الأخبار
منوعات سودانية
هيئة علماء السودان تدعو السلطات لضبط ممارسة مهنة المساج
هيئة علماء السودان تدعو السلطات لضبط ممارسة مهنة المساج
 هيئة علماء السودان تدعو السلطات لضبط ممارسة مهنة المساج


05-11-2013 06:33 AM
(سونا) - دعت هيئة علماء السودان السلطات لضبط مهنة المساج حيث ان بعض ضعيفي النفوس جعلوا من عمل المساج مهنة يمارسون من ورائها أعمالا ضارة ولا أخلاقية .

ودعا بروفيسور محمد عثمان صالح الأمين العام للهيئة في تصريح (لسونا) الي ضرورة قيام حملات تفتيش علي الأماكن المصرح بها وإغلاق الأماكن غير المصرح بها لما في ذلك من أضرار وانتهاك لحرمات دينية .

وفي رده علي سؤال حول الحكم الشرعي للمساج قال صالح اذا كان المساج علاجاً لأمراض وتحت إشراف شخص مأمون طبيب او خبير فلا حرج فيه بشرط ألا يمارس هذا المساج رجال علي نساء ولا نساء علي رجال، مؤكدا انه يصح في حالات العلاج ونحوه بالضوابط الشرعية المطلوبة.


تعليقات 25 | إهداء 0 | زيارات 7348

التعليقات
#662639 [ههههههههه]
0.00/5 (0 صوت)

05-12-2013 06:17 AM
طبعا يا جماعة الناس البمارسو المساج اصلهم لو كان راجل بكون نص مكنة او بندفر ساي ما عنده مكينة و طبعا اصبع البطن ممكن ياخد نصيبه من المساج لو كان البعمل بنت او ولد و اللييييييييييييلة!!!


#662604 [المدنكل]
0.00/5 (0 صوت)

05-12-2013 03:21 AM
اها والعالم المنقرضة دي تغيير زيت وين يعني


#662555 [سراج الدين الفحل]
0.00/5 (0 صوت)

05-11-2013 11:47 PM
ياتنابلة السلطان المساج هو احد عمليات العلاج الطبيعي وهو العلم الذى يدرس في معظم الجامعات السودانيه والمساج او التدليك علي أنغام الموسيقي احد وسائل العلاج الطبيعي الناجعه لعلاج حالات مستعصيه كثيره اهمها التوتر والاحباط وقد كان من ابسط حقوق السودانيين ان توفر لهم هذه الخدمه مجانا بسبب حالة التوتر والاحباط المستمر التي يعايشونها ولكن هيهات للفقراء والمعدمين من التمتع بهذه الخدمه.
اذهبوا ايها القراء الاعزاء الي اليوتيوب وشوفوا تقنيات المساج عل الفيديو يريح أعصابكم من التوتر
اسم الفيديو:back massage floor techniques


#662510 [الضباب]
0.00/5 (0 صوت)

05-11-2013 10:06 PM
هيئة خرفان السودان متى ترتقى وتترك الهوس الجنسي لما فوق السرة


#662484 [malla]
0.00/5 (0 صوت)

05-11-2013 09:22 PM
انحنا اولاد الغبش الغلابة ما بنعرف حاجة اسمها مساج اصلا والواحد فينا اذا ضهرو وجعو بشيف ليهو اقرب زيت كركار ولا زيت لعلوب ولا دهن غنم وبدرش بيه جسمو 0 والمساج دا على ما يبدو دا شغل ناس حمادة نافع واصحابو 0 بلا يخمكم الناس في شنو والحسانية في شنو 0 علماء السجم ديل بدل يفتوا للحيكومة كيفية توطين واغاثة اللاجئين الذين ملوا الارض ومارقها بسبب حروب النظام الخاسرة ولا يتكلموا لينا في الفارقة0 ارحمونا نحنا ما ...... عشان تتحدثوا لينا عن مساج والذي منو 0 الله لا بارك فيكم


#662435 [مكتول كمد]
5.00/5 (2 صوت)

05-11-2013 08:02 PM
اقتباس:
"بشرط ألا يمارس هذا المساج رجال علي نساء ولا نساء علي رجال،"
يعني هل يمكن ممارسة المساج رجال علي رجال ونساء على نساء يا هيئة تنابلة السودان؟؟؟
المساج عادة قديمة مارسها قدماء الرومان والإغريق وتاريخيا عرفوا بالشذوذ الجنسي يعني بالعربي كده كانوا مثليين وقديما لم يعرف السودانيون حاجة اسمها مساج ودي عادة رذيلة انتم الذين جلبتموها لأن السواد الأعظم من السودانيين ما شبعانين كسرة


#662418 [مستغرب]
5.00/5 (1 صوت)

05-11-2013 07:33 PM
اين السيد دفع الله ختان-ياابو الدفاع افتينا في البرنامج ده-وذي ما قال عادل امام مفترض يعملوا وزارة للتدليك-افرض انو الحرب قامت,هل يجوز لي بشة ان يذهب للحرب وهو غير متدلك؟


#662415 [الكولا 4]
3.00/5 (1 صوت)

05-11-2013 07:30 PM
أحىى من المساج ,,انا ماشفتو ليكم في الصين ,, عاد مسج السرور ولبرور ,, البت بالله تطقطك من رأسك لى كرعيك ,, ولمن تدوخ و, وفى أثناء الدوخه بتحصل البوخه ,, ,, كان كدى نحن جايين البلد نمسج ونرجع ,,


#662396 [الحقيقة مرة]
5.00/5 (1 صوت)

05-11-2013 06:59 PM
الاسلامويين عشان يفرغو سعارم الجنسي المكبوت وهوسم التناقضي باللذة المحرمة عندهم التفافات مضحكة على الشريعة زي ارضاع الكبير واقتناء الجواري وجهاد المناكحة واخيرا المساج الرسالي تحت شعار طالما بتستغفر فالله غفور رحيم فمن يقيم لنا الحد على هؤلاء ومتين يطلع شيخ كدا بخاف الله وعندو دين ويدعو للجهاد ضد السلطان وفقهاء السلطان ؟


#662315 [ناجي]
0.00/5 (0 صوت)

05-11-2013 05:18 PM
يعني خلاص مشاكل السودان خلصت ومافضل غير المساج ،،، ميزانية وسيارات ومقرات والكلام في الفارغات ،،، انها احدى محن السودان


#662280 [المكجناتي]
0.00/5 (0 صوت)

05-11-2013 04:13 PM
"وفي رده علي سؤال حول الحكم الشرعي للمساج قال صالح اذا كان المساج علاجاً لأمراض وتحت إشراف شخص مأمون طبيب او خبير فلا حرج فيه بشرط ألا يمارس هذا المساج رجال علي نساء ولا نساء علي رجال" ,القال ليك رجال علي رجال هين منو؟


#662256 [محمد احمد]
0.00/5 (0 صوت)

05-11-2013 03:31 PM
الراجل المرضان الاسمو دفع الله موضوع المساج ده فات عليهو كيف ؟؟؟ أنا أدعوه باسم الشعب السوداني أن يمارس قذاراته الإفتائية في الموضوع ده ويبرى بيهو امه لا إله إلا الله صباح مساء كما جرت عادته .. وعشان نرتاح شوية من موضوع طهور البنات وغيرو


#662211 [nagatabuzaid]
0.00/5 (0 صوت)

05-11-2013 02:21 PM
والله هيئة علماء السودان ديل قاعدين يهبشوا الحكومة فى بت ام روحه مرة يهبشوا الشيعة والشيعة متربية فى عز الحكومة ومرة يهبشوا شنو ما بعرف داك الليلة هبشوا محلات المساج عاملين نفسهم ما عارفين الحكومة ذاته ممسجة يعنى العجايز ديل بقوا شباب كيف ؟؟ والعجيبة اولادهم هسع يسافروا يتمسجوا بره كمان جاتنا خسارة عملات صعبة لخزينة الدولة شوفوا ليكم شغلة تانية الله يلهيكم


#662180 [مجدي]
5.00/5 (2 صوت)

05-11-2013 01:51 PM
القضية دي بتاعت دفع الله بنات


#662158 [متمحن]
5.00/5 (1 صوت)

05-11-2013 01:33 PM
*المشروع الحضارى للمساج

بعد ان دعت هيئة علماء السلطان السلطات الى سن قوانين خاصة بالمساج جلس عبد الحليم فى مقعده الوثير فى ذلك المكتب الفاخر وبعد تصفح استمر لاكثر من خمسة ساعات طوافاً على كل المواقع المعنية بالمساج واخر ما توصلت اليه التيكنلوجيا اتصل بمدير اعماله بخصوص دراسة جدوى لشركة مساج ،،، وفى اقل من ثلاثة اسابيع كان مطار الخرطوم يضح باصدقاء وشركاء عبد الحليم فقد تم استيراد كل مقومات نجاح المشروع من معدات وكتلوجات وادوات الدعاية والملصات ،، لم يتوفق التلفزيون من الاعداد لتلك المناسبة حتى جاء يوم الافتاح الذى شهدته كل العصابة فكانت الدعاية المبثوثتة على شاكلة ( مساجنا مبروك ودلكنا خير وبركة) ( مساج واحد افضل من نومة شهر ) ( لدينا حجامة على طريقة السنة ) ( مساجنا من اجل اعلاء القيم ) ( مساجنا يحارب الاستهداف الخارجى ويقوى بنيه الشباب )،، وفى غمرة هيجان عبد الحليم وسعادته بمشروعه المساجى ابتدر كلمته بوافر كلمات الثناء والشكر للحضور معدداً فوائد المساج ودوره فى بناء الامة ناجرا كم هائل من الاحاديث التى لاتربطها بالموضوع اى علاقة وفى اقل من 24 ساعة اصدر مجلس ادارة شركات(messag) تعليمات باغلاق كافة محلات المساج التى لا تتبع لمجموعة مساج وفى اجتماع الشركة بالسلطات تم افتتاح قسمة شرطة المساج المعنيه بملاحقة كل محلات المساج الغير معتمدة لدى الدولة ،، حينما تم فتح باب التعين لوظائف فنيى مساج وموظفين جاء الاعلان كالاتى : تعلن شركة مساج القابضة عن رغبتها فى تعيين فنيى مساج وموظفين على ان يكون المتقدم قد سبق له الذهاب الى مناطق العمليات مع ارفاق الاوراق الثبوتية ويفضل ايضاً من شارك فى المسيرات الداعمة للبشير ابان قضية الجنائية .

* من مداخلاتى فى الفيس بوك


#662102 [Jedo]
5.00/5 (2 صوت)

05-11-2013 12:30 PM
والله كلمة شرع دي بصراحة مطمطّوها شديد وما من الادب مع خالقنا رب الاكوان سبحانه وتعالى اننا نطلع اراء او اشخاص يقولو رأيهم في موضوع ما "زي المساج" ويقولو شرعي وشرع الله وهذه المترادفات، ببساطة لان الشخص يجعل من رأيه ديناً وشريعه ينسبها لله وهذا تطاول مابعده تطاول
ياريت لو مشايخ زمنا العجيب ده يتواضعو ولما يقولو راي يتأدبو مع الله صاحب ومنزل الشرائع وماينسبو ليهو شي بس يقولو ده رأينا وده الانسب ولا ده اخلاقي وده غير مناسب اجتماعياً لكن عليكم الله رب العزة ده ماتجغمسوهو في عبطكم ده وماتزلو بمقامو جل وعلى لانو يكون عندو تشريع بيخص عصّير الضهر ومسّيد الرجلين عيب عيب ياخي استحو ....


#662079 [مهاجر]
0.00/5 (0 صوت)

05-11-2013 12:12 PM
ودعا بروفيسور محمد عثمان صالح الأمين العام للهيئة في تصريح (لسونا) الي ضرورة قيام حملات تفتيش علي الأماكن المصرح بها وإغلاق الأماكن غير المصرح بها لما في ذلك من أضرار وانتهاك لحرمات دينية .

## يعني لو عايز تفسد ومعاك تصريح ممكن .عجبي !!


ردود على مهاجر
United States [جنوبي] 05-11-2013 02:10 PM
لا لا يا مهاجر , المصرح ليهم ديل بكون عندهم مازون قاعد جوه , يعقد ليك علي البت قبل المساج وبعد تنتهي وتلبس هدومك تطلقا وتمرق ! ويسموهوا زواج المساج , مش كل مره قعد نسمع بزواج جديد ؟


#662074 [كاسترو عـبدالحـميـد]
0.00/5 (0 صوت)

05-11-2013 12:08 PM
أسألك بالله العظيم انت تفتينا فى رواتب النواب الذين فازوا فى الأنتخابات ودخلوا المجلس الوطنى ( البرلمان ) وهـم يعلمون انهم فازوا بالتزوير . شهادة يسألك الله عنها يوم القيامة .


#662057 [mansour]
0.00/5 (0 صوت)

05-11-2013 11:46 AM
بس دي الفالحين فيها في الهايفه ماتشوفو السرقه العيني عينك


#661995 [alsudani]
0.00/5 (0 صوت)

05-11-2013 10:38 AM
والله انتم حرب على الدين
الناس فى شنو وانتو فى شنو
بعدين منو القاعد يتمسج غيركم
الناس جيعانه فى أكل أطفالها


#661983 [ابوالهول]
5.00/5 (4 صوت)

05-11-2013 10:24 AM
فتاوي هيئة علماء المساج لضبط..الكوندوم..والختان ..وزواج المثليين...
******
كان سلف هذه الامة يتهيبون من الفتوى ويخشونها خوفا من قوله تعالى (ستكتب شهادتهم ويسألون ) سورة الزخرف (19) .وكان الواحد من اهل العلم يتمنى ان يكفيه الفتوى غيره،ولذلك قال ابن عيينة:"اعلم الناس بالفتوى اسكتهم فيها واجهل الناس بالفتوى اسكتهم فيها " وقال آخر :اشقى الناس من باع آخرته بدنيا غيره .وكان ابن عمر رضي الله عنه لا يتردد اذا ما سئل عن امر لم يقطع فيه بالحل او الحرمة ان يقول (لا ادري) ويواصل (اتريدون ان تجعلوا ظهورنا لكم جسورا في جهنم أن تقولوا :افتانا ابن عمر بهذا ؟)
هؤلاء هم اسلافنا الابرار الذين لم يتسلل حب الدنيا والبحث عنها وعن ملذاتها الى نفوسهم فيفسدها ....ولكن تعال وانظر الى قنواتنا الفضائية وتأمل شراذم علماء السلطة الذين يفتون في كل شيئ لا يغضب السلطان ..ولم يقربوا حتى الان اسوار كافوري ..بل لم يقولو (بقم) ..عندما سار الفرعون عريانا في شوارع المدينة كما صاح ذاك الوليد "انظروا ملكنا العريان.. " بل تركوه يملأ الدنيا رقصا وكذبا وفسادا ...
عن ماذا تتحدثون ؟؟.....خسئت دولة علماؤها لا ينصحون ..وخسئتم علماء المساج ....
دولة تذوب امامكم ..وشعب يذذبح جوعا وخوفا وحرمات تنتهك ..وامن ينعدم ..وفساد تسرب الى الوزارات التي تحمي العقيدة (الاوقاف) ..؟؟وانتم تدعون الى ضبط المساج ....
الم تسمعوا عن حبوب منع الخجل ...؟؟
اسكتوا فقط ...ودعونا نمارس موتنا البطيء في هدوء ...
ستلحقكم لعنة الاجيال اذا لم تفتوا بالحق ....
قولوا له ....قولوا له ...قولوا له ...
الشيطان الاخرس ...وكلمة الحق امام سلطان جائر
فهل تقرأون ؟؟؟؟؟؟؟؟؟؟؟


#661959 [موجوع]
5.00/5 (3 صوت)

05-11-2013 09:53 AM
كالعادة تفتوا في الهايف ..!
ماسمعتوا بسرقة المال العام يوم تفتولن فيهو ...؟


#661926 [واحد مسطول]
5.00/5 (5 صوت)

05-11-2013 08:52 AM
الظاهر انو (مولانا) و(شيخنا) و(بروفنا) و(عالمنا الخطير) في شئون النسوان محمد عثمان صالح الأمين العام للهيئة عاوز ليهو مرة مدخنة تعمل ليهو مساج يطقطق عضمو ويفك (ريقو) الناشف


ردود على واحد مسطول
United States [Sami] 05-11-2013 01:21 PM
ماعندك واحده ليهو؟؟؟


#661892 [ابو جهينة]
5.00/5 (3 صوت)

05-11-2013 07:07 AM
@@@ تعليق على الكاركتير :

((((( معليش يا مدام بالله مركز مساج علماء السلطان جمبكم هنا ؟ ))))))


#661891 [محمد]
5.00/5 (1 صوت)

05-11-2013 06:44 AM
مساج مسج مسجك ما وصل من الشبكة ولا من عملاء السلطان
ههههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة