الأخبار
أخبار إقليمية
حادث حركة مروع في شارع الخرطوم مدني (شاهدو الصور) وأسماء المصابين
حادث حركة مروع في شارع الخرطوم مدني (شاهدو الصور) وأسماء المصابين
حادث حركة مروع في شارع الخرطوم مدني (شاهدو الصور) وأسماء المصابين
دفار سكر الجنيد المحمل بالسماد متجه شرقاً في تقاطع الطريق القومي مع شارع ودحبوبة


04-23-2013 09:53 PM
حسن وراق

شهد شارع الخرطوم مدني صباح اليوم الثلاثاء عند تقاطع ششهد شارع الخرطوم مدني صباح اليوم الثلاثاء عند تقاطع شارع ودحبوبة الذي افتتح الاسبوع الماضي حادث حركة مروع بين دفار (كنتر )يتبع لمصنع حلويات الامين محمل بالبضائع قادما من الحصاحيصا في طريقه الي الخرطوم حيث اصطدم به دفار محمل بالسماد يتبع لسكر الجنيد قادم من الغرب ناحية قنب متجه شرقا بسرعة ناحية الجنيد ، انقلب بعد ان ارتطم بالدفار المحمل بالبضائع الذي انفصل صندوقه عن كابينة القيادة من قوة الارتطام الذي راح ضحيته احد الركاب المنتظرين علي حافة الطريق بالاضافة الي اضرار متفاوتة حدثت لبوكس ركاب متجه الي ابي عشر وحافلة هايس واقفة شرق الطريق القومي . تم اسعاف المصابين الي مستشفي الحوادث بالحصاحيصا حيث توفي في الحال مهند ابراهيم سليمان 32 عاما اعمال حرة من ودالبصير ريفي الحصاحيصا بينما تم اسعاف 5 من المصابين اصابات خطرة الي الخرطوم وهم علي سليمان الاحيمر من الجنيد وعثمان حميدة بخات عامل بالجنيد وعمار خضر سائق البوكس من ابو فروع ومدثر حماد حسن من بحر العلوم سائق دفار حلويات الامين وعبدالمنعم جبارة عبدالرسول من الجنيد اما بقية المصابين وعددهم 11 فكانت اصاباتهم طفيفة وقد اخلي سبيلهم بعد تلقي العلاج

image
اعلان حالة الطواري المرورية فور وقوع الحادث في طريق الخرطوم مدني


image
صندوق دفار حلويات الامين انفصل عن كابينة القيادة شرق الشارع


image
كابينة القيادة بلا صندوق غرب الشارع


image
السماد فوق الاسفلت


image
حافلة هايس تاثرت بالحادث كانت تقف شرق الشارع


image
حوادث الحصاحيصا بعد اجلاء المصابين

[email protected]


تعليقات 19 | إهداء 0 | زيارات 27031

التعليقات
#646600 [الطيب ادم]
0.00/5 (0 صوت)

04-24-2013 07:35 PM
نسال الة الرحمة والمغفرة للمتوفى وعاجل الشفاء للمصابين


#646244 [عماد ادريس]
5.00/5 (2 صوت)

04-24-2013 12:55 PM
فالتعد الحكومة النظر في الشوارع السفرية كلها بعد تدفق البترول الى اتجاهين في أقرب وقت ورحم الله ضحايا هذا الحادث المؤسف


#646150 [mohamed mohamoud]
4.50/5 (2 صوت)

04-24-2013 11:52 AM
عدم خبرة السائقين والجهل الفاضح بفنون القيادة ورخص قيادة مضروبة من اقسام الشرطة فى الولايات و اشهر ولاية معرفة با لرخص المضروبة هى ولاية الجزيرة فقط 500 ج وتجيك الرخصة وانت نائم فى بيتك واتحدى ناس المرور الان ان يتحققو من رخصة سائق الدفار الزى تسبب فى هذة الحادث دة ازا كان اساسا عندة رخصة


#646117 [amgad osman]
0.00/5 (0 صوت)

04-24-2013 11:33 AM
ربنا يرحم مهند ابراهيم ويحسن اليه ويبدله داراً خيراً من داره ويدخله فسيح جناته ولأهله حسن الصبر والعزاء


#646040 [um ahmed]
5.00/5 (2 صوت)

04-24-2013 10:34 AM
لا حول ولا فوة الا بالله اللهم ارحم الشاب المتوفى وعاجل الشفاء للجرحى . يا اخوتى اذا غالب الحكومه تعمل الشارع اتجاهين فليقسمو الشارع على اثنين لانو فى كل الدنيا لا توجد شوارع سفريه اتجاه واحد الا فى السودان لك الله يا بلدى


ردود على um ahmed
Russian Federation [طبيب نفساني] 04-24-2013 12:29 PM
توسعة الشارع جزء ضئيل من المشكلة و الجزء الكبير هو الثقافة المرورية و شخصية السوداني و تصرفه.


#645999 [زول ساكت]
0.00/5 (0 صوت)

04-24-2013 10:02 AM
والى الجزيرة هو المسئول امام الله والناس ؟؟؟؟؟؟؟؟؟؟؟؟؟؟؟؟


#645972 [سوداني اصيل]
5.00/5 (1 صوت)

04-24-2013 09:42 AM
المشكلة في الطرقات عندنا مسار واحد ومتهالكة وضيقة ولاتوجد بها اي صيانة على مر السنين... والاجحف من ذلك يدفعوعك جباية عبور الطريق.... اي جباية ياحرامية وين بتمشي القروش دي .... اين المسئولية الفردية( حاسبوا انفسكم قبل أن تحاسبوا)خافوا الله في الناس دي كل واحد مسئول هموا يعمل قروش لي نفسوا وبس وباقي الشعب يروح في ستين هذا حال السودان من الوزير حتى الخفير.. لكي الله يابلادي


#645923 [Zingar]
0.00/5 (0 صوت)

04-24-2013 08:55 AM
الطريف فى الموضوع بتاع المرور أب كرش جيوب قميصوا مفتوحه جاهزه لأنه متعوده دايما.


#645800 [الدومابي]
3.00/5 (3 صوت)

04-24-2013 01:30 AM
وينو الطريق متر ونص يآاااااااخ ده ركشتين ما يقدروا يمشوا فيه.
وبعدين وين حوادث الحصاحيصا ياناس وزارة الصحة انا كنت قايلوا دكان اجمالي جردل طحنية وجردل جبنة ناقص قدرة فول.


#645794 [دة شنو دة]
4.50/5 (3 صوت)

04-24-2013 01:18 AM
(((فكانت اصاباتهم طفيفة وقد اخلي سبيلهم بعد تلقي العلاج)))
دة مستشفى ولا قسم شرطة ؟؟؟إيه اللغة الركيكة دي و كمان عاملين فيها صحفيين ؟؟


ردود على دة شنو دة
Russian Federation [كلكي] 04-24-2013 10:35 AM
طبعا يا دة شنو ات ماك عارف الحوادث في المستشفي من مسئولية الشرطة وهنالك شرطي مناوب مسئوليته عدم السماح للمصابين مغادرة المستشفي الا بتقرير طبي عشان القصة فيها قضية وتأمين وتعويض والموضوع كلو ما لقيت فيهو غير اخلي سبيلهم مع العلم انها لغويا صحيحة و مهنيا اصح من اظلاق السراح ومن المغادرة.. ودة شنو دة الا يكون مكجن الزولا دا بدل يقول كتر خيروا مشي للحادث وصوروا اجتهد في معرفة الاسماء ..
عليكم الله بطلو نقد فارغ ودة شنو دا


#645755 [Xman`]
3.00/5 (2 صوت)

04-24-2013 12:06 AM
شارع مدني ده انا مره واحدة في حياتي مشيت بيو مدني مع واحد صاحبي و الحقيقة الشارع ده فلم رعب عديييييييل انا منطط عيوني الطريق كلو ... يعني ما معقول بالليل عشان العربية ما تطلع بره الشارع تمسك نص الشارع و لمن تجيك عربية من الاتجاه المعاكس تزح ليها شوية بمحازاة أنوار العربية الامامية تزززح بحيث انك ما تتكشح بره الشارع وفي نفس الوقت تحاول ما تحك بالعربية الجاية من الاتجاه التاني .... ما مكسب كلو كلو


#645740 [عمرالامين نعمان]
0.00/5 (0 صوت)

04-23-2013 11:44 PM
الحادث يقع نتيجةلثلاثة اخطاءاما الطريق اوالمركبة او السائق لذلك نرجوالمراقبة الشديدة من رجال المرور معاقتراب اسبوعالمرور


#645728 [أمين حسين]
0.00/5 (0 صوت)

04-23-2013 11:25 PM
ياجماعة كل شئ قدر ومكتوب ، نسأل الله الشفاء للمعاقين .


#645713 [hajabbakar]
0.00/5 (0 صوت)

04-23-2013 11:03 PM
الحل قبل ان يهلك العديد من سكان المنطقة هو عمل نفق وبسرعة شديدة وليس دلك بالامر الصعب
والحل الثانى عمل اشارة ضوئية بوجود شرطى مكثف
وكل هده اشياء بديهية


#645712 [ادم]
0.00/5 (0 صوت)

04-23-2013 11:02 PM
لاحول ولاقوة الا بالله العظيم لاهلهم الصبر وعاجل الشفاء للجرحى والمغفره والرحمه للموتى


#645709 [عصمتووف]
4.00/5 (1 صوت)

04-23-2013 10:55 PM
بالمناسبة يوجد قائدي مركبات يعتبرون بانهم اسياد الشارع خاصة من الكبيره الي الادني الادني الي الدراجه بخارية ولا عادية (شعارهم اصغر منك دوسه ) لا يفكرون في عواقبها مادام التأمين موجود وينسي صيام شهرين متتالين حين يموت شخص بسبب تهوره غير ادخال الحزن لاسرة الفقيد واسرته هو شخصيا وعلي دفع الله حسب الله ترك الكاندوم والختان اوقفله مؤقتا والاستفاده من لسانة وحلقومة الذي لا يفتر بسن قوانين تصل لتوجية تهمة القتل العمد لكل سائق مستهتر يعرض حياة الاخرين للخطر **او ان يعاقب كل سائق تجاوز السرعة القانونية بجر العربه كالحمار عقابا له طول ماهو حي بدلا ان يقودسياره ******* يجب مراجعة رخص المرور الاقليمية


#645706 [سائق]
5.00/5 (1 صوت)

04-23-2013 10:51 PM
ياساتر تستر .. الرحمه والمغفرة للاموات والشفاء للمصابين .. السبب المباشر للحادث رجل المرور
ابوكرشه شوفوا كرشة الراجل فاطر سمك وفول .. قطع الزراره ...


#645700 [غيور ما لاقي فرصة]
5.00/5 (1 صوت)

04-23-2013 10:44 PM
صراحة المشكلة في سواقين الدفارات او ما يسمي في السعودية بالدينا... لانهم متخيلين انهم سايقين عربية صغيرة زيها زي اي بوكس او عربة سيدان لان الدفار طالما اقل من الترله والباص واللوري فهو سيارة خاصة وهذا مربط الفرس لذلك تجدهم مسرعين ويتعملون مع الدفار كالعربة الصغيرة واعتقد ان 80% من حواث المرور في السودان او حتي في السعودية من اخطاء سائقي الدفارات ... لذلك اتمني من المرور تشديد الاجراءات الفنية والعقابية لسائقي الدفارات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة