الأخبار
أخبار إقليمية
تنسيق لحصر السودانيين المخالفين لنظام الإقامة بالسعودية
تنسيق لحصر السودانيين المخالفين لنظام الإقامة بالسعودية
تنسيق لحصر السودانيين المخالفين لنظام الإقامة بالسعودية


لإدماجهم في المجتمع
05-06-2013 08:08 AM
أكد الأمين العام لجهاز تنظيم شؤون السودانيين بالخارج د. كرار التهامي أن هنالك تنسيقاً بين السفارة السودانية بالرياض وإدارة الجاليات بجهاز تنظيم شؤون السودانيين بالخارج، وذلك لحصر السودانيين المخالفين لنظام الإقامة، كما أن هنالك دراسة لمعرفة أحوالهم لتقديم المساعدة لهم، بجانب تقديم العون والمساعدة القانونية وحل المشكلات الجنائية، لافتاً إلى أن الحصر يشمل الأسر المعسرة، موضحاً أن كل هذا جاء وفقاً لإمهال السودانيين المخالفين لنظام الإقامة فترة زمنية لتصحيح أوضاعهم، وأضاف د. كرار أن جهاز المغتربين يسعى مع مؤسسات الدولة المختلفة من مؤسسات الاستثمار والإسكان والتنمية ومنظمة الهجرة الدولية لتوفير المتطلبات وإيجاد فرص عمل للعائدين من المملكة العربية السعودية لإدماجهم في المجتمع.

الإنتباهة


تعليقات 54 | إهداء 0 | زيارات 10048

التعليقات
#659289 [اشرف]
0.00/5 (0 صوت)

05-07-2013 11:39 PM
هم اصلا عاوزين ينهبوملابسنا البنجى بيها السودان لانو ماخلولينا الكفلا قروش


#658887 [mani]
0.00/5 (0 صوت)

05-07-2013 03:44 PM
اقول لحرامى جهاز المغتربين لو صحيح تريد مساعدة السودانيين العائدين من السعودية قم بالتالى:
*اعفاء العائد من اى ضريبة او رسوم جبائية لم يتمكن من دفعها قسرا لكم ؟؟؟
*تكفل الدولة بتذاكر العودة للكل(العائدين عبر البحر)
*تكفل الدولة بتذاكر الترحيل الداخلى (العائدين عبر البحر)
*استيعاب الابناء الذين هم عماد البلد والتنمية والمستقبل (لو فضل مستقبل فى السودان!!) كل فى المرحلة الدراسية المقابلة واعفاء من الرسوم لعام دراسى اخر لحين يدبر ولى الامر الامور ويكيف نفسه مع الواقع والحال المائئئئئل
*** ان تم تنفيذ ماذكرت تكون حكومة السجم والرماد ماقصرت وكفرت عن شئ من ذنوبها


#658477 [alkashef]
0.00/5 (0 صوت)

05-07-2013 09:43 AM
النهامي عليك الله امشي لف كده مساعدة شنو البتقدموها للمغترب يا اخي كرهتونا


الا المساعدة دي تكون بقتوها بالقروش كده ممكن نصدق شوية


جهاز المغتربين بالله يا ناس قولو لي فائدة واحدة عمله الجهاز ده

ده جهاز مص وسرقة المغتربين كرهتوووووووووووووووووونا


#658358 [هدهد]
0.00/5 (0 صوت)

05-07-2013 07:00 AM
المهلة ليست محصورة للسودانيين يا وهم هذا قرارا خاص بامهال كل الجاليات بالمملكة لتسوية اوضاعها خلال ثلاثة شهور فقط وبعد لك لا عذر لمن انذر مافى حاجة اسمها مهلة لسودانيين !!!!!! ومتى كان السودانى مستثنى بعد خراب الوطن بالكيزان يكفى وقوفكم مع صدام الذى أضر بالمصالح السودانية الخليجية والتى لم تصل بنجاح حتى هذه اللحظة فقد كنا قل الانقاذ احسن جالية محترمة ولكن بعد الانقاذ اصبحنا من اسوء الجاليات وكفى كذبا وتفاقا ياكيزان .


#658253 [كوكو]
0.00/5 (0 صوت)

05-07-2013 12:21 AM
نحن كنا شعالين في بترول الجنوب ولمن حصلت المشاكل اصبحنا في الشارع وعايزين نطلع وما لاقين طريقه .نعمل شنو يا جماعه؟


#658251 [كوكو]
5.00/5 (1 صوت)

05-07-2013 12:14 AM
يا اخوانا المغتربين سلام عليكم ز انا والله اليومين ديل بفتش لي في طريقه اطلع من البلد دي وانتو جايين ؟ كان فيها شي ما قلنا ماشين لكن (هي في البير ووقع فيها الفيل؟) يعني كل شي غالي عندنا ولمن انتو تجو الكثافه السكانيه حتذيد ومعد الاستهلاك حيذيد واللبن للشفع حيذيد لان الطلب عليهو حيكون كتيير ز عليكم الله اصبرو شويه بس خلونا نربي الشفع ديل وتعالوز


ردود على كوكو
United States [طــــــــــــــافش] 05-07-2013 02:01 AM
ههههههههههههههههههههههة دبر حالك ياكوكر واربط ليك عذ اونعجة من بدري للبن الشفع


#658230 [ابوكاره]
0.00/5 (0 صوت)

05-06-2013 11:33 PM
للاخ الطافش وما راكى ؟انت فى شنو والحسانيه فى شنو؟؟؟؟؟؟؟؟؟؟؟؟؟؟


#658175 [عصمتووف]
0.00/5 (0 صوت)

05-06-2013 10:04 PM
هنالك دراسة لمعرفة أحوالهم لتقديم المساعدة لهم، *** وماذا قدمت اصلا للمغترب الحقيقي الذي يدفع دمة وعرقة بحكم انك كنت مغتربا وتم تعينك وعينت صديقك كرم الله *** مثل ما ذهبوا مثل ما يعودون ليس لديك مال تهدية ولا خيل يركبونة سامنا ثرثرتكم مسرحي الحركات والجبش والعطالة والمعاشين ما شاء الله البلد مستفة الغوا عقودات المصرين ** المزعومة من طرفكم وطرف الوزير المفوض المصري ***نحن نرحب بهم سوف ياكلون وينومون نوم العوافي ويضرطون

****

زيادة عدد الشباب المصريين الراغبين في العودة
05-05-2013 03:13 PM
صرح وزير المفوض رجائي نصر نائب مساعد وزير الخارجية للشئون القنصلية لإرشادات السفر، بأن مكتبنا في وادي حلفا لاحظ مؤخرا زيادة عدد الشباب المصريين الراغبين في العودة إلى أرض الوطن بعدما لم يوفقوا في الحصول على فرص عمل مناسبة لهم بالسودان كما كانوا يأملون .

طالبت وزارة الخارجية تهيب المواطنين المسافرين إلى السودان ضرورة حصولهم على عقود عمل موثقة ومعتمدة من المكتب العمالي المصري بالسفارة المصرية بالخرطوم قبل سفرهم إلى السودان تفاديا لاحتمالات تعرضهم لأي مشاكل ناجمة عن سفرهم بعقود عمل وهمية أو بدون عقود على الإطلاق.


#658160 [mohammad saad]
0.00/5 (0 صوت)

05-06-2013 09:40 PM
طبعا مافي زول حيصدقكم والللللللللللللللللهيا قال دمج قال
بالله اطلع منها وخلي الناس فس حالها


#658115 [ود العمدة العبيد]
0.00/5 (0 صوت)

05-06-2013 08:38 PM
ناس السعودية هم ادرى بحالهم


#658105 [محمد الحسن]
0.00/5 (0 صوت)

05-06-2013 08:09 PM
الان عليك زيادة عدد الموظفين بالسفارة وتسهيل اجراءات الخروج في اي وقت لاي واحد مخالف لنظام العمل والاقامة من تطويف وعدم تجديد وبلاغات غياب عن العمل مع التنسيق مع السعودية بعدم توقيف اي سوداني مخالف بالسجون السعوديةالي حين اكتمال اجراءتة من الجوازات الي استخراج فيزاء سفر من السفارة مع العلم بانة ثلاثة شهور لاتكفي للسفر ويمكن ان تستمر هذة الاجراءات الي مابعد عيد الاضحي ولا الحج لانة العدد المخالف كبير جدا


#658001 [aziz]
0.00/5 (0 صوت)

05-06-2013 06:12 PM
تصريح الكرور بالمعروف بالدكتور - كرار الحرامى - أنتم بس ما عايزين تدخلوا مع الحكومة السعودية فى تصحيح اوضاع و تشغيل العمالة و المتاهات التانية و أنتم خائفين من الأستثمار أكثر من المواطن السودانى يا كذابين يا حرامية ما شفتم وزراء العمل و الخارجية فى الدول الاخرى أجتمعوا مع رصفائهم السعوديين بشان العمالة و توصلوا لحلول مع المسؤولين فى السعودية لحلول مشكلة عمالتهم حتى لا يرحلوا ولكن أنتم ما بهمكم المواطن السودانى و أنتم شوهتم علاقاتنا مع المملكة بعلاقاتكم المشبوهة مع ايران - ولكن بنقول لكم الارزاق على الله وما هى دائمة.


#657900 [حقوق المواطنة]
5.00/5 (1 صوت)

05-06-2013 04:07 PM
مفروض الحكومة تنظر بعين الاعتبار للمغتربين فهم بفضل الله عز وجل يشكلون مصدر الدخل الرئيسي لسكان السودان فمشاركة المغتربين في الناتج القومي الاجمالي لو أجريت أحصاءات علمية غير متحيزة نجدها تشكل المصدر الرئيسي للناتج القومي الاجمالي خصوصا بعد أن تم تدمير القطاعات الانتاجية مثل الزراعة التي كانت مصدر الدخل للغالبية العظمى لأهل السودان وكذلك كانت توجد صناعات وظفت العديد من الأيدي العاملة حاليا أغلب هذه المصانع متوقف مثل مصانع حلج الأقطان والمدابغ والصابون والصناعات الغذائية التحويلية، مصدر دخل آخر هو التجارة فقد شكلت التجارة مصدر رزق للعديد من أفراد الشعب السوداني غير أن قطاع التجارة يواجه العديد من المشاكل مثل الكساد بسبب إنخفاض الدخل القومي هذا غير الجبايات الكثيرة التي تفرضها الحكومة على هذا القطاع. وكذلك نجد أن قطاع النقل يعاني العديد من المشاكل. بالإضافة إلى القطاع العام ممثلاً في الخدمة المدنية فلا توجد وظائف والموظفين يشكون من أن المرتبات لا تلبي متطلبات الحياة اليومية.
لذلك وهروباً من هذا الواقع هاجر الملايين من أفراد الشعب السوداني طلباً لكسب العيش الحلال ، فنجد أن مصدر الدخل الرئيسي في السودان يعتبر هو تحويلات المغتربين لأهلهم.
فيجب على الحكومة أن تنظر للمغتربين على أنهم ثروة قومية على الأقل من المفترض أن يسمح لمن قدر له بالعودة النهائية السماح له بإدخال عربة يجب أن تكافئ الحكومة المغتربين فهم بفضل الله عز وجل يتحملون عبء كبير.


#657854 [um ahmed]
0.00/5 (0 صوت)

05-06-2013 03:08 PM
اخى الكريم 00 8855 00 حياك الله والشكر لله عز وجل . اخى اتمنى منهم ولو مره واحده يرضوا ضميرهم فينا ويحاولوا اقوموا بهذه الخطوه مع وزارة العمل ويريحو الاوضاعهم غير موفقه ودمت


#657827 [MOGTARB]
5.00/5 (1 صوت)

05-06-2013 02:42 PM
( دمج بمعنى ترويض هولاء القادمون للتأقلم مع الواقع الجديد المر) ياجماعة انتوا ما فهمتوا قصد الراجل الدمج بمعنى الضغط يعنى هولاء المغتربين الكانوا عايشين فى نعيم شقق مكيفة وحياة نظيفة وعلاج وعربات واخر نقنقة.. سوف ياتوا الى السودان وحياتهم بتتحول مية وثمانون درجة ..كهرباء مافى بيوت مافى موية مافى سخانة الف بعوض مواصلات مافى مالاريا بالكوم .. الراجل عشان الناس ديل ما حا اقدروا على هذا الوضع فهو عايز يدمجهم فى المجتمع يعنى علميا ترويضهم. للتأقلم مع الواقع الجديد المر الحنضل


#657767 [صدقونى]
0.00/5 (0 صوت)

05-06-2013 01:54 PM
سيب الاستهبال دة انت معروف لدينا فى الرياض وجدة وكل المدن السعودية ما تخلينا نطلع من الموضوع
سيبنا فى حالنا وانت جربت ماسى الغربة ولا كنت نايب فى البيت كدة يا التريلا


#657736 [ابوالرسالة]
0.00/5 (0 صوت)

05-06-2013 01:32 PM
انتو شغلو الجوة اولا خلاص بقت علي المغتربين ... في احدي المرات لاقاني مبني عليه لافتة مكتوب المنظمة السودانيه لتنمية الاطفال المعاقين تقريبا ضحكت جدا قلت هم الكبار وشدااااد ونصااااح نموهم بقت علي ديل خلاااص هههههههه


#657721 [ظلال النخيل/فريد م مختار]
0.00/5 (0 صوت)

05-06-2013 01:20 PM
إنه جزاء سنمار
المغتربون هم من أكثر شرائح المجتمع التي دعمت هذه الحكومة ماديا ومعنويا ووقفوا معهم في الملمات بالرغم من تقصير الحكومة الواضح تجاههم حيث يتم معاملتهم كالبقرة الحلوب ما ان ينضب ضرعها سيتم الخلاص منها ذبحا أو نفوقا..
للأسف لقد زاد المغتربون من عمر الانقاذ بالدعم المادي وحضور احتفالاتهم في الصالات وقاعات الاحتفالات والاستراحات ومباني القنصليات والسفارات حتى اعتقد كبار رؤوس الفساد من الانقاذيين أن الشعب معهم وأنهم محبوبون ولهم أرضية فسدروا في غيهم يعبثون..
نحن المغتربون يجب أن تكون لنا وقفة قوية ضد هذه الحكومة وممثليها الدبلوماسيين وضد الجهاز الامني الجبائي المسمى جهاز شئون المغتربين


#657717 [ود الجزيرة الخضراء]
0.00/5 (0 صوت)

05-06-2013 01:19 PM
كلام ساكت اي كلام والله وعندي الدليل بل الادلة . ومسكين هذا البلد السودان.وين قروش سوق الحصيجيصا الشعبي ؟؟


#657702 [memo]
0.00/5 (0 صوت)

05-06-2013 01:06 PM
قال شينة قال وخطيبة زاتو ولد قبيح ..ز بالله ما تشوفوا شغلة غير تصريحاتكم الفارغة ده


#657652 [كتاحة]
1.00/5 (1 صوت)

05-06-2013 12:36 PM
هسي يجي يقول ليك عملنا كدا تأسيا بالرسول عندما دمج ( المهاجرين ) بالانصار


#657632 [المتغرب الأبـدي]
0.00/5 (0 صوت)

05-06-2013 12:28 PM
خلوا الكذب دا
قال
(هناك تنسيق بين السفارة السودانية بالرياض وإدارة الجاليات بجهاز تنظيم شؤون السودانيين بالخارج، وذلك لحصر السودانيين المخالفين لنظام الإقامة)
هل تعلم السفارة السودانية بالرياض شيئاً عنهم وكم عددهم ومن هم ؟؟ هل تستطيع حصرهم حتى ولو أرادت ؟؟ يعني معقول واحد يمشي يقول ليهم أنا مخالف سجلوني ؟؟

بعدين انتو لاقين شغل للخريجين القاعدين في الداخل ؟؟
ليه كل يوم 3 ألف سوداني خارجين من البلد ؟؟

أصبروا الثورة جاياكم .. أبقوا قدر المسئولية


#657630 [ابوصالح]
0.00/5 (0 صوت)

05-06-2013 12:27 PM
كخخخخخخخخخخخخخخخخخخخخخخخخخخخخخخخخخخخخخخخخخ كخ كخك ياولد وكمان بتكذب في النت؟؟؟؟؟؟


#657618 [ود التوم]
4.25/5 (3 صوت)

05-06-2013 12:21 PM
بالجد إذا كنتم تريدون مساعدة العائدين عليكم بثلاث حاجات

1. السماح بدخول الأثاث المنزلي مجانا

2. السماح بدخول السيارة الشخصية مجانا

3. السماح بأدوات العمل مجانا ( مثال: واحد عنده ورشة يسمح له بإدخال جميع معداتها مجانا)

خلاف كدا كلامك دا كلو حيكون خرطقة ساي وعدم موضوع


ردود على ود التوم
Egypt [ناديه فضل المولي ادريس] 05-06-2013 05:44 PM
كلامك عملي جدا وعين العقل ياود التوم هكذا هي الحلول العمليه والتي يجب ان يضغط باتجاهها كل الناس المضطرين للعوده للسودان ولتكونوا أكثر عمليه اطلبوا لقاء وزير العمل السعودى واعلنوا له خضوعكم للتعليمات الحاصة بتوفيق الاوضاع احتراما للملكه ولخادم الحرمين واشكروه علي الفتره التي قضيتموها في السعوديه واطلبوه من رفع طلبكم لخادم الحرمين لكي يطلب من ابجاعوره الرقاص اعفائكم من أى رسوم جمركيه و أى رسوم أخرى علي سياراتكم وعفشكم الراجعين بيهو وعلي كل معدات ووسائل الانتاج التي ستعينكم علي البدايه من اول جديد في السودان وانا متأكد انو ابجاعوره الرقاص لن يرد لخادم الحرمين الشريفين طلبا مهما كان لأنو خاتيهو لليوم الاسود يوم الزوغه العظيم ليكون جوار زين العابدين بن علي لأنه لايضمن في السودان مصير مبارك .... كدى فكروا في كلامي ده


#657609 [أبو عمر]
4.50/5 (2 صوت)

05-06-2013 12:18 PM
الزول دة قصدوا واضح ، الناس ديل كانوا مرطبين ، حا يمشوا هناك كهرباء مافى موية مافى غاز ما فى راحة مافى فلازم يحصل ليهم عصر ودمج مع الشعب الفضل هناك وكدة


#657600 [المندهش]
0.00/5 (0 صوت)

05-06-2013 12:13 PM
ههههههههههههه u made my day بالله الزول دا لمن كان بكتب في الهرطقات دي ما راعى شعورنا نحن المساكين ديل نافع قال لي مرة في التلفزيون شكت ليهو انو ولادا اتخرجو وما لاقين شغل وابوهم ميت انقر قاليهم شنو يا تهامي يا وهم قال ليها ما لاقين شغل ما يمرقو برا
بعدين انتو الشغالين وقفتوهم لصالح المافيا بتاعتكم


#657557 [مجنون]
5.00/5 (1 صوت)

05-06-2013 11:47 AM
اذ اتينا السودان لا نترككم وشانكم لكل ظالم نهاية ليس لدينا مانخسره اما حياة كريمة او موت بشرف وخد ياتهامى كلامنا محمل الجد ثورة ثورة ثورة ولابد منها انتم ليس ببعيدين عن هذه الاجراءات


#657535 [دبوس]
5.00/5 (1 صوت)

05-06-2013 11:30 AM
المغتربين قاعدين الان مندمجين ماشاء الله عليهم ولكن يجوا عندكم ضرائب وزكاة ورسوم واخر العنقود الرقم وطني ولو لا رؤية الاهل بالسودان تشرح القلب ، الواحد فيهم الاندماجة تطير ليهو في راسو... قال ادماجهم في المجتمع


#657530 [ابو النصر]
0.00/5 (0 صوت)

05-06-2013 11:29 AM
كدي فهمونا دي كيف


ردود على ابو النصر
Saudi Arabia [مدني الحبيبة] 05-06-2013 01:45 PM
دا نظام خجل لانوا كل السفارات تعج بحركة المقيمين ، السفارة الهندية بالامس القريب استجلبت موظفين من الهند للمساعدة في تسهيل الاجراءت وكل السفارات التى تحترم شعوبها ماعدا هؤلاء الكلاب ، وهذا نظام كشكرة لانه لايحمل رؤية معينة لمشاكل السودانين وهذا كرار التهامي متخصص في الاحتفالات وتنشيط شبابيك تحصيل الضرائب والخدمات الاخرى غير ذلك كلب نباح


#657526 [طــــــــــــــافش]
5.00/5 (1 صوت)

05-06-2013 11:28 AM
نداء اي زول قنع من السعوديةوماشي السودان احزرو ثم احزرو لان عصابات الاراضي تنتظركم في المطار
كنت في السودان قبل فترة واتنصب علي في قطعة ارض


ردود على طــــــــــــــافش
Saudi Arabia [المتغرب الأبـدي] 05-06-2013 01:51 PM
ممكن توضح شوية ؟؟
وما هو السبيل لكي لا نقع في ايديهم ؟؟


#657514 [8855]
0.00/5 (0 صوت)

05-06-2013 11:20 AM
شكرا يا ام احمد لقد اوجزتي واوفيتي ؟, نعم لمماذا لا تقوم السفاره السودانيه بواجبها تجاه رعاياها في المملكه كما فعلت كل السفارات من الهنديه والبنقلاديشيه والمصريه وغيرها ,,,
ولا السفاره بس فالحه في تحصيل الرسوم واقامة الحفلات والمؤتمرات وقال ادموجهم في المجتمع هو لنتو الجوه البلد قادرين عليهوا خلينا من الوهم بتاعكم ده.


#657502 [ود تلودي]
5.00/5 (2 صوت)

05-06-2013 11:10 AM
ارجوا من الاخوة المغتربين ان لا يصدقوا مثل هذه التصريحات الجوفاء وذلك للاتي.
(1) الدولة حاليا بتكسر في ناس منطقة نيفاشا بالقرب من امبدة - قاعد في بيتك يجي البوليس وبحضور وكيل النيابة يطلعوا اولادك ويكسؤوا بيتك امامك ويرحلوك منطقة القرية ساعتين ونصف من الخرطوم - ديل ناس منتظرين منهم يوفروا ليكم سكن.
(2) والله انا بعرف معلمين الواحد تجده في الايجازات طالع في عمارة رابع دور شغال طلبة ويمكن يقع يموت من فوق والسبب ان الرواتب متدنية 450 جنيه بواقع 15 جنيه في اليوم وتجده عائل اسرة - ديل ناس يوفروا سكن او راحة لمغترب.
(3) احسن حاجة جديدة اليومين دي عملوها لو ماشي في الشارع وجاتك غيبوبة كده ووقعت / اقرب زول لو اتصل بــ 999 بجوا بشلوك بسيرعة دون تاخير للمستشفي لكن ماعارف فعلاً الفرد يجد عناية طبية كاملة ام لا.
(3) الحصول علي الجواز اصبح صعب جداً وياخذ شهر كامل وذلك نتيجة ان نصف الشعب السوداني تجده في صفوف استخراج الجوازات في كل من المقرن - المغتربين - بانت.
(4) والله اي مغترب جاي وليس لديه استثمارات - عقارات - اموال ( الزول الجاي ويدوا فاضية - امامه كما يقول المثل صيف حار جداً لان البلد ضاربها الغلاء وناس جهاز المغتربين يتحدثوا في الهوء الطلق


ردود على ود تلودي
Saudi Arabia [المتغرب الأبـدي] 05-06-2013 01:53 PM
والله يا ود تلودي كلامك يخوف ..


#657493 [زول نصيحه سااااااااااهي]
0.00/5 (0 صوت)

05-06-2013 11:06 AM
يعني خلااااص الهناك شغلتوهم بقيتوو علي الجاينكم .... قايتو جنس قايتوووو


#657491 [محمد فضل المحسي]
0.00/5 (0 صوت)

05-06-2013 11:06 AM
يا أخ كرار التهامي أولاً بدل أن تقول ندمجهم من المفترض أن ترى حلاً لهذه المشكلة كما فعلت بعض الدول وثانياً إذا المخالفين ديل رجعوا السودان إن نفسك حتكون أكبر متضرر لأنه في دخل كبير يكون راح منك وإن عارف المقصود شنوووووووووووووووووووووووو


#657482 [sul.dafa]
0.00/5 (0 صوت)

05-06-2013 10:56 AM
حكى


#657480 [NASRELDEEN ALI]
0.00/5 (0 صوت)

05-06-2013 10:55 AM
أنه لكذّاب أشر


#657476 [ابو استبرق]
0.00/5 (0 صوت)

05-06-2013 10:50 AM
أول حاجةأكيد انتو قاصدين السودانيين الفي الصورة بتاعت الخبر ولا انا غلطان


#657459 [منذر محمد حمد]
0.00/5 (0 صوت)

05-06-2013 10:35 AM
يدمجين قال ,ديلحسابنا اجانب ولا شنوو,ولا نازحين ,,,الجبهة الثورية قادمة فى قلب لخرطوم يالصوص


ردود على منذر محمد حمد
Sudan [زعلااااااااااان شديييييد] 05-06-2013 12:41 PM
تعال الخرطوم واستقبل الجبهة الثورية ... او امش جنوب كردفان و خلي (ثورة) ونضال الفنادق .. نوعكم دة دايرة جااااااااااااااهزة !!!


#657455 [um ahmedا]
1.00/5 (1 صوت)

05-06-2013 10:33 AM
ولماذا تجدوا لهم فرص فى السودان لادماجهم فى المجتمع خصوصا ان الموجودين بالسودان عاطلين عن العمل هذا كذب شنيع . بدل ايجاد الفرص الكاذبه فى السودان لماذا لاتخطو خطوه فى المملكه كالمصريين لتتفاهموا مع وزارة العمل السعوديه لتوفيق الاوضاع( كلكم راع وكلكم مسئول عن رعيته ) ان الله سائلكم عن المغتربين يوم لا ينفع مال ولا بنون الا من اتى الله بقلب سليم


#657447 [بدر]
5.00/5 (1 صوت)

05-06-2013 10:28 AM
عليكم الله البرة ديل كدي خلوهم شوفو فرص عمل للجوة - الشردن خلهن اقرع الواقفات -


#657444 [ابو طارق]
0.00/5 (0 صوت)

05-06-2013 10:26 AM
والله ضحكت وضحكت ومت من الضحك هههههههه هىهىهىهى هاهاهاها


#657423 [جارسيفو]
0.00/5 (0 صوت)

05-06-2013 10:09 AM
شغل العندك داخل السودان خلي مخالفي نظام الاقامة


#657411 [عصام حاكم]
0.00/5 (0 صوت)

05-06-2013 10:04 AM
السيد /كرار التهامي
خليك في مجالس الإدارات التي انت منغمس فيها شغلت المغتربين دي بقت خارج اختصاصك بعد عودتك الطوعية الى حضن النظام ومنحك بدل كريمات حتى تعوض سنوات النعومة
الملحقات العمالية المصرية تعمل منذ مده و الفترة المتبقية اقل من شهر و نصف تظهر و تقول دراسة - الله كريم شكراً - ادمج بني وطني المتواجدين في السودان في حياة و أوضاع السودان الحالية خلينه نحنا ، لو ودعنا الكفيل المخارج كثيرة ، يا كرار التهامي


#657408 [كوز سابق]
0.00/5 (0 صوت)

05-06-2013 10:00 AM
ما فيها حاجه يا جماعه ..... ما مشروع حضاري وكده !!؟؟


#657406 [جركان فاضى]
0.00/5 (0 صوت)

05-06-2013 09:59 AM
هو الجوة البلد لاقين عمل عشان تقول نوفر فرص عمل للجايين من السعودية


#657380 [عزو]
0.00/5 (0 صوت)

05-06-2013 09:46 AM
ادماجهم في المجتمع تقول كانو في السجن وادماجهم دي شنو ناس راجعين بلدهم


#657369 [البيان الواضح]
0.00/5 (0 صوت)

05-06-2013 09:36 AM
ما بصدقكم


#657346 [Abdullah]
0.00/5 (0 صوت)

05-06-2013 09:15 AM
تدمجو شنو؟ والله شكله دي كله شعارات فارغة ساي


#657331 [الشوق بحر للوطن]
0.00/5 (0 صوت)

05-06-2013 09:04 AM
سلام عليكم
لا ادرى الى متى نظل نكذب ونتحرى الكذب فى اصدار منشتات للاستهلاك الاعلامى ، حتى غدونا لا نصدق ما نكتب ، لا توجد تسجيلات لجهاز المغتربين واتحرى الدقة بالمنطقة الشرقية من المملكة لم يسال عننا من بعيد ولا من قريب ، اهى احلام ادغاث الاعمال وياليهم يبادرو حتى بالسؤال عننا ، بدل التصريحات ابدات بالعمل وجزيت خيرا كثيرا.


#657329 [حمدو]
0.00/5 (0 صوت)

05-06-2013 09:02 AM
"وأضاف د. كرار أن جهاز المغتربين يسعى مع مؤسسات الدولة المختلفة من مؤسسات الاستثمار والإسكان والتنمية ومنظمة الهجرة الدولية لتوفير المتطلبات وإيجاد فرص عمل للعائدين من المملكة العربية السعودية لإدماجهم في المجتمع"

شغلوا الخريجين العاطلين أولا


#657321 [محمد حسن]
0.00/5 (0 صوت)

05-06-2013 08:58 AM
ادماجهم في المجتمع ؟؟

انتو قايلنهم جايين من الصومال ولا نازحين ولا عاملين اتفاقية سلام مع الحكومة ؟؟

قال دمجهم في المجتمع قال ...!!


#657312 [كاره الكيزان]
5.00/5 (1 صوت)

05-06-2013 08:48 AM
كذاب ايها المنافق التهامي انت لا تستطيع ان تقدم ولا قطعة بصلة للمغتربين العائدين ما بالك من تقديم قطع الاراضي وتوفير السكن ,,, انتم سوف تنهبون ما ياتي به المغتربون ,,, غدا سنجد السماسرة في السفالة السودانية بالرياض وبجهاز المغتربين ,,,, لا توفروا لنا قطع اراضي ولا اكل ولا شرب فقط وفروا لنا الأمن ليعيش ابناؤنا كما كانوا عائشين في المملكة العربية السعودية ,,, وفروا لنا سرعة الاجراءات في الموانئ والمطارات ,,, اعفونا عن الجمارك ,,, اقل العائدين يكون قد قضى عشرون عاما مغتربا ويدفع لحكومة السودان ايام النفرات والجهاد المزعوم ,,, الآن جاء دوركم ايها المجرمون ,,, اعلموا ان هؤلاء سيشعلون فتيل الثورة لانهم لا يتحملون كثيرا وقضيتهم ستصبح قضية رأي عام


#657299 [Mohd]
5.00/5 (1 صوت)

05-06-2013 08:29 AM
((وإيجاد فرص عمل للعائدين من المملكة العربية السعودية لإدماجهم في المجتمع.))


انتوا الناس الشغالين هناك شردتوهم بالتمكين مكنكم الله من جهنم

دايرين تشغلوهم ؟


خلوا مصطفى استهبال اسماعيل دا يديهم اراضي من البلد الهاملة الببيع فيها يمين ويسار دي

وياخذ عمولته التي ستكون عليه خزيا وندامة انشاء الله في الدنيا والاخرة


#657287 [كوكاب]
0.00/5 (0 صوت)

05-06-2013 08:15 AM
لادماجهم في المجتمع يعني هل هم من ذوي الاحتياجات الخاصة ام سجناء ام متمردين ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة