الأخبار
منوعات سودانية
اللواء نمر: وداعاً الباعة المتجولون في الخرطوم
اللواء نمر: وداعاً الباعة المتجولون في الخرطوم
اللواء نمر: وداعاً الباعة المتجولون في الخرطوم


05-11-2013 06:46 AM
الخرطوم- حافظ

قطع اللواء "عمر نمر" معتمد محلية الخرطوم أنه بنهاية شهر مايو الحالي لن تسمح حكومته للفريشين بالبيع الجائل في الخرطوم، وأضاف نمر لـ(المجهر): (نقول للفريشين بعد نهاية هذا الشهر وداعاً). وأكد أنه خلال الفترة القادمة سيتم افتتاح عدد من الأسواق التي ستستوعب كل الفريشين والباعة المتجولين. بجانب فتح أسواق للمعاقين وحول أزمة المواصلات ونقل موقف مواصلات بحري إلى محطة "شروني" أقر نمر بحدوث ربكة في حركة المرور، إلا أنه قال إن هذا الأمر سينتهي خلال أيام، وقال إن محطة مواصلات "شروني" هي فكرة جيدة لتفريغ وسط الخرطوم من الزحام المروري" وأضاف أن طريقة المواصلات الدائرية من أنجع الطرق في العالم، وقال إنه سيزود المحطة الجديدة بخدمات مثل دورات المياه وثلاجات الماء وتابع: (أي زول عندو سبيل يجيبوا الموقف الجديد)، وقطع أنه لن يسمح بإنشاء أكشاك وأماكن بيع استثمارية في محطة "شروني".

المجهر


تعليقات 23 | إهداء 0 | زيارات 5346

التعليقات
#662593 [osman]
1.00/5 (2 صوت)

05-12-2013 01:56 AM
والله انت زووول كديس وعويييير خلاص انتو العساكر ديل علاقتم شنو بالهندسة والتنظيم يااخي انتو كلكم رمم من كبيركم لي صغيركم داهيه تشيلكم يامرض*


#662529 [عصمتووف]
2.00/5 (3 صوت)

05-11-2013 11:01 PM
اقصر طريقة لتفريق الخرطوم وباقي الاقاليم المتبقية بمغادرتكم سدة الحكم


#662497 [قرد مراقب]
1.00/5 (2 صوت)

05-11-2013 09:44 PM
انت يا الكديس أقعد اعملها لي كنايف وادبخانات لغاية ما يجيك الأسد (الحلو) يقطعك إربا إربا.


#662446 [رحــــــــــال]
1.00/5 (2 صوت)

05-11-2013 08:26 PM
انا ماعارف العساكر دخلهم شنو بالهندسة والتجارة ياخ دى بلد غريبة البسول والمابسوا يبقى وزير .. الخلل فى التنظيم ولو اى زول اشتغل فى مجالو وما اتحشر فى حاجة مافاهم فيها سجم رمادو الامور بتظبط ..


#662437 [علي دينار]
3.00/5 (1 صوت)

05-11-2013 08:07 PM
بالله الصورة دي الخرطوم ولا بنجلاديش ؟


#662436 [اسحق فضل]
0.00/5 (0 صوت)

05-11-2013 08:04 PM
"وقال إنه سيزود المحطة الجديدة بخدمات مثل دورات المياه وثلاجات الماء"
اهو ده الشغل الصح
بصفتى فنى مساحة وخبير وطنى فى قطار الليل "عفونة" فانى اؤيد اقتراح المسترحات ده على شرط ان لازم يعمل بنظام الجرادل زى زمان ماتقول المطار قريب طوالى نقل لسكر كنانة حتى يخلط بالاثينول لتسير عربات المجاهدين واخوات نسيبة والباقى يصدير لتشاد

اسحق فضل
كنكى قيه
وخبير وطنى فى الفضلات البشرية


#662413 [كاظم الغيظ]
5.00/5 (1 صوت)

05-11-2013 07:28 PM
الأخ صديق الباكي المستبكي الواقف المستوقف على أطلال الحزب . النميري حل الحزب الشيوعي ولكنه قبل أن يرحل ترك الوطن كما استلمه مليون ميل مربع (1600000 )كيلومتر مربع ما ناقص سنتيمتر واحد. يلا تعال شوف جماعة الكيزان (الذين تركتهم ورحت تنتقد في الفارس نميري)كيف قطعوا السودان وعملوهوا زي (الرحط) وفكرة تأميم شركات القطاع الخاص من بنات الفكر الشيوعي أساساً.
ملحوظة:(الرحط تنورة قصيرة من سيور الجلد بالكاد تستر السوءة للما بيعرف سوداني)


#662407 [alkahf]
0.00/5 (0 صوت)

05-11-2013 07:23 PM
This picture is in a islamic country?Are muslims dirty people to that much?


#662385 [مواطن]
0.00/5 (0 صوت)

05-11-2013 06:43 PM
يقعدو يخدروكم بالكلام الفاضي دا

والمشكلة انكم بتصدقو


#662233 [Rebel]
0.00/5 (0 صوت)

05-11-2013 02:59 PM
* الهدف ليس التنظيم و ألإنضباط... الهدف أمني فى المقام الأول بتجفيف المواقع العامه, ووضع العراقيل امام الثوره القادمه ...افهموها يا عالم.
* ولكن بئس التفكير و بئس التخطيط.


#662189 [الطريفي زول النصيحة]
0.00/5 (0 صوت)

05-11-2013 01:58 PM
تفريغ وسط الخرطوم يكون بتعديل البنية التحتيه الحاليه و اعادة التخطيط بانشاء الكباري المعلقة واعادة رسم الشوارع و المباني و غيرها من مستلزمات هذا التعديل و لن يتم ذلك الا باحداث تغيير شامل و كامل للتخطيط العمراني بوسط الخرطوم و بمعنى آخر اعادة صياغه كامله وما يستلزم ذلك من تعويض عادل للمتضررين من جراء ذلك اما مسألة نقل المواقف و غيرها من اجراءات مؤقته فلن تحل شيئاو سيظل الحال كما هو .


#662183 [صديق]
0.00/5 (0 صوت)

05-11-2013 01:56 PM
زمان - رحمه الله أخونا الشاعر عثمان خالد قال لنميرى الهلفوت قى مسألة حل الحزب الشيوع السودان

حتصفى مين باسم الوطن
يا بتاع نضال آخر الزمن
= = = =
ما قلنا فى التأميم ودار
وسعادته فاكره ضرب نار
جاب بالمعاش ضباط كتار
وفى كل حتة يخت حمار
وطبيعى زول ما مؤتمن
ما نحنا عارفين التمن
يا بتاع نضال آخر الزمن

ملحوظة := ( ودار دى معناها ضياع للما بيعرف سودانى )


#662099 [انصاري]
5.00/5 (1 صوت)

05-11-2013 12:29 PM
(وقال إنه سيزود المحطة الجديدة بخدمات مثل دورات المياه وثلاجات الماء وتابع: (أي زول عندو سبيل يجيبوا الموقف الجديد)، وقطع أنه لن يسمح بإنشاء أكشاك وأماكن بيع استثمارية في ))

** وقال إنه..( أي هو كمحلية ) سيزود المحطة الجديدة بخدمات مثل، دورات المياه وثلاجات المياه.......!!!؟؟؟
*** ثم تابع إي هو كمحلية) إي زول عندوا سبيل يجيبوا الموقف الجديد...!!!؟؟ دة شنو دة لفحتو من وين الإنقاذ صحي المالقى شبهو المولى قبحو (أها وميزانية الخدمات دي حتمشي وين لو كل زول عندو سبيل جابو ياشفت؟؟؟!! إنت الزول كان بوليس وله شنو!!!


#662098 [ابو غالي]
0.00/5 (0 صوت)

05-11-2013 12:28 PM
كشوا الأجانب الاول


#662051 [Thieves]
0.00/5 (0 صوت)

05-11-2013 11:39 AM
Ok, you want to put them in one place to be easy for you to steal 50 % of their money under different names: Jihad stamp, Jihad food, TV, Radio or whatever names you will give to justify your thefty. Shame on you, shame on you, they are looking after poor families and they are in need of every peny.Please,leave them alone,leave them ALooooooooooooooooooooooooONE


#662036 [الصادق]
0.00/5 (0 صوت)

05-11-2013 11:23 AM
وهل هذا ينطبق على الباعه المتجولون بالاحياء الذين يحملون مكبرات الصوت منذ السادسه صباحا خرده ( هورد هورد وخضار ) ارى ان هذا القرار سيجعلهم يتوزعون على الاحياه ويزيد الطين بله ان لم تخصص لهم اماكن بديله وايضا منع مكبرات الصوت


#661998 [معاويـــــــــــــــــــــــــــــــــــة]
0.00/5 (0 صوت)

05-11-2013 10:44 AM
الولاية لازم يحكمه مهندس هو الادرى واللواءات ديل محلهم حماية اطراف البلد واسترداد المنهوب منها من اراضى مش تغيير مواقف واداره اكشاك لكن ده زمن المهازل الفيهو وزير الدفاع يريل فوق قميصو تفو عليكم هى ناقصة بلاوى .............


#661988 [زول]
0.00/5 (0 صوت)

05-11-2013 10:31 AM
فعلاً راجل عسكري فكرك أحسن منه بوتك باخ المشكلة فيكم وليس في الخرطوم بطلو السرقة واللغف الحال بينصلح


#661956 [سمير]
0.00/5 (0 صوت)

05-11-2013 09:47 AM
قبل ان تكشوهم شوفو ليهم حل اعملوا لهم مظلات . ملكوهم دكاكين

القاه فى اليم مكتوفا وقال له اياك اياك ان تبتل بالماء


#661944 [برعي حسن برعي]
0.00/5 (0 صوت)

05-11-2013 09:34 AM
عالم وهم


#661931 [ضل الجرجير]
0.00/5 (0 صوت)

05-11-2013 09:07 AM
معتمد شغال شغل عُمد !!


#661924 [saad]
0.00/5 (0 صوت)

05-11-2013 08:51 AM
اهو كلام وتصريحات لكن وين التنفيذ ياهو هو السودان ويفضل كما هو حتى يرث الله الارض وماعليها


#661893 [قاسم]
5.00/5 (3 صوت)

05-11-2013 07:13 AM
فكرة حلوة " اي زول عندو سبيل يجيبوا الموقف الجديد " انا عندي زير تعالوا شيلوا.


ردود على قاسم
European Union [النيل أبونا و الجنس سودانى] 05-11-2013 01:23 PM
أنت اديهم زيرك و المعتمد بيجيب الكيزان .

United States [مهاجر] 05-11-2013 12:05 PM
وأنا عندي كيزان مقددة تعالوا شيلوها في سبيل الله .

European Union [سن ألفيل] 05-11-2013 11:23 AM
ماداير ليك كوز للزير بتاعك ده؟ ولا اقوليك افضل قرعه اضمن من الكوز لانو الكوز ينقل الجراثيم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة