الأخبار
منوعات سودانية
محكمة النظام العام ببحري تجلد مطربة وتغرم العازفين
محكمة النظام العام ببحري تجلد مطربة وتغرم العازفين



05-07-2013 07:25 AM
أدانت محكمة النظام العام ببحري فنانة أمدرمانية شابة وحكمت عليها بالجلد أربعين جلدة لمخالفتها المادة (152) وارتدائها زيا فاضحاً .
وغرمت المحكمة العازفين مبلغ مائة جنيه لكل عازف لمواصلتهم العزف بعد انتهاء الزمن الرسمي .

وقالت المصادر إن معلومات توفرت لدى شرطة أمن المجتمع ببحري عن وجود فنانة شابة ترتدي زيا فاضحا وتم اقتيادها إلى دائرة الاختصاص وتدوين بلاغ في مواجهتها برفقة العازفين لتقوم المحكمة برئاسة مولانا أسامة جبريل بإدانة الفنانة المعروفة بالجلد والغرامة للعازفين .

صحيفة حكايات


تعليقات 14 | إهداء 0 | زيارات 5747

التعليقات
#659354 [الجمبقلى]
0.00/5 (0 صوت)

05-08-2013 12:50 AM
اف اف اف اف اف اف اف اف اف،حكومة صعاليك وبس ،فاضح قال ،هى فنانه وغنت خلاص الشريعه مافيها

حكم للزى الفاضح لفنانه ،لماذا سمحتم لها بالغناء من اصله


#659184 [كاكا]
0.00/5 (0 صوت)

05-07-2013 09:50 PM
عزف بعد انتهاء الزمن الرسمي انت عارف في حاجة اسمها ( اوفر نيت ) تقدر تشتريه يعني فساد مقنن زي ما يقولوا تظليل العربات ممنوعة لانو يؤدي الي الفساد لكن ممكن تشتري تظليل العربية يعني مافي فساد مجاني لازم تدفع


#658741 [سوداني]
5.00/5 (2 صوت)

05-07-2013 01:20 PM
غايتو الكيزان مشغولين بالغارغة ياخي شوفوا الفقر الانتشر في البلد والمستشفيات المعفنة والعطالة واطفال المايقوما البقوا كارثة اجتماعية ولا الحرب الاكلت الاخضر واليابس ومشغولين لي بالفستاين ولابسة شنو وبتقول في شنو.


#658678 [انصاري]
0.00/5 (0 صوت)

05-07-2013 12:34 PM
السؤال القديم والحاضر ما هو الزي الفاضح...؟! هل يقدره ضباط وأفراد النظام العام الذين اغلبهم فاقد تربوي، وساقط إجتماعي وراسب اخلاقي، كيف يتم التكييف القبض...؟؟؟!


#658621 [عنكباوي]
5.00/5 (1 صوت)

05-07-2013 11:53 AM
إنحلال في الشارع العام وماخفي أعظم:
ذهبت في إجازة قصيرة للسودان ...وكالعادة صيانة للبيت ...أخذت المكيف العطلان لفني في سعد قشرة ...طلب مني الحضور بعد ساعة ...قلت أكسر الزمن وأذهب لأتجول في السوق ...في نص النهار شاهدت تجمهر من الناس عاملين سيرة ...الشمار حرقني ...ذهبت لأعرف ماذا يحدث ...وجدت 2 عساكر واحد ماسك بت عريانه نص كم وشاب عريان نص كم ...والعساكر شايلين باقي الملابس ومرتبة إسفنج لزوم معروضات ...الشاب تاجر عندو دكان في سعد قشرة وبدل ما يسترزق الله عصى الله في دكانه ...فكانت هذه الفضيحة الكبرى ...بقيت ماشي وراء السيرة ...الشماشه كانوا بيشاغلوا في البت (أها البتاع كيف)والمارة كانوا بيسبو في الشاب وأذكر أمام موقف التاكسي أعمامنا سواقين التكاسي ما خلو للشاب حاجه (يا ولدي أكان تصبر شوية لحدي ماتضلم مالليل غطى الجبال )...
إقتادوهما لمركز الشرطة القريب من السوق ...نظرت للشاب ولسان حاله يقول : الإعدام أهون مليون مرة من هذه الفضيحة...
هذا نموذج صغير للمشروع الحضاري الذي ينادي به هؤلاء المؤتمرجيه ...تدمير لأخلاق الشعب السوداني ... وإلهاء الشباب بالمخدرات والزنى في رابعة النهار ... إذا كان رب البيت بالدف لاعب فشيمة أهل البيت الرقص والطرب...وسير سير يا بشكير..


ردود على عنكباوي
Israel [Mr.aviv] 05-07-2013 09:39 PM
هههههههههههههههههههههههههههههههههههههه, لاحول ولا قوة إلا بالله , معقولة دي
غايتو الله يكون في عون الشعب


#658577 [ابوملاذ]
0.00/5 (0 صوت)

05-07-2013 11:16 AM
عجبني تعليقك ي القرفان وكلامك صح والله بعد شوية تمرق في منسقية الدفاع الشعبي او الخدمة الوطنية وتغني بلبس افضح منو .. وفعلا الفنانين ديل لا شفقة عليهم كلهم مرض وسكرجية وبتاعين جمبات وم عندهم خوه ولا عشرة


#658575 [sadig abdallah]
5.00/5 (1 صوت)

05-07-2013 11:15 AM
وين الصور ... عشان نحكم هل الزي فاضح ام لا


#658564 [osaman]
0.00/5 (0 صوت)

05-07-2013 11:08 AM
ممكن نسال القاضى على اى شرع اعتمد عقوبة الجلد.نحن نعرف ان الزنا والخمر والقذف حدها الجلد اما غير ذلك فلاندرى من اين اتى الجلد.لعنة الله تغشاك ايها القاضى الاجرب الخسيس الزبالة المتخلف وقاتل الله الانقاذ وزبالة الانقاذ الصفقاء التافهين الحقيرين


#658486 [قطيم بن ابوالنيم]
4.00/5 (7 صوت)

05-07-2013 09:50 AM
يا شباب تعالوا نهتف بالصوت العااااااااااااالى الشعب يريد عودة الانجليز


ردود على قطيم بن ابوالنيم
Israel [Mr.aviv] 05-07-2013 09:40 PM
والله يا ريت , هو لو كانوا حاكمننا الإنجليز لغاية الآن دا كان حالنا ؟؟؟


#658431 [عصمتووف]
5.00/5 (1 صوت)

05-07-2013 08:58 AM
*جلد ** جلد *** جلد **** جلد *****
وهل تصل عقوبة الزي الفاضح الجلد ** نعرف عقوبة الجلد تطبق علي الجرائم الحدية ***


#658380 [قاسم]
5.00/5 (1 صوت)

05-07-2013 07:37 AM
زيا فاضحا !!! الله يلعن أبو العقول المظلمة ، هسع تلقاها لابسة لبس عااااادي ... ، حليل زمن الرحط ، كل حبوباتكم كانن لابسات الرحاطة ... ما عندكم غير الجلد و الإهانة ؟ بالله دي قوانين مقصود بها كرامة الإنسان ؟؟ بلا يخمكم يا حرامية من قاضيكم لرئيسكم الرقاص لمصفقيكم و لهتيفتكم العفن الزبالة ... قرف يقرفكم ، تفو .


#658377 [قرفان]
5.00/5 (7 صوت)

05-07-2013 07:33 AM
الفنانين و الفنانات دي أنا أصلو ما بشفق عليهم ،، خليهم يجلدوهو و يطلعوا عينهم ،، لأنو عادي بكرة ممكن تلقاهم يغنوا للدفاع لشعبي ،، هو بالله في فن في البلد ، الله يرحم الفن و الفنانين ، محمود عبد العزيز جلدوهو و جا غنى لهجليج و الحكومة في النهاية قشرت بجثمانه و خلت الناس تنسى أزمتها ،، الجلدوها دي بكرة بتكون بتغني في عرس ولد كوز ،، في النهاية ديل ما فنانات ، ديل ،، استغفر الله العظيم ، أحسن نسكت


#658376 [ود البلد]
0.00/5 (0 صوت)

05-07-2013 07:30 AM
عجبني للمارقوت


ردود على ود البلد
Saudi Arabia [ابو لين] 05-07-2013 05:36 PM
ذكرتني المارقوت حاجة مسنه قالوليها بيتك حرق قالت ليهم كيتن علي المارقوت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة