الأخبار
أخبار إقليمية
الجبهة الثورية تهدد بعرقلة اقامة دورة سيكافا فى السودان
الجبهة الثورية تهدد بعرقلة اقامة دورة سيكافا فى السودان



04-30-2013 09:10 PM
اعلن وفد اتحاد كرة القدم لدول شرق ووسط افريقيا (سيكافا) بقيادة نيكولاس موسوني يوم الاحد بمدينة الفاشر عن اكتمال كافة الاستعدادات لإقامة البطولة التي ستضيفها ولايتي شمال دارفور وجنوب كردفان؛ وذلك من واقع ما شاهده على الاستادين الرئيسين بجانب الفنادق والاستراحات التي اعدت لاستضافة بعثات الفرق المشاركة.

وطالب وزير المالية بولاية شمال دارفور عبده داؤود سليمان الحركات المسلحة بوقف اطلاق النار والدخول في هدنة مع الحكومة خلال فترة البطولة بحجة ان الرياضة ليست لها علاقة بالسياسة.

عبده داؤود " نفتكر ان الدعوة من هذا المقام للحركات المسلحة وحاملي السلاح لان الرياضة لا علاقة لها بالسياسة، لابد ان يكون هنالك هدنة ووقف اطلاق النار في فترة انعقاد البطولة لان هذه الفرحة لأهل دارفور عامة ولأهل السودان ودول افريقيا كلها بان يتابع البطولة نظيفة وامنة ومستقرة.

ورفض الناطق الرسمي باسم حركة السودان بقيادة مناوي؛ عبد الله مرسال في تصريح لسودان راديو سيرفس يوم الثلاثاء دعوة المسئول الحكومي من شمال دارفور حول وقف اطلاق النار بشان اقامة الدورة الرياضية.

صوت عبدالله مرسال " ما في حاجة إسمها هدنة نديها للحكومة السودانية, نحن الجبهة الثورية عموماً حنضرب الحكومة السودانية, حنواصل في عملياتنا بصورة مستمرة, عشان كده نحن قلنا للناس يعنى توقعوا مفاجآت في اليومين الجايات دى, وبالتالى حقيقة إذا كان أصلاً الحكومة دايرة تدى هدنة لدورة كورة , من المفترض كان تعطى هدنة حقيقة للانتهاكات الجثيمة ضد النازحين, اللى بيموتوا كل بعد فترة ".

وأيضاً رفض المتحدث الرسمي باسم الحركة الشعبية قطاع الشمال أرنو نقوتلو دعوة المسئول الحكومي وحمل الحكومة مسئولية ما ينتج علي خلفية اقامة دورة رياضية في مناطق عمليات عسكرية.

صوت أرنو نقوتيلو "الشي الأنا داير نؤكده أن نحن ما جزء من حكومة المؤتمر الوطني , حتى تتطالبنا بأنو نحن نقيف بخصوص مباريات, ده مسرح بتاع عمليات وده تعمد فى أنو المؤتمر الوطنى يقحم برنامج ذى ده فى منطقة عمليات , ونحن بنفتكر أنو يتحمل المسؤولية المنظمين فى الحكومة السودانية, والمنظمين لهذه الدورة في منطقة عمليات , المؤتمر الوطنى يرفض للمواطنين فى جنوب كردفان ومواكنى جبال النوبة بالأكل , ويجي يقول أنو نحن دايرين نوقف حرب عشان فى مباراة لكرة القدم "

ومن المقرر ان تستضيف مدينتى كادوقلى والفاشر دورة شرق ووسط اندية افريقيا لكرة القدم (سيكافا) فى الفترة من الفترة من18 يونيو المقبل إلى السابع من يوليو المقبل


سودان راديو سيرفس


تعليقات 13 | إهداء 0 | زيارات 3748

التعليقات
#653108 [عمر محمد احمد]
0.00/5 (0 صوت)

05-01-2013 06:10 PM
كورة شنو البلعبوها في الفاشر الا لو الجبه دي مافي


#652691 [ahmed]
0.00/5 (0 صوت)

05-01-2013 12:12 PM
ده كلام غلط والرياضة ما عندها علاقة مع السياسة والحرب وتقسيم السلطة والثروة...وهلم جرا...طبعا الحكومة والمعارضة كلهم علي المواطن المسكين واعزل ...لانه ما عنده سلاح يدافع به عن نفسه أو بالاحري ترفع عن هذه السفاسف وقتل النفس التي حرم الله الا بالحق...سوو فلاحتكم غاااادي غادي..


#652535 [ناجى]
0.00/5 (0 صوت)

05-01-2013 10:27 AM
لو قامت هذه الدورة يعنى الجبهة الثورية ما عندها موضوع والوضع تحت السيطرة لازم تلغى هذه الدورة لتكون رسالة واضحة للحكومة وهذه فرصة لايصال رأينا للعالم.


#652174 [الكلس]
3.25/5 (3 صوت)

04-30-2013 11:32 PM
دا لازم فعايزين يعكسوا للعالم ان تلك المناطق امنة


#652160 [lwlawa]
0.00/5 (0 صوت)

04-30-2013 10:56 PM
طبعا الافارقة ديل همهم الواحد يملو ليه جيبو وممكن يقول يعمل سيكافا في كاودة...؟؟..والجماعة في دي ما بقصرو
القول الفصل عند الجبهة الثورية..!!؟؟..كيف لشعب يعاني الامرين الجوع والعظش ويطلب منه بعض الدين ضل سعيهم ....ان يطاليوه بالتوقف عن المطالبة بحقه في الحياة من اجل لهو ولعب..؟؟
ان ما تقوم به الثورية عبادة ..؟؟


ردود على lwlawa
Russian Federation [Naser] 05-01-2013 01:40 AM
عرفت ليهم تمام يالولوه استهبال وضحك على الدقون واستدرار لعطف الناس. فرحه قال؟؟؟؟؟ فرحه شنو في اكبر بيت بكا في العالم منتهى الاستفزاز. وبعدوا يسوقوا للعالم كلوا انو ياهو دا دارفور ما عندها مشكله والناس فرحانه بتلعب كوره. مع مقدرات الكيزان في الخم والحشد حيستقطبوا الناس للدخول مجاناً للاستاد وحق المواصلات بره. وهاك يا تصوير ودبلجه وخطب حماسيه وبيع حكام وربما نسمع مريخ الفاشر ولا هلال كادقلي وصلو الفينال.
ما دي افريقيا المستحيل شنو والمشكله وين


#652159 [HAMID BARGO]
4.50/5 (3 صوت)

04-30-2013 10:56 PM
استهتار واضح بأهلنا في معسكرات المعاناة
كل من يشارك في المسرحية يجب ان يكون هدفا عسكريا مشروعا من قبل الثوار

اي رياضة على جماجم و دماء الابرياء العزل ؟؟

لعنة الله على نظام الخرطوم و اتباعه


#652153 [ود الجبهة الثورية]
0.00/5 (0 صوت)

04-30-2013 10:48 PM
هذا اهانة لانسان دارفور من قبل حكومة المؤتمر الوطنى وسيكافا فيجب للجبهة الثورية التصدى لها فسكان دارفور الان ظروف صعبة جدا وليسو فى حاجة لمثل هذا المناسبات


#652144 [الحقيقة مرة]
5.00/5 (4 صوت)

04-30-2013 10:32 PM
بلا سكافا بلا سبق حمير من الان فصاعدا الرياضة الوحيدة المسموح بيها للكيزان في البلد دي هي الجري دون توقف


ردود على الحقيقة مرة
Russian Federation [osama] 05-01-2013 09:19 AM
SSSSSSSo haaaaaa
your right


#652133 [ود تكتوك]
5.00/5 (1 صوت)

04-30-2013 10:14 PM
الظاهر انو الحكومه دي بتلعب الكره والسياسه علي ارواح الشعب هو اصلا نحن ما عندنا كوره .... لازم يحسم وتحسم الحرب دي خلال العام ده ونتمني لصالح البيصلح الشعب ... اهو الديمقراطيه بغت بي لغه السلاح زي ما قال عمر البشير نحن ما بنتفاوض الا مع الزول اتلبيحمل السلاح ..يلا الكره في الملعب وحشاش يملاء شبكتوا وكلام الجبهه الثوريه جميل .... نحن بنشجع ولو لزم الامر ح رجع الكف لصالحه


#652132 [من دنقلا]
5.00/5 (3 صوت)

04-30-2013 10:07 PM
يعنى البشكير حيكون في السلطة حتى 18 يونيو المقبل - ده كلام شنو ده يا ناس الجبهه الثورية ؟؟؟؟؟؟؟ ولا كورة ولا بطيخ


ردود على من دنقلا
Russian Federation [عزالدين] 05-01-2013 09:48 AM
سجمنا و أأأأأوب علينا القشير بكون قااااااااعد


#652108 [ibra]
0.00/5 (0 صوت)

04-30-2013 09:26 PM
let us have this


#652103 [اللريوش]
0.00/5 (0 صوت)

04-30-2013 09:23 PM
دا كلام واضح جداً إنو الحكومة تريد أن تعكس للعالم إنه دارفور هادئة ولا توجد فيها أي حروب والدليل منقول مباشرةً على الهواء لكل العالم


#652101 [اللريوش]
0.00/5 (0 صوت)

04-30-2013 09:21 PM
الناس تموت جوعاً وديل يقولوا ليك الفرحة لأهل دارفور ، يا أخواننا خلوا العباطة دي وأرحمونا واحترموا عقول الناس المساكين الذين يموتون جوعاً، والله والله إن أكثر من 90% من شعب دارفور يكافح من أجل البقاء ولا تعنيه سيكافا هذه في شيء،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة