الأخبار
أخبار إقليمية
المعارضة:بلادنا (منهارة) تماماً
المعارضة:بلادنا (منهارة) تماماً
المعارضة:بلادنا (منهارة) تماماً


04-27-2013 04:48 AM
الخرطوم :حسين سعد

جددت قوي الاجماع الوطني موقفها الرافض لاتفاق الدوحة الخاص بسلام دارفور ووصفته بالمنهار وانه ولد (ميتاً) وقالت انه لم يحدث إي استقرار في دارفور التي مازال نزيف الدم فيها مستمراً وجددت اتهامها لحزب المؤتمر الوطني بإشعال الحرب والفتنة القبلية في دارفور.وجاءحديث المعارضة السودانية عقب تعليق حركة التحرير والعدالة برئاسة التجانى السيسى لمشاركتها فى الحكومة السودانيه إحتجاجاً على ما أسمته التلكؤ في إنفاذ اتفاق الدوحة الموقع 2011 مفجرة ماكان يدور همساً عن توتر علاقة الطرفين.

وامهلت الحركة الحكومة (24) ساعة فقط للرد على خطاب دفعت به للنائب الأول لرئيس الجمهورية على عثمان طه يحوي مطلوباتها لانفاذ الأتفاق.وقالت الانباء ان الحركة تشعر بتلكؤ واضح حيال تنفيذ بنود مهمة فى اتفاق الترتيبات الامنية وان الحكومة لم تلتزم باشراك كوادر الحركة فى الخدمة المدنية.وقال رئيس بجنة الاعلام بقوي الاجماع الوطني المحامي كمال عمر ان انهيار اتفاق الدوحة كان متوقعا لانه منبر (ولد ميتاً) ولم يحدث اي استقرار في دارفور التي مازال نزيف الدم فيها مستمرا بشكل اكبر، واوضح ان قضية دارفور لن تحلها الاتفاقيات الثنائية وقال رئيس لجنة الاعلام بقوي الاجماع الوطني ان اتفاقية الدوحة مضروبة وتأسست علي ارض هشة الي جانب امساك قيادات المؤتمر الوطني وولاة الولايات بدارفور بكافة تفاصيل الامورواضاف ان الحزب الحاكم اشعل الحرب والفتنة القبلية في دارفور وارتكاب المذابح وتمزيقه للنسيج الاجتماعي وقال كمال عمر ان الجبهة الثورية تمددت في( كل شبر) في دارفور وان قياداتها ليست قادة حرب وانما هم طلاب سلام .

وقال رئيس لجنة الاعلام بقوي الاجماع الوطني ان الفرصة اصبحت مواتية امام رئيس السلطة الاقليمية بدارفور ورئيس حركة التحرير والعدالة التجاني السيسي لكي يتخذ موقفا صحيحًا يحفظه له التاريخ واهله في دارفور قبل نهاية الزمن الضائع من المباراة وذلك بالانضام الي قيادات دارفور والسودان المطالبين بحل ازمة الاقليم في اطار قومي شامل.

وردد كمال عمر ان حل ازمة دارفوربالقطاعي فاشل وهو مثل (المسكول) وذكر كمال عمر انهم جلسوا من قبل مع التجاني السيسي وابلغوه بان حزب المؤتمر الوطني حزب خائن لايعرف العهود والمواثيق وان نقض الاتفقيات والخيانة دينا له وهو حزب مضروب وملطخ بدماء الابرياء وقائم علي الفساد الاخلاقي والديني وشهوة السلطة .

ونبه رئيس لجنة الاعلام بقوي الاجماع الوطني الي ان قضية دارفور لاتقبل القسمة علي اثنين وان حل ازمتها في حل ازمة البلاد قاطبة في وضع انتقالي كامل. وفي تعليقه علي إرتفاع مؤشر التضخم فى البلاد إلي 47.9% بدلا من 46.8% في فبرايرالماضي بسبب أسعار الغذاء التي تشكل 52.9% من المؤشر والتي ارتفعت 2.6%,وهو ما يشير إلى أن السودان يمر بأزمة اقتصادية دفعت بمعظم سكان البلاد إلى دائرة الفقر.قال رئيس لجنة الاعلام بقوي الاجماع الوطني ان استمرارارتفاع اسعار المواد التموينية والسلع الاستهلاكية نتيجة طبيعة لسياسات الحكومة الحربية واضاف ان الاسعار في السوق جنونية وانها (فوق طاقة) المواطنيين وزاد(هناك انهيار كامل )واعتبر كمال عمر مشروع المؤتمر الوطني المعروف بالمشروع الحضاري بانه ليس لرفاهية الشعب السوداني بل هو مشروع للتجويع وافقار المواطنيين الذين يعانون من الفقر والجوع والبطالة في ظل استمرار الفساد الذي فاحت رائحته وسط قيادات الحزب الحاكم بشكل كبير.


تعليقات 18 | إهداء 0 | زيارات 6279

التعليقات
#648843 [nagatabuzaid]
5.00/5 (2 صوت)

04-27-2013 06:11 PM
جنى وجن المعارضة جنى وجن الحركات والمليشيات المسلحة فى كل مكان جنى وجن الترابى وناسه

جنى وجن الصادق المهدى وجنى وجن الدفاع الشعبى ياهو ده وجنى وجن السلفية الجهادية وشركات

استيراد المجاهدين اما شيوخ التكفير ديل جنى بخلى ليهم الدرب عديل اما الطيب مصطفى ده

عايز ينطوا ليه تيس اسود عدييييييل شهر رجب الكريم على الابواب وشيوخ وشيخات الزار عبدة

الشياطين عندهم ما يسمى بالرجبية زى خم الرماد عند المساطيل والسكارى قبل شهر رمضان بايام

فى الرجبية شيوخ وشيخات الزار بخرمجوا جنس خرمجة اكيد الطيب مصطفى لم ينسى اياما مضت

وديل كللللللللللللهم كوم ومعارضة الخارج دى فى كوم وكل ماذكرته يعنى كلام المعارضة

الخرم بارم قال قوى الاجماع الوطنى قال انتم ان قوى اجماع او وطنى كان السودان وصل للدرجة دى

كانت حكومة المؤتمر الوطنى وسماسرتها باعوا اراضى السودان وقتلوا اصحابها ؟ ربنا ياخدكم قوى

وطنية على مؤتمر وطنى


#648819 [أم حسن]
0.00/5 (0 صوت)

04-27-2013 05:54 PM
كبدي على شهيد أم دوم الصغير / إن شاء الله نشوفهم مجدوعين أسوأ جدعة زي ما جدعوك سايح في دمك أسكنك الله فسيح الجنان يا حبيب وصبر أمك وأهلك والسودان جميعا وإن شاء الله يوم الحساب قريب والصبح قرب ينبلج/ ونصلي صبح الخلاص حاضر بإذن واحد أحد


#648813 [علي دينار]
0.00/5 (0 صوت)

04-27-2013 05:52 PM
الاسطوانات غاز دي لي شنو؟ ولا للانعاش واحد لي سيسي واحد لي كبر


#648631 [yassir]
0.00/5 (0 صوت)

04-27-2013 02:56 PM
شعب السودان خمسه مراتب ؟ واحد مقتولين اتنين مبلدين تلاته مخدرين اربعه خوافين خمسه مهاجرين دى سياسه الانقاذ تجاهنا ؟ مقتولين فى الحروبات و مبلدين الناس التبعوا النظام و مخدرين الناس البيتعاطوا المخدرات و الكحول و الخوافين الناس الما عايزين يطلعوا فى المظاهرات و المهاجرين الناس اللى طلعوا من السودان و حاربوا من خلف الكيبورد ؟ ههههههههه ودقى يا مزيقا سلام تعظيم للسودانيين .


ردود على yassir
Russian Federation [ود المدير] 04-27-2013 06:17 PM
ما كلمتنا انت في أي مرتبتك


#648603 [karlos]
5.00/5 (1 صوت)

04-27-2013 02:25 PM
يا السيسى الحجر فى السودان بقى يفهم انو الجماعة ديل كذابيين و ما عندهم امان انت عامل فيها رائح و لا غمتوا ليك ملين مليونيين دولار لعن الله اى واحد يصدق المؤتمر الوطنى....


#648551 [Haba kamba]
0.00/5 (0 صوت)

04-27-2013 01:32 PM
ها طيب عرفناه البلد انهار آنتو جلكم خليتو شنو كامثالكم ديل اولادكم كلها فى الحكومة المجرم الظالم المنافق دى اليوم تلجؤ للالفاظ الحرام الما عندها معنى دى ؟؟؟من آؤلها لحدة لان الحرب والقتل والتشريد ونهب امؤال القائم حاليآ ده بأكملها أنتم الاحزاب التقليدية دى السبب الآكبر القصة واضحة ولا عاوز ليها تفسير !!!


#648539 [lwlawa]
0.00/5 (0 صوت)

04-27-2013 01:26 PM
منبر الدوحة مثل منبر المساطيل ..؟؟..كل يذهب هناك، ويتخيل الحل على طريقته، ثم يضع تصور وتوافق عليه الحكومة، ثم يوقع عليها الجميع، ثم يرفع المشروع للتمويل من اموال قطر السائبة..؟؟..وهكذا تدور الساقية والحال في حالو..؟؟
كل اطراف منبر الدوحة اليس فيكم رجل واعي ...؟؟؟


#648445 [الفاتح]
5.00/5 (1 صوت)

04-27-2013 12:31 PM
بلادنا منهارة كما تقول المعارضة بسبب ضعف الحكومة والمعارضة معاً فلو كانت المعارضة قوية والحكومة هي الضعيفة لازاحت المعارضة الحكومة واستلمت السلطة بثورة شعبية او بانتخابات حتي في الوضع الحالي وانتشلت البلاد من الانهيار ولكننا فقط نتحدث ولانفعل شيئ


#648399 [علي سليمان البرجو]
0.00/5 (0 صوت)

04-27-2013 11:58 AM
هل حسن العزاء والاستسلام هو الحل؟؟ ان بيع أراضي الدولة السودانية بمشاريعها الاستراتيجية للأجنبي ورهن سيادتها في الجزيرة وأم دوم والبطانة والشرق اليوم كما تم بالأمس تشريد وتقتيل الدارفوريين والنوبة وجنوب النيل الأزرق والمناصير والسدود لازاحة شعوبها وتهجيرها لاستحواز الارض وما ظهر فيها من نفط ومعادن دلالة قاطعة لاستمرار سياسة التمكين والتكويش والنهب لائمة النفاق والطغيان الديني الانقاذي والكسب التمكيني القبلي. وعلى المعارضة السياسية والمسلحة توحيد الصفوف لقيادة الشعوب السودانية للخروج للدفاع عن ممتلكاتها وكراماتها بإزالة الكيزان ومحاسبتهم لاسترداد الحقوق والممتلكات والمال المنهوب ولن تقبل أية تسوية ةتصفر أعمال الفساد والافساد


#648354 [ابو جهينة]
5.00/5 (2 صوت)

04-27-2013 11:07 AM
@@@ امثال سودانية :

@@@ العرجاء لى مُراحه .

@@@ انحنا قبيل شن قلنا قلنا الطير حياكلنا .

... السيسى يرفعى طوبات يلقى دولارات .
... الحاج آدم يوسف يرفعى خمارات يلقى ساطورات .
... نافع يرفعى طوبة يلقى الراكوبة .
... طه القرشى مريض .
... غندور فى اثيوبيا زرزور مزرور .
... كمال عبيد بقى فُضية بيت وحبة عند اللزوم بعد الاستغناء عن حقناته .
... ربيع عبد العاطى (احسن حاجة توفق فيها المؤتمر الوطنى ) بارساله دوما كمعلق لبرامج صحافة
الاطفال التلفزيونى ( فالرجل المناسب فى المكان المناسب )لحبه غير المحدود للاضاءات الساطعة حيث لم يتم اكتشاف ذلك الا بعد مضى اكثر من 23 عاما .
... غازى صلاح الدين فقد الاثنين وبقى زول زراعة وخايج فى الطين .
... قطبى المهدى بعد اول طلقة رشاشات يعملى شتات بالدولارات .
@@@ اما البشير يزرعى جرجير يطلع عوير ولو تكلم بحنية أعرف فى زنقة جنائية .


ردود على ابو جهينة
Russian Federation [من الجذور إلى البذور] 04-27-2013 07:37 PM
01- يا [أبا جهينة] ... والله أمثالك عينة ... وجذورك واضحة وبيّنه .... عليك الله أتحفنا بين الفينة والفينة ... بمثل هذه الرؤى والمواقف الشفّافة البيّنة ؟؟؟


02- كان سيّدنا عمر رضي الله عنه ... يحترم خصوصيّات الرعيّة وإداراتها الأهليّة ... ؟؟؟


03- قيل إنّه كان لديه مجلس عربي فاخر ... ولكنّه لا يجلس عليه هو .... إنّما يجلس عليه سادة العرب وأشرافهم ( أبو سفيان بن حرب سيّد الجهينيّين ، والعبّاس بن عبد المُطّلب سيّد القريشيّين ) .... عندما يتفاكران حول إدارة تدبير معاش قومهما .... وحول إدارة شئون أمن قومهما ... ؟؟؟


04- إذا جاء الخارجون على خصوصيّاتهم الإداريّة إلى رسول الله صلّى الله عليه وسلّم ... للدخول في الإسلام .... كان يقول لأحدهم : هل أنت سيّد قومك .... ؟؟؟ فإذا قال : لا .... قال له رسول الله صلّى الله عليه وسلّم ... إذهب إلى سيّد قومك ، وأخبره بأنّك تريد الدخول في الإسلام .... فيرجع إلى سيّد قومه ... فيأتي سيّد القوم ... ومعه قومه ... فيدخلون في الإسلام .... ؟؟؟

Russian Federation [nagatabuzaid] 04-27-2013 01:17 PM
الله يبارك فيك يا ابو جهينة ويديك العافية تعليقك فى الصميم رغم انه ضحكنى فهو على وزن السهل الممتنع (الجاد الساخر ) مع انى من اخبار السودان واحداث ام دوم نمت بعد جهد جهيد ولمدة قصيرة ومسيطر على محمد عبد الباقى شهيد الدفاع عن ارضه وزى ما بنقول نحن النساء عند العزاء تعبيرا عن المشاركة الوجدانية( العلى اهلك على ) والله فعلا حقيقة واصبحت ابحث عن المواقع وما ضحكت الا بعد قراءة تعليق الجميل الشامل الوافى لك التحية


#648293 [فيصل احمد عمر (الرياض)]
0.00/5 (0 صوت)

04-27-2013 10:09 AM
يقول الله عز وجل فى محكم كتابه( لئن لم ينتهى المنافقون والذين فى قلوبهم مرض والمرجفون فى المدينه لنغرينك بهم ثم لايجاورونك فيها الا قليلا) ياكمال عمر انت الشعب السودانى وكلك عليه
والله لو كنت فى السلطه او حتى تصالحت معها لتغير خطابك هذا ولوصفت متمردى دارفور بالمرتزقه
اصحاب اجنده خارجيه ولوصفتهم بالعملاء الماجورين طلاب الكراسى والسلطه (فياترى من منكم طلاب سلطه) اما الغلاء الذى تتحدث عنه الان تعرف اذا كنت فى السلطه كان تسمونه ابتلات من الله وامنحان والمؤمن مبيلى فيااخى انت لاتعرف السودان ولاكيف يعيش السودانين فى ابوكوع وام رقدتى وبرام وفى خور برنقا وفى ابوزبد وفى الدمبلويه والمجلد وفى ارقو وسمت ونمر4 ووادى حلفا وفى اروبى ودرديب وسنكات وهيا وفى فوجا وحمرة الوز وعيال بخيت وصنقر فوت وودجماع وشنقل طوبايه
بالله خليكم فى موائدكم الفاخره وملاذاتكم التى لانقطع وخلوا ناس السودان فى حالهم وقلوا (الجمره بتحرق الواطيها)


ردود على فيصل احمد عمر (الرياض)
Russian Federation [ميرغنى جمعة] 04-27-2013 02:53 PM
.......و.....وووووووشنغل طوباية (وحلايب والفشقة) ديل نسيت أو تناسيت ما دخلتهم مع الواوات بتاعتك ياكووووووووز . وطنى قال

Russian Federation [فيصل محمد علي] 04-27-2013 11:59 AM
لمعلوميتك كمل عمر لم يشارك في السلطة وكيف عرفت انه لايعرف السودان واهله وهو يسخر جل وقته وجهده للبلدواهله


#648263 [أحمد المكي]
1.00/5 (1 صوت)

04-27-2013 09:40 AM
يا أهل السودان يا أهل السودان يا أهل السودان ألحقوا البلد السودان بلدنا كلنا قبل الطوفان ؟؟؟؟


ردود على أحمد المكي
Russian Federation [nagatabuzaid] 04-27-2013 01:36 PM
انت بتنادى منوووووووووووووووووو ؟ اهل السودان الماتوا ؟ ولا الاتبدلوا ؟ ولا المخدرين ؟

شعب السودان الانت قاصده انقرض من 25 سنة قل يا شعب مص الحقوناااااااااااااا يا شعب سوريا انجدوووووووووووووونا وانا مستعدة اساهم فى ترحيلهم برا وبحرا ونهرا وجوا بعد نخلص من صهاينة السودان نتفاكر فى الاستثمار والتكامل بروااااااقة


#648239 [ود الشمال]
4.50/5 (2 صوت)

04-27-2013 09:14 AM
عجيب قال قوى الإجماع الوطني اي قوي الإجماع وطني تقول أنت وإنت إبن الترابي البار . الترابي الرجل الذي وصل السودان واهل السودان الي هذا الوضع ، والله إن كان احد يتحمل ذنوب الجايعين والمشردين من اهل السودان ، الترابي وقوى الإجماع الوطني ومن امثال هذا الدكتور .


#648222 [Abu Iza]
0.00/5 (0 صوت)

04-27-2013 08:53 AM
هنا يخرج السيسى من اتفاق سلام دارفور الذى وقعه قبل عامين بسبب تلكؤ الحكومةتنفيذ الترتيبات الامنية..وهناك فى اديس تنهار المفاوضات بسبب تمسك وفد الحكومة ببدءالمفاوضات بالملف الامنى..احكم ايها السودانى يا هداك الله..عجبى


#648188 [Addy]
0.00/5 (0 صوت)

04-27-2013 07:35 AM
بلادكم منهارة .. وماذا عنكم ؟؟ ألستم في وضع الإستسلام لذلك الوضع المنهار وجبابرته ؟؟ لمن تشكون والشكوى لغير الله مذلة ؟؟ أحسن جيبوا بريطانيا (القوة المستعمرة السابقة) عشان ترفع عنكم الكيزان!!


#648176 [الطاهر]
5.00/5 (3 صوت)

04-27-2013 06:31 AM
والله من عجب الدنيا على أهل السودان أن يتحدث باسمهم إبن الدجال الترابى المدلل المحامى كمال عمر
اوكى , ماقلنا حاجة,, ظروف البلد تستدعى , الاوضاع الراهنة تفرض عليكم القبول موقتا بمن تسبب فى كل المأساة التى نعيشها ضمن المعارضة ! لكن كمان ماممكن ولا معقول يكون المتحدث بإسم المعارضة واحد منهم !! نريد فى واجهتنا شخص معارض حقيقى إنسان شريف تتطابق افعاله وأعماله حتى لا تعمقوا أزمة عدم الثقة فى المعارضة فى نظر الشعب وحتى لا تغبشوا وعى الناس وتضللوا من يأخذ الامور من سطحها منهم وهم كًثر .


ردود على الطاهر
Russian Federation [karlos] 04-27-2013 02:26 PM
صدقت يا الطاهر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة