الأخبار
منوعات سودانية
شاب يخنق فنانة في حفل زفاف أمام عيون الناس



04-25-2013 06:47 AM
قام شاب في الخامسة والثلاثين من العمر بخنق فنانة شابة في حفل زفاف بإحدى ضواحي ام درمان أثناء وصلتها الغنائية وسط دهشة أهل المناسبة والمدعوين ، وبعد جهد كبير استطاع بعض الشباب تخليص المغنية من قبضة الشاب الثائر الذي ردد عبارات تهديد ووعيد للمغنية المجني عليها ، والتي رفضت السماح لأهل المناسبة باستدعاء الشرطة وقالت أنها تريد أن تكمل لهم الحفل بسلام وبلا مشاكل وتترجاهم فقط ألا يدخلوها في " سين وجيم " .

يذكر أن هذه ليست المرة الأولى التي تتعرض فيها فنانة لموقف الخنق في حفل أمام عيون الناس وسبق أن تعرضت مغنية شابة تدعى " هبة جبرة " لموقف مماثل عندما اعتدي شاب عليها العام الماضي ثلاث مرات محاولاً قتلها ( خنقاً ) أمام الجمهور في حفل عام بحي كوبر بالخرطوم .

صحيفة فنون


تعليقات 12 | إهداء 0 | زيارات 7778

التعليقات
#647822 [منفوووووووخ.]
0.00/5 (0 صوت)

04-26-2013 03:11 PM
أغنيه جديده تبحث عن ملحن
( الخنقو ,,,منو ?
في الليله ,,,ديك والناس
تجبجب ,,,جبجبه ما منظور مثيله
فنانه ,,,مجلبطه وشها. تقول حيطه مضروبه ,,جير.


#647405 [nagatabuzaid]
5.00/5 (1 صوت)

04-25-2013 08:38 PM
الاسبوع الماضى الناس فى احد احياء الثورة بعد رقدوا سمعوا رصاص ولانه كان كثير ومتواصل واحيان متواصل مع بعض الناس خافت وافتكروا وقعت الواقعة بعضهم خاف ودخل نام فى الداخل الغريبة واحد مد راسه لبرة يعرف الخبر مافى قومونى من النوم مخلوعة بالتلفون اصبحت افتش فى المواقع لا خليت الراكوبة لا غيرها وبعدين عرفت انه كان فى مناسبة زواج وواحد من اهل البيت سلفى خلاهم لمن رصوا الكراسى والناس اتلمت منعهم الحفل والناس زعلوا ومن الزعلانين اثنين من الاسرة فى الشرطة لاحظوا فى الشرطة قاموا باطلاق الرصاص احتجاجا على السلفى المنع الحفل خلاهم خسروا ولبد ليهم وفجاْة اصدر القرار والرصاص قال يا ليل واكيد كل واحد عنده زول خارج البلد اداه تلفون صاروخى يا اما فرحا او خوفا من يوم الزلزلة شخصيا انا قلت فى رجال فى الجيش قلبهم بقى حار ما توقعت طيارة طافية لمبات لانه الحى مافيه شئ استراتيجى وما توقعت جماعة خرطوم جوة بتوع لندن واسرائيل وفرنسا لانهم كضابين توقعت جيشنا وياحسرة طلعت حفلة عرس وانفضت


ردود على nagatabuzaid
Russian Federation [الجاك حمد] 04-26-2013 03:22 AM
(شخصيا انا قلت فى رجال فى الجيش قلبهم بقى حار ما توقعت طيارة طافية لمبات لانه الحى مافيه شئ استراتيجى وما توقعت جماعة خرطوم جوة بتوع لندن واسرائيل وفرنسا لانهم كضابين توقعت جيشنا وياحسرة طلعت حفلة عرس وانفضت)..
-------------------------------
و الله كلام يا بت ابوزيد ...


#647281 [زول]
0.00/5 (0 صوت)

04-25-2013 04:31 PM
دي حتكون علي وزن الخنقو ملو ...خنق ..ورصاص ... وموية نار ...زمن الانقاذ


#647246 [استيبول]
0.00/5 (0 صوت)

04-25-2013 03:45 PM
دي بتكون المطربة زكريات


#647184 [ودعجوز]
0.00/5 (0 صوت)

04-25-2013 02:07 PM
هو نحنا فى المكسيك والا ده فلم هندى


#647041 [Almo3lim]
5.00/5 (2 صوت)

04-25-2013 11:39 AM
للأسف الصحف لا تهتم بتحليل أو تقصي خلفيات مثل هذه الحوادث ..

قد تكون المغنية ( مستغرقة في الجبجبة) و صاحبنا ( متزمت) أو يكون واقع تحت تأثير الحبوب المنشطة و تهيأ له أنها تعني شخصه بكلمات أغنية معينة و هنا يأتي دور الصحفي ناقل الخبر و الشرطة التي تتابع التحقيق مع ضرورة التوصية بعرضه على الطبيب النفسي لأنه ليس من الطبيعي أن يقوم إنسان بالهجوم على مغني أو مغنية في مكان عام بدون أن تكون هناك أسباب ( حقيقية أو مرضية) ...


ردود على Almo3lim
Russian Federation [nagatabuzaid] 04-25-2013 08:18 PM
وقد تكون قريبته ولا يريدها ان تغنى هناك اسباب بدليل انها رفضت التبليغ وايصال الامر الى الشرطة وربما تكون ازعجته وهو فى بيته صراحة اكثر ما يزعجنى صوت المغنيات والمغنين وانت فى بيتك تحتاج لراحة بعد جهد او ستصبح ان احياك الله لتبدا يوم كد وجهد وربما تكون فى ساعة حزن غايتوا انا احيانا قلبى يقول لى امشى بيت المناسبة اخنقى اللعلاع او العلاعة تانى اتذكر ما عندى حيل للمصايب ديل اقول يا ريت لو عندى وسيلة اتصال بناس مجاهدى اسلام بس اعملوا حسابكم لما اكون فى الاجازة


#647040 [الدخرى عزالدين]
0.00/5 (0 صوت)

04-25-2013 11:39 AM
المغنيات بدخلن في الاغنيات كلمات مستفزه لبعض الناس وهى بتكون مقصوده لاغاظة بعض الناس لذلك بتحصل المشاكل ,ووالمغنيات بقن زى الحكامات الواحده تولع في النار بين الناس ,كبعا بعد مايغمتوا ليها القريشات


#647008 [سيد إبراهيم محجوب]
4.75/5 (3 صوت)

04-25-2013 11:10 AM
تشطر على البنا بس ... يا بجم ... ماتخنقوا نافع ولا البشير نفسو ولا عبد الرحيم التور ولاولاولال.......................


ردود على سيد إبراهيم محجوب
Russian Federation [سودانية] 04-25-2013 12:12 PM
يشوفهم وين لو مرو بالصدفة في الشارع بمرو بسرعة البرق وكلمح البصر


#646987 [كتاحة]
3.94/5 (9 صوت)

04-25-2013 10:58 AM
والله انا بجيني شعور زي دا لمن اسمع ندى القلعة

بكون داير اخنقا بس المشكلة البتواجهني انو يديني ما بيقدرن يمسكن رقبتا الكتيرة دي


ردود على كتاحة
Russian Federation [ابونديبو] 04-25-2013 03:34 PM
يا كتاحة وبندق انتو عايزين شريف نيجيريا يقتلكم ولا شنو...

Russian Federation [بندق] 04-25-2013 12:43 PM
هههههههه والله ضحكتني ياكتاحه انابرضو بجيني نفس الشعور طيب تعال نخنقا انا بي يدين الاتنين وانت بي يديك الاتنين هههههههه

Russian Federation [سوداني] 04-25-2013 12:23 PM
ههههههههههههه نفس الشعور


#646943 [zawban]
0.00/5 (0 صوت)

04-25-2013 10:15 AM
العود كان مافيه شق مابقول طق .خنقها مالا عملت ليه شنو ولماذا رفضت الشرطه وهل كان الحفل لا يوجد به شرطي اصلا ؟دي من سابع المستحيلات ولو كان في شرطي لماذا لم يقم بواجبه ؟هذا ليست المره الاولي


#646936 [موسى محمد]
3.00/5 (1 صوت)

04-25-2013 10:08 AM
إمتهان الغناء وإحترافه في السودان ما زال سبة ومنقصة للأسر لتي يمتهن أبنائه هذه المهنة، مع إنها مهنة محترمة وشريفة ومعيشة تلك الأسر في ستر ونقنقة، لذا تجد من أفراد تلك الأسر من لا يعجبه غناء أخته أو أخوه في المناسبات لذلك يفتعل مثل هذه الخناقات لإحراج أخته أمام جمهورها.


ردود على موسى محمد
Russian Federation [MAHMOUDJADEED] 04-25-2013 11:30 AM
نقنقه دي خليها نغنغه يا شريف أنت .


#646855 [ابو لين]
0.00/5 (0 صوت)

04-25-2013 08:36 AM
الخنق دي شنو كمان


ردود على ابو لين
Russian Federation [قاعد برة زيك] 04-25-2013 01:55 PM
الناس زهجانا يا ولدنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة