الأخبار
أخبار إقليمية
ربكة بسبب تحويل خطوط المواصلات بالخرطوم
ربكة بسبب تحويل خطوط المواصلات بالخرطوم
ربكة بسبب تحويل خطوط المواصلات بالخرطوم


05-07-2013 01:05 PM
الخرطوم: أعلنت هيئة النقل والمواصلات التابعة لوزارة التخطيط والبنى التحتية بولاية الخرطوم عن سعيها لزيادة البصات العاملة في الخطوط الدائرية بالولاية وذلك بعد إجراء دراسة لزيادة الطلب على هذه البصات عقب تحويل المواقف بالولاية. وكشف مدير الهيئة، أمين النعمة، عن تكوين غرفة لمتابعة ورقابة المواقف والخطوط الدائرية بكافة الجهات ذات الصلة من بينها المرور والهيئة متعهداً بحل كافة الإشكالات التي تواجه تجربة تحويل مواقف المواصلات بالولاية.
وقال النعمة، للمركز السوداني للخدمات الصحفية،إن الهيئة توقعت حدوث ربكة في الأيام الأولى للتحويل، مؤكداً سعيهم الجاد لزيادة البصات الدائرية عندما يزيد الطلب عليها.
يذكر ان عدداً من المواطنين شكوا من عدم كفاية البصات التي خصصتها الولاية للخطوط الدائرية والبالغة (18) بصاً فقط بجانب حالة الارتباك بتحويل الخطوط التي تم تدشينها السبت الماضي.

الصحافة


تعليقات 8 | إهداء 0 | زيارات 5749

التعليقات
#659620 [الوجع الخرافي]
0.00/5 (0 صوت)

05-08-2013 09:52 AM
التصويب من على البعد ...

وسياسة إغتيالات رموز النظام ...

هذا هو الحل فقط ...

وماعداه ...

هرطقة ....

وكلام فاااااااااااااااااااااااااارغ ....


#659320 [محمد المصطفي ادم]
0.00/5 (0 صوت)

05-08-2013 12:12 AM
انشاء الله نكون صابرين مها كان لكن ياااريت نتكلم علي الظلم الحاصل


#659047 [صوت الحق]
0.00/5 (0 صوت)

05-07-2013 06:18 PM
معليش احتمال سؤالي سخيف بس حابه اعرف الموقف الجديد دا لي ناس امدرمان ولا بحري؟


#659008 [ابومروان]
5.00/5 (1 صوت)

05-07-2013 05:33 PM
الإنقاذيون أبدعوا فى تلتلة المواطن وإهانته : مرة بتغيير السلم التعليمى بدلاً عن نظام (6-3-3) إلى نظام (8-3) سيئ السمعة والمستقبل ، ومرة بزيادة الزمن بساعة عن النظام العالمى فى التوقيت ولا زالوا يتمادون فى المخالفة الظاهرة لقانون الكون ، ومرات وكل عام يتمتعون بإهانة المواطن بنقل مواقف المواصلات وأماكنها وتبديلها ببعضها إستمتاعاً ونشوة بعذاب المواطن المغلوب على أمره ، ومرة بمنع عربات المواصلات الخاصة بالمواطنين التى أغلب البيوت شر الجوع والمرض حيث أن الحافلة الواحدة تفى بمصاريف السائق وأبناءه والمساعد وأبناءه وصاحب العربة وأسرته أى بمعنى أن العربة الحافلة تبعث الروح فى أكثر من ثلاثة أسرة ، وقد إستعادت الحكومة هذه الحافلات ببصات تخص النافذين فى الحكم دون سواهم ، وربا يكفينا شرهم فى القريب العاجل إنشاء الله


#658924 [عصمتووف]
5.00/5 (1 صوت)

05-07-2013 04:14 PM
الدولة مشغوله بحروبها مع الحركات المسلحة في الولايات الغربية ونست طابورها المعين داخل اجهزة الدولة والولاية عمائل تشيد المواقف وتخطيط السير يدل علي ذلك الموقف الجديد يفترض تعمل علية مركبات الصحافات ش وظ ومايو بدل عن مواصلات شرق النيل التي سببت ازدحام علي شارع وكبري المك نمر والطابية الصحافات وغيرها دخولها ايسر واسهل عكس حافلات شرق النيل والحديث يا جماهير ثوروا نعمل ليكم شنو اكتر من كده يا ربي الوالي احد اعضاء الحركات الثورية


#658917 [معاوية]
0.00/5 (0 صوت)

05-07-2013 04:11 PM
الضرب على الحديد وهو حار هنا يكون الموقف ليس موقف الحافلات بل موقف الشعب كلو ديل اصلا قصدهم انو الناس ما تتجمع فى اى محل ويكونوا مشغولين منهم عشان هم يعوسوا فى عواستم دى يجب على الجماهير ان تتحرك وتضرب بيد من حديد ماذا تبقى لهذا الشعب المسكين فئة قليلة وضالة تمسك بامور الشعب كلو
ايها الشعب السودانى البطل والفضل هبوا انهم جبناء والله لن ينتظروكم ولا دقيقه ارموهم بالحجارة
واصقولا لهم فى جباههم انها عصابة اجرامية ليس الا ....


#658863 [Dr. Faisal]
0.00/5 (0 صوت)

05-07-2013 03:19 PM
يبدعون ويتفنون بشكلٍ غريب في تعذيبنا وبهدلتنا نحن المواطنون أولئك القائمون على أمر البلد..! ما عافر من الذي يأتي بهذه الأفكار الكارثية.. إغلاق الشوارع وإصابتها الحركة بالشلل التام ولا أدري لماذا؟
سلطة وتركناها ليكم.. مناصب مش عايزين.. ذلة ومهانة وتقتيل في البشر وأهو إحنا ساكتين!!

عايزين من الناس شنو يا آخي؟ أدوني سبب واحد لتعذيبنا كل هذا العذاب!! حسبنا الله ونعم الوكيل.. نسأل الله تعالى ألا يأخذ أرواحكم بالحُسنى وبسرعة لكي تعيثوا فساداً وتزدادوا آثاماً على آثامكم وألا تخرج أرواحكم إلا كما تخرج قطعة الحرير من الأشواك.. وأن يُريكم شرور أعمالكم في أبدانكم وذرياتكم ولا حول ولا قوة إلا بالله العلي العظيم


#658854 [عبدالعزيزالننقة]
5.00/5 (1 صوت)

05-07-2013 03:14 PM
ياناس الخرطوم تجيبوا زول من الحاج يوسف تنزلوهو في شروني !!
ما كان اخير تخلوهو في الحاج يوسف !!!؟
انتو حقيقه قاصدين موقف الناس .. والا موقف الحافلات !!؟
ــــــــــــــــــــــــــــــــــــــــــــــ
والله ناس ولاية الخرطوم ديل شغالين شغل عجيب .. ياربي المستفيد من الموضوع ده منو !! .
هسي عليكم الله .. بدل امشي المشوار من شروني لاحدي وسط الخرطوم ما كان اخير مشوار من الحاج يوسف !!؟
اليوم الناس كلها سخط .. وزعل .. وناس مسخنه وتدعّي .. وناس تبرطم .. وناس (مساكين) لكن برضوا بيحاولوا يستفيدوا (ديل ناس برد .. شايلين مويه بارده "وكوزين" ومبارين الناس في الطريق الي وسط الخرطوم .. جيئةً وذهاب) .. برِّد برِّد .. والناس دمها فاير ومسخنه والجو شمش تشق الراس .. ومع كدي زهجانين .
:::::::::::::::::::::::::::
الحكايه انو الناس اتفاجأة (حقيقه اتفاجأ بعضهم) حيث ان الحافله ملياني علي طولا فيها نفر وااااحد بس العارف المقصله .. أقصد المكان المتجهين اليه .. "فد" زول من كل ركاب الحافله هو العارف انو الموقف تم تحويله من محله القديم الي ميدان شروني "تخوم نمره اتنين وتلاته" .. هنااااك اشلاق السكه حديد القديم .. الكسروهوا داك تعرفوهوا !؟ .
بس .. ودو المواصلات هناك .. والناس قرفانه .. واهل الحافلات مع الزهج قالوا نحنا مالنا ومال وجع الراس .. جوطه وشكل مع المواطنين ، ونقعد نشرح , ونقول للناس الموقف حولوهوا وشنو وشنو .. علي ايه !! وفوق كم !!؟ بلاها .. بلاش منها .. والموقف جيت بيهو قبل ساعه ما فيهو غير كم حافله بالعدد .. والناس مالي الموقف الجديد ,, والله حقيقه الموقف .. لكن موقف الناس ما موقف الحافلات .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة