الأخبار
أخبار إقليمية
هجوم عنيف من الشرطة على سكان أمدوم بولاية الخرطوم واصابة العشرات
هجوم عنيف من الشرطة على سكان أمدوم بولاية الخرطوم واصابة العشرات
هجوم عنيف من الشرطة على سكان أمدوم بولاية الخرطوم واصابة العشرات
فيس بوك


04-26-2013 05:16 PM
محمد أحمد علي عثمان

تعرض أهالي منطقة أمدوم بمحلية شرق النيل بولاية الخرطوم حاليا الجمعة بعد صلاة الجمعة لهجمة شرسة من قوات الشرطة بالسلاح الناري الحي ، والقنابل المهيجة للأعصاب والمسيلة للدموع والضرب بالهروات والعصي الكهربائية.
ووصل الأمر لإطلاق القنابل المهيجة للأعصاب والمسيلة للدموع للمواطنين في داخل منازلهم ، ونتيجة لذلك أصيب العشرات من بينهم أطفال وشيوخ ونساء إصابات بالغة.
وقد خرجت أمدوم عن بكرة أبيها لصد الهجوم التتري من الشرطة.
وقد خرج سكان أمدوم عقب صلاة الجمعة اليوم في وقفة احتجاجية سلمية للتنديد ببيع حكومة السودان لأراضيهم لمستثمرين عرب وخليجيين من بينهم رجل الأعمال السعودي الشيخ صالح كامل زوج الممثلة المصرية صفاء أبوالسعود التي تمتلك سلسلة فنادق روتانا السلام.


تعليقات 60 | إهداء 0 | زيارات 23650

التعليقات
#650867 [العمري]
0.00/5 (0 صوت)

04-29-2013 03:30 PM
درجت الحكومة علي التسويات المرضية ، هل التسوية ما مرضية ولا ما حصلت من اصلوا؟


#649166 [safe]
4.00/5 (1 صوت)

04-28-2013 01:06 AM
its very shame sudan government


#649158 [Abou ameen]
0.00/5 (0 صوت)

04-28-2013 12:53 AM
جلب استثمار للسودان ، كل مره بنسمع قصة جديدة ، الخرطوم كملها المتعافي و مجموعته خلاص قبلوا علي شرق النيل ،استثمار شنو الناس بتتكلم فيه، ولا ديل مجموعة سحر وها إخوانا ديل وعناوين ينصبوا عليهم، حرام عليكم
ناس أم دوم هم أوائل المستثمرين في أفريقيا مثل كنيا يوغندا إثيوبيا وحتي جنوب السودان منو الكان بستثمر فيه غيرهم بالله اتقوا الله في السودان وأهل السودان


#649090 [ابوسارة]
0.00/5 (0 صوت)

04-27-2013 11:08 PM
انا في رائ انة الحكومة ماتهبش النحل في الخلية


#649048 [د/ نادر]
0.00/5 (0 صوت)

04-27-2013 10:04 PM
لابد للاستثمار ان يحقق شرطين اساسين

1- الشرط الاول في الاستثمار هو تعزيز العلاقات بين الدول وبناء الثقة ووجود استثمارات كبيرة ارضية قوية لبناء علاقات استراتيجية طويلة الامد بين الشعوب لان هذه الاستثمارات ستحول دون حدوث اي توتر بين الدول المرتبطة بهذه الاستثمارات.
2- ام الشرط الثاني هي الفوائد الاقتصادية التي تجنيها الطرفين.
بالنسبة للاولي لا يوجد استثمارات تذكر بين الدول العربية وان التبادل التجاري بين السعودية والصين تعادل اضعاف ما بين السعودية والدول العربية كلها مجتمعة وان الاستثمارات الموجودة الان في السودان هي محاولات من صغار رجال الاعمال في مشاريع غير معروفة لنا كمواطنين وان وجدت وهي محدودة للغاية وليست علي المستوي التي يتبناها الدول اي انها لا تحقق الشرط الاول.
بالنسبة للشرط الثاني
انا لا اعرف مشروعا عربيا في السودان يوظف بضعة مئات من السودانيين وتدفع شوية ملايين من ضرائب وغيرها للخزينة العامة واذا كانت هنالك مشاريع باحجام تحقق المصلحة العليا للبلد من توظيف وخدمات معينة علي الاعلام ان يطلعنا بذلك بالتفصيل الممل بدلا من ضياع اوقات المواطنين في لقاءات تلفزيونية فارغة من ان يحكي شخص قصة حياته وكيف كان يهرب من الفصل الدراسي الي اخره
باختصار الشفافية ثم الشفافية هي التي تحقق كل شيء واهمها طمانة المواطن علي ممتلكاته


#648803 [ود الجزيرة الخضراء]
5.00/5 (2 صوت)

04-27-2013 05:39 PM
ناس الجكومة يقعدو ا مع ناس ام دوم ويراضوهم لان ده حقهم . الاستثمار كان ما قام على التراضي زاتو ما بينفع والله واحد نفر يخرب مشروع كامل وكلكم عارفيين . بالتراضي ارجوكم عشان


ردود على ود الجزيرة الخضراء
Russian Federation [Zoul sakiit] 04-27-2013 10:15 PM
انت يا ود الجزيرة الخضراء لما الحكومة فككت مشروع الجزيرة وباعت اصوله حته حته كانت قعدت معاك وشاورتك ؟

Russian Federation [nagatabuzaid] 04-27-2013 06:22 PM
ناس ام دوم هم اول السودان المستثمرين فى السودان فى وقت كانوا فيه الحاكمين الان ما

عندهم غنماية يقعدوا تحته ويرضعوا ناس ام دوم هم مشاريع الجنوب والاستثمار فى ملكال

وان كانت حكومة اللصوص وسماسرتها تفاهموا مع اهل امدوم ناس ام دوم كانواتنازلوا لصالح

ورفاهية الانسان بقناعة لكن اللصوص سرقوا الارض وباعوها والثمن سيتحول لبنوك ماليزيا راس

لنزهتهم ورفاهيتهم وخزينة السودان يسمها ما حتدخله مليم ووزير المالية يدوه حق سد الخشم

وهجوم على اصحاب الحق بكل وسائل الارهاب وقتل شباب وجرح اخرين بعد كده يا ود الجزيرة عايز ناس ام دوم يجلسوا ويتفاهموا مع البلطجية ده المفروض تطلب من اهل الجزيرة يهبوا

للوقوف مع اهل الحق


#648582 [ابوسريع]
5.00/5 (1 صوت)

04-27-2013 02:00 PM
انتو عارفين الحكومه سنت قانون خاص لنهب الاراضي باي وسيله والدليل علي ذلك اطلع الولايات وشوف شوف المحن والحكاوي واليلاوي والمظالم قدر شنو حتي البيوت البنوها الامجليز للموظفين اتباعت . والله ما عارفين دي ذاتها اخرتها ايه.


ردود على ابوسريع
Russian Federation [تاوتاو] 04-27-2013 10:15 PM
الحل موجود فى ايدى وايدك وايد خل الشعب فى انهم يوقفو البحصل ده لكن غير كده ماف اى حل وحانستنى لحدى ما الاجانب يستولو على البلد وانحنا ننطرد ونسوانا يبقو اعوز بلله


#648563 [مناضلي الكيبورت]
4.75/5 (3 صوت)

04-27-2013 01:39 PM
يا من ضحكت على جهلها الامم
في السودان لو مشيت اخر الدنيا تجد الارض محجوزة لي زول يا خوانا الناس تتعب وتجلب الاستثمار من برة مع وضع السودان المنيل اجي اقول ليك دي ارضنا بلا اخمكم واخم تخلفكم واجي الشيوعية مناضي الكيبورت بشوية قصائد نضالي عاوزين اركبو الموجة ما هكذا تورد الابل يا هؤلاء.
اتمني من الشرطة ان تضرب بيد من حديد


ردود على مناضلي الكيبورت
Russian Federation [سغيل وكاره الموتمر الوطني] 04-28-2013 01:39 AM
ياكيبورد انت ولا بكبورت ولا كدر
خاف ربنا لو انا جيت وقلعت بيتكم وداير اديه لي مصري ولا خليجي بدعوي الاستثمار حتقبل؟؟
ولا تكون انت زاتك مستثمر وداير يدوك؟؟
هو وينو الاستثمار ؟؟علي الحرام من ما جات الحكومه دي ما شفنا اي استثمار
برج الفاتح وروتانا السلام بنشوفهم في التلفزيون
حدنا حبيبي مفلس وبالكتييير شارع النيل
دواء مافي تعليم مافي (الا يكون عندك قروش) طيب الاستثمار دا المستفيد منو منو؟

Russian Federation [تاوتاو] 04-27-2013 10:18 PM
انتو ابدو وانشالله بتلقو المعاكم يد الحديد مابتكون بى ولا بيك ولا بيكم لازم بمجموعه كامله وماتخاف وتكون جد عايزه تجلب النصر والحق لينا ولى اجيالنا اموت واعرف الشعب السودانى ده ساكت كده مالو الا يكونو بكوبو حاجه فى مويه البحر عشان الناس تسكت واريتا مويه نضيفه

Russian Federation [hamid] 04-27-2013 09:01 PM
keyboard بورد بالدال يا بتاع الغستثمار و الضرب بيد من( حديت)

Russian Federation [هثرو بن بدر] 04-27-2013 04:03 PM
يااخي انا معك ولكن الاثتثمار يجب ان يتم بدعم صاحب الارض وليس بنزعها منه ليقوم بتطويرها لصالحه وصالح البلد وتكون باسمه وصالح المثتثمر ايضا حتى لايكون هنالك اي ضرر للمواطن اما ان يكون النزع بهذه الصوره فيه ظلم كبير للمواطن والمستفيد من ذلك هو المثتثمر وجهات متنفذه في الحكومة وهذا هو العدل


#648543 [محمد يوسف]
5.00/5 (3 صوت)

04-27-2013 01:27 PM
العربة الهامر يقودها توم السودانى وفى المقعد الامامى الولد الشاطر الفهلوى مصطفى اسماعيل وفى المقاعد الخلفية يجلس رجل الاعمال السعودى وزوجته المصون يتنزهون فى الخرطوم على ضفاف النيل وفجاءة صاحت الزوجة وهى تشير الى اراضى امدوم :انا عايزة حتة الارض دى يا كامل استثمر فيها.ابتسم الولد الفهلوى وقال : دى بتاعت ناس وما بدوها ساكت كده .زعلت الامورة وتعكر صفاءها والتفتت فى شئ من التهديد الى كامل زوجها بان يتدخل فنطق بلغة الارقام موجها حديثه الى مصطفى :انت البقشيش اقصد الكوميشن لو ضربناهو فى ثلاث بمشى الحال .هنا تبسم مصطفى وتململ فى جلسته وسكت برهة وهو يدير الحسابات فى راسه واجاب سريعا:طبعا نحن مجموعة وكان ضربت فى 10 تكون القسمة مرضية للجميع .وفى هذه اللحظة خرجت نحنحة من السائق توم السودانى فاردف اسماعيل وطبعا ما حننساك يا توم .هنا رجعت الزوجة الى اصلها الفنى ومثلت دور الشفقة وتسالت وكيف نحل مشكلة الاهالى ؟واوما كامل موكدا سوالها لاسماعيل فاجاب اسماعيل بسرعة البديهة : انت يا كامل اضرب فى 10 ونحن بنضرب ليك الاهالى والسودان كلو لو عايز فاوما كامل بالموافقة وتبسمت الحسناء وفرح اسماعيل وصحبه توم وانضرب اهل امدوم


ردود على محمد يوسف
Russian Federation [ابوعلي] 04-27-2013 02:41 PM
ههههههها خطير يا محمد يوسف سيناريو يليق بكبير الشحاتين وناس ام دوم رجال الله ينصرهم ان شاء الله .


#648470 [أبكر فور]
0.00/5 (0 صوت)

04-27-2013 12:42 PM
أفتحوا بلاغات لدى النيابات التى دائماً فى صف المواطن وأكيد السيد الرئيس سوف يقوم بتشكيل لجنة تقصى الحقائق فوراً وتعيين مدعى عام لجرائم أ م دوم والجريفات مباشرة بعد ان يرفع مدعى عام جرائم دارفور تقريره والذى تمَ تكليفه فى الأول من العام 2006م والذى يتحقق فى أول بلاغ ضد الجندى من قوات حرس الحدود المتهم بمحاول ة الإعتداء على المرأة النازحة خارج معكسر دنقيل .


ردود على أبكر فور
Russian Federation [max] 04-28-2013 12:15 AM
انت عبيط ولا شنو!!!!!!!!!!
انت قايله ده امريكا ولا لندن؟
ده السوداااااااااااان يعني سواد في اي حاجه
يعني غابه والقوي ياكل الضعيف
يعني عاجبك عاجبك ما عاجبك الحس كوعك
.
.
.
.
الخ
من الآخر كده لو ماعارف اركان الإنقاذ ال5 الاحسن تعرفه

Russian Federation [sudany] 04-27-2013 05:20 PM
ههههههههه والله دي بلاغات البتتفتح دي !! البلاغ اتفتح في منو ؟؟ وافتحوا وين ؟؟ وبعدين ده منو البمشي القضية دي ؟؟ ولو جينا لي كلامك بتاع اعملوا لجنة ياهو الارض ضاعت وما لقوا فيها اي حاجة اللجنة بتتكون في سنة والتحقيق سنتين وامكن اكتر وبعد داك النطق بالحكم وفي النهاية اصلا مافي قضية بعملوا رايحين منها


#648415 [علي سليمان البرجو]
5.00/5 (1 صوت)

04-27-2013 12:13 PM
هل حسن العزاء والاستسلام هو الحل؟؟ ان بيع أراضي الدولة السودانية بمشاريعها الاستراتيجية للأجنبي ورهن سيادتها في الجزيرة وأم دوم والبطانة والشرق اليوم كما تم بالأمس تشريد وتقتيل الدارفوريين والنوبة وجنوب النيل الأزرق والمناصير والسدود لازاحة شعوبها وتهجيرها لاستحواز الارض وما ظهر فيها من نفط ومعادن دلالة قاطعة لاستمرار سياسة التمكين والتكويش والنهب لائمة النفاق والطغيان الديني الانقاذي والكسب التمكيني القبلي. وعلى المعارضة السياسية والمسلحة توحيد الصفوف لقيادة الشعوب السودانية للخروج للدفاع عن ممتلكاتها وكراماتها بإزالة الكيزان ومحاسبتهم لاسترداد الحقوق والممتلكات والمال المنهوب ولن تقبل أية تسوية ةتصفر أعمال الفساد والافساد


ردود على علي سليمان البرجو
Russian Federation [واحد] 04-27-2013 01:10 PM
ما ذكرته هو نصف الحقيقه = الجزء المحلي من الحقيقه = اما الحقيقه فالتنظيم العالمي للاخوان المسلمين يعد السودان فئ واهلها عبيد وقد قتحوها = السودانيات يشتغلن خدم في بيوت ناس الخليج وارضهم يأخدوها غنيمه = اللهم نسألك ان تهد امير قطر وتشغله في نفسه وتبعد عنا شر مرسي والقرضاوي


#648406 [ود البلد]
1.50/5 (2 صوت)

04-27-2013 12:05 PM
البلد ما فاضيه ساااااكت ليها الاف السنيين شن عملو فيها خلي اخوتنا من عرب الجزيره العربيه افيدو واستفيدو وبارك الله في من فاد واستفاد ويا شرطه الضرب بمقمع من حديد علي اي معترض


ردود على ود البلد
Russian Federation [سغيل وكاره الموتمر الوطني] 04-28-2013 01:47 AM
انت ما ود بلد انت ود........
بتقبل الشرطه تضرب امك(بلا يخمك)بتقبل الشرطه تضرب اخت بيد من حديد
لو الفايده ماللمواطن بي صوره ملموسه البمرقو شنو
لكن اصلو دي سياسه الكيزان والشيطان افيدوا واستفيدوا
الناس تموت ما مشكله
الجنوب ينفصل مامشكله
النيل الازرق وكردفان مامشكله
دارفور تولع واهلها يتشردوا مامشكله
بس المشكله عندكم كيف اخوانكم من الجزيره العربيه يستفيدوا ويفيدوكم
لو كان اهلك في ام دوم ولا دارفور ولا النيل الازرق ما كان قلتا كدا

Russian Federation [sudani] 04-27-2013 01:44 PM
K O

Russian Federation [واحد] 04-27-2013 12:46 PM
ات باين ود مسيلمه ولا بلدن ناسها بلبسو عقالات , السودان غير معروض للبيع


#648396 [um ahmed]
5.00/5 (3 صوت)

04-27-2013 11:55 AM
قلبى ودعواتى معكم احبائى ناس امدوم عاشرناكم فى ملكال تجارا للعيش فكنتم لنا نعم الاخوه وصرتم لنا كالاهل ولا زلنا نتواصل معكم وتتواصلوا معنا نسال الله لكم صادقين ان يفرج همكم ويهدىء روعكم وينصركم على من تجبروا وتكبروا فاصبروا ان الله مع الصابرين


#648394 [الباحث عن الماضي]
5.00/5 (2 صوت)

04-27-2013 11:54 AM
قال المولي عزُوجل في الحديث القدسي(ياعبادي اِني حرمت الظلم علي نفسي وجعلته بينكم محرما فلاتظالموا)اللهم أنصف المظلومين.


#648391 [mohamed mohamoud ahmed]
3.00/5 (2 صوت)

04-27-2013 11:49 AM
يا ناس راكوبة الموضوع اكبر من كدة اصبحت ظاهرة التعدى على ارض الدولة مشكلة مذمنة وهنك من ديتاجر بارض الحكومة بحجة حياذة وما ادراك ما حياذة وللاسف الضحية هو المواطن المسكين الزى يححث عن قطعة ارض فى اكبر بلد مساحة ولا يجدها فيقع فى سماسرة الارض الوهم على الدولة منح اى مواطن قطعة ارض وكفى المؤمنين شر القتال


#648336 [abasi]
5.00/5 (1 صوت)

04-27-2013 10:50 AM
اعتقد ان مدير عام قوات الشرطة رجل مثقف وواعى
ورجل ذو خبرة طويلة
ومتزن وهادئ الطباع
لذا اتعجب ان يكون مثل هذا الامر قد فلت من يده
وكيف تعاملت الشرطة مع الناس بهذه الطريقة
حتى ايام مقتل قرن احترمت الشرطة الجنوبيون وتركتهم يقتلون ويحرقون
واستباحوا الخرطوم لمدة ثلاثة ايام
وهؤلا اهل امدوم
اهلنا مسلمين مثلنا ولهم قضية عادلة
كيف نتعامل معهم بهذه الوحشية والهمجية
ارجو الاهتمام ومحاسبة المسؤلين عن قتل الناس
وولى عهد اخافة الناس بالكاكى
الحوار...... الحوار واحترام الاخر
هو الفيصل


ردود على abasi
Russian Federation [nagatabuzaid] 04-27-2013 06:32 PM
كلامك غريب جدا ومخاطبتك لوزير الداخلية اغرب انت وين ساكن فى الهند ولا فى بلاد الواق واق

وحتى ناس بلاد الواق واق وبلاد السند والهند اصبحوا ملمين باحوالنا لتطور الاتصالات انت

كلامك السمح ده عن السودان ووزير داخليتنا ام عن بلد تانى اصحا يا ابنى


#648334 [ابوياسر]
5.00/5 (2 صوت)

04-27-2013 10:50 AM
امر محير فعلا. الاستثمار مرغوب فيه ولكن يجب ان يعود علي المواطن الغلبان مش لجيوب الحراميه. لماذا لا يتم تعويض المواطنين عن اراضيهم من قبل المشتري ويا دار ما دخلك شر. الاستثمار يمكن ان تستفيد منه المنطقه بايجاد فرص عمل لابنائها ويستفيد البلد لذلك يجب معالجه الموضوع بحكمه وبدون ظلم للمواطنين. وبعدين الناس دي كل واحد خاتي ليهو حجرين حاجز بيها الارض بدون اي وجه حق والارض تلقاها قاعده لعشرات السنين خاليه وعندما ياتي من يريد الاستثمار الدنيا تقوم وهاك يامظاهرات وقتل والامثله كتيره كجبار وغيرها. يا عالم روقوا المنقه شويه وكت انتو ما قادرين تستثمروا الاراضي خلو الناس تشتغل ولا بقت علينا قول المثل الساعدو في قبر ابو دس المحافير؟


#648324 [علي]
2.00/5 (3 صوت)

04-27-2013 10:36 AM
ياجماعة خليكم منطقين ديل مستثمرين بينمو البلد ومشاريع حضارية واول ناس حا يستفيدوا هم ناس ام دوم بدون ما يعملوا عند المستثمر زاتو واس المدوم الاراضي دي ما حقتهم ولا حاجة هذه ملك الشعب السوداني اعدلوا والا فان الله سوف يسقط عليم ذة الراكوبة


ردود على علي
Russian Federation [واحد] 04-27-2013 12:29 PM
يا علي الاستثمار له اسس , اما بيع ارض البلد دي قي الدنيا كلها ما بتكون بقلع الاملاك , الاستثمار لفتره زمنيه محدده بغرض معروف اما شيت الدس والدغمسه فهو سرقه

Russian Federation [ahmed wdalmlka] 04-27-2013 12:12 PM
انت يا زول جاهل ولا كوز ؟؟؟ وناس ام دوم ديل حبش ؟؟؟؟ هم الاسسو ام دوم يعني الواطه دي حقتهم و حيستفيدو شنو لما يجو السعودي يزرع فيها ويشيل خدارا كلو يبيعو في السعوديه يعني يكاكي في حته ويبيض في حته وكدي وريني مشروع واحد استفدنا منو ؟؟؟؟
بطل جهل ياخ


#648307 [أنا ام دوم أنا السودان]
4.75/5 (3 صوت)

04-27-2013 10:25 AM
يجب على الشعب السودانى التضامن مع أهالى ام دوم العزل , بالامس كان أهالى دارفور, بورتسودان ,كجبار , جنوب كردفان ,النيل الازرق , طلاب جامعة الخرطوم و الجزيرة...الخ...اليوم أم دوم.. وغدا أنت داخل غرفتك .الثورة الثورة يالشعب السودانى فلنجعل من الطفل المرحوم محمد عبد الباقى شهيد الكرامة السودانية وليس شهيد أم دوم فقط.... للمستثمرين الذين يصطادون فى المياه العكرة فليعلموا أن أى صفقة تجارية تتم فى ظل حكم الارهاب غير ملزمة للشعب السودانى , يعنى بالبلدى ياسعودى يامغفل أموالك حتروح شمار فى مرقة بعد زوال حكم الاغبياء.


#648306 [Adrob]
5.00/5 (2 صوت)

04-27-2013 10:21 AM
بطلوا النواح ولطم الخدود زي النسوان مازال المجال مفتوح للالتحاق بركب المناضلين، الميدان مفتوح

لمن أراد مواجهة الطغيان والفساد. الجبهة الثوريةوالحركة الشعبية لتحرير السودان- شمال


#648240 [عسيلاتي وبحبك يا سودان]
5.00/5 (3 صوت)

04-27-2013 09:18 AM
الله يجازي كان السبب يا حكومة الشؤم كفانا خلاص مغص اتخارجوا الله لا يوفقكم هيا ياشباب فلنتكاتف يدا بيد حتي نوفق العدو الصهيوني ( الكيزان )


#648165 [محمد ناصر]
5.00/5 (2 صوت)

04-27-2013 05:49 AM
مازا وجدنا من العرب غير النكد وحرق الروح "الخليجين"


#648161 [فارس احلام متقاعد]
4.75/5 (3 صوت)

04-27-2013 05:09 AM
ياأخوانا أم دوم معروفة بالعصامية وبيوتهم ومدارسهم ومستشفياتهم بنوها من حر مالهم عملوا فى التجارة قبل الانفصال مع الجنوب واستشهدت أسر منهم فى الجنوب وهناك حى فى الجنوب لاهالى ام دوم تم استشهادهم ومدارس امدوم تستقبل طلاب خارج ام دوم والتحية والاحترام لاهالى ام دوم مدرسة العصامية فى السودان والله اكبر .


#648155 [ahmmed]
4.75/5 (4 صوت)

04-27-2013 04:35 AM
وسط الشارع
كان الطفل محمد
شايل حلمو يصارع
ببعض نشيد
وهتاف وغناوي
كان الولد السكرة شايل حلمو ومارق
حلمو بوطن يسكن فيه العدل
حلمو بارضو تنور وتثمر تدي الجوعي الخبز
كانت سكك ام دوم مليانة رصاص
والاولاد ماليين الحتة هتاف وصمود
والبنوت زغاريد ونشيد
وكان العسكر حالف اكتل شتل الثورة
واحرق شدر الريد
والاولاد مليانة هتاف وغناوي
وكان العسكر شايل في ايديه الموت
شفت ام دوم حلمانة تقاوم
بايدا القابضة علي الاشواق بصادم
بحلم الوطن البمرق من الليل
هدارة دروبها ذي السيل
هتاف
وغناوي
نشيد
شق الافق الطيب صوت البارود
دخان
بمبان
غازات اشكال والوان
وريحة الموت والدم ياامدوم في كل فضاء
عطر الشهدا بيعلن ان الصحو بدا
والصدق بدا
فهذي ام دوم باكفها تهزم هوج العسكر
تبني مجدا للشرفاء


ردود على ahmmed
Russian Federation [nagatabuzaid] 04-27-2013 06:46 PM
ان شاء الله عريس ال17 ربيعا من عمره فى الفردوس الاعلى مع الصديقين والشهدا وحسن اولئك

رفيقا وان شاء الله زبانية الانقاذ فى جهنم مع هامان وابى لهب نساله تعالى من امر بضرالنار

ومن اطلق الرصاص يرتد عليهم فى الدنيا قبل الاخرة فى صحتهم وعافيتهم وحرسهم ونسلهم واحب

ابنائهم عذاب ومرض وميتة جيفة الكلاب اطهر منها وكل حكومة الانقاذ ومن والاهم اللهم ارنا

قدرتك فيهم انك على ذلك لقدير يا اهل السودان ام غلبتكم المواجهة ما اظن يغلبكم الدعاء

على المؤتمرجية الحرامية من اكبر لاصغر راس فيهم


#648149 [الغضبان من الكيزان]
5.00/5 (3 صوت)

04-27-2013 03:43 AM
لا حولا ولاقوة إلابالله العلي العظيم,حسبي الله ونعم الوكيل ملأ السماوات والارض وما بينمهما


ما معنى هذا الصمت الذي لا ينتهي؟؟؟!!
ما هذا يا أبناء شعبي لقد ماتت الشهامة والمروءة لقد ماتت عزتنا وكرامتنا في كل يوم تشرق فيه الشمس تزداد المعاناة ولا احد يحرك ساكنا!!
أصبح الشباب غارق في الفجور والمعاصي ولا يأبهون لما يحاك من مؤمرات لوطنهم,أصحو و أفيقو وهبو لنجدة هذا البلد المنكوب والمغلوب على أمره

قال شنو: الخروج على الحاكم المسلم حرام أي إسلام هذا بربكم؟؟؟؟؟!!!
تبا لكم يا هيئة لقطاء السودان قاتلكم الله جميعا


ردود على الغضبان من الكيزان
Russian Federation [الزير] 04-27-2013 08:48 PM
على الحاكم المسلم !!!!!!!
وينو الحاكم المسلم ؟؟؟؟؟


#648146 [ahmmed]
5.00/5 (1 صوت)

04-27-2013 03:19 AM
وسط الشارع
كان الطفل محمد
شايل حلمو يصارع
ببعض نشيد
وهتاف وغناوي
كان الولد السكرة شايل حلمو ومارق
حلمو بوطن يسكن فيه العدل
حلمو بارضو تنور وتثمر تدي الجوعي الخبز
كانت سكك ام دوم مليانة رصاص
والاولاد ماليين الحتة هتاف وصمود
والبنوت زغاريد ونشيد
وكان العسكر حالف اكتل شتل الثورة
واحرق شدر الريد
والاولاد مليانة هتاف وغناوي
وكان العسكر شايل في ايديه الموت
شفت ام دوم حلمانة تقاوم
بايدا القابضة علي الاشواق بصادم
بحلم الوطن البمرق من الليل
هدارة دروبها ذي السيل
هتاف
وغناوي
نشيد
شق الافق الطيب صوت البارود
دخان
بمبان
غازات اشكال والوان
وريحة الموت والدم ياامدوم في كل فضاء
عطر الشهدا بيعلن ان الصحو بدا
والصدق بدا
فهذي ام دوم باكفها تهزم هوج العسكر
تبني مجدا للشرفاء


#648137 [khidir]
4.50/5 (2 صوت)

04-27-2013 02:35 AM
الظلم ظلمات يوم القيامة وصلت الى بيع اراضى المواطنين سرقة عينك يا تاجر حسبى الله ونعم الوكيل على كل ظالم ومغتصب


#648125 [انصاري]
5.00/5 (2 صوت)

04-27-2013 02:11 AM
الشرطة حمالة اللهب تبت يدا آمرها وتب


#648099 [كفاكم خلاص]
4.50/5 (2 صوت)

04-27-2013 01:24 AM
إنتقل إلي رحمة مولاه الشهيد محمد عبد الباقي إثر إصابه من شرطة حكومة السودان


ردود على كفاكم خلاص
Russian Federation [الهشيم] 04-27-2013 08:45 PM
اثر اصابه من شرطه دولة المظالم الاسلامويه وليست شرطه السودان التي تّم تفكيكها من زماااااان .. سمّوا الاشياء بمسمياتها يا جماعه .
رحم الله الشهيد محمد عبدالباقي .


#648098 [د0بدر]
5.00/5 (2 صوت)

04-27-2013 01:24 AM
نحن مع الحق يابشر ماتتهموا الناس منفراغ الاخ القال صالح كامل حرامي منوين بتعرفوا الشيخ صالح رجل اعمال قامة ووصل لما هو فيه بجهده لانه رجلبداء من طبلية لاترموا الناس بالكذب وواله لم اري الرجل الافي الصور


#648081 [محمد أحمد]
3.00/5 (2 صوت)

04-27-2013 12:47 AM
صالح كامل حلاامي معروف وربما تكون صفاء أبو السعود رغم كل مصائبها أنضف منو. هل نعلموا أن صالح كامل وهو باكستاني الأصل كان يبيع السجاير في الحرم المكي؟


ردود على محمد أحمد
Russian Federation [nagatabuzaid] 04-27-2013 07:04 PM
لا داعى للاساءة للشيخ صالح كامل والله لا نعرف عنه الا كل خير هات ادلة على انه حرامى

اما كونه باكستانى اوغيره فما الذى يعيب الباكستانى انت نفسك يشتمونك بيا سودانى هل

يا سودانى عيب ؟ يبيع السجار فى الحرم ما انتم بتبيعوا الصعوط انه رجل مكافح يخدمالاسلام

بماله وجهده الحرامية اخوان رئيسك وزوجته الثانية الخائنة ورئيسك ومن حوله وخاله

القواد واللصوصية عندهم مرض وراثى من خالهم الصول وفضيحة بيوت الحارة التاسعةوهى واقعة

مثبتة هات دليل على ان الشيخ صالح الكامل حرامى وانت مالك ومال زوجته خليك منطقى

ومهذب فى ماتقوله ولعلمك لو ان صالح الكامل علم بالحقيقة وان الارض مسروقة من اصحابها لما

اشتراها وهو نفسه وقع ضحية سمسار فشل فى قلع الاضراس بقى قلاع اراضى فشل فى الدبلوماسية

قال اخير اتكسب من اراضى الناس باسم الاستثمار مع انه فاشل حتى فى اختيار لون الكرفتة

خليك فى ناسك يا محمد احمد واترك صالح الكامل يكفيه اجرا اننا والالاف با الملاميين نجلس لمدة ساعة نستمع لايمن رشدى وهو يعلم القران فى قماته اقراء

Russian Federation [كوشن تود] 04-27-2013 10:28 AM
يا محمد احمد الشيخ صالح كامل رجل فاضل وما حرامي والاف السودانيين أشتغلوا معه وعارفين الراجل أحسن مني وممكن يدافعوا عنه .

العامل عنده أي في شركاته له كل الحقوق من علاج وبدل سكن وحقوق ما بعد الخدمة ودية دليل أنه ما حرامي والرجل عنده في شركاته جزء للاعمال الخيرية .

يا شيخ محمد الحرمية ناسنا البشكير وصحبه اللئام


وكون أنه باكستاني ما عيب بل شرف له لأنهم أجدع ناس

والرجل ممكن يبيع سجاير ويكون شريف وبالمقابل ممكن يكون أمام مسجد ويكون حاقد وكذاب وعنصري وممكن يكون حرامي

المظاهر خداعة

ليس الفتي من يقول كان أبي


#648079 [محمد أحمد]
4.00/5 (3 صوت)

04-27-2013 12:46 AM
صالح كامل حلاامي معروف وربما تكون صفاء أبو السعود رغم كل مصائبها أنضف منو.


ردود على محمد أحمد
Russian Federation [آرتي] 04-27-2013 08:42 PM
صفاء .. خلّتو زماااان بعد ما اخذت منه ما تريد وفكتّ العجوز عكس الهوا .


#648075 [ابكجه]
5.00/5 (4 صوت)

04-27-2013 12:43 AM
حكومة الجهل النشط لا تدرى كيفية التخطيط السليم والاستثمار الذى يعود بالفائده اولا للمواطن وليس لسماسرة وعملاء الانقاذ وهذا يتطلب اولا مشاورة اصحاب الشان. يا جماعه الدول المتحضره والتى تحترم شعوبها لو ارادت ان تعمل اى شىء اولا تستشير اصحاب الدار واهل الاختصاص والبيئه واصحاب المصلحه وبعد اعداد الدراسات وعرضها على الكل يبدأ التنفيذ. مش بالبنبان والقوه الجبريه.


#648070 [كوكاب]
5.00/5 (4 صوت)

04-27-2013 12:38 AM
على الشعب السوداني الوقوف مع اهل ام دوم وعلى سكان الخرطوم عليهم الخروج غدا للشارع ويا سكان ام دوم وكل الناس الذين بيعت اراضيهم للعرب والخليجين احرقو زراعتهم وحطمو كل شيء يخصهم كبدهوم خسائر فادحة في اموالهم حتى يخرجو من بلادنا والله اخر زمن العرب يريدون استعمارنا واسعبادنا باموالهم لعنة الله عليهم ومن اتى بهم .


ردود على كوكاب
Russian Federation [nagatabuzaid] 04-27-2013 07:18 PM
العرب والخليجيين جاءوا بحسن نية للاستثمار خدمة لنا ولهم ووقعوا ضحية فى ايدى لصوص وحرامية طبعا لا يمكن ان يتصوروا او يصدقوا ان السودان يحكمه لصوص العن من الصهاين هو باسم الاسلام لا والله لا اهل امدوم ولا اي سودانى اصيل راجل ود رجال رضع من ثدى حرة يستجيب لك ولدعوتك الهبلة الغبية والله نكرمهم ونعزهم وقضيتنا مع حكامنا اللصوص ازواج اللصات قضيتنا مع جحكامنا الحفاة العراة الذين تطاول بهم البنيان ولم يشبعوا ويقولون هل من مزيد بالضبط كجهنم التى سيكونون وقودها ان شاء الله
وانت فلاحتك دى ودعوتك الغبية نفذها فى حكومتك امشى احرق وكسر دييييك كافورى وهناك شركاتهم وبغادى استثماراتهم وابقى راجل اطلع افتح صدرك متل الشهيد محمد عبد الباقى
انت عارف زيك ده متل المخربين البطلعوا تحت اقدام الناس فى المظاهرات ويخرب ويهرب بالضبط انت واحد منهم

Russian Federation [Dr. Faisal] 04-27-2013 03:14 AM
معك الحق كل الحق .. نعم لابد من تكاتف الجميع ضد البيع المنظم للبلد وأراضيها.. وليعلم المستثمرون أن الأهالي لن يصمتوا وسوف يقومون بتعطيل مشروعاتهم وتدميرها لأنها أقيمت دون رضاء الناس.. ونصيحتنا لكل مستثمر بألا ينقاد خلف حديث هؤلاء اللصوص.. وإلا سيخسروا كثيراً


#648050 [الحل النهايي]
0.00/5 (0 صوت)

04-26-2013 11:48 PM
ياخوانا والله الخبر يحير زاتو


#648044 [isic]
4.50/5 (3 صوت)

04-26-2013 11:38 PM
الموت في الحق شهاده.ثوري ياخرطوم ثوري الحرب قد بدأت ...


#648039 [الكارب]
0.00/5 (0 صوت)

04-26-2013 11:33 PM
سير سير يابشير...


ردود على الكارب
Russian Federation [الدكتور] 04-27-2013 08:39 PM
يا اللخو .. جنرالكم اصبح عاجزاً عن (السير) وبات اعرجاً في اواخر ايامه .. فالى اين تريدون ان يسير بكم ؟؟
لقد بات الآن الاتجاه واحد .. الى ( لاهاي ) .. ماعاد هناك مزيد من (الخرمجه) و (السير) و القتل والسرقات .

Russian Federation [ابواحمد] 04-27-2013 07:22 PM
طير طير يابشير الي الجحيم يابشير

Russian Federation [fadeil] 04-27-2013 10:40 AM
البشير زولك ده حيسير الي المقابر ان شاء الله .

Russian Federation [ود امبعلو] 04-27-2013 08:32 AM
ايوا سير سير يالبشكير علي الشعب الحمير امثال المعلق محمد احمد
الذي ترك الفيل وبطعن في ضلة مالك ومال صالح كامل شوف الذين
باعو لية الواطة واطعن فيهم يا خبل وبصراحة ذي عقلية محمد احمد
دا هي البتقول سير سير يالبشكير

Russian Federation [سوداني صاح] 04-27-2013 07:50 AM
يا كلب
انت مش كارب
انت كلب
الله لا كسبك لا دنيا ولا اخرة
يا كلب


#648030 [nagatabuzaid]
5.00/5 (5 صوت)

04-26-2013 11:14 PM
ان لم يهب شعب السودان اليوم وينزل الرجال فلتنزل النساء يقودن الرسن رجال ام دوم ما ساهلين لكن شدو من اذرهم يا رجال السودان وصالح الكامل لو عارف انه اشترى من لصوص سيرجع الارض لاصحابها ولا اظنه يرضى باغتصاب ارض نسال الله ان يكون هذا سبب لاقتلاع عصابة حكومة البشير وعصابة ال البشير ورميهم فى مزبلة التاريخ وليتذكر البشير انه عند غزوة خليل ابراهيم لام درمان هرب ودسوه ناس الطيب النص فى العيلفون والعلبفون عمومة ام دوم ياها شرق النيل
يا رجال السودان ارسلوا لرجال مصر وسوريا يجوا يخلصوكم ويعلموكم كيف تكون ارجولة والوطنية


#647997 [ADIL]
5.00/5 (1 صوت)

04-26-2013 10:15 PM
يا ود ام دوم قد ناديت اذ ناديت احياء ولكن لا حياة لمن تنادى يااخى كان الله فى عون اهل ام دوم


#647976 [بحري نفر]
4.75/5 (6 صوت)

04-26-2013 09:30 PM
الناس ديل باعوا السودان كلو..ولو لقوا طريقه كان باعوا الهواء كمان....وكمان لسه بيقولوا هي لله هي لله لا للسلطه لا للجاه....وهم اثبتوا انهم عبيد السلطه والفلوس...في الخرطوم..ما لقوا واطه فاضيه الا باعوها...وشوف فضيحة المدينه الرياضيه..وهم يحبوا الدنيا...وشوف كل واحد متزوج 2 وزياده....يخسي عليهم اهل الضلال و النفاق...الله يزيلهم من السودان انشأالله قريبا.....


#647975 [roban]
5.00/5 (7 صوت)

04-26-2013 09:25 PM
عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
جيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
برضو برضو حتنكشف..
لا تنحبس للحسرة والالم المرير لا ترتجف
فك البلف
كتــــاحة تكتـح
ما تخلـــي تك تح
غبارها يلفــــح
تكشف وتفـــــضح
للدمعة تمـــــسح
للظلم تكـــــشح
حرية تشطــــــح
في وطن مشــلح ... حضن العذاب
عفارم تمام ... صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية ... ومرات جنوبية
تقلب شمالية ..... وفجأة شرقية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال... تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك ... فالنفس لوامة
حسرة وأسف وندامة
والحالة مش دوامــة
كتاحة كتاحة... إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام ...صاح الكلام ... كده يا شباب
كتمت خلاص بلغ النصاب
*************
كتاحة كتاحة ... جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب...... لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.


#647968 [ود امدوم]
4.72/5 (13 صوت)

04-26-2013 09:06 PM
يا ناس اقسم بالله الكلام المكتوب ده كلو صحيح
بوليس البشير واخوانه هجمو على اهلنافى ام دوم وتعرض
كتير من الناس لاصابات بعضها خطير . ولحدى الان العدوان مستمر
وده كلو عشان اخوان البشير ما دايرين يخسرو القروش القبضوها
من السعوديين . مافى اى حكومة عندها فضل علينا .
اقسم بالله المدارس والمساجد والمراكز الصحية وصهاريج الموية
والطريق المسفلت من حلة كوكو الى ام دوم كله عملناه نحن .
يا ناس دى فرصة اطلعو الشوارع عشان نتخلص من الغمة دى
وننتصر لكل اهلنا المستضعفين فى الشرق والغرب والشنمال
والجنوب والوسط


ردود على ود امدوم
Russian Federation [ivan] 04-26-2013 10:57 PM
امشي شارع النيل خلي الشبااااااااااااااااب يطلع معاك


#647967 [zoolo]
4.75/5 (4 صوت)

04-26-2013 09:04 PM
بعد بيع الاراضي حا يقبل ابيع الاطفال متاكد تماما من عديمين الزمة اين الشعب السوداني بلدنا دا جدودنا سلموهو لينا حدادي مدادي جو الكيزان اتاجرو بيهو عينك ياتاجر لي متين نصحا من الجهل الورثتنا ليه كما يسمونها الانقاز


#647961 [zoolo]
4.63/5 (4 صوت)

04-26-2013 08:54 PM
يااخونا وين الوطنية بعتو الجنوب وام دوم الكيزان ديل حا يبيعو وطنا كلو عديمين الوطنية كثمكم ياكيزان


#647940 [وطني غيور]
4.71/5 (12 صوت)

04-26-2013 08:13 PM
لا زالت الشرطة حتى الان والساعة السابعة مساء تحاصر امدوم وتداهم المنازل
وقد فاق عدد المصابين الثلاثمائة ما بين اطفال وشيوخ ونساء وشباب
يا ضمير العالم هبوا لنجدة اهل امدوم
ونقول للعالم ان هنالك أربعة أشخاص عملاء خائنين من امدوم هم من احضروا الشرطة وحرضوهم على سكان امدوم وظلوا يوجهونهم لضرب اهالي امدوم
وهؤلاء الخونة الاربعة هم : الصديق محمد علي الشهير بـ (الصديق مييع) ..وحسبو عامر عبدالمجيد نائب دائرة الجريفات وامدوم .. و السيد حسن الشهير بـ (السيد يهودي) .. وخالد عوض ، وهو مندس على ناس امدوم يعني اصلا ليس من امدوم ، وهو تزوج في امدوم وظل فيها خائنا وعميلا مدسوسا.


ردود على وطني غيور
Russian Federation [جقدول] 04-27-2013 08:28 PM
السيد (يهودي) و (مييييع) .. فتأملوا من يعاون نظام دوله المظالم الاسلامويه ؟؟

Russian Federation [nagatabuzaid] 04-26-2013 11:02 PM
اضربوهم اضربوا الكلاب خلوهم عبرة لمن لا يعتبر حاصروهم ما يهربوا يكونوا الان هربوا ما الخائن اصلا خايب

Russian Federation [ود امدوم] 04-26-2013 09:54 PM
الزول الاسمه خالد عوض ده لازم ينطرد
وكل كوز ابن حرام لازم ينطرد من ام دوم
ومن السودان كله ديل اولاد حرام


#647927 [الحقيقة مرة]
4.88/5 (6 صوت)

04-26-2013 07:41 PM
الليلة ام دوم بكرة ما معروف يضربو وين لازم كل المدن والقرى تطلع الشارع في وكت واحد عشان ما استفردو بكل ناس براهم


#647920 [ابومحمد]
4.75/5 (4 صوت)

04-26-2013 07:23 PM
/دق الجراب خلي الجمل يخاف/ واذا خاف الجمل كل شي علي مايرام واذا لم يخف الجمل فشلت سياسة جذب اموال المستثمرين بعد ان اصبحت الخزينة خاويةالحكاية ظاهرة والشعب جعان لكنه جبان مع الاعتذار للشجعان


#647919 [دبشق]
4.00/5 (3 صوت)

04-26-2013 07:20 PM
الجنيات يا بغاره شدوا خيلهم للمغاره ,,, الغايظنى ,, البغنى ده راجى شنو , ؟ ولاقاعد غناى زى الحكامات , الله يلعنه


#647916 [المشتهى السخينه]
4.88/5 (6 صوت)

04-26-2013 07:18 PM
ارض السودان الفضل اصبحت مستباحه من عائلة الرئيس الدائم الخالد.. وهم يعتقدون ان الشعب السودانى اصبح عبيدا لهم وارضهم ملك لهم. وذلك بعد ان استعبدوا القوات النظاميه التى اصبحت تدافع عن جرائمهم فقط . ولكن نحذر السلطة الغاشمه الحراميه بأن الاحتجاج اليوم سلمى وغدا بالرصاص وعلى الباغى تدور الدوائر .. اللعنة على هيئة علماء السودان الاجيره ..


#647906 [Omar Suki]
5.00/5 (4 صوت)

04-26-2013 06:47 PM
يقال ان حسبو عامر نائب دائرة ام دوم و الجريف بالمجلس الوطني المزور في موقف حرج جدا بعد عمالته للنظام ضد اهله الشرفاء،، يا لها من حكومة همجية و غبية جدا في التعامل مع مثل هذه المواقف يطوعون الشرطة لخدمة مصالح الراسمالية الطفيلية


#647904 [ود كركوج]
5.00/5 (5 صوت)

04-26-2013 06:44 PM
اللهم اجعلها شرارة البداية.
آمييييين.


#647897 [Tom]
1.00/5 (2 صوت)

04-26-2013 06:32 PM
علي الحكومة الضرب بيد من حديد لحماية مصالح الشعب السوداني و تشجيع الاستثمار.


ردود على Tom
Russian Federation [خالد حسن] 04-27-2013 02:16 AM
توفوا عليك ياعميل
انت لو بتعرف الرجاله اكتب اسمك كامل
بلا يخمك ويخم حكومة الخونه

Russian Federation [شوق] 04-26-2013 11:24 PM
حسبي الله ونعم الوكيل فيك وفي حكومتك , الاستثمار اهم من ابناء وطنك ..الله لا تم ليك ياتوم

Russian Federation [الحقيقة مرة] 04-26-2013 10:02 PM
حماية مصالح الشعب السوداني بقمع الشعب السوداني يا عديم الاخلاق ؟

Russian Federation [السوداني المظلوم] 04-26-2013 08:28 PM
لعنة الله عليك يا TOM يا جبان
بتعرف شنو عن مصالح الشعب السوداني ، وكمان تقول يضربوا الشعب بيد من حديد
الحديد ان شاء يصهروك فيهو يا عرة الرجال.


#647896 [جارسيفو]
4.88/5 (4 صوت)

04-26-2013 06:32 PM
طيب الحكومة ماعندها حاجة تمشي بيها حالها غير بيع اراضي المساكين ديل لكن الشعب يستاهل لانه ترك للحرامية والفاسدين ديل الحبل علي الغارب يجب ان تهب الثورات ضد نظام الفساد والفاسدين والله والله لم نترككم من غير حساب والله البموت قبل الثورة سوف ننبش قبره ونحاسبه عن ما اقترفت يداه من ظلم وتقتيل وفساد وسرقة ومافي كبير علي القانون من البشير الي الخفير البيان من الناطق الرسمي باسم قوات الحزب الاشتراكي الاسلامي جناح تيران الوحل


#647893 [kamda]
5.00/5 (3 صوت)

04-26-2013 06:24 PM
نحن قبيل شن قلنا قلنا الطير بياكلنا

معا لاسقاط عصابة الانجاس


#647887 [Fato]
5.00/5 (13 صوت)

04-26-2013 06:11 PM
ألى كل أهلى بالمدن والقرى من أباء وأمهات وأخوان وأخوات , ألى منظمات المجتمع المدنى والشباب هيا هبوا مع أهليكم فى أم دوم وفى النيل الأزرق وجنوب كردفان ودارفور وفى الجزيرة وفى الشمال فكل شبر فى الوطن أصبح محتل بالقوة وتباع أراضيكم وبيوتكم وغدا تباع أمهاتنا وأخواتنا ونحن ملازمين الصمت فلنترك الرهب والخوف فالموت واحد ولكن الشرف والأرض والعرض أن لم ندافع عنهم فموتنا أحسن من حياتنا.هيا لنهب هبة رجل واحد ونقلع جزور هؤلاء اللصوص.لا لن نريد كلمة(من يقودنا)لأن هذه الكلمة هى السر الذى جعلهم يتشبسون بالسلطة,لا لن ننظر لقيادة من أى حزب ففينا من هم أبطال صدورهم عارية فداء للوطن وللثورة القادمة.هيا لنتحرك قبل أن يحكموا السيطرة حتى على أنفاسنا.


ردود على Fato
Russian Federation [مراقب] 04-27-2013 01:14 PM
فاتك القطار انت يا دوب حسيت بالخطر ؟!! يا فاتو ياعزيزي ناس جبال النوبة والنيل الازرق ودارفور ديل اتعرضوا لابادة جماعية وتطهير عرقي وتهجير قسري لماذا لم يتعاطف معهم بقية الشعب ولو لثانية واحدة ؟ يا عزيزي لن تنجح ثورة شعبية بالاطاحة بنظام المؤتمر الوطني لان الالاف كانوا يساندون الحكومة بمسيرات التاييد لحرق القرى وقصف المدنيين بالطيران والاسلحة الكيميائية والاغتصاب الجماعي لذلك اهل مناطق النزاعات لن يطلعوا في مسيرات لاسقاط النظام بحجة نزع قرى ام دوم او غلاء الاسعار وزيادة تكاليف المعيشة لانهم اجتازوا هذه المرحلة وهذه الاسباب يعدونها نوع من الكلام الفارغ وشيئ من سفاسف الامور ولان الكواريك بالخشم لا تتناسب مع حجم الظلم والانتهاكات الذي عايشوه والا لماذا لم يخرج مواطني سوبا ومايو والامبدات والحاج يوسف دار السلامات وخصوصاً المنتمون لمناطق النزاعات في مسيرات سابقة بسبب الغلاء وهم قادرون في يوم واحد على زلزلة اركان هذا النظام واصبح الدور عليكم يا فاتو تحركوا بسبب غلاء الاسعار ونزع الاراضي وواجهوا الرصاص المطاطي والقنابل المسيلة للدموع والضرب بالعصى والهراوات فهي اخف ضرراً من ضرب المدنيين بقنابل الغاز السام وبراميل الانتنوف ورصاص الدوشكا

Russian Federation [ملاكو] 04-26-2013 07:43 PM
انت يادوووب صحيت يافاااتو .. صدقني انت فاتك كتتتتير


#647886 [ود الشلال]
4.94/5 (12 صوت)

04-26-2013 06:06 PM
واللة ياناس العصابة دي لو ماشلتوها سريع سريع ماحتبقي لكم ارض في السودان الا وهي مبيوعة ,الناس ديل في اخر عمرهم وداير كل واحد منهم يقسم قسمتو بسرعة وبأي طريقة قبل ما الفاس يقع في الراس ,لو سكتنا عليهم اكثر من كدا , على السودان السلام و اللة يعين الحكومة الجاية ما حاتبدا من الصفر لكن من -50.


#647879 [إنسان]
5.00/5 (7 صوت)

04-26-2013 06:00 PM
قلوبنا معاكم يا ناس أمدوم
ان شاء الله منصورين


#647875 [السوداني المظلوم]
5.00/5 (7 صوت)

04-26-2013 05:54 PM
يا هؤلاء هبوا لنجدة أهالي أمدوم
لكل منظمات حقوق الانسان أنصفوا أهل أمدوم
وعلى المستثمرين العرب والخليجيين وعلى رأسهم الشيخ صالح كامل إعادة أراضي أمدوم لأهل أمدوم


#647873 [دقنة]
2.50/5 (5 صوت)

04-26-2013 05:51 PM
والله ما ليهم حق ،،، كان يفترض بيهم يدوكم كوميشن !!! ولا القصة شنو ياخوانّا ؟ ما السودان كللو إتباع كانتو وين ؟


ردود على دقنة
Russian Federation [2] 04-26-2013 07:12 PM
لمن يبيعوا بيتك قول الكلام ده


#647870 [بت الرجال]
5.00/5 (9 صوت)

04-26-2013 05:42 PM
يارحمن ارحمنا برحمتك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة