الأخبار
أخبار إقليمية
منشور من داخل المؤسسة العسكرية- التيار التصحيحي لوضع القوات المسلحة
منشور من داخل المؤسسة العسكرية- التيار التصحيحي لوضع القوات المسلحة
منشور من داخل المؤسسة العسكرية- التيار التصحيحي لوضع القوات المسلحة


05-09-2013 07:17 AM
بسم الله الرحمن الرحيم

منشور من داخل المؤسسة العسكرية- التيار التصحيحي لوضع القوات المسلحة

نحن ضباط وضباط صف وجنود القوات المسلحة السودانية العاملين بالخدمة أدينا قسم الولاء لحماية بلادنا وشعبنا السوداني العظيم و قد حفلت القوات المسلحة عبر تاريخها بصفحات ناصعة البياض بقدراتنا القتالية وبسالتنا في جميع المعارك التي خضناها داخل وخارج البلاد والتي فاقت تصور العدو قبل الصديق و كبار الخبراء العسكريين في مجال القتال الميداني والكفاءة العسكرية في جميع الدورات والكوراسات في اعرق المعاهد والكليات العسكرية العالمية.

أصبحت القوات المسلحة محسوبة علي هذا النظام الذي تسيطر عليه عصبة من المنتفعين الذين يتاجرون باسم قواتنا المسلحة لمصالحهم الخاصة وحماية انفسهم. وفي ظل هذا الوضع المزري في البلاد صارت مؤسستنا العسكرية القومية يقودها اقزام ليست لديهم ابسط مؤهلات القيادة العسكرية امثال المدعو عبد الرحيم محمد حسين وهيئة قيادته الذين حولوا ذلك السجل الحافل بالكفاءة والبطولات الي هزائم وسخرية تمثلت في إستباحة ارض بلادنا ارضاً وجواً المتلاحقة في شمال البلاد وشرقها واخرها دخول العدو حتي عاصمة البلاد الخرطوم وتدمير مصنع اليرموك لتصنيع الذخيرة والصوارخ علي مرأي و مسمع من قيادتنا الهزيلة والإتجار بصفقات السلاح الفاسدة كما حدث في صفقة المدرعات و العربات المصفحة فاقدة الصلاحية والتي اثرى منها وزير الدفاع وهيئة قيادته بجانب الضربات المتلاحقة من قوات التمرد او ما يسمي بالجبهة الثورية بغرب البلاد.

تحت هذه القيادة تعاني قواتنا المسلحة من نقص مريع في المعتدات والعتاد والتدريب والتأهيل. و لم نشترك طيلة قيادة المدعو عبد الرحيم محمد حسين للقوات المسلحة في تدريبات مشتركة مع وحدات خارجية لإكتساب الخبرة والتجارب العسكرية الحديثة لاننا لا نملك الإليات والمعدات العسكرية المتطورة ويعود ذلك لعدم الإمكانيات المالية التي امتلأت بها جيوب وزير الدفاع وهيئة قيادته بدلاً من صرفها في تطوير وتدريب القوات المسلحة وجلب الإليات والمعدات الحديثة لنتمكن من القيام بواجبنا في حماية وطننا و مواطنينا، ونصبوا قيادات بلا مؤهلات أو تخصصات عسكرية لها القدرة والمعرفة والدراية لقيادة جنودنا البواسل في المعارك والإنتصار فيها.

كما أصبح التذمر داخل مؤسستنا العسكرية ظاهراً وواضحاً مما جعل وحدات عسكرية تتمرد على قيادتها وترفض الإنصياع لاوامرها وآخرها إنضمام مجموعات مسلحة بكامل عتادها من الضباط وضباط الصف والجنود للقتال مع قوات التمرد في الجبهة الثورية وقابلت قيادتنا هذا الوضع بفصل وعزل الرافضين لهذا الوضع المأساوى الذي آلت اليه مؤسستنا العسكرية ومنهم من ينتمي الي الحركة الإسلامية.
ونحذر قيادتنا أن هذا الوضع المذري لقواتنا المسلحة لن يستمر طويلا وللصبر حدود ونحمل الرئيس القائد الأعلي لقواتنا المسلحة ووزير دفاعه ما آلت اليه الأوضاع في المؤسسة العسكرية و ان الحال قد ضاق بنا وقد بلغ السيل الذبى ولا عذر لمن انذر ونحن الرجال البواسل اذا عزمنا فعلنا.

والله المستعان
التيار التصحيحي لوضع القوات المسلحة


تعليقات 51 | إهداء 0 | زيارات 18700

التعليقات
#661781 [الجمبقلى]
0.00/5 (0 صوت)

05-10-2013 11:42 PM
الضباط الحقيقيين لا يكتبون مثل هذه الترهات انما يحملون سلاحهم ويحركون دباباتهم وجنودهم

ويستلمون السلطه ويعتقلواالرئيس وكل الوزراء والقيادات المدنيه المنتميه للمؤتمر الوطنى.

بيانكم هذا بلوه واشربوا مويته


#661543 [القعقاع السودانى]
0.00/5 (0 صوت)

05-10-2013 04:13 PM
اسلوب البيان ركيك ولكنى استبشر به خيرا اذا كان الضباط الذين صاغوه يدركون الوضع وقد قدروا موقفهم ووضعوا خطه مدروسه بدقه شديده لأنهم يواجهون تنظيم ليس بالهين ومتشبس بالسلطه حتى لو اصبحت البلاد خرابه واقول لهم انتم الامل الوحيد لهذا الشعب العظيم الذى اذلته الانقاذ طوال مايقرب من ربع قرن وقد ظنوا انهم امتلكوا كل شئ ولكنها قواتنا المسلحه التى لم نفقد الامل فيها فى يوم من الايام سيروا للامام تحفكم دعوات الامهات والاباء والاخوان والاخوات ودعم اخوانكم خارج الخدمه بكل ما يملكون من ارواح ومال وخبرات سابقه لن تكونوا وحدكم فى الميدان توكلوا على الله ولا تترددوا ...


ردود على القعقاع السودانى
[القعقاع السودانى] 05-11-2013 12:53 PM
الاخ /جلباق يقولون (لم يجدوا فى الورد عيب فقالوا أحمر الخدين)انا تحدثت عن الاسلوب ولم اتطرق لأخطاء املاءيه وبعد نقد الاسلوب ذهبت الى لب الموضوع وتحدثت عنه مشجعا لهم عكس ما فعلت انت فلم تكتب شئ عن الموضوع واكتفيت بتصحيح الغلطات الأملاءيه افادكم الله!!!!!!!!!!!!!!!!

[جلباق] 05-10-2013 08:59 PM
الأسلوب إن كانت به غلطات نحوية أو إملائية لا يضير لو تم إيصال الفكرة, و شايفك كاتب ( متشبس ) و الصحيح ( متشبث ) و معظم الإخوة المعلقين يخطئون . أقول هذا لأنه قد كثرت حكاية نقد الأسلوب بالركاكة في التعليقات . يا جماعة إلتفتوا للمهم


#661542 [ابو حمدى]
0.00/5 (0 صوت)

05-10-2013 04:12 PM
يا ابقوا رجال انقذوا البلد كلوا من هذه العصابة ياروحوا في ستين الفيل قاعد وزير الدفاع وزير الدفاع اطعنوا الفيل يذهب وزير الدفاع الي الجحيم................ وينك يا ابو عاج شلت الرجالة معاك كان تخلي لينا عشر العشر من رجالتك ماكان دا حالنا رحمة الله عليك


#661503 [adil a omer]
0.00/5 (0 صوت)

05-10-2013 03:01 PM
يعنى حيستوردوا ديش من الصين


#661454 [سوداني ود لد]
0.00/5 (0 صوت)

05-10-2013 01:05 PM
اي تيار انتم
لو "اسلامين" برضو
خليكم في سكناتكم
حتي لو حتسلمو السلطه للشعب
التغير بالانقلاب العسكري خطوه للوراء
!!


#661423 [المهندس]
0.00/5 (0 صوت)

05-10-2013 12:09 PM
منشور بدون اسماء انتوا قايلننا نحن ناس ما بنفهم ولا شنو

فعلا منشور ضعيف ولا يمد اي صله لي القوات المسلحله والقوات المسلحه اصلاء مافيها ضباط احرار تم تسيس الضباط
لكن هناك رعب دخل الكيزان ومتوقعين حاجه حتحصل لكن ما فهمنها شنو


#661419 [هرون الرشيد]
0.00/5 (0 صوت)

05-10-2013 12:03 PM
الجبن عار والشجاعة هيبة للمرء ما اقترنت به الازمات
لماذا كل هذا الجبن ألم يحن ان نخرج للعلن ونقول لا والف لا
من هم تيار التصحيح في القوات المسلحة
نعرف ان للجبهة الثورية قائد اسمه عبدالعزيز الحلو
ولكن مقال مبهم وبهذه الطريقة الجبانة لا نريد منكم اصلاح
واي اصلاح تنشدون اصلاح الوطن ام وضع القوات المسلحة
فلتذهب ((القوات المصلحة))ان لم ينصلح حال البلد
امبراطوية البشير ونافع يجب ان تزول وانتم الآن خدام الامبراطور
ووزيريه فقط احموهم ان شئتم او اتركوهم بكرامة
المنشور ناقص ناقص مالم يمهر باسماء وإلا ادفنوا رؤسكم في الرمال
التغيير آت آت رضيتم ام ابيتم الموت بكرامة افضل من الحياة بزلة
لا تسقني كأس الحياة بزلة بل اسقني بالعز كأس الحنظل
كأس الحياة بزلة كجهنم وجهنم بالعز اطيب منزل


#661381 [حسين البلوي]
0.00/5 (0 صوت)

05-10-2013 11:16 AM
منشوركم ضعيف وجبان ضعف وجبن ضباط الجيش السودانى فان المشكلة ليست فى عبد الرحيم محمد حسين وجنرلاته من قيادات الجيش المشكلة ياضباط فى النظام الاسلامى الذى اتى بهم ولا خايفين من الاعدام رميا بالرصاص العميد عثمان حامد كرار لم يهاب الموت وهو الرجل العالم المفكر خريج اعرق الجامعات الامريكية ثار من اجل حقوق شعبه مواجها الموت بعد ان رفض المغريات من دولة خليجية ليكون مستشارا عسكريا براتب وامتيازات مغرية جدا انه مات من اجلكم انتم ايها الضباط .


#661319 [حريه]
0.00/5 (0 صوت)

05-10-2013 09:21 AM
هذا هو الجيش السوداني الذي نعرفة(قوات الشعب المسلحة) ولكن المناشير لا فائده منها ولا تغير واقعنا المزري الذي نعيشةالآن,أطيحوا بهم ونحن كشعب من خلفكم ونشد من أزركم ولا نامت أعين العصابة الجبانة.


#661297 [هبوب الليل]
0.00/5 (0 صوت)

05-10-2013 08:22 AM
دا كلام كاتبه واحد أمنجي لجس النبض.


#661162 [ســـــارى الــلـــيـــل]
3.50/5 (2 صوت)

05-10-2013 12:58 AM
كان لنا قوات مسلحه نفخر و نتفاخر بها و كانت مصنع للرجال وتاريخ ناصع بالبياض بالبطولات فى الجبهة مؤازرين ومدافعين عن مصر التى احتلت اراضينا اليوم وهذا رد الجميل .
قانون القوات المسلحه المعدل فى العام 2007 م صمم لحماية الحركة الاسلامية و ليس لتكوين قوة دفاع السوان كما نعرفها واليكم بعضا من هذا القانون المهين و الذى لم يطبق على ارض الواقع .
اولا تكوين القوات المسلحه و هياكلها .
القوات المسلحه قوات نظامية قــوميــــة التكوين احترافيه وغير حـــزبــيـــه تشكل من السودانين الذين تنطبــق عليهم شروط الالتحاق بها دون تــمــيــيـز بســبب الـجــنـــس او الــديــن او الـــعــرق ؟
اهــداف و واجبــات القوات المسلحه .
القوات المسلحه السودانية قومية التكوين والهدف ولاؤها لله وللوطن وتكون لها المهام و الاختصاصات الاتيه .
حماية سيادة البلاد والدفاع عن النظام الدستورى ؟ معدل
حماية سيادة البلاد والدفاع عنها فى مواجهة التهديدات الحارجيه و الداخليه ؟ معدل
تأمين البلاد و احترام سيادة القانون و الحكم المدنى والديمقراطى وحقوق الانسان ؟
الدعوه للتدين والاخلاق والقيم وتقوية روح الوحده والولاء والوطنيه بين افرادها ؟
الوطن مستباح و محتل و جنود الهنا يقتلون اخوتهم اهذا هو جيشنا ؟
العنصرية فى الالتحاق و اعفاء جميع من لا ينتمى الى قبائل بعينها ومن بقى منهم يكون بايع لاهله يعمل ضدهم ويفتك بهم و يتجسس عليهم ؟
عليه تياركم يا جنود الوطن لن يصحح و لن يساهم فى وقف الدمار الذى اصاب الوطن الا اذا خرجتوا من الهيمنه والبرمجه والتحكم فيكم بالريموت كونترول و تلقيمكم من المال المنهوب وتوفير كل متطلباتكم وانتم سعداء و هانئون .


#661161 [الدش]
4.00/5 (1 صوت)

05-10-2013 12:55 AM
رجعنا للمربع الاول - ونفس السيناريو اللي قالو البشير قبل مايقارب ال 24 سنة - ياهولاء فكونا - الجيوش في العالم الثالث هي آفة الشعوب - وهي سبب البلاوي كلها بتدخلها في السياسة - والله يعطي الدكتور عدلان الحردلو عندما قال بان الجيوش في افريقيا هي سبب التخلف


#661146 [شعب جاهل]
4.00/5 (1 صوت)

05-10-2013 12:33 AM
دة بيان من قوات المؤتمر الوسني .القوات المسلحة السودانية البنعرفها سرحوها من زمان .ثلاثة وعشرين سنة اقسمها علي اتنين لتعرف كم دفعة تخرجت من الكلية الحربية تابعة للنظام. اكثر من عشرة دفعات تخرجت يعني من رتبة ملازم حتي لواء تبعهم وين القوات المسلحة هنا.خرخرة ضباطهم هذه الايام بسبب عبدالرحيم غشاهم بالاسلحه الفاسدة والحوافز بقت مازي زمان وبعد وقف ضخ النفط الحرامية الكبار حصروا باقي القروش عليهم وده عمل ململة عند الجبهجية الصغار والضباط ناس قريعتي راحت وجايبنهم من الاقاليم وخرجوهم من الكلية وبحبحوا ليهم في الاول ولما البلد حالها وقف مع السلاح الفاسد بدات الخرخر شي كيزان في مناصب دستورية وشي كيزان في الجيش وشي في الاقاليم ولسة الايام الجايه الانقسامات حاتزيد بسبب الفلس والحسد من بعضهم البعض


#661087 [مواطن]
0.00/5 (0 صوت)

05-09-2013 11:23 PM
يا جماعة انحنا ما عايزين بيانات اذا جادين تحركوا وقوموا باعتقال كل الفاسدين من العسكرين والمدنين واولهم جهاز الامن والمخابرات قبل ما يلموكم زي القبلكم.


#661073 [عصمتووف]
0.00/5 (0 صوت)

05-09-2013 11:04 PM
والله المستعان
التيار التصحيحي لوضع القوات المسلحة **(فرع السائحون)**

احدي مناشيرهم لخلق مزيدا من البلبلة والخوف وسط اخوان العفاريت * لغة الخطابات العسكرية تختلف عن هذه اللغة الركيكة اشم رائحة السائحون يقولون للحكومة معانا الجيش ح نحركة متي من نريد


#661065 [منى الفاشر]
5.00/5 (1 صوت)

05-09-2013 10:59 PM
ياربى الجيش السودانى ده مهمتو شنو ؟؟؟؟؟ نحن مافى دولة جات حاربتنا طيب ما يكون فى شرطة وبس ؟ بعدين يوم ماسمعنا بيان من الجيش يقول نحن دايرين نصحح الوضع طيب حارسين شنو ؟؟؟؟؟؟؟؟؟؟؟؟


#661063 [nagatabuzaid]
3.50/5 (2 صوت)

05-09-2013 10:56 PM
صبحوها بكرة مقلوبة نحن حاضرين لكن البيانات دى ما بتخارج معانا واظنكم عرفتم راى

الناس فى الراكوبة راى الراكوبيين هو راى الشعب السودانى بس اقلبوها لكن بكرة ما بعد بكرة

تلقونا تب معاكم


#661032 [jempower power]
0.00/5 (0 صوت)

05-09-2013 10:22 PM
نشوف والكضب حدو قريب


#661006 [بومدين]
0.00/5 (0 صوت)

05-09-2013 09:50 PM
الـفضـل مـن الـشـعـب .. قـطـيـع مـن الـحـمـير الـمـغـفـلة ؟؟؟..
أين كــنتم طـوال ربــع قــرن .. خمســة وعـشـرون عــامـا حســومـا ؟؟؟؟ ..
مــاعــاوزين حـاجـة إسـمهـا قــوات مـسـلـحـة ســودانية .. لأنهـا مـافيشــــه !!!!..
يجــب تســريـح هــذة الـمـليشـيات .. الـفـضـلـت !!.. طـردهـا مـن الخـدمـة ، تجـريدهـا مـن الـرتب ، إحـالـة قــادتهـا للجنائية الـدولـية .
الـفضــل مـن الســودان .. أرض شـــبه صــحـراوية .. مـهـددة بالـزحـف الـصـحـراوي ..
نحــن مـحـتاجـين لأي مـلـيم .. لـمـكافـحـة التصـحـر ، والمـرض ، والـتخـلـف ، والجـهـل .
عـلينا إعــلان مـافضــل مـن الســودان منطـقة .. حــياد إيجــابي ، وعــدم إنحــياذ ..
لا أحــد يطمــع فـي جــيفة مهــترئة ، مـعـفنة ؟؟؟
أذهـــيوا إلـــي الجـحـيم . وإلــي المحكمة الجـنائية الـدولـية .. مـكانكـم الـطـبيـعـي ..
قـال .. تيار تصـحـيحـي .. آل .


#660983 [محمد]
5.00/5 (1 صوت)

05-09-2013 09:28 PM
واضح ان من يعملون فيما تبقى من القوات المسلحة وحتى الضباط جميعهم حركة اسلامية منذ دخولهم الكلية الحربية حيث انهم جميعا الموجودون الان انضموا للجيش بعد 1989 حيث كان الاختيار بالولاء والانتماء لهذا الحزب الماسوني والا لما بقي هؤلاء الاوغاد اللصوص حتى اليوم

ولن تستطيعوا ان تفعلوا شيئا قد يكون في بعضكم الضمير والصدق لكن منزوع المخالب والانياب

والسواي ما حداث

راجين شنو ؟؟؟


#660958 [المتجهجه بسبب الانفصال]
5.00/5 (1 صوت)

05-09-2013 09:03 PM
يا جماعة أنسوا حاجة اسمها القوات المسلحة فهي اولا لم تعد مؤسسة وطنية،،، وثانيا تدخلها في السياسة هو ما افسد علينا الاستقرار السياسي ثلاث مرات فكيف تتوقعون منها القيام بتصحيح الوضع والحركات التصحيحية دي رحم الله ناس هاشم العطا لما كانوا عايزين اصححوا ما كتبوا بيان ولا يحزنون قاموا بالتصحيح فورا وبطريقة عسكرية وهم مدركون لمغبة ذلك،، أما هؤلاء الكيزان الذين يحاربون الشعب من وراء جدر مثلهم ومثل اليهود فلن نقبل منهم اي تصحيح ونشك في صحة تصحيح الشهادة السودانية نفسها في عهد هؤلاء المجرمين ،،، الذين لا يعرفون المواجهة وانما التخفي وراء اللافتات السياسية والاقتصادية،، بالله شفتو جنس الزيف العايشين فيهو ناس المؤتمر الوطني فهم في المناسبات العامة يعملوا فيها ما راضين الحاصل وتحت تحت شغالين شيء تجسس وشيء تحسس وشيء سرقة وشيء كمشنات هل بالله في زيف اكتر من كدة أن يعيش الواحد وهو يحاول يخدع نفسو وهو عارف في غرارتها انه على خطأ وشايف حالة ناس بيتو وجيرانوا وقرايبو والبؤس الذي يعانونه ورهق الحياة والتهب والمرض والمعاناة ومع كل هذا ترضى له نفسه الدنيئة الانتساب او الدفاع عن حكومة المؤتمر الوطني والعمل معها هؤلاء أناس فقدوا الانسانية والحس والضمير وبعد كل الذي فعلوه ويرونه رأي العين يدعون أنهم جماعة الله التي اختارها لحكم السودان بإسم الدين،، والله يا جماعة الواحد وصل مرحلة لا يحقد ولا يكره فيها ناس المؤتمر الوطني ولكن اصبح يرثي لحالهم لأنهم يذكرونني بالذي رأى سراب بقيعة ظناهو موية ولما وصل ليهو لقاهو رهاب وضيع في سبيل الوصول لهذا الرهاب كل شيء أهلوا وعشيرتو وبلدو وقيموا واخلاقوا واصبح مجرد مسخ يمشي على قدمين ،،، لو كان الزيف رجلاً لكان المؤتمر الوطني ومنتسبيه ومسئوليه، والمؤسسة العسكرية احدى جهات هذا الزيف فمن دفعة 1990 كل الرتب تنتمي للمؤتمر الوطني يعني حتى رتبة عقيد أو عميد في ظل الترقيات السريعة ،، اضافة الى انه بعد الانشقاق بينهم فصلوا من اخوانهم الموالين للشعبي 16 الف من افراد الشرطة والجيش ،،، هذا حدث بينهم بالتالي هل يتركوا الاخرين في الجبش ،، يا جماعة أنسوا اي حل يجيء من (الديش) لأنوا الديش ديشم ،،،


#660917 [كاظم الغيظ]
5.00/5 (6 صوت)

05-09-2013 08:06 PM
أشك تماما في وجود حاجة اسمها تيار تصحيحي وده كلام مفبرك وذر رماد في العيون وغثاء سرعان ما يذهب جفاءً.وجود تيار تصحيحي مع كلاب وضباع الأمن الذين يفوق عددهم مجموع القوات الأخرى مجتمعة في العاصمة. بعدين المنشور ده الكتبو منو؟؟ والوقعو منو ؟؟ وسلمو لمنو؟؟ ولو فعلا ده حصل تفتكروا حيصبح عليهم صباح؟؟ واذا كان المنشور كتب في سرية متناهية أحسن حاجة المصححين ديل يشيلوا ليهم جير وبوهية ويكتبوا في الحيطان زي الخفافيش بتاعين زمان.لا بالله ما احسن تضربوا عن الطعام وترقدوا في شارع الزلط. العساكر الجد جد بتاعين دواس وكوماج والحاكم البظلمهم بغربلوهو بالجبخانة وانتهينا


ردود على كاظم الغيظ
United States [دوشكا] 05-10-2013 11:26 PM
اتفق معك في عدم وجود تيار اصلاحي تحت مظلة الحلاق عبد الرحيم الذي ابعد معظم الضباط الوطنيين الذين لا يعجبهم اسلوب قيادته للجيش .. و الامثلة لا تحصي و لا تعد .. و يا حليل ناس ابو كدوك عليهم الرحمة .


#660898 [ali alfred]
0.00/5 (0 صوت)

05-09-2013 07:47 PM
جيش شوية خرده مكومه لا فعاليه لها الا ضد المواطنين, مثل هذا الجيش لا فائدة منه , بل ضرره على الشعب السوداني أكبر من نفعه.نظام سفاح دارفور بدأ يلهث وسيناله التعب والوهن وانفضاض المخدوعين, وانشقاق الأحرار, وبعدها سيحين قطافه بكل سهولة.


#660867 [عادل السناري]
3.00/5 (2 صوت)

05-09-2013 07:06 PM
اقصر طريق لازالة الانقاذ و تصحيح اوضاع الجيش السوداني هو الانضمام الي الجبهة الثورية -- و يمكن كتابة وثيقة خاصة بهيكلة الجيش السوداني و القوات النظامية الاخري و تطرح للتداول و النقاش حولها مع اطياف المجتمع السوداني و من ثم اعتمادها كخارطة طريق لتنفيذها بعد سقوط الانقاذ -- و هذه الوثيقة العسكرية يقوم باعدادها الضباط و الجنود انفسهم داخل الخدمة و خارجها ( الخبراء المحاليين للصالح العام ) -- لتكون القوات المسلحة اول مؤسسة قومية يتم اصلاحها لتاكيد قوميتها و جعلها صمام امان لوحدة السودان و اقلها ان تكون مثل الجيوش في دول الجوار مصر - تونس - الجزائر -اثيوبيا --الخ .


#660819 [70%ماشه ليكم تاني شنو نسوي ليكم!!!]
0.00/5 (0 صوت)

05-09-2013 06:29 PM
كتار من ابان كروش وعمارات مشتركين!!! ماعمو عبدو براهو!!! وبعدين عبودي ماكمان مشارك مشارك ماقلتوهو ليه!!! وماتبقو ذي فريق المريخ كلما تغلبتو عايزين تغيرو الكوتش!! بزعل منكم!!!


#660794 [ابو طارق]
3.25/5 (3 صوت)

05-09-2013 06:08 PM
نعم والف نعم لانقلاب من داخل المؤسسه العسكريه ولكن سحقا لما يسمون انفسهم بالجبهه الثوريه


#660786 [مراقب]
4.50/5 (4 صوت)

05-09-2013 06:02 PM
التحية كل التحية والاحترام والتقدير والنصر لمقاتلي الجبهة الثورية اصحاب القضية الحقيقيون الذين يقاتلون بكل اصرار وعزيمة ونية صادقة من دون كلل او ملل ومن دون ان ياخذوا مرتبات وبدل عمليات وحوافز وميز مصلح من اجل نصرة قضايا الشعب والخزي كل الخزي والعار والهزيمة والانكسار للمؤتمر الوطني ومءسسته العسكرية الذين دخلوا اليها من اجل المرتبات وبدل العمليات والحوافز والنثريات وبدلات التمثيل وخلافه اي انهم اجراء ومرتزقة وعملاء للنظام ضد الشعب وما هذه المجموعة التي تسمي نفسها بالتصحيحية الا امتداد لسابقاتها ليس لديهم ادنى اهتمام بمصالح الشعب وادنى ذرة من الانتماء للقومية السودانية قال تمثيل خارجي !!قال هو انتو حلايب القريبة منكم دي ما قادرين تتكلموا فيها ساكت ماشين معاهد برا لشنو يعني لزوم سياحة وزيادة صرف امشوا في ستين داهية كلكم من طينة واحدة ومافي فرق بينكم


#660784 [مع العدالة]
0.00/5 (0 صوت)

05-09-2013 06:00 PM
الجيش السودانى سبب البلاوى والكفاوى الحاصلة فى البلد ده احسن حاجة يسرحوكم ويدمجوكم فى المجتمع المدنى لكن بشرط اولا يودوكم التجانى الماحى تهخدوا ليكم كهرباء شوية ويودوا وزيركم اللمبى باشا العوير ده برنامج الصلات الطيبة لتاهيل المعاقين عقليا


#660770 [kamal]
0.00/5 (0 صوت)

05-09-2013 05:43 PM
The ncp army is lead by Nafie,Altyeb Mustafa,Issahaq Fadalla and many others who put the military uniform and the do not look like soldiers.


#660760 [Shah]
5.00/5 (1 صوت)

05-09-2013 05:32 PM
هذا المنشور لا يتطرق لمعاناة الشعب وفقره وحرمانه من العلاج ولا يتطرق لمن قتلوا غدرا من الشباب الابرياء. انه فى الغالب من صنع جهاز الامن ليبرر به طرد بعض الضباط الغير موالين من الخدمة.


#660725 [ودالناموسية الغرباوى]
1.00/5 (1 صوت)

05-09-2013 04:24 PM
القوات المسلحة السودانية لها تاريخ حافل بالانجازات فى ميادين المعارك ومعروفة لكل الجيوش العربية والافريقية من انتم حتى تسخرو منها ايها المعلقين فى هذا المقال اجانب انتم ام املاء ؟
ومهما يطيل الزمن ستبقى القوات السودانية هى الحارس الوحيد لارض الوطن . خلونا من حاجة اسمها جبهة ثورية وحركات مسلحة كرهتونا بها السودان .
ثم ثانيا كل من حمل السلاح له متطلبات خاصة بة وحملة من اجل نفسة وليس لشعب السودان . انظرو لافعالكم التى تمارسونها مع الشعب وخير دليل الهجوم على ام روابة وابو كرشولا (وزى ماقالو الجمل لايعرف عوجة رقبتو )وبعد ده كلو تسيعوا للجيش الوطنى


ردود على ودالناموسية الغرباوى
United States [ودالبلد] 05-10-2013 01:09 AM
عفيت منك يا الغرباوي سوداني صح


#660702 [sudani harib]
5.00/5 (1 صوت)

05-09-2013 02:53 PM
مجرد هراء وضحك على العقول


#660689 [المشتهى السحينه]
5.00/5 (2 صوت)

05-09-2013 01:40 PM
الاخوة فى التيار التصحيحى للقوات المسلحه .اطلع المشير والرئيس الدائم على بيانكم وتأسف للحال التى وصلتم اليها من عدم تدريب وعدم تسليح .ووجه بأن نذكركم بأنه لا يعتمد عليكم فى حماية عرشه ودولته فى السودان ( الفضل ) . وان البلاد تحرسها السماء والملائكه وأجهزة الامن .ويذكركم ايضا بأن الجيش السودانى الذى ورثناه من الانجليز تم حله بالتدريج .. وان الاعتماد اصبح على المجاهدين الذين يقاتلون بأى قطعة سلاح املا فى دخول الجنه التى لن تشموا رائحتهاابدا بعد اصدار بيانكم هذا ..


#660684 [مدحت عروة]
5.00/5 (1 صوت)

05-09-2013 01:20 PM
القوات المسلحة لمن تتدخل فى السياسة وادارة البلاد بتتدهور وتفقد هيبتها وتقاد بالشعارات وليس بالاسلوب العسكرى العلمى وتدخل فيها الشلليات والفساد وتدار بالولاء قبل الكفاءة ودايما ما تتجنب الاحتكاك او محاربة الدول الخارجية المحتلة لاراضى الوطن او المعتدية عليه جوا او بحرا او ارضا وما يكون عندها شغلة غير محاربة ومطاردة معارضى النظام!!!!
اى ابله وغبى وجاهل وما دخل مدرسة او امى عارف الكلام ده!!!!!
عدم اطاعة الاوامر واعتقال قادة الانقلابات واجب فى القوات المسلحة المحترفة والشريفة والبتحب الوطن مش تقعدوا تقولوا لينا ان القوات المسلحة لازم تطيع الاوامر!!!! تطيع الاوامر فى حالات الاشتباك مع اعداء الوطن الداخليين والخارجيين فى ظل حكومة مدنية منتخبة!!!
السودان محكوم لاكثر من 45 سنة بالانقلابات العسكرية ومعهم بعض المدنيين العواليق وما شاف استقرار سياسى ولا حلت مشكلة كيف يحكم السودان!!!!
فبالله اتركوا امر السياسة للمدنيين وامشوا شوفوا شغلكم الا تدعوكم الحكومة المدنية لحفظ الامن الداخلى وبعد داك ترجعوا ثكناتكم!!!!!
وطبعا تكونوا ممثلين فى منظومة الامن القومى ودى مافيها كلام!!!!


#660683 [سوداني]
5.00/5 (1 صوت)

05-09-2013 01:19 PM
تلقاه تنظيم فيه 3 ضباط ومتقاعدين والكتب البيان شخص مدني لان العساكر مابيعرفوا يكتبوا بيانات سياسية ومابيقدروا يعملوا شي والجيش انتهي زمان وبقي مليشيا في يد البشير وجماعته والجيش البنعرفه اتصفي باالاحالة للصالح العام والتشريد وزي ما قال قرنق الجبهة الاسلامية اكبر عدو للجيش السوداني.


#660674 [ود الجبهة الثورية]
1.00/5 (1 صوت)

05-09-2013 12:55 PM
اذا كان هذا البيان صدر بالفعل داخل القوات المسحلة فان السودان سيكون فى موعد جديد عما قريب


#660659 [alsudani]
5.00/5 (2 صوت)

05-09-2013 11:36 AM
نريد أن نفهم ما هى عقيدتكم القتالية
ونريد أن نعرف تطلع ضباطكم لحكم البلاد
نريد أن نعرف قتلكم لبعضكم البعض
نريد أن نعرف فائدتكم لشعب أنتم قتلته
وكيف تقود جهة ما من المدنين إنقلابا بأسمكم
هذة قوات مسلحة ضلت الطريق الوطنى
الرجاء من الخردة النافعة منكم الإنضمام للجبهة الثورية
مشكورين


ردود على alsudani
Sudan [اhamid] 05-09-2013 03:05 PM
نريد أيضا أن نعرف أين قاتلتم خارج السودان فأنتم لم تقاتلوا إلا الشعب السوداني


#660647 [ابو محمد]
5.00/5 (2 صوت)

05-09-2013 10:40 AM
قال قوات مسلحة قال وين كنتوا عندما ضرب اسرائيل بورتسودان مرتين ولما المصرين اخذوا حلايب عنوة وحاصرون اخوانكم من الجنود فى حلايب وين هذا الجيش ذو النخوة عندما اخذت الفشقة اين الجيش من انتهاك الاعراض والفساد الذى اصاب البلاد والعباد اظن كفاية تبادل ادوار والضحك على الدقون انتم مجرد اللعوبة فى ايدي النظام . الوطن لايهمكم ابدا شبعنا من هذه الاسطوانة المشروخة . الامل فى شعبي وقريبا سنسمع صوته يهد الجبال ويرهب من سرق حريتة وارادته قريبا جدا ..


#660645 [العمبلوك]
4.75/5 (3 صوت)

05-09-2013 10:33 AM
جزء من الحرب النفسية وجهاد الكيبورد


#660644 [ياسر عبدالصمد عبدالله]
2.00/5 (1 صوت)

05-09-2013 10:33 AM
ليس كل ما يتمناه المرء يدركه كان نود ان يكون هذا البيان صحيحا ولكن تبين انه مضروب بحديثه عن المشاركة في التدريبات الخارجية وتركه هم الوطن الذي صار يكون او لا يكون


#660643 [على كرار]
3.75/5 (3 صوت)

05-09-2013 10:31 AM
ألإخوة فى"التيار التصحيحى" تحية و إحترام,يعنى القائد ألأعلى و وزير دفاعه لو أدوكم العتاد و التدريب و زادوا الماهية يبقى خلاص مافى قضية و كله تمام يا أفندم؟ القضية أكبر من ذلك بكثير,القضية قضية وطن,هل بكرة نجده أم لا نجده.مافى و قت لمزكرات و نقة فى الراكوبة,أرفع سلاح و هجوم على جحور الفئران و الشعب وراكم,نحن فى إنتظار البيان ألأول.


ردود على على كرار
Sudan [سوداني وبعاني] 05-09-2013 05:32 PM
عفيت منك يا ود الكرار الكلام انتهي وده المختصر المفيد زاتو


#660638 [Adrob]
5.00/5 (1 صوت)

05-09-2013 10:05 AM
صباح الخير الآحباب في الراكوبة،

بيان فطير ويعبر عن حجم الأزمة التي تعاني منها قوات المؤنمر الوطني. قال القوات المسلحة السودانية

القوات المسلحة خلال ربع قرن من الزمان تحولت الى مليشيا الحزب من خلال الفساد والافساد والتسريح

والفصل يا حليل زمن القوات المسلحة. لابد من اسقاط النظام، من ثم اعادة هيكلة الدولة من ضمنها

أكيد القوات المسلحة. والآن سيبوكم من البيان الفطير داوالتحقوا بالجبهة الثورية هم أيضا اخوانكم

سودانيين أخذوا على عاتقهم تغيير ما وصل اليه السودان. وثورة حتى النصر


#660628 [محمد خليل]
4.75/5 (3 صوت)

05-09-2013 09:29 AM
عمر البشير الدلوكة لن يسمع لصوتكم و اذا عرف من أنتم فلن يتوانى فى سفك دمائكم، لا أدري لماذا يتمسك ب عبد الرحيم محمد حسين الدلاهة وزيرا للدفاع، يبدو أن الاثنين عقولهم مغيبة و قد يكون السبب أن البشير يريد وزير دفاع ضعيف الشخصية مهزوزها لا يفكر فى عمل انقلاب ضده ووجد ضالته فى العوقة عبد الرحيم محمد حسين الخايب.


#660627 [خالد حسن]
4.96/5 (8 صوت)

05-09-2013 09:27 AM
ياربي الكلام ده لاقاني وين قبل كده ؟
امممممممممم
ايوا اتذكرت نفس الكلام القالوا البشير في بيانه الاول ونفس كلام النميري في بيانه الاول ونفس كلام عبود في بيانه الاول
كلهم ركبوا مكنة عدم تسليح وتجهيز الجيش بالعتاد والعده مما الحق به الهزائم في الجبهات ( الداخليه طبعا ) لانه جيشنا لم يفتح الله عليه الابالقتال داخل ارضه
وبعد البيان الاول نحن بكل سذاجه نصدق انه جانا المنقذ .. وبعدها يتكرر نفس السيناريو .. ويتولد ديكتاور جديد؟
انتو ياعساكر مابتملوا من تدمير البلد وقهر الشعب بانقلاباتكم الفاشله وحكامكم الافشل ؟
الوضع الحالي وكل وضع مذري حصل للجيش تسبب فيه الجيش وعساكره الحكموا بالدبابه والساعدتوهم انتو
اما بتعاونكم او صمتكم الذي حولكم لشياطين خرس
تصحيح الوضع لايمكن ان يكون بانقلاب اخر يعيد كرة فشل العساكر في الحكم
الحل في إعادة الديمقراطيه وترك الحكم للشعب ليختار من يحكمه وتوقف الجيش وعساكره عن التدخل في الشأن السياسي
والعبث العسكري والمغامرات الغبيه بالانقلابات الفاشله
متي تستوعبوا الدروس ياعساكر .. وتتيقنوا ان الجيوش إنما صنعت لتحمي وليس لتحكم؟
ان كنتم صادقين حقا وتريدون ان نخرج من هذه الدائره الشيطانيه .. ديمقراطيه فإنقلاب .. وان تتوقف الحروب الداخليه
للتتفرغوا لحماية الحدود من العدوان الاحنبي .. ولتكون ولو لمرة في تاريخكم فوهات بنادقكم موجهه لغير شعبكم
اعيدوا السلطة للشعب وتوقفوا عن الانقلاب علي الديمقراطيه
غير هذا فانتم اعداء للوطن وللشعب .. وليس حماة له


#660615 [المكاوي]
0.00/5 (0 صوت)

05-09-2013 08:44 AM
لا جيش قذافي ولا بشار المصري والتونسى لازم تختار


#660611 [محمد]
0.00/5 (0 صوت)

05-09-2013 08:30 AM
التغيير التغيير اتي اتي للصبر حدود


#660604 [محمد أحمد]
0.00/5 (0 صوت)

05-09-2013 08:07 AM
والله يا ريت الكلام ده يكون صحيح، طيب الـ 80% بتاعت الميزانية سنويا دى مشاة مباني بس؟؟


#660600 [aml altom]
5.00/5 (1 صوت)

05-09-2013 08:02 AM
أين كنتم حينما:-

1-قتل 300,000 نفر في دارفور علي يد رئيسكم الرقاص

2-لماذا سكتم 25 سنة وأنتم ترون كل فساد خلقه نظامكم ثم أين ذكري الفساد في هذا البيان الهزيل أين مشروع الجزيرة أين مدارس كمبردج ، أين عبد المتعافي ، أين فندق الصداقة بتاع كرتي وصفقات الغاز مع قطر؟ أين وداد بابكر، أين أسامة عبد الله؟ أين أين أين ...............................................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

3-لماذا لم يحرك فيكم الدكتور علي فضل ساكن؟ مجزرة أطفالنا في العيلفون ، عضوية عجبنا ، الأربعة الغرقوا في ترعة جامعة الجزيرة ، ال................ال- أين الشقق الرمضانية ، أين الفتيات ألل ولقوهم مع مين يا جنابو؟؟؟؟؟؟؟؟؟؟؟؟؟؟؟

4-ثم ثانيا" وليس آخرا" هل "عبد الرحيم محمد حسين " هو الوحيد اللي خايب فيكم يعني؟؟؟؟؟؟؟؟؟؟؟؟؟؟؟؟؟؟؟؟؟ وكمان المدعو " ود إبراهيم وجيعته الوحيدة في عبد الرحيم حسين؟؟؟؟؟؟؟؟؟؟؟؟؟؟؟

إختصار شديد انتوا رجال باطلين ، ..........نريد فقط أن نسمع هتاف الشعب السوداني "الشعب يريد رؤوس النظام " نريد أن نراكم علي صورة القذافي ............أمل التوم


ردود على aml altom
Sudan [ابوملاذ] 05-09-2013 10:45 AM
كلامك حقيقي ي امل والله ديل اخيب من وطئ الارض عاوزين السلطة تكون مدنية لا عسكرية كرهنا الكاكي وحكم العسكر الفاشل الظالم ... بالمناسبة عبد الرحيم دا اخوه بورد المهمات للقوات المسلحة في شكل صفقات مربحة وبالعملة الصعبة وبأسعار خرافية تدفع من خزينة الدولة حتي هم تبنو فريق الاهلي الخرطومي وكتب اللمبي خطاب مطول يحث فية الشركات التابعة للجيش لدعم النادي وحتي تعليمات لخصم من مرتبات الضباط والجنود وتسخير كافة امكانيات القوات المسلحة للدعم .ود كلو عشان الشرطة وجهاز الامن برضو امتلكو اندية (النسور والخرطوم الوطني) ... لك التحية مره اخري الاخت امل التوم وكلامك بجد عجبني جدا


#660584 [khalidal m Ali]
0.00/5 (0 صوت)

05-09-2013 07:40 AM
خيبتكم مثل خيبة العره عبد الرحيم الذى عينته عليكم هديه ام الجخصه , وانتم تتحسرون على رفد الاسلامين من العسكرين ايه الخيبه دى كلها .


#660583 [ود البلد]
5.00/5 (1 صوت)

05-09-2013 07:36 AM
كضاااااب القال الكلام دا وفبركه اعلام ل اثاره الزوبعه بس القوات المسلحه لها تقليد عتيد في الانصياع للاوامر واتباع القايد


ردود على ود البلد
United States [Saeed] 05-09-2013 05:48 PM
منشور مفبرك ويخدم جهة معروفة, بالله ما لقيتوا ليكم ورقة مرؤوسة لوزارة الدفاع تكتبوا فيه الكلام دا!! أنتوا عدمانين الورقة ,وبعدين التغيير دا بيجئ سائ كدي,ح تجري مياه كثيرة وأنتوا لسع بتذاكروا في ورقتكم دي, وما ح تزيحوا ضبانة. حتذكروا كلامي دا بعدين.

Sudan [الكروان] 05-09-2013 01:50 PM
جنودنا الاوفياء اللذين تبقوا : اولا وين ميزانيه الجيش والتى تقدر سنويا بمايقارب 60 %

ابو رياله وين الميزانيات التى اهدر 10 % لسلاح منتهى الصلاحيه و 90 % فى جيوبكم كلوا دا ياناس


خلوا البيانات اتحركوا بانقلاب وسلموا السلطه انشاءالله لعاليق السودان اشرف من هذه الشرزمه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة