الأخبار
أخبار إقليمية
شاهد صورة - عمارة عادل العمدة رمز الفساد في كوستي
شاهد صورة - عمارة عادل العمدة رمز الفساد في كوستي
شاهد صورة - عمارة عادل العمدة رمز الفساد في كوستي


05-05-2013 08:56 AM
عاشميق

نشر ناشطون علي موقع التواصل الاجتماعي صورة حديثة لعمارة القيادي في المؤتمر الوطني بكوستي عادل العمدة، وقال الناشطون ان العمدة من القيادات الفاسدة في الحزب التي عملت خلال السنوات الماضية علي تنمية ثروته من خلال العمل علي نهب الاكشاك في المواقع المميزة في الاسواق بجانب تهريب واحتكار السكر، واكد الناشطون ان العمدة بدأ حياته في مجال التجارة بائعا متجولا قبل ان يعلن انضمامه لنظام الانقاذ ثم لاحقا المؤتمر الوطني، وحتي لحظة الانضمام تلك كان عادل لايملك من حطام الدنيا سوي (عراقي وسروال) وسخ، ويضيف النشاطون الذين نشروا الصورة انهم لايقصدون الاهانة للباعة المتجولين بقدر ما يستشهدون بالحال الذي كان عليه العمدة قبل انضمامه لعصابة المؤتمر الوطني التي فتحت له الباب واسعا ليأتي رئيسا للمحلية مواصلا نهب خيرات كوستي خلفا لرؤساء محليات سابقين كانوا من الفاسدين امثال (شرباك) وخضر اسماعيل واسماعيل المايع ومهدي عبد القادر الخ.

وقال الناشطون ان عادل العمدة استغل وضعه الجديد في المؤتمر الوطني للحصول علي حماية معلنة، وهي الحماية التي مكنته من بيع الاماكن العامة بما فيها ميدان الحرية لولا تدخل ابناء كوستي والغرفة التجارية التي يرأسها الفاسد عباس العوض وهو، للاسف امام مسجد، وحصل العمدة علي اميتازات جيدة في تجارة واحتكار وتهريب السكر الي الجنوب رغم العقوبات التي توقع علي المهربين من غير المنتمين للمؤتمر الوطني، ويشارك عادل تجارته مدير جهاز الامن السابق في كوستي المقدم ادم حسن الذي نقل لخارج ولاية النيل الابيض بعد ان فاحت رائحة فساده ، واما زعيم عصابة السكر فهو والي النيل الابيض يوسف الشنبلي الذي اصطحب عادل الي السعودية في زياراته الاخيرة لها في اطار جولة لعدد من الولاة للسعودية للترويج لمشروعاتهم الاستثمارية للسعوديين.

وكانت السلطات الامنية ضبطت شحنة سكر ضخمة في الحدود مع ولاية سنار في طريقها للجنوب ولكن المقدم حسن قام بالضغط علي القوة التي قبضت الشحنة للتنازل عن البلاغ واطلاق سراح الشاحنات بحجة ان الشحنة تخص قيادي في المؤتمر الوطني يعمل علي دعم الحزب بسخاء، كما قالت مصادر ان والي النيل الابيض تدخل لدي والي سنار الفاسد احمد عباس قبل اطلاق سراح الشحنة التي عادت لولاية النيل الابيض لتدخل منها للجنوب، وقال الناشطون ان عادل العمدة اضاف لمنزله طابقين في وقت وجيز بعد ان استفاد من تهريب السكر الي قري داخل الولاية المتاخمة لدولة جنوب السودان حيث يبلغ سعر رطل السكر هناك خمسة جنيهات بسبب محاصرة الاجهزة الامنية التي تحتكر توزيع السكر لتلك القري بحجة تهريب البضائع للجنوب ولا تسمح الا بدخول (حصة) محدودة جدا لاتكفي لتغطية 30% من حاجة السكان المحاصرين للسلعة.

ودعا الناشطون الشباب للمشاركة في حملتهم لكشف فساد قيادات المؤتمر وتوثيق كل اشكال الفساد بالصور والمستندات وذلك لمحاسبتهم حين تحين ساعة الحساب، ونشر الناشطون اسماء لقيادات فاسدة وهم حسب الترتيب: مهدي الطيب الخليفة رئيس المجلس التشريعي وخضر اسماعيل عضو المجلس التشريعي الذي سبق له ان ترأس رئاسة المجلس التشريعي لكوستي وعاث في المحلية فسادا قبل ان يمتلك اكثر من سيارات من بينها (برادو)، والصادق النصيبة رئيس لجنة الخدمات بالمجلس التشريعي وحافظ سوار المدير العام السابق لوزارة المالي ووزير المالية حاليا بجنوب كردفان وفضل الله جموعة ومحمد ادم سعيد رئيس اللجنة الاقتصادية بالمجلس التشريعي، وقال الناشطون انهم سيعملون علي نشر صور لاملاك وعقارات القيادات المذكورة في كوستي والخرطوم وسيرة ذاتية عن كل واحد منهم قبل وبعد انضمامه لعصابةالمؤتمر الوطني.


تعليقات 54 | إهداء 0 | زيارات 31301

التعليقات
#665721 [عمار الحاج خلف الله (ابوفارس)]
5.00/5 (1 صوت)

05-15-2013 12:28 PM
بكل حياد : عادل العمدة رجل عصامي ابن تاجر ليس بفاسد نهيك عن انتمائه السياسي للمؤتمر الوطني انا لدي رأي في المؤتمر الوطني ، لكن عادل العمدة كشخص لا يتجرأ ان يلطخ يده بالمال الحرام أعرفه عن قرب وليس لدي مصلحه مشتركة لكي أدلي بما أكتب - هو رجل متواضع متزن أخلاقياً لديه فهم تجاري وله نظرة ثاقبة في السوق وماحوله من زراعه


#665710 [عمار الحاج خلف الله (ابوفارس)]
5.00/5 (1 صوت)

05-15-2013 12:18 PM
بكل حياد : عادل العمدة رجل عصامي ابن تاجر ليس بفاسد نهيك عن انتمائه السياسي للمؤتمر الوطني انا لدي رأي فن المؤتمر الوطني ، لكن عادل العمدة كشخص لا يتجرأ ان يلطخ يده بالمال الحرام أعرفه عن قرب وليس لدي مصلحه مشترك لكي أدلي بما أكتب


#662251 [المقابلي يوسف العمدة]
0.00/5 (0 صوت)

05-11-2013 03:24 PM
ربنا إنتغم من كل من مسه عادل العمدة في حقه.
وإنتغم منه ياربي اشد الإنتغام وإورينا فيه يوم في الدنيا قبل الاخرة .


#661457 [التاج أحمد بابكر]
5.00/5 (1 صوت)

05-10-2013 01:08 PM
قال تعالى : ( يا أيها الذين آمنوا إن جاءكم فاسق بنبأ فتبينوا قبل أن تصيبوا قوم بجهالة فتصبحوا على ما فعلتم نادمين ) صدق الله العظيم ...

قال رسولنا الكريم عليه أفضل الصلوات وأتم التسليم : ( أُنصر أخاك ظالماً أو مظلوماً ) .. أبناء قبيلة الشكرية ببادية البطانة على إستعداد تام أن يقفوا مع الحق أينما كان .. ولكي نُعيد الحقوق المنهوبة والمسلوبة لأصحابها بإذن الله لا داعي يا صاحب المقال للتجريح وإستخدام الألفاظ السوقية والتي لا تخدم غرض ولعلم الجميع وعلمك العُمدة ليس الإسم الصحيح (لعادل) ولا تُنكر عليه العمودية لأن أسرته الكريمة فعلاً عُمد أبناء عُمد منذ دخول العرب للسودان .. وإسمه بالكامل ( عادل يوسف الشيخ محمد علي العشا ) وتُنسب قصيدة (أخوي ود العشا دراج العاطلة) لجده الرابع لأبيه .. وأحيطك علماً يا إبني بأن عادل لم يبدأ عمله التجاري كبائع متجول ويرتدي عراقي مُتسخ ، ولباس العراقي ليس بالعيب يا مسكين خصوصاً وهو خصيصة سودانية أصيلة نتميز بها عن سائر دول العالم ..
أرجو أن ازيدك علماً بأن والد عادل ( عليه رحمة الله ) يعرفه كل القاطنين بكوستي قبل الهجرة إليها ، وكان مجتمعاً مترابطاً متراحماً ومتجانساً ، والنسيج الإجتماعي لم يتصدع أبداً وكان الغني يرحم الفقير ، وأيضاً كان والده ثالث إثنين بكوستي هما (الأحمدين) أحمد عبد القادر وأحمد كوكو ( عليهما الرحمة ) ، والأرض الطيبة لا تُنبت إلا طيباً لذلك فعادل تاجر من صٌلب تاجر ولم يكن من الفاسدين ، وبعد وفاة والده إستغل عن إخوانه ، ولديه سجل تجاري إستيراد وتصدير ووقتها لم يبلغ الثلاثون من العمر في عهد حكومة مايو ،، نما وتطور عمله وازدهرت تجارته إلى أن وصل به الأمر ان تستدين منه حكومة الجنوب مبلغ لا يقل عن ثلاثة مليار جنيه سوداني (بالقديم) وتجار كوستي المخلصين يعلمون ذلك .
أما عن العمارة المصورة وهي موضوع النقاش فقد صدق المثل القائل ( عينك للفيل وتطعن في ضلو ) ،، أخي الكريم أُنظر من حولك وأعد النظر كرتين تجد كل المساكن أصبحت عمارات حتى رُعاة الشاة والإبل سكنوا العمارات ، فبناء العمارات ليس دليل إثبات على الفساد والظلم ، ولك أن تعلم أن أيلولة العمارة لعادل كانت بعد أن عجز أحد المدينين له عن السداد فكانت العمارة ثمناً للدين ، وكل هذا حدث قبل أن يكون عادل رئيساً لمحلية كوستي ، والتي أصبح رئيساً لها فيما بعد لمدة عام وكان هذا العام خصماً عليه وعلى أعماله ، وقد أخذت منه أكثر مما تُعطيه .
أخي ما العيب أو الجُرم أن يكون عادل عضواً بالمؤتمر الوطني الحاكم ، وأحسبه مثل أي شاب من شباب الأحزاب تركوا أحزاب أبائهم وأصبحوا وزراء ومستشارين بحكومة الحزب الحاكم وفي كل الأحوال السودان هو الرابح ، وأفضل لنا من أن يرتموا في أحضان الخونة المارقين ليبيعوا الوطن بسعر زهيد ، أقول هذا الكلام لأنه ظهر لي من أسلوبك الركيك والمبتور أنك من (آل عرمان ومن شايعهم) الذين يقاتلون بالليل ليجدوا لهم موطئ قدم بالنهار في مقاعد المؤتمر الوطني ...
أنصحك أخي أن تتقرب لعادل عسى أن تنال عبره بطاقة عضوية المؤتمر الوطني إذا كنت ترى في عضويته جلب للمال والشهرة وهذا أضعف الإيمان ،،
يا ناشط إعلم أن الأرزاق بيد الله وحده وأن بعد العسر يسر والرازق الواحد الأحد الفرض الصمد وليس حزب المؤتمر الوطني والتاريخ يشهد على ذلك .
نصيحة أخيرة ( تعرف على عادل عن قرب ومن بعد ذلك أحكم عليه ) .

التاج احمد بابكر حسين
محلية شرق الجزيرة ( البطانة )


#657844 [ابوعلي]
3.00/5 (1 صوت)

05-06-2013 02:58 PM
هذا فيض من قيض امثاله كثر هنالك جمال الوالي وكذلك صلاح ادريس والمتعافي وازهري التجاني ونافع ومحمد عبدالله حموده بالرهد ابودكنه ؟


#657504 [إمام شمنتود]
5.00/5 (1 صوت)

05-06-2013 11:11 AM
ماشاء الله تبارك الله والله بيت جميل لاحسد ولا حسود .. يعني إنتو يا حساد ماشفتو إلا بيت عادل العمدة
بالله عليكم بطلوا الحسد وقولو تبارك الله .


#657307 [ابو عبد الله]
0.00/5 (0 صوت)

05-06-2013 08:40 AM
عادل العمده يملك فى العاصمة اضعاف مايملكه فى كوستى


#657247 [ود العمدة]
5.00/5 (2 صوت)

05-06-2013 07:03 AM
انا لا ادافع عن عادل العمدة رغم صلة القرابة التي تربطني به، ولكن ما اعرفه عن عادل انه رجل عصامي بدأ حياته في مجال التجارة بائعا متجولا كما ذكر ولكن ليس من العار ان تعمل تاجرا متجولا، وقد تدرج عادل العمدة في سلم رجال الاعمال واتسخدم عقليته التجارية الفذة في تطوير وتنمية ثروته ولم يكن انضمامه للمؤتمر الوطني الا لخدمة ابناء كوستي فهو ليس في حاجة لاكشاك او ميدان الحرية لبيعه، والحقيقة ان عادل لم يصدر قرار بيع ميدان الحرية من تلقاء نفسه والحاكية وما فيها ان عادل دفع من حرك ماله اكثر من ستين مليون جنيه لاعادة تاهيل قاعة المجلس التشريعي وصارت فيما بعد ديون علي المحلية، وعندما كان عادل رئيسا للمحلية اقترح علي الاعضاء تسوير ميدان الحرية بالاكشاك من جوانبه الاربعة وليس بيعه فوافق الاعضاء بالاجماع ولكن تدخل العالم الجليل عباس العوض رئيس الغرفة التجارية اوقف عملية البيع لاسباب وجيهة، اذا اين هو الفساد هنا؟، ثم ان عادل يعمل في تجارة السكر منذ سنوات وقد خصصت له حصة سكر ضمن التجار في السكر ولم يكن ياخذ اكثر من حصته التي يوزعها جهاز الامن علما بان علاقته بمدير الجهاز السابق المقدم ادم حسن الرجل الخلوق المهذب هي علاقة اخوية تنظيمية وكذلك علاقاته بالوالي الاستاذ الفاضل يوسف الشنبلي، وقد التقيت عادل في منزله المتواضع المنشور في الراكوبة وقال لي انه اخذ قرض من بنك فيصل الاسلامي لتمويل عمليات البناء والتوسعة لانه يريد ان تكون اسرته الصغيرة كلها في مكان واحد، وقال عادل انه سدد جزء كبير من مبلغ التمويل للبنك، واما بخصوص شحنة السكر التي ضبطت في سنار فالحقيقة ان الشحنة لم تكن في طريقها للجنوب وانما تم شرائها من حصة ولاية سنار لصالح عادل العمدة بموافقة والي سنار احمد عباس فتلك هي الحقيقة ياناس فاتقوا الله في عباده الخلص..


ردود على ود العمدة
European Union [التاج أحمد بابكر] 05-10-2013 12:42 PM
قال تعالى : ( يا أيها الذين آمنوا إن جاءكم فاسق بنبأ فتبينوا قبل أن تصيبوا قوم بجهالة فتصبحوا على ما فعلتم نادمين ) صدق الله العظيم ...

قال رسولنا الكريم عليه أفضل الصلوات وأتم التسليم : ( أُنصر أخاك ظالماً أو مظلوماً ) .. أبناء قبيلة الشكرية ببادية البطانة على إستعداد تام أن يقفوا مع الحق أينما كان .. ولكي نُعيد الحقوق المنهوبة والمسلوبة لأصحابها بإذن الله لا داعي يا صاحب المقال للتجريح وإستخدام الألفاظ السوقية والتي لا تخدم غرض ولعلم الجميع وعلمك العُمدة ليس الإسم الصحيح (لعادل) ولا تُنكر عليه العمودية لأن أسرته الكريمة فعلاً عُمد أبناء عُمد منذ دخول العرب للسودان .. وإسمه بالكامل ( عادل يوسف الشيخ محمد علي العشا ) وتُنسب قصيدة (أخوي ود العشا دراج العاطلة) لجده الرابع لأبيه .. وأحيطك علماً يا إبني بأن عادل لم يبدأ عمله التجاري كبائع متجول ويرتدي عراقي مُتسخ ، ولباس العراقي ليس بالعيب يا مسكين خصوصاً وهو خصيصة سودانية أصيلة نتميز بها عن سائر دول العالم ..
أرجو أن ازيدك علماً بأن والد عادل ( عليه رحمة الله ) يعرفه كل القاطنين بكوستي قبل الهجرة إليها ، وكان مجتمعاً مترابطاً متراحماً ومتجانساً ، والنسيج الإجتماعي لم يتصدع أبداً وكان الغني يرحم الفقير ، وأيضاً كان والده ثالث إثنين بكوستي هما (الأحمدين) أحمد عبد القادر وأحمد كوكو ( عليهما الرحمة ) ، والأرض الطيبة لا تُنبت إلا طيباً لذلك فعادل تاجر من صٌلب تاجر ولم يكن من الفاسدين ، وبعد وفاة والده إستغل عن إخوانه ، ولديه سجل تجاري إستيراد وتصدير ووقتها لم يبلغ الثلاثون من العمر في عهد حكومة مايو ،، نما وتطور عمله وازدهرت تجارته إلى أن وصل به الأمر ان تستدين منه حكومة الجنوب مبلغ لا يقل عن ثلاثة مليار جنيه سوداني (بالقديم) وتجار كوستي المخلصين يعلمون ذلك .
أما عن العمارة المصورة وهي موضوع النقاش فقد صدق المثل القائل ( عينك للفيل وتطعن في ضلو ) ،، أخي الكريم أُنظر من حولك وأعد النظر كرتين تجد كل المساكن أصبحت عمارات حتى رُعاة الشاة والإبل سكنوا العمارات ، فبناء العمارات ليس دليل إثبات على الفساد والظلم ، ولك أن تعلم أن أيلولة العمارة لعادل كانت بعد أن عجز أحد المدينين له عن السداد فكانت العمارة ثمناً للدين ، وكل هذا حدث قبل أن يكون عادل رئيساً لمحلية كوستي ، والتي أصبح رئيساً لها فيما بعد لمدة عام وكان هذا العام خصماً عليه وعلى أعماله ، وقد أخذت منه أكثر مما تُعطيه .
أخي ما العيب أو الجُرم أن يكون عادل عضواً بالمؤتمر الوطني الحاكم ، وأحسبه مثل أي شاب من شباب الأحزاب تركوا أحزاب أبائهم وأصبحوا وزراء ومستشارين بحكومة الحزب الحاكم وفي كل الأحوال السودان هو الرابح ، وأفضل لنا من أن يرتموا في أحضان الخونة المارقين ليبيعوا الوطن بسعر زهيد ، أقول هذا الكلام لأنه ظهر لي من أسلوبك الركيك والمبتور أنك من (آل عرمان ومن شايعهم) الذين يقاتلون بالليل ليجدوا لهم موطئ قدم بالنهار في مقاعد المؤتمر الوطني ...
أنصحك أخي أن تتقرب لعادل عسى أن تنال عبره بطاقة عضوية المؤتمر الوطني إذا كنت ترى في عضويته جلب للمال والشهرة وهذا أضعف الإيمان ،،
يا ناشط إعلم أن الأرزاق بيد الله وحده وأن بعد العسر يسر والرازق الواحد الأحد الفرض الصمد وليس حزب المؤتمر الوطني والتاريخ يشهد على ذلك .
نصيحة أخيرة ( تعرف على عادل عن قرب ومن بعد ذلك أحكم عليه ) .



التاج أحمد بابكر حسين
محلية شرق الجزيرة ( البطانة)

Sudan [غزالي ود العمده] 05-08-2013 12:55 AM
والله انا م بقول انا م بدافع عن عادل انا بدافع عنو لانو اناعارف انو عدم الموضوع خلاكم تخلو شغلكم وتخبتوا ف الناس زي م بقول المثل ( الما بتلحقو جدعو والمابتلبسو رقعو )

[عبد الواحد المستغرب أيما إستغراب!!] 05-06-2013 11:02 AM
ربنا يسألك شهادتك دى شهادة حق حتقابلبيها ربنا ياقريب الحرامى /عادل العمده؟!!وبالمناسبه إذا كان لدينا قضاء (عادل) بيحكم بالعدل ولا أقصد قريبك الحرامى بالكلمه البين القوسين..لحكمة عليه وفقا لشهادتك بالاعدام شنقا حتى يكون عبره لغيره ..وقريبك الحرامى قبل أن يولد كان فى البلد دى تجار يهزوا ويرزوا وقضى عليهم العصابه التى ينتمى اليها قريبك الحرامى البداء حياتوا بعراقى وسخان وسروال ونحن شهود على الكثيرين من أمثاله ونعرفهم بالاسم وجماعة الاخوان عندما عجزوا من إستقطاب الناس النضاف لجاؤا لامثال قريبك الحرامى لزوم تكبير الكوم وصنعوا منهم المنافق والمرائى واللص وسهلوا لهم الوصول الى خزائن البلاد لضمان بقائهم داخل العصابه وده وفق شهادتك البليده،،على كل حال شهادتك مناقضه لبعضها وعليه اتمنى منك إعادة صياغة الشهاده من جديد وأكتب تعليق يدخل (النخاشيش) مش تعليق مرتبك إذا كانت (هى لله) فعلا وليس لجمهور الراكوبه الزكى اللماح.. يمكن والعياذ بالله تغش (ربنا!!!!)..والبعيش كتير يا ما يشوف كتير ولا حول ولا قوة إلا بالله.

[العوض] 05-06-2013 10:24 AM
حاتلك دي قولت لا ادافع عن عادل العمده عليك الله هسي في كم بائع متجول في السودان بطل كسير تلج بكره بديك شحنة سكر والله اي فاشل انضم لي المؤتمر الواطي اصبح ناجح بي حق الناس والله عندنا في الحارة الجنبنا واحد كان عاطل ومافي داعي لي ذكر الاموات لانو مات خلاص وما نفعوا بيتوا في المعمورة ولا بيتوا في امبده ينفعوا عملوا فقط ان شاء الله لو انت كاذب ومال العمدة بتاعك دا حرام يجيك سكر وتتبول في سروالك وما تلقي علاجك وان شاء الله لو مالوا حلال تكون الدعوة علي الكاتب والمصور نرجع لي اخونا المرحوم كان عاطل وبقي رئيس محلية بتين في امبده وسيارتين وبيت في المعمورة عليك الله انت لو دكتور في الزمن دا لو كان عندك بيت في غرب امدرمان تكون انت فائز
امشي يا مطبل تكون انت عادل العمدة نفسوا خلي انا قريب العمدة ان شاء الله ربنا يحشرك معاه


#657189 [الجعلي]
5.00/5 (1 صوت)

05-06-2013 01:47 AM
تحسدون الناس على النار ديل ربنا اداهم مال حرام وانتو احمدوا الله على ان ليس لكم نصيب في الحرام فكل لحم نبت من حرام النار اولى به


ردود على الجعلي
Sudan [mohamed kamal] 05-08-2013 12:15 AM
اسى كان قال بعمل ليكم الراكوبه دى عماره زى حقتو دى كان قلتو يعيش يعيش عادل يعيش p)


#657158 [معاوية]
0.00/5 (0 صوت)

05-06-2013 12:39 AM
ده مش حال عادل العمده براهو ده حال كل المنتمين للمؤتمر الوثنى انا عاوز انو الناس المساكين الهسع بجروا ورا ناس ابراهيم الطاهر ديل يمشو جبره يشوفوا الفيلا بتاعتو كيف والله فى الخليج مافى زيها
يجى هنا فى امروابه ويرفع ايدوا ويقول الله اكبر من هنا نناشد ابناء القوات المسلحه ان لايدافعوا عن هؤلاء الحرامية انظروا الى بيوتهم والى اولادهم يقضوا الصيف فى لندن ومنتجعات ماليزيا زانتو تقضوا على جبهات القتال مع اهلكم التفوا حول العدل والحق وابعدوا من الخونه حرامية الانقاذ الملاعين لنة الله عليهم وعلى اهلهم
...


ردود على معاوية
Sudan [mohamed kamal] 05-08-2013 12:29 AM
دا كلام ضيق ساااااااي


#657050 [BIKRAH SAJMAN]
0.00/5 (0 صوت)

05-05-2013 09:32 PM
سر تجار كوستي عباس العوض سئل في برنامج تلفزيوني على ما أذكره قبل سنوات عن الحركة التجارية وعن أشهر التجار الذين مرّوا على مدينة كوستي ، تعرفوا الزول ده قال شنو؟ قال : والله أذكر من قُدامى تجار كوستي إقلاديوس (قبطي) و ولابجي (هندي) !!!!!!!!!!! وتناسى مؤسسي مدينة كوستي من التجار كالأحمدين والطيب على طه ، والتجاني محمد خير والفكي حسين وكثيرين لا يسع المكان والمناسبة ذكرهم، ذلك الذي أصبح سر تجار كوستي بعد أن خلت الساحة لأمثاله ، وهو من جاء إلى مدينة كوستي بعد أن شاع ذكرها بين المدن السودانية المتطورة(( ذاك الزمان الرائع)) في الستينيات والسبعينيات من القرن الماضي( ألا رحم الله ذلك الزمان) ، فكان على الأقل أن يذكرهم بكلمة بسيطة ولكن قليل هذا الزمان من يُخرج الحقيقة ، أُفٍ لهذا الزمان. والغريبة إمامته لمسجد تُقام فيه الصلوات ، فحريٌ به إحقاق الحق و نسبة الفضل لأهله.


#656944 [جركان فاضى]
0.00/5 (0 صوت)

05-05-2013 06:57 PM
ياربى عادل العمدة دا يكون راح ابوكرشولا يحارب؟


#656904 [الدخرى عزالدين]
0.00/5 (0 صوت)

05-05-2013 06:20 PM
في النهايه هنالك موت وسوف يترك العمارات والمال وسيأل عنها في يوم الحشر ,, حيثلاينفع مال ولابنون


#656861 [ساخر]
5.00/5 (1 صوت)

05-05-2013 05:30 PM
ان الله هو الرزاق


#656848 [زاهد]
5.00/5 (2 صوت)

05-05-2013 05:20 PM
"اللهم إبن لي عندك بيتا في الجنة"


ردود على زاهد
United States [ود امريوم] 05-06-2013 05:29 AM
اللهم آمين يا رب العالمين
اللهم آمين يا رب العالمين
اللهم آمين يا رب العالمين


#656818 [ابواحمد]
0.00/5 (0 صوت)

05-05-2013 04:56 PM
ليكم يوم يا اولاد الهرمة


#656794 [ابو سامي]
0.00/5 (0 صوت)

05-05-2013 04:30 PM
أرجو من الاخوة في كوستي الذين وثقوا لفساد العمدة يصوروا عمارة خضر اسماعيل ( الشتو ) البناها في ميداتن 28 مشكورين وكذلك محطات الوقود في طريق كوستي الابيض وطريق كوستي ربك والعربة اللاندكروزر واشياء أخرى


#656774 [ود العمدة]
5.00/5 (1 صوت)

05-05-2013 04:14 PM
فضل الله جموعة للتاريخ من اغنياء البلد قبل الانقاذ بملايين متلتله لكن إتكى علي السلطة عشان الحماية فقط هذا للإمانة. والاخير كان حزب امة مدرس لغة انجليزيةممثل حزب الامة في دوائر الخريجين في آخر انتخابات لذلك اضربوا بيد من حديد لمن ثبت فساده.


#656742 [بندسي]
5.00/5 (1 صوت)

05-05-2013 03:44 PM
يا جماعة السرقة اصبح عادي عند الكيزان .

تخليو رئيس محلية بندسي كان زول وسخان قبل بدا الحرب في دارفور والان عندو عمارة في الصحافة زلط وعندو 2 مرابيع في حي الانغاذ .

رئيس محلية يملك عمارة ومستشفي المحلية في تحت الشجرة !!! ومدرسة ثانوية مبنية من قش !!!


#656713 [الاصم.]
0.00/5 (0 صوت)

05-05-2013 03:25 PM
( نداء للسودانيين الاحرار )
بعد بعد ذهاب حكومة الحراميه
الفاسدين سياسيا,واخلاقيا الكيزان الي
مزبلة التاريخ سوف تكون في مسائلات قانونيه
من اين لك هذا وعليكم بتوثيق ورصد الحراميه ولا,,,
للمجاملات,,,السودانيه التي دمرت الوطن سياسيا ,,واقتصاديا
واخلاقيا,,,والله ولي التوفيق.


#656706 [الفكى الصينى]
0.00/5 (0 صوت)

05-05-2013 03:19 PM
اذا راى عادل العمدة هذا ان العمارة لا تمت لة او لاولادة او لاقاربة .....!!!!
علية ان يرد فى ظرف 24 ساعة
طبعا الجماعة اول حاجة يعملها يفتح الراكوبة
لازم تدافع عن نفسك خلاص الريحة طلعت وسيرتك بقت على كل لسان
يعنى نحن عرفنا هنا ان عادل العمدة حرامى لهط قروش المحلية
ما تخجل انت ما اول واحد يطلع عندنا هنا ولن تكن الاخر
طبعا الكيزان واتباعهم وانت تابع شكلك دخلت فى المعمعة جديد بعد الانقاذ
داخل على طمع .لكن هانت لن تهنوا بها


#656681 [sudani 100%]
5.00/5 (2 صوت)

05-05-2013 03:01 PM
و الله انت يا ناس دى عماره ممكن تكون سكن لاسره عاديه بس الطشاش فى بلد العميا


ردود على sudani 100%
[العوض] 05-06-2013 10:28 AM
انت ساكن وين يااسرة عاديه دي عماره ممكن تفتح مستشفي ومدرسة وجامع صدق انت ما سوداني مية المية بتكون من باقية الناس الجات وما رجعت تاني


#656668 [البطحاني]
5.00/5 (2 صوت)

05-05-2013 02:53 PM
كذبته في وصفك لعباس العوض بالفاسد هو رجل محترم وشهم وخدم المنطقه من حر ماله وهو تاجر من قبل الانقاذ اتقي الله كيف اثبته عليه الفساد وين الادله علي فسادو وهل تعرفه شخصيا اسال العمال القاعدين قدام دكانو كيف بحترم الصغير قبل الكبير والفقير قبل الغني وهو لو ماعارف بدفع ويتبرع من جيبو وكان بسافر علي حسابو الخاص لاافغانستان للدعوه ماتتكلم ساي ياكاتب المقال


ردود على البطحاني
Sudan [النورس] 05-06-2013 02:07 AM
هؤلاء الناشطون ياأخي يتحدثوا عن عباس العوض بتاع كوستي وانت بتتكلم عن عباس العوض بتاع افغانستان لربما انت بتعرف عباس العوض في مكان وزمان غير زمان ومكان الحدث , نحن ابناء كوستي الحقيقيين نؤيد كلام هؤلاء الناشطون وماخفي اعظم


#656616 [ابوزيد]
4.50/5 (4 صوت)

05-05-2013 02:14 PM
انتو لا بتريحوا اللى عنده واللى ما عنده ؟؟ الله يهديكم .. يعنى الناس دى ما تبنى؟؟كفانا الله شروركم كلكم


ردود على ابوزيد
Saudi Arabia [كوشن تود] 05-07-2013 02:16 AM
الناس تبني بحر مالها


#656605 [الباشا]
0.00/5 (0 صوت)

05-05-2013 02:08 PM
ههههههههدة كان شعال في السوق بس الادهي والامر انو في واحد كان شغال صبي فران هسي يمتلك منزل من ثلاثة طوابق وسيارات وهنالك العديد مثلا احدهم اسمه نجم الدين خوجلي شغال في محلية امبدة كان صائع وحايم من بيت لي بيت عشان ياكل هسي تعالو شوفو بيوت وعربات وخدم وحشم وهنالك العديد والعديد من الامثلة ولكن دة كلو ليهو يوم ( لو دامت لك ما وصلت لي غيرك )


ردود على الباشا
Sudan [من الجذور إلى البذور] 05-05-2013 05:17 PM
01- أموال المحلّيّات كلّها تذهب لبناء مثل هذه العمارات .... ؟؟؟


02- كُلّ الذي تفعله هذه المحلّيّات هو تحصيل الجبايات ... وإنتاج شهادات السكن الوهميّات اتبديل صناديق الإقتراعات ... ؟؟؟


03- طيّب ما قلنا حاجة ... لكن لماذا لا يفلحون الأرض .... للحصول على أموال بناء هذه العمارات ... التي ... إن بنوها من حرّ أموالهم ومن عرق جبينهم ... اهّلتهم فكتساح الإنتخابات ... ؟؟؟


04- لماذا ينظرون المواطن حتّى يغترب أو يجتهد ويكدح داخل السودان ... ويشتري منهم قطعة الأرض ... بما يعادل ترابها ذهباً ... و يفرش مساحتها بالدولارات .... ؟؟؟

05- ثمّ يفبركون له من خلال أجهزتهم التشريعيّة ... رسوم تصديقات المباني المليونيّة ... ورسوم تجديد تصديقات المباني السنويّة ... ؟؟؟

06- وما أن إكتمل المنزل وسكن به صاحبه ... طلبتموه بضريبة العتب المليونيّة السنويّة ... إلى يوم القيامة ... ؟؟؟

07- الأسوأ من ذلك .... إذار أراد المُغترب .. أن يبني منزلاً مُتعدّد الطابق ... على أرض إشتراها بمليارات الدولارات ... قلتم له ... نصدّق لك أربع طوابق سكنيّة فقط ... أمّا إذا كانت عمارتك أكثر من أربع طوابق ... فهي إذن إستثماريّة ... ورسوم تصديقها ... لا تطيقها .... فيحطّمون معنويّاته ... ويدمّرون رغباته ... في المُساهمة في توفير السكن الرخيص لغيره من السودانيّين ... وبالتالي لم يسمحوا له أن يساهم بطريقته الخاصّة في تطوير الإقتصاد الإسكاني ... ؟؟؟


08- والأسوأ من ذلك كُلّه ... هو أنّ المغترب العائد بأموال وفيرة ... تبتلعونها منه قبل أن يفكّر في بناء مصنع ... أو فلاحة مزرعة ... أو التسويق في متجر ...ز أو على ظهر لوري ... وبعد أن يفكّر في تلك الأمور الإستثماريّة ... وأثناء تنفيذه لتلك المشاريع ... وبعد إكتمالها .... لا يستطيع تشغيلها من كثرة جباياتكم ... فتشترونها منه .. بفلوسكم المطبوعة ... وتشغّلونها بفلوسكم المطبوعة ... وفي النهاية تخسرون ... لأنّكم لستم من أهل الذكر في مجال الإستثمار والإنتاج ... فتؤجّرونها مخازن ... لتخزين بضائع شركاتكم التجاريّة ... ذات رأس المال المطبوع ... ؟؟؟


09- والنتيجة هي تدميركم للإقتصاد السوداني ... وإفقاركم للإنسان السوداني ... وإمتلاككم للشاهقات الإسكانيّة ... والإستثماريّة ... الحراميّة ... ؟؟؟


10- البشير لديه إقرارات ذكيّة ... وسلفاكير لديه إقرارات ذكيّة ...لكنّ الشعب السوداني لديه إقرارات عبقريّة ... والحساب ولد ..... كما أنّ الحساب لا محالة قادم .... بالتأكيد لا فكاك ولا مناص من الحساب ... ولا جدال في أهمّيّة المُساءلة الحساب ... وإنزال العقاب ... على كُلّ الجرائم ... ولسوف تُقطع رقاب ... كُلّ الذين قطعوا الرقاب ... ولسوف تُقرع الأجراس ... أمام شاهقات كُلّ الناس ... التي بُنيت بجبايات النّاس ... ؟؟؟


#656567 [ABO ALKALAM]
3.00/5 (1 صوت)

05-05-2013 01:30 PM
ده عادل العمدة بس عنده كدة فمابالك ب غازى العتباني لما نشرت في الراكوبة ان ثروة غازي تفوق ثروة اسرة بوش في امريكا في منبر الراكوبة الناس ضحكت غلي ولكن شوية شوية راح تعرقوا صدق كلامي


ردود على ABO ALKALAM
Finland [Kurbeke] 05-05-2013 02:16 PM
ما اشكال دي كلها حتكون ديار للمسنين و مركز صحيه تابعه للمواطن بعد استعادة الدوله


#656513 [ابو هاجر]
0.00/5 (0 صوت)

05-05-2013 12:53 PM
الى الامام يا راكوبتنا افضحي كل اللصوص والحرامية فهم سبب عذابات كل السودانيين


#656512 [مواطن]
0.00/5 (0 صوت)

05-05-2013 12:53 PM
لقد أصبح الفساد في السودان ظاهرة خطيرة واللامبالاة بهذا الفساد أعظم لأن السكوت
يعني غضب الله والعياذ بالله .... فهل أصبحنا كشعب مغضوبا علينا من الله ... نعوذ بالله
من غضبه وسخطه ونسأل الله أن يولي السودان الأخيار وتتم محاسبة المفسدين ليطهر
المجتمع من الرذائل ....
السودان مصنف ثالث أو ثاني أكثر دولة فسادا في العالم !!


#656506 [ابومحمد]
5.00/5 (2 صوت)

05-05-2013 12:51 PM
اللهم ان كان هذا المال الذي انفقه من حر ماله فانت علام الغيوب وان كان قد اخذه من غير وجه حق عنوة او خلسة من اقوات عبادك المظلومين فنحن نرفع اليك شكوانا وانت قلت وقولك الحق انه ليس بينك وبين دعوة المظلوم حجاب ان ترد ظلمنا وتجعل ما اخذوه من حقنا وبالا عليهم نارا تحرق قلوبهم وامراض تكسي ابدانهم هما وغما في الدنيا وعذابا في الاخرة وعظة وعبرة لغيرهموما ربك بظلام للعبيد


ردود على ابومحمد
Saudi Arabia [ابو دياب] 05-05-2013 06:56 PM
احسنت أخي بارك الله فيك ..... اوافقك فيما ذهبت اليه


#656455 [ابومجاهد]
0.00/5 (0 صوت)

05-05-2013 12:18 PM
يا كعوك القضية ما تصفية حسابات ولا يحزنزن كل الذي ذكره كاتب المقال أن هذا الذي يدعى عادل كان ملبسه عراقي وسروال والعراقي والسروال كما تعلم وأشك انك تعلم بان هذا هو لبس الغبش من أبناء بلدي المسحوقين بنيران المؤتمر الغير وطني , نرجع للعراقي والسروال أسألك أنت يا ( كعوك )من أين لعادل هذا بهذه الملايين لبناء هذه الفيلا الفخمة ؟؟؟؟ إن كنت لا تدافع عنه نرجو منك الإجابة . حسبنا الله ونعم الوكيل , حسبنا الله ونعم الوكيل .


ردود على ابومجاهد
[ابو مازن] 05-05-2013 01:27 PM
واللة يا وجية ابو مجاهد انا لم اعرف عادل ولم اسمع بة فقط ادافع عن المنطق والمبدا ارجو ان تتعلم لغة الحوار يا ابو مجاهد


#656454 [من الجذور إلى البذور]
0.00/5 (0 صوت)

05-05-2013 12:18 PM
كُلّ الأموال لازم ترجع إلى خزينة دولة الأجيال ... الواحدة .... التي حرّرتها أجيال الإستقلال ... وعبث بها الورعان والعيال ... آل شائع ... ثمّ إخوان الخبال ... ؟؟؟


#656451 [ابو مازن]
5.00/5 (1 صوت)

05-05-2013 12:12 PM
هو قيادى عادل وموتمر وطنى يعنى يسكن فى بيتكم سهل جدا اى زول يدخل فى مشروع تجارة يبيع قطعة ارض سلفية من بنك يبنى تكون استثمار يعنى دا حقد اعمى وما موضوع نقاش بس تصفية حسبات شخصية وكلام فارغ ----------------


ردود على ابو مازن
[العوض] 05-06-2013 10:34 AM
ان شاء الله يديك دبورة ويسمع بيك ويقول خلاص ابو مازن نديهو مشروع اسكان عشان قال فينا كلمة ادخل انت في تجارة واعمل بس بيت والله ورب الكعبه لو عندك قروش قارون وما طبلته لي الزمرة الفاسدة ما تمشي لي قدام اي واحد عندوا قروش وما تابع لي المؤتمر الواطي تلقاه محارب من كل الجهات الي غاية ما يقول خلاص ارحموني انت خليك في كسير تلجك وان شاء الله تجي الاول

Sudan [Rml oa Zabd] 05-05-2013 02:08 PM
هناك شبهة فساد بل فساد بعينه ولابد من تسليط الضوء ومعرفة ما يدور في كل السودان ولكل من بنى قصرا الحق في أن يكتب ويرد ويقول كيف تحصل على هذه الأموال وكيف بنى هذا القصر لا سيما وأن الذين يبنون هم من الموظفيين الحكوميين وليس التجار ولا المستثمرين في وقت ينتشر الفساد الحكومي بإسم التمكين

United States [زول مسكين] 05-05-2013 01:21 PM
السلفية تحتاج الى ضمانات
اي انها للاغنياء كما قال الرئيس
ثم من اين له تسديد اقساط البنوك؟؟

لا تكابر اخي
مثل العمارة اعلاه ترف لا يقدر عليه الا ملياردير يقعد فوق تل من السيولة


#656433 [ود ام جركي]
0.00/5 (0 صوت)

05-05-2013 11:59 AM
المهندس ما فنان تصميم غير جميل اكثر من عادي


#656387 [الجزار]
0.00/5 (0 صوت)

05-05-2013 11:29 AM
أهم حاجة تحاكموهم بالشريعة : القطع من خلاف استنادا لحكم المكاشفي على محاسب وادي سيدنا الذي قطع يده في مبلغ اختلسه يساوي أقل من ثمن سراميك أرضية حمام من حمامات العمارة ... و لأن المبلغ المختلس كبير جدا فيكون القطع من خلاف لهذا الحرامي ثم بعد شهر يقطع من خلاف مرة أخرى أي تقطع أطرافه الأربعة و كذلك الحال لبقية المختلسين السراق الحرامية ، يعني بالميت ستقطع أيادي و أرجل من خلاف ، لعشرة ألف كوز ، بعد داك ممكن تعدلوا القانون ... يجب أن يشربوا من نفس الكأس التي سقوها الفقراء الذين قطعوهم في سرقة راديو أو بقرة أو شوية طوب ... و أتمنى أن يعرضوا في التلفزيونات ليرى العالم جدية و عدالة الشريعة و كما قال الترابي : إذا زارنا الأجانب فلن تدهشهم العمارات لأن عندهم أفضل منها و لا المصانع و لا غيرها ، لكن عندما يجدوننا قد طبقنا الشريعة (آلاف بأيدي مقطوعة و آلاف مقطوعين من خلاف و آلاف مفقوءة عيونهم أو مقطوعة آذانهم أو مشوهة وجوههم قصاصا) ، عندها سيدركون كم هي عظيمة دولتنا... عليكم بالشريعة و بعدها افعلوا ما يحلو لكم بعد أن يتذوق الكيزان حلاوة الشريعة ...


ردود على الجزار
Sudan [من الجذور إلى البذور] 05-05-2013 12:54 PM
هذا بالتأكيد سوف يحدث ... لا محالة ... ولا مناص من ذلك .... إلاّ إذا تابوا الآن ... توبة مُعلنة .... وطرشوا كلّ الأموال .... بطرثقة مُعلنة إلى خزينة دولة الأجيال ..... ثمّ ذهبوا إلى حيث أتوا .... لكن ... بعد القصاص .... ؟؟؟


#656386 [عبد الواحد المستغرب أيما إستغراب!!]
3.75/5 (4 صوت)

05-05-2013 11:29 AM
أسألكم بالله أن تتركوهم يأكلون ويشربون ويتمتعون قليلا كما الهيم فإنهم مجرمون!! يعنى ..حيمشوا بيها وين؟.. عندما يآتى الانسان غرغرة الموت ويقف ملك الموت على رأسه فيأتيه اليقين إنه لم يعيش فى الحياة الدنيا غير بضع ثوانى فى هذه الدنيا الفانيه ويعلم وقتها علم اليقين أن الله حق وقوله حق ورسله وأنبيائه حق والموت حق فيتمنى يومها أن يُمهل عله (يصحح ويوفق أوضاعه مع ربه ودينه!!)..ولكن هيهات..هيهات إنه اليوم الفصل وليس هو بالهزل، وأمثال هؤلاء لو تعلمون هم شر البريه يعبدون ذواتهم واولادهم وزوجاتهم ولا يلقون للموت ولا لخالقهم الرادهم الى ميعاد بالا..وما فعلته وتفعله جماعة الاخوان فى السودان من فساد وإفساد تحت حماية قواته المسلحه وأجهزة آمنهم وبرعاية خاصه جدا من رئيس الجمهوريه والقائد الاعلى لم يحدث فى أى دوله فى العالم سوى كانت مؤمنه او كافره!! والمؤسف أن يحدث كل هذا بإسم الاسلام هذا الدين الخاتم الذى شرف به سبحانه وتعالى جموع من آمن به وشهد بالشهادتين ،كما أن كل الرسالات التى أنزلت على بنى البشر تنهى عن الافساد والفساد وبناءا عليه فهذه الجماعه الاخوانيه وبمثل هذه التصرفات الثابته عليهم.. حق علينا إبادتهم وإجتثاث جذورهم حماية لديننا وقيمنا وإنتصارا لما انزل على خير خلق الله محمد بن عبدالله صلوات الله وسلامه عليه،ونقول للذين يحمون هذا النظام الفاسد المفسد بالاسلحه التى يشتريها النظام من كد عرق الشعب أن يرعوا الله فى شعب السودان وما يفعله النظام من فساد وإفساد غير خافى على أحد سليم العقل او كان معتوها، وينبغى أن لا تغركم الحياة الدنيا فهى زائله بلاشك و جميعكم تعلمون علم اليقين بأن كل من لايؤمن بزوال الدنيا فهو كافر ومن لا يؤمن بلقاء ربه هو كافر زنديق ومن لا يؤمن بأن يوم الفصل هو ميقات خالقه خارج من رحمة ربه ويومها لن ينفعكم مال ولا بنون ولا رتب ولا إمتيازات ولا جاه ولا منصب إلا من آتى الله بقلب سليم، وإذا كان الموت هو سبيل الاولين والاخرين الاشرف لكم أن تموتوا فى سبيل الله الهادى الى سواء السبيل فهو خير لكم من أن تموتوا (كالعير!!) متوسدين سؤاتكم..ولله الامر من قبل ومن بعد ونشهد أن لا الله إلا الله وحده لاشريك له..له الملك وله الحمد يحى ويميت وهو على كل شىء قدير ..رضينا وآمنا بالله ربا وبمحمد صلى الله عليه وسلم نبيا ورسولا أدى الامانه وبلغ الرساله ونصح الامه وتركنا على المحجة البيضاء ليلها كنهارها لايزيغ عنها إلا باطل ونرباء بأبناء بلدنا الغافلون الان الذين يحمون هذا النظام عن قصد او غير قصد بحسن نيه او سوء نيه أن ينجرفوا نحو الباطل ..اللهم إنى قد بلغت..اللهم فأشهد.


ردود على عبد الواحد المستغرب أيما إستغراب!!
Saudi Arabia [ali koko] 05-05-2013 02:01 PM
بارك الله فيك أخي عبد الواحد وكثر الله من أمثالك والله لقد كفيت ووفيت وأبلغت أرجو الله لك التوفيق والسداد وأن يبارك في كلماتك وأفعالك آمين


#656368 [المنتظر الفرصة]
0.00/5 (0 صوت)

05-05-2013 11:21 AM
هع هع
جغمة كبيرة
عافى منك ابزرد
اكان سرقت اسرق جمل
وكان عشقت اعشق قمر
استمتع ا حبوب
تلقى ايدك لى كوعك فى الزلابيه


#656359 [ود تلودي]
0.00/5 (0 صوت)

05-05-2013 11:15 AM
يبدو ان مشكلة كوستي كبيرة جدا

حضرت ذات مرة زيارة عبد الرحيم محمد حسين للقيادة العسكرية في مدينة كوستي والغريب والمدهش لاحظت حتي الرتب الصغري مثال رقيب / رقيب اول / مساعد كانت تمططي عربات جديدة فسالت احد معارفي عن هذا الامر / فرد علي شوف واسكت ساي


#656353 [دقيقة بالله]
5.00/5 (1 صوت)

05-05-2013 11:13 AM
"عراقي وسروال وسخ"؟ يا أخي هو تفتيش في طابور الصباح؟ يا حليلو طابور النظافة وقتها كان الناس "نضاف"... ما هكذا تورد الأبل!


ردود على دقيقة بالله
United Arab Emirates [الدباغ] 05-05-2013 07:52 PM
يا دقيقة كلامك صاح..... الشاف سروالو منو عشان يقول نضيف ولا وسخان !!؟؟ عالم شاطره في الشتيمة بس


#656351 [طاهر]
5.00/5 (3 صوت)

05-05-2013 11:12 AM
سبحان الله الرازق


#656336 [أب قرن]
5.00/5 (1 صوت)

05-05-2013 11:05 AM
وما الغريب في الموضوع أن يمتلك شخص عمارة أو حتى مجموعة قصور من حر ماله لا ندافع عن شخصه ولا نعرفه ولكن لا تتهموا الناس جزافا فاتقوا الله يا عباد الله


ردود على أب قرن
United Arab Emirates [ابوعائشة] 05-05-2013 08:50 PM
قديمه ياعادل العمدة

Sudan [Rml oa Zabd] 05-05-2013 02:17 PM
هذا ليس أحد الناس وإنما قيادي من داخل شبكة المؤتمر الوطني ومن قبل أن يكون هناك مؤتمر وطني لم يكن الرجل شيئا مذكورا حسب ما ورد من المعلومات . إن الله يرزق اللص ويرزق الأمين ولكل عند الله وعند الناس حسابه .


#656332 [جركان فاضى]
0.00/5 (0 صوت)

05-05-2013 11:03 AM
الشتبلى والعمدة بعد ما مصوا دماء كوستى ذهبوا للخارج لمص دم الذى نجا منهم بجلده لخارج الوطن


#656323 [nagatabuzaid]
0.00/5 (0 صوت)

05-05-2013 10:57 AM
انسان بالوصف الذكرتوه ده اكيد كانت امنية عمره ان يمتلك عمارة كالتى كان يمر بها

ويتمنى ان يكون عنده مثلها قائلا (اريته عمارتى بعد الحاله دى ) وربنا استجاب امتحانا له

و كم من امثاله بل كلهم الا القليل منهم واحد ن بتوع الدويم الان بيته فى الخرطوم يفتحوا

بوابته بالروموت كنترول عن بعد ولاتنسوا الديان لاينام وابواب الجنة مفاتيحها صالح الاعمال

ياربى نسالك ان تجعلنا من اهل الجنة وتتيح لنا ان نتخاصم مع هؤلاء وان ننظر اليهم وهم فى

نار جهنم خالدين فيها ابدا اللهم نسالك اعلى الجنان لكل اهل السودان المسحوقين الصابرين

ونسالك العذاب وبئس المصير لهؤلاء الطغاة المتجبرين اللصوص المارقين الحاكمين باسم شريعتك زورا

وبهتانا اللهم ارنا فيهم قدرتك فى الدنيا قبل الاخرة ومن والاهم ومن تبعمهم ومن جعل من نفسه

يد النظام التى يبطش بها اللهم نحن لا ولم ولم نعفوا عن قوش ونافع ومحمد عطا وابراهيم شمس ال

الدين وكل قذر ونتن


#656317 [karlos]
0.00/5 (0 صوت)

05-05-2013 10:55 AM
هسع كان الحكومة دى انقلبت يا عادل العمدة.؟؟؟؟؟؟حتودى البيت الكبير ده وييييييييييييييين؟؟


#656315 [دكتور تروتا]
5.00/5 (1 صوت)

05-05-2013 10:55 AM
يا جماعة بطلو الحقد العمارة دي قيمتها ما بتزيد عن 300 مليون يعني قيمة عربة لاند كلوزر أو كامري وبعدين البناء في كوستي أرخص مكان في السودان لان الأسمنت بتراب القروش ده منزل عادي جداً لأي زول مجتهد ناهيك ان يكون مسؤول ولا حرامي بطلو الحقد .. أهلنا في دارفور عندهم مثل بيقول ( ولد المسكين راس الخروف بيملأ بيتهم لحم ) يعني الفقران ابسط شيئ بيشوفه نعمة .


ردود على دكتور تروتا
Sudan [Rml oa Zabd] 05-05-2013 02:21 PM
العمارة رخيصة ب300 مليون ورطل السكر ب10 جنيه ياغشيم ؟


#656305 [سوداني يغلي]
0.00/5 (0 صوت)

05-05-2013 10:42 AM
ده انت يا عادل الفي كوستي الفي الخرطوم كيف ؟ يا عالم أنت ما مسلمين ... أكد لكم حسابكم عسير يا عادل وأمثالكم ، من غفيركم الى رئيسكم إن شاءالله .وقريب جدا جدا.


#656289 [محروق الحشى ود ام عشا]
0.00/5 (0 صوت)

05-05-2013 10:30 AM
اسماعيل المايع من مدينة تندلتى وكان يعمل محصل فى بئر مياة ولايحمل اى مؤهل تعليمى وهو كان شديد العداء للاخوان المسلمين


#656271 [karkaba]
0.00/5 (0 صوت)

05-05-2013 10:18 AM
مشكورين علي جهودكم في كشف المجرمين المتدثرين برداء الدين يجب علي كل النشطاء في كل ارجاء السودان ان يحزو حزوكم في رصد اسماء اللصوص الكيزان لتتم محاكماتهم بعد اسقاط نظام الابادة المجرم


#656243 [كرار]
5.00/5 (1 صوت)

05-05-2013 09:56 AM
من مفاسد المدعو( حافظ سوار) أنه ومجموعة من فاسدي ما يسمي بالمؤتمر الوطني أنهم كانوا يشغلون مرتبات العاملين في الدولة ويقلبوا بيها في السوق وما يصرفوا ليهم المرتبات إلا بعد يوم 15 في الشهر!!!


#656237 [karlos]
5.00/5 (1 صوت)

05-05-2013 09:50 AM
كوشة قدام البيت ياخى كلف نفسك شوية قروش و لم النفايات دى يا وسخان ما تعرفوا تعيشوا فى المناطق النضيفة البيت كلفك كم و حق النفايات كم يعنى 100 جنيه فى الشهر و عيش فى حته نضيفة فعلا العز سلوك مش قروش
العز سلوك مش قروش
العز سلوك مش قروش
العز سلوك مش قروش
العز سلوك مش قروش
العز سلوك مش قروش
العز سلوك مش قروش
العز سلوك مش قروش


ردود على karlos
Saudi Arabia [سامي] 05-06-2013 12:58 AM
نحن مقتنعين بس البيقنع الديك منو

Saudi Arabia [مجنون] 05-05-2013 11:28 AM
والله صدقت العز سلوك ما قروش ديل مستجدين نعمة الواحد ما بصدق معاه كم مليون شماسة من قامو عينهم ماملانة

Sudan [nagatabuzaid] 05-05-2013 10:42 AM
كلامك تمااااااااام فعلا العز سلوك مش قروش لكن الجماعة ديل مخلوعين قاموا من نومهم لقوا كومهم والوساخة دى يبدوانها ملازماه قالوا ليك هدومه كانت وسخانه


#656229 [مدني الحبيبة]
3.00/5 (3 صوت)

05-05-2013 09:44 AM
لفتة بارعة من الاخوة في كوستي بتوثيق الفساد ، وهذا النمط من الفساد في كل انحاء السودان وعلى الاخوة في كل مدن السودان القيام بتوثيق تلك الصور على المواقع الاثيرية لان لحظة الحساب قد حانت وهذه المرة مافي اي سياسة بتاعت غفو وعفا الله عما سلف ، لان الضرر في هذا العهد كان جسيم وعظيم ، والجريمة لسيت فساد اشخاص وانما افساد للمجتمع بكامله ،


#656227 [karlos]
3.00/5 (2 صوت)

05-05-2013 09:42 AM
قيادى فى المؤتمر الوطنى عائزه يسكن فى بيت جالوص؟؟؟؟اففففففففففففو طيب يبقى قيادى كيف؟؟و كمان مؤتمر وطن؟؟انت قايلوا شيوعى ولا شنو؟؟؟


ردود على karlos
United Arab Emirates [karlos] 05-05-2013 02:03 PM
يا مواطن كلام مظبوط 100 ْفى المئة اهم حاجة الواحد يكون عندو اخلاق الاخلاق قبل الاتجاه السياسى لم اقصد تماما فقط فى سبيل التهكم.

Sudan [مواطن] 05-05-2013 11:28 AM
ليس الشيوعيون وحدهم الشرفاء يا اخ كارلوس فهناك سودانيون كثر لا ينتمون لأي حزب
ولكنهم وطنيون ولو أعطوا الفرصة لحكم السودان لكان الحال غير الحال ....


#656222 [التــــــــــــــــــــــــــــــــــــائــــــــه]
0.00/5 (0 صوت)

05-05-2013 09:35 AM
من المسؤل وكيف تم الاختيار ولعب غلى مستوى الولاه وسنار وكوستى الاقرب من الجنوب
؟ لا يمكن أن يصدق أحد أن هنالك شخص كامل العقل يجد الفرصة لحكم بلده ويخطط لتدميرها عمداً الا إذا كان من النوع المريض نفسياً أو الذي ( لا يدري ولا يدري أنه لا يدري ) وهذه هي الكارثة الكبري البشير بسيط وساذج ولا يصلح أن يكون رئيس لدولة بإمكانات هائلة كالسودان ولها عقول مشهود لها في كل مجال ؟ إنه ببساطة ما جايب خبر ؟؟؟ إنه الآن أفقد السودان أجمل وأخصب وأغني أراضيه
عماره فى اغنى دول الخليج لا تشاهدها


ردود على التــــــــــــــــــــــــــــــــــــائــــــــه
Sudan [سوداني وبس] 05-05-2013 12:20 PM
اغني دول الخليج وين ؟ العمارة دي شكلها عادي جدا ومافيها اي منظر جمالي لو قورنت بفن العمارة الموجود حاليا بالسودان . اما الخليج وانا عشت فيه عمارة بالشكل ده الا في الاحياء الشعبية البائسة . شكلك من سكان جنوب جدة او غبيرة في الرياض او حي القزاز في الدمام اوالطنضباوي في مكة او او او او . سلام

[كرار] 05-05-2013 11:32 AM
يا أخي البشير ما ساذج ولا حاجة .. إنت ما سمعت كلامو لمعاشي القوات المسلحة قال شنو:أنا جاهز.. طبعا جاهز دي ما عندها غير معني واحد إنو ( كون نفسو) وركز نفسو وبقي جاهز للمعاش.. طبعا دي كمان تقراها مع حديثه في التلفزيون عن أملاكه.


#656219 [الكعوك]
5.00/5 (2 صوت)

05-05-2013 09:31 AM
لا أحد يدافع عن فساد ناس الإنقاذ لكن المواضيع الشخصية وتصفية الحسابات لا تعنينا (كان عادل لايملك من حطام الدنيا سوي (عراقي وسروال) وسخ) لانريد أن ينحدر المستوى


ردود على الكعوك
[جركان فاضى] 05-05-2013 07:00 PM
يا كعوك كيف تدافع عن محرم لايستحى من ربه وياكل مال السحت علنا؟

Saudi Arabia [مدني الحبيبة] 05-05-2013 10:51 AM
اخونا الكعوك دي ماقضية شخصية دا واحد حرامي بسرق في مال الجميع ، ومسئول ماحرامي البيوت الزمان البتلب بالحيطة وببذل مجهود وبكون معرض للخطر ، ونشر مثل تلك القضا يا من الاشياء المهمة في الوقت الحالي لانها اصبحت ظاهرة عامه اصابت المجتمع السوداني ونحن بناخد الموضوع بشكله اذا كان هنالك شخص تضرر شخصيا من هذا الحرامي، ولا انسان هو زاتو حرامي وحاسد هذا الحرامي موضوع حديثنا فهذا شان اخر لايعنينا بشي وانما المقصود المعنى والدلالة ، موضوع الحديث حرامي طقيلي استقل هذا التنظيم الملعون وكون ثروة بتلك الاساليب العفنة هذا هو الموضوع


#656214 [تاصح]
5.00/5 (1 صوت)

05-05-2013 09:27 AM
الحد الحد السيف السيف المحاكم الثورية


ردود على تاصح
Sudan [nagatabuzaid] 05-05-2013 10:44 AM
ان شاء الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة