الأخبار
منوعات سودانية
طالبة تستأجر شقة وتحيلها إلى (داخلية)!!
طالبة تستأجر شقة وتحيلها إلى (داخلية)!!
طالبة تستأجر شقة وتحيلها إلى (داخلية)!!


05-08-2013 05:25 AM
قامت طالبة جامعية باستغلال الشقة التي استأجرتها بأم درمان وأحالتها إلى داخلية.
وأكدت مصادر أن الطالبة كانت قد استأجرت الشقة لنفسها، إلا أنها قامت بإحضار (20) سريراً ووزعت إعلانات في الجامعة التي تدرس بها، بأن لديها داخلية، وقد أفلحت في جلب (15) طالبة إلى الشقة، مما أزعج سكان المنطقة، لتقوم صاحبة العمارة بتدوين بلاغات متهمة الطالبة باستغلال الشقة كداخلية، وسرقة سريرين وجهاز تلفاز من صاحبة العمارة، والإتلاف الجنائي. وأضاف المصدر أن الشرطة أوقفت الطالبة رهن التحقيق.

المجهر


تعليقات 26 | إهداء 0 | زيارات 9285

التعليقات
#660484 [كلمة حق]
0.00/5 (0 صوت)

05-08-2013 09:41 PM
ههه انا عندي شقتين شوفوها لي نعمل استثمار ما مشكله السراير بنشتريها تاني مطلوب شنو. بس السرير بقع بحساب كم في الليله او الشهر.. مشروع جيد زمان كنت فاكر ما بينجح الافي في الفلبين والهند ولكن ما دام دخل البلد موضوع السراير ده .. حيكون عز الطلب ومشروعنا بس فيها جبايات وغمتي ولا الشغل تحت ههه بلد معفنه


#660371 [ahmed]
0.00/5 (0 صوت)

05-08-2013 07:29 PM
مافي اي شي وكمان عاقلة ودايرة تدبر معيشتها ؟ اتنمني لها التوففيق


#660294 [nagatabuzaid]
0.00/5 (0 صوت)

05-08-2013 06:13 PM
حكاية عجيبة كان صاعن ماتخلوهن ويفكرن لاعاشة انفسهن ما تخلوهن افتكر ما فعلته الطالبة لاغبار عليه الا فى حالة ممارسات غير مقبولة مثلا هل هناك شباب يترددون على الشقة ؟ هل تظهر الطالبات بمظهر غير لائق لبسا ومظهرا ؟ هل عرضت احداهن نفسها على احد سكان العمارة ؟ هل طرقن ابواب شقق العمارة طالبات ماء او طعام وان كان دى مافيها حاجة بالنسبة للسودانيين .هل تقف سيارات امام العمارة او يحضرن بسيارات خاصة ؟ ان كان كل هذا لم يحدث فلا سبب لمعاملة الطالبة بهذه القسوة ..
اكيد البنية الايجار كثير عليها ويضغط على مصروفها واكيد ان هناك من يعانين من عدم السكن المناسب وهن كلهن من خارج الخرطوم . فقط كان على الطالبة ان تخبر صاحبة العمارة بان زميلاتها سيسكنن معها لكى لا تتهمها الاخيرة بالايجار بالباطن (لا اعرف مايطلق عليه ) ولكن اعرف انه يسبب مشاكل وعلى الطالبة ايضا ان تلزم زميلاتها بالالتزام بضوابط الجوار وعدم الدوشة والهرجلة وازعاج السكان وصاحبة العمارة اكيد عايزة زيادة فلوس لزوم سد الخشم ونصب نفسها مدافعة مستميتة عن الطالبة امام السكان وتكون حسبت الايجار ووجد ت الطالبة الشاطرة ربحانه اكتر منها وحسبتها بالفلوس ولم تضع فى اعتبارها نواحى انسانية اقلها ان البنية محتاجة لرفقة واخيرا جات فيها اتهام بالسرقة وصاحبة العمارة ان كانت مهتمة بالقيم ما كانت اجرت لبنت وحدها ونسال الله ان يجدن حلا وتتنازل صاحبة العمارة عن شكواها


ردود على nagatabuzaid
Qatar [ابوالتيمان(أبو احمد سابقا)] 05-08-2013 09:14 PM
ربى يزيدك من العقل اختنا نجاة ابوزيد كلامك سليم مليون فى المائة بس من يفهم


#660287 [عبدالمعين الله يعين]
0.00/5 (0 صوت)

05-08-2013 06:09 PM
انا كان عرفتها بطلب يدها للزواج دى حتكون امرأة مدبرة وعاقلة وسيدة اعمال ناجحة .............
....... السودانيون يحسدون النجباء


#660262 [mansour]
0.00/5 (0 صوت)

05-08-2013 05:44 PM
حاجه عاديه ومافيها حاجه وده حساده ساكت تلقاها من ناس صندوق دعم الطلاب اقصد صندوق نهب الطلاب


#660224 [بلدى ياحبوب]
0.00/5 (0 صوت)

05-08-2013 04:56 PM
الحبش والمصريين عادى البيت فيهوا 15 و20 بس عشان طالبات وسودانيات القيامة قامت جنس حسادة وعقد


#660176 [موسى محمد]
5.00/5 (2 صوت)

05-08-2013 04:19 PM
عادي جداً
الإيجار من الباطن من الممارسات المعهودة في بلادنا بس الموضوع محتاج لشوية تفاهم وتطييب خواطر، ولو كان صاحب العمارة رجل ربما تفهم وضع الطالبات، لكن العداء السافر بين النساء وبالذات بين العجائز منهن والشابات هو الذي دفع صاحبة العمارة لإفتعال هذه الشكلة.


#660158 [عبدالله]
0.00/5 (0 صوت)

05-08-2013 03:57 PM
ما فيها اي حاجة وعمل زول عاقل علي الاقل توفر مصاريفها الدراسية بنفسها وتريح اهلها وتوفر لنفسها الامن والامان...ولانها سودانية حفروا لها علما بان الاجانب يستاجروا الشقة نفرين وسكنوا معهم
مجموعة لاتقل عن30 او 40فرد في بيت صغير...الله معك يابنتي با شاطرة علم واستثمار ياريت لو كل بنات الاقاليم والمغتربين لهم فكر
استثماري مثلك....الله معك.


#660148 [سمير]
0.00/5 (0 صوت)

05-08-2013 03:51 PM
ياجماعة انتو شطارة كلكم متفقين . لكن الشكر للراكوبة التي نشرت هذا الخبر الجميل .


#660129 [المتغرب الأبـدي]
0.00/5 (0 صوت)

05-08-2013 03:27 PM
طالبة شاطرة .. إيجار شقة لشخص واحد صعب شوية .. لذلك المشاركة فيها تنفع وما فيها حاجة .. بس كان تخبر صاحبة الشقة أو العمارة ، مع وضع ضوابط صارمة للطالبات


#660069 [صلاح خلف]
0.00/5 (0 صوت)

05-08-2013 02:35 PM
برافو عليك طالبة وست اعمال مافيها اي غلط شطارة وتجارة


#660061 [السويد]
0.00/5 (0 صوت)

05-08-2013 02:29 PM
ده احسن حاجة عملتوها قبل ما تفتح ليها بيت عديل


#659986 [الاقرع النزهى]
5.00/5 (3 صوت)

05-08-2013 01:29 PM
فيها ايه دى ؟


#659959 [فرقتنا]
5.00/5 (1 صوت)

05-08-2013 01:09 PM
والل.والل.ه معظم المعلقين ناس شماتة ضع نفسك مكان الطالبة لو درست في زمن الانجاس وخصوصا لو كنت بعيد عن اهلك ح تتصرف كيف الموضوع حسب المنطق البسيط الطالبه ما ح تقدر تستأجر شقه والايجار شراكة بس طمع المؤجر هو الي طور الامور ولو ماعشتو الفقر ما تحكموا علي الناس ولو عشتوه ماتنسوا مع الود والتقدير لكل سوداني اصيل

تنويه عند التعليق كل موضوع بخص سوداني هو الاخ والاخت والجار والصديق وحتي الام والاب فلا تنسي انت سوداني حتي نستعيد قيمنا الفاضلة .....عذرا ان اطلت


#659928 [الله جابو]
0.00/5 (0 صوت)

05-08-2013 12:55 PM
ومالو الطالبة شاطرة


#659902 [سايكو]
0.00/5 (0 صوت)

05-08-2013 12:28 PM
فيها شنو لما تاجر الشقه داخليه !!!!!


#659900 [شوك كتاد]
5.00/5 (1 صوت)

05-08-2013 12:28 PM
مبروك . طالبة جامعيةسوف تخرج للحياة بعد ايام قليلة والان تتدرب فى ادارة الاعمال. من كل قلبى اهنئك فقط ارجو منك ان تحرصى على سمعتك


#659840 [كتاحة]
4.50/5 (5 صوت)

05-08-2013 11:49 AM
العسكرية تصرف


#659828 [زول ساكت]
5.00/5 (1 صوت)

05-08-2013 11:42 AM
كويس انها مش للدعارة ؟؟؟؟؟


#659716 [السوكى موكى]
5.00/5 (2 صوت)

05-08-2013 10:44 AM
حكم والله ,, جنس شطاره ,, لوخلوها كانت إشترت العماره


#659692 [Abdullah]
0.00/5 (0 صوت)

05-08-2013 10:33 AM
بلد بقت سايبه ساي


#659647 [سمير]
0.00/5 (0 صوت)

05-08-2013 10:07 AM
د بنغالية مستثمرة والله شنو ؟ البنغال الواحد يأجر شقة بأسمه ثم يؤجر الغرف الى بنغال ويربح الفرق . شوف الناس بتفكر كيف ؟


#659604 [alsudani]
5.00/5 (1 صوت)

05-08-2013 09:44 AM
يا ناس يعنى مافى حل للطلبة إلا تحت إمرة الكيذان
ورجال الأمن فساد وإغتصاب وغيره .. الإزعاج شنو ؟؟؟
هذه الطالبة عليها ان تضع ضوابط للطالبات يلتزمن بها
وحل جزء من المشكلة خير من عدمه
ما الكيذان قاعدين يستثمروا فى التعليم
ومافى حد أحسن من حد


ردود على alsudani
Saudi Arabia [السوكى موكى] 05-08-2013 11:40 AM
الكيزان مش الكيذان يا عوير !!!


#659603 [جمال محمد البشير]
1.00/5 (1 صوت)

05-08-2013 09:44 AM
ماخقى اعظم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة