الأخبار
أخبار إقليمية
معتمد الخرطوم يجهش بالبكاء بموقف "شروني"



05-03-2013 07:28 AM

الخرطوم: مزدلفة دكام
أجهش معتمد الخرطوم اللواء عمر نمر بالبكاء أثناء مخاطبته حفلاً لتدشين موقف "شروني" الجديد بوسط الخرطوم - واختنق نمر بالعبرة، واضطر لقطع حديثه ليمنع دموعه من النزول. وقال نمر بكلمات مؤثرة إن الشعب السوداني يتستحق العمل لأجله. وتعهّد نمر بوقف بناء محال تجارية حول الموقف الجديد. وزاد: "حتى لوكانت صيدلية". ووعد بالمضي قدماً لمحاربة الظواهر السالبة ابتداءً بحي الصحافة على غرار ماحدث بالديوم.
في المقابل، قطع والي الخرطوم د. عبدالرحمن الخضر، بعدم التفاوض مع المتمردين. وقال بلهجة حاسمة: "القوة حنقابلها بالقوة". وأضاف الوالي أن الحكومة لن تقبل الدخول في مفاوضات تحت الضغط. وبشأن ما حدث في شمال كردفان، أكد أن السودان بلد واحد، وأي مكروه يقع بمنطقة يؤذي الأخريات.


تعليقات 21 | إهداء 0 | زيارات 9335

التعليقات
#655834 [مقنع الكاشفات ودكرمة]
0.00/5 (0 صوت)

05-04-2013 05:39 PM
بسم الله يا ناس اتقوا ربكم هذا لايعلمه الا عالم الغيب والشهادة حرام عليكم تاكل في لحوم الناس بالباطل وانت لو صح عندكم غيرة علي السودان والبلد كلووا دافعوا عن ارضكم وعرضكم كفاية خراب للبلد كلو بسبكم دخلتوا اسرائيل وامريكا وخربتو السودان بنقدكم البغيض والانسان لو صح عندو غيرة علي السودان امشوا هناك وتكلموا وقلوا الحقيقة توحدوا انزلوا انتخابات اتحدوا من اجل البلد كلوا وليس قبيلة او جهوية والله العظيم والله العظيم بسببكم دمرتوا البلد ونقدكم الغير نافع لكل انسان وعرفتو الزول دا كيف دموع تماسيح خافو ربكم واتحدي اي انسان لو بعرفو او بعرف عنو شئ او غلط وعشان كدة بتحطمو الناس العندهم همة للسودان حاسبوا انفسكم قبل انا تحاسبوا سوداني اصيل ودبلد اصيل ليس انتمي سياسي خالص مخلص واخلص للسودان بس دمت يا سودان وطني وفخري وعزتي مهما جار علييييك الزمن


ردود على مقنع الكاشفات ودكرمة
United Arab Emirates [محجوب عبد المنعم حسن معني] 05-04-2013 10:35 PM
اخي مقنع الكاشفات ود كرمة
التحية ليك يا زول طيب
كفييت ووفيت


#655490 [lahib]
0.00/5 (0 صوت)

05-04-2013 11:23 AM
دموع تماسيح ..


#655415 [ابو شريف]
0.00/5 (0 صوت)

05-04-2013 10:22 AM
والمواقف القديمة تباع لمن ؟؟؟؟؟

ما السبب الذي يبكي هذا الرجل ؟؟؟؟

مسرحية رخيصة ووسخه ,, هل تعتقد ستجد من يصدقك ؟؟


#655246 [ابو جهينة]
0.00/5 (0 صوت)

05-04-2013 06:43 AM
@@@ الرجال مواقف .
@@@ الحقائق لا تُعالج بالدموع والعواطف .
@@@ الدموع اليومين دى ليس الا عرابين محبة للطوفان القادم .
@@@ صدق القول بأن من يضحك كثيرا يبكى أخيرا .


#655245 [احمد ابونصر الشمالي]
0.00/5 (0 صوت)

05-04-2013 06:41 AM
مسرحية على الهوة .. بطولة النمر اٍحراج عبد الرحمن الخضر .. ما تستعجل ح تبكي جد قريب


#655240 [هاشم عبده]
0.00/5 (0 صوت)

05-04-2013 06:23 AM
كذاب ومنافق مافي شك


#655011 [اقتراح]
5.00/5 (1 صوت)

05-03-2013 07:26 PM
الناس جعانة عينها طالع ... و التمساح ده بيغش وبيبكي!!


#654929 [مواطن]
0.00/5 (0 صوت)

05-03-2013 05:03 PM
هذه دموع التماسيح لماذا لم يبكى علي اغلاق مستشفي الاطفال ولماذا لايبكي علي موت الموطنين منعدم توفر الدواء اقول له ان البكاء لا يسمن ولا يقني من جوع وكفاكم خداع .،يمكن بكا عشان كان عايز قطعة ارض الموقف يعملها مستشفي خاص؟؟؟؟؟؟


#654819 [kokomomen]
0.00/5 (0 صوت)

05-03-2013 02:31 PM
في المقابل، قطع والي الخرطوم د. عبدالرحمن الخضر، بعدم التفاوض مع المتمردين. وقال بلهجة حاسمة: "القوة حنقابلها بالقوة". وأضاف الوالي أن الحكومة لن تقبل الدخول في مفاوضات تحت الضغط. وبشأن ما حدث في شمال كردفان، أكد أن السودان بلد واحد، وأي مكروه يقع بمنطقة يؤذي الأخريات.
تعليق:
الناس ديل بقو يهضربوا من شبح الحركة الشعبية، الواحد فيهم بمناسبة أو بدون مناسبة يخلي الموضوع الجي من أجله ويقنب يهضرب بهكذا الكلام الفارغ، شهر مايو مواعيد المحادثات القادمة وكدا نشوف صحة كلامك دا يا والي الخرطوم الجعيص، شراط 1000000 دولار حتتخلوا عن هذه الممانعة وتركضوا إلى المفاوضات في مواعيدها صاغرين لأنكم لا تملكون إرادة الرفض يا أهبل.


#654817 [ناجي]
0.00/5 (0 صوت)

05-03-2013 02:25 PM
الجاهل الذي قتل حبيبته وجلس قرب جثتها يبكيها


#654726 [حكومة عمرحسن سلوكه]
5.00/5 (2 صوت)

05-03-2013 12:35 PM
حتبكي وبكره تضحك علينا وتاجروا كلو ومايفضل مكان لي بص يقيف!!وصاحبك الخضر المضر يشتري كل الدكاكين!!! ذي موقف جاكسون المهبب العملو الله لايعافيه المتعافي!! وبعدين لو كت بتقيف مع المواطن في الحر كان بكيت دم!!! وله لو شفت الجري ورا البصات والهوايس البتتمني وتزيد في التذاكر وتذل المواطن كان مش بكيت كان دفنت نفس حي!!! بدل ماترسل العسعس يضربوا الناس كلما احتجوا علي عدم وجود مواصلات واتكدسوا في الموقف لساعات!! قال يبكي قال!!


#654634 [كتاحة]
4.00/5 (2 صوت)

05-03-2013 11:07 AM
عليك الله بطل النفاق ووفر دميعاتك لي حاجة تستحق

بكرة كالعادة بتختفي الحافلات من موقفك دا و يبقى اسمه شروني ( بتشديد الراء ) اي تم شري في انتظار الحافلة


#654580 [كاظم الغيظ]
5.00/5 (3 صوت)

05-03-2013 10:20 AM
طالما غلبتكم الحيلة وجافاكم المنطق حقو تعملوا بكا جماعي بالسكليب والحي وووووب وضرضير الرماد على الرؤوس والبسوا تياب القنجة وأشربوا الشاي بالقرفة امكن الشعب يحن عليكم


#654568 [mani]
4.00/5 (5 صوت)

05-03-2013 10:10 AM
مالى ارى البشير فى احدى الصور يبكى ووزير الدفاع بالنظر يبكى والبروف دكتور نقابى عندور يبكى .......رحم الله ولادة بنت المستكفي الشاعرة الاميرة القائلة :-
ابكوا مثل النساء ملكاً(سودانا) مضاعاً **** لم تحافظوا عليه مثل الرجال


#654515 [Shah]
0.00/5 (0 صوت)

05-03-2013 09:21 AM
وهل كنت عصى الدمع شيمتك الصبر ... حين قتل طالب الثانوى بام دوم؟


#654508 [Abu Ahmad]
0.00/5 (0 صوت)

05-03-2013 09:15 AM
والبخلي يبكي شنو ؟ هو دا موقف ولا مطار ، صدق اللي قال شر البلية مايضحك !!


#654478 [friend]
5.00/5 (3 صوت)

05-03-2013 08:42 AM
دموع التماسيح


#654465 [قشاش الدموع]
2.00/5 (1 صوت)

05-03-2013 08:32 AM
"أجهش معتمد الخرطوم اللواء عمر نمر بالبكاء أثناء مخاطبته حفلاً لتدشين موقف "شروني" الجديد بوسط الخرطوم"
تبكى يافارة؟ اكيد بكون اتذكر بيتو بالسكة حديد والحتة الكان بيلعب فيها وهو شافع
بنهديه بالمناسبة دى اغنية المرحوم مصفى سيداحمد:
" غدار دموعك مابتنفع لزول حواسو اتحجرت"
قشاش الدموع


#654464 [a]
0.00/5 (0 صوت)

05-03-2013 08:30 AM
يعنى من المفروض ياعبدالرحمن الخضر بعد الحصل فى امروابة تاخد ليك سفرة انت والاولاد للراحة والاستجمام قبل ان تهاجم العاصمة والمعتمد البكاى ده امكن يكون عندو مشكلة خاصة او حاجة او لاهف ليهو حاجة كبيرة او تكون اللاندكروزر محتاجة لتغيير من اجل المواطن وكدة


#654430 [مظفر سيد احمد عثمان]
0.00/5 (0 صوت)

05-03-2013 07:50 AM
لم اجد تفسيرا لظاهرة البكاء وانهمار الدموع لدى العديد من قادة الانقاذ سوى تفسيرا واحدا وهو يتمثل فى فقدان الحجة والبلاغة فى اقناع الشعب السودانى ، وبعد ان ضرب الافلاس المالى ميزانية الدولة وانكشاف الحيل وزيف الشعارات التى تردد مثل هى لله هى لله لم يجد اولئك القوم سوى استدرار عطف الناس وكسبهم بالنواح والبكاء


ردود على مظفر سيد احمد عثمان
Germany [رياض] 05-03-2013 10:41 AM
علي كلام عادل أمام بيعية علشان الجزمة ضيقة عليه

[Laramie] 05-03-2013 10:37 AM
والله العظيم أصيت كبد الحقيقة وما قلت الا الحق....ينصر دينك

[مدحت الهادي] 05-03-2013 10:11 AM
لا لا لا يا أخي يا مظفر سيد أحمد أنا أعطيك التفسير """لظاهرة البكاء وإنهمار الدموع """ هؤلاء يبكون على الحالة التي صلوا إلى هم إليها من ( الغنى والعمارات الشاهقة والسيارات الفارهة وأكلهم ما لذّ وطاب ومن ما يشتهون ) ويقفوا قليلاً ليروا حال هذا الشعب السوداني المسكين لما وصلوا إليه من ( الفقر والقحط والجوع والعوذ والذل والإهانة ولم يتبقى لهم سوى أن يكونوا سائلين للناس ) هؤلاء يا أخي بلغوا مابلغوا من الكبر والإفتراء ...وأنا أقولها لك إن كنت تعرف أيءٍ من الشباب الذين كانوا في حارتكم أو في الدراسة معكم وكان لايملك شيء واليوم يملك المليارات (( أقسم لك يا أخي لا حسد عليهم إن كان حلالاً)) ولكن الشيء الذي يغبنك ويصيبك بالهلاك أسأل نفسك سؤالاً واحداً ... كم عمر هذا الشاب وكم يملك من الأموال والثروات فمن أين له هذا ؟؟؟ إلا يغبنك يا أخي هذا ؟ ألا يبكي يا أخي يا مظفر مثل هذا ؟ألا يصيبكم بضغط الدم والسكر هذا؟ أما بالنسبة لزيف شعاراتهم فيا أخي لقد إنتهت وإنتهى كل جميل معها في بداية أيام ما كانوا يقدمون الشهيد عريس إلى الجنة ... فاليوم كل واحد منهم دخل جنة الدنيا وترك جنة الآخرة .... وأتحدى اليوم بأن يذهب فلان أو علّان إلى الجهاد والإستشهاد فاليوم كل منهم لقد تزوج من النساء( مثنى وثلاث ورباع ) وتركوا كل ما كانوا ينادون به .... ولكم يوم لكم يوم يا هؤلاء والشعب السوداني يدعوا عليكم بالذل وبأن يقهركم في يوم من الأيام وأسماؤهكم كلها بين أيدينا فسوف نمثل بكم بإذن الله تعالى .... والله أكبر عليكم ولانامت أعين الجبناء والخونة ماكلي حقوق هذا الشعب السوداني المسكين ... وصبرا صبرا صبرا أيها الشعب الطيب الشجاع ......



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة