الأخبار
منوعات سودانية
ندى القلعة : الناس مهمومين بأم روابة وليس بالعازف المفصول الذي دخل الغابة
ندى القلعة : الناس مهمومين بأم روابة وليس بالعازف المفصول الذي دخل الغابة
ندى القلعة :  الناس مهمومين بأم روابة وليس بالعازف المفصول الذي دخل الغابة


قالت إنه أهدى لي " دلوكة وتلاتة بنابر " ولن أنسى عزفه المتقن للدلوكة
05-08-2013 05:41 AM
خرجت الفنانة ندي القلعة عن صمتها بعد فترة طويلة ظلت تتعرض فيها لهجوم كاسح من عازف البيز علاء الدين أحمد الذي كان عضوا بفرقتها وتم الإستغناء عنه مشيرة إلى أن " للصبر حدود " وكشفت القلعة أسباب الإستغناء عن عازف البيز الذي رفض التعاون مع زميله عازف الأورغن " أشرف البوستة " ، وقالت أنها لم تمنح الأمر إهتماما في البداية مما دفع العازف في التمادي للإفتراء عليه في الوقت الذي كان فيه الناس مهمومين بأم روابة وليس بالعازف المفصول الذي دخل الغابة ، وقدمت ندى القلعة وثيقة بخط عازف البيز تؤكد أنها لم تستدن منه إي مبلغ من المال والخمسة آلاف التي تحدث عنها وقال أن إستدانتها منه ما هي إلا مجرد أمانة تركها بمكتبها واستلمها يوم الجمعة (3) مايو في الوقت الذي خرج فيه عبر الصحف يوم السبت (4) مايو مهددا بمقاضاتها إذا لم تعد له المبلغ الذي استدانته مشيرة إلى أنها ستتخذ الإجراءات القانونية في مواجهته لتشويهه سمعتها وكذبه الضار حتى يصبح عبرة للآخرين .

وأضافت ندي : " عازف البيز المفصول للأمانة مشكورا أهدى لي من قبل " دلوكة وتلاتة بنابر " وحتى لا يقول غدا أنني اشتريتها منه ولم أدفع ثمنها طالما أنه يتحدث عن ديون من مخيلته فها أنذا أعيد إليه دلوكته ومعها " البنابر التلاتة " وبإمكانه أن يأتي لإستلامها من صحيفة " فنون " ذات المنبر والمكان الذي بدأ فيه هجومه المضحك على شخصي وللأمانة وحتى أكون " حقانية " ومنصفة لن أنسى عزفه المتقن للدلوكة في بروفة بمنزلي بحضور الملحن عماد يوسف وفني الساوند بشارة والأخ صلاح العسيل والدرديري حيث أجاد " دق دلوكة " أغاني البنات بمهارة فائقة وأبدع في دقه لأغنية " الفي العصر مرورو " .

وأشارت القلعة إلى أنها ردت بتفصيل إكراما لفرقتها التي تصدت للدفاع عنها وكذبت إدعاءات عازف البيز وتقديرا لكل من أدلي بوجهة نظره في هذا الموضوع مؤكدة إغلاقها لهذا الملف نهائيا بقولها : " قلت العندي وقفلت الباب وماشغالة ب" العازف المفصول " ولو جاب كل هدومه الفي الدولاب " .

صحيفة فنون


تعليقات 97 | إهداء 0 | زيارات 20526

صفحة 1 من 212>
التعليقات
#689798 [التعيشي]
0.00/5 (0 صوت)

06-07-2013 09:10 AM
مستوي --غايتو الله يستر -- فنان بي دلكتو يقوم ويقم وندي والكورال بتاعها حاتين النبق --غايتو دا زمان الزقاق كان مفتوح عديل كلام زي دا وحاجات زي دي مافش-- والجماعه ديل اقترح يعملوا ليهم كمباوند بعد الوادي الاخضر عشان يعيشو حريتهم والداير يدخلو يدخلو لكن ما يطلع منو زول وناولوهم من بره كل احتياجاتهم انشاءالله من نيجريا--يمكن يطلعوا لينا جنس خامس بعدين


#688329 [عباس التحت اللباس]
0.00/5 (0 صوت)

06-05-2013 12:26 PM
هذا الزمن الفلاني في بلادي حين يتكلم الجهلاء


#687447 [ميمونة عثمان علي عثمان]
0.00/5 (0 صوت)

06-04-2013 12:32 PM
اسلوبك تعبان داير مستشفى عرفناك بتغني وعارفة معنى البتغنيهو كمان الكلام مابتعرفيهو


#675572 [shamsh]
0.00/5 (0 صوت)

05-25-2013 08:52 AM
الموضوع دا جدا خطير لان فيه اتهام لبعض ومافي زوال بيفهم الحاصل بالضبط شنو الا هم الاثنين عارفين موضوع خلافهم والافضل يجلسوا مع بعض ويحلوا المشسكلة الحاصلة دي بلامن اطلاق الاتهامات في الصحف ةتجريح بعضهم البعض .


#674407 [مواهب]
0.00/5 (0 صوت)

05-23-2013 03:38 PM
ياخوتى عازف الست نهيتو شنوالرجال فى السودان زادوه موىة لاشنو


#665022 [انين الصمت]
0.00/5 (0 صوت)

05-14-2013 02:50 PM
الله يرحم السودان الكان زمان..ومنصفة لن أنسى عزفه المتقن للدلوكة في بروفة بمنزلي بحضور الملحن عماد يوسف وفني الساوند بشارة والأخ صلاح العسيل والدرديري حيث أجاد " دق دلوكة " أغاني البنات بمهارة فائقة وأبدع في دقه لأغنية " الفي العصر مرورو " ... ولكون منصفة ايضا قمة الانحطاط وسوء الاخلاق وبزائة اللسان ما عارفة من وين انتي انك خصما علي المراة السودانية النموزج سوا كانت فنانة او موظفة او طالبة او ربة منزل ... ولكم سمعنا العجائب في زمن انهيار الاخلاق والقيم والسلوك


#661153 [kim kim]
0.00/5 (0 صوت)

05-10-2013 12:43 AM
لو سمحت كدى فهمنا جعليه دى تعنى شنو ؟
حتقول لى عربيه ماصله وجدها العباس اتمنى الكلام ده يتقال قدام
اردنى او يمنى اولبنانى او سورى او عراقي او دول الخليج العربى عشان تسمع
رد بعجبك انت و الجعلين امثالك ويعرفوك اصلك و فصلك على المظبوط
والتحيه لدار عجل لا اسف اقصد دار جعل .


#660541 [البعاتي]
0.00/5 (0 صوت)

05-09-2013 04:39 AM
" ولو جاب كل هدومه الفي الدولاب " ، يعني يرجع هداياك زي ما رجعتي لسهر دلوكته؟
الظاهر البنابر شويه أكون ما كفاية على بيتها الواسع


#660514 [اب احمد]
5.00/5 (1 صوت)

05-08-2013 10:59 PM
علي كتاحة الرد ( الناطقين بغيرها )


#660461 [اب احمد]
3.00/5 (2 صوت)

05-08-2013 09:08 PM
ياكتاحة الناطقين بغيرها


#660420 [مجدي]
5.00/5 (1 صوت)

05-08-2013 08:20 PM
تموت الحره ولا تاكل 00000!؟ انتهى الكلام


#660396 [انا سوداني]
5.00/5 (2 صوت)

05-08-2013 07:57 PM
ما قصرت رديتي واوفيتي وضارب الدولوكة الفيهو اتعرفت


#660387 [كاظم الغيظ]
5.00/5 (2 صوت)

05-08-2013 07:47 PM
المرة دي مالها طايحة في ضاربي الدفوف والدلاليك ومن ما جات من رحلة الشريف كلامها بقى ما ياهو.يكون من شنو؟؟؟؟؟؟؟؟؟؟؟؟؟


#660336 [أب قرن]
0.00/5 (0 صوت)

05-08-2013 06:58 PM
ندوية جعليةإنسانة مأصلة وبت قبائل طيبة وكريمة وتساعد كل من لجأ إليها و قلبها حاااااااااااار وما بترضى الحقارة وصبرت كتير على مثل هذه المهازل وقادرة على الدفاع عن نفسها وشرسة جدا إذا تعرضت للخطر ونحن كلنا معاها ويتقول لهؤلاء أنا المر وانا الشافوه خلوه وانا اللاكوه تفوه !!!!


ردود على أب قرن
[المصرى البائس] 05-09-2013 09:03 PM
يا أب قرن ,, إن شاء الله , أريتك بى قرن زى قرن الفذافى يا عواليق

United States [المحسي] 05-09-2013 07:01 PM
ومسمي نفسك اب قرن. خليها ندى القلعة انت جسنك شنو؟!! هي ندى القلعة بخشمها اللي بياكلوا الدوود قالت دنقلاوية من ابوها وامها محسية. تجي انت تقول جعلية. انت لا مر ولا شافوه خلوه ولا تفوه. انت جعلي مشمع ساكت ما قاطع ليك تذكرة..

United Kingdom [ودابوك] 05-08-2013 10:36 PM
جعليه و لا زنداويه في نهايه الامر سوقيه في زمن السوقيه و الرمم هم حكام البلد و مفصلين الزوق العام

[شطة خضراء] 05-08-2013 08:31 PM
أها خلاص قمتوا للقبلية تااااااني حسه الدخل الاصول في الموضوع شنو دي بزاءات و اساءات واضحة و كلام زول فاقد تربوي و ساقط و لا خلاص عشان هي جعلية الشينة المنكورة بقت ما منكورة ياخي قوموا غنكشحوا كرهتونا العيشة ذاتا


#660325 [um ahmed]
4.50/5 (2 صوت)

05-08-2013 06:46 PM
الاخوان الكرام 00 كتاحه وركابى 00 تحياتى لكما . اخوانى عاجزه عن شكركما لما قلتوه من حسن الكلام تجاه شخصى الضعيف . اخى الكريم00 كتاحه 00 والله انت كذلك اضافه رائعه للراكوبه دائما اتابع تعليقاتك ولك خفة ظل جميله ماشاء الله . اخى الكريم 00 ركابى 00 يسلم وجهك ان شاء الله . حديثك ريحنى شديد وخلانى ممكن اعلق بدون ما ايى احد يتصدر لى بالاساءات . اخوانى ربنا يعطيكم الصحه والعافيه وما يحرمنى منكم ودمتم


#660323 [mustafa]
0.00/5 (0 صوت)

05-08-2013 06:46 PM
for sorry this is my country sudan
no cmment


#660305 [بنت كسلا]
0.00/5 (0 صوت)

05-08-2013 06:27 PM
ياندويه اتلمى لقيتك واحده فارغه ماعندك موضوع


ردود على بنت كسلا
United States [moro] 05-08-2013 11:02 PM
كلامك صاح مية المية هزا زمانك يا مهازل فامرحى دى فاقد تربوى وساقطة قول وغناء


#660304 [علي]
3.00/5 (2 صوت)

05-08-2013 06:26 PM
والله الزولة دي شفتة عديل قدرت تنتقم من الزول بطريقة خبيثة جدا... اي حد بيقراء بين السطور حيفهم انه الزولة دي قاصدة توصل للقارئ رسالة مفادها انه الزول ده بيعرف يدق الدلوكة يعني ما ماكويس(بالمفهوم السوداني)
كيدهن عظيم.


ردود على علي
[كلمة حق] 05-08-2013 09:33 PM
ايوه عاضاهو النعجة قصدها.. وبتاع بنابر كمان هههه.


#660254 [عابد مختار المختار]
5.00/5 (1 صوت)

05-08-2013 05:36 PM
ليه انتم زعلانين ديل سادة المجتمع وكبرائه اما اصحاب العلم اقصد الصلع والنظارات السميكة الذين افنوا عمرهم في العلم والقراية لاحظوظ لهم يأكلوا تبن او يغادروا الوطن ليعش هولاء
اخر زمن تسود فيه المحن
منعوك ابوك دى بلد


#660241 [MHMD NOUR]
3.00/5 (2 صوت)

05-08-2013 05:12 PM
يا ندى انت والله ارتكبت خطا كبير باطلاقك لهذه الكلمات النابية ضد زميل كان يعمل معك لفترة طويلة وما تنسى انك فنانة والفنان يجب ان يكون ذو خلق وله مقدرة على تحمل الاخرين مهما بالغوا فى توجيه النقد لشخصه , الفنان يجب ان يكون كشجرة الصندل تعطر فاس قاطعها , الفنان يعطى الحب ويزيل الحزن من الاخرين , الفنان يجب ان يكون لبقا وزكيا ودبلوماسيا فى ردة على كل من عاداه , فمثلا لو قلت ( انه زميل كان يعمل معى وانا احفظ له حق الزمالة ولا يكن ان اسيئ اليه بمثل ما اساء لى لانى فنانة لى اخلاق ولى جمهور يحترمى ويحبنى وهذا يكفينى ) لو قلت هكذا لمات ذاك العازف كمدا ولزاد حب الناس لك .


ردود على MHMD NOUR
[السوكى موكى] 05-09-2013 09:05 PM
دى لو كانت فنانه يا عواليق


#660234 [abdo]
0.00/5 (0 صوت)

05-08-2013 05:06 PM
لاحول ولاقوة الا بالله ....العياذ بالله من الضلال ..انا يا اخوانا حنيت على بتاع الاورغ ولا الدلوكه ده والله .يعنى مافى داعى تتشاكل ليك مع واحده ممكن تقول اى شئ وخت شخيتين على اى شئ دى بالله ..وطبعا اخوكم مامستغرب من صحيفة فنون وانو ينادو العازف يحرشوه ويقول كلام وبكره كابو يرسل لندى تقول كلام زى السم وهو يتبسم ..دحين يا اخوانا بالمناسبه كابو ده ما كان زاكى ندويه دى فى موضوع انها بتمشى نيجريا للشريف الشريف بتاع العلاقه ماشخصيه عشان هى بتريد فنها ما الشريف ..عرفتو ؟؟ كنت بقول فى شنو أأأى اها دحين ماكان متشاكل معاها وبقول انو نحن مابنرضى لنسوانا يمرمطن بسمعة البلد ولا انا اتلخبط على ؟


#660223 [عازف عن العزف]
0.00/5 (0 صوت)

05-08-2013 04:55 PM
الحمد لله إعتزلنا الوسط الفني أنا وحنان النيل والجيلي الشيخ وعصام محمد نور و....ألخ من الذين هداهم الله.. ووالله العظيم ما متخيل الأمور ممكن تصل لهذا الدرك السحيق.. حسبنا الله ونعم الوكيل والعزاء موصول لكل الأخوة بالوسط الفني وأقول ليهم البركة فيكم.


#660214 [sudani harib]
0.00/5 (0 صوت)

05-08-2013 04:49 PM
هذا الكلام عبرة وعظة لكل راجل او من يمثل الرجولة ويقوم يقيف خلف فنانة او بنت يعزف ليها اعوذ بالله منكم وين الرجال معقولة زول كبير عاقل وراجل يهد الجبل يقيف وراء بنت تتراقص قدامه وهو مبسوط ويعزف بالله عليكم هؤلاء رجال ملعون ابوكى يا بلد وملعون المشروع الحضارى وملعون المؤتمر الوثنى سبب كل هذه المصائب والابتلاءات


ردود على sudani harib
Saudi Arabia [الخمجان] 05-08-2013 07:00 PM
انت الوحيد الفاهم صاحب التعليق الجيد دة راجل دلوكة وبدق الدلوكة وبت القلعة ضحكت عليه فى دق الدلوكة والمؤتمر الوطنى عاوز الشعب يبقى دلوكة ويدق الدلوكة


#660202 [حزين جداً]
0.00/5 (0 صوت)

05-08-2013 04:40 PM
ندي القلعة ماشاء الله جميلة ولابسة كويس و مهندمة ، ومهتمة بالأغاني ومجددة . وشغاله بزنس ممتاز .
وأسأل الله أن يهدينا جميعاً ...آمين .والوجه الصبوح في التوبة النصوح .


#660171 [اللورد]
0.00/5 (0 صوت)

05-08-2013 04:14 PM
أغلب الظن يجيب هدومو في الدولاب دي اكشن جديد .. يعني كلام شوارع جديد ... زي ما مرة علينا ... ماسورة ..وكان كا أكشن هسه الأخت الفاضلة والموقرة ندى بت دكتور محمد عثمان بقتها مقولة جديدة


#660164 [كركـــــــــــاب]
0.00/5 (0 صوت)

05-08-2013 04:04 PM
احسن كان تسكتى وتلوكى الصبر
اسى دا كلام بيكتب فى الجرائد وين على شمو
وكابو الوهم دا فاكر نفسة فى the sun البريطانية
كلامك دا يعتبر خصما عليك وبتأكدى على مستواك الاجتماعى والاخلاقى
ذكرتنى بواحدة على شاكلتى فى زقاق دوكة فى الحلة الجديدة مدنى
تقيف فى الشارع وباعلى صوت تخرج الدرر والمايشترى يتفرج
المشكلة ليست فيك المشكلة فى الاعلام و سفهاءالمجتمع


ردود على كركـــــــــــاب
United Arab Emirates [البعاتي] 05-09-2013 04:31 AM
قصدك واحدة على شاكلتها


#660157 [ابوبشبش]
0.00/5 (0 صوت)

05-08-2013 03:57 PM
الدلوكة بقنوا بيها اهلنا الجاعليين يعني ما عيب الواحد يمد رجل ويكرفس التانية وووووب علينا ويابنيينا وكده


#660155 [ناديه فضل المولي ادريس]
4.00/5 (1 صوت)

05-08-2013 03:54 PM
هذا هو زمن الانحطاط في بلادى
زمن الجهلاء والفاقد التربوى والأخلاقي
زمن ساميه ووداد واشراقه
كملوا باقي القصيده انتوا...!!!!!!!!


#660136 [ادم ضو]
0.00/5 (0 صوت)

05-08-2013 03:33 PM
والله انتي حلوه لكن المكياج الكتير ده بعشكبك وسجم وشك ساكت .. بعدين معظم السودانيات عويرات في استخدام المكياج بالنهار في عز الحرة المكياج مبالغ فيه وسارخ .. مكياج النهار دائما خفيف جداً في حالة المرأة تعمل في الخطوط الامامية .. زبدة الكاكاو مع الماسكره دون بدره واحمر فاتح وهادئ .. حتى السهرات الوحدة زي رقصات البالية.. تعلموا فن المكياج وكيفية استعماله .. وفي نفس الوقت انا شخصيا بشوف الميكاج للمرأة السمراء يقتصر فقط على الشفاة والرموش وخلاف كده مش خالي اصلا .. ندى انتي عسل عديل كده سودانية بكل التفاصيل


ردود على ادم ضو
Saudi Arabia [ود امدرمان] 05-08-2013 05:49 PM
ادم ضو
خليها تغسل وشها وتقابلك
(ركبه بس)


اقتباس:
زبدة الكاكاو مع الماسكره دون بدره واحمر فاتح وهادئ ..
ياحااااااااااااااااااجه لا

[بدور القلعة وجوهرة] 05-08-2013 04:57 PM
= يا الاسمك (آدم ضو)!!...قلت معظم السودانيات عويرات!!!
= ياخوى هوى...هوى...خليك من زبدة الكاكاو..انت فى بلدكم هنا فى زبدة كاكاو؟؟؟ياخوى سيب (الماسكارة) والمسخرة للنسوان..تعال راجع هنا أحجز أهلك التاما...السلامات...البرقد...بنى هلبة...المساليت...الفور...الحمر...الزرق...القمر...الرزيقات...المسيرية..اولاد كامل...أولاد حميد...وناس أبقى راجل وخور السكر وبجعاية وزليطاية وابو سعيفة وبرام وحفيرة سيفون وفنقلو ...ديل كلهم خاتنو قرض مع بعض...وديل يقتلو ديل بعد يوم واحد من الصلح...ياخوى تعال ليهم...هسع تلقاك 20 سنة ماشفتهم...خليك من مكياج الحريم وتعال شيل ليك صفيحة موية أسقى أهلك ديل الحرب بيناتكم قرضتهم
= قال (أنا شخصيا)!!!...بالله!! أها يا (ناعومى كامبل)!!
=قال (سارخ)!! يادوب عرفت قبيلتك..اسمها (صارخ)!!وماتكتب زى مابتنطق...الله صاروخ ال......!!


#660122 [أم رفاء]
0.00/5 (0 صوت)

05-08-2013 03:18 PM
ربنا يهدينا جميعا


#660105 [الشحمان مغسة]
1.00/5 (1 صوت)

05-08-2013 03:04 PM
I quote
"رفض التعاون مع زميله عازف الأورغن " أشرف البوستة "
معنى هذا الأمر أن الجوقة الموسيقية كانت ملخبته غناك في الآونة الأخيرة وانا أقول ليك فترة غناك مااااااا ياهو ...انتي كنتي مستحملة مشكلة عويصة يا فنانة يا أستاذة...أم هناك نوع آخر من التعاون خافياً عنا يحتاج من سيادتكم لتوضيح ...؟
شكراً أستاذة ندى وجعلك ذخراً للفن (والدلاليك) ... ولا حول ولا قوة الا بالله


#660082 [saif]
0.00/5 (0 صوت)

05-08-2013 02:50 PM
على الطلاق مافى غيركم انتو واهلكم وجيرانكم واصحابكم الادوها فرصة وكمان شوية الجرايد الفارغة الماعندها موضوع غير سفاسف الامور حاجة عجيبة انتوا على الاقل ياخى اتفرجوا وشاهدوا تلفزيونات العالم واقروا جرايد العالم شوفوا حالكم طوروا البلد اعملوا حاجة يستفيد منها اولادكم مش جارين على اخبار ندى القلعة وحواء كلتش وكلتوم الطيارة جاكم البلاء


#660081 [خيالو واسع]
5.00/5 (2 صوت)

05-08-2013 02:49 PM
داير افهم حاجة واحدة بس

يجيب كل هدومو الفي دولاب للمكوة يعني ولا الغسيل وعشان يشرهم؟؟


#660074 [زوبعة]
0.00/5 (0 صوت)

05-08-2013 02:38 PM
يعني كتكت


#660063 [um ahmed]
5.00/5 (1 صوت)

05-08-2013 02:31 PM
hoاخى الكريم 00 ود تلودى 00 حياك الله . والله اخى انا لا انصار سنه ولا ايى حاجه فقط مسلمه وبقوم بواجباتى الامرنى بها ربى . والله اصلى ما برضى الا الخير لايى سودانى وعمرى ما بدخل فى حاجات الناس لكنى شايفه الناس غير رضيانين عنها وانا كامراه مثلها لا ارضى لها عدم رضا ابناء بلدها عنها هذا فقط هو دافعى للكتابه واقول لك ترددت كثيرا بالاول فى الكتابه خوفا من مثل تعليقك هذا وسوء فهم قصدى . لكن نقطتك الاخيره لم افهم قصدك فيها لو سمحت ممكن تفهمنى قصدك بالضبط وهى 00 نحيى التوبه والتدين 00 ضرورى توضح لى ماذا تقصد بها . واذا تعليقى هذا اغضبكم اخوتى المعلقين جميعا انا والله بعتزر وبتاسف غاية الاسف . ودمت


ردود على um ahmed
European Union [كركبه شديده] 05-10-2013 02:54 AM
يا جماعة ... باركوها ... أم أحمد زعلانه من العازف الزعل ندوية ..
وندوية زوله فنانة و العازف عمل ليها كركبه و قال ما قال فيها ...
و من حقها أن ترد عليه بل أن تقاضيه ...طالما بادر بإلقاء التهم بشكل غير لائق .
بعدين يا أم أحمد الحساسية المفرطة في الراكوبة غير مطلوبة .. من حقك أن تعلقي دون حرج في راكوبتنا الجميلة و أمسحيها في وش ركابي الجميل ...و بالمناسبة الصحيح ( أعتذر ) و ليس أعتزر .

Saudi Arabia [كركـــــــــــاب] 05-08-2013 09:20 PM
تحية مسائيةالاخت الفاضلة ام احمد
ما تأخدى كتير براى الناس وما ترردى لان قبل كدة ذكرتى حكاية التررد
هى فكرة ورأى ومساحة حرة للتنفيس بما يجرى فى الوطن
واكيد قلمك الرصين كما عودتينا دائما سوف يطغى على الاخرين




ودتلودى اظنه لم يقصد سوءاً فيما ذكر
مرات كدة قاعد يشوت برة المرمى
واصلى والله ويفقك

Saudi Arabia [Abu Areej] 05-08-2013 09:03 PM
لك التحية ام احمد .. قرأت تعليقاتك وحقيقة قمة التهذيب واختيار الكلمات بعيداً عن التجريح .. وضرورية في هذا الزمن .. لك التحية والتقدير ولا تلتفتي الى التعليقات المحبطة وربنا يهدي الجميع..وبالتأكيد نصيحتك غالية جداً لن يستطيع اي شخص ان يقولها بهذا الادب..

United Kingdom [ركابي] 05-08-2013 04:58 PM
انتي حساسة شديد يااخت ام محمد ..من حق اي زول يقول رأيو طالما مابيمس العقيدة...
ماتزعلي ياخي وامسحيها في وش ركابي الشين ههههههههههه


#660051 [الشايقى]
0.00/5 (0 صوت)

05-08-2013 02:17 PM
عزف منفرد


#659962 [ابوطارق]
5.00/5 (1 صوت)

05-08-2013 01:13 PM
اليباري الجداد يمشي وييييييييييييييييييييييييييييين


ردود على ابوطارق
Saudi Arabia [تمر الفكى] 05-08-2013 03:19 PM
والسودان بقى كوشة كبيرة بسبب كترة الجداد

Saudi Arabia [ALZARGHAA] 05-08-2013 02:01 PM
الكوشه طبعاً .......... صاح ولا ماغلط ؟


#659890 [دبوس]
5.00/5 (1 صوت)

05-08-2013 12:19 PM
المسلسل السوداني سنين الضياع بطولة ندي القلعة وشيخ دفع الله


#659889 [شطة خضراء]
0.00/5 (0 صوت)

05-08-2013 12:18 PM
يا جماعة أنا أشم من وراء هذه العركة رائحة علاقة غرامية كانت بين الإتنين أو يكون المدعو علاء بتاع الدلاليك يكون مد ليها قرعتو و إنتو فاهمين قصدي ههههههههههههههههاي


#659887 [مقهور]
5.00/5 (1 صوت)

05-08-2013 12:16 PM
أتمنى من الجميع التفكير في وضعنا الراهن ولماذا أصبحنا هكذا ...جهل وفقر ومرض وسلطان جائر ..
((حديث من أمالكم سلط عليكم))
قال رسول الله صلى الله عليه وسلم :
يامعشر المهاجرين خمس اذا ابتليتم بهن واعوذ بالله ان تدركوهن

لم تظهر الفاحشه فى قوم قط حتى يعلنوا بها الا فشا فيهم الطاعون والاوجاع التى لم تكن مضت فى اسلافهم اللذين مضو

ولم ينقصوا المكيال والميزان الا اخذوا بالسنين وشده المؤنه وجور السلطان عليهم

ولم يمنعوا زكاه اموالهم الا منعوا القطر من السماء ولولا البهائم لم يمطروا

ولم ينقضوا عهدالله وعهد رسوله الاسلط الله عليهم عدوا من غيرهم فاخذوا بعض ما فى ايديهم

وما لم تحكم ائمتهم بكتاب الله ويتخيروا مما انزل الله الا جعل الله باسهم بينهم

صدق رسول الله صلى الله عليه وسلم رواه ابن ماجه والحاكم وقال صحيح الاسناد


#659882 [Tajo]
5.00/5 (1 صوت)

05-08-2013 12:13 PM
الجماعة بتاعين قرانفيل ماشين بعيد ليه ما كان يجاهدو محلي


#659872 [احمد م محمد عثمان]
5.00/5 (3 صوت)

05-08-2013 12:07 PM
يا أخوانا نحن مش في بلد المشروع الحضاري و الشريعة الاسلامية كيف يسمحوا لي ناس زي ديل يتكلموا بي اللغة دي حتي لو جاب هدوموا الفي الدولاب و الدولاب ده قاعد وين ؟؟؟ يا مسئولين والله حي وووووووب و قلنا الروووووووووب والله الواحد خايف علي اولاده في الزمن الاغبر ده البتصرح فيهو واحدة فاجرة و مافي رادع يحمينا من تفاهاتها دي .


#659870 [أبو وائل]
0.00/5 (0 صوت)

05-08-2013 12:07 PM
والله حرام الناس تنشر. فضائحها في أجهزة الاعلام ،ربنا يتوب عليكم ويهديكم


#659848 [اسدالهندكوش]
0.00/5 (0 صوت)

05-08-2013 11:51 AM
دكتوارة في دق الدلوكة ههههههههههههههههههه


#659846 [ليدو]
5.00/5 (8 صوت)

05-08-2013 11:51 AM
( فها أنذا أعيد إليه دلوكته ومعها " البنابر التلاتة " وبإمكانه أن يأتي لإستلامها من صحيفة " فنون ) !!!
يعني الدلوكة والتلاتة بنابر هسة مع هيثم كابو !!! والله عرفتي محل تختيهم يا ندى !!


ردود على ليدو
Saudi Arabia [كركسي] 05-09-2013 07:56 AM
ههههههههه ههههههههه والله قطعة قلبي من الضحك ياليدو

Saudi Arabia [عابر سبيل] 05-08-2013 06:36 PM
ههههههههههههههههه عجييييييييييييب ياليدو

Saudi Arabia [حلومر] 05-08-2013 03:17 PM
حلوة و قوية و ملعوبة يا(ليدو ) - تحياتى .


#659845 [عصمتووف]
0.00/5 (0 صوت)

05-08-2013 11:50 AM
للأمانة مشكورا أهدى لي من قبل " دلوكة وتلاتة بنابر " *** يومية العازف معلومة(عداده) ما المناسبة ليهديك دلوكة و3 بناير *** وغير دق الدلوكة هل يجيد العزف عزف الحلاوة والمساج وطبق البوخة علي حسب قولك بوحتي بأشياء وتركتي أشياء


#659842 [ود بورسودان]
4.75/5 (3 صوت)

05-08-2013 11:50 AM
اللئيم يجفو إذا استعطف ، ويلين إذا عنف .
- اللئيم لا يتبع إلا شكله ، ولا يميل إلا إلى مثله .
- اللئيم يدرع العار ، ويؤذي الأحرار .
- اللئيم يرى سوالف إحسانه ديناً له يقتضيه .
- اللئيم إذا احتاج إليك أجفاك ، وإذا احتجت إليه عناك .
- اللئيم يعلي همته فيما جني عليه من طلب سوء المكافأة .
- إياك أن تعتمد على اللئيم ، فإنه يخذل من اعتمد عليه .
- اصعب المرام طلب ما في أيدي اللئام .
- اللئيم إذا أعطى حقد ، وإذا أعطي جحد .
- إذا حللت باللئام ، فاعتلل بالصيام .
- إذا بلغ اللئيم فوق مقداره تنكرت أحواله .
- إذا زادك اللئيم إجلالاً فزده إذلالا .
- دولة اللئام مذلة الكرام .
- دول اللئام من نوائب الأيام


#659804 [طه]
0.00/5 (0 صوت)

05-08-2013 11:26 AM
لا حول ولا قوة إلا بالله حسبي الله ونعم الوكيل على هذا الزمن الاغبر الاشتر وفعلاً احذر لسان ...... ندى القلعة وإياك اعني يا هذا


#659801 [um ahmed]
5.00/5 (1 صوت)

05-08-2013 11:24 AM
الاخت ندى القلعه . السلام عليك ورحمة الله وبركاته . اختى لا احب ان ادخل فى خصوصيات الناس . ومنذ فتره اتابع الاخبار عنك ولا ترضينى كسودانيه اولا ثم امراه مثلك ثانيا . احب ان اوجه لك نصيحه لوجه الله تعالى وارجو ان تتقبليها منى وبدون زعل اختى العمر بمر والدنيا زائله والصحه والجمال الذى تتمتعين به اليوم ربما تفقديهما فى ايى لحظه لان دوام الحال من المحال . والموت اتينا فى ايى وقت . اختى اود منك ان تتركى هذا الطريق الوعر وتتجهى لله سبحانه وتعالى فهو مراقبك فى كل صغيره وكبيره . ادعو الله لك صادقه ان يهديكى للطريق الصحيح . وارجو ان تتقبلى كلامى لانى امراه سودانيه مثلك لا اريد لك الا الخير . اذا زعلك حديثى انا اعتزر لك


ردود على um ahmed
Sudan [كتاحة] 05-08-2013 03:32 PM
الاخت ام احمد ما تتعبي نفسك في نصح ندى دي خلاص وصلت مرحلة عدم الحياء

خارج الموضوع
ظللت اتابع تعليقاتك منذ ان بدأتي التعليق و لم اجد سوى التعليقات المهذبة و المختصرة و التي تصيب كبد الحقيقة ... انت اضافة رائعة لكوكبة معلقي الراكوبة

India [big man] 05-08-2013 02:54 PM
جمال منو يا ام جمال

Sudan [ود تلودي] 05-08-2013 12:58 PM
شنو يا اختنا شكلك كده بقيت انصار سنه عديل كده / نحي التوبه و التدين


#659795 [ابو فارس]
0.00/5 (0 صوت)

05-08-2013 11:22 AM
الفن هو السموء بالنفس البشرية والزوق العام .. وبعد كل ما قرأناه من قول هذا العازف وهذه الندى هل يجوز ان يطلق عليهما لقب فنان او فنانه ؟؟؟!!!! ألا رحم الله وردي وعثمان حسن والكاشف وكل الرعيل الاول من المبدعين الذين اثروا وجدان الشعب السوداني ..,,,,


#659792 [أبو عكاز]
4.00/5 (3 صوت)

05-08-2013 11:20 AM
أتى كلامك تعريض ( مطاعنة بلغتكم ) خاصة لدى ذكر نوع الهدايا و إجادته لعزف الدلوكة للإيماء بمعنى تقصدينه ... كلاكما تجاوز حد الأدب فى التعامل مع الآخر و التعامل مع الإعلام ... أتعتقدين أن أحداً سيصدق أنك مهمومة بأم روابة ؟ ... أيعتقد المدعو / علاء أن أحداً سيصدقه أنك إقترضت منه هذا المبلغ الزهيد ؟ ... نصيحة لوجه الله ( إحترما الشهرة التى بلغتماها )


#659791 [الكلالي]
4.50/5 (3 صوت)

05-08-2013 11:20 AM
المدعوه ندى أفترت على شنو ما عارفين لا أدب لا أخلاق لا سترة لا شهادات ولا اي مؤهل يا كافي البلا غير اللون الزلطتو بالكريمات والكشكشة بالدهب والحنن والتياب ما عندها شئ وياها عقليتها وتفكيرها القسمو ليها ربنا. أخير ليك تقعدي في الواطة دي يا مرة يا ما بتخجلي لأنو مال الحرام مصيرو الزوال والصحة والعافية العاجباك البتخليك تتجدعي كدي وتطلعي في رقبتك وضرعاتك ما دايمة يا ما ناس زي الحصين وآخر غرور ضربهم مرض بين ليلة وضحاها أصبحوا في خبر كان. إذا أغرتك الحياة ومتاعها الرجاء النظر إلى القبور يا خايسة زي ما بقولوا الخليجيين


#659783 [سوداني]
5.00/5 (3 صوت)

05-08-2013 11:15 AM
بالله عليكم ده زمن بنابر الزول يطلع من بيتهم ماضامن الرجوع الموت تحت أقدامنا بدل كلامكم المايفيد بشي وإنما يؤخر كان كتبتوا آية ولا حديث بنابر صحيح الإختشوا ماتوا إلهي إليك فوضنا أمرنا ..


#659782 [بيكانتو]
5.00/5 (1 صوت)

05-08-2013 11:15 AM
" ولو جاب كل هدومه الفي الدولاب " .

؟.....؟؟؟

؟؟؟!!!!!!!!
!!!!! ؟؟؟؟

ياربى الموضوع شنو

؟؟؟؟ !!!!!
!!!!! ؟؟؟
عزف وبس


ردود على بيكانتو
Saudi Arabia [22] 05-08-2013 12:11 PM
حكاية غريبة فعلا

هدوم و دولاب ما باقي الا تقول لينا غرفة نوم


#659771 [سوداني]
0.00/5 (0 صوت)

05-08-2013 11:08 AM
يارب عليك بهم


#659766 [كتاحة]
5.00/5 (5 صوت)

05-08-2013 11:04 AM
غايتو ندى ( القالعة ) دي عندها علعلة عجل بس

ترجمة لغير الناطقين بها
العلعلة ( بضم العينين و تسكين اللام الاولى و تشديد الثانية ) هي الشحم المدلدل تحت الفك الاسفل
وفوق الحنجرة


ردود على كتاحة
United States [JOHN] 05-09-2013 07:10 PM
هو في دب قطبي ماعندو علعله.....مازيها وزي فردتها السيدة الأولي.....

[المسافر وحيدا] 05-08-2013 12:20 PM
ههههههههههههههههه والله يا كتاحه كتلتها كتل ......... الله ينور عليك ياخي والله لي زمن ما ضحكت


#659740 [صقر السماء]
0.00/5 (0 صوت)

05-08-2013 10:54 AM
اسي كدة كويس يا علاء بيز ( طلعت صوت الكديسة) . شوف ليك موضوع جديد ( إن كيدهن عظيم)


ردود على صقر السماء
[سمر] 05-08-2013 07:30 PM
قول علاء دلوكة


#659725 [الزول]
5.00/5 (2 صوت)

05-08-2013 10:47 AM
وردى , ابراهيم عوض , زيدان . خوجلى عثمان , عثمان حسين , الشفيع , الجابرى , الخالدى , محمد أحمد عوض , نادر خضر , محمود عبد العزيز , والقائمة تطول ذهبوا وتركو الساحة لمثل هؤلاء , هذه أرادة الله .... مافى واحد ود رجال يخش فيها بدفار يرحنا منها ,,, نعلت الله عليك فى الدنيا والآخر يا ساقطة .


#659721 [محمداحمد حسن اوشي]
5.00/5 (1 صوت)

05-08-2013 10:45 AM
ياهو ده السودان ؟؟؟؟؟؟؟؟؟؟؟؟؟؟؟؟؟؟


#659712 [المصرى البائس]
5.00/5 (1 صوت)

05-08-2013 10:42 AM
والله إنت يا ندى ماعندك أدب ولاحياء ,, للاسف ,, بل صرت مثل ترباس ,, لسانكم زفر الاثنين ,, قاتلكم الله يامفسدين ,, إستحوا ,, وأرحمونا بصمتكم ,,



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة