الأخبار
منوعات سودانية
أم تقتل طفلتها بـ«الصبغة» لتتخلص من شكـــاوى الجيـــران
أم تقتل طفلتها بـ«الصبغة» لتتخلص من شكـــاوى الجيـــران



04-29-2013 07:08 AM
الخرطوم: مي علي آدم :

في قضية تعد الأولى من نوعها شرعت محكمة جنايات جبل أولياء برئاسة مولانا برير عمر برير في إجراءات محاكمة متهمة بقتل ابنتها الطالبة بمرحلة الأساس والبالغة من العمر «8» سنوات بمادة صبغة الشعر، وقال المتحري في القضية للمحكمة إن بلاغاً ورد إلى قسم شرطة جبل أولياء بأن المتهمة قامت بتذويب مادة الصبغة في الماء وقدمتها لابنتها والتي تجرعت منها جزءاً كبيراً وساءت حالتها بعد ذلك ودونت الشرطة بلاغاً وحررت أورنيك «8» جنائي وأرسلت بموجبه المجني عليها للمستشفى لتلقي العلاج إلا أنها لفظت أنفاسها الأخيرة ليتم القبض على المتهمة وباستجوابها حول الحادث أقرت بقتل ابنتها وقالت إنها تلقت شكاوى عديدة من الجيران عن قيام القتيلة بسرقة بعض أغراضهم وأوضحت بأنها قررت وضع حد لتلك الشكاوى فقامت بقتل ابنتها للتخلص من الشكاوى المتكررة من الجيران.

المجهر


تعليقات 22 | إهداء 0 | زيارات 4834

التعليقات
#651330 [عبدالاله (شلك )]
0.00/5 (0 صوت)

04-30-2013 06:54 AM
يا شباب والله سمعتنا كسودانيين طيبه طيبه وخاصه فى الدول العربيه وهذه نعمه من لله واذا اى واحد يريد ان يعرف قيمة السودان واهل السودان يغترب وخاصه الى الدول العربيه حتى دول شرق اسيا يقدرون السودانى والله سمعتنا فى السماء والحمد لله . حكى لى شخص من دول شرق اسيا عن طيبه وكرم وتواضع الزول السودانى وان مديره كبير المهندسين بالشركه كان يجلس معه على الارض وهو عامل بسيط بالشركه فقال لى كان المظفين والعمال مندهشين بان المدير يجلس مع العامل ويضحك معه . وفتح يده اليسرى وبداء يحسب الاصبع الاول والثانى والثالث والرابع( هذا سودانى زين) والاصبع الاخير ( هذا سودانى مافى زين ) ثم بداء يحسب مره اخرى الاصبع الاول والثانى والثالث والرابع (هذا تانى نفر مافى زين ) والاصبع الاخير (تانى نفر زين) الحمد لله وايضا كنت ارتدى الجلابيه والطاقيه واقف على الطريق العام بانتظار التاكسى فوقف لى باكستانى وقبل ان اركب معه زول قلت له نعم قال لى لو كنت (......) ما كان سأنقلك وبداء يشرحلى عن المواقف التى قابلته مع الزولات الحمد لله الحمد لله الحمدلله


#651251 [um ahmed]
0.00/5 (0 صوت)

04-30-2013 01:09 AM
اخى الكريم 00 ؟؟؟؟؟؟؟؟ 00 والله العظيم ما قرات تعليقك الا بعد ما رديت على هذه المدعوه ناديه واشكرك جزيل الشكر اخى على اسلوبك المهذب واصالة معدنك وهذا الذى ذكرته فى تعليقى لها لان كل اناء بما فيه ينضح اكرر اخى شكرى وتقديرى واحترامى لك


#651246 [med]
0.00/5 (0 صوت)

04-30-2013 01:00 AM
رد على المدعوه 00 ناديه فضل المولى ادريس 00 اول حاجه دا ما اسلوب تردى بيهو على وتصفينى كمان بانى مغفله وكمان مستواى ضحل هاهاهاها سبحان الله يا جماعه احكموا منو هسى الاسلوبو ضحل انا ام هى بدليل اساءاتك لى لان الانسان العاجز عن الحجه والمفلس فكريا دائما يميل لاساءة الاخرين وانتى استعملتى هذا الاسلوب الرخيص وكل اناء بما فيه ينضح وانا متابعه تعليقاتك دائما اساءات ونبز وانا احمد الله عمرى لا اسيىء لاحد بل اقارع بالحجه وانتى تصفينى بضحالة المستوى ارقى باسلوبك اولا وبعدها تعالى اسيئى للناس .ثانيا كونى اقول مافى سودانى بعمل كدا انتى مزعلك ليه من كلامك يبدو انك ما سودانيه ومتلصقه فى السودانيين والكلام حرقك وكمان كتير معاى علقو انو ما فى سودانى بعمل كدا لماذا لم تردى عليهم وتسيئيهم كما اسئتى الى لكن يبدو ان كلامك تجاهى 00 حقد 00 ليس الا وانا ما بنزل ليمستواك واسيئك لانى ما اتربيت بهكذا اسلوب فقط بقول لك الله يشفيكى لان الحقد مدمر لصاحبه . الغريبه محترمه نفسى ومحترمه كل اخوانى المعلقين لانو فيهم اناس منتهى الادب والذوق والاحترام ومن كتاباتهم تعرف اصلهم النظيف والبيئه الطلعوا منها لكن البعض من كتاباتو تعرف بيئته الخرج منها ودون سبب ودون كل الناس يقبلوا على انا يسيئو لى مثلك تماما هذا ان دل على شيىء انما يدل انى عكس القلتيهو على تماما انى مغفله ومستواى ضحل بدليل ردكم على من دون الناس هذا يعنى انى انسانه مؤثره وهذا الكلام وجدتهو من تعليقات بعض الاخوه الاعزاء من المعلقين الذين اكن لهم كل تقدير واحترام والظاهر دا من الاسباب الدعتك على الحقد على .غايتو يا بعض معلقى الراكوبه وريتونا جديد ما كان على بال واضطريتونا نتعامل باسلوبكم الذى عمرنا ما كنا بنعرفو ومن يوم امس شانه على حمل حقد بدون سبب الله يكفينى شرك وانتى ياالما مغفله ممكن تورينى مستواك الما ضحل دا شنو اما انا واعوذ بالله من انا فكتاباتى تتحدث عنى 00فهمتى ولا اعيدو ليك 00 عليكم الله يا ناس الراكوبه نزلو التعليق دا الان


#651234 [الطريفي زول النصيحة]
0.00/5 (0 صوت)

04-30-2013 12:39 AM
الجهل ثم الجهل و ضعف الايمان و الركون الى الشيطان يتسبب في اكثر من هذا. ماذا ستقولين الى ربك في اليوم الآخر؟ اذا كانت ابتك المرحومة تسرق فهذا من سؤ تربيتك .


#651215 [mohamed ibrahim]
0.00/5 (0 صوت)

04-30-2013 12:07 AM
لا اله الا الله محمد رسول الله حسبى الله ونعم الوكيل ومن كيد النساء


#651141 [ناديه فضل المولي ادريس]
0.00/5 (0 صوت)

04-29-2013 09:45 PM
واحده مغفله مستواها ضحل للغايه اسمها أم احمد امبارح بتقول دى ماعمايل سودانيين لما عرضت الراكوبه قصة مقتل الطبيبه السودانيه علي يد زوجها المصرى والذى كان قد دفعها من الطابق السابع فسقطت جثه هامده......
آها ياختي ياام احمد رأيك شنو في قصة المره القتلت بتها بالصبغه عشان بتسرق لاحظي انو القصه هنا عندنا في بلدنا في السودان؟


ردود على ناديه فضل المولي ادريس
Russian Federation [؟؟؟؟؟؟؟؟] 04-29-2013 11:52 PM
يااختنا الكريمة نادية.الان عشان اختنا ام أحمد قالت دي ما عمايل سودانيين.. تنعتيها كدا بمغفلة مستواها ضحل. طيب لو هي كدا انت منطقك دا يبقى اسمه شنو؟!! لما تختلفي مع أحد من البرستيج والاتكيت والذوق واللباقة أن نختلف معه بطريقة جميلة.. على ما أظن أن أم أحمد وانت وكلنا كسودانيين لا يعجبنا كل شيء قبيح.. فأم احمد رفضت الفكرة من اساسها كخبر وكحقيقة واقعية لانها لا تتمنى لتلك الجرائم أن تلتصق بالسودان ووطنها وعشيرتها.

أنا شخصيا اقسم بالله لا اعرف ام أحمد لكن أقرا تعليقاتها كما اقرا تعليقات جميع المعلقين ولكن عندما نختلف مع شخص يا اختنا نادية فلنختلف بفكر وفكرة.. مع تحياتي لك ولام أحمد ولجميع المعلقين


#651121 [ابو خنساء]
0.00/5 (0 صوت)

04-29-2013 09:06 PM
لا حول ولا قوة الا بالله العلي العظيم . الناس تنفق الاموال الطائلة بهدف الانجاب وانت تقتلي فلذة كبدك انت ما عندك كبد ولا خلق ولا ايمان اعوذ بالله منك


#650946 [ناجي]
5.00/5 (1 صوت)

04-29-2013 04:39 PM
انتو شفتوا حاجة مع سودان المشروع الحضاري الاسلامي مش حتقدر تغمض عنيك هههههههههه


#650941 [نوارة]
0.00/5 (0 صوت)

04-29-2013 04:31 PM
استحالة تكون دي ام والا تكون مريضه نفسيا


#650872 [الطيب لندن]
0.00/5 (0 صوت)

04-29-2013 03:34 PM
يا جماعة القصة دي ما في السودان
أكيد في امريكا ولا كولمبيا ولا الدانمارك .....
أكيد هذا ما السودان صاح يا اهل الراكوبة
والله اعلم


#650755 [ابوالطب]
5.00/5 (1 صوت)

04-29-2013 01:49 PM
الكلام دا ما منطقي الا اذا كانت هذه المرأة قد خطفت هذه البنت من اسرة اخري.من الافضل عمل تحليل الحمض النووي للتاكد من الجريمة الاخري التي قامت بها هذه المراة في السابق


#650685 [محجوب عبد المنعم حسن معني]
5.00/5 (4 صوت)

04-29-2013 12:31 PM
والله حرام عليك 8 سنوات، في ناس بتسرق واعمارهم وصلت 80 ونحنا ما قادرين عليهم سرقو وطن بالكامل، 8 سنوات بتعرف شنو للسرقة يا مجرمة، انتي كيف تكوني ام، اعرفي اولا شنو معنى الام، وااسفاه، زي ده بختها في رجلي وامسح دموعها، واسرح شعرها، واقول ليها كده ما كويس، عشان ربنا قال لينا ده كده حرام، انتي كان عايزة حاجة تعالي كلميني وانا بجيبها ليكي ، اه من الالم، رغم انتي احتمال تكوني ما قادرة تجيبي ليها العايزاه، لكن كده حرام والله حرام.


#650672 [المتغرب الأبـدي]
0.00/5 (0 صوت)

04-29-2013 12:17 PM
لا إله إلا الله ..
هل يعالج المرض بالقتل يا أيها الغبية؟؟
ذكرتني بقصة الطفلة المسكينة رماح التي لقيت مصرعها حرقاً وتعذيباً على يد خالتها لأنها مصابة بمرض التبول اللا إرادي على الفراش ..

http://www.alrakoba.net/news-action-show-id-94894.htm


#650636 [السودانى]
5.00/5 (1 صوت)

04-29-2013 11:52 AM
لاحولة ولاقوة الا بالله العلى العظيم استحالة ان تقتل ام ابنتها ولو كانت الجهل نفسة


#650588 [ود يعقوب]
0.00/5 (0 صوت)

04-29-2013 11:15 AM
سبحان الله جات تعالج السرقة بالقتل

هى سارقة لكن انت قاتلة يا ....

حسبنا الله ونعم الوكيل


#650553 [مدني]
0.00/5 (0 صوت)

04-29-2013 10:51 AM
فقه السترة


#650518 [Saloom]
1.00/5 (1 صوت)

04-29-2013 10:27 AM
من قتل نفسا كأنما قتل الناس جميعا هدم الكعبة مائة مرة أفضل من قتل انسان مسلم بشأن السرقة أنت المفروض تتحملي المسئولية لأنها سرقت لقصور في تربيتك لها فأنت المدانة وليست هي


#650517 [mohamedfageeri]
0.00/5 (0 صوت)

04-29-2013 10:26 AM
الله ينتغم منك ومن جيرانك ... السرقة مرض ذي الأمراض العادية ... ومن السهل جداً علاجه ...بس فعلاً الجهل مصيبة...لا حول ولا قوة إلا بالله ... دي أم شنوا


#650516 [um ahmed]
5.00/5 (1 صوت)

04-29-2013 10:25 AM
لا حول ولا قوة الا بالله معقوله دى تكون ام منزوعه الرحمه من قلبها بدل ما تشوف مشكلتها شنو وتحاول تعالجها. الان يا السمحه استعدى للعقاب الربانى


#650423 [Siddig Hussein]
0.00/5 (0 صوت)

04-29-2013 09:24 AM
لا حولاا ولاا قوه الا بالله هل بفعلتك دي خلاااص عاقبتيهااا و سلمتي من شكاوي الجيران؟ طيب عقاب الله م ختيتي ليهو بالك؟ ودي بنتك و فلذه كبدك - حسبي الله عليك و ان شاء الله الكريم تخلدي في نار جهنم يا منزوعه الرحمه


#650405 [المايسترو]
5.00/5 (2 صوت)

04-29-2013 09:05 AM
الجهل مصيبة


#650398 [رادار]
0.00/5 (0 صوت)

04-29-2013 08:59 AM
جات تكحله عمت !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة