الأخبار
أخبار إقليمية
عبد الرحيم : "الحلو " الآن في منطقة جبل حسنة قاعد ليهو في"كراكير"..حرب العصابات أخرجت الأمريكان والفرنسيين من فيتنام .
عبد الرحيم : "الحلو " الآن في منطقة جبل حسنة قاعد ليهو في"كراكير"..حرب العصابات أخرجت الأمريكان والفرنسيين من فيتنام .
 عبد الرحيم :


وزير الدفاع (نحن وراهم والزمن قصير)..الله أعلم..إن كانوا سيغامرون بالهجوم على الخرطوم أم لا.
05-02-2013 02:46 AM
ما إن دخلت قوات متمردي الجبهة الثورية لمدينة أم روابة بولاية شمال كردفان، حتى تصاعد الحديث عن تحميل وزارة الدفاع المسئولية عما حدث، وتقصيرها في توفير الحماية. (السوداني) كانت مع وزير الدفاع في زيارته التفقدية لولاية شمال كردفان، فجلست معه لفترة زمنية قصيرة بسبب جدول أعماله المزدحم، ولكن طرحت عليه الكثير مما يقال:
قلتم إن القوات المهاجمة تم رصدها قبل خمسة أيام، لماذا لم يكن هناك استعداد رادع لها؟
الخيارات كانت مفتوحة، وكان من الصعب تحديد الهدف النهائي للهجوم، فعلى سبيل المثال هناك أم بريبيطة بالقرب منهم، والسرفاية، ورشاد، والموريب، والعباسية، والأبيض كهدف بعيد.
هل الهجوم على أم روابة كان مفاجئا بالنسبة لكم؟
أم روابة ليست هدفاً عسكرياً، (شوف الخرطة دي) –يشير لخارطة مفرودة بجانبه– ويقول انظر ستجد أن الخيارات مفتوحة.
يعني أم روابة خيار أسهل بالنسبة لهم من الأبيض أم كانت أم روابة هدفاً لذاتها؟
أنا في رأيي أن أم روابة لم تكن الهدف الرئيسي، فالهدف الأول كان الأبيض.
كيف عرفتم ذلك؟
المسألة تقديرات، فثمة رأي قد يقول المقصود بالهجوم العباسية لأنهم يتخوفون من إغلاق الطريق، مما يؤدي لإغلاق كل المنطقة الشرقية بالجبال، وهناك رأي آخر يقول يقصدون رشاد، فالخيارات كثيرة.
لماذا لم تؤمن أم روابة عسكرياً؟
أصلوا ما ممكن أي مكان يكون فيهو جيش، أنا عندي أم روابة الرهد تندلتي ودعشانا يعني أي مدينة حنفتح فيها جيش؟!، والمدن التي ليس بها جيش تكون بها شرطة.
هل هذا سيحول أم روابة إلى منطقة عسكرية؟
دا تقييم سيأتي في وقتو.
ما طبيعة القوة المهاجمة، هل هي من دارفور أم من جنوب كردفان؟
هي مختلطة من دارفور وجنوب كردفان.
وهل قاد هذه العمليات عبدالعزيز الحلو أم هذه مجرد إشاعات؟
نعم فعلا قائدها عبدالعزيز الحلو، وليست القوة التي دخلت أم روابة بل كل القوات التي قادت هذا التحرك، والآن حسب معلوماتنا هو في منطقة جبل حسنة قاعد ليه في (كراكير).
يبدو أن الطيران لم يكن فاعلاً في الهجوم الاخير؟
-بغضب-
كيف ما فاعل! فاعل جداً جداً.
ما الذي استطاع إنجازه؟
بعد الحدث استطاع أن يدمر عدداً كبيراً من عرباتهم وأي عربة تدمر فيها ناس ماتوا وآخرون هربوا، الطيران مؤثر جدا جدا.
هل يمكن النظر لهذا الهجوم باعتباره محاولة لتشتيت الانتباه لعمل كبير في دارفور مثلاً؟
هم قاموا بأعمال في دارفور في حتة واحدة، منذ أن جاءوا من الجنوب، جزء منهم ذهب إلى دارفور وجزء منهم جاء إلى كردفان، في دارفور جاءوا إلى شرق الجبل وضربناهم في قولو ومهاجرية وفي جنوب السكة حديد، وتبقت فقط منطقة مرلا لو انضربوا فيها حيكونوا خلاص انتهوا.
من أين يأتي إمداد هذه القوات؟
إمدادهم أتوا به من الجنوب وهذا أمر معروف.
هل هو امداد قديم أم جديد؟
ما بنقدر نقول ليك قديم أم جديد، ما بنقدر نقول ليك (صيد) في حدود أكثر من 2 ألف كيلو، لكن المعروف أن الناس دي كلها أتت من الجنوب.
في ظل التعاون الجديد مع دولة الجنوب لماذا لا تطلبون منهم الدخول في تعاون عسكري لإظهار حسن النوايا؟
نطلب لكن هل حيستجيبوا؟ نحن عاملين آليات وكده، ودي خطوة وأنا افتكر إنو الاتفاقيات دي بتصعب الدعم وبتقللوا ولو صِفت النوايا بتوقفوا تماماً.
ما تأثير الهجوم على ام روابة على مسار التفاوض في اديس؟
هم يسعون للتأثير على المفاوضات وخلق بلبلة في إطار استهداف البلد ككل لتغيير النظام.
هم يتحدثون عن استهداف الخرطوم، هل ممكن يغامروا مغامرة زي دي؟
الله أعلم.. لكن ما أظن.
ما مدى قوة تسليحهم؟
عندهم تسليح جيد وتتوفر لهم كل أنواع الأسلحة.
هل لديهم مضادات طيران؟
لديهم مضادات طيران في الارتفاعات المنخفضة.
بعد هذه الحادثة هل باتت ولاية شمال كردفان جزءاً من مناطق الحرب؟
لا ما أعتقد.. أنا أفتكر إنو المسألة إعلامية أكثر من كونها عسكرية، ويمكن القول إن أم روابة هدف إعلامي و عسكري.
هل من الممكن أن تطور القوات المسلحة من تكتياتها وقدراتها لمواجهة حرب العصابات في طورها الجديد؟
يا أخوي اسمعني، دي قصة قديمة جداً، حكاية حرب العصابات دي هزمت أمريكا في فيتنام وطلعتها.
هل هناك مشكلة في التنسيق بين الأجهزة الأمنية المختلفة؟
لا
يعنى التنسيق كامل؟
التنسيق كامل، أصلا ما في أي مشكلة، لكن حرب العصابات بطبيعتها تأخذ زمن، دي حكاية معروفة في القواعد العسكرية، في حرب فيتنام الأمريكان والفرنسيين طلعوا بشنو؟ طلعوا بحرب عصابات وليس بجيش منظم.
هل تتوقعون أن يستغرق حسم هذه التحركات وقتاً طويلاً؟
لا لا.. إن شاء الله لن يستغرق وقتاً طويلاً (نحن وراهم والزمن قصير).

السوداني


تعليقات 82 | إهداء 0 | زيارات 19056

صفحة 1 من 212>
التعليقات
#654352 [نجوي]
0.00/5 (0 صوت)

05-03-2013 03:54 AM
اسفي عليك يابلد في كل دول العالم وزير الدفاع من اقوي الوزراء هل يعقل ان تكون هذه اجابات لوزير دفاع.....لااعتقد....ما اظن يخاطروا....متروك لوقته......لا خطط ولا استراتيجيه.اسفي يا بلد نحن مع كل ثائر ضد هذا النظام البغيض ...وغدا لناظره قريب والثوره خيارنا


#654348 [مسمار]
0.00/5 (0 صوت)

05-03-2013 03:33 AM
اللمبي يا معلم تضرب في الأمثال ساكت امريكا ما قدرت وفرنسا ماقدرت دي زي الدفاع بالنظر لمن قلت الطيارة النزلت في الميدان الأحمر وروسيا ماجبت خبر زيك زي ما انت ضربوا ليك اليرموك وعادي يعني هسي برضوا عادي لمن تلقاو ما عادي ههههههههه


#654320 [انصاري]
0.00/5 (0 صوت)

05-03-2013 01:41 AM
الحلو جاهز....!!


#654314 [ود شيخ إدريس]
0.00/5 (0 صوت)

05-03-2013 01:31 AM
هل أنا بكامل قواي العقلية!!! هل أفهم ما يقوله وزير دفاعنا.... هل أصلا هذا كلام مفيد نحوا وصرفا... المهم أنه عسكريا كلام مخجل لأنه لا صلة له بالعلم العسكري... وزير دفاعنا لا يستطيع تقييم أي شيء مما حدث... لا عن عدوه ولا عن قواته التي يقودها... ما هذا العبث.... لايمكن أن يصدر كلام كهذا من أدنى قائد في سلم القيادة العسكرية دعك من وزير دفاع وقائد عام .. نرجو ممن فهم شيئا من هذا الحديث أن يشرحه لنا.. وزير دفاعنا لا يعلم أ ب ت تقارير الموقف العسكرية ... كل ردوده "الله أعلم" .. نعم بالله العليم الخبير.. ولكن من أولى أوليات واجبك كقائد عام للجيش السوداني ووزير دفاع أن تعلم وحسب النظم العسكرية المعروفة... أليس للرجل مستشارين يمدون له يد العون للخروج من مثل هذه الورطات بل ما يطبظ بهذه الطريقة. لك ألله يا وطني إذ ابتليت بأمثال هؤلاء ليقودوا جيوشك.


#654308 [الخير واجد]
0.00/5 (0 صوت)

05-03-2013 01:14 AM
اجابات (الليمبي) ، الغير (واثقه) و (الجايطه) ، تّدل على شيئين :
إما انو الراجل ما فاهم حاجة وده طبعاً حاصل .
او انو الأمور طالعه من يد جماعتو نهائياً وعاجزين عن فهم ما حدث ويحدث .. والأرجح الاثنين معاً .
والحوار عبارة عن دفتر مفتوح وهديه ثمينه للجبهه الثوريه على قراءة افكار وخطط هؤلاء (ده ان كانت هناك خطط اصلاً) لان حديث الليبمي يؤكّد انهم في حالة
(تخبّط) مزريه و (عجز) بائن و(فشل) زريع !!!!!!


#654270 [بت حبوبتها]
4.50/5 (3 صوت)

05-03-2013 12:17 AM
معقولة لكن يا عبدالرحيم ؟ تمشي كردفان وتباري الخرايط وتفتي عن حرب العصابات وتخلي شغلك الرئيييييسي في الخرطوم ؟ أسة البيسوق للرئيس منو ؟ غايتو إلا ياخد إجازة بدون مرتب لحدي ماإنت ترجع بالسلامة وترجع أيامنا الجميلة...!


ردود على بت حبوبتها
Saudi Arabia [أبوبسملة] 05-03-2013 02:12 AM
هههههههه يديك العافية والله


#654260 [زكريا أبو يحيى]
0.00/5 (0 صوت)

05-03-2013 12:05 AM
متى تتوقف هذه الحرب يا رب العالمين ؟متى ننعم في السودان بالسلام أسوة ببقية الدول الأخرى ؟متى يتوقف نزيف الدم السوداني في غربه وشرقة وجنوبه وشماله ؟متى نسمع عن السودان أخبار غير أخبار الحرب والدمار؟ومتى نرى على شاشات التلفاز صورا غير صور النازحين واللاجئين والجثث على قارعة الطريق ؟متى نحكم بنظام غير نظام الإنقاذ ورئيس غير البشير ؟هل من مجيب ؟؟؟؟؟؟؟؟؟؟؟؟؟؟


#654241 [حريه]
0.00/5 (0 صوت)

05-02-2013 11:21 PM
ده زير مش وزير العسكر البيطيعوه حمير , عامل خمشو ذي الطبق.


#654240 [شوك كتاد]
0.00/5 (0 صوت)

05-02-2013 11:20 PM
STOP THIS STUPID WAR. NOBODY CAN WIN. OUR NATION IS LOOSING,HUMAN RESOURCES,MONEY,TIME,GAINING OF HATRED FOR NO REASON. THE MAIN REASON FOR DARFOUR EJM REBELS IS THE DIVISION OF MBS (NCP& PCP)WE ARE NOT PART OF THEIR INER CONFLICT OR WHO DESERVE TO BE THE HEAD OF MBS OMER ELBASHEIR OR TURABI. SO PLEASE KEEP AWAY FROM OUR INNOCENT PEOPLE WHO ARE NOT PART OF THE CONFLICT
THE SOLUTIONE IS DR NAFIEA PLEASE TAKE THIS OPPORTUNITY TO GO BACK TOADIS TOSIT DOWN AND SETTLE DOWN THE INITIATIVE YOU SIGNED BEFORE WITH MR AGGAR TO STOP THIS V. V. STUPID AIMLESS,ENDLESS WAR

قرات قبل ايام مقال د البونى تحت عنوان ارجع نافع. وأؤيده تماما فى رجوع د نافع لتنفيذ بروتوكوله الموقع مع السيد مالك عقار لايقاف هذه الحرب العبثية . مواردناودمنا اغلى من ان يستنزف فى حروب لا طائل منها .
أرى تحت الرماد وميض نارويوشـك أن يكـون لـها ضــرام
فـإنّ النـار بالعـوديـن تـذكـى وإن الــشــرّ مــبــدؤُهُ كـــــلام
فإن لم يــطفها عقلاء قوم يـكون وقودها جـثث وهام
وقلت من التعجب ليت شعري أأيـــقـــاظٌ أمـــيّـــة أم نـــيـــام
فـإن يقظـت فـذاك بـقـاء مـلـك وإن رقــــــدت فـــأنـــى لا ألام
فإن يك اصبحـوا وثـووا نيامـا فقـل قومـوا فقـد حــان القـيـام
فغـرّى عـن رحالـك ثـم قـولـي على الإسلام والعرب السـلام


#654237 [sudani]
0.00/5 (0 صوت)

05-02-2013 11:19 PM
وما العيب في الكراكير مادام هي صمام امان الجبال حتى منذ زمن الانجليز كان يحتمى اهلنا النوبه بها والرسول الكريم (ص) كان في كركور غار حراء وغطته نسيج العنكبوت من نظر مشركي مكة الكراكير نعمة وحجاب من الله الخالق يا اللمبي الاهبل


#654200 [kamda]
5.00/5 (1 صوت)

05-02-2013 10:33 PM
يا عبد الرحيم موسى ما أتفهك ياغبي!!!!
أنا أشك انك سوداني يا عنصري با بغيض يا جاهل
هل العبودية باللون؟
هذه الوطن يسمى بلاد السودان أتدري معنى السودان ؟!!!!!


#654187 [nagatabuzaid]
2.00/5 (1 صوت)

05-02-2013 10:11 PM
حكاية عجيبة جدا المخلوقات الغريبة دى لا بتحس ولا بتخجل من اى كوكب هم لا ادرى كذابين لدرجة

وصورة لا مثيل لها مسيلمة الكذاب يخاف منهم اشاعوا وهم برااااهم قالوا عبد العزيز الحلو

قتل واذا بمن فى الحظائر من جداد وطيور تكبر وترقص (اصلا حكومة المسلمين وتوابعها بتكبر

فرحا لموت مسلم يرتعبون منه ) ولانهم عارقين نفسهم كذابين تابعوا الكذبة بكذبة تانية قالوا

هبطت طيارة اجنبية واخذت المصابين فى المطاردة الجوية ارضية بين رتل عربات زعموا ان الحلو

كان فيها والطيارات الايرانية والروسية واكيد وان بعض الظن اثم الطائرا كانت بقيادة طيارين

النظام السورى ( طيارين السودان معظمهم انقرض فى حوادث الانتنوف المتعمدة والغير متعمدة ومن

ومن بقى منهم ليس بمهارة السوريين فى المساسكة والمطاردة الجوية ارضية ).طيب يا جماعة كيف

تهبط طائرة اجنبية وترفع المصابين وتهرب بيهم ؟؟ كيف دخلت الطائرة الاجنبية الى منظقة

ساخنة مولعة نار ؟؟ يفترض ان مجالها الجوى محظور لا حظوا يا جماعة الطيارة دخلت بينما

طيارات الحكومة كانت مسيطرة على الجو وبتساكك فى ناس عبد العزيز الحلو طيب ليه ما ضربتوها

الكذبة غبية والحبكة ضعيفة والمقصود منها ان لا نطالب او نسال عن جثة عبد العزيز الحلو

ومن معه وطبعا هناك جهات ومنظمات حتتدخل مطالبة بمشاهدة جثته ولا ن اغبى مخلوقات الله من يعتقد

انه زكى والناس اغبياء ثم بعظمة لسانهم تانى قالوا الحلو حي يللا ياجداد ابلعوا تكبيركم \

وتانى ماتباروا حكومتكم وتدخلوا كوشها

نجى للشتائم وطولة لسان الحكام الاكبرهم جبان عبد العزيز الحلو قاعد فى كركور نعم

وفر والحرب كر وفر نعم انتم لما خليل ابراهيم غزا امدرمان رغم عدم رضانا بهذا الغزو هربتم
ا
خليل ابراهيم دخل امدرما نهارا جهارا ورئيسكم (الدايرنايقابلتا بره .)او بهذا المعنى

ما قابل خليل بره ولا مسك سلاح ونزل المعركة مع جيشه او دفاعه الشعبى كنا احترمناه ولكن

احترمنا خليل والان نحترم الحلو لانه مع جنوده او مليشياته رئيسكم جرى واندس فى العيلفون

قادوا ليه سيارته بسرعة خيالية لسان طويل فى الفاضى ادعوا الفتوة والفتونة طلعوا اى كلام

وحسب تريتنا كسودانيين بمختلف اعراقنا الراجل ما بشتم ما بنيذ الراجل البشتم معروف من

وسط واى نوعية اها يا عبد الرحيم كان لقيت الحلو جوووووووووة صالونك فى عقر دارك تقبل

وين الا تفتش ليك كركور تنحشر فيه وطريق الهروب اصبح معروف حتلقى طيارتهم مستنياك هناك

من خلعتك تفتكرهطيارة تشادية ولا مصرية او اثيوبية تلقى نفسك فى كراكير الحلو اوعقاراو اسرائيل

اما عن حرب العصابات انت لا تعرف عنها شىء ولطشتها من موقع او من خشم زول لكن اقول ليك

نهايتكم حتكون على ايدى جماعة حرب العصابات مليشياتكم ما بتعرف كيفية وفنون حرب العصابات

انتم بتسكو بس بالطيارات


#654163 [مراقب]
0.00/5 (0 صوت)

05-02-2013 09:30 PM
يا سلام على الفهم!! الاهبل المتخلف ده بناقض نفسو, قال حرب العصابات أخرجت أمريكا و فرنسا من فيتنام لكن هو العفين حيقضى على التمرد, غايتو أل آى كيوز بتاعتو تكون تحت الصفر.


#654151 [DARFURI]
5.00/5 (1 صوت)

05-02-2013 09:16 PM
انت عارف يا وزير السجم والرماد انو الاف من اهلنا في جبال النوبة يسكنون الكراكير بسبب قصف طاءيراتكم العويرة لقراهم وحقولهم واضح جدا العنصرية وعدم احترام ثقافة الغير في تصريح ابوريالة


#654125 [ود الشلال]
5.00/5 (3 صوت)

05-02-2013 08:20 PM
أستحي على نفسك ياخروف صفاية الدفاع , واقولك من المعروف انو في فترة توليك للدفاع حصلت انتهاكات كثيرة لسيادة السودان ولن تتوقف , والصغير والكبير يعرفها ,داير أسالك سؤال واحد بس يامطور الرادارات وياصاحب نظرية الدفاع الجوي بالنظر ويامورد الانتنوف ,

ماهو الحد الادنى من التقصير الذي يجبرك على تقديم استقالتك ؟


#654121 [واحد مسطول]
1.00/5 (1 صوت)

05-02-2013 08:14 PM
بدو أن الطيران لم يكن فاعلاً في الهجوم الاخير؟
-بغضب-
كيف ما فاعل! فاعل جداً جداً.
ما الذي استطاع إنجازه؟
بعد الحدث استطاع أن يدمر عدداً كبيراً من عرباتهم وأي عربة تدمر فيها ناس ماتوا وآخرون هربوا، الطيران مؤثر جدا جدا... انتهي الاقتباس.. شفتو تبريرات اللمبي.. يعني الجيش بقت مهتمو يجي بعد نجاح العمليات العسكرية ويضرب بالطائرات اهداف متحركة في طريق عودتها بعد انجاز مهتها بنسبة 100%.. لامام جيش اللمبي


#654099 [ALIIIIIIIIIIIIIIIIIIIIIIIIIIII]
5.00/5 (1 صوت)

05-02-2013 07:43 PM
خلاص ياللمبي استخدم النابالم زي الامريكان ده كن عندك نابالم اصلا ياكرور قال حرب فيتنام قال..انتو جيش زاتوا ماعندكم جيش منتهي رحم الله الجيش السوداني يافني الطيارات ياغواصة الغواصات والابله عبد الرحيم موسي انت قايل روحك شنو يعني بتصف سودانيين بانهم عبيد ياسواق الجاموس ياعفن احترم نفسك ياهذا ليحترمك الاخرون العبودية لله وحده ياجاهل الناس دي قاعدة تجي وين بالضبط؟؟؟؟


#654001 [الفاتح مقبول]
5.00/5 (1 صوت)

05-02-2013 05:53 PM
انت جيش كامل بقضه وقضيضه
لم تعرف مكانه ولا تحركه
معقولة تصل بك الدقة الى
تحديد مكان شخص واحد..
دى تكون (شطارة شديدة)..

اللهم ارفع غضبك ومقتك عنا
اللهم ارفع غضبك ومقتك عنا
اللهم ارفع غضبك ومقتك عنا


#653957 [مكتول كمد مرة تانية]
5.00/5 (1 صوت)

05-02-2013 04:53 PM
أين عقلية الحكام وحكمتهم ونفاذ بصيرتهم يا عمر البشير؟؟ ألا تعلم أنك تضحي بوطن حدادي مدادي في سبيل مجاملتك لمعتوه متخلف غارق في الإخفاقات والفشل منذ انقلابكم المشؤوم قبل 24 عاما عجاف وهل تدري أنك تضع الوطن كله في كفة وهذا الأهطل الفاشل في الكفة الأخرى؟؟ يا عمر البشير ياخي انت ما قريت سيرة سيدنا عمر بن الخطاب وعزله لسيدنا خالد أعظم قائد اسلامي استراتيجي دوخ جيوش وجيوش وأسباب عزله اختلف فيها المؤرخون ولكن الله ورسوله وخليفة المسلمين عمر اعلم وانت جايب ليك وزير دفاع بيدوخ في الشعب السوداني؟؟
يا عبد الرحيم ياخي ما تبقى زول بارد؟؟ ياخي أنت أصم ولا أبكم ولا أعمى ياخي في 40 مليون سوداني بيقولوا ليك غور في ستين داهية ما عايزنك ياخي انت ما عندك كرامة؟؟ ياخي الله لا كسبك ولا غزا فيك بركة يا عديم البركة


ردود على مكتول كمد مرة تانية
Sudan [nagatabuzaid] 05-02-2013 08:03 PM
يا مكتول كمد ماتكتلنى كمد مليون مرة بمخاطبتك للبشير على انه انسان بيفهم ومختلف

عن عبد الرحيم البشير قطعة من عبد الرحيم فولة واتقسمت نصين وبعدين عندهم مصالح دافننها

سووا لابشير بدون عبد الرحيم ولا عبد الرحيم بدون البشير والاثنين ان شاء الله الى الجحيم


#653920 [بحري نفر]
3.00/5 (2 صوت)

05-02-2013 04:15 PM
قاعد في كراكير ولا في الهلتون....دا الفالح فيهو..جعجعه وكلام خارم...بارم...بس يادوب استخباراتك...صحوا من النوم..و عرفوا محلو؟؟؟ومال كانوا وين قبال ما يدخلوا امروابه؟؟؟؟؟احسن تستقيل والله البشير نفسو مسئول علشان مخليك في المنصب دا...يا طرطور....كم مره اسرائل انتهكت اجواء السودان..وقتلت..والجنوب انفصل..والحرب في دارفور..وانت قاعد تحت المكيفات وتركب ال4ْ4و رئاسه الاركان..اخر راحات...جيش بدون استعداد ولا مناورات...ما جيش....قال قاعد في راكؤبه....يااخي اخجل و استقيل يا ثقيل...


#653918 [طائر الفينيق]
1.00/5 (1 صوت)

05-02-2013 04:13 PM
الأخ (زول محتار):

تحياتي لك

+ معلومة اللمبي صحيحة من وجهين, وان كان ليست في صالحه, إلا في اطار دفاعه أمام منتقديه من أهل النظام الذين يتهمونه بالعجز والتقصير.. لكنه تبرع بمعلومة في صالح الجبهة الثورية :

* حرب الفيتنام في حقيقتها بدأت ضد الفرنسيين لأنهم لأنهم كانوا يحتلون فينتام .. ثم تولتها من بعد, الولايات المتحدة لأنها كانت تخشى انتشار المد الشيوعي والحرب كانت ضمن نزاعات الحرب الباردة بين العملاقين الأمريكي والسوفيتي..حرب الفيتنام التى استمرت حوالى عشرين عاماً, أصبحت كابوسا مخيفا بالنسبة للأمريكيين.. بسبب ورطتهم العميقة فيهاوخروجهم في النهاية مهزومين يجرجرون خيبتهم الطويلة ..

* حروب العصابات ( Guerrila War)تعتبر أخطر أنواع الحروب في التاريخ.. ودائما ما يكون النصر حليف القوى الثورية التى تتخذ اسلوب (القوريلا وور), على المدي الطويل , ان لم يكن القصير. ولكن كان على اللمبي أن يذكر قائاً وطنياً ماهراً, قبل فيتنام- ربما من أعظم من أسسوا لحرب القوريلا وور في التاريخ وهو محمدأحمد المهدي الذي كانت كل حروبه ضد الأتراك وحلفائهم من نوع القوريلا وور .. حتى وصوله الخرطوم في 1885 ( راجع كتاب محمد سعيد القدال: المهدي.. لوحة لثائر سوداني)!!!


ردود على طائر الفينيق
Saudi Arabia [طائر الفينيق] 05-02-2013 11:26 PM
شكرا نجاة .. على روحك الطيبة وغيرتك على البلد !!

Sudan [nagatabuzaid] 05-02-2013 08:43 PM
السلام والتحية يا طائر الفينيق عارف شخصكم الكريم واخر باسم مكتول كمد كتلتونى كمد

لانكم خاطبتم مسيو عبد الرحيم كانه بيفهم جد ومفتكرنه على نفس الدرجة من فهمكم انت عارف


وزيرنا الهمام ده ولا بعرف عن حرب العصابات ولا كمبوديا ولا فيتنام ولا ماذا تعنى حرب الغوريلا

فهمه عن حرب الغوريلا زى فعمى انا بعرف الغوريلا لكن بتحارب كيف والله ماعارفه المهم هولطش

الحكاية من موقع ولا من خشم زول وقام بلغلغ الله يكون فى عوننا وجزاكم الله خير على اسلوبكم ا

وافادتنا بمعلومات قيمة عن كيفية حرب محمداحمد المهدى وحتى اختياركم لطائر الفينيق يدل

على مستواكم الفكرى الذى لن يصله عبد الرحيم


#653905 [ود يعقوب]
5.00/5 (1 صوت)

05-02-2013 03:59 PM
لا حول ولا قوة الا بالله

وزيران فى حكومة واحدة

وتصريحان متضاربان


#653900 [مستغرب]
5.00/5 (1 صوت)

05-02-2013 03:55 PM
غريبة ، هل الوزير اصبح من جماعة كاودا ولا شنو؟أقرأوا كلامو تاني وأجيبوني.


#653896 [AMMAR]
5.00/5 (1 صوت)

05-02-2013 03:52 PM
الهجوم الاخير كان بقيادة الحلو ذاتو ...وهسع قاعد في كراكير ؟؟؟....وحكامات الخرطوم ..لوردات الحرب ...جعجعة ولعلعة وتحديات من منازلهم ...يا الطيب مصطفي الحلو دا ما قدرك واصلا رجل اقتصاد يعني ما عسكري ..مع جيشو في الكراكير ..انت ما تمشي وتكون مع جيشك ..وسوق معاك عبد العاطي وبقية الحكامات .....اتق الله يارجل وقل قولا سديدا ...لابدمن التفاوض لا بد.. من وضع حد للاقتتال والحرب ..لا بد من الفدرالية والديمقراطية والسلام والتنمية...


#653876 [الحقيقة مرة]
5.00/5 (2 صوت)

05-02-2013 03:25 PM
راكوبتنا الحنينة يا ست المشلعيب ما تنسو كمان صورة ابوريالة وهو بهنقل بالعلم المصري عشان تكتمل الصورة من قوة دفاع السودان التابعة للاستعمار الانجلومصري و"طلعت فريد" لعبود الباع حلفا ونميري الشرد لمصر لبشة العميل المنبطح الجبان عشان تضح معالم المؤسسة الاستعمارية العريقة اللي بقينا نسميها الان جزافا بالجيش السوداني


#653828 [وطني ولاملئ بطني]
5.00/5 (2 صوت)

05-02-2013 02:45 PM
وزير الدفاع قال :( عندهم تسليح جيد وتتوفر عندهم كل انواع الاسلحة )وقال :(لديهم مضادات طيران في الارتفاعات المنخفضة) يا كيزان قيامتكم ما قامت !؟


#653823 [عبدالله موسى]
5.00/5 (1 صوت)

05-02-2013 02:43 PM
(حكاية حرب العصابات دي هزمت أمريكا في فيتنام وطلعتها.)

دا اعتراف واضح وصريح جدا من وزير الدفاع الهمام باحتمالات هزيمة الجيش أمام قوات الجبهة الثورية .. وطبعا إذا قارنا بيننا وبين أمريكا .. فالهزيمة واقعة ومؤكدة ولا شك فيها ..

إذن لماذا تزجون بالجيش في حرب لا ناقة لهم فيها ولا جمل .. الإنقاذيون يحاربون من أجل بقائهم في سدة الحكم ..


#653819 [osman]
5.00/5 (3 صوت)

05-02-2013 02:39 PM
قاعد في كركر ياولد انت ياتحديد موقع والله شفت ومفتح ... كركر ... يكروووك من كرعينك من الخرطوم لحدي ابوكرشولا ياحمار


ردود على osman
Sudan [nagatabuzaid] 05-02-2013 08:48 PM
تتذكر شتيمة صديقه وصاحبه البشير لمالك عقار ؟ شتامين ولسانهم طويل وجبانين هسع

من اول زرزير يجروا وااااااااااطى


#653748 [Shah]
5.00/5 (1 صوت)

05-02-2013 01:34 PM
يا خالقنا ...ما تعولقنا.


#653713 [صديق أبو مصعب]
0.00/5 (0 صوت)

05-02-2013 11:56 AM
(في حرب فيتنام الأمريكان والفرنسيين طلعوا بشنو؟ طلعوا بحرب عصابات وليس بجيش منظم.

مفهوم حرب العصابات أن المقاتلين هم أبناء المنطفة نفسها التى تدار الحرب فى رحاها
فمن الصعب جدا حصرهم وتوقع وقت هجومهم ، وهم دائما ما يشنون الهجوم المباغت
وهم الذين يحددون موعد المعركة وزمنها وآليلتها ، لذلك من الصعب مجابهتهم فى
معركتهم التى قد اختارونها بحسابات دقيقة ، فوق ذلك هم أصحاب قضية ، بينما الجيش الحكومى
والمليشيات ( حليل أيام ماكان المليشيات تطلق على الثوار الأحرار فى الستينات من القرن
الماضى ) أقول هذا الجيش وتوابعه هم موظفو دولة برواتب ومعهم توابعهم الذين يهدفون إلى
الشهادة وليس الانتصار ، فالأخيرين ديل لا يحسبون ضمن القوة ، بل هم زوائد لإزالتها من
وجه البسيطة ( يعنى ما مقاتلين لأنهم فاقدى التكتيك - ما يجى واحد يقول لى ديل مؤمنين
بقضيتهم الدينية لأنه دا كلام ينفع فى الخلاوى والخطب الرنانى بتاعة من يدفعون بهم للدفاع عن
أنفسهم نيابة عنهم )
حرب العصابات هذه تستدعى أن يستطيع المقاتل التخفى بين أهليه من سكان المنطقة . لذا العمل يجب أن يكون من الجبهة الثورية خلق أكثر من جبهة معارك فى كل منطقة ومن أبنائها حتى وأن يحيروا العدو
والعمل على عد تصدير المقاتلين من مناطق أخرى يعنى مثلا الشرق والشمال إلى مناطق القتال فى الغرب ، بل على كل جهة تنظيم مقاتليها فى منطقتها وبين ظهرانى أهليه ,
عليه يا وزير دفاعنا الراجينك تحرر لينا حلايب من أسيادك المصريين واطاتن أصبحت إذا رجيناك .
قال ((في حرب فيتنام الأمريكان والفرنسيين طلعوا بشنو؟ طلعوا بحرب عصابات وليس بجيش منظم.)
طبعا يا لوح لأنه الفيتناميين كانوا بى يحاربوا وسط أهلهم وفى بلدهم - وفقط لو شاهدت منظر الجنود الأمريكان فى العراق وهم يتلفتون من الخوف فى بلدا طير عجم - يا طيرة - أيضا ما كان يحدث للعرب الأفغان ، وما يحدث لهم فى الشيشان - كان وجودهم هناك فقط مظهريا - ونوع من عالمية الثورة الإسلامية ، لكن موش عشان مقاتلين فاعلين -

صديق - خبير وطنى فى حرب العصابات أحسن من ربيع عبد العاطى - الخبير الوطنى فى ضحالة التبريرات الفطيرة

وبالله بالله يا ناس الراكوبة زحوا لينا صورة الزول دا وصور الهلافيت البيطمموا البطن واللا ما ...


ردود على صديق أبو مصعب
Saudi Arabia [صديق] 05-02-2013 07:19 PM
وهو فى طمام أكتر من الجبته دا

Russian Federation [حامد] 05-02-2013 03:25 PM
أمانة ما جاييك الطمام بالجد إن شاء الله.


#653710 [ابوبشبش]
3.00/5 (2 صوت)

05-02-2013 11:54 AM
انا ما عارف دا لو قالوا لية اتفاوض مع وزير الدفاع المصري عن حاليب وشلاتين حيقول ليةشنو والله العظيم انا بفتكر ولا خلوووووه ذاتو قرف وعبط وهبالة وشكلوا راعي ابل مهمتو يحليبن بس ويعقلين ولا اقول ليكم نعتزر لكل المهن واصحابها دا مفروض يجيبوه يكورك في الصبحية لو ما نحس العريس والعروس


#653709 [shams]
5.00/5 (1 صوت)

05-02-2013 11:54 AM
هاهاهاهاهههه..وين وزير الاعلام القال عبد العزيز الحلو قتل بصاروخ موجه بعد تدمير سيارته.والغريبة وزير الدفاع بيقول الزول قاعد فيكركورابو حسنة.زوالله الانقاذ بتهزم نفسها بنفسها.


#653704 [ود النوبة]
4.75/5 (6 صوت)

05-02-2013 11:50 AM
انا بديك فكرة يا اللمبي فكرة ممتازة جدا ممكن تقضي بها على الحلو المر وهى كالاتي ان تذهب الى جبل حسنة الذي تزعمه : ( و تصيح بأعلى صوتك و تقول يا الحلو يا القاعد في الكركور اطلع لي برة الكركور لو راجل )


ردود على ود النوبة
Sudan [nagatabuzaid] 05-02-2013 08:53 PM
وكان مرق ليه زولك يقوم يجارى وسط الجبال وهناك لا فى عيلفون ولا يحزنون طيران والله

ضحكتنى يا ود النوبة مالك على الراجل


#653703 [الجعلي الجد]
5.00/5 (11 صوت)

05-02-2013 11:47 AM
1/والآن حسب معلوماتنا هو في منطقة جبل حسنة قاعد ليه في (كراكير).

2/ وانت حسب معلوماتنا قاعد ليك في فلتين مرة مع المرة الصغيرة ومرة مع الكبيرة والكدندشة والترطيبة في كل مكان ..

ايهما تحسب ضمن الرجالة وشرف العسكرية ؟؟

وايهما الاحق بالاحترام ؟؟

شخص يقاتل مع جنوده في الوديان والكراكير والغابات !!
ام شخص ضارب الترطيبة وفاشل في كل شيء وقاعد يلز الناس للجهاد والاستشهاد وهم منعم ومرفه بين حريمه ؟؟؟!!!!!!!!!


ردود على الجعلي الجد
Russian Federation [zool bs] 05-02-2013 02:15 PM
tslm ya j3ly


#653692 [Mohd]
5.00/5 (1 صوت)

05-02-2013 11:36 AM
الله يستر على الخرطوم.البلد بقت مهزله.


#653680 [كتاحة]
5.00/5 (8 صوت)

05-02-2013 11:27 AM
نناشد الحاجة هدية ان تعفي هذا الاهبل من وزارة الدفاع و ان تنفيه الى جزر سليمان


ردود على كتاحة
Sudan [nagatabuzaid] 05-02-2013 08:55 PM
مالك على ناس جزر سليمان ؟؟ سووووو ليك شنو؟


#653671 [زول محتار]
4.50/5 (4 صوت)

05-02-2013 11:19 AM
يا جماعة الشي البعرفو انو حرب فيتنام الفرنسيين ما شاركوا فيها
الزول دا اتحفنا بالمعلومة دي من وييييييييييين


ردود على زول محتار
[كامل] 05-03-2013 01:07 AM
الفرنسيين أكلوها قبل الأمركان إقرأ .

Sudan [قرانوف] 05-02-2013 04:04 PM
حكمته بالغة يسلط علينا ساقط علوم عسكرية و تاريخ ( معذور اذ لم يتخرج من عرين الابطال كضابط مشاه و لم يندرش بالعمليات .. وعوض عن ذلك بانشغاله ببناء الابراج وترك جيشه في السهلة )

Saudi Arabia [مراقب] 05-02-2013 03:11 PM
ما دام ما بتعرف ما تنطم وتسكت .. الحرب الفيتنامية بدأها الفرنسيون وأكملها الأمريكان .. ونوعك ده بيؤكد أن معظم المعقبين هنا هم إما فاقد تربوي أو أخلاقي


#653668 [عبد الرحيم موسى]
5.00/5 (1 صوت)

05-02-2013 11:18 AM
الامريكان والفرنسييين كانوا قاتلوا فى بلاد خارجها بلادهم وطردوا منها كأى محتل او مغتصب ينتهى أمره بالاندحار لكن ماذا تقول فى امة ادمنت القتال بسبب او دون سبب حتى لو غادرت هذه الحكومة العبيد ديل لا أهداف لهم سوى الحرب ففى كل الحكومات المتعاقبة على السودان من ديمقراطية وعسكرية وهم هم نفس الشعور بالدونية حتى لو أعطوا كل السودان ورئاستها عقدتهم الدونية فهم عبيد فى قرارة انفسهم ويجب ان يتساوا مع البيض ، هذه سنة الله فى ارضه فى الابيض فى الاصفر وفى الاسود الفحم فهموهم لا بارك الله فيهم


ردود على عبد الرحيم موسى
Sudan [nagatabuzaid] 05-02-2013 09:01 PM
اسمك عبد الرحيم ووزير دفاعك اسمه غبد الرحيم لا تستحقان الاسم وان كانت تجمعكما صفة واحدة جماعة وقراء الراكوبة يعرفونها هى خلطة غباء مع عبط شديد وبلادة نتج عنها كلام الطير مع الباقير

Saudi Arabia [كاره جدا للكيزان والمتأسلمين] 05-02-2013 05:45 PM
البسمعك بتقول عبيد عبيد ..بقول انو انت جدك قحطان كلنا عبيد الله ياعنصري وده المرجعنا لي وراء ومخلينا في آخر القائمه

Saudi Arabia [hamid] 05-02-2013 05:23 PM
يبدو انك يا عبدالرحيم موسي وما اظن اسمك عبدالرحبم اقول بانك جاهل الي ابعد الحدود وما اظنك سوداني اصيل . نحن السودانيون لوننا اسود او اسمر . فمن جهلك تظن ان ان الناس عبيد ولكن العبودية لله ومثل امثالك هم الذين ازكوا نار العنصرية البغيضة . فنسال الله ان يشغلك بنفسك ويقتلك بحقدك الدفين . فليس كل من حمل السلاح يشعر بالدونية العكس الشخص الذي يشعر بالدونية يستكين لسيده ولا ينطق بكلمة ناهيك عن حمل السلاح . فهل الذين حملوا السلاح في سوريا وليبيا هم عبيد ؟ ما اظنك تفهم هذا الكلام ابدا . فالذي يحمل السلاح يضع السلاح اذا شعر بالعدل . وكل مشاكل العالم يتم بالمفاوضات دون المكابرة واللعب بتسويف الوقت . اذا كنت تتوهم انك ابيض فاذهب الي لبنان وخذ الجنسية . ونوعك اذا جاءت الحارة تتواري خلف اخواتك اكيد فالكلام معك مضيعة للوقت .


#653662 [فارس البطانة]
0.00/5 (0 صوت)

05-02-2013 11:12 AM
كل الشعب السوداني يطالب باقالة هذا الشخص....معقولة جيشنا وصل لهذه الدرجة تحتل مدينة في قلب
السودان وفي السابق اقاصي اطراف الجنوب لم يستطيع الجنوبين مجرد القرب منها ...هل قوة جيشنا يتقدم
ام يتقهقر....هل الضعف في الجيش ولا وزير الدفاع...سؤال كبير يحتاج لاجابة؟


#653656 [ابو علي]
1.00/5 (1 صوت)

05-02-2013 11:05 AM
اللمبي ابو رياله المغبي ده يا ناس الراكوبه صاحب البطل طوالي علي بابا قال ما ينتازل منه لو وضعوا الشمس بيمينه و القمر بيساره بس ممكن لو وضعوا الكلبش بيمينه ويساره لانه زول وفي و بيقسم اي مليم مع علي بابا و ممكن يفديه بروحه عشان كده قال داير يقابل بيه ربه . عليكم الله يا ناس في زول يتمنى يقابل ربه بي عمل قبيح زي ده ؟


#653650 [Mustafa]
4.50/5 (4 صوت)

05-02-2013 11:02 AM
ابشروا يا ناس الجبهة الثورية .. دي فرصة لدخول الخرطوم قبل ما يشيلو ضابط حرس الصيد دة


#653640 [بعشوم]
4.50/5 (4 صوت)

05-02-2013 10:56 AM
الراجل قال الروب .. معقول وزير دفاع يحبط معنويات جنوده بانتصار العصابات علي جيوش امريكا و فرنسا .. طيب الراجيها شنو تقدم باستقالتك و دع الامر لمن هو اقدر منك علي حرب العصابات ..
اللوم علي اللي خلفوك علي الجيش منذ غزوة خليل و بعدها هجليج .. وكان الله في عون الخرطوم ان كان هذا هو تفكير و انهزامية حاميها تجاه معارك الغوريلا ..


#653631 [فاروق بشير]
5.00/5 (12 صوت)

05-02-2013 10:48 AM
بالضبط انتم غرباء عن هذه الارض غربة الامريكان والفرنسيين عن ارض فيتنام.
واذن انت تنتظر الهزيمة.


ردود على فاروق بشير
[ركابي] 05-02-2013 03:41 PM
هايل والله ..بوركت يارجل


#653618 [محمد خليل]
4.00/5 (3 صوت)

05-02-2013 10:40 AM
المشكلة ما فى وزير الدفاع الأهبل، المشكلة فى الأكثر هبالة المتمسك بيهو و ما راضى يغيرو، و الله حاجة تحير العقول، اذا كان وزير الدفاع بالمستوي دا من الهبالة و الجهل من الطبيعى أن يتعرض الجيش للنكبات و الخسائر.


#653596 [كاكا]
4.75/5 (3 صوت)

05-02-2013 10:24 AM
يقول الامركان والفرنسيين طلعوا من فيتنام بحرب العصابات يا ربي يقصد هنا مين الامركان ومين الفيتناميين


ردود على كاكا
Kenya [koomba] 05-02-2013 04:19 PM
HE MEANS ARAB WHO CAME TO SUDAN AS TRADERS THEN LATER PRETEND TO BE LAND OWNERS ....

Russian Federation [محمد حسن] 05-02-2013 02:48 PM
ياخي دا بتكلم ساي وهو نفسه ما عارف بقول في شنو .. أنا لاحظت في أكثر من مقابلاته بتكلم عن أشياء ليس لها علاقة بالموضوع .. الموهوم بفتكر الناس كلها مواهيم .. وياريت لو سمعت الإنجليزي بتاعه عاوز يورينا أنه فاهم حاجة.. مصايب ووقعنا فيها


#653595 [mansour]
3.38/5 (4 صوت)

05-02-2013 10:24 AM
انا داير اعرف الزول اصلو كدي ولا ناس الراكوبه بتعمدوا يعرضوا ليه الصور القبيحه بس


#653583 [khalidal m Ali]
5.00/5 (4 صوت)

05-02-2013 10:12 AM
يا ناس والله نحن شعب غلبان بحق , غنمايه ذى دى تأكل عشانا .


#653577 [المكلوم]
5.00/5 (1 صوت)

05-02-2013 10:10 AM
والله الجماعة ديل يحيرو عديل كدة


#653565 [عنكباوي]
1.00/5 (1 صوت)

05-02-2013 09:59 AM
اللمبي ..أبو رياله


#653551 [عصمتووف]
2.50/5 (2 صوت)

05-02-2013 09:47 AM
**** لكن حرب العصابات بطبيعتها تأخذ زمن،*****
**** في حرب فيتنام الأمريكان والفرنسيين طلعوا بشنو****
**** لا لا.. إن شاء الله لن يستغرق وقتاً طويلاً (نحن وراهم والزمن قصير). **** الله غالب يا جماعة ده كلام شنو فرنسا امريكا فشلوا وهم الاقوي منكم من عتاد وعده ودعم لوجستي *** انتم ماذا تملكون ** بالتالي فاشلون وهو يقود تلقائيا الي تقديم تنازلات من الطرفين والقضية ليس رجالة ولعب علي الوقت *** الغريبة معترف باستنزاف حروب العصابات وفشل حسمها ويبشرنا بالنصر القريب توجد منطقة حاليا تعرف باسم قوز الريف وغير اسمها نميري وكانت قديما تسمي بجعيبات والله العظيم وهي قرية بسيطة لو تم احتلالها لو لدقيقة ادت غرضها ان البلد ام فكو هل لاتوجد حامية عسكرية في شمال كردفان و كوستي ايضا اقرب حامية عسكرية لا تبعد عنها سوي ساعة ونصف والحركات استلمتها لمدة 4ساعات و علي حسب سرعة تحرك القوات وكيف تم انسحاب تلك القوات الغازية


#653548 [عابر سكة فايت]
2.50/5 (2 صوت)

05-02-2013 09:45 AM
جبل حسنة ولا ابو الحسن يا سيادة الوزير الهمام
الفرق شنو انه فى كراكير ولا فى السحلة طبيعى جدا القائد فى ظروف
زى دى تفرض عليه حماية . المشكلة انكم عاجزون عن الدفاع واسترجاع المناطق المحتلة
من قبل الحلو وقواته بدليل انهم منذ اندلاع الحرب التانية وهم مسيطرون على كل الجزء الغربى
من محلية رشاد للعلم هذه قبائل هذه المنطقة لم تكن مشاركة فى التمرد الاول ماذا انتم فاعلون .


#653546 [صدقونى]
5.00/5 (1 صوت)

05-02-2013 09:43 AM
لو دة وزيرنا صحيح سودننا ضاع فاعلم ان الامر تخطى كل الحدود وخير ليك الاستقالة
قبل ما تخدل مستشفى التجانى الماحى 000


#653544 [زول ساكت]
5.00/5 (1 صوت)

05-02-2013 09:39 AM
شوف البلاهة واضحة كيف ؟؟؟؟؟؟؟؟؟؟


#653526 [علي]
5.00/5 (2 صوت)

05-02-2013 09:23 AM
(في حرب فيتنام الأمريكان والفرنسيين طلعوا بشنو؟ طلعوا بحرب عصابات وليس بجيش منظم).

أعلاه أعتراف صريح من وزير الدفاع اللمبي بهزيمة جيشه وأنتصار الثوار في الحرب. خروج الأمريكان والفرنسيين سيقابله خروج مؤسسة الجلابة التاريخية وأحزابها الطفيلية (الأمة ، الاتحادي ، الشيوعي ، البعثي ، الليبرالي والمؤتمر الوطني) من دائرة الحكم في السودان وإلى الأبد.

تهانينيا القلبية لقوى الهامش السوداني على أنتصاراتها الباهرة على قوى البغي والعدوان مؤسسة الجلابة العنصرية وأحزابها الطفيلية المارقة.


ردود على علي
Saudi Arabia [hamid] 05-02-2013 06:08 PM
الفتنق اشد من القتل ارجو الارتقاء بالكلام . اتبهوا يا شباب بعض الكيزان مزروعين وهم بيستخدموا كلمات عنصرية عشان يشقوا الصفوف . ارجو الانتباه الناس في كل السودان بتعاني من ظلم الكيزان الشمال الجنوب الشرق والغرب.

Russian Federation [يوسف] 05-02-2013 12:14 PM
كلام صاح مدام هو معترف بان حرب العصابات سوف تهزم الحكومات

Russian Federation [Mohammad Abualkhar] 05-02-2013 12:01 PM
يا علي الله أكون في عون السودان لو قادة الجبهة الثورية رايهم زي رايك دا ، والعنصرية القبيحة التي تتحدث بها عن مؤسسة الجلابة كما تقول فأعلم أنه والله العظيم لن تقوم للجبهة الثورية ولا الهامش الذي تقول عنه قائمة إن بدا الأمر بهذه العنصرية ، فليتنا نتعلم ونرتقي إلى مصاف البشر في أننا يمكننا التعايش كما كنا منذ الإستقلال . للأسف الشديد هذه العنصرية البادية من كثير من أبناء الهامش ستقود إلى صوملة السودان وأعلم أنه لا جبهة ثورية ولا أمريكا ستسطيع أن تحكم السودان إن كان الأمر عنصري لان كل الجلابة الذين تكرههم سيدافعون عن أنفسهم وأهليهم إن تمت عنصرة المشكل السوداني .


#653521 [Fato]
1.00/5 (1 صوت)

05-02-2013 09:19 AM
هطرقات وأرجوفات وزير دفاع ولايدرى عن الدفاع ألا بالنظر.الملاحظة فى كلام اللمبى ينفى ويثبت فى الكلام فى ان واحد وحقيقة ليس له ألمام بالعسكرية نهائياومفروض مكانه تذكرجى فى أبواب السينمالما كانت هناك سينما,ده هبالته عينه.طالما أنت موجود فى وزارة الدفاع غدا يدخلوا الخرطوم وأنت جالس تتفتف وريالتك سايلة كلمتين فى جملة مفيدة.


#653511 [هوج الرياح]
1.00/5 (1 صوت)

05-02-2013 09:01 AM
يصاب الانسان بالغثيان عندما يستمع لكلام هذا الرجل

ويصاب بالدوار عندما يرى صوره وهو يفتح فمه بطريقة بلهاء

ويصاب بالقرف عندما يسيل ..........

ارحمنا يا الله واكرم بلادنا بأخذ هذا الارجوز الذى لا يستحى من اى شئ حتى لو كانت هزائم متكررة


#653497 [سامر المدنى]
5.00/5 (2 صوت)

05-02-2013 08:28 AM
أبوريالة قال : يا أخوي اسمعني، دي قصة قديمة جداً، حكاية حرب العصابات دي هزمت أمريكا في فيتنام وطلعتها.

وأنا عندى ليك اقتراح ياوزير بتاع دفاع , ليه ماتهاجموهم بالليل عند صلاة العشاء وتطفوا أنوار التيارات بتاأتكم وكده ماحيشوفوكم الا اذا عندهم جماعة المراقبة البصرية والتى هى من انجازاتك وابداعاتك واعجازاتك المشهودة.... قالوا وزير بتاع دفاع .ز هاك الدفاع ده .


#653494 [سوداني]
4.88/5 (4 صوت)

05-02-2013 08:23 AM
( فعلا قائدها عبدالعزيز الحلو، وليست القوة التي دخلت أم روابة بل كل القوات التي قادت هذا التحرك، والآن حسب معلوماتنا هو في منطقة جبل حسنة قاعد ليه في (كراكير).) ، مش قلتو عبدالعزيز الحلو مات غايتو الكيزان الكذب جاري في دمكم واهو اللمبي كشفكم جد خد الصراحة من فم اللمبي.


#653486 [kokomomen]
3.00/5 (2 صوت)

05-02-2013 08:05 AM
متقوقع في الخرطوم وما بتعرف جغرافية السودان في الهامش، هو جبل أم الحسن وليس جبل حسنة ياجاهل، وهنالك عندكم في الشمالية قهوة أم الحسن وهي نفسها ملكت جبل في جنوب كردفان مابنطلع، أذهب إليه لو كنت راجل ، هو في كركور كما تزعم ولكنه يقاتل بنفسه في الأحراش فاخرج إليه من عماراتك الشاهقة في القيادة العامة لمقاتلته لو كانت عندك الشجاعة يا باطل.


#653482 [karlos]
5.00/5 (1 صوت)

05-02-2013 07:59 AM
مسطوووووووووووووووووووووووووووووووووووووووووووووووووووووول



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة