الأخبار
أخبار إقليمية
الرأس الدبلوماسي يعلن عن تبرع بمبلغ مليون يورو دعماً لمشاريع التنمية في الصومال
الرأس الدبلوماسي يعلن عن تبرع بمبلغ مليون يورو دعماً لمشاريع التنمية في الصومال
الرأس الدبلوماسي يعلن عن تبرع بمبلغ مليون يورو دعماً لمشاريع التنمية في الصومال


05-09-2013 06:45 AM

لندن (سونا)
أعلن السيد علي أحمد كرتي وزير الخارجية عن تبرع السودان بمبلغ مليون يورو دعماً لمشاريع التنمية في الصومال .
جاء ذلك في الكلمة التي ألقاها أمام المؤتمر الدولي بشأن الصومال بلندن قائلاً إن الحكومة الصومالية تحتاج لدعم المجتمع الدولي لاستدامة السلام في أراضيها داعياً الى ضرورة مخاطبة الأسباب الحقيقة للمشكلة .
وشدد الوزير على أهمية مساعدة الصومال في استغلال سواحلها بالصورة المثلى وأن يساعد المجتمع الدولي في ايقاف الصيد الجائر في سواحل الصومال .
واستعرض الوزير الدعم الذي ظل يقدمه السودان للصومال حيث قدم أكثر من عشرة ألف منحة مجانية للطلاب الى جانب المساعدة في تدريب الشرطة والقوات المسلحة وتقديم مساعدات في مجال الصحة وغيرها .


تعليقات 16 | إهداء 0 | زيارات 2462

التعليقات
#661343 [المرضي]
0.00/5 (0 صوت)

05-10-2013 10:23 AM
لابس سديري و صلبو عريان !!!!!!!!!!!!


#661236 [ناديه فضل المولي ادريس]
0.00/5 (0 صوت)

05-10-2013 03:41 AM
لم يكن ماقدمه الكيزان باسمنا السنوات الماضيه وحتي الآن للشعب الصومالي المسكين ولكن كل ماقدموه
كان لدعم حركة الشباب الاسلامي الصوماليه الارهابيه وللقراصنه ولازال الكيزان يقومون بغسيل أموالهم القذره والمنهوبه عبر صرافات الصوماليين المنتشره في قلب الخرطوم (صرافة باب المندب ) مثالا والتي لديها مكاتب حتي في كل المدن الامريكيه وغالبية العواصم الاوربيه وبعلمهم وتحت رعايتهم والحكاية مجوبكه شديد فافهم ترتاح ولن تتعجب ايها القارىء العزيز وماأعلنه الرأس الدبلوماسي الغبي الا بتعليمات من امريكا والدول الاوربيه لزيادة علامات الاستفهام في رؤوس الجهلاء والبهايم والفاقد التربوى!!!!!!!!!!

كسره : انتو ثروت قاسم اليامات دى مختفي وين ؟


#661148 [azizbrka]
0.00/5 (0 صوت)

05-10-2013 12:35 AM
شكيتك لله كذاب منافق حرامي الله يلعنك


#661121 [حمدان الجامعي]
0.00/5 (0 صوت)

05-10-2013 12:06 AM
يا فضيحتك يا يا بلدنا على كرتي بتبرع بسمك وفي لندن كمان بمليون يور. الزول دا ما لقاء غير لندن ألفيها الإعلام العالمي مفنقل عيونه على أخبار بلادنا وكمان كرتي يدعوا المتبرعين ليتبرعوا للصومال يا ربي داوزير خارجة السودان ولا الصومال ؟؟؟. ولا ينس كرتي يذكرهم ويذكرنا بهذا : (الذي ظل يقدمه السودان للصومال حيث قدم أكثر من عشرة ألف منحة مجانية للطلاب ) يا سودانيون الدعم مستمر من حكومتك الرشيدة للصومال وفي نفس الوقت الحكومة السودانية تشكوا لطوب الأرض عدم وفا المانحين بالتزاماتهم طيب يا ناس المشروع الحضاري مش في الأول توفوا انتم بالتزاماتكم اتجاه شعبكم قبل ما تتبرعوا بمليون يور للصومال ما تشوف حال المستشفيات وغلاء الدواء والغاز كرتي قال كلام خارم بارم كتير. والله كلام شتان بين عشرة ألف منحة دراسية لطلاب الصومال وكم منحة غرق لطلاب دارفور في جامعة الجزيرة قمة العدل . والله ما عادلت يا مؤتمر يا وطني وأنت تتبرع بمال السودانيين وأكثرهم محتاجين. بعدين بالله تأني في مانح يمنح السودان دولار أو يور إذا كان السودان بتبرع بمليون يور لماذا يتبرع له المانحون بالله عليكم المليون يور مش أولى بهم النازحين من أب كشولا وضواحيها


ردود على حمدان الجامعي
[ناديه فضل المولي ادريس] 05-10-2013 03:30 AM
حمدان ولدى كلامك في الصميم واسمح لي ان أضيف ليهو بأن السودان لم يقدم للشعب الصومالي شيئا يذكر وكل ماقدمه الكيزان كان ولا زال لأرهابي الصومال في حركة الشباب الاسلامي وقرصانتها ولازالت تقدم لهم الغطاء اللوجستي في داخل السودان من خلال السماح لهم بغسيل اموالهم من خلال الاقتصاد السوداني المنهار اصلا !!! اذهب الي الخرطوم ستجد هناك اكثر من صرافه تخص حركة الشباب الاسلامي السوداني كل موظفيها من الصوماليين وفي قلب الخرطوم وعلي رأسهم صرافة باب المندب وهي اغني الصرافات في السودان ولا أبالغ اذا قلت انها حتي أغني من بنك السودان ذاتو !!!!!!!!!!!!!!!!


#661054 [مواطن موجوع]
0.00/5 (0 صوت)

05-09-2013 10:47 PM
شر البليه لا يضحك


#660778 [الهلالي]
5.00/5 (1 صوت)

05-09-2013 05:53 PM
اتقي الله يا كرتي الناس احوج ما تكون لقرش واحد وليس ملايين. فلماذا تتبرع واهل الناس اكثر حوجة من اهل الصومال ومن ثم من اعطاك الاذن للتبرع فهذا مال الشعب والله سائلك يوم القيامة ونحن شهود على ذلك... فمنذ وطات قدماك ارض الخارجية فانت كرت خسران لا يجب اللعب بك ابدا


#660772 [واحد قرفان جدا]
5.00/5 (1 صوت)

05-09-2013 05:44 PM
شر البلية ما يضحك.... عريان و لابس صديري .... قرف اقرفكم يا ابالسة.


#660755 [صوت الحق]
0.00/5 (0 صوت)

05-09-2013 05:28 PM
لاحوله ولا قوة الا بالله الشعب السوداني لاقي يأكل عشان يفيض خيرو على الشعوب الفقيره التانيه والله حكم شر البليه ما يضحك كان المليون يورو دي أولى بيها الشعب السوداني البقى الاغلبيه منو تحت خط الفقر الما لاقي يشتغل عشان يوفر لقمة العيش الكريمه والله الحكومه دي كل يوم بتثبت انها في عالم وشعبها في عاااااااااااااااالم تاني.



علامة استفهام:

فهموني ياناس السودان بقى من ضمن الدول الغنيه ونحن ما عارفين بعد شويه احتمال نتبرع لي امريكا هههههههههههههههههههههههههههههههههههههههههههههههههه


#660751 [مع الحق]
5.00/5 (1 صوت)

05-09-2013 05:26 PM
ياناس الراكوبة الخبر دا حقيقي لو حقيقي حاسي بي صداع الله يستر علينا من امراض القلب ....الزيت لو ماكفي ناس البيت يحرم علي الجيران ...ماعارف اقول شنو ذاتو .....


#660708 [سودانى منفرج الأسارير]
0.00/5 (0 صوت)

05-09-2013 03:20 PM
(1) يا وزير الماليه يا صاحب الحيشان التلاته...ويا محمد الخير يا بن الزبير يا من اشتعل راسك شيبا:
اليس فيكم من رجل رشيد ؟ طيب .. اذا عندكم فائض قدر دا تتبرعو بيه للصومال ولضريح ملس زيناوى وتحفزو بيهو الأهلى المصرى عشان يلاعب المريخ لتكريم ود الوالى وغير ذلك من التصرفات اللى تستوجب الحظر عليكم بسبب هذا البذخ ولعجزكم (الذى ناء بكلكل) عن توفير الدواء المنقذ للحياة.. يعنى باقى ليكم المانحين اللى بتجتمعو معاهم فى اركان الدنيا السبعه عندهم قنابير!! منتظرنهم يكونو من العبظ زيكم ان يقطعوا من قوت ابناء بلادهم وتنميتها ويتبرعوا لدارفور والسيسى ونيام ومن لف لفهم لتمويل تسفاراتهم حول العالم؟ الحكومه دى ليه تعلن عن كذبها كل صبح جديد!! بتجيب يوروهات ودولارات التبرعات دى من وين؟
(2)*لو كانت التبرعات للصومال وغيرها من الدول المسكينه المحتاجه بالسودانى ( المأشّر - على حد قول ابناء بمبه) كنا نقول ان مصنع العمله نازل سك وطباعه .. لكن بالدولار واليورو! دا اللى يصعب فهمو بس الله يستر ما تكون الحكومه بتعمل زى ما سأل مسؤوول الضرائب التجار الما دفعو الضرائب -ايام مايو الظافره- عن رايهم فى كيف الحكومه بتقدر تقوم بالتزاماتا نحو تقديم الخدمات للناس اذا هم ما دفعوا الضرائب..!!!


#660680 [مركوب نمر]
5.00/5 (1 صوت)

05-09-2013 01:17 PM
كاااااااااااك .. والله صحي شر البلية ما يضحك!!

السودان فيهو قرابة الأربعين مليون مواطن ومواطنة كافلاهم المنظمات الدولية بتأكلهم وبتشربهم .. في دارفور وجنوب كردفان والنيل الأزرق .. وسيادتو بيتبرع بي مليون يورو للصومال؟؟ صواميلك بالتحلجها ليك بركة الله!


#660665 [alsudani]
4.00/5 (3 صوت)

05-09-2013 11:58 AM
هذا أما أن يكون توجيه من التنظيم العالمى للأخوان
او نهب معلن ولا يستطيع أحد متابعته
بعدين الرئيس الأمريكى لا يستطيع إعطاء مال بدون
التصديق عليها من مجلش الشيوخ والنواب
البشير ده نصدقو كيف بدون مراقبة وكمان كرتى
تاجر


#660619 [بدون مجاملة]
1.00/5 (1 صوت)

05-09-2013 08:47 AM
اي تبرع يا كرتي واي مشاريع تتكلم فيها اصلا السودان ما قادر علي تنمية بلادة ونهيك عن دعم الصومال


#660593 [karlos]
5.00/5 (2 صوت)

05-09-2013 07:56 AM
قدم أكثر من عشرة ألف منحة مجانية للطلاب الى جانب المساعدة في تدريب الشرطة والقوات المسلحة وتقديم مساعدات في مجال الصحة وغيرها .

انتو القوات المسلحة السودانية البدربها منو؟؟؟


#660592 [مغتربه ومكتويه بنار البلد]
0.00/5 (0 صوت)

05-09-2013 07:53 AM
طبعا عربون


#660589 [kokomomen]
0.00/5 (0 صوت)

05-09-2013 07:46 AM
قائلاً إن الحكومة الصومالية تحتاج لدعم المجتمع الدولي لاستدامة السلام في أراضيها داعياً الى ضرورة مخاطبة الأسباب الحقيقة للمشكلة .

تعليق: المثل بيقول "غلفه وشايله موسه تطهر"، أولا إنتو خاطبوا الأسباب الخقيقية لمشكلة السودان وحلوها ثم حلوا مشاكل الأخرين. فاقد الشيئ لا يعطيه ياسجم.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة