الأخبار
منوعات سودانية
حبس موظف قتل زوجته السودانية بالجيزة
حبس موظف قتل زوجته السودانية بالجيزة



04-28-2013 07:14 AM
القاهرة
أمر أسامة حنفى، رئيس نيابة حوادث جنوب الجيزة، بحبس موظف متهم بقتل زوجته السودانية الجنسية، وقام برميها من الطابق السابع بمنطقة الهرم.
كشفت التحريات أن المتهم سافر للعمل بدولة الإمارات، وتزوج من المجنى عليها، إلا أن هناك خلافات أسرية كانت بينهما، وأفاد فى أقواله أنها تدير شبكة دعارة دولية بمصر والإمارات.
وأضاف أنها كانت تضع له الأقراص المنومة والمواد المخدرة، فحرر محضرا بالواقعة، وأمرت النيابة بحبس المتهم على ذمة التحقيق.

مصر اليوم


تعليقات 17 | إهداء 0 | زيارات 4827

التعليقات
#651340 [Mohammed Fareed]
0.00/5 (0 صوت)

04-30-2013 07:14 AM
لها الرحمه من الله - المهم الأن رد سمعتها وشرفها وشرف عائلتها- نريد موقف قوى من السفاره بمصر - مره واحده بس حسوا بالمسئوليه واخجلوا يا خموم


#651145 [ل.م]
0.00/5 (0 صوت)

04-29-2013 09:47 PM
نحن اصدقاء البريئة المسكينة والله يشهد علي ما اقول ان كل حياتها كانت ابنتها وعملها وليس لديها اي علاقات برجال او غيرهم عيبها الوحيد انها سامحته وجازاها بالانتقام اولا اود اعلامكم انه كان دائما يضربها ويعزبها وقبل اكثر من شهرين هربت منه ولجأت لاصدقائها عندما ضربها بشدة وهددها بقتل ابنته التي ان رايتموها صورة طبق الاصل منه وينكرها الان قائلا انها سمراء وليست بنته اثناء هروبها بلغت الشرطة الاماراتية وتم القبض عليه مدة شهر نسبة لكثير من القضايا والمخالفات وطلبت الطلاق منه وكان عن طريق اصحابه يهددها بتشويه سمعتها وقتلها هي وبنتها فهو متوحش كان متزوجا من قبل من لبنانية انفصلت عنه بسبب فجوره لديه ثلاث ابناء منها صدقوني هذا الرجل لا يتصل بهم وليس له اي علاقة بهم كأنه وجدهم بالشارع.المهم اجتهدنا جميعا في ان لا ترجع له لكنه حاول معها بطريقة الكلام المعسول وإقناعها انه لا يستطيع الاستغناء عنها والمسكينة اقتعت بكلامه واخزت اجازتها السنوية بعد ان قال لها انه يريد ان يريها اهله بمصر ثم يزهبوا للسودان وكان يدبر لقتلها حين زاك.
اريد فقط ان اوضح لكم بعض الحقائق عنها وانا اعرفها منز ما يقارب العامين إمرأة في غاية البساطة والاحترام لم اراها يوم غير مرتدية اللبس المحتشم ولم اراها ابدا متبرجة تتعامل بتهزيب مع اللكل كانت نابغة بمعني الكلمة حاصلة علي الزمالة البريطانية في الجراحة متخرجة من واحدة من اعرق الجامعات بالسودان تنتمي للطريقة الصوفية البرهانية.من اسرة محترمة ومتدينة وعلي مستويات عالية من العلم .
ثانيا هذا المجرم الظالم يقول انه تزوجها وتعرف عليها في الامارات عام 2008 والحقيقة انه حضر إليها مريضا في السودان حيث كان يعمل هناك وطلب منها الزواج وتتزوجته قبل ما يقارب العشر سنوات.
ثالثا يقول انها تستخدم الشركة الخاصة بالاستخدام وتستعملها في الاعمال المشينة هذه الشركة كانت له ومنذ اكثر من عامين افلست وتم إغلاقها كانت المسكينة تنفق عليه ويبتزها ويأخذ مالها.عندما نسالها لماذا تصبر عليه تقول انها تقدر حالته النفسي بسبب عدم عمله.
رابعا هو الذي كانت له علاقات كثيرة مع الاجنبيات ومن اسباب اخر خلاف بينهما انه ياخذ منها النقود غصبا ليرسلها لصديقته التونسية.
خامساً اجبرها ان لا تتعامل مع السودانين ومنعها من التحدث معنا وكان يتنصت علي كل مكالماتها هل تعلمون انها كانت تتصل علي اهلها من ارقام اخري من صديقاتها لانه احيانا لا يسمح لها وايضا ترسل الهدايا لهم بدون علمه حيث انه لا يرضي ان تضيع فلسا علي غيره
اخيرا حسبي الله ونعم الوكيل بالنسبة لكل من يعرفها بالامارات لا احد يصدق شئ من الكلام البغيض الذي قاله في حقها ونتمني من الصحف السودانية تحري الحقيقة واثباتها في حق المظلومة الشريفة.


#650564 [ام مروان]
0.00/5 (0 صوت)

04-29-2013 11:00 AM
الله ينتقم من زوجها الظالم الذي ظلمهافي حياتها ومماتها


#650557 [عاليه]
0.00/5 (0 صوت)

04-29-2013 10:56 AM
بالمنطق كدا دكتوره وتاخذ راتب عالي ماذا تفعل بشبكه دعاره حسسبي الله ونعم الوكيل هؤلاء هم المصرييين منذ ان عرفناهم يكذبوون ويضللون الحقائق في الاعلام علي العمووم شبكات الدعاره دي عندهم هم في بلدهم وبناتهم مشهورات بي ذلك وكل اوسسساخ الدنيا كلهااا فيهم الحمد لله السودان وبناته بخيير رغم معاناته\


#650401 [زول ساكت]
0.00/5 (0 صوت)

04-29-2013 09:02 AM
والله ياشباب انا اول مرة اكتب فى الراكوبه بس لانه الموضوع آلمنا جدا..نحن زمﻻء المرحومه وماشفنا منها اﻻ كل شئ طيب رغم راينا فى زوجها لكن كل زول حر فى حياته..
ارجو من القراء الدعاء لها بالرحمه والمغفره.. ونرفع ايدينا الى الله لكى يقتص لها من هذا المجرم الذى لم يكتفى بما فعله بها بل ويرميها بابشع التهم..اللهم ارحمها


#650320 [BLUENILE]
0.00/5 (0 صوت)

04-29-2013 05:53 AM
يجب تدخل السفاره ووزارة العدل بالسودان ترسل قانونيين من اجل احقاق الحق لانوا القانون بمصر لا ينصف الاجنبى ومن الان شوفوا ما يقوله ابن الكلب قال كانت تمارس الدعاره لعنه الله عليك دنيا واخره يا مجرم الله لا عادك ولا بارك فيك الله يرسل عليك صاروخ ينسفك يا زباله يا حثاله المجتمع
نرجو من اهل القانون عمل الازم


#650157 [zoool hina]
0.00/5 (0 صوت)

04-28-2013 10:23 PM
رجاء ماتلفو وتدورو
قبل ساعة قبل أقرى الخبر وأنا في الامارات اتصل علي صاحبي سوداني من الفجيرة
المرحومة سودانية مية المية
وزوجها الجاني مصري متردد سجون معروف في الفجيرة
شفت في الامارات سودانيات كتار بعرسو أجانب مصريين وباكستان وغيرو ماشوية وما كتير
عارفين البورة حارة لكن الشي البغيظ انه بعرسو ناس فاقد تربوي ومجرمين ماعارف العاجبهم شنو
بالذات الدكتورات والمرحومة أعلاه دكتورة وعارفين بالضبط كانت شغالة وين رحمها الله والله ماقاصد أجرح حد ده منبر عام نناقش فيه
السودانيات المطلقات والعوانس والصغار والكبار لو جاهم السوداني البسيط في الغرباء ما بيرضو بيه لكن بيرضو بالاجنبي بنفس مواصفات السوداني وأقل كتير
ناسين السودانيين اخلاقهم رغم التدهور المريع الشايفنوه أحسن من غيرنا كتير
تانيا السوداني ممكن تعرف أهله وتاريخه...كيف الواحدة تعرس ليها واحد في بلدو مامعروف مرتكب كم جريمة ولاقتال قتلة
والله دي الحقيقة الما بنطيقها
احنا قاعدين هنا وشايفين ونحن الرجال برضو نفس الحال ينطبق علينا والله لو مابنعاين للمستقبل وعارفين نحن شنو ومادايرين نغرق
والله الايام دي لامة فيني واحدة تركية دايراني أعرسها والله ماحاميني الا قياسي لحالي بما سبق من أفكار أعلاه و تفكيري الايجابي في أصلي وخوفي من الانجراف في جمال ماعنده حد وقسما بالله شغالة موظفة بحقها وصغيرة والبشوفها يقول ماراى مثالها لافي حقيقة ولا تلفيزيون ولا خيال ...صورتها ترجفك... من جمالها يهابها الرجال من جميع الجنسيات
لكن ياحلوين الجمال زايل...انا اموري طيبة وشغلي كويس وظيفتي محترمة وعندي ولدي داير اجيبه من السودان خانتني الاقامة فترة وأسي زبطها...أها كان لميت في دي مابنسى أولادي وأمي وأهلي ومرتي
....أصحى يابريش


ردود على zoool hina
Russian Federation [BLUENILE] 04-29-2013 05:10 AM
تعرف والمصريين يعجبوك يقولوا انها مجرمه ويطلعوا الراجل براءه لكن المفروض من اهلها
ان يتفحصوا الامر ويطلبوا القصاص منه لانه كما يقال انه راجل مجرم
يجب ادانه زوجها وعلى اهلها متابعه الامر ولو فلت من العقاب يقيم عليه الحد بانفسهم

Russian Federation [zoool hina] 04-28-2013 11:52 PM
وعلى فكرة الجاني راكب عربية في الامارات اودي تمنها مئات الاف الدراهم يعني نص مليار اقل شي بالجنيه السوداني وده كلو أكيد من حساب المسكينة رحمها الله ..الكلام على ذمة جيرانها واصحابها

رايكم شنو في المغايص دي


#650022 [um ahmed]
0.00/5 (0 صوت)

04-28-2013 06:58 PM
00 الاستازه ناديه فضل المولى ذات التفكير الكبير ليس بالضحل 00 مالى اراك تعبانه ومقومه نفسك لهذه الدرجه الموضوع مابستاهل تعملى دا كلو زيجات السودانيات الذكرتيها كلها من الاجانب نعم موجوده واكيد الظروف الحاصله ضغطتهن افضل لهن من البوره لاتوجد ايى غضاضه فى ذلك زواج على سنة الله ورسوله اما حكاية تصفينا بالتفكير الضحل لاننا قلنا دى حملة تشويه من المصريين نكررها مره اخرى لاننا فى السودان عمرنا ما راينا رجل رمى زوجته من بيت الحمام كما قال الاخ 00 سمير 00 ناهيك عن انو يرميها من الدور السابع عمرها ما حصلت ولا حتحصل ما لاننا احسن ناس زى مابتقولى لكن لانها اصلا ما حصلت من سودانيين ,اما حديثك عن زواج السودانيه من مصرى بحصل فى السودان لمصلحة المصرى من سكن وصرف وخلافه ونحنا زيك شفنا سودانيات تزوجوا مصريين فى السودان بعد ان انقضت مصلحة المصريين تركوهم باولادهم ورجعوا مصر ولا سالوا فيهم افضل منهم الجنسيات الاخرى الذكرتيها فالذكرناه ما اوهام انها حقائق فهمتى


#649936 [ناديه فضل المولي ادريس]
0.00/5 (0 صوت)

04-28-2013 05:33 PM
أنا مستغربه من ضحالة تفكير بعض بناتنا وشبابنا ومن الوهم العايشنو عندما يقولون دى أكيد مصريه
ومنو دى البتعرس ليها مصرى وأنو المصريين قاصدين يشوهوا سمعة السودانيات والسودانيين
افيقوا من أوهامكن يابنات بلدى فما يحدث داخل السودان أكثر بكثير مما يحدث خارج السودان
أنا شخصيا حضرت في الخرطوم وبحرى وفي أم درمان أكثر من زيجه لشابات سودانيات غاية في الجمال والرقه ومتعلمات ومن أسر كريمه من شبان مصريين يعملون في السودان في مجالات شتي الآن وياريت الموضوع وقف علي المصريين بل السودانيات أيضا يتزوجن وفي السودان من الاحباش والاريتريين وأود أن أذكركن بالزيجه التي تمت قبل شهور قليله بين سودانيه وصيني آى والله صيني ونشرت الصحف السودانيه الخبر كما اذكركن أيضا بالزيجه التي تمت مؤخرا وبرضو في الخرطوم بين سودانيه وخواجه عديييييييييل عيونو زرق وشعره أصفر وقالوا انو أسلم..... ولا غرابه عندى في كل هذه الامور لكن الغريب انو الناس مادايرين يتخلوا عن اوهام كثيره اقعدتنا بين الامم وجعلتنا مضحكه بل ومسخره
بين الناس عندما نصف أنفسنا وكأننا بشر آخر لا نخطىء ولا نرتكب المعاصي والجرائم سواء في الداخل
(والصحف اليوميه ومن بينها الراكوبه )تخرج علينا يوميا بما يرتكبه بني وبنات جلدتنا من جرائم تقشعر لها الابدان.
افيقوا من غيبوبتكم فهو افضل حتي لانجد انفسنا في زاويه ضيقه بين الامم فنحن بشر كباقي البشر
نخطىء ونصيب ونحب ونكره ونستأسد ونضعف وفينا كل الصغائر والدنىء.


ردود على ناديه فضل المولي ادريس
United States [مرتضى هلال] 05-14-2013 04:24 PM
الاخت الفاضله ناديه
اتفق معك فى جملة الفظائع التى حدثت داخل السودان من جرائم وانتهاكات غريبه على المجتمع السودانى
ولكن ما ادهشنى حقا مازكرت عن الزواجات التى تحصل بالسودان؟اذن هناك مشكلة حقيقيه تواجه البنات بالسودان وهى كيفية الحصول على زوج مناسب نتيجة الحروب وتدهور الاقتصاد وفشل الشباب بتحقيق الطموحات او حتى الوصول لمرحلة الاعتماد على النفس ناهيك عن الزواج ؟فهذه مشكلة مجتمع بل امه بحالها وانا اعتقد نحن الان فى تلك الزاويه الضيقه التى زكرت بين الامم وعلينا النهوض وهذا لن يتم الا بصحوه حقيقيه تعم الكل شعبا وحكومه فلن تنهض حكومه بلا شعب ولاشعب بلا حكومه والمشكله الاعظم هى وجود العنصريه القبليه والحقد والضغائن بين كيان الشعب الواحد مع العلم بان ليست هناك قبيله تستطيع لوحدها بناء دوله وامه عظيمه وهناك مثالا من الدول العظمى بالعالم امريكا كانت بها مجموعة فبائل الهنود الحمر التى تقاتلت فيما بينها مئات السنين وتوحدت لتقاتل الدخلاء فعجزت لانها كانت الاضعف فلجات للحل الامثل وهو التعايش والتفاهم والانسجام حتى تكونت اميركا العظمى؟ فكيف للامه السودانيه ان تنسجم وتتعايش فبالامس كنا بالميل اربعين والان فى ام روابه وهلما جرا....
وفى الختام علينا نصرة اختنا المرحومه بالدعاء لها واسترداد شرفها فييموت الانسان ويحى الشرف للابد زكرى بين الناس والاجيال دمتى ودام الشعب السودانى حرا قويا واحدا

Russian Federation [BLUENILE] 04-29-2013 05:11 AM
برافوا عليك كفيتى ووفيتى الله يكثر من امثالك

Russian Federation [ماهر بدرالدين] 04-29-2013 04:48 AM
لك كل الود و الاحترام لانك تتمتعين بعقليه يندر وجودها الان عند حواء السودان


#649821 [حمد الضائع]
0.00/5 (0 صوت)

04-28-2013 03:45 PM
لا حول ولا قوة الا بالله علامات الساعة !!!!


#649743 [سودانيه]
5.00/5 (2 صوت)

04-28-2013 02:05 PM
كضابين تلاقيها مصريه نوبيه هو متين السودانيات بنات القبايل بيعرسوا الحلبه كان نمشط السودا بالبيضا مابنعرس اولاد الرقاصات


#649738 [نونو]
0.00/5 (0 صوت)

04-28-2013 02:02 PM
ماعرفت عن الطبيبة المقتولة إلا كل خير تخاف ربها مصلية وصايمة وزوجها متوحش دايم يضرب ويهدد ويعاكس


#649509 [ema]
5.00/5 (2 صوت)

04-28-2013 10:34 AM
هو كما ساى نحن من متين بنعرس المصريين او اى جنس تانى نحن كنا بنششوف روحنا احسن ناس و اجمل شعب لكن بعد البهدلة بقينا نعرس اى شى حتى ادريس دبى


ردود على ema
Russian Federation [ود يعقوب] 04-28-2013 05:22 PM
اتقى الله يا اخت

ادريس دبى ليس شئ

ولكنه بشر خلقه احسن الخالقين

كما خلقك انت بالضبط
بماذا تتفضلين انت عليه ؟؟

Russian Federation [واقعى] 04-28-2013 04:46 PM
والله ادريس دبى ضفرو برقبة المصريين...
على فكرة التشاديين ديل اقرب لينا مليون مرة من الحلب الراقاصين


#649494 [um ahmed]
0.00/5 (0 صوت)

04-28-2013 10:25 AM
كلامك صحيح00 اخى سمير 00دى من ضمن الحمله العاملنها المصريين تجاهنا لتشويه صورتنا


#649478 [سمير]
0.00/5 (0 صوت)

04-28-2013 10:13 AM
المصريين ديل دائما بيطلعوا اشاعات عن السودانيين دي مصرية سمراء .عمركم سمعتوا بسوداني رمي زوجته من بيت الحمامخليه من الدور السابع ؟ والسودانيين فى العالموالشعب السوداني الفضل كلو احسن ناس .


#649448 [alfadil]
0.00/5 (0 صوت)

04-28-2013 09:51 AM
مفرض سفارة الكيزان تقوم بواجب الدفاع عن هذه المرأه


#649311 [Mohammed Fareed]
0.00/5 (0 صوت)

04-28-2013 07:30 AM
لاحول ولا قوة إلا بالله


ردود على Mohammed Fareed
Russian Federation [حمد الضائع] 04-28-2013 03:51 PM
علامات الساعة !!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة