الأخبار
أخبار إقليمية
موسى يتهم الحكومة بعدم تنفيذ اتفاق الشرق
موسى يتهم الحكومة بعدم تنفيذ اتفاق الشرق
موسى يتهم الحكومة بعدم تنفيذ اتفاق الشرق


05-01-2013 01:11 PM
الخرطوم: عمر عبد السيد:

انتقد موسى محمد أحمد مساعد رئيس الجمهورية، رئيس جبهة الشرق، سياسات الحكومة بشأن تنفيذ بنود اتفاقية سلام الشرق، ووصف وضع الاتفاقية حالياً بالمتراخي، وقال إنّ إنسان الشرق ما زال يعاني من الجهل والمرض والتخلف.



وأكّد موسى في تنوير حول اتفاق سلام الشرق بمجلس الولايات أمس، أنّ الحكومة تنصلت عن تنفيذ أجزاء كبيرة من بنود الاتفاقية أهمها الخدمة المدنية مما جعل إنسان الشرق يحس بالغبن والظلم، بجانب عدم تضمين الاتفاقية بالدستور وعدم تكوين مجلس تنسيق ولايات الشرق.

وقال موسى إنّ الشرق يعاني من تضخم الفاقد التربوي وانتشاره، وعزا ذلك لعدم إعفاء طلاب الشرق من الرسوم الجامعية، فضلاً عن عدم توافر خدمات تعليمية متكاملة بولايات الشرق.

واتهم مساعد الرئيس، الحكومة بالفشل في تقديم نموذج واضح وشفاف لمكافحة الفقر وتوزيع الثروة، وأضاف أن الحكومة لم تضع لصندوق تنمية وإعمار الشرق قانوناً ولا صلاحيات واضحة مما جعل دوره رمادياً وضبابياً.

وانتقد موسى بطء تنفيذ الاتفاقية في جانب دمج القوات وفي الجانب الصحي، وقال إنّ الشرق يعاني من تناقض حاد في عدد المواليد مع ارتفاع حاد لمرض الدرن، بجانب وفيات الأمهات أثناء الولادة.

إلى ذلك، أحال مجلس الولايات في جلسته أمس، مناقشة الاتفاقية للجنة الشؤون السياسية والتواصل الخارجي والشؤون الاقتصادية وألزمهم برفع تقرير متكامل حوله.

الرأي العام


تعليقات 20 | إهداء 0 | زيارات 2460

التعليقات
#653525 [عماد عثمان - جدة]
0.00/5 (0 صوت)

05-02-2013 09:21 AM
من أسباب فشل الدولة السودانية أن يكون أمثالك من مسئوليها.
يا راجل البلد فى شنو و انت فى شنو ... بعدين قاعد لشنو ما تمشى أريتريا و اشتكى لأفورقى.
غايتو جنس محن !!!!!!!!!!!!!!


#653410 [اسامه جلاد محمد]
0.00/5 (0 صوت)

05-02-2013 03:49 AM
بسم الله الرحمن الرحيم
الشرق يعاني من مشاكل وظلم وهضم للحقوق وتهميش واضح وتري ذلك واضحا والحكومة لاتحرك ساكنا الا لمن يقاتل وهذا مالانريده للشرق وتعمدت الجكومة الاتحاديه علي تقوية اطراف بعينها من الشخيصات الضعيفة التي لاوجود لها ولاحتي فهم ورؤي للاصلاح او ان تتبنئ قضايا المواطن في شرق السودان وانظر الي القيادات الان وطموحاتهم وتطلعاتهم البسيطة ؟؟؟ وهؤلاء وغيرهم أهتموا بأنفسهم ولم ينشغلوا بالقضايا العامة للامة وبأهلنا وكل من أؤتي منصب او وزارة سخرها لنفسه وأهله وقال قد أوتيت ذلك علي علم من عندي وحتي تطلعاتهم الشخيصة ضعيفة !! ولك في صندوق الشرق عبرة وفي اختيار الولاة وفي الوزارات الاتحادية كيف يتم التعيين للضعفاء والمنكسرين نعم . نريد اصلاح المركز نريد التغير والتنمية ولاأعني القبلية والعنصرية ولا الان القضيه في ولاياتنا بل أصلاح المركز "الخرطوم" نربد لابناءنا التعليم والصحة والغني بالمال ونريدهم سفراء ونتطلع الي رئاسة السودان وأهل الشرق عندي كل من أستوطن في كسلا والقضارف والبحر الاحمر وأهلنا نموذج للتعايش وأنلم يتحسن الحال فالتغير واجب فمن أضطر غير ملام والله المستعان


#653325 [ادروب]
0.00/5 (0 صوت)

05-02-2013 12:31 AM
ادرب كان علي الساحة من بين المدن التعبانة تندلاي طلت الخرطوم معلنة ان لا راحة مين اين الراحة تاتينا


#653269 [عصمتووف]
0.00/5 (0 صوت)

05-01-2013 10:53 PM
راجي شنو قوم شتت شتات


#653225 [ابو شريف]
0.00/5 (0 صوت)

05-01-2013 09:32 PM
الزول ده مصدق انه مسؤول ؟؟؟؟؟؟؟؟؟


ردود على ابو شريف
Russian Federation [ادروب] 05-01-2013 11:26 PM
تصدق بلاوي مش لكن التجي من السما تقبلها الواطة نعمل شنو دا المقسومة


#653204 [مصطفى كونج]
0.00/5 (0 صوت)

05-01-2013 08:34 PM
بكون عنده عمارة عايز يتمها


#653168 [ادروب المهمش]
0.00/5 (0 صوت)

05-01-2013 07:03 PM
القاعد ليها شنو لماالحكومة مادايرة تنفذ اتفاقية من غزل يدها وصنع عرًابها مصطفى اسماعيل يأخي ماتخليك راجل وتدخل الغابة ذي ما فعل الفارس اركومناوي بد الولولة والجرس بتاعت النسوان واللة انت عار على جبين ابناء البجا ليس بين صفوفهم خائن ولاجبان اتفاقية الشرق ناس الشرق نسوها ذمان اصبحت من الماضي اليوم هنالك مساعي لثورة جديدة تحظى بدعم من الولايات المتحدة سوف ترى النور غريبا وكان تداير تتأكد من الكلام دا اقرا لي اسحق احمد فضل اللة ومن ضمن اهدافها تصفية الخونة امثالك حتى لايأكلو الجيف بأسم الشرق وابنائةالشرفاء


ردود على ادروب المهمش
Russian Federation [اسامه جلاد محمد] 05-02-2013 03:59 AM
موسي ومن معه عناصر ومصادر للمؤتمر الوطني وكل تصريح يقوله مكتوب ومرتب من قبل الحكومة لأن الآن قضية الشرق بدأت تأخذ منحنا خطيرا لذلك أوعزوا له بأن يتكلم ليعمل ألتفاف كما فعل من قبل مفاوضا للحكومة هولاء هم انفسهم والسلطة بل لايعتبروا حتي من الشماليين الذين هم في السلطة كيف يتعاملون مع أهليهم بل يخافون منهم وينفذون مطالبهم ؟ المطلوب الآن العمل وازاحتهم من الحكم العمل مهم انا ضد الحرب والتدويل الا أذا رفضوا الاصلاح مرات ومرات ولعن الله الحرب والقتال الهم أنا قد أسمعناهم فأشهد.الذين في السلطة لاهم لهم بانسان الشرق ابدا .


#653147 [radona]
0.00/5 (0 صوت)

05-01-2013 06:43 PM
اهلا مرحبا
ده كلام شنو طيب ليك كم سنه قاعد وين
ولكني اظن وان بعض الظن اثم ولكن سؤ الظن في هذه الحالة من حسن الفطن
الجماعة دايرين مزيد من المناصب الدستورية بدل ما يلهفوها ناس التمرد بتاع دارفور 39 منصب وغيره
ضاقت واستحكمت حلقاتها تب


#653122 [الفاتح مقبول]
0.00/5 (0 صوت)

05-01-2013 06:20 PM
(وقال إنّ إنسان الشرق ما زال يعاني من الجهل والمرض والتخلف)

طيب انت قاعد فى الخرطوم بتعمل شنو..
وحسب قولك أن:

(وضع الاتفاقية حالياً بالمتراخي،
إنسان الشرق ما زال يعاني من الجهل
والمرض والتخلف
الحكومة تنصلت عن تنفيذ أجزاء كبيرة من
بنود الاتفاقية
الحكومة فشلت في تقديم نموذج واضح وشفاف
لمكافحة الفقر وتوزيع الثروة،
إنّ الشرق يعاني من تناقض حاد في عدد المواليد
مع ارتفاع حاد لمرض الدرن، بجانب وفيات الأمهات
أثناء الولادة)


#653047 [وطني غيور]
0.00/5 (0 صوت)

05-01-2013 05:18 PM
الرور الروب يا ادروب

اقعد في كندشة الخرطوم
واشرب جبنه في كافوري
وافطر في السلام روتانا

وانت اكيد ما حا تقدر تنام في العنقور

انت يا موسي ادروب بعت القضية وانسان الشرق مسكين مظلوم محروم مريض مهموم


#653038 [No.Racial]
3.00/5 (1 صوت)

05-01-2013 05:08 PM
مافرقت كتييير أرجع الغابة الأن وحد وأقنع ناس هامش الهامش بيقضاياهم علي أساس يشو فو نفسهم في مرءات السودان بعد الثورة ihave agreat dream


#653037 [انصاري]
5.00/5 (1 صوت)

05-01-2013 05:08 PM
حليل موسي، يا حليل موسى، حليل موسى اللرجال خوصة، ولا بياكل الملاح أخضر، ولابشرب الخمر يسكر. -( نان حليلو في شنو؟؟)!!!


#652988 [حسين البلوي]
0.00/5 (0 صوت)

05-01-2013 04:17 PM
يا سيد موسى ان اهل الشرق فى ما يتعلق بالخدمة المدنية لايريدون اى نوع من التمييز بل يريدون المساواة مع غيرهم من السودانيين وناس جبهة الشرق نايميين نوم لما يحصل من تمييز لغيرهم دون اى كفاءة او خبرة .


ردود على حسين البلوي
Russian Federation [زعلااااااااااان شديييييد] 05-01-2013 05:02 PM
الزول دة فلس شوية .. و المدينة الرياضية ما جابت دخل ... وعادي عندنا الزول من يفلس يقعد يطربق و يتحدث عن المساكين و عن المهمشين و عن العدل وعن .. و بمجرد يجدعوا ليهو في خشمو (جغممممممممممم .. و بغممم) .. ودييييك يا نومة تاني ... قالها قبالوا أركو مناوي و مرق .. الصادق المهدي لكن ما مرق .. السيسي و لكن قاعد .. و الكثيييييييير الكثيير ...


#652967 [سيد إبراهيم محجوب]
5.00/5 (1 صوت)

05-01-2013 03:58 PM
والله إنت مسكين .... لسع فاكر الاتفاقية ، كده ورينا ياتو إتفاقية ديل نفذوها يا موسى عشان ينفذ إتفاقية الشرق ..... خليك ساكت وأضرب معاهم في موائدهم زيك وزي الصادق الميرغني والسيسي وغيرهم من الأرزقية الرخاص الذين باعوا شعب السودان بدراهم معدودات ...............................................


#652962 [هدندويه]
5.00/5 (2 صوت)

05-01-2013 03:50 PM
يادوبك صحيت من النوم
اقول ليك حاجة

خليك نايم في نومك


ردود على هدندويه
Russian Federation [ادروب] 05-01-2013 11:33 PM
واصل في نومك وسللللللللللام علي مدير مكتبك شميلاي يادفعة والله غالب وعاوزين سراير لداخلية اروما اسرة مش سراير فهمتني حاول ازكر


#652961 [Musa Abaa]
0.00/5 (0 صوت)

05-01-2013 03:49 PM
اخيرا يا موسى؟ هذه الخطوة تأخرت كثيرا المفروض ان تنتبه من زمان لعدم التزام الحكومة باالاتفاقيات الموقعة من نيفاشا ومرورا باابوجا والقاهرة واخيرا اتفاقيتكم الهزيلة في اسمرا واثبت ضعفك وهوانك بمتابعة مشروع المدينة الرياضية بدلا من حل مشاكل الشرق


#652858 [على كرار]
0.00/5 (0 صوت)

05-01-2013 02:29 PM
كل أسرة عندها طفل و يبتدئ تعلم الكلام و يتأتئ تقول "ماشاءالله و تبارك الله". و نحن أهل الشرق لا يسعنا إلا أن نقول "ماشاء الله و تبارك الله". أن تنطق أخيرا خيرا من أن لا تنطق.


#652852 [ابودومة]
0.00/5 (0 صوت)

05-01-2013 02:25 PM
انت دحين ماك مساعد الريس والله انت عدلك مساعد حلة


#652783 [مقرسم]
1.00/5 (1 صوت)

05-01-2013 01:21 PM
صح النوم


#652778 [الشابي]
4.00/5 (3 صوت)

05-01-2013 01:16 PM
والله نسيناك ونسينا سيرتك عشان نونس بيك شويه ,, ياراجل انت من زمان وين ؟ بس من الاتفاقيه ديك وايك ,



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة