الأخبار
منوعات سودانية
ترباس يصف تصريحات فرفور بالإجرامية ..!!
ترباس يصف تصريحات فرفور بالإجرامية ..!!
ترباس يصف تصريحات فرفور بالإجرامية ..!!


04-24-2013 07:35 AM
ابدي الفنان كمال ترباس استياءه البالغ من الفنان الشاب الذي اطلق تصريحات غير مسئولة كما وصفها ترباس بإحدى الصحف في الأيام الفائتة قال فيها : " سأحكم على الوسط الفني بالإعدام لو كنت قاضياً " ، ومضى ترباس قائلاً : " ده أسلوب إجرامي نحن كوسط فني نرفضه تماماً وياريت الشاب ده يعمل على توصيل أعمالو للناس ، وبعد كده يتفرغ للتصريحات " .

وأضاف : " الواحد لما يكون في بداية طريقو مفروض يحترم الناس الظهروا قبلو ، والفنان الذي اطلق التصريح ده ياريت يعرف انو أنا لو وقفت منو غناي .. بموت بدون إعدام " .

مؤكداً أن ذلك الفنان - الذي لم يذكر اسمه – سعى للظهور عقب رحيل " الحوت " إلا أن جمهوره كان واعياً ورفضه جملة وتفصيلا .

الجدير بالذكر أن الفنان جمال فرفور صرح لإحدى الصحف السياسية في الأيام الفائتة وقال انه سيحكم على الساحة الفنية بالإعدام إذا أصبح قاضياً .

صحيفة فنون


تعليقات 40 | إهداء 0 | زيارات 12918

التعليقات
#646800 [musa musa]
0.00/5 (0 صوت)

04-25-2013 07:41 AM
ردود كلها ماموضعية دا اولا وثانيا ترباس عمتو طويلة قصيرة هو احسن من غني اغانى الحقيبة ولولا ترباس كان اغانى كثيرة تكون اليوم غير معروفة بالذات وسط الشباب اللة يحفظ الجميع وشكرا


#646762 [زول مقهووووووووور]
4.50/5 (2 صوت)

04-25-2013 04:26 AM
الكلب ترباس بيقول انو بيغني ب 12 مليون من غير جنى الباباي وعثمان عوض عثمان شاعر الاغنية الى الان لم يستلم نص المبلغ البيطلبوا ترباس!!!!!!! يعنى الغناء حرام وبعد ده كلوا اكل مال الناس بالباطل يا اب جضوما زي اللقيمات


#646755 [ست اللنديايه سابقاً]
3.00/5 (1 صوت)

04-25-2013 03:40 AM
تربست الندي وحبست الرحيق
وصيه
راجل العمه ماتفوتي
لوكي اللبانه وامسكي في


#646675 [ابو عمار]
0.00/5 (0 صوت)

04-24-2013 10:18 PM
بصراحة في الوسط الفني في ناس محترمة ولكن ايضا هنالك من هو غير خاصةبعض البنات الله يهديهم اعتقد الاستاذ فرفور اطلق الكل واراد البعض وهو رجل فاهم بقول ايه


#646602 [كاكا]
0.00/5 (0 صوت)

04-24-2013 07:37 PM
يا اخوانا انتو زعلانيين من الوقفة ليه يمكن مزوجها مسيار


#646595 [الوهج]
5.00/5 (1 صوت)

04-24-2013 07:30 PM
يا جماعة تقريبا ترباس دا فهمو كلو فى عمتو دى - زول متكبر ومتعجرف قبل كدا قال لى هيثم كابو ليش حفلتى ما تكون بالملاييين يأخى انا عمتى دى براها طولها 11 متر - انا لو عندى سلطة الفنانيين ديل تكون عندهم اكاديمية خاصة يدرسوهم الخطابة مع الاخرين و كيف يلبسو وكيف يكونو فاعلين فى المجتمع الواحد مايكون كل فهمو قدر المسافة بين خشمو والمايك - رحمك الله يا استاذ أحمد المصطفى . ندى الجنبو دى قالو طردت العازف حقها وقلعت منو الملابس - يعنى لو كان اخونا دا لابسهم يوم الشكلة وقالت لى اقلع كان الموقف يكون شنو غايتو جنس فضايح


#646565 [ابو جضوم.]
4.00/5 (1 صوت)

04-24-2013 06:53 PM
والله,,,انا محتار في جضيمات ترباس
ديل استحقن جضيمه بي زرديه,,عشان تجيب الزيت.


#646510 [Ashshafo Khalo]
4.25/5 (3 صوت)

04-24-2013 05:48 PM
اول حاجه فرفور دا صوتوا دراش ولا یصلح للغنا و ثانیا لولا ترباس منوا الکان یسمع بهذا المدعی: اعلمه الرمایه کل یوم فلما اشتد ساعده رمانی. تف علی فرفورویخصی علی الامنجی المعفن.


ردود على Ashshafo Khalo
Russian Federation [ود ام در] 04-24-2013 08:55 PM
يا الشافو خلو .. القاليك ترباس فنان منو ؟ ما برضو بتاع مراحيم زي فرفور ,, والبركة في التجاني حاج موسي نظفه بي ( ام الله يسلمك ) و بقت ليه ( فرمالة ) .


#646495 [Zingar]
5.00/5 (2 صوت)

04-24-2013 05:29 PM
ده تعليق المدعوا بهاء فى مكان ما فى الراكوبه :

[بهاء] 04-16-2013 09:26 AM
العملاق الاول هو محمد الامين بدون منازع صاحب السلم السباعي والموسيقي المركبة والصوت الواسع


وده برضوا تعليق بهاء فى هذا الموضوع بتاع ترباس وفرفور .....

[بهاء] 04-24-2013 09:17 AM
يا اخ kartagi فرفور فنان غصباً عن أي حد والمابعرف الكلام دة خليهو يحضر حفلات فرفور حيلقى جمهورو أكثر من جمهور محمد الامين زاتو .. باين عليك انت مابتعرف الفن وكمال ترباس فنان حاسد عاوز يعيش زمنو وزمن غيره فوفور الآن هو ملك الساحة بدون منازع


عرفتوا ليه نحن وصلنا درجه من الأنحطاط والنفاق؟؟؟


#646483 [خالد عيسى]
0.00/5 (0 صوت)

04-24-2013 04:55 PM
الساحة لديها مشاكل ربنا يعين


#646480 [مامون]
3.50/5 (2 صوت)

04-24-2013 04:51 PM
بجد عشا الفنانين ظهر في الجماعة ديل...شنو يا ترباس قافل عن ندي الهوي...اخجل يا قفل


#646426 [ترباس تايواني]
5.00/5 (1 صوت)

04-24-2013 03:54 PM
انا لو محلك كنت اعتزلت الغناء من زمن ( كالون ) الداعية كشك و فتواه في اغنية ( البعبدها ) .

و كفاية استرزاقكم انت و فرفور من وراء المراحيم .. وشوفوا ليكم شغلة تانية غير النهيق ..


#646413 [alseeni]
0.00/5 (0 صوت)

04-24-2013 03:42 PM
دا ملاح شنو قال ترباس


#646412 [tahany]
1.00/5 (1 صوت)

04-24-2013 03:40 PM
.. والله الصورة بايخة شديد، وتدل بصورة فاضحة وواضحة على مهازل الوسط الفنى فى السودان ..


#646408 [زعيط معيط]
5.00/5 (2 صوت)

04-24-2013 03:36 PM
يا ناس الراكوبة... حلفتكم بالله ورسوله... الجماعة الإثنين ديل(ترباس وندي) بشر ولا بعاعيت...اعوذ بالله من دمامةالخلق وسوء الخلق...


#646401 [kartagi]
5.00/5 (1 صوت)

04-24-2013 03:20 PM
غصبا عنك انت بابهاء فقط مش انا شكلك من مواليد 89 ومن ما يسمو بالحواتة واضح. يكفى محمد الامين مثقف ومتعلم قبل ان يكون مغنى !!!!


#646372 [lwlawa]
1.00/5 (1 صوت)

04-24-2013 02:44 PM
الاتنين بالعين حبوب ولا شنو..؟؟.. مورمين كده..؟؟


#646371 [الفكى الصينى]
0.00/5 (0 صوت)

04-24-2013 02:43 PM
هو ترباس زعلان فى شنو الزول فرفرة دا
قال الكلام اثناء ما ظهرت قضيه فنان شقة بحرى
هل فى ذلك ما يدعو ترباس للامتعاض
الهرجة دايرة دورية تفتيش


#646369 [عبود]
5.00/5 (1 صوت)

04-24-2013 02:42 PM
فرفور لو كان راجل عنده كرامة ما كان أطاع امام المسجد الذي زجره وامره بالرجوع للصفوف الخلفية لأنه مغني لكن مشكلة فرفور انه خايب خيابة شديدة ولا يتمتع بذرة من المروءة والرجولة ويظن ان الكيزان يقسمون الارزاق على الناس لذلك يجري لاهـثا خلفهم ليرموا له بشئ من الفتات وهذا منتهى الخسـة والدناءة.. أعاذنا الله.


ردود على عبود
Russian Federation [عبود التاني] 04-24-2013 09:44 PM
كلام صااااااااااااااااااااح يا عبود

فريفير ده جـرو ساكت يتبع الكيزان وشكلو كده موهوم بأنه خلاص ممكن يتسيد

الساحة الفنيــة , الله يقرفو محل ما قبل , خليهو يمشي ينقل أخبار الفنانين لي رجالو ناس

المن القذرين , ليهو يوم والله نتفو تف في صلعتو الفاضية دي .


قال لو كنت قاضي , طبعا ما غريبة ولا بعيدة بكرة الكيزان ممكن يعينوك في القضائية

تحكم وتتأمر في خلايق الله اصلها بقت لامة النطيحة والمتردية وما شابه ذلك من رمم المجتمع

وترباس كان طاوعك بجيبوه يشتغل حاجب في محكمتك لأنه المسكين ما كمل تعليمه وإنت كملتو لكن

ما أتعلمت اي حاجة إنتو الإتنين سجم في سجم .


#646360 [ام فاطمة]
0.00/5 (0 صوت)

04-24-2013 02:32 PM
بصراحة ندي شكلها بقا صعب الله استر عليها من سرطان الجلد بس تشبه مايكل جاكسون والله هيفاء وهبي سمرة اكتر منها اشكالكم الاتنين ماشكل فنانين


#646313 [abdo]
4.50/5 (2 صوت)

04-24-2013 01:51 PM
المدعو بهاء ...غيرك مافى زول بقول الكلام ده وانت اتخيل لى فرفور زاتو ..وفرفور او طرطور عباره عن بوم بتعرف البوم ؟؟ لمن يقولو ليك ده زول بومه ساكت ..يعنى معناها مابستحق يردو عليهو ...وبعدين ياخ انت زول صراخ ..يعنى بتاع صريخ بتعرف الصريخ ؟ طبعا انا بتكلم وبهاء هو فرفور ولو ماطلع طرطور اقصد فرفور برسل كل الاسف ..اها وقفنا وين ؟؟ قلنا بتاع صريخ يعنى فاكيها فى روحو وقاليل روحو فنان ..والله من مابقيت تغنى للحكومه وتت...... مافى داعى ..كرهتك واصلا بكره اسمع صوتك لكن كرهتك يابهاء ...سورى.... يافرفور ..الله يجازيك يابهاء لخبطنى ...اها اصبر يافرفور خليها التنقلب بس والله تانى الا تغنى لعمر البشير فى كوبر او فى غوانتنامو.


#646256 [محمد ابراهيم محمد]
1.00/5 (1 صوت)

04-24-2013 01:03 PM
انت يا ترباس اكبر واهم والواهم الثاني هو فرفور اولا الفن حرام يعني ترباس وفرفور ماكلكم ومشربكم كل حرام والله يهديكم كفاية ضلال للغافلين من الشعب السوداني الذين يسمعون ويستمتعون ويدفعون قروشهم للغناء


#646249 [ديامي]
0.00/5 (0 صوت)

04-24-2013 12:58 PM
يا اخوانا جمال فرفور ده مش ياهو الامنجي العفن .. بالله دي بتحصل وين زول يكون ضابط امن بالصباح وبالليل يجي يغني عشان يطرب الناس .. بالجد السودان بلد غير مفهوم وغير مهضوم .. وفرفور وترباس الاتنين كان لموهم ما بيعملو زول


#646246 [المديدة حرقتنى]
5.00/5 (1 صوت)

04-24-2013 12:57 PM
بصراحة انتوا الاتنين سجم فى رماد او طيـ...ين فى لباس , بلا ياخدكم


#646238 [عباس]
0.00/5 (0 صوت)

04-24-2013 12:51 PM
الصورة دى بس هى نوع من فساد الوسط الفنى لا اعمم ولكن اقول البعض لان الوسط الفنى مازال فيه الناس النظيفين والاصيليين لان التعمييم ظلم للبعض .


#646206 [MAHMOUDJADEED]
0.00/5 (0 صوت)

04-24-2013 12:32 PM
الوسط الفني في اي بلد فاسد وفي السودان أفسد من اي بلد آخر . والدليل آلولو . وبالمناسبة صورتكم دي حلوة ولايقين لبعض .


#646190 [كرومة]
5.00/5 (1 صوت)

04-24-2013 12:25 PM
( يا ريت يعرف لو وقفت منه غناي .. يموت دون اعدام ) ..

المصيبة انك تعتقد انك فنان .. وكمان تحي العظام و هي رميم .. استغفر الله .

يا راجل شوف ليك منجرة واصنع منها عود للاخرين .. قال فاكر الغناء عمة و عباية ..


#646185 [أبوالكجص]
5.00/5 (1 صوت)

04-24-2013 12:19 PM
يا ترباس إنت بصفتك من قدامى الفنانين لم تنطق بكلمة حق أو نقد على ما يجري في الساحة الفنية من إنحطاط في السلوك وسوء الأفعال. لماذا يستفزك مثل هذا الكلام ولا يستفزك الواقع المذري للساحة الفنية؟ يا أخي قل رأيك إذا أصلاً عندك رأي خاصة وأنك دفعت بنفسك في يوم من الأيام لتكن مرشحاً لاتحاد الفناين.


#646146 [الصادق أبو روان]
4.00/5 (3 صوت)

04-24-2013 11:51 AM
دقيقة دقيقة يا جماعة لو بتتكلموا عن الفساد في الوسط الفني دي حقيقة واضحة والصورة خير دليل راجل كبير عمته 10 متر المفروض يكون داعية وقدوة لباقي الفنانين من الجيل الجديد ومتصور مع فنانة الشريف مبسوط مني عشان أنا بريد فني والله عيب على وزارة السخافة والإيلام إنها سمحت ليك إنك تغني تاني بعد فضيحة نيجريا كمان مع واحد شين ودشن لكن عندو قروش مثل الشريف طيب ما عندنا شينين في السودان كان أولى الظهور ببنطلونك الفاضح الظهرتي بيه في نيجريا للأسف العولمة من مشاكلها بتوثق لكل ما هو جيد أو غير جيد بعدين الصورة دي طيب زحي شوية بس من كرشة الترباس دي وخلي عندك شوية ..... ولكن الاختشوا ماتوا وترباس مبتسم ابتسامة عريضة يندي لها الجبين وجمال فرفور معروف عنه إنه أهوج وأرعن وكلامه خشن شويه غير دبلوماسي في الحديث لأنه صايع قديم ولاعب كرة قدم يعني ... ممكن نقول لكنه حمش وما بيرضى وما ممكن يتصور صورة زي بتاعتك دي والشريف مبسوط مني كان مفروض تديها كف مش تتصور معاها بعد ما مرمغت راسنا في الطين وجات بي لكزس بعدين بت القلعة دي قبل ما تبقى فنانة كانت بتجي تغني عندنا في الصحافة وكانت قصيرة وما سمينة زي الآن وخلاص زمنها انتهى جهز ليها القعدات لأنك إنت وهي بتاعين قعدات فقط وعن محمود عبد العزيز ما تتكلموا عنه لأنه مات وهو إنسان قبل أن يكون فنان ومن باب أولى أن يكون الفنان إنسان قبل أن يكون إنسان ولا إنت ولا فرفور ممكن تصلوا للمكانة دي وإنت يا ترباس لو مت ما فيش زول حا يمشي في جنازتك إلا من هم من شاكلة ندى القلعة والصورة دي دخلها معاك القبر عشان تكون شاهدة على الفساد بتاع الفنانين ما كفانا فساد نلقاها من وين ولا وين فساد الفنانين ولا فساد الجلادين ..
احييك جمال فرفور على الكلمة الرائعة دي أعدمهم و وانتحر معاهم بعدين موت انت .....


ردود على الصادق أبو روان
Russian Federation [حسين إمام] 04-24-2013 02:43 PM
ياأبو روان الشريف بتاع نيجرياراجل شريف . بالأمس كنت أتابع قناة النيل الأزرق علي ما أعتقد برنامج ألو مرحبا .كان مستضيف أحد أحفاد الطيب الريح وكثر منا يعرف الطيب الريح رجل البر والإحسان الذي ساعد هو وأحفادة في نشر الدعوة الإسلامية في نيجيريا.

وقد تطرقت مقدمت البرنامج بسؤال لحفيد الطيب الريح عن مدي تزوق الشعب النيجيري للفن السوداني؟ فبادر أولا" بأن الشعب النيجيري يعشق الفن السوداني لكن هنالك من ظلم الشريف وكتب عنه وتحدث بصورة
غير لائقة ولاتمت للحقية وزكر في حديثة بأن الشريف مظلوم في ماقيل عنه.بخصوص ماقدمه لندي القلعة من هدية!!! لذي وجب التوضيح بأن الشريف رجل شريف يعشق الفن والفنانين مش في السودان وحسب بل في دول عديدة.


#646126 [عنكباوي]
3.00/5 (1 صوت)

04-24-2013 11:42 AM
فرفور مين وترباس مين ...وزي ما قالوا أنحنا الفينا مكفينا ...


#646112 [mohamed al fatih]
0.00/5 (0 صوت)

04-24-2013 11:30 AM
لابد من الاخوة الفنانين احترام الفن والابتعادعن المهاترات بالصحف والحمد لله بعودة ملك الشجن لارض الوطن


#646108 [abdo]
5.00/5 (1 صوت)

04-24-2013 11:26 AM
كمال ترباس وفرفور وغيرو مجموعه تافهة وعاملين فيها مصلحين ويصرحو للمجتمع كانهم فلاسفة المفروض والممكن وخصوصا ترباس شخص لايعرف الا المال و الغرور مسيطر علية وكل مره يطلع بتصريح شكل ياعم اتله


#646096 [ابوقرون]
0.00/5 (0 صوت)

04-24-2013 11:19 AM
يا ترباس كلام الود فرفور فيه تورية والاعدام ده ما للغناء لانك انت عايش علي اغاني الحقيبة ولكن العلة اصبحت في الوسط الفني الذي لايحترم بعض ساد فيه الانحطاط الخلقي بكثافة وسمعتنا فاحت خارج القطر ونسوانا طالعات ونازلات علي كيفن لارغيب لاعتيد وعلي الاطلاق في رجال قالوا فنانين اخير منهم النسوان وبعد عمتك الكبيرة دي المفروض تخجل من الصورة المنشورة ليك دي لانك انت الان اكبر فنان عمرا في الساحة ولسة بتجهل وصدقوا القالوا خربانا البلد بي كبارا


#646072 [المطوع]
2.00/5 (1 صوت)

04-24-2013 10:58 AM
انا مع فرفور الوسط الفني يستحق الاعدام والدليل على كدة صورتك مع حنان القلعة وكمان ماسك يدها . امكن تكون مراتك ونحن مش عارفين . تذكر الموت يا ترباس وتذكر الداعية العربي الذي قال لك في اغنية البعبدا ( تربس الله مخك) لو وصفت تصريج فرفرة دا بالارهابي كان يكون احلى ونعرف انك متابع للاوضاع السياسية .


ردود على المطوع
Russian Federation [المتغرب الأبـدي] 04-24-2013 11:31 AM
صدقت والله في كل حرف قلته ..
لا فض فوك .


#646033 [الحالم]
4.00/5 (1 صوت)

04-24-2013 10:27 AM
تحدث يا فتي حتى نعرفك جمال فرفور لم يطربني ويحعلني اتمايل مع اغانيه التي يؤديها وهو كذالك ليس متحدثا لبغاولم يكن بمقدوره توصيل فكرته للاخرين وعليه ان يعرف هو اين يقف ومن ثم الحكم على الاخرين وما اثاره موخرا لايعدو لفت لانظار الجمهور وطرح نفسه في الساحة الفنية


#645978 [واحد من الناس]
5.00/5 (1 صوت)

04-24-2013 09:46 AM
وانت ذاتك يا ترباس شن العمار. غنى شنو وتسالي شنو.. واؤيد العملق kartagi فيما قاله.. فرفور ثقيل دم ولا يعرف الكلام والله دي حقيقة بحاول يتكلم كلام كبار كبار والكلام ما بيطلع منو.. لذلك تحس بعوارة عوارة في كلامه


#645969 [abubaker]
0.00/5 (0 صوت)

04-24-2013 09:40 AM
كمال ترباس وجمال فرفور (انكروا اسمائ ابائهم بحجة انه اسم فني ) فمادا يقدمون لنا وهم تخلو عن اسماء ابائهم ) ليتهم يلحقون بالحوت . آخر زمان


#645913 [الغضنفر]
5.00/5 (1 صوت)

04-24-2013 08:46 AM
و أبو الزنان دا قايل نفسو فنان ؟

قادر الله


#645911 [kartagi]
4.50/5 (4 صوت)

04-24-2013 08:42 AM
حقيقة هذا الفرفور مطبوعة فيهو صفة الجهل المركب يعنى هو جاهل ولا يدرى انه جاهل فقط يعتمد مظهر ملابسه وثقل دمه ولا يعرف الكلام يبدو انو تكلم متأخر( اسألو امه)وقالو خريج قانون اكيد القعدات !!


ردود على kartagi
Russian Federation [بهاء] 04-24-2013 10:17 AM
يا اخ kartagi فرفور فنان غصباً عن أي حد والمابعرف الكلام دة خليهو يحضر حفلات فرفور حيلقى جمهورو أكثر من جمهور محمد الامين زاتو .. باين عليك انت مابتعرف الفن وكمال ترباس فنان حاسد عاوز يعيش زمنو وزمن غيره فوفور الآن هو ملك الساحة بدون منازع

Russian Federation [ابو عصام] 04-24-2013 09:44 AM
قد يكون كلامك صحيحا في فرفور .... لا ادري . لكني اتفق معه ان الوسط الفني يستحق الاعدام ... فهو وسط فاسد ... فاسد ... فاسد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة