الأخبار
أخبار إقليمية
السفير الأمريكي يزور جماعة أنصار السنة بالسجانة
السفير الأمريكي يزور جماعة أنصار السنة بالسجانة
السفير الأمريكي يزور جماعة أنصار السنة بالسجانة


أهدته مصحفا ومجلة إسلامية
04-30-2013 08:59 PM
الخرطوم: الهادي محمد الأمين

طالبت جماعة أنصار السنة حكومة الولايات المتحدة الأمريكية بلعب دور إيجابي بالعالم والسودان علي وجه الخصوص في وقت كرّمت فيه الجماعة القائم بأعمال السفارة الأمريكية بالخرطوم السفير جوزيف استافورد خلال زيارته للمركز العام للجماعة بالسجانة ظهر أمس حيث أهداه الرئيس العام للجماعة الشيخ إسماعيل عثمان نسخة من المصحف الشريف وأعداد من مجلة الإستجابة الإسلامية التي تصدرها الجماعة تمنى السفير الأمريكي أن يحدث تقدم في العلاقات الثنائية على المستوى الرسمي بين البلدين واضاف السفير إن أمريكا تعتبر السودان دولة مهمة في القارة الإفريقية واوضح أن الشعب الأمريكي يحترم الدين الإسلامي مشيرا إلى ملايين المسلمين الذين يسهمون في الحياة الأمريكية بكافة جوانبها هذا وقد قدم السفير هدية عبارة عن كتابين عن أوضاع المسلمين في أمريكا ..


تعليقات 21 | إهداء 0 | زيارات 2686

التعليقات
#654447 [عاشق كوستي]
0.00/5 (0 صوت)

05-03-2013 09:11 AM
انصار تطير عيشتم .....قالوا رجعييين
ولما زارهم السفير الامريكي .....
قالوا ما قالوا......
كده نتخيل انهم طردوا السفير .....
؟؟؟؟؟؟
نفس الاقلام ستسلقهم بالسنة حداد
متخلفون
منقلقون
ظلاميون
والله المستعان


#653863 [محتار في المركز العام]
0.00/5 (0 صوت)

05-02-2013 03:17 PM
يا ناس المركزالعااااام حراااام عليكم تضيعوا المساجد باهمالكم وتداهنوا النصاري أرضيتم بالحياة الدنيا؟؟؟؟


#653095 [gadura]
1.00/5 (1 صوت)

05-01-2013 06:02 PM
السلام عليكم احب ان اقول ان السفير في طريقه الي الاسلام انشاءالله ادعو ليهو يا جماعه والله يتقبل دعاكم ملاييين من الامريكان مسلمون والحمد لله رب العالمين


#653039 [الجعلي السوداني]
0.00/5 (0 صوت)

05-01-2013 05:09 PM
كان كدي انا تاني بحتفل بالكرسماس وراس السنة والفلنتاين اذن المسألة بسيطة وما معقدة


#652812 [ahmed]
0.00/5 (0 صوت)

05-01-2013 01:53 PM
انشاء الزول يكون متوضأ ...عشان المصحف لا يمسه الا المطهرون ولي جايز مع فقه الضرورة المنتشر في الايام ده لقوا ليه باب دخل بيه...احنا تبنا خلاص من الشعارات ...بل ملينا عديييييييل..وربنا يجيب العواقب سليمة...يعني حتي انصار ....طبعا الموضوع ده لو افتينا فيه علماء السودان ....انا وصيتي اي زول يمسك في صلواته الخمسة ويكون صادق مع نفسه وغيره ويراعي الله في معاملاته ويتجنب النواهي وياتمر بما امر به ويتوكل علي الله فهو حسبه...


#652740 [عمار]
0.00/5 (0 صوت)

05-01-2013 12:40 PM
دايرين تهاجرو امريكا مش اتنا مما اتاكم الله


#652710 [um ahmed]
0.00/5 (0 صوت)

05-01-2013 12:21 PM
يا اخوانا الناس المستغربين فى كلامنا عن كيف يهديه مصحف واتو بالايه الكريمه وعموما انا ما بحب اكتب ايات فى تعليقاتى لانه احيانا الطباعه تكون ما تمام فتنقص من الايه او تغير معناها فاكون بعيده عن الوقوع فى الخطا فى القران الكريم .المهم المراد توضيحه انو اعتراضنا ما على مسيحى ولا غيرو من باب عبادته .من باب انه غير طاهر ابدا اليست الطهاره بالغسل الكامل الذى امر به الله سبحانه وتعالى ؟ اذا كان الحائض والنفساء لايحق لها مس المصحف وهى مسلمه لعدم الطهاره. لكن يجوز لهذا السفير فى حاله واحده اذا كان بغير العربيه يعنى مامصحف لان الخبر مكتوب بالواضح المصحف الشريف وهذا هو اعتراضنا وليست جهاله فى ديننا. يعنى يتهدى للاسلام بمصحف مترجم وليس مصحف اصلى لعدم الغسل والطهاره والله ورسوله اعلم


#652586 [البخاري حبيب الله]
0.00/5 (0 صوت)

05-01-2013 10:57 AM
ان المجتمع ينظر الي انصار السنة انهم افضل من الصحابة وغيرهم من التابعين لكن لماذا لم تعلقو ا على هذاه الزيارة من القائم بالاعمال الامريكية من ناحية شرعية وهل الرسول صلى الله عليه وسلم والخلفاء الراشدين من بعده ماإستقبلوا الرسل والوفود من ملوك كسرى وإذا كان الناس مشكلتم في إنو الرئيس العام فضيلة الدكتور إسماعيل عثمان محمد الماحي أعطاه مصحف فمن باب اولى الناس تتاكد هل هو مصحف مكتوب باللغة العربية ام بغيرها واي مصحف يكتب بغير العربية لايسمى قران والدليل قوله تعالى {إنا أنزلناه قرأناً عربياً} وأهل العلم جوزو للحائض والنفسى ان تمسر كتاب التفسير لانة لايسمى قران وفي الحقيقة إنو الحائض والمراة التي في النفاس غير طاهرة ولكن يجوز لها ان تقراء القران من كتاب التفسير ودكتور إسماعيل لاشك في علمه ولكن النقاش هنا في هذا الموضوع لامن ناحية شرعية إنما هو بمجرد عداوة من الجماعات الاسلامية والسلفية والصوفية علي هذه الجماعة الزي ظلت تحارب الشرك والدجل والشعوزة وكل انواع الفساد في السودان ولكن لايضر السماء نبيح الكلاب وان شاء الله الجماعة في تقدم وازدهار والمفاجأة ان شاء الله إذاعة البصيرة التابعة للجماعة وهي الان تبث في ولاية الجزيرة وجزؤ من ولاية القضارف ان شاء الله في هذه الايام المقبلة سوف تبث من داخل العاصمة رقم كيد اعداء الجماعة


#652498 [بلاك بلوك فرع السودان]
0.00/5 (0 صوت)

05-01-2013 10:02 AM
طيب شابكننا ما نتعامل مع النصاري واليهود وما نحتفل معاهم وما نسلم عليهم ... تجو من ورانا تعملوا كده .. صراحه حيرتونا في دينا زاتو مش فيكم انتو ... لما مشي السفير للصوفية اقمتم الدنيا والان انتم تستقبلونه اي نفاق هذا قبح الله النفاق وقبح الله خوارج هذا الزمان الوهابية ومن على شاكلتهم ... اي انصار زفت بخش على بتعليق حامسح بيهو الارض .


#652344 [السودانية]
0.00/5 (0 صوت)

05-01-2013 08:09 AM
هناك آيات قرانية كثيرة تبتدى بعبارة --ياايها الناس __لماذا يخاطب الله الناس كافة فى القران اذا كان لا يريد لغير المسلم ان يقرأ القرآن 000ولو ان الله يريد ان يقرا كلامه المسلمون فقط لبدأت هذه الآيات بعبارة __يا ايها المسلمون __ رجاءا تفكرو وتدبرو فى آيات القرآن جيدا حتى لا تصيبكم جهالة فى دينكم___ بالله عليكم كيف يهتدى غير المسلم للاسلام دون ان يقرأ كتاب الله ... وللا حتى كلام الله كمان دايرين تحجرو عليهو ...هدانا الله واياكم


ردود على السودانية
Russian Federation [واحده راجلها ماعرس فيها لسه] 05-01-2013 04:25 PM
ولا يمسه الا المطهرون ---هناك فرق بين المطهرون والمتطهرون بتشديد وكسر الهاء اى ان المطهر هو من طهره الله والمتطهر هو من طهر نفسه بنفسه والله اعلم--لذا انا اتفق مع الاخت السودانية

Russian Federation [ام محمد] 05-01-2013 04:25 PM
ولا يمسه الا المطهرون ---هناك فرق بين المطهرون والمتطهرون بتشديد وكسر الهاء اى ان المطهر هو من طهره الله والمتطهر هو من طهر نفسه بنفسه والله اعلم--لذا انا اتفق مع الاخت السودانية


#652238 [um ahmed]
0.00/5 (0 صوت)

05-01-2013 01:30 AM
اخوانى الكرام 00عبد الله وحليم براغ 00 انا بسال نفس الاسئله اول ما قريت الخبر استغربتا جدا معقول يا جماعه المصحف ممكن امسو ايى زول حتى لو ما طاهر حاجه غريبه والله قبل ما اقرا الخير كنت شايله المصحف بقرا فيهو جاء ولدى صغير امسكو رفضت وخليت القراءه ورفعتو فوق قلت طفل امكن ساكت تكون ملابسو فيها نجاسه مع انى متاكده نظافتها لكن بعدا عن ايى شبهه ما بالكم هذا نصرانى سبحان الله


#652209 [يش ربيع]
0.00/5 (0 صوت)

05-01-2013 12:25 AM
هذا الكلام عار من الصحة .. لم يتم اعطاءه اي مصحف .. اتقو الله تبينوا قبل النشر .. لا حول ولا قوة الا بالله


#652190 [عصمتووف]
0.00/5 (0 صوت)

04-30-2013 11:59 PM
صوره تذكارية


خامين نفسكم مالكم الصوره تذكارية تخص انطون الجماعة ويقوم بعرضها لاحفادة يوما ما ويزيدها محلبية شوية كده *** قلت للسفير وهددتة وقام خاف سعادتو طبعا كل كضب ***لكن عمكم الطيب يتحسر علي تلك الفرصة ويتحينها *تجدونه يفرك في يدية ويمصمص في شلاليفة ويا حبذا لو توسط له احد الاخوان يا اولاد ده امريكا سيدتنا وسيدة جميع الاخوان من السلفية الي السنية والحربية والصوفية مدد مدد مدد


#652167 [Bader Balla]
0.00/5 (0 صوت)

04-30-2013 11:03 PM
الجمـــــــــــــــــــــــــــــــــــــاعه داخــــل اللعب مع الفرعــــــــــون؟؟؟ يا تري بعرفه الطبيخ زي ناس فلان وعلان ولا بشكه وضحكه والرمي لي قدام زي مرسي وأخواته.


#652156 [المتجهجه بسبب الانفصال]
0.00/5 (0 صوت)

04-30-2013 10:52 PM
المرة الفاتت الناس ديل هاجموا السفير الامريكي لمن زار الصوفية وقوموا البلد على كراع واحدة وقالوا امريكا طلعت تقرير انو الاسلام الصوفي ممكن يخدم مصالحها،، أها المرة دي زار انصار السنة،، وهذه المواقف مواقف شخصية وفيها حسد خصوصا من منبر السلام اللاعادل الذي يعتبر نفسه وصيا على الشعب السوداني ودينه وهم اجهل ناس بالدين اذ انهم لازالوا في الطور الذي خاطب فيه النبي ناس القرن السابع (( دعوها فانها نتنة) بالتالي بالحساب البسيط جماعة منبر السلام اللاعادل لا يعيشون في الالفية الثانية وانما في القرن السابع رقم جريان مياه كثيرة تحت جسر ترقي العقل البشري، وهم من المخاطبين دعوها فانها نتنة والغريبة أن السفير الامريكي حسب وثيقة الحقوق الاساسية للولايات المتحدة استجاب ومعه الشعب الامريكي لدعوة النبي في ترك العنصرية لأنها نتنة وان كان ذلك بالتدرج من خلال التجارب التي مر بها الشعب الامريكي فما بال اصحاب منبر السلام اللاعادل لا يرتقون سوى بالتجارب البشرية أو بالاوامر النبوية... غير أني استغربت للدكتور ناصر السيد زعيم الحزب الاشتراكي الاسلامي حينما قال عن ناس الجبهة الثورية في لقاء مراجعات مع الطاهر حسن التوم ( بالله دي أشكال تجي تحكمنا)) ،، فسقط الرجل من نظري رغم ما لديه من معلومات وتجربة حياتية وسياسية طويلة، وقد أتى قوله هذا في سياق تكوين (جبهة الدستور الاسلامي) في مواجهة الجبهة الثورية،،
هذا نموذج من الوف النماذج لمن يسمون الصفوة the Elite


ردود على المتجهجه بسبب الانفصال
Russian Federation [ساخر] 05-01-2013 12:34 AM
صدقتي والله
انصال السنه دي اكبر تجااار


#652148 [abdulla]
0.00/5 (0 صوت)

04-30-2013 10:40 PM
( لا ميه الا المطهرون ) دي مشت وين ؟


ردود على abdulla
Russian Federation [ام محمد] 05-01-2013 04:17 PM
المطهرون وليس المتطهرون (بتشديد وكسر الهاء )...هناك فرق كبير فى المعنى ...المطهر من طهره الله والمتطهر من طهر نفسه بنفسه والله اعلم

Russian Federation [واحده راجلها ماعرس فيها لسه] 05-01-2013 08:21 AM
الله ماكان غالبو يقول لايمسه الا المسلمون اى لايمسه النصارة والااليهود والاحتى الكفار ...عدم الطهارة قد يشمل المسلمين ايضا والاسلام يجب ماقبله حتى لو كان نجاسة الكافر يقرا القران ويمسه كمان اذا كان

ذلك يهديه للاسلام فلا ضير ..ولو كان تفسيرك للآية غير ذلك لماذا بدا الله بعض الآيات بياايها الناس

اى الخاطب لكافة البشر مسلمهم وكافرهم


#652141 [مواطن]
0.00/5 (0 صوت)

04-30-2013 10:23 PM
سفير عبارة عن جاسوس .... يجتمع بالصوفية ويجتمع بالسلفية ..
وراء الأكمة ما وراءها !


#652111 [عبد الله]
5.00/5 (4 صوت)

04-30-2013 09:32 PM
يا ناس انصار السنه اخت عمر ابن الخطاب رفضت ان تعطيه صحيفه من القران الكريم الا بعد ان يتطهر فكيف جاز لكم اعطاء السفير المصحف الشريف . وهل كان طاهرا عند استلامه ..حرام عليكم تدنيس القران الكريم سواء كان سفير او رئيس ...المصحف له حرمته يا مسلمين ...وهل المصحف مترجم ام بالعربى اللسان الذى نزل به


#652107 [زعلااااااااااان شديييييد]
5.00/5 (1 صوت)

04-30-2013 09:25 PM
سؤال برئ .. من رئيس السودان الحالي ؟؟؟ هل هو القائم بالأعمال الأمريكي ؟ أم ان البشير هو القائم باعمال السودان في ولاية السودان الامريكية ؟؟؟


#652106 [حليم - براغ]
0.00/5 (0 صوت)

04-30-2013 09:25 PM
أول أسمع شيخ دين ..بيهدي مصحف لنصراني !! أفيدونا يا ناس علماء السودان ؟؟ ده يجوز وله مايجوز؟؟ وهل ممكن الواحد يهدي لنصرانية شقراء مصحف ؟؟؟ وله ناس أنصار السنة دينهم بيختلف!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة