الأخبار
أخبار إقليمية
أيها " الكفيل" تمهل في وداعي !
أيها " الكفيل" تمهل في وداعي !
أيها
وزير العمل المهندس عادل بن محمد فقيه


05-04-2013 03:20 AM
مصطفى محكر

هل يصح القول اننا شعب اللحظات الاخيرة.. فنحن دائما نأتي متأخرين، وكذلك ننجز اعمالنا بتمهل، الم تعش عزيزي القارئ لحظة وقفة العيد، حيث يعمل الخياط « الترزي» حتى الفجر لكي يتمكن من انجاز اكبر عدد من «ملابس صلاة العيد»، وكذلك تجد بنات الحي الكل تبذل قصارى جهدها لإكمال عمليات الكنس والمسح والكي وقبل أن تنجز اعمالها،يداهمها العائدون من الصلاة ، واصواتهم ترتفع وتتداخل «العيد مبروك عليكم» .. وحتى في اعمالنا الطبيعية نبقي اعمالنا للأيام التالية .. حيث تجد الموظف ينظر الى ساعته وهو يغلق الاوراق داخل الدرج ويهم بالخروج على ان يكمل عمله «بكرة» .. وعلى هذا وذاك قس... !

الآن نحن في السعودية أمام قضية جدية تتلخص في ضرورة توفيق الاوضاع قبل انتهاء مهلة خادم الحرمين الشريفين المحددة بثلاثة أشهر، من بعدها تنطلق حملات الجوازات ووزارة العمل لتطبيق النظام بصرامة بحق مخالفي نظام العمل والاقامة، وقد ادهشتني اجابات كثير من السودانيين خلال اعداد سلسلة حلقات « اوضاع السودانيين بالسعودية قبل انتهاء مهلة الملك عبد الله « ، فصدمت من اجابات من شاكلة «يازول بكرة الموضوع ده بينسوهو» .. «والله ما عارف طريق للكفيل» ..» خليها على الله».... ونعم بالله ولكن مثل هذه الافكار لن تعالج قضية .. ومن بين هؤلاء من يقول لك «سفارتنا قاعده ساي» ..» وجهاز المغتربين ده دورو شنو»؟ !!!!!!..

أحسب أن كثيرل من هؤلاء قد اعيتهم الحيلة حينما جعلوا السنوات تسرق اعمارهم حتى اضحوا امام حقيقة صادمة جدا، لا يعرفون كيف يتعاطون معها ..فهمالآن لا يحسبون كم تبقى من مهلة الملك عبد الله بن عبد العزيز ، بل يعولون على المقادير أن تغير هذه المعادلة بأن تتخلى السعودية فجأة عن هذه الاجراءات .. ولكن هذه الاماني لن تتحقق .. فالسعودية لم تقدم على هذه الاجراءات الا بعد دراسات متأنية سهر عليها خبراء في مختلف التخصصات، ووصلوا الى حتمية تنفيذ هذه الاجراءات دونما « تساهل» ، واعتبروا ان الاجراءات ستوطن الوظائف، وتقلل الجريمة ، وتهزم سوق التستر ووقف هروب اموال طائلة خارج المملكة.

لذلك يتوجب علينا جميعا ان نتعامل بجدية ووعي كبير مع هذه الترتيبات، وان نسارع بالاستفادة من هذه المهلة، وان لا ننتظر الحكومة او السفارة او جهاز المغتربين ، لان الامر بأيدنا على الاقل في اللحظة الراهنة ..نعم يجب ان نعي ان»الكفيل» يتأهب لتوديعنا بعد سنوات من الشراكة، لان نظام بلاده اقتضى ذلك طالما كنت مخالفا للنظام ..ومن يفلح في توفيق اوضاعه عليه ان ينتظر ،ولكن ان يكون الانتظار بفهم مختلف بحيث يصبح التفكير حقيقي في كيفية توفيق الاوضاع داخل السودان ، حتى لا تهزمنا مثل هذه الإجراءات «المباغتة» .. علينا ان نبذل الجهد لتوفيق الاوضاع ، ودون ذلك أننعود الى بلادنا دون تضجر، ومن ثم لنا أن نتساءل عن دور الحكومة وجهاز المغتربين حيال العائدين. "الصحافة" قسرا.
[[email protected]]


تعليقات 40 | إهداء 0 | زيارات 16588

التعليقات
#657059 [عبدالعزيز عبدالله]
0.00/5 (0 صوت)

05-05-2013 09:41 PM
"تقدم الكفيل ببلاغ هروب ! يبدو أن نظام الرق ما زال متبعاً في بلاد الحرمين !


#656617 [فتحي]
0.00/5 (0 صوت)

05-05-2013 02:14 PM
ديل ملايين 00 هاجروا شباب وراجعين ملايين كل واحد زوجة وزوج واطفال وطلبة وغيره هل البلد جاهزة لإستقبال هؤلاء الجحافل المؤلفة 00 جاك الموت ياتارك الصلاة 00 ربنا يستر


#656487 [زول]
5.00/5 (1 صوت)

05-05-2013 12:37 PM
1- لا نلوم السعودية ولا السعوديويين فهم قولة حق احسن من في الخليج واكثر ناس يخافو الله ( بس انظرو ما يفعلون في رمضان)فهم ابدا ماقصروا مع السودانيين والذين يلام بعضهم علي مشاكلهم
2-السوداني المغترب الوحيد الذي ليس له خطة واضحة وجدول زمني لها عشان كده قالو للجداد الذين اشتاقو للوطن استحملو ال20 سنة الاولي؟؟ المغترب من دولة مجاورة يقعد 3 سنة و4 شهور عشان يحقق هدفه ويكون جايب معاه اكل بالصفيحة بس يشتري العيش والجرجير ولا زوجة ولا عيال ولا حاجة
3-اغلب المغترين يعيشون بمنتهي الرفاهية من اثاث وعربة بالتقسيط الغير مريح ولبسو نسوانهم الذهب وعلموهم نوم النهار ونسو الطبخ والنظافة وتعمل مسكول للزوج الغلبان بلاهي شوف البنغالي مالو ما جاء اليوم ينظف ويكوي وبعدين جيب معاك كبسة ودجاج مندي للغداء وفي دوام المساء مسكول تاني للعشاء جيب معاك كنتكي لمجدي وشوشو عاوزة بزا هوت وانتي عاوزة ايه يازوجتي الغالية فتقول اي حاجة غير الفول والطعمية انشاءالله شاورما او همبرجر ...فضاع العمر والراتب ياو لدي

4-نسبيا ناس السعودية احسن من ناس الامارات علي الاقل الزوجة تعود والغوايش في ايديهاالاثنين+40 كيلو وكم عباية غير الاي باد والبود والاي فون لمجدي وشوشو وما قادرين يمشو من الشحم والوالد يقول اي ياجيبي
4-نحن ليس شعب كسول كما روجت اشاع اطلقتها دولة معينة ولكن الواقع ادهش اصحاب العمل وكما قال البعض اعلاه لو نحن اشتغلنا كده في بلدنا لكنا سبقنا غيرنا فدعونا نعود بالسلامة ونشتغل في بلدنا بس نشغل مخنا
5- نحتاج لتربيةمنزلية وطنية لنا ولاولادنا عشان نحب وطنناوهو حقنا وليس حق اي حكومة ومرحبا بعودة الاب القاسي لانقاذ ما يمكن انقاذه من اولادنا عشان ينومو بدري ويصلو بدري ويزرعو بدري ويحصدو بدري وشوفي كان نتقدري كما قال ود تكتكوك
6-عند عودتي سوف اسعي واجاهد لعمل جمعية وطنيةاجتماعية اسمها (انا سوداني) لها العديد من الاهداف من اجل عودة السودان العظيم ولو نجحت يمكن نعملها حزب سياسي وطني اجتماعي ديني اقتصادي رياضي ويمكن فني غشان ما يهاجرو الفنانات لكن علي شرط العضوية اقل من 40
7-واخيرا ختو الرحمن في قلبكم فالارزاق بيده سبحانه وتعالي وتذكرو رزق الطير بس الطير احسن مننا مرتاح من الكفيل والاقامة وتعال يا زول وروح يا زول لما كرهونا في كلمة زول


ردود على زول
Sudan [سامر] 05-05-2013 10:11 PM
والله كلام جميل جداً وفي الصميم... بس نصيحتي ليك أنك تخطط كويس للعودة للسودان وتعمل مشاريعك دي لأنو بلد غير عادي وفيهو حاجة ما طبيعية.. ممكن تنجح وتعمل كل الإنت دايرو في السودان بس التخطيط لازم يكون مليون في المية.. مش مية في المية!!


#656443 [علي احمد جارالنبي المحامي والمستشار القانوني]
0.00/5 (0 صوت)

05-05-2013 12:07 PM
.
من المؤسف له ان هذه الاجرءات تجئ في ظل ظروف ضاغطة بالنسبة للسوداني ، حيث ضاقت فرص العيش في الوطن بسبب الحال الذي آل الى ظلم وظلامات وفساد وافساد لم يسبق له مثيل على مر التاريخ السوداني القديم والحديث .
لا مناص ولا مناص من العودة لأرض الوطن اذا ما عزّت الاقامة في ارض الحرمين بصورة نظامية وسيعود كل من يفشل في توفيق اوضاعه الى وطنه لا محالة وهو مقهور وغير مسرور بالعودة لأرض الوطن ، ما يجعله جزء من مشاكل لم تزل متفاقمة ليس اقلها العطالة ومتطلبات الحياة التي اصبحت في كف عفاريت هذا الزمن الردئ بحكامه .
.


#656050 [Red]
0.00/5 (0 صوت)

05-05-2013 12:49 AM
Test


#656024 [kamda]
1.00/5 (1 صوت)

05-04-2013 11:48 PM
"هل يصح القول اننا شعب اللحظات الاخيرة.. فنحن دائما نأتي متأخرين"
من قال لك يا محكر؟!!!!!
لقد رزئنا بأمثالكم في السودان !!!!
منهم من يشتم الوطن دون حياء قائلا "منعول أبوك بلد" !!!!!!
و مصطفى اسماعيل الشحاد ينعت الشعب "بالشحدة" فابتلاه الله
لم أسمع بكاتب في محيطنا يسب وطنه أو أهله الا أمثالكم !!!!!
أين حب الوطن يا هذا ؟؟؟ !!!!!

خذ هذا البيت عسى أن يفيدك:

بلادي وان جارت علي عزيزة أهلي وان ضنوا علي كرام


#655909 [كوع نمله]
5.00/5 (2 صوت)

05-04-2013 08:37 PM
بلادك حلوه ارجه ليها ودار الغربه مابترحم


#655892 [ازهري محمد]
0.00/5 (0 صوت)

05-04-2013 08:13 PM
بلدنا بي خيرها يا ناس بقت علي السودانين بس في ملاين الاجناس بدون كفالات وشغالين اجرام وسلب ونهب


#655884 [ازهري محمد]
4.00/5 (2 صوت)

05-04-2013 08:00 PM
ليس لنل دخل بما يخططوا له من زمن بعيد ويعدون له ولكن هنالك ظلم واضح وباين علي كل العماله في المملكه لا اقول من كل الكفلاء ولكن جلهم وقبل اسبوع ابسط حاجه سوداني شغال مع كفيله قرابت العشرة سنوات عشرة عمر يعني واخر المطاف يبلغ فيه هرووووب لانه طلب منه اجازة لاجل ان يتعالج في بلده نسبتا لمرضه ورفض الكفيل واصر السوداني علي السفر وترك العمل وقبل ان يصل السوداني الي بيت اصدقاءة الا وعربات الشرطه محاطه به من كل جانب وواودع السجن وتم فتح فيه بلاغ هروب من كفيله بواسطه احد معارفه الذي يعمل في الجوازت وخلال اسبوع تم ابعاده بخروج نهائ وتبصيم خمس سنوات حسبي الله ونعم الوكيل وما اكثر مثل هذا


#655788 [السوكى موكى]
0.00/5 (0 صوت)

05-04-2013 05:39 PM
الحمد لله والشكر لله أنا كنتعامل حساب اليوم ده الحمد لله عندى عماره في الخرطوم إشتريتها بتوفيق من الله و من عرق جبينى وإيجار الشقق أكثر من راتبى في الغربه وأشكر الله ,, ولو قالوا مع السلام نحن جاهزين


ردود على السوكى موكى
Saudi Arabia [السوكى موكى] 05-05-2013 11:07 AM
أحمد الله وأشكره أنا قاعد وشغال أحسن وظيفه وبأخذ أكبر راتب بحمد الله ومرتاح جدا جدا ,و ومافى واحد داس لى على طرف بل كل أمورى ميسره ,,فلماذا اقطع رزقى ؟؟؟ أنا قلت ليكم لو قالوا مع السلامه أنا جاهز ,, ثم ثانيا إنتوا زعلانين ليه ,, يعنى حسد ولا شنو ؟؟ غريبه والله ,, تقول أنتوا بتدونى راتبى ,, عجائب والله

Saudi Arabia [كبسور] 05-05-2013 10:44 AM
يا زول ربنا يزيدك من خيرو ويرزقنا نحن كلنا كمان بس اقول ليك شي اوعك ترجع السودان طال الزمن او قصر السودان بقرض قروشك جت وتقعد تتلفت

[ابو عفان] 05-04-2013 08:41 PM
قاعد تسوي شنو ؟ وشغال في السعودية شنو ؟

[السحار] 05-04-2013 06:50 PM
سبحان الله ولسع قاعد؟


#655733 [عبد الخالق أحمد]
0.00/5 (0 صوت)

05-04-2013 04:16 PM
ماعارف أقول شنوا لكن أكثر ناس عاملين أمهلا هلا للموضوع دا السودانيين ،،،، والله غالبية الجنيات مخالفين ما نحنا بس ...


#655732 [حزين جداً]
5.00/5 (1 صوت)

05-04-2013 04:15 PM
شكراً لكل الشباب الفاهم . شكراً لكم وقد تناولتم هذا الموضوع الحيوي بصدق . أكرر شكري لكم .


#655628 [جعفر النميري]
5.00/5 (12 صوت)

05-04-2013 02:29 PM
الآن ليس هناك وقت للفلفسة أو النقاشات الغير مجدية ولا توجد منطقة وسطى بين أن تكون نظامي أو غير نظامي ونحن والله ما نستاهل البهدلة والمملكة لم تظلمنا ولكن حكومتنا هي الظالمة وأرجو أن لا يتم مقارتنا بالآخرين في وضعنا المادي خلال سنوات الإغتراب ، لأننا لسنا مثل الآخرين فنحن شعب سلّط الله علينا حكومات متعاقبة لم تفلح إلا في التضييق علينا ونحن الوحيدون في العالم الذين يتعلّم بماله ويتخرج بماله ويشتغل بماله (يعني يهاجر) ويتعالج بماله دون ما مساعدة من الدولة بجنيه واحد ويتزوج ويعلّم أبنائه ونبني مدارس قرانا بأنفسنا وكذلك مستشفيات مناطقنا وتعليم أبناء وبنات العم والخال بل وتسكيينهم داخليات على حسابنا وتزويجهن وهكذا أتحدى أي سوادني يكون لنفسه فقط ؟؟؟؟؟ ولذلك ليس كل من تقاعس به العمر أو طالت به الغربة هل من أحدِ يحب أن يكون بعيداً من أهله ؟ هل أحد يحب الاستكانة أو استمراء الغربة ؟؟ نحن شعبُ مقهور بحكوماته وبلادنا طيبة وخيرها كثير ووفير لكنه مسروق من الوزراء وأبناؤهم ومن البيتين المعورين(أولاد المهدي وأولاد الميرغني).. كان الله في عون أخوانا بهذه القرارات وربنا كبير وكريم علينا.


ردود على جعفر النميري
United States [سيف الدين] 05-04-2013 08:01 PM
السلام عليكم يا أخي .. والله اوفيت وما قلته كله حقيقه . وربنا يعيننا جميعاً ان شأالله .. وجزاك الله خيراً


#655613 [السر صالح ود ملاح]
4.97/5 (9 صوت)

05-04-2013 02:15 PM
الدوره دى الحكايه مالعب الامريكان نصحوا السعوديين بضرورة التخلص من الكرور البجيب الهوا خصوصا وعلي حدود السعوديه من جهة سوريا والعراق واليمن مشاكل عويصة ارهاب وخلافه ممكن تعمل صداع اذا لم تكن مهددا حقيقيا لأيام آل سعود عشان كده لازم الملك يحل مشاكل جحافل العطاله من الشباب السعوديين حتي يحول بين امكانية انضمامهم للتيارات الساخنه والتي يصنفونها علي انها ارهاب والتي يمكن ان تهب عليهم من اليمن او سوريا او العراق.
مشكلتنا نحن السودانيين خصوصا المغتربين في الخليج وعلي رأسهم السعوديه تكمن في شيئين اللامبالاه والفاقد التربوى فاللامبالاة ستوردنا الي التهلكه لامحالة أما الفاقد التربوى والجهلاء والغير متعلمين فهم يتصدرون المشهد الآن ويقدمون الحلول الخايبه والمدمره للعويص من المشاكل ومنها مشاكل المغتربين التي يواجهونها في السعوديه الآن والغريب ان المتعلمين يمشون في ركابهم كالمغيبين من كثرة الحاحهم وضجيجهم.
أخواني في السعوديه
ارض الله واسعه سعه لا تحدها حدود والارزاق يتكفل بها رب العباد فلا تيأسوا من رجمته اسأله أن يجعل لكم من كل ضيق فرجا ومن كل هم مخرجا وخطاكم كان من بداية اغترابكم فالسعوديه لم تكن يوما البلد المثالي للأغتراب والهجره لأنعدام ابسط حقوق البشر فيها واهمها الحريه وانا باستغرب كيف استطعتم قضاء عشرات السنين في هذا السجن الكبير وانتم بطبعكم أحرار وقبلتم أن تكونوا عبيدا لهؤلاء البدو الأجلاف ثم رضيتم أن يقرر مصيركم الجهلاء والفاقد التربوى.
أخر خبر او اشاعه أطلقها الجهلاء والفاقد التربوى ويتداولها السودانيين في السعوديه الآن هو انه بسبب ان قام احد السودانيين بانقاذ أحد المقيمين الأسيويين من السيول فان المك مبسوط من السودانيين وعشان كده هايديهم اثتثناء خاص كمكرمه ملكيه... بالله عليكم شوفوا السذاجه والعبط وصلت لحد وين .
لعنة الله علي البشير وكلابه فهم السبب الذى أوصلنا لهذه المأساة والمآسي القادمه.


#655594 [المتغرب الأبـدي]
0.00/5 (0 صوت)

05-04-2013 01:54 PM
أتمنى من كل قلبي أن تسهم عودة المغتربين في زيادة الضغوط على حكومة البشير التي فرغت السودان من شبابه وقواه المنتجة ..


ردود على المتغرب الأبـدي
[الطريفي زول النصيحة] 05-05-2013 02:21 PM
لعلمك انا عايش في السودان و اصلو عمري ما فكرت في الاغتراب و ليبيا دي ظروف عمل مؤقت فقط الجابتني ليها و ليس باختياري و كلها شهرين و راجع ثاني بكل صدق و على كل ربنا يرد غربتك عشان تكون من المساهمين في الضغط على الحكومة يا المتغرب الابدي .


#655510 [um ahmed]
5.00/5 (3 صوت)

05-04-2013 12:47 PM
اخوانى المغتربين الكرام . السلام عليك ورحمة الله . اسال الله الكريم لكم جميعا ان يسهل اموركم فى توفيق اوضاعكم واوصيكم ان تتحركو ولا تركنوا لان الموضوع شكله خطير بعد انتهاء المهله . وربنا يفرج كربتكم جميعا اخوانى الكرام واتمنى للذين لايستطيعون توفيق اوضاعهم ان ياخذ الله بيدهم ويفتح لهم ابواب رزق اخرى فالله هو الرازق . اتمنى صادقه ان تتوفقوا جميعا فى مساعيكم اخوتى وربنا معكم . ودمتم


ردود على um ahmed
Saudi Arabia [ابو محمد] 05-04-2013 01:54 PM
اشكرك اخوي محكر علي التذكير بالنسبة للموضوع الحيوي الذي يهم شريحة كبيرة من المغتربين بالسعودية ، ونسأل الله ان لاتقطع ارزاق اسر كثيرة بالسودان معتمدة علي ابنائهم بالسعودية.


#655508 [الطريفي زول النصيحة]
4.75/5 (4 صوت)

05-04-2013 12:46 PM
بالضيق الحاصل في كل الدنياالآن لن تقبل اي دولة بعد الآن ان ينافس اي اجانب مواطنيها في مواردها لانه عالميا الموارد بمختلف انواعها ماشه في تناقص الحكاية بقت مسألة اعيش او لا اعيش و بالبلدي كده و ببساطة شديدة الزاد لوما كفى اهل البيت يحرم على الجيران بالاضافة للمسائل الامنيه الارهاب والجرائم المختلفة والمنظمة و غيرها من الامور التي تضع لها البلدان حساباتها و بالطبع درج المواطن السوداني عموما و المغترب خصوصا على اخذ الامور بلامبالاة كعادته في كل الامور ويبني على المجهول و الامنيات دون ان يأخذ في الاعتبار واقع الحال الى ان تقع الفأس في الرأس وهذا سيحدث دون ادنى شك عندها سيرمي باللوم على الحكومة و سفاراتها و جهاز المغتربين وامكن اهله الجبروه على الاغتراب عشان يساعدهم و غيرها من الشماعات لكن صدقوني ده ما بحلكم من الجاي اخير ليكم تتخذوا القرار السليم اما السعي لتوفيق اوضاعكم او العوده بكرامه للوطن الكعب ده النحنا عايشين فيه و لي الآن ما متنا من الجوع الا هل بلغت اللهم فاشهد .


ردود على الطريفي زول النصيحة
Saudi Arabia [Abdullah] 05-05-2013 09:22 AM
يموت حيلك انت قاعد في ليبيا وتتكلم كانك في السودان؟ عالم وهم بالجد شكلك من الجداد اللافي اليومين دي في الراكوبه

Saudi Arabia [ود الشلال] 05-04-2013 10:42 PM
الجراك ليبيا شنو ؟!

Saudi Arabia [ابو ياسمين] 05-04-2013 04:30 PM
والله ياالطريفي كلامك صاح في ناس ممن تقول الزول ده عندو بيت عشان كدى مؤيد الطريفي والله طوبة ماعندى خليك من البيت لكن ياناس السعوديين من حقهم وعمكم البشير مايقصر السكن الشعبى بالتقصيد موجود كل واحد يبيع الخروج النهائي ب 5او6 مليون ويدفعوقسط اول الاكل والشراب علي الله

Saudi Arabia [المتغرب الأبـدي] 05-04-2013 01:56 PM
ياتو وطن انت عايش فيه وإلى الآن ما مت من الجوع .. يا بتاع ليبيا انت ؟؟


#655506 [عبد الرحمن الحميدي]
3.00/5 (1 صوت)

05-04-2013 12:42 PM
محكر أخوي كتر الله خيرك على التنويه والتحذير
لكن الأهم من كده نحن أغراب ، والدولة التي نحن فيها لديها مطلق الحرية في تصحيح أية ممارسات تمس بأمنها أو إقتصادها ، وليس بالضرورة أن تضع في الإعتبار المشاكل التي يواجهها أي كان حتى ولو كان من المواطنين دعك من المقيمين. لذلك يجب أن لا ننتظر معجزة تحصل لتحل كل مشكلاتنا - على كثرتها- دون أن تكون تلك الحلول من جانبنا نحن كأفراد وليس السفارة أو جهاز المغتربين ، لأنه حين تواجدنا المخالف أو الغير سليم منذ البداية لم تكن السفارة أو جهاز المغتربين طرف في الموضوع أو لديهم علم بتلك الحالات.

ونسأل الله أن يعين كل فرد منا بتوفيق أوضاعه سواء كان في السعودية أو في السودان.

والله ولي التوفيق


#655496 [MAHMOUDJADEED]
2.00/5 (1 صوت)

05-04-2013 12:33 PM
نعيب زماننا والعيب فينا وما لزماننا عيبٌ سوانا .

سبب تأخرنا وتخلفنا هو رهن جل أمورنا للظروف ... فنحن قومٌ اتكاليون ومتواكلون ونعدي أننا متوكِّلون فالتوكّل على الله شئ جميل وايجابي وفوق ذلك عقيدة وعبادة لكن يجب أن نعقلها اولاً ثم نتوكّل .. العشوائية
في أمورنا والسبهلليه في حياتنا ومصير أبنائنا أمر درج عليه معظم السودانيين المقيمين منهم والمغتربين فالمغترب عليه أن ينتهز هذه السانحة دون أن يلقي اللوم على السفارة وجهاز شئون المغتربين . لا أريد الاطالة البطّالة . فأمامنا أمرين ( درج الناس على أن الأمرين أحلاهما مر ) لكنني أقول أمرين أمرهما حلو على الأقل بالنسبة لي ولا أعمم لأنني لا أعرف ظروف الآخرين . مع تمنياتنا للجميع بالتوفيق .


#655463 [اسمر]
2.00/5 (4 صوت)

05-04-2013 12:01 PM
سبحان الله ثلاثين عاما ولايحق لهم حق الاقامه الدائمه وحق الجنسيه فقط عامل
ومهدد الطرد .انا مقيم فى اسرائيل ولى جنسيه وجواز سفر وحق المواطنه كل
هذه الامتيازيات نلتها فى ثلاثه سنه اخوانى السودانين تعالو الى اسرائيل .


ردود على اسمر
[قلام] 05-04-2013 11:57 PM
كضااااااااب

انت لو في اسرائيل عندك خيارين يا تم استعبادك لتعمل في مزارع البطاطس يا اخدت حقنة العقم
البدوها للمتخلفين عقليا عشان ما يتكاثروا و الحقنة دي سياسة من حكومة اسرائيل عشان يحافظوا على نقاء عرق اسرائيل اليهودي

اها اختار واحد نت الحلين ديل لانو كان وريتك الحل التالت ممكن ترفع فيني قضية

Saudi Arabia [حسن] 05-04-2013 08:35 PM
اسرائيل خاف ربك


#655435 […إنسان]
5.00/5 (4 صوت)

05-04-2013 11:43 AM
…الحجاز الأرض الطاهرة للأسف يحدث فيها استعباد للبشر وقد ولدتهم أمهاتهم أحرارآ وكرمهم الله سبحانه وتعالي ،إنها بداية النهاية .


#655419 [abu ahmad]
4.50/5 (2 صوت)

05-04-2013 11:27 AM
تحياتي للكاتب :
ولكن هنالك بعض المشاكل ليس بأيدينا حلها فمثلاً مشكلتي فيها ظلم وإستعباد فأنا لم يسمحوا لي بالعودة للسودان ( خروج نهائي ) ولم يسمحوا لي بنقل الكفالة وكذلك منعوا عني تصريح العمل لحين إنتهاء قضيتي مع الكفيل والمستمرة منذ العام 2007 م رغماً عن الأتي :
1/ تم منحي خطاب تنازل من الكفيل وتمت موافقة مكتب العمل على نقل الكفالة .
2/ تقدم الكفيل ببلاغ هروب كيدي خلال شهر من تاريخ خطاب التنازل فأوقف المعاملة .
3/ صدر حكم إبتدائي لصالحي في الهيئة الإبتدائية بمكتب العمل .
4/ منعوا أولادي من التعليم بسبب إنتهاء صلاحية الإقامة .
5/ تم تهديي بواسطة الشرطة بتحريض من الكفيل .
6/ رفض الكفيل والجهات الحكومية تجديد إقامتي .
هل هنالك ظلم وإستعباد لخلق الله أكثر من هذا فأنا لست متمسكاً بهذا البلد ولكن ليس بيدي وداعه .
حسبي الله وكفى .


ردود على abu ahmad
Sudan [alhajooj] 05-04-2013 04:37 PM
الاخ السنجاوي .... بعد التحية ... شر البلية ما يضحك ...(هههههههههههههه)
لقد مررت بتجربه مشابهه للاخ ابو احمد ... وفعلا ظننت وان بعض الظن اثم ...
قصتي بالمختصر المفيد ... انا مهندس معماري عملت باحد المؤسسات ...وقد تعرض للظلم من ما يسمي بالكفيل (حيث ان الرواتب تتأخر اقلاها ثمانية شهور ) وانت سيد العارفين انو نحنا السودانيين أسر ممتده وقيم التكافل عندنا اسهمها عالية جدا .... مع العلم ان عمالي الهنود يمرون بنفس المشكلة (تاخير رواتب لمده سنه كاملة !!!!!) فكان لابد ان اطلب منه انهاء العقد المبرم بيننا نسبة لعدم ايفاءه ببنود العقد فما كان منه الا ان رفض وطالبني بالمواصلة بالعمل فرفضت وايضا اثمت بظني قنصليتنا بجده (التي لا هم لها سوي جلب الفول من بوفيه الخرطوم بالعزيزية بمكة المكرمه او التسكع بسيارات القنصليه )واتصلت بالاستاذه( لبني طه) بعد ان اعطاني جوالها احد اصدقائي ..... علي ما اعتقد انها كانت سكرتير اول او ثاني للقنصل .... وكان ردها ب( يا تحنسو ولا تحنسو ) والله علي ما اقول شهيد ... فما كان مني الا ان اصريت علي الكفيل ففوافق بعد الحاح بشرط تنازلي عن كل رواتبي ( ثمانية اشهر ) وفعلا وافقت فلم اكن املك غير الموافقة .... مع العلم ان عمالي الهنود عندما ذهبوا الي سفارتهم اتصل السفير الهندي شخصيا بمدير مكتب العمل بجده واوصل له رساله مفادها اما ان يعطوهم حقوقهم وتحل مشاكلهم او ان تدفع السفارة الهندية كامل مستحقات العمال وترسل فاتورة الي الامير سعود الفيصل وزير الخارجية ... وبعد يومين قابلت عمالي ومعهم الكفيل ومعهم جوازاتهم وحقوقهم وتذاكرهم معززين مكرمين ... والله علي ما اقول وكيل
فعن اي سفارة تتحدث وعن اي وطن تتكلم ..
فعذرا اخي فوطنيتي شخصيا للبيع ... هل من مشتري
عجبي !!!!!!

Saudi Arabia [السنجاوي] 05-04-2013 02:12 PM
هنا دور السفارة
وكذلك عليك تقديم شكوى لحقوق الإنسان في السعودية وهم ناس حقانين
ثم ندعو الله العلي الكريم أن يفرج أمرك ويسهل طريقك وإن بعد العسر يسر يا أخي والله تأثرت لموقفك والظلم الذي وقع عليك اصبر واحتسب


#655408 [الدغرى]
5.00/5 (4 صوت)

05-04-2013 11:18 AM
يا جماعة الاغتراب ده مسؤولية وتعبير عن صورة الشخص وصورة البلد الذى جاء منه ، اعتقد ان الذين انتهت اقامتهم ولم يعودوا بالله عليكم لا تسيئوا الى سمعة البلد "السودان" ارجع او ابحث عن مكان آخر او صحح وضعك بالطرق المتبعة في الدولة المعنية ، ارض الله واسعة اسعوا فيها بالحلال والطرق الشرعية والقانونية ، تحياتي ودعواتي للجميع بالصحة والعافية.


#655356 [ابوقطاطى]
0.00/5 (0 صوت)

05-04-2013 10:20 AM
ده كلام زى خرة النحل اى فارة عندو مشكلة لازم يحلها - وبعدين الملك سمو فائر اليومين دى اى اوحد يعمل سيك ميك تلقى تانى يوم (بناء على طلبه) واوعو من الكشة ياعشة.


ردود على ابوقطاطى
[واحد سودانى] 05-04-2013 07:26 PM
ابو قطاطى حلوه ( بناء على طلبه ) دى فورت الجماعه كلهم والله ضحكتنى شديييييييييييييد .


#655349 [عابد مختار المختار]
4.82/5 (5 صوت)

05-04-2013 10:15 AM
نصيحة للمغتربين من اراد ان يستثمر في السودان ان يبتعد عن شيئين لانهما ينسفان كل ما جمع
اولا - حذار والسوق بين ليلة وضحاها التماسيح ليهفوا ما عندك وبشمتوا فيك
ثانيا - ان لا تستثمر في المواصلات الا اذا كنت انت بنفسك سائق والا ستندم اذا ساقها غيرك حتى اخوك


#655335 [مستغرب]
2.00/5 (1 صوت)

05-04-2013 10:06 AM
والله انا مستغرب و في لغز محيرني.....وهو الوضع الاقتصادي في السودان....بالرغم ما يقال عن الغلاء و الفقر الذي يعاني منه الشعب السووداني..تجد ان النمط الترفي ازداد بصورة ملحوظة شديد...فعلى سبيل المثال زمان كانت زحمة الأسواق بتكون فقط يوم وقفة العيد...اسع السوق مزدحم في اي وقت و بقوة شرائية عالية....زمان كانت مناسبات الأعراس مختصرة..الآن الترح بقى زي الفرح من حيث مستوى الأكل و الخيمة..و الأعراس كمان كانت يوم واحد في بيت العرس.......الآن الأعراس بقت ثلاثة واربعة يوم فيها كل ما لز وطاب من الماكولات و المشروبات و الحفلات..و عدد الصالات لا يغطي الطلبات عليها..أي بيت في السودان لا يخلو من جهاز موبايل واحد على الأقل مما يعني شراء رصيد يومي...وأكثر الايجابيات انوالشغل الحر تفوق على الوظيفة و تحسن الفهم الحضاري له ..يعني بالنسبة للنساء مثلا صناعة الخبائز و التجارة اصبحت مربحة جدا و أغنتهم عن العوز الى الرجال والى الوظيفة...وبالنسبة للرجال انا يوم قبل كم شهر تقريبا ركبت مع واحد بتاع أمجاد قال انو مقيم في السعودية وجاء السودان اجازة وبعد ساق الأمجاد بتاعته شهر قرر انو يرجع السعودية ويعمل لنفسه خروج نهائي لأنه وجد عائد الأمجاد افضل بكثير من عائد اغترابه في السعودية ودة غير حسابات الغربة......في نهاية كلامي بقول ليكم انو ارض الله واسعة و متعددة بس الرزاق واحد وفي اي مكان.


ردود على مستغرب
United States [مرتضي سعيد] 05-05-2013 04:13 AM
مشكلتنا كلنا بنعتبر السودان هو الخرطوم وبنبني كل تحليلاتنا علي ماشاهدناه فيها لكن لو مشيت قري الريف الشمالي وشرق النيل وبعض اطراف العاصمة لتغيرت نظرتك تماما أخي المستغرب سوف يزيد اندهاشك لو قررت ان تزور اقرب ولاية خارج العاصمة وممكن تاخد ولاية الجزيرة مثالا وعاصمتها مدني السني قديما كتبت عبارة ابتسم انت في ود مدني والان ان يجي عليك ان تضع منديل علي انفك حتي لاتزكم انفك بالروائح الكريهة ما احقول ليك الكلام المكرر عن تتدمير مشروع الجزيرة وهجرة المهمشين الي المركز والعمل في الدرداقات والمهن الهامشية الاخري ياجماعة البلد كل الخير الفيها استأثرت بيهو فئة معينة وهي الان المالية الاسواق وحاجزة الصالات

Belgium [عباس بن عباس] 05-04-2013 12:16 PM
انا المحيرني وبخليني استغرب اكتر منك ..
امشي اي دكان..سيوبر ماركت..بقالة..ورشه..المنطقه الصناعية..عمال نظافة المستشفيات..حراس البنايات..عمال البناء.. مطاعم..كافتريات..ستات شاي.. العاملات في المنازل..سواقين الركشات.. اي مكان غير البنوك والمدارس والوزراء(ما كلهم)..ومساعدي رئيس الجمهورية..تجد العمالة من اثيوبيا..او اريتريا..الفلبين..بنقلاديش...وهلم جرا...

Saudi Arabia [orootod] 05-04-2013 12:06 PM
والله كلالمك سليم ميه ميه . نشوف الاسواق و الايجارات في الخرطوم تستغرب قاعات الافراح محجوزه شهر كامل و اتفه صالة بكم مليون ( عربات اخر موديل و الجمارك اكتر من 200%) الناس كله مركبة سمعات التليفون ( التقول كلهم خدمات عملاء) - السوق المركزي مليان خضار و التلاجات مليانة ( تفاح عنب -كريز- والخ ). لو قلنا ان الكيزان هم بس المعاهم قروش معناها ان السوق كله شغال عشان 2% من الشعب والكلام ما مقنع ماتنسى السودان كله جلابه وسماسرة وكله واحد عنده قطعه ارض يعني كلهم معاهم قروش بس ما بيشكروا ربنا .طول اليوم الشكوى وعدم الرضا


#655313 [abukhzal]
0.00/5 (0 صوت)

05-04-2013 09:44 AM
كلامك صاح لابد من تغيير سياسة يوم الوقفة نعمل حسابنا من بدري ، ونتمنى من قلبنا لا يمس اي سوداني بسوء ، لا من جوازات ولا كفيل ولا ترحيل ولا غيرو ، الرجوع بعزة اكرم من الترحيل ، حفظكم الله جميعااخواني المغتربين .


#655299 [الدخرى عزالدين]
4.73/5 (8 صوت)

05-04-2013 09:30 AM
للاسف هنالك سودانيين لهم اثر من 20 سنه لم يروا السودان بل عندهم أولاد لم يروا السودان إلا في الخريطه , وظلوا يتكلمون باللهجه السعوديه وكانهم سعوديين ,, وهنالك من إنتهت اقاماتهم وأولادهم لايدرسون ولايعرفون فك الخط وهنالك من له بنات دخلن في دور التعنيس ولم يجدن فرص للزواج لانهن لايغادرن إلى الوطن ولايوجد سودانى له الرغبه بالزواج من بنت مغترب ,و وهنالك من فقد صلتة بالوطن والاهل ولايملك منزلا في أرض الوطن
إلى كل هؤلاء أقول رب ضاره نافعه
إرجعوا إلى الوطن , فهو الحضن مهما كانت التحديات ,,00(( والعرجاء لى مراحها )) الرزق على الله ولاتخافوا فكل شىء بيد الله وتدبيره ولكم خالص شكرى وأتمنى لكم التوفيق


#655292 [lwlawa]
5.00/5 (1 صوت)

05-04-2013 09:25 AM
دي لحست الكوع.. وقول الروب الجد ...؟؟؟..سيدي بي سيدو..؟؟!!
ما قام به السودانيون من جهد في المهجر والخليج تجديدا لو يذلو معشاره داخل السودان كان (رِكِبْنَا مع امريكا في سرج واحد)...؟؟
لكن ماذا نفعل مع عقول حكومات الخراب والكيزان ...؟؟..التي تسير بنا من سيء الى اسوأ..؟؟


ردود على lwlawa
Saudi Arabia [MAHMOUDJADEED] 05-04-2013 09:58 AM
والله انت بالجد لولوا الدخَّل الحكومة شنو ؟ والله أنا مغترب من زمن نميري واغتربت بمحض ارادتي وهناك من سبقونا بسنوات كثيرة . ويمكن انت ما كنت مولود .

Saudi Arabia [sul.dafa] 05-04-2013 09:51 AM
صدقنى يا اخى قد بذلنا جهد مقدر جدا فى السودان ولكن ضرائب واتاوات تجعلك لاتفكر ان تعمل اى عمل فى السودان


#655287 [ساري]
0.00/5 (0 صوت)

05-04-2013 09:22 AM
المشكلة الحقيقة أن 90% من السودانيين الذين يشملهم هذا القرار
مهنتهم (عامل تربية مواشي) وأنا منهم وتغيير هذه المهنة موقوف
حاليا من مكتب العمل وما زلنا في إنتظار قرار من مكتب العمل
بتعديل هذهالمهنة وكذلك السائق الخاص ...


ردود على ساري
Saudi Arabia [Faroog] 05-04-2013 10:25 AM
نشر في بعض الصحف عن وزارة العمل إمكانية تعديل مهنتي السائق الخاص وعامل تربية المواشي
آمل أن يكون ذلك حقيقيا, أرجو التأكد
بالتوفيق


#655279 [البيان الواضح]
2.00/5 (1 صوت)

05-04-2013 09:10 AM
أود أقدم مقترحاً لعله يسهم في لم شعث المغتربين في بلادهم ، وهو بما أن الكثر من المغتربين قد استفادوا من غربتهم لا أقصد الناحية المادية ، ولكن أقصد الخبرات العملية والمهارية والنظرة الإيجابية للحياة والتعامل مع ظروفها المختلفة من خلال الجدية في العمل الذي مارسوه في غربتهم والاحتكاك بالجنسيات الأخري العديدة التي تعيش في دول الخليج العربي بالذات والاستفادة من ذلك في اكتساب مهارات وعادات عملية جديدة مفيدة ، إضافة إلى ميزة أخرى وهي أن طبقات المغتربين متعددة وتشمل تخصصات عمل كثيرة فمنهم : الطبيب والاستشاري والمهندس والمعلم والأستاذ الجامعي وأصحاب المهن الحرفية المتميزة بمختلف أطيافها، وبما أن العودة للوطن أصبحت لازمة وجبرية وليست طوعية ومهما طال الزمن العرجاء لمراحها : بعد هذه المقدمة اقترح قيام شراكة بين المغتربين لتأسيس عمل ضخم يمكن من خلاله عودة الكثير منهم للعمل بالسودان والاستقرار بين الأهل والأبناء ولأن السودان يتميز بالاراضي زراعية تاخصبة الشاسعة والمياه العذبة الوفيرة فليكون تركيز العمل في مراحله الأولية في الانتاج الزراعي والحيواني للاستهلاك المحلي والتصدير للخليج لقرب الخليج وحاجته الماسة للمنتجات الحيوانية والزراعية : ( شركة اتحاد المغتربين للإنتاج الزراعي والحيواني ) فالخليج يستورد منتجات حيوانية وزاعية من أمريكا الشمالية والجنوبية ومن أقصى شرق آسيا ونحن على بعد خطوات منه فهذه ميزة مهمة في ظل ارتفاع أسعار النقل عالمياً مع توفر العلاقات الاقتصادية الجيدة مع اقتصاديي الخليج كل المقومات وغيرها كثير تدعم إنشاء مثل هذا العمل عدا الجدية في العمل والصدق في التعامل ونرى أن المغتربين قد اكتسيوا هاتين الصفتين من خلاله غربتهم ، ويمكن أن تبدأ هذه الشراكة بمتخصصين في هذا المجال من أبناء المغتربين يذهبون للسودان لبدء العمل بصورة مباشرة ويتم التمويل باسهم مفتوحة لكل المغتربين في جميع أنحاء الدنيا ، ولن نعدم بإذن الله من أبناء السودان المخلصين من يتولى إدارة هذا العمل لأن السودان يذخر بكفاءات علمية ومهارية وإدارية كبيرة صادقة ومخلصة وأمينة أسهمت في إنشاء الكثير من المؤسسات الناجحة في الخليج العربي بل في بعض الدول الأوربية والآسيوية ، أسأل الله أن يسخر لهذا المقترح نخبة طبية من أبناء السودان تتولى إخراجه إلى الواقع العملي ليكون نواة لأعمال أخرى تتوج غربة أبناء السودان بكثير من الفائدة لهم ولوطنهم ولأبناءهم من بعده


ردود على البيان الواضح
United Arab Emirates [زول وافتخر] 05-04-2013 10:05 AM
يازول انت واعي وتكتب بكامل فواك العقليه؟؟؟ ولا ليك 30سنه مانزلت السودان؟؟
احكي ليك انا قصه بسيطه صديقي العزيز اتخذ قراره بالعوده للسودان نهائيا قال ح يفتح مخبز وعندو هايس وح يعيش بين اهلو واولادو الكلام دا سنه 2011 الهايس كل يوم ايصال وشويه شويه بقت اتوس وبعدها بقت ركشه المخبز مابمر يوم الا ويدفع 200ج لي ناس المحليه ناس الصحه ناس وناس لانو قال ما داير يكون من الملعونين بالرشوه (بتاع الصحه بجي يقول ليك المخبز دا مالو وسخان ويطلع ايصالات بي غرامه 300ج تقولم تعصر ليهو 20ج بخليك) الحبيب دا قال ادفع ال 200 او 300 واعيش بالحلال احسن
اخر مره اتصلت عليهو قال لي جو لقو شعره صغيره جدا في حوش المخبز غرمو 350ج
المهم في الامر الان اغلق المخبز ويفكر في العوده الي الامارات دون رجعه الا داخل صندوق كما قال
ملحوظه
اجراءت فتح المخبز لم تكن بالسهوله ورق من الصحه ومن المحليه تجديد ورخصه تجاريه وكم مليون كدا للعداد التجاري الخ

واخير
الرجل لديه خبره طويله في اداره المخابز فهو مدير مجموعه مخابز مشهوره هنا حتي لا ياتي شخص يقول انه لا يعرف هذه التجاره

Saudi Arabia [سارى الليل] 05-04-2013 09:57 AM
موضوعك جميل ومشروع ناجح يا((البيان الواضح ))) .. لكن مع حكومة الكيزان حيفشل فشل زريع


#655277 [عمر أحمد حسن]
5.00/5 (2 صوت)

05-04-2013 09:07 AM
أعتقد أن أخطر عبارة وردت في هذا المقال هي (فالسعودية لم تقدم على هذه الاجراءات الا بعد دراسات متأنية سهر عليها خبراء في مختلف التخصصات، ووصلوا الى حتمية تنفيذ هذه الاجراءات دونما تساهل)
وهي تعني أن المسألة ليست هوجة مؤقتة وتنتهي وإنما هي إجراء مدروس وسينفذ بكل صرامة..
كما أعتقد أن تنفيذ الخطة بالكيفية التي تمت بها كانت أيضاً مقصودة ، بمعنى أن تقوم الجوازات أولاً بحملة كبيرة وجادة لمدة اسبوع تظهر فيها العين الحمرا للمخالفين ، ثم تأتي بعد ذلك مهلة الملك لكي يعذر من أنذر ولا يظلم أحد ، ثم تواصل الحملة بعد انتهاء المهلة بنفس الصرامة التي بدأت بها ..


ردود على عمر أحمد حسن
Saudi Arabia [ود الشلال] 05-04-2013 10:55 PM
يعني مهلة الملك ذاتها كانت ضمن هذة الدراسة المتأنية! ,,,, بعد مايطبقو النظام دا الخطوة الجاية حيطلعو قرار بمنع التجديد لمهن معينة بحجة السعودة


#655274 [غلى طبفور]
0.00/5 (0 صوت)

05-04-2013 08:58 AM
السلام عليكم-- اوافقك - كذلك هنا فى الامارات - عندماامهلت وزارة الداخليه جميع المقيمين مهلة شهرين لمغادرة المخالفين لنظام الاقامه الدوله واعفاءهم من الغرامات لم نيبفد نحن السودانيين من هذه المكرمه واستغادت منها جميع الجاليات= حتى الان هنالك اسر كثيره لم تعدل وضعها وكذلك افراد غير مبالين -- ارجو ان تقوم السفاره بدور توعوى وارشادى وكذلك جهاز العاملين بالخارج عليه القيام بحمله اعلاميه لتوعية السودانببن بمخاطر استهتارهم بقوانيين الدول التى تستضيفهم وعدم هدم الثقه التى بناها من سبقنا فى الاغتراب وترك لنا هذا الارث الكبير من ثقة الاخرين بنا وجبهم لنا واعطاءنا الاولويه فى كل شيئ زمعملتنا بما نحن اهله = مشكلتنا فى الغربه اللامبالاة و(كل شيئ بوقته)( وللوقت داك بحلها الف حلال)( ده كلام ساكت)= اذا تركنا التواكل سوف ننجح -- نسأل الله ان ييسر امور الجمبع ويفرج كروبهم ويقضى دبونهم و بكغينا شر كل من اراد بالسودانيين الشر وبحفطنا فى غربتنا من الزنا والربا ويعيدنا الى بلادنا سالمبن غانمبن==


#655262 [سمارا]
0.00/5 (0 صوت)

05-04-2013 08:19 AM
وازيدك من الشعر بيت انو في واحدين هناء ليهم اكثر من 10سنين
اقاماتهم منتهية الان صحو من نوم عميق بعد ما طفح الكيل بدو يسأل
عن كفلاهم ؟ في السابق مافي حد منعهم من التجديد لما كان الوضع ساهل
وكأنهم اول جأين سياحة هناء !!!الان عرفو حاجة لعدم مسؤليتهم سابقا


#655250 [jini]
0.00/5 (0 صوت)

05-04-2013 07:56 AM
نعمل شنو مثلا يا محكر
ما في طريقة لي هجرة عكسية


ردود على jini
[سمير] 05-04-2013 09:41 AM
دا لب المشكلة والجابرنا على المر .


#655236 [د يوسف]
3.75/5 (3 صوت)

05-04-2013 07:05 AM
اول مرة اقرأ في الركوبة شخص يكتب بصدق لاجل المصلحة..
جزاك الله خيرا


#655220 [اسامة ابراهيم مقيم بالسعودية]
5.00/5 (1 صوت)

05-04-2013 05:12 AM
عين العقل


#655219 [شوشرة]
4.00/5 (1 صوت)

05-04-2013 05:01 AM
يا اخى العزيز كل الادارات السعودية غير راضية عن هذه المهلة المزعومة واول مرة وبكل صراحة يعبر المواطن عن عدم رضاه عن ما اصدره الملك والتعليقات على منتدياتهم ومواقعهم بل والصحف الالكترونية تتهكم على القرار وكل الادارات تماطل ولم لم تصدر حتى الان لائحة بذلك الخصوص هم لا يريدون تطبيق المهلة انا شخصيا لى مشكلة ولم تصدر بشانها اى لائحة شكرا على اهتمامك باخوانك السودانيين ولكن الامر مختلف تماما


ردود على شوشرة
Saudi Arabia [kkol] 05-04-2013 11:45 AM
لا فعلاً في حاجات لسه ما نزلوا عليها قرارات في نوع من المماطله يعني منو البرضى البهدله .

Sudan [بن السودانا] 05-04-2013 10:29 AM
يا زول ما يغشك ابليس و توهم نفسك ، الرجل كلامو واضح وضوح الشمس.


#655207 [واحد تانى]
5.00/5 (1 صوت)

05-04-2013 04:17 AM
يعنى كلامك ده نصيحه ولا تحزير .....؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة