الأخبار
منوعات سودانية
الفنانة فايزة عمسيب تتقدم بالشكر الجزيل لكم وللاستاذ جمال علي مظفر
الفنانة فايزة عمسيب تتقدم بالشكر الجزيل لكم وللاستاذ جمال علي مظفر
الفنانة فايزة عمسيب تتقدم بالشكر الجزيل لكم وللاستاذ جمال علي مظفر


05-07-2013 09:40 AM
تعرضت الفنانة فايزة عمسيب لعملية طرد وإخلاء من منزلها بأمدرمان بالقوة الجبرية. بواسطة الشرطة التي قامت بإخراج أثاث الممثلة من المنزل ونقله إلى الشارع مباشرة، وإغلاق المنزل نهائيًا تنفيذًا لأمر إخلاء أصدرته محكمة ، وذلك حسب قولها دون أن تتلقى إي إنذار لإمهالها لتنفيذ أمر المحكمة، في قضية خاصة بالميراث التي تعود إلى منزل تبلغ مساحته 700 متر تركه لها زوجها الراحل عبدالرحيم الأمين منذ عام 1992 مشاركة مع شقيقته وابنته من زوجته الألمانية ومجموعة من أشقائه من جهة أبيه.
وامتلكت عمسيب بحسب الميراث 88 مترًا من البيت ثم اشترت حصة ابنة زوجها الألمانية في البيت والبالغ مساحتها (350) مترًا.

وتحولت تداعيات اخلاء الفنانة المخضرمة الى مادة دسمة على الموقع الالكترونية على شبكة الانترنت، واظهر المعلقون حسرة لافتة على ماوقع للفنانة الشهيرة،وتعاطفا بلغ درجة اعلان الاستاذ جمال علي مظفر تبرعه بشقة سكنية بحي الحلفاية بالخرطوم بحري لأجل أن تنتفع بها بالسكن لآخر يوم في عمرها المديد بمشيئة الله.

وقالت الاستاذ فايزة عمسيب أن محكمة ام درمان رفضت استئنافها بان يبقى الحال على ماهو عليه وطلبت منها الاستئناف الى قضاة المحكمة العليا، وقطعت فائزة بأن محاميها معاوية خضر الامين سيدفع باستئناف .وبشأن تبرع الذي تقدم به الاستاذ جمال مظفر اكدت انها سمعت بعرضه واثنت عليه وعلى موقفه لكنها اكدت انها ستقاتل في سبيل اثبات حقها الشرعي في منزل زوجها الراحل.

وكشفت الاستاذة فايزة عن عرض آخر تقدمت به صديقة تعيش بلندن وقررت العودة للبلاد للتضامن معها، وهو ما أسعدها للغاية مما رأته من تعاطف الشعب السوداني وقالت "وده البخلينا ننسى مآسينا".

وفي اتصال هاتفي للراكوبة بالفنانة عمسيب أكدت أن جمال مظفر اتصل عليها وشكرته كثيرا على شهامته واعتذرت له وبينت أن هنالك أسباب كثيرة تمنعا من السكن بعيدا عن أمدرمان وتقدمت بالشكر الجزبل لكل الكتاب الذين علقوا على الخبر بالراكوبة واظهروا معدنهم الاصيل وقالت ان ذلك يمثل بالنسبة لها قلادة وشرف كبير.

الراكوبة + الاهرام اليوم+ بوابة الاهرام


تعليقات 17 | إهداء 0 | زيارات 9376

التعليقات
#660106 [saif]
0.00/5 (0 صوت)

05-08-2013 03:05 PM
كويس ياجمال سبقتنا انا اعرفك شخصيا انت زول فنان جميل وحبوب وضكران اللة يخليك ويخلى اولادك زكمان لو سمحتوا عاوزين رقم الحساب بتاع استاذة فايزة عشان نساهم وللاخت فايزة كل التحية وجاهزين انتى تامرى


#659475 [wad mokwar]
0.00/5 (0 صوت)

05-08-2013 08:12 AM
حسره والله ما نراه من ظلم واضح وشهامه الزول السوداني عند المحن ومازالت الدنيا بخير ربي احفيظ الشعب السوداني من كل المحن وخفف عنه يارب واجعل لكل من يتربص بهم كيده في نحره فائزه هي امن جميعاً فما حدث اثبت ان ابنائها لن يتخلوا عنها وهو افرحني باننا شعب مهما تكالبت عليه المحن شفوق وعطوف ورحيم ومتعاضد حفظ الله الشعب السودان


#659297 [طلال]
5.00/5 (2 صوت)

05-07-2013 11:45 PM
السلام عليكم ورحمة الله وبركاته
انا تألم جدا بخصوص القصة
وعندي شقة في بيت اﻻسره في ام درمان شارع الوادي الواحه غرب جديد قير مسكونة بعد
لو تريد الأستاذة القديرة السكن فيه انا متبرع بذالك
وسوف تجد في اسرتي العون والمساعدة في كل شيء
وايملي عندكم
طلال عباس
ابوظبي


ردود على طلال
Denmark [مدني] 05-08-2013 03:01 AM
اصيل وشهم


#659204 [كاره جدا للكيزان والمتأسلمين]
0.00/5 (0 صوت)

05-07-2013 10:17 PM
القدمتو الاستاذه فائزه عمسيب .للسودان ..الكيزان الحراميه المقاطيع ديل ربعو ماعملو للسودان ..وياريت سلم من شرهم ...قاتلهم أني يؤفكون .


#659164 [ام غسان]
0.00/5 (0 صوت)

05-07-2013 09:24 PM
مثل استاذ جمال مظفر الرجولة والشهامة والقامة السامية الاستاذة فائزة عمسيب ده البخلينا نزيد حبا ليك يا سودان وندعو الله العلي القدير ان يخلصنا من الحرامية والقضاء الظالم متين يا ربي تحقق منانا ويرجعوا استاذتنا واطبائنا وكل عالم خرج من ظلم الحكام ابشري بالخير يا استاذة فائزة معاك السودان النظيف الطاهر والايادي البيضاء والله يا اخوانا انا موجوعة وجع


#659061 [ابو خنساء]
2.00/5 (1 صوت)

05-07-2013 06:41 PM
وانا اقترح هنا فتح باب تبرع عاجل لهل لمقابلة منصرفات التقاضي اها رايكم شنو . يا ناس الراكوبة اعطونا عنوان حسابها للتبرع لها مباشرة وانا افتتح 250 جنيه بالجديد ايد على ايد تجدع بعيد


ردود على ابو خنساء
Sweden [Mohamed sudan] 05-07-2013 11:09 PM
أتمنى من الراكوبة أن توضح لنا رقم حساب الاستاذة أو رقم حساب مضمون ( بعيد عن عين الكيزان الحرامية أولاد ال ....) .... لك الله يا سودان ..... هكذا يعامل مواطنك في مشروع الإنقاذ الحضاري ....تعس البشير وتعس تجار الدين !

Norway [DR SAMI ALI] 05-07-2013 08:50 PM
وانا لولقيت رقم حسابها سارسل لها نفس مبلغك والله اكبر علي الكيزان الضيعوا السودان ومبدعي السودان


#658868 [سامي الباهي]
5.00/5 (1 صوت)

05-07-2013 03:22 PM
صحي الإختشو ماتو
فالنفترض بأن اصحاب الميراث لهم الحق في إخلاء الام فائزة عمسيب
إليس من حق الدولة توفير السكن لها وهي تعد ام الدراما السودانية وقدمت الكثير لهذا الوطن


#658834 [abdelmageed]
0.00/5 (0 صوت)

05-07-2013 03:02 PM
الحدث مؤسف خصوصا لي شخصية قومية و ممثلة شعبية رائعة كالام فايزة عمسيب , و لكن زال الحزن و ظهرت الخيل الصيل بالفارس الشهم جمال مظفر , و اثبت ان البلد دي بلد الانسان الحنون الاصيل


#658758 [ابو زينب]
1.00/5 (1 صوت)

05-07-2013 01:49 PM
أين اتحاد المهن التمثيلية واتحاد الفنانيين واين الانقاذيين من هذه القضية وفايزة عمسيب منذ بليلة مباشر ولا ضبيحة مكاشر هذا المسلسل الاذاعي في السبعينيات القرن الماضي ما زالت تعطي وتعطي لهذا الوطن الموبوء والله لو بتطلع برة من الخرطوم على الارياف والقرى بولاية نهر النيل نرحب بها ونعطيها الاف الامتار لتسكن وتعيش معنا هناك لكن حسب قولها ظروفها الخاصة تجبرها بالسكن بام درمان حتى بحري ما تقدر تسكن بها لذلك نحن نتعاطف معها لأبعد الحدودولو المسالة فيها اتعاب محامين وكدا برضو جاهزين ليها وهذا تقديرا وعرفانا لما قدمته هذه الرائعة لوطنها وشعبها


#658730 [المظلوم السوداني]
0.00/5 (0 صوت)

05-07-2013 01:08 PM
و الله ما تستاهلي المرمطة يا فايزة .. انت من رواد الفن القديم الاصيل ...


#658725 [ود اللالح]
0.00/5 (0 صوت)

05-07-2013 01:05 PM
اراد المرجفون المتاسلمون ان يطفؤا نور شهمتنا وعزتنا لكن هيهات . هذا هو شعب بلادي لكم التحية وللمبدعة ام الدراما الفنانة الكبيييييرة فايزة عمسيب


#658713 [المارياوى]
5.00/5 (1 صوت)

05-07-2013 12:56 PM
ما تبقى هو القيم الساميه فى نفوسناواتمنى الا تتغير هذه المعانى


#658690 [بت الرجال]
5.00/5 (3 صوت)

05-07-2013 12:40 PM
التحية والتجلة ليك ا منا فايزة وياريت لو قادرين نصلك ونقيف جمبك
بس تأكدي قلوبنا ودعواتنا معاك
شكرا موقع الراكوبة شكرا الاستاذ جمال شكرا كل رواد الراكوبة
شكرا صديقة الاستاذة فايزة عمسيب في لندن
شكرا للشعب السوداني الاصيل
ويارب ارفع عننا البلاء وترجع بلادنا احسن واحسن


#658633 [um ahmed]
0.00/5 (0 صوت)

05-07-2013 12:02 PM
نعم امنا فايزه عمسيب انه معدن السودانيين الاصيل والذى لايصدا مهما تكالب عليه الحاقدون والحاسدون . سيظل السودانى فوق الجميع باخلاقه واصالة معدنه وشهامته وكرمه . ندعو الله ان يسهل امورك ويمتعك بالصحه والعافيه . ونقول لاخينا جمال لقد سطرت اروع المواقف وربنا لن ينسى لك هذا الموقف


#658625 [كتاحة]
4.00/5 (2 صوت)

05-07-2013 11:56 AM
رجل شهم مثل جمال

و امرأة رائعة مثل فايزة

هذا هو السودان الذي نريد


#658558 [هشام على البابور]
0.00/5 (0 صوت)

05-07-2013 11:04 AM
والله مثل هذه الاشياء لا يفعلها الا الشعب السودانى واعجبنى تعاطف الاستاذ جمال مظهر مع الرائعة امنا فايزة ولكم تمنيت ان يقف لهذا الموضوع نقابة الفنانين ذاتها لان فايزة هرم وعمود من اعمدة الفن فى هذا الوطن وكم اسعدنى ثبات الفنانة ووقوفها درعاً لهذا الظلم


#658511 [ام دقرسي]
5.00/5 (2 صوت)

05-07-2013 10:13 AM
هم اهل السودان شهامة وكرم ولعنة الله علي من يريد افساد اخلاقنا وسلوكنا


ردود على ام دقرسي
Saudi Arabia [صحراوي] 05-08-2013 09:01 AM
من يشيد بالشهم الكريم فهو أيضا شهم وكريم !! عليك الله يا كابتن "أم دقرسي" يعني شنو؟ والله عايز أعرف معناها وبس ، مع شكرى مقدما على المعلومة

Saudi Arabia [الفكى الصينى] 05-07-2013 01:46 PM
جزاك الله خيراً
فعلا غيروا اخلاق الناس
ودمروا سمعت البلد .لعنة اللهة عليهم الى ويوم الدين
حريقة فى الكيزان واتباع الكيزان

Saudi Arabia [اللريوش] 05-07-2013 01:43 PM
أم دقرسي ابيد ولا فريق السلام؟؟؟؟؟؟؟؟؟؟؟؟؟؟ تحياتنا لأهل أم دقرسي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة