..وهي عبارة تخص النظاميين على وجة التحديد لمن لا يعلم ..؟؟ ومنها تم تعميمها على الجميع ..؟؟..والجنود عموما يحملون (البندقية) عادة على اكتافهم. وتسمى (ماسورة) وهو اطلاق الجزء على الكل ويشمل ذلك حتى من يحملها ..؟؟ وهم العساكر الذين يمثلون سواد القوات النظامية..؟؟
يقابل هذا في الجانب الآخر، من يحمل على كتفه دبورة..؟؟..ومعروف في السودان من اين ينحدر قبيلة الضباط (الدبورة)..؟؟.. ومن اين ينحدر المشاة (الماسورة)..؟؟..بغض النظر عن المهنية وقيمة العمل فالسودانيون لا يقيمون لذلك وزناً..؟؟
لذا يمكن ان نسمي ما جرى في الجنينة، ثورة (المواسير) على (الدبابير)..؟؟.. وهي تصفية حسابات داخلية خاصة بهم وليس بالضرورة ان يكون محورها الوطن او المواطن.؟؟. وقد تكون هنالك تقاطعات في مكان ما..والله اعلم .
مشاكل السودان، زي (العايرة).. والانقاذ أدتا سوط..؟؟


#644478 [ali alfred]
5.00/5 (4 صوت)

04-22-2013 03:23 PM
مبروك,أبناء دارفور ينتفض من تحت الرماد والركام ليكسر الأصنام،المهمشين يُولدون من جديد وصرخاتهم في الشوارع مثل صرخات الوليد، تؤذن بانبعاث حياة جديدة مملوءة بالعزة والكرامة والحرية والأمل على الرغم من الثمن الباهظ الذي يدفعونه بسبب كسرهم الأصنام(الجلابه)عليهم أن يكونوا مستعدين لتقديم ألوف الرجال أيضاً من أجل تحقيق الاستقلال الثاني,إن هذا الاستقلال أهم من الأول ، لأنه ليس تحريراً للأرض، ولكنه تحرير للوعي والعقل والروح من أَسر طويل وتشويه مديد، وإن كل المؤشرات تؤكد على أن الناس مستعدون لدفع ذلك الثمن.


ردود على ali alfred
Russian Federation [yuram] 04-23-2013 01:27 AM
so true


#644467 [sudani]
0.00/5 (0 صوت)

04-22-2013 03:15 PM
very goooooooooooooood


#644464 [MOGTARB]
0.00/5 (0 صوت)

04-22-2013 03:10 PM
احسن ما عملوا واوصى كل من له قريب مع هؤلاء الجماعة .. يوصيه جيد بان هولاء الابالسة سوف يخدعوكم بمفاوضات وبعد استسلامكم سوف يدخلونكم فى زجاجة ..فقط عليكم بالانضمام الفورى لقوات الجبهة الثورية بكامل عتادكم...ما هى معروفة ضباط اولاد جلابة حناكيش يكسبون من التجار بالمليارات وجنود من اولاد دارفور يعيشون على الكفاف ثمنا لتعريض حياتهم للموت... انا لا ادعوا للعنصرية ولكنها الحقيقة.. واعرف ضباط صغار فى السن اى مشية لدارفور شهرين ثلاثة شهور برجع منها بملاين مملينة وهو مرتبه لا يتجاوز المليون .. اكيد من نفس الحركات دى.. وهنالك ضابط برتبة كبيرة كان يعمل فى ولاية طرفية حق الفول ما عندوا مشى دارفور مع قوات ابوطيرة ..خلال سنتين اشترى ما لا يقل عن ثلاثة بيوت فى العاصمة وتزوج مرتين.. ده كلوا على حساب قوات ابوطيرة... لو رجعتوا تكون مش قوات ابوطيرة.. اكون مخكم مخ طيرة... وسوف تطيروا طيرة ما بعدها طير.. يا طير


#644450 [عاطف]
0.00/5 (0 صوت)

04-22-2013 02:59 PM
لماذا يدفع التجار اجر حماية الطواف وبالتالى يزيدو فى اسعار السلع ويتحملها المواطن الغلبان؟ توفير الامن اليس من واجب الحكومة؟ لماذا لاتدفع الحكومة للعساكر فى شكل حوافز على مرتباتهم


#644441 [أحمد بطران عبد القادر]
0.00/5 (0 صوت)

04-22-2013 02:45 PM
لا أعتقد أن هذا الأمر مجرد تمرد بسبب حوافز او رواتب الموضوع اكبر من ذلك وان هؤلاء المتمرديين وراءهم جهة ما تساندهم وعدد العربات التي خرجت 8 عربات وتذودوا بوااقود من إحدي الطلمبات وتوجهوا الي جهة وادي راتي وقد ذكر لي مسئول فضل عدم ذكر إسمه ان هؤلاء ربما يكونوا من قوات الجنجويد الذين تم توزيعم بين حرس الحدود والاحتياطي المركذي وحسب المصدر ان هؤلاء ربما يكونوا من قوات كوشيب التي تم تدريبها في الخرطوم مؤخرا


#644416 [الكارب]
4.00/5 (3 صوت)

04-22-2013 02:14 PM
المفروض اى عسكرى جلابى بعددا يعمل حسابو..وياولا داتى امشو انضموا للجبهة الثورية عشان تبقوا يد
واحده ,عشان نطرد اى واحد جلابى من وسطنا نحن عيال فور مابنرضى الحقره.بعدين بعد مانحرر بلدنا
عندنا كلام تانى مع الجلابه ديل’ اول حاجة ننظم صفوفنا ونبداء .


ردود على الكارب
Russian Federation [zaina] 04-23-2013 12:03 AM
يازول الله يشفيك من المرض الانت فيهو ده اصلو مرضك ده علاجو صعب شديد
اسة الجلابة البتتكلم عنهم ديل بتكون معرس منهم

امثالكم ديل تعبنا من البحث عن وجود علاج لهم
اذا انت بتطلق على اهل الشمال كلمة جلابة فعندك فى دارفور نفسها بلد الجهل الشديد(طبعا انا من دارفور وافتخر بذلك بس مامعقدة ذيك واهلها ادرى الناس بها)
العنصرية الجواك دى المخلياك تشوف اى شمالى جلابى حسب كلامك فى دارفور وانت تعلم ان العنصرية متفشية فيها يعنى من زمان بنسمع ده ود عرب وده فوراوى مثلا يعنى قبائل من دارفور بتنظر للاخرى مثلا انهم عببد وحتى حركات التمرد ذى ماعلق واحد انو اى حركة قامت قبلية بحتة وده سبب من اسباب الجهل الموجود فى دارفور وحروبها القبلية اللتى لا تنتهى
حاول ابحث عن علاج لمرضك لانو المرض ده بتعالج

Russian Federation [darfury] 04-22-2013 11:44 PM
الكارب انت من وين؟
او بالاحرى بتكتب من وين؟والقال ليك الاتمردوا ديل عيال فور منو؟
للاسف قوات اب طيره لا تستوعب عدد كبير من ابناء الفور,عشان كدا ما تملانا فقر وعنصريه وحديث عن جلابه وفور.نفس الحادثه دى حصلت من اب طيرة فى زالنجى فى اخر 2012 وهاجموا فيها مواطنين وممرضين فى مستشفى زالنجى الملكى وبرضو كانت بسبب قروش ,ديل عبارة عن مرتزقه يفتقدون للضبط والربط جاءت بهم حكومة الكيزان لازلال المواطن لزلك يدهشنى تهليلك وتهليل الكثيرين لتمرد هؤلاء الصعاليك الزين لن يزيد تمردهم القضيه والمواطن الا رهقا, وللمهللين لتمرد هؤلاء نقول ان جنود اب طيره اغبى مخاليق الله ولعل افهم واحد فيهم لا يعرف الفرق بين حركة تحرير السودان وحركة البوليساريو وكل همهم هو المال ولو اعطاهم له الكيزان وامروهم بابادة معسكر خمسه دقائق لفعلوا.
انا من دارفور,ولكنى (وكزلك كل اهلى)لم نحمل فى قلوبنا يوما غلا لاهلنا فى اى اتجاه من اتجاهات السودان وخاصة اولئك الزين لم يحملوا السلاح ولم يشاركوا فى قتل اهلنا وتشريدهم.
لسنا ضد حرية الراى وتكميم الافواه ولكن الاوقات الحرجه تحتاج الى قرارات حرجه,والسودان والسودانيون اليوم احوج للتضامن ونبز الجهويات لاقتلاع عصبة الكيزان,من اجل كل زلك وللمرة المليون وسبعه اناشد المسؤلين فى الراكوبه لحجب اى مقاله او رد فيه اساءة عنصريه لمكون من مكونات سوداننا الحبيب,و اناشد قراء الراكوبه الافاضل بتجاهل اى موضوع او رد عنصرى وعدم الرد عليه ولنجعله cause (معا لمحاربة العنصريه).

اللهم اقم الساعه لنقتص من الظالمين

Russian Federation [هييييييع] 04-22-2013 11:28 PM
انت ما كارب
انت غالباً تكون خائب
وفي الأغلب تكون كوز زارع الفتن

Russian Federation [حسين البلوي] 04-22-2013 06:24 PM
انا اشك انك من ابناء دارفور يا ايها الكارب كن كاربا بحق وحقيقة فان ابناء الغرب هم اكثر محبة لاهل الشمال او ما يعرفون فى الغرب بالجلابة

Russian Federation [shakoor] 04-22-2013 03:28 PM
يا عنصري علق زي الناس يا اصمط شنو جلابي وغرابي وكلام فارغ نحن كلنا سودانيين
بلا عنصرية بلا كلام فارغ قال جلابي قال

Russian Federation [مسلم] 04-22-2013 03:09 PM
إتقي الله يا كارب وخلي الدعوة للقبلية والعنصرية فإنها منتنة وما بتحل مشكلة , إنت الليلة بتبقي عنصري ضد الشماليين أو الجلابة كما تصفهم وبعدين بتبقي عنصري ضد الزغاوة والقمر والهوسا المعاك في دارفور فالعنصرية ما عندها حد بتقيف فيهو خليك زول واعي وأعرف جذور المشكلة وأسعي في حلها بدون عنصرية وقبلية بعدين يا كارب دارفور دي نحن مما سمعنا بيها غير المشاكل القبلية ما فيها حاجة يوم مشكلة بين الفلاتة والفور يوم بين الهوسا والقمر ومرة مشكلة بين الفور والزغاوة ومرة بين الرزيقات والهبانية شغلانية تحير , المشاكل القبلية دي كلها بسبب دعاوي الجهاليل الزيك كده يا أخي حتي الحركات المسلحة عنصرية علي بعضها حركة تحرير السودان رئيسها عبد الواحد فوراوي وهي حركة بتاعت فور حركة العدل والمساوة بتاعت الزغاوة رئيسها جبريل إبراهيم زغاوي يا جماعة يا أهلنا في دارفور إتقوا الله خافوا الله خلو العنصرية طالبوا بحقوقكم بي صورة موضوعية


#644354 [أبو مؤمن]
0.00/5 (0 صوت)

04-22-2013 01:07 PM
( يا علي ) وصلت مرحلة كويسه بأن إعتبرت كل السودانيين عبيد ، وانت منهم وعارف ياعلي أسوأ شئ على المرء شعوره بالدونية فالله يشفيك ويعافيك ويحررك من نفسك لأن هذه العقدة النفسيةالتي بداخلك هي المستعبداك ما في حد مستعبدك .

(ياسعيد ) المسيرات التي خرجت لنصرة غزه ماطلعلوا فيها البتسموهم جلابه بس أنا متأكد بكون متصدرنها ناسكم والآن الضابط الذي تم ضربه وربطه والعاملين فيه الهيلمانه دي بيكون من أبناء دارفور وأنا أعرف أنهم كلهم بيطلبوا نقلهم لدارفور أقرب لأهلهم والفاسدين منهم بيلقوا فيها فائدة كبيرة من تجارة وسمسره وغيرها .


ردود على أبو مؤمن
Russian Federation [محمد أحمد] 04-22-2013 03:32 PM
سيبونا يا جماعة من العرب وخلونا في مشاكلنا. إسرائيل أرض اليهود والعرب عبيدهم فاليهود أبناء سارة والعرب أبناء جاريتها هاجر.

Russian Federation [علي] 04-22-2013 03:29 PM
يا ابو مؤمن لو هناك 10% من السودانيين يمكن أن يصنفوا على انهم عرب، فتأكد تماماً بأنني سكون ضمن هؤلاء الـ 10% . فقصة عبيد وأسياد دي تعدينها بمراحل، والآن الكل يطالب بحقوقه في الدولة .. هو أيه الجديد ما كل السودانيين عارفين القصة وما فيها الجيش والشرطة والأمن الضباط جلابة والعساكر مهمشين. بالمناسبة ناس النيل الأبيض والجزيرة وسنار حسانية، كواهلة، حلاويين، مسلمية، ضبانية، عركيين .. ألخ يعتبرون من المهمشين.


#644348 [بعشوم]
5.00/5 (1 صوت)

04-22-2013 01:04 PM
في رأي أجمل تعليق للأخ ( أبو عناد ):

#644144 [ابو عناد]
5/5 (2 صوت)

04-22-2013 08:55 AM
الموضوع وما فيه .. عساكر لم يعطوهم حافز تامين الطوف ..الذي استأثر به الضباط ( كالعاده ) .. او اعطوهم شوية فتات .. زعلوا وقلعو شويه مواد تموينيه ولجاءوا للخلاء .. ليس هذا هو التمرد الذي نأمله ..الناس من شدة الاحباط وانتظار الفرج وزوال الكابوس الوطني صارت اذا رات ارنب ظنته فيلا .. بدليل الفرحة ( العارمة ) التي طغت على تعليقات الراكوبه وتصدر الخبر ... ملحوظة اخيرة .. الاحتياطي المركزي في الجنينه وماحولها ( اب طيرة) عناصره من الجنجويد .. بني هلبه .. محاميد . وغيرهم وهم الوحيدون الذين يستطيعون .. التمرد.. وارضاءهم بسيط .. حفنة من الجنيهات .
----------------------
هؤلاء الجنود المتمردين لم يتمردوا من أجل أهل دارفور ولا من أجل الوطن إنما تمردوا من أجل أنفسهم فقط
ولهم الحق في ذلك ...لذا عليكم ألا تفرحوا كثيراً.


ردود على بعشوم
Russian Federation [nagatabuzaid] 04-22-2013 03:31 PM
كلامك حقيقة وان تمردوا من اجل دارفور كنا اديناهم مليون تعظيم سلام لكن نستدرك قد يكونوا تمردوا فعلا ولتشويه تمردهم قالوا عنهم ماقالوا والله اعلم


#644332 [north kordofan]
3.00/5 (3 صوت)

04-22-2013 12:39 PM
دائرة الانفلات الامنى ماشة فى توسع والحكومة فقدت السيطرة فى اغلب مناطق الاقليم ما عدا المدن الكبرى (حتى دى محاصرة).. أس البلاوى هو الحكومة الما قادرة تعالج مشاكل البلد وبدل ما تطفئ النار تقوم تزيدها حطب.. وصاحبنا الرقاص اغنيته المفضلة هى المدفع الرزام!!..ما فى حل سوى الحكومة القومية والفيدرالية.. واقليم دارفور ما بينفع فيه الا الادارة الاهلية..


#644308 [um amed]
2.50/5 (4 صوت)

04-22-2013 12:06 PM
الان تاكد لى تماما المدعو00 على 00اكبر عنصرى ويكره كل ماهو جلابى كما يسميهم بدليل عندما علقت من قبل عن مناوى دار حزبه جوارنا وو...الخ تصدى لى بالاساءه وحديثه كله ينم عن كراهيه شديده للجلابه على رايه مع انى حديثى كان تعليق كاى تعليق عن اى فرد كان مع الحكومه بغض النظر عن جنسه ومن يوم اساءته لى قررت ان لا اعلق فى اى موضوع يخص غرب السودان لابعد نفسى من مثل هكذا اساءات ولكن اليوم علقت اليوم لااكد لكم توجهه العنصرى وكراهيته الشديده للجلابه كما يسميهم ونحن فى هذا المنبر لانحب ان نتعامل بهكذا اسلوب وهكذا اساءات ودمتم اخوتى


ردود على um amed
Russian Federation [علي] 04-22-2013 03:23 PM
ايه رأيك يا أم احمد أنا ود عرب
قال عنصرية قال .. هو أيه الجديد ما كل السودانيين عارفين القصة وما فيها الجيش والشرطة والأمن الضباط جلابة والعساكر مهمشين. بالمناسبة ناس النيل الأبيض والجزيرة وسنار حسانية، كواهلة، حلاويين، مسلمية، ضبانية، عركيين .. ألخ يعتبرون من المهمشين.

Russian Federation [ahmed] 04-22-2013 03:12 PM
اولا من هم الجلابة
هو زول لابس جلابية ممكن يكون من الغرب او من الشمال او من الجنوب واقصد بالجنوب الجديد او من الشرق
ثانيا قرارك عن عدم تعليقك لاي موضوع يخص الغرب دا شأنك يا سيد
ثالثا اس العنصرية نابع من المركز بما فيهو غرابة شراقا شمالين وكل من له صلة بي المؤتمر الوثني ونحن كشعب نكرههم في الله ونسأل الله ان يأخذهم اخذ عزيز مقتدر


#644290 [زاهر]
4.38/5 (4 صوت)

04-22-2013 11:45 AM
انا اسكن مدينه الجنينة وكثيرا ما صادفت الطوف التجاري داخلا المدينه وهو شريان الحياه الرئيس لدارفور عموما اذا تأخر عن موعده ترتفع الاسعار مابالك اذا توقف تماما وهو مكون من مئات الشاحنات الثقيلة والمقطورات تفرض رسوم تأمين علي اصحاب هذه العربات لتمنح لهؤلاء الجنود المسئولين عن تأمينه علي طول الطريق للعلم انهم يقطعون عديد الكيلومترات راجلين ومؤمنين للطريق مما يعرض حياتهم للخطر في رحله قد تستغرق شهرا كاملا عند وصولهم الجنينة يصبحون ( لو اطلعت عليهم لوليت منهم فرارا ولملئت منهم رعبا) وهذه من مشقه الطريق ومايبدو عليهم من تعب واعياء ومايعلوهم من غبار واتربة , يطالب هؤلاء الجنود بمايستحقونه فقط من اموال تستقطع ولا يصل اليهم منها الا الفتات قيل مايمنح لهم فقط 75 جنيها ليس الا قد تاتي وقد تتاخر وقد لا تاتي ابدا , وقيل ان قضية مطالبتهم هذه لها عده اشهر اظن انه اذا رفعوا مطلبا يستحق النظر العاجل والحل . اي كانت انتماءاتهم العرقية او الجهوية او النظامية من اين اتوا ان لهم قضية وتعودت السلطات ان لا تنظر الا قضية من يحمل السلاح فلجئوا لاخر الدواء بعد احساسهم بالظلم .
هذا الطوف التجاري بمايحمله من مؤن مطمع لكل ذي سلاح ( قطاع طرق , حركات مسلحه , عصابات , الخ) ولو ارادت السلطات ان تخفف لمواطن دارفور المعاناه لاكملت طريق الانقاذ الغربي وبعده لا طوف لايحزنون ولكن ( لشيئ في نفس يعقوب ) لا يريد المركز ذلك فتستمر المعاناه


ردود على زاهر
Russian Federation [nagatabuzaid] 04-22-2013 03:37 PM
ان كان الضباط لهفوا نصيب العساكر يستاهلوا وعلى الحكومة السجمانة الرمدانة معاقبة الضباط وليس العسكر السرعان ما اسمتهم فلول


#644280 [ماجدحسب الرسول على]
5.00/5 (1 صوت)

04-22-2013 11:38 AM
الهم شتت شملهم وفرق جمعهم واجعل الدائرة عليهم وارنا فيهم اياتك هؤلاء اللصوص القتلة الظلمة امييييييييييييييييييييييين يارب العالمين


#644268 [حمدان]
5.00/5 (2 صوت)

04-22-2013 11:25 AM
تمرد 92 فرد من قوات شرطة الاحتياطي المركزي لسوء في توزيع المغنم بين الضباط و الجنود يدل علي الانهيار الاخلاقي و المهني لقوات الشرطة في السودان مثلها مثل جميع المؤسسات و الادارات والخدمات و المشاريع التي انهارت في عهد الانقاذ البغيض --- الحكومة ستفكر بعقلية الردع و ترسل اليهم قوات كبيرة من الجيش و المليشياتها و مرتزقتها لسحق التمرد او خداعهم بمفاوضات و الظهور بقبول شروطهم حتي يستسلموا و بعدها تفعل بهم ما تريد و سيكون الاعدام مصيرهم جميعا حتي لا تتكرر مثل هذه التفلتات ---
الحل الوحيد امامهم الانضمام الي قوات الجبهة الثورية حتي يضمنوا اولا سلامة ارواحهم ثم يعاد تأهيلهم ليصبحوا ثوار بحق و حقيقة -- و كذلك فرصة للجبهة الثورية لاحتواء الموقف بشجاعة و شرف .


#644262 [سوداني كردفاني]
3.00/5 (2 صوت)

04-22-2013 11:14 AM
كل السودانين مهمشين مافي حاجة اسمها جلابة ما مهمشين ارجو ترك النظرة العنصرية كما ارجو من اهلنا الجلابة ان ينصحوا اولادهم في السلطة للرجوع الي صوط العقل اما العسكرين الذين تمردوا لايغشوهم كما غشوا اخوانهم في الكتيبة التي تمردت من قبل في شمال دافور 2007


#644258 [ادروب]
0.00/5 (0 صوت)

04-22-2013 11:05 AM
لابد من محاسبتهم فكلهم حراميه ،والمسكن المواطن فى هذه الحالة


#644252 [يسقط البشير!]
3.00/5 (2 صوت)

04-22-2013 10:59 AM
انهيار اخر معاقل الدفاع عن النظام قوات ابو طيرة هى اخر ماتبقى للنظامك من قوات يعتمد عليهات فى دارفور !! استعدوا لاعلان دارفور تحت الانتداب الدولى ! لا تستغربوا فقد بدات منذ اليوم تصريحات الامم المتحد\ة ومجلس الامن بقلقهم مما يجرى فى دارفور من انفلات امنى وهذه المقدمة التقليلدية لتدخل الامم المتحدة ومجلس الامن فى اى بلد !!!! سنقول عما قريب الوداع لدارفور!!


#644235 [قلام]
5.00/5 (1 صوت)

04-22-2013 10:33 AM
بالله شوف الضباط الوهم ديل

يعني العساكر المساكين ديل الجابرهم شنو على المعاملة الزفتة و الاكل الذي تعافه الخنازير

و المرتبات الضعيفة و بعد دا يطالبوهم بالموت عشان يحموهم .. حلاة دقدق

اتمنى ان تفعل باقي الكتائب مثلهم فيا يحترموهم يا يتربطوا و يندقوا دق العيش


#644208 [dew drop]
4.88/5 (5 صوت)

04-22-2013 09:53 AM
للاسف ان ما يدعوا الجنود للتمرد التعسف فى المعملات من قبل الضباط المشرفين على تلك المتحركات .. والمعاملة السيئة وعدم المبالاة بهم وباحتياجاتهم الضرورية واستئثار فئة الضبط بكل شئ ... اضف على ذلك قول كبيرهم الذى علمهم السحر الضابط عمر حسن احمد البشير ... المسمى الوظيفى رئيس جمهورية .. هو من يحرض الجنود على العصيان باحاديثة المشينة وعدم سماعه صوت العقل ( لن نتفاوض مع اىّ شخص الا اذا حمل السلاح ) .. مما يحسب عليه فى سلسلة حكم الانقاذ الفاسدة ..


#644201 [حامدابوعبدالمجيد]
3.00/5 (3 صوت)

04-22-2013 09:48 AM
راكوباب تحياتي
هسع يكتبو شنو غايتو حلة جقجقت والحساب شغال الحل الامني مابحل
السلام والامان لو مابقا اجتماعي حتى لو رجعو الطوف مابحلكم
زمان قالو لبنك فوق ايدك مابتداوس بيو


ردود على حامدابوعبدالمجيد
Russian Federation [بدر السما] 04-22-2013 02:52 PM
لكن ياحامد يا خوي قالوا( حلة الكتيرة مابتنجض ) كل واحد داير يفتح يضوق يا يشوف .

Russian Federation [Jedo] 04-22-2013 10:32 AM
هههههه تعليقك رائع وفيهو ريحه سودانا وريحه جروف النيل
الله على الحلّة الجقجقت دي خلااااااص والله نحنا جعانين ليها تب لكن زي ماقلت قربت حقو نغسل يدينا بعد ده


#644198 [عادل نقد]
3.00/5 (3 صوت)

04-22-2013 09:46 AM
هذه هي الغنائم التي يتشدق بها الزبير محمد الحسن الامين العام للاسلاميين............
يعني هم غير مخطئين................


#644181 [مجنون]
2.65/5 (8 صوت)

04-22-2013 09:29 AM
سياسة تجويع الناس بتجى دايما بنتائج عكسية وحزرنا من عدم وجود هيبة الدولة وبسط السلطة والامن مشكلة الكلام دا يدل على ان الدولة فاكة الحبل للاخر الحشاش يملا شبكتو مافى اورنيك 15 بعد كل زول ياخد بضراعة بعد الكلام دا العصابات تكون منتشرة فى كل مكان كل زول ياخد حقوا بايدو ، الامن فى الخرطوم والامن فى دارفور والنيل الازرق واحد عرفتو ليه ما عارفين تديروا البلد يا ناس الحكومة ؟؟؟؟؟؟ طالما الخرطوم امنة ماهاميكم البيحص فى الولايات


#644178 [عصمتووف]
3.00/5 (4 صوت)

04-22-2013 09:24 AM
منع من النشر-ـــــــــــــــــ
منع من النشر
ـــــــــــــــــ
مقالات سابقة

منع من النشر : الثورة كاللحية لا تنتهي بالحلاقة المتكررة

*******************************************************************
منع من النشر : عسكري شرطه اسمه أبوبكر عباس يوسف داير يحاسبوا ليهو عقيد !!
**********************************************************************
حسام الدين بدوي
مدخل أول
يولد جميع الناس متساوون، إلا قلة يصبحون رجال شرطة!
المقولة السابقة تؤكد فرق موجود فعلاً بين المواطن العادي ورجل الشرطة، فالأول يسن القوانين ويضع التشريعات ليحكم بها، ولتضمن له المساواة بين العامة، والتفضيل الوارد لم يأتي من فرضية أمتياز تطبيق القانون ليس إلا، فالأول يضع القانون، والثاني يقوم بتنفيذه وتطبيقه عليه.
في الثقافة الغربية نلاحظ في المشاهد التي تتم فيها عمليات الأعتقال، أو استجواب المتهمين تتم من منطلق القانون، فالشرطي لا يوقف العامة بصفته الشخصية، بل يخاطبك باسم القانون:
- أنت موقوف باسم القانون.
مدخل ثان
السلطة لا تفسد الرجال، إنما الأغبياء، إن وضعوا في السلطة، فإنهم يفسدون.
دائماً ما تتعامل إدارة الشرطة مع القضايا التي تمس منسوبيها، على أنها منزهة من الهفوات والهنات، وتشير في غالب الأحيان على السقطات التي يقع فيها بعض منسوبيها، والتي هي وبلا شك تأتي من باب - لكل قاعدة شواذ- ولا يوجد من هو منزه عن الخطأ.
يغض كثير من المواطنين الطرف على بعض أخطاء رجال الشرطة، التي يرصدها المواطن العادي، والتي لا تحتاج في كثير من الأحيان إلى تدقيق، أو رصد من مختصين، ويتم تجاوزها وعدم التوجه حيالها إلى الجهات المختصة التي تحاسب الأفراد النظاميين من منطلق – دي جرجرة طويلة – تلك النظرية وفي أعتقاد الكثيرين ومن بينهم قيادات الشرطة نفسها، دفعت مرتكبي تلك الأخطاء من المحسوبين على الإدارات الشرطية المختلفة على الاستمراء في ارتكابها.
السياق السابق يتناول التجاوزات التي ترتكب أثناء تطبيق القانون على المواطن العادي.
ماسبق يقود إلى الحديث على التجاوزات التي يرتكبها قيادات الجهاز الشرطي العليا والتي لا يتمكن العامة من معرفتها، والحديث عنها، لكونها تدور داخل جهاز مغلق على نفسه.
تم رصد حالة تعرض فيها أحد منسوبي الشرطة، لظلم وأفتراء – حسب قول المتظلم _ من قبل رتبه تفوقه، ويشير صاحبها إلى أنه لاقي الكثير من الصعوبات في محاسبة من يفوقه في الرتبه داخل جهاز الشرطة.
ويمضي في القول إن اللوائح الداخلية تنص على قوانين محاسبة صارمة، وقانون مدبج تشير كافة نصوصه إلى أنه من المستحيل تعرض أحد إلى ظلم أو تعدي على الحقوق، بيد أنها نصوص نظرية فقط لا وجود لها على أرض الواقع – والحديث السابق لصاحب الشكوى، عريف شرطة أبوبكر عباس يوسف، الذي تقدم بشكوى رسمية مقدمة لجهات المحاسبة داخل إدارات الشرطة ضد عقيد شرطة يعمل رئيساً لأحد أكبر مراكز شرطة الخرطوم بحري.
يروي أبوبكر قصته قائلاً:
بدأت المشكلة بأحضار والدتي إلى قسم الشرطة الذي يرأسه العقيد المقدمة ضده الشكوى، حيث أحضرت والدتي بحجة أنها اعترضت على تنفيذ أمر صادر من جهات حكومية بنقل ملكية وحيازة أراضي سكنية بمنطقة شمبات- الأراضي السكنية السابقة والتي تدور حولها الكثير من المشاكل بين المواطنين وجهات حكومية. يمضي أبوبكر في حديثه، وصلت إلى قسم الشرطة وبدأت في الحديث مع زملائي الحاضرين داخل القسم طالباً منهم مقابلة والدتي المحتجزة بالداخل، وبالفعل أدخلوني، وحينها اعترض طريقي رئيس القسم، وأخبرته بمبرر تواجدي بيد أنه أمر بأخراجي وبالفعل نفذت توجيهه، وقلت لزميلي أن يخبر والدتي أني بخير وأن المشكلة سيتم تسويتها، وأثناء حديثي معه حضر رئيس القسم مجددا وأخذ مني بطاقتي الشرطية، وأمر ضابط آخر بتحويلي إلى الحراسة بحجة أني أثرت الشغب، وحرضت المتواجدين على التظاهر، وبالفعل تم سجني وتحويلي إلى مجلس محاسبة، وعقد محاكمة شرطية غير إيجازية الشاكي فيها العقيد رئيس القسم، لمخالفتي المادة 67 من القانون الجنائي المتعلقة باخلال السلامة مقروءة من الماده 21/ب من لائحة الانضباط لسنة 1994 تعديل 2008.
عقدت المحاكمة في الزمان والمكان المحددين – الحديث للعريف أبوبكر- وصدر حكم ببراءتي لعدم كفاية الأدلة وتأكيد كافة الشهود بعدم شروعي في التهم السابقة وأني حضرت بصفة رسمية لحل المشكلة.
القضية تبدأ من مرحلة براءة المتهم، وشروعه في مقاضاة الشاكي بحجة أنه أتهمه بتهم لم يرتكبها، ومحتجاً على الطريقة التي تعامل بها الشاكي معه طوال فترة المحاكمة وحجز والدته.
تقدم أبوبكر بشكوى لرئيسه المباشر في الإدارة التي يعمل بها، لواء شرطة مدير الإدارة العامة للشؤون الطبية، الذي استلم الشكوى وحولها على الفور إلى الإدارة القانونية بالإدارة، بيد أن الطريقة التي تم بها التعامل في الإدارة القانونية كانت غير متوقعه، حيث أمر المشرف على تلك الإدارة برتبة رائد الشاكي بالتوجة إلى شرطة محلية بحري، ليقول له الشاكي أنه لا يقدر أن يتوجه إلى تلك الإدارة لأنه سجن بها، ليرجع بعدها إلى مدير إدارته الذي أمره بالرجوع إلى الإدارة القانونية مجددا، وهنا وقعت المشكلة حيث اعترض الرائد على سلوك الشاكي في الرجوع إلى مدير الإدارة مجدداً، وقام بتمزيق ورمي الأوراق في وجه الشاكي قائلاً له ( أمشي اشتكي للواء تاني؟).
المرحلة الثانية من التعامل غير القانوني بدأ حين توجه أبوبكر لرئاسة شرطة ولاية الخرطوم حيث قدم شكواه إلى الالية القانونية، حيث قام الضابط المشرف على تلك الوحدة بجمع كل العساكر الموجودين بالقرب منه داخل المكتب وخاطبهم قائلاً:
( تعالو شوفو العسكري دا عايز يشتكي ليهو عقيد؟!).
يحكي أبوبكر بمرارة قصته مستغرباً من الطريقة التي يتم بها التعامل داخل إدارات الشرطة، مبدياً خوفه من الطريقة المتعمدة في اضاعة الحقوق، فهو لم يكن يريد – حسب قوله – سوى تقديم شكوى- وتقديم المشكو للمسألة التي قد تدينه أو تبرئه، لكن لم يجد أذن صاغية لتستمع له، أو فرد يطبق اللوائح التي ارتضوها لتكون الفيصل والحكم بينهم.
قضية أبوبكر السابقة تسير عدد من التساؤلات، عن مدى تطبيق القانون داخل الإدارات الشرطية، والتي وأن لم تحظ بالانضباط الداخلي، بدون شك لن تكون قادرة أو مؤهلة على تطبيق القانون بين العامة، وحفظ وسلامة النفوس والممتلكات، من منطلق الشعار الذي ترفعه داخل كافة مرافقها: ( الشرطة في خدمة الشعب).


ردود على عصمتووف
Russian Federation [عصمتووف] 04-22-2013 08:17 PM
شكرا للاخوان حسان و lwlawa] -- :

العبره في العقلية السودانية الجاهلة المتحجرة عسكرية ام مدنية وهو ما يدل بانه هم القانون والقانون هم لا توجد دولة مؤسسات عصابات *** هي مشكلة غرست في طبقة مدعي العلم والثقافة لا ينظرون الي تحتهم ابدا للحشرات وهذا ما اقصده والامثلة كثيره العسكري هو خالق وسيد علي القوم * عندك عربات القمامة وعمالها والحافلات يسدون عليك الشارع العام بصراحة ما احوجنا للصياغة من جديد كل شخص يعرف حدوده اين تقف واين تبدا ومؤسسات الدولة ليس ملكا لهم نحن من ندفع مرتباتهم هم خدام لنا لا اسياد

Russian Federation [jomo] 04-22-2013 05:43 PM
قانون شنو وحقوق شنو

ديل عبارة عن عصابة جريمة منظمة


الهالك الزبير اول دفعة يخروجهافى عهدهم هذا

ما قال ليكم الشرطة{بدأت من هنا} يعنى انتهت هنا

ولسه انتو شفتو حاجة ؟

Russian Federation [حسان] 04-22-2013 04:29 PM
رغم اننا لسنا من العسعس ولاندري عن عالمهم الغامض الذي ترشح عنه الكثير من الحكاوي والفساد المستشري ولاادل علي ذلك من الغمسة المشهودة لهم بالتجنيب المشهود لوزارة الداخلية والتحصيل الذي يتم دون ورنيك 15كما يقول جبرة!!!في الجوازات والمرور وغيره من الادارات!! تصمت عن هذه التجاوزات الدولة ليتم تقسيم الحصص والحوافز والاستدعات والايتعدادات والماموريات وهلم جرا خاصة من قبل اصحاب الرتب الكبيرة بينما يرفل صغار العسعس في المسغبة!!مما يجلخم باحثين عن تعويض الفاقد والبحث عن كل الطرق لكي يصبحوا كرؤسائهم المنعمين باموال العامه!!! يؤدي ذلك للطواهر التي نراها وخلص نفسك واللبني الذي يمارسه بعضهم في الليالي لحق العشاء والغداء وجيب معاك لبن بودرة!!! اما في التوقيف والحجز فحدث ولاحرج من قزايز الموية بعشرة جنيهات والاتصال بعشرة جنيهات وطلب فلوس من الاهل لتمشي حالك داخل السجن وو...!!!وتحصيل الاتوات من اصحاب المركبات المخالفة والعاملة في غير خطها قبعد الحادية عشر من قبل نقطة الموقف المناط بها السهر علي الامن!!! والحكاوي كثية!! والمفارقة كيف نري الامر في شرطة المسلسلات الاجنبية ودور الادارة الداخلية التي تراقب وتشرف علي العمل الشرطي حتي لاينحرف!1 واظن الكثيرين شاهدوا ذلك INTRNAL AFFAIRS!!1 اما نحن هنا فليس لك غير الانصياع وكلام العسكر ماشي ولاعلي كيفك!!! مما نتج عنه مثل تلكم الخروقات التي تدل علي ضيق افق كبار العسعس وعدم وجود حس امني او شعور بالمسئولية!! لكي يتمرد العشرات من القوات!!! وستساق الحجج والمبررات لتمييع الامر! حتي لايظهر المسروق وتنهار مصفوفة الرولي!!! وهم في حاجة لعسعس مدغمس دون ان يرشخ او ترشح الدغمسه للعامة!! ويكفيهم فحرا ان وزيرهم اللمبي من عتاة المدغمسين!!! وهذا ان دل علي شئ فيدل علي اننا في دولة كرتونية لاتحتاج لعاصفة لتنهار بل لينفخ فيها الوليد قبل دابة الارض للتساقط كاوراق الخريف!!! يعني ورروب واحدة وتتلفت ماتشوف واحد!!! لو كنتم تعلمون!!!

Russian Federation [lwlawa] 04-22-2013 03:34 PM
نحن في السودان وللاسق، لا نتعامل وفقا للقوانين، وانما نتعامل وفق الطبقيات والعنصريات والشلليات والجهويات و..............الخ. وهذا السلوك موجود على كل المستويات وفي كل المؤسسات والاجهزة النظامية اكثر البيئات التي تفوح منها هذه الروائح الكريهة..؟؟
شفت ليك ماسورة...؟؟! بيحاسب دبورة...؟؟!..هكذا كان ينبغي ان يكون عنوان مقالك هذا..؟؟!!
درج مجتمع الانقاذ، في الآونة الاخيرة، على اطلاق عبارة ماسورة..؟؟.. للدلالة على تواضع المعني بها في كل شيء، ويكون عرضة بان تجرى عليه كل حركات (الاعراب)...؟؟..اشهر المواسير على الاطلاق هما سوق المواسير بالفاشر،(اكلو حقهم ودقوهم وخوفوهم)..؟؟.. وعلى المستوى الشخصي، لاعب المريخ السابق (وارقو)..؟؟..اكبر وافشل صفقة في تاريخ الكرة السودانية .

بإختصار شديد، اصل ومنشأ عبارة ماسورة، تعني: ما يحمل على الكتف..؟؟!..وهي عبارة تخص النظاميين على وجة التحديد لمن لا يعلم ..؟؟ ومنها تم تعميمها على الجميع ..؟؟..والجنود عموما يحملون (البندقية) عادة على اكتافهم. وتسمى (ماسورة) وهو اطلاق الجزء على الكل ويشمل ذلك حتى من يحملها ..؟؟ وهم العساكر الذين يمثلون سواد القوات النظامية..؟؟
يقابل هذا في الجانب الآخر، من يحمل على كتفه دبورة..؟؟..ومعروف في السودان من اين ينحدر قبيلة الضباط (الدبورة)..؟؟.. ومن اين ينحدر المشاة (الماسورة)..؟؟..بغض النظر عن المهنية وقيمة العمل فالسودانيون لا يقيمون لذلك وزناً..؟؟
لذا يمكن ان نسمي ما جرى في الجنينة، ثورة (المواسير) على (الدبابير)..؟؟.. وهي تصفية حسابات داخلية خاصة بهم وليس بالضرورة ان يكون محورها الوطن او المواطي. وقد تكون هنالك تقاطعات في مكان ما..والله اعلم .


#644176 [أبو مؤمن]
2.94/5 (5 صوت)

04-22-2013 09:23 AM
رد على العنصري المدعو (علي )
هذه هي اللغة التي أخرت الناس عن التغيير خوفاً من أمثالك وهي لغة القبلية والعنصرية ( الجلابة ) وغيرها من مفردات وأظنك مزروع لهذه المهمة من قبل جهات ذكية تصطاد في الماء العكر ، فيا أخي أغلب المستائيين من هذا النظام والمتضررين منه من الجلابة الذين تتحدث عنهم فإذا كانت هذه لغتكم واتضح أنك غير مزروع فوالله خير لنا ألف مرة ناس الإنقاذ من هذه العنصرية البغيضة.


ردود على أبو مؤمن
Russian Federation [لت وعجن في القديم] 04-22-2013 11:45 AM
جلابة شنو وفارغة شنو
كلكم عبيد اسمكم سودانين
عارفين معناها ولا افسر اكتر


#644144 [ابو عناد]
5.00/5 (2 صوت)

04-22-2013 08:55 AM
الموضوع وما فيه .. عساكر لم يعطوهم حافز تامين الطوف ..الذي استأثر به الضباط ( كالعاده ) .. او اعطوهم شوية فتات .. زعلوا وقلعو شويه مواد تموينيه ولجاءوا للخلاء .. ليس هذا هو التمرد الذي نأمله ..الناس من شدة الاحباط وانتظار الفرج وزوال الكابوس الوطني صارت اذا رات ارنب ظنته فيلا .. بدليل الفرحة ( العارمة ) التي طغت على تعليقات الراكوبه وتصدر الخبر ... ملحوظة اخيرة .. الاحتياطي المركزي في الجنينه وماحولها ( اب طيرة) عناصره من الجنجويد .. بني هلبه .. محاميد . وغيرهم وهم الوحيدون الذين يستطيعون .. التمرد.. وارضاءهم بسيط .. حفنة من الجنيهات .


#644134 [ابو العباس]
5.00/5 (1 صوت)

04-22-2013 08:50 AM
اى كلام يا عبد المتعال والكلام مجان والكتابة ما اسهلها


#644127 [مدحت عروة]
4.88/5 (4 صوت)

04-22-2013 08:42 AM
يا جماعة والله الذى لا اله غيره ان الانقاذ او الحركة الاسلاموية ما هى الجهة التى من المفروض ان تحكم السودان لان برنامجها وطريقة تفكيرها بان القوة والامن والرشاوى السياسية والمالية هما السبل لحكم السودان وقدر ما تلقى من قروش تضيعها فى الحروب وبعد ده كله حال القوات النظامية من تسليح وامداد ومرتبات ماشى للاسوا!!!
السودان ماشى للفوضى ده اذا ما اصلا يعيش حالة الفوضى الان!!!!!


#644121 [سيدي علي]
4.00/5 (1 صوت)

04-22-2013 08:35 AM
كلام خطير ويتبعه الكتير


#644101 [علي]
3.94/5 (5 صوت)

04-22-2013 08:27 AM
هذا خطوة شجاعة ومباركة .. تمرد الجنود من أبناء الهامش في مؤسسة الجلابة العسكرية لها معاني ودلالات عميقة وتنبى عن تحولات مفصلية في هذه المؤسسة القمعية .. قيام الجنود المهمشين بمؤسسة الجلابة العسكرية بربط قادتهم من الضباط الجلابة وركلهم بالجزم فيه رمزية عالية للتعبير عن الانعتاق الأبدي من سطوة وتحكم الجلابي البغيط.

ألف مبروك لشعبنا في هوامشه بصحوة أبناءه داخل مؤسسة الجلابة العسكرية التي ظلت تقتل أبناءهم وتستحي نساءهم وتحرق قراهم ومزارعهم وتغط مضاجعهم .. وها هي بشريات النصر والحرية والانعتاق تترى من الجنينة، أبناءكم الذين ظننتم بأنه مستلبين وعملاء لمضطهديكم، هاهم اليوم يثورون ويركلون القتلة في مؤخراتهم النتنة بالجزم.


ردود على علي
Russian Federation [عبدو] 04-23-2013 01:49 AM
شكلك كوز وأمنجى حتى تخيف أهل الشمال من أهل دارفور ويلتفو حول حكومتم خوفا من ضياع العنصر الشمالى

Russian Federation [zaina] 04-22-2013 11:10 PM
عارف يااخ على السودان ده عمرو.ماحيمشى لقدام طالما امثالك من العنصريين لايزالون على عهدهم من العنصرية القبيحة
اسة قصة التمرد دى ماعندها اى علاقة بالكلام القبيح الانت قلتوا
اتمرد الجنود عشان حقهم المادى
لو الكيزان ديل سابو الحكم وجاء حكم السودان احد ابناء دارفور هل حتتحل قضية دارفور مثلا خاصة ان المشاكل القبلية وحركات التمرد لن تنتهى وستظل تطالب بنصيبها من الحكم طبعا مع الاخذ فى الاعتبار انو من حق اى سودانى كفء ان يترشح
فابناء دارفور الان يقتل بعضهم بعضا فى مشاكل قبلية لاتصدر الا من الجهلة فقط كل يوم نسمع قبيلة كذا قاتلت القبيلة الفلانية.
وحتى اصحاب الحركات المسلحة شغالين نهب فى اهلهم فى دارفور المفروض انو بيقاتلو عشانهم فقط تذكر مافعله جماعة خليل قبل مقتله من نهب وسرقات على سمع وبصر قادتهم الكبار
ذى ديل لو حكمو البلد هل تتوقع منهم حل مشكلة دارفور مثلا

ياريت لو اى سودانى يقراء تجربة رواندا بعد الحرب الاهلية القبلية تجربة يستحق اى سودانى يقراها
بعد حرب قباية طاحنة وعنصرية بين قبيلة الهوتسى والتوتسى الان لو مشيت رواندا وسالت زول قلت ليهو قبيلتك شنو بيزعل بيقول ليك انا رواندى وبس
قصدى انوا نحاول نترك العنصرية الجوانا دى ونلتفت بس لمشاكل البلد
يعنى اذا ذهب الكيزان وجاء اى سودانى حكم البلد بغض النظر قبيلتوا شنو نحترم الشعب الانتخبوا ونكن ليهو كل احترام بدل مانقعد نقول ده شايقى او دنقلاوى ماعايزنوا رئيس او اخر ده فوراوى ماعايزنوا
اذا عايزين السودان يمشى لقدام غيرو اولا مابداخلكم من عنصرية تجاه الاخر وفكرو ففط فى الوطن وان اى من ينتمى له يستحق الاحترام والتقدير وتناسوا الماضى فان تذكره يعمى الابصار عن التغيير للافضل

وكلامى ده موجه للعنصريين من الجانبين

Russian Federation [العتمور] 04-22-2013 09:32 PM
أظن أنك أعتمد علي رد كوشنتود الذي فيه خطأ كبير بأن المسيطرين هم الجعليين ,الشايقية والدناقلة,ولكن أنظر وشاهد تلفزيون أم درمان عندما ينقل أي اجتماع لمجلس الوزراء وأنظر لهم بتمعن ستتأكد أن ثلثهم ليس من المذكورين أعلاه, أشارتك لبعض الجهات بأنها مناطق تهميش وتركك لجهات أخري مهمشة كما في شرق السودان, توضح أن بك قصر نظر, فأنت لا تعرف ماذا تعني كلمة (مهمش).
لماذا لا نسمع هذه الكلمة- أي التهميش- من الذين يعيشون معكم في المنطقة ؟ هل لأن لديهم الإرادة والأنفة أكثر منكم في تغيير حالهم دون ضجيج ؟ ام لأنهم يحترمون أنفسهم أكثر منكم؟ أعرف أن فيكم أناس يحترمون أنفسهم ويجدون الاحترام من الآخرين.
فالإنقاذ استعانت بكم ومكنتكم من مفاصل الدولة ولكن لعدم احترامكم لأنفسكم ولوظائفكم صرتم تجمعون مادة الكتاب الأسود الذي عكس سوء نية المستنفذين منكم
وهم كانوا كثر, وذلك بسبب سيركم خلف الترابي . الآن
صرتم مهمشين بعد ما تمرغتم بالميري وتمرغ غيركم بالفصل من أجل ما يسمى بالصالح العام الذي كان من أجل تمكينكم. ذوقوا ما جنت أياديكم ولا تتباكوا كالأطفال.
في تعليق لك لاحق , قلت أنك ود عرب , مين القال ليك أنك أنت عربي أصلاُ. لا يهمنا من أنت لأنك ملئ بالدونية.

Russian Federation [مواطن حر] 04-22-2013 05:54 PM
ياخي بالله سيبنا من كلامك ألفارغ واعمل U Turn وتعال ... وواضحه لعبتك ألسمجه وأوهامك ألدنيئه ونوعك ده مابترد عليه لانك غواصه كبيره ... أرجل شويه.

Russian Federation [احمدون] 04-22-2013 05:16 PM
دا اللي حيكون عليه الحال كردة فعل يريدها الله كردة فعل ايضا على العمل الفات منذ العام 1956 وحتى تاريخهاركزوا بس .

Russian Federation [علي] 04-22-2013 03:57 PM
تحية وشكر للشباب الذين عقبوا على تعليقنا أعلاه، وبعد ...

يا جماعة الخير كدي بالله خلونا من المداهنة والتستر ودفن الرؤوس في الرمال. دعونا نمتلك الحد الأدنى من الشجاعة لمواجهة مشاكلنا وإزماتنا الداخلية بكل وضوح وتجرد، دون مواربة وتستر، حتى نتفادي أنفصال جديد لجزء من تراب وططنا العملاق. اليوم كل شعوب العالم الواعية والمطلعة، ناهيك عن السودانيين أصحاب الوجعة يعرفون ويدركون تماما اسباب الحروب والنزاهات المسلحة التي أنتظمت دولة السودان منذ فجر أستقلالها. وهذا الأسباب تتلخص في أبسط صورها في سيطرة أبناء أقلية الجلابة من القبائل الثلاثة (جعليين ، شايقية ودناقلة) على كامل جهاز الدولة وحرمان بقية السودانيين من المشاركة فيه وإدارة شئون الدولة منذ 1956م.
فيا جماعة الخير بالله خلونا من التنميط الفارغ وفزاعة عبيد وأسياد دي تعدينها بمراحل، والآن الكل يطالب بحقوقه في الدولة .. هو أيه الجديد ما كل السودانيين وغير السودانيين عارفين حقيقة تركيبة المؤسسات العسكرية في بلادنا وأنو الجيش والشرطة والأمن الضباط جلابة والعساكر مهمشين. بالمناسبة ناس النيل الأبيض والجزيرة وسنار حسانية، كواهلة، حلاويين، مسلمية، ضبانية، عركيين .. ألخ يعتبرون من المهمشين.

Russian Federation [مظلوم من الكيزان] 04-22-2013 12:29 PM
ان امثالك من العنصريين البغضاء هم السبب فى ان يبقى هذا النظام ايها العنصرى.نحن شعب واحد بكل الوانه واطيافه والذى تقوم به الحكومة والتمرد انما هو امر بين الكيزان.فالحكومة كيزان والتمرد كانوا كيزان معهم واذاقوا الشعب ومنهم الجلابة كما تقول الامرين,ام نسيت هذا يا هذا.وشكلك تشعر بالدونية وكلمة جلابى لها مرادف عندك ومن الافضل لك الا تذكرها فتنعت بالمرادف. ان الشعب السودانى كله يعانى من هذا الحكم ونودان نعيش جميعا فى سلام ورخاء,لذا نقف جميعا ضد الحكومة والمتمردين الذين يريدون مصالحهم الخاصة فقط يا اهبل

Russian Federation [حسبو] 04-22-2013 11:52 AM
لعلمك اخي على ان هذه المجموعة المتمردة ليست من ابناء الهامش ولكن هي مجموعة من عرب دارفور تم تجنيدهم في الشرطة الشعبية بواسطة اللواء مدني البدوي قبل ان يتم دمجهم في الاحتياطي المركزي رغم اعتراضات بعض الضباط على ضعف تدريبهم ونقص انضاطهم .فهم بصريح العبارة جنجويد لابسين كاكي ابو طيرة . ورحم الله شرطة مديرها العام (فحيص)

Russian Federation [alsudani] 04-22-2013 11:15 AM
هذه الفتن من زمن عبد الله التعايشى وجربناها
(( راجع كتاب السودان بين يدى غردون وكتشنر))
ل إبراهيم فوزى باشا
نحن مع أن يتمتع كل أقليم بموارده 50% من
موارد اي أقليم له وتقسم 40 % مرة أخرى على
الاقاليم بعدد السكان ... اليوم إذا قلنا لأولاد
دارفور أطلعوا الى دارفور اليس فيه ظلم لهم
ولغيرهم فى أقاليم مختلفة .. وما مصير كل
الداخلين من دارفور وهم ليسوا منها .. بعدين
الشمال يشقه نهر النيل الذى يعيش عليه 80 مليون نسمة
ألا يستطيع أبناء الشمال العيش فيه ؟؟؟؟؟؟
خلوا العنصرية ولنذهب الى رحاب السودان الدميقراطى
الحر و نحن نطالب الجيش أن يتمرد على قتل السودانين
وعلى قادته الفاسدين ومعهم رجال الأمن وغيرهم من المرتزقة

Russian Federation [سعيد] 04-22-2013 10:53 AM
يا ابومؤمن يا أخوي في اللحظة التي تحرق فيها قري دارفور بالأنتينوف والجنجويد الخرطوم تخرج مسيرة حاشدة لنصرة غزة بس بالله عليك في اي مرارة أشد من عدم احساسك بالذي تدعي جدلا انه أخيك ومواطن معك في نفس الدوله

Russian Federation [أبو مؤمن] 04-22-2013 09:55 AM
رد على العنصري المدعو (علي )
هذه هي اللغة التي أخرت الناس عن التغيير خوفاً من أمثالك وهي لغة القبلية والعنصرية ( الجلابة ) وغيرها من مفردات وأظنك مزروع لهذه المهمة من قبل جهات ذكية تصطاد في الماء العكر ، فيا أخي أغلب المستائيين من هذا النظام والمتضررين منه من الجلابة الذين تتحدث عنهم فإذا كانت هذه لغتكم واتضح أنك غير مزروع فوالله خير لنا ألف مرة ناس الإنقاذ من هذه العنصرية البغيضة.

Russian Federation [كوشن تود] 04-22-2013 09:31 AM
يا شيخ علي هي حكومة كيزان ولا حكومة جلابة لكن صحيح الكبار جعليين وشوايقة ودناقلة

ويا شيخ علي أيامنا في الجامعة الكيزان كان موردهم أو قل المغذي الرئيسي لهم هم كانوا أخواننا وأخواتنا من دار فور

ويا شيخ علي تعال شوف محافظة حلفا لم تقم فيها أي مشروع في زمن الأنقاض وحتي الكهرباء لم تدخل فيهامع العلم أن الكهربا دخلت في باقي محافظات الولاية( محافظة دنقلا و الشايقية طبعا لأنها بل الكوز بكري حسن صالح وعبد الرحيم محمد حسين وعلي عثمان ........

وللأمانة يا شيخ علي حتي المستفيدين من هذه المناطق هم مجموعة محدودة

ويا شيخ علي المصيبة الكبيرة في كيزان الغرب مثل كير والسيسي ولو أهلنا في الغرب أتحدوا كان زمان أنتهينا من مجموعة أسمها الكيزان

يا شيخ علي دائما خليك كبير

Russian Federation [سواق القطر] 04-22-2013 09:30 AM
عيب الكلام لان فيه مدعاة للفتنة والعنصرية وكل الحصل ما كان ممكن يحصل على العموم اقول هذا نوع من انواع الانتحار وعندما تخرج عليهم القوات المسلحة وتدرشهم ارجو ان لا تولول يا على لان ناسك المعتمد عليهم ما عندهم سلاح هجومي ولا حتى دفاعي نسال الله الهداية ونرجو من الحكومة السماح واعطاء كل ذي حق حقه وما في داعي لطلمة جلابة اجل كوي

Russian Federation [ثورة حتى دحر الطغاة] 04-22-2013 09:06 AM
أخي علي السلام عليكم
اولاً: كل السودان مهمش ما عدا الطغمة الحاكمة الفاسدة المفسدة
ثانيا: نرفض هذه العبارات مثل ( أبناءكم الذين ظننتم بأنه مستلبين وعملاء لمضطهديكم، هاهم اليوم يثورون ويركلون القتلة في مؤخراتهم النتنة بالجزم.)
فهي تسيئ الى بقية اهل الشمال الذين يقفون قلبا وقالبا مع اهلهم في دارفور والنيل الازرق وكردفان وتدعو الى العصبية والقبلية والجهويةالتي فعلها بني كوز لتفريق الشعب حتى يصبح لقمة سائغة لهم.
ثالثا: لقد خدمت من قصد او دون قصد اجندة بني كوز في ضرب الثوار بعضهم ببعض.
رابعا: لقد اسأت الى تاريخ الثوار المشرق في التعامل الانساني الراقي الذي اتصفو به دوما
طوال حربهم ضد تجار الدين.
خامسا: ولكن خشيتي ان يكون الاخ علي احدى الغواصات الالكترونية التي تصيد في الماء العكر!؟
أخيراً نسأل الله القوي العزيز ان يعجل بنصر المظلومين والمهمشين .

Russian Federation [عاشق الهلال] 04-22-2013 09:02 AM
وصفك لابناء وسط السودان يا على بالجلابة قد يجبرنا على وصفك بالكلمة المرادفة لها و هذا ما لا نوده و اذا كان لديك شعور بالدونية فهذه مشكلتك و تحتاج الى علاج نفسى ،،، نحن لا ندافع عن الحكومة و لكن مثل هذه النظره القاصره ستضر بنا كسودانيين

Russian Federation [أبو أحمد] 04-22-2013 08:49 AM
أخي العزيز أرى أن ردك تحركه العنصرية المقيتة والتي نسعى لمحاربتها عبر هذا المنبر الحر فنحن أبناء هذا الوطن القارة لا يفرقنا لون ولا جنس ولا مكان فلماذا هذه الحملة والحقد الأعمى فى ردك والذي يحوي تعابير .تنم عن الكره والبغض لبعض أبناء الوطن . يجب أن نفرق بين خلافنا مع الحكومة والمواطن فالظلم عام فى عهد طقمة الإنقاذ شمل كل بقاع السودان وقضيتنا هى قضية السودان ككل سوءا كان عى دارفور أو الجزيرة أو كردفان أو النيل الأزرق فلنوحد الجهود ولنؤسس لسودان مشرق يلمنا جميعا أخوة متحابين على قلب رجل واحد


#644090 [سيدنتو ولد سيدي]
5.00/5 (2 صوت)

04-22-2013 08:11 AM
قلناه زمان وكتبنا للبشير ونصحناه وقلنا ليه من الأحسن أن تترك الحكم بشرفك الآن قبل فوات الآوان وغذا ستحاكم في السودان قبل لاهاي !!! وأن بداية إنطفاضة الشعب السوداني ستبدأ من الجنينة وحلفا والشرق متوجهة إلى الخرطوم ولدينا من السلاح ما يكفي لتحرير فلسطين بس بعدما نحرر السودان من الفـــاســــــــــــــــــــــــــــــــــــــــــــــــــــــــــــــــــديـــن .


#644087 [ضد المؤتمر الوثني]
4.97/5 (6 صوت)

04-22-2013 08:03 AM
ياناس كلامكم دا كلللو كوم والشي السوو الناس ديل كوم تاني,,الناس ديل مااتمردو احتجاجا علي الرسوم التي تفرض علي الناس لاسترجاعهالهم لالالا ,الناس ديل دايرين حقهم حتي ولو يزيدو الرسوم علي المواطن المغلوب مايهمهم يعني ممكن يغروهم بشوية فتات ويرجعوهم تاني او يخصوهم بعفو رئاسي بعد الحكم عليهم زي ماحصل مع ناس ود ابراهيم الجبناء ..ديل مافيهم نفع للناس شوفو غيرهم ..


#644065 [مرافيد مشروع الجزيرة]
4.50/5 (2 صوت)

04-22-2013 07:40 AM
اللهم اجعل كيدهم فى نحرهم


#644063 [مستاء من النظام]
4.50/5 (2 صوت)

04-22-2013 07:40 AM
هذا هو حال الكيزان الحرامية لان كل من ملك السلاح والسلطة اصبح دولة فلك الله يا سودان وخلصك من هذه العصابة الفاشية والعفنة والنتنة والتغيير قادم ان شاء الله


#644061 [Petro]
3.88/5 (4 صوت)

04-22-2013 07:36 AM
علي الجبهة الثورية إرسال قوات لمساندتهم وتامين طريق خروجهم انها البداية ولابد من انجاحها


ردود على Petro
Russian Federation [خالي الدسم] 04-22-2013 01:14 PM
انت جنوبي الحشرك شنو

Russian Federation [مظلوم من الكيزان] 04-22-2013 12:36 PM
انما تمردهم من اجل منفعة شخصية وليس من اجل المواطن المسكين,كتمرد الجبهة الثورية الذى تعتمد عليه وماهم الا كيزان اختلفوا فى تقسيم السلطة والثروة بينهم.اخى مالنا الا ان ينتفض الشعب ليزيل كل هذه الاوساخ,اما جهتك الثورية فلا تعشم فيها ولن تتنتصر لان ما تتطالب به انما لمصلحتهم الشخصية فقط وليس من اجل السودان

Russian Federation [ابو سجود] 04-22-2013 09:41 AM
يزيدو الرسوم من الناس الغلابه عشان القسمة تكون كبيرة سبحان الله ... انتو بتناصرو الهامش ولا بتعزبو فيهو ... ما كان يقبلوا بقسمتهم عشان ما البضائع دي توصل للناس المساكين ديل بدل ما يتمردوا ويمشو الخلا .. ما في النهاية البضائع دي وصلت وهم هسع خارج المدينة وبرضو ما حيعملوا شئ حتى لو ارسلت الجبهة الثورية فيالق للمساعدة ... موت ودمار وتشرد كل في الخلا والصحراء ساكت .

Russian Federation [محمد] 04-22-2013 08:49 AM
يازول ها افهم الموضوع اول حاجة الناس ديل اتمردوا عشان تقسيم العايدات شايفين الادوهم ليهم من الضريبة شوية يقول ليك الجبهة الثورية الحقيهم اليومين ديل لو في واحد دقوه ساي يقول ليك الجبهة الثورية الحقيهم


#644041 [ود التوم]
5.00/5 (1 صوت)

04-22-2013 06:53 AM
اذا اختلف اللصان ظهر المسروق.


#644034 [الشمس المشرقة]
5.00/5 (1 صوت)

04-22-2013 06:30 AM
متى يتمرد المعلم عندما يستأثر معتصم عبدالرحيم بجل مبالغ التصحيح لشخصه وينال هو الفتات؟


#644024 [الجزيرة ابا]
4.75/5 (6 صوت)

04-22-2013 06:11 AM
التسوى بايدك يغلب جنجويدك


#644021 [شسخ الدين عباس]
4.00/5 (3 صوت)

04-22-2013 06:08 AM
حتى لو الف فالمتمردون اكثر من هؤلاء ,وماذا حدث للمتمردين؟؟ فالكلام سهل سا سهل


#644020 [ركابي]
4.75/5 (3 صوت)

04-22-2013 06:07 AM
بعد خلاف حاد نشب بين الجنود والضباط حول الرسوم التى يدفعها التجار نظير تأمين الطوف التجارى وتمسك الجنود باحقيتهم فى جزء من تلك الرسوم وهو مارفضه الضباط الذين استأثروا باجمالى المبالغ المتحصلة ......دي قوات نظامية ام عصابات؟؟؟؟باين انو حتولع زي جهنم


#644019 [fatima]
4.88/5 (6 صوت)

04-22-2013 05:59 AM
إن شاء الله كدة يا رب يا ربي يا الله يا الله عقبال تمرد أهل السودان جميعا" كلهم وعلي قلب رجل واحد وليست مناطق معينة ويارب هوي هوي عقبال الإنتفاضة قولوا آمين . حاجة فاطمة أمكم الغلبانة


#644015 [محمد ماذدا]
5.00/5 (1 صوت)

04-22-2013 05:34 AM
كل شي وارد لان ارتفاع الاسعار وغلاءرالمعيشه هي سياسه المؤتمر الوطني جوع كلبك يتبعك مع العلم ان مدينه الجنينه دارندوكه اي دارالمساليت ولكن الحكومه سلح كل القبائل العربيه واخيرا دمج هذه المليشه مايسمي بالجنجويد وحرس الحدود في القوات النظاميه ومرتباتهم اعلي من مرتبات الجيش والشرطه ولهم تعليمات تاتي مباشره من المركز وايضا الحكومه فقدالامل في بسط الامن لان المدينه حدوديه وايضا هنالك معارضه ضد تشاد وكثير من الباشمرقه لذك وبالتاكيد هذه القوه التي من حقهم لانهم وجدوا كل المشقه والتعب وعرفوا الحقيقه علي هذا المشوار الطويل ومعناه المواطنين لهم الشرف فعل هذا وبمثابه حريه ايضا لماذا يا المؤتمرالوطني يرفع الاسعار ناهيك عن دارفور بل ساد كل مدن السودان ولكن تذكره الطياره من الخرطوم الي الجنينه اغلي من الخرطوم الي كل عواصم العربيه واذا اردت ان تاتي بالطوف العربات تصل بعد شهر وثم تمشي مع الساده المناضلين والفدائين بقصد الثوار


#644011 [هدهد]
4.75/5 (3 صوت)

04-22-2013 05:16 AM
هكذا تكون نهاية النظام يتآكل من الداخل يكثر الطمع ويختلف اللصوص ويطفح الفساد وتنتشر الفوضى بين الشرطة نفسها حامية النظام ويزداد التوتر بين هذه الفئة حارسة النعمة وبين هؤلاء التماسيح الذين يستأثرون بخيرات البلاد والجبايات التى حولوها الى منافعهم الخاصة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
7.75/10 (4 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة