الأخبار
أخبار إقليمية
كتيبة استراتيجية من قيادات مليشيات النظام لتأمين الخرطوم
كتيبة استراتيجية من قيادات مليشيات النظام لتأمين الخرطوم
كتيبة استراتيجية من قيادات مليشيات النظام لتأمين الخرطوم


05-11-2013 05:56 AM
أعلنت اللجنة العليا للتعبئة والاستنفار بمحلية الخرطوم برئاسة، عمر نمر معتمد المحلية، عن فتح معسكرات الدفاع الشعبي للتدريب بجميع وحدات المحلية، واعتماد تكوين كتيبة استراتيجية قوامها القيادات لتأمين المحلية؛ وتمت الخطوة إثر اعتداءات الجبهة الثورية.


وأكد نمر خلال ترؤسه اجتماع اللجنة، بأنه سيتم افتتاح معسكرين مفتوحين في السابع عشر من الشهر الجاري، فضلاً عن افتتاح معسكر مغلق لقيادات المكاتب التنفيذية بالمحلية بواقع استيعاب (400) مجند من القيادات والأفراد من قطاعات الحركة الإسلامية والمؤتمر الوطني والشباب والطلاب والمرأة والدفاع الشعبي والخدمة الوطنية والشرطة الشعبية والمواطنين.


ولفت المعتمد حسب المركز السوداني للخدمات الصحفية الى أن قرار فتح المعسكرات جاء إثر تعديات ما يسمى بالجبهة الثورية على ولايتي شمال وجنوب كردفان.


وكشف عن عقد لقاءات تنويرية، لاستقطاب الدعم المالي والعيني لإغاثة المواطنين للقرى المتأثرة بالهجوم الغادر، وفتح بنك الطعام والملابس لتقبل الدعم العيني، والقيام بزيارات راتبة لأسر الشهداء بالمحلية بواقع تنفيذ زيارة (515) أسرة شهيد.


اس ام سي


تعليقات 22 | إهداء 0 | زيارات 5314


التعليقات
#662603 [ودالخير]
0.00/5 (0 صوت)

05-12-2013 02:11 AM
رمضان جاى موسم الحلو مر .


#662602 [جاد كريم]
0.00/5 (0 صوت)

05-12-2013 02:10 AM
معقولة محلية الخرطوم براها فيها 400 كوز -قيادي- ممكن يدافع عن النظام !!؟؟؟
الكضاب منو ؟؟؟


#662585 [stiv]
0.00/5 (0 صوت)

05-12-2013 12:07 AM
من حق اي انسان ان يحلم بما يشاء فهذه الاحلام التي استمرت 24 سنة وسوف تستمر الي ما لا نهاية باذن الله. قيادة الحركة الثورية من حقها ان تحلم ولكن قبل ان تستفيق من نومها عليها ان تثبت للشعب السوداني بان قائدها الحلو ما زال حيا . ولو منتظرين ياسر عرمان ورفاق دربه ان يدخلو الخرطوم سجم امهاتكم اي واحد فيكم يشوف ليه قزازة عرقي والله وسكي ويحاول ينوم ويحلم كما كانت تحلم قيادة التجمع الوطني مولانا محمد عثمان المرغني والصادق المهدي ديل صحو من احلامهم وعاشو الواقع .


ردود على stiv
United States [ياسر ابراهيم] 05-12-2013 02:06 AM
وهل هي مطالبة بإثبات موت الحلو أم عدمه ؟!! يأخي لا تكن ساذجا ، المناضل عبد العزيز الحلو كمن غيره من المناضلين عندما أمن بقضايا شعبه و حمل السلاح وقال لا للعنصرية لا للتهميش لا للفساد فأنه يعلم تمام العلم أن روحه فداء لهذه المبادئ والقضايا التي أمن بها . كما وانه لم يحمل السلاح لمجرد النزهة أو السياحة ، فالأمر عنده سيان سواء قتل أم لم يقتل ، والأمثلة كثيرة فقد قتل السفاح المقبور إبراهيم شمس الدين مئات الاف من الجنوبيين فهل انتهت الحرب ؟ هل رأيت يوما أنه تمت تصفية قضية شعب بموت قائد أو غيره؟!! لا وألف لا بدليل إن الرقاص ووزير دفاعه الأهبل أبوريالة وافقوا مجبرين وعينك يا تاجر علي انفصال الجنوب بعد خمسون عاما من النضال وقد تم للثوار ما أرادوا بقوة إرادة البندقية لا بدهنسة وانبطاح مولاك المخرفن الميرغني و الصنم الصادق المهدي ، فولا المخذلين والمرجفين أمثالك لما تجرأ علينا هؤلاء الرعاع وحكمونا 24 سنة ولا زالوا .


#662475 [الكحنق]
0.00/5 (0 صوت)

05-11-2013 07:59 PM
I LUV YOUR PICTURES:)


#662387 [شمتان]
1.00/5 (1 صوت)

05-11-2013 05:45 PM
والله يا ناس الجبهة الثورية ريحتوني راحة شديدة وريتو الرعاع ديل الرجالة ألما خمج و قفتو ليهم دزززززززززززززززززززززززز و دخلتوها حتي صقيرها لبد ما حام هيييييييييييييييييييييع عفيت منكم


#662378 [nagatabuzaid]
1.00/5 (1 صوت)

05-11-2013 05:34 PM
يا نمر ورق نزلوا اولادكم الناعمين المنعمين خلوهم يتجندوا ويتدربوا والمتجولين الان فى تركيا ولندن وماليزيا يرجعوا ونشوفهم بعيننا جووووة معسكرات التدريب وينامون حيث ينام المساكين ابناء المغفلين وياكلون الطعام الذى ياكله من غسلتم عقولهم الطعام بالعطرون وما تخافوا اولادكم ما بجيهم شىء ما اصلوا اكلهم واكل اباؤهم قبل السلطة ما كان احسن من اكل المعسكرات علشان كده بتنتقموا من اولاد الناس المستواهم احسن منكم وعايزين نشوف ونتابع الغياب والحضور ونتاكد بعديييين نفكر نبقى غبيانين ولا لا ء ونخلى اولادنا يلتحقوا بالكتيبة
كتيبة قال الله يكتب ذنوبكم فى وجوهكم


#662361 [الحقيقة مرة]
5.00/5 (4 صوت)

05-11-2013 05:14 PM
دا كلام صحيح يجب على مجاهدي المؤتمر الوطني انهم يكونو في الصفوف الامامية عشان يضربو لجنودم المثل في الفداء والتضحية من اجل الدين والوطن والبتاع


ردود على الحقيقة مرة
United States [الحقيقة مرة] 05-11-2013 09:51 PM
وهم المجاهدين دايرين بتموين الدنيا الزائل دا شنو ما حقو اخلو للغلابة

United States [جركان فاضى] 05-11-2013 07:49 PM
يا حقيقة يا مرة التموين البمشى للمساكين الفارين من ابوكرشولا اكلوه المجاهدين كله وهديل قاعدين من ضل لى ضل وخايفين امشوا ابوكرشولا -يعنى المجاهدين ضايقوا المساكين فى معيشتهم


#662246 [ود مطر]
0.00/5 (0 صوت)

05-11-2013 02:14 PM
عمر نمر دا لو كان نافع كان نفع فى النيل الازرق رغم التزوير وشراء النفوس استطاعت الحركة الشعبية ان تهزمة فى الانتخابات . دا زول فاشل بمعنى الكلمة


#662234 [مكتول كمد]
5.00/5 (2 صوت)

05-11-2013 02:01 PM
لا خير في وطن يكون المال عند لصوصه والسيف عند سارقيه وجبنائه ومشكلة هذا السودان حتى أدعياء ولصوص المؤتمر الزفتي عاوزين يتكلموا عن الاستراتيجية !!! وأي فريق كرة قدم درجة سادسة عاوز يتكلم عن الاستراتيجية!! وأي فنانة معتمدة على شكلها وصوتها أنكر من أصوات الحمير عاوزة تتكلم عن استراتجيتها.
استراتيجية بكتيبة واحدة (ما وريتونا نوع الكتيبة شنو عشان العدو يفكها في روحو) لحماية الخرطوم؟؟؟ منتهى الافلاس
Military strategy
Military strategy is a set of ideas implemented by military organizations to pursue desired strategic goals.[1] Derived from the Greek strategos, strategy when it appeared in use during the 18th century,[2] was seen in its narrow sense as the "art of the general",[3] 'the art of arrangement' of troops.[4] Military strategy deals with the planning and conduct of campaigns, the movement and disposition of forces, and the deception of the enemy.
"the employment of battles to gain the end of war." B. H. Liddell Hart's definition put less emphasis on battles, defining strategy as "the art of distributing and applying military means to fulfill the ends of policy".[5] Hence, both gave the pre-eminence to political aims over military goals.
الإستراتيجية العسكرية
عبارة عن سلسلة من الأفكار تطبقها التنظيمات العسكرية لتحقيق الغايات الاستراتيجية المنشودة وهي مشتقة من الكلمة اليونانية ستراتيجوس. عندما ظهرت الكلمة خلال القرن الثامن عشر حيث كانت تفسر بمعناها الضيق "فن الجنرالات"وفن تنظيم القوات. تُعنى الاستراتيجية العسكرية بالتخطيط وتنفيذ الحملات وتحريك القوات واعادة توزيعها وخداع العدو.
يعتبر المفكر العسكري البروسي كارل فون كلاوزوفتس الأب الروحي لعلم الاستراتيجية الحديث حيث عرّف الاستراتيجية العسكرية؛ " استخدام المعارك لكسب نتيجة الحرب." أما تعريف بي.اتش.ليدل هارت فقد قلل من التركيز على المعارك وعرّف الاستراتيجية على أنها؛" فن توزيع واستخدام الوسائل العسكرية لتحقيق الغايات السياسية." وهكذا اتفق كلاهما على أن الأهداف السياسية فوق الغايات العسكرية.


#662216 [الحلو]
5.00/5 (1 صوت)

05-11-2013 01:31 PM
مااااااااااااااااااااااااااااابحلكم الحلو جاييكم


#662160 [ALIIIIIIIIIIIIIIIIIIIIIIIIIIII]
3.50/5 (2 صوت)

05-11-2013 12:33 PM
مافي زول اهبل شايف الوضع الحالي بمشي يحارب اصلا وبعدين الناس تحارب لشنو تحارب عشان البشير العواليق ده ولا عشان نافع المانافع ولا عشان الصعلوك العنصري الطيب مصطفي ولا الكذاب المنافق مصطفي عثمان اسماعيل التافه الحشرة اللي وصف الشعب السوداني بالجوعي دايرن الناس تحارب عشان الحشرات ديل عشان الطفيلين ديل...السودان مدمر اقتصاديا مدمر امنيا حكومة فاشلة وساقطة لاتستطيع حتي حماية شعبها حكومة عميلة لكل من هب ودب ...بطالة فقر تشرد امراض اهانة للمواطن بطالة انحلال اخلاقي واجتماعي اصاب المجتمع دمار في البنية التحتية مسؤلين فاشلين وحرامية والكلام طويل وعريض داير ليهو مجلدات..وبعد ده كلو دايرين الناس تحارب الناس تحارب عشان شنو ياعمر البشير جاوبني الناس تحارب عشان شنو ؟؟؟؟؟؟؟...ولا عشان وزير دفاعك الامعة الخايب الابله عديم المسؤلية هذا الفاشل..انتو نشرتوا العنصرية والجهوية والقبلية ناهيك عن التنظيمات الفاشلة والميتة فكريا كتنظيم القاعدة وامثال هؤلاء الجهال المضلين الفاشلين فكريا واخلاقيا مثلكم وكلكم مريضون نفسيا ليس الا..وبعد ده عاوزين الهبل والمساكين يحاربوا ليكم...والله انا بقول اي مواطن عندو ذرة من الشرف حقوا مايلتفت للنفاق والدجل باعكم ده بلا دفاع شعبي بلا دفاع حيواني انت ياعمر البشير حلايب قادر ترجعها ولا قادر ترجع الفشقة ياجبان ياطبلة..عالم زبالة عالم عواليق لعنة الله عليكم اجمعين


#662100 [هاشم عبده]
5.00/5 (1 صوت)

05-11-2013 11:29 AM
وهو نمر ده مالو خايف كدة اصلو هو نمر ولا ارنب الوجع الاخليكم تتكبكبوا24


#662085 [انصاري]
5.00/5 (1 صوت)

05-11-2013 11:17 AM
السمسرة بدت وبرنامج الملآئكة والحوريات، والجنة بدرجاتها من عليين الي الفردوس و النعيم وعدن ستدخل المزاد الوسطاء يمتنعون، يعلن معتمد محلية الخرطوم نمر عن وجود قطع سكنية فاخرة في منطقة الفردوس الاعلي من الجنة الجد جد............................................................................................................. دقي يامزيكة
ما دام التفكير في الحماية وصل الخرطوم اللعبة إنتهت يا كيزان، سمسر وأجري...


#662062 [الشحمان مغسة]
5.00/5 (1 صوت)

05-11-2013 10:51 AM
زمان كانوا بيقولوا تلقوها عند الغافل ... هسي الغافل زاتو ما بتلقوها عندو!


#662016 [مظفر سيد احمد عثمان]
5.00/5 (2 صوت)

05-11-2013 10:00 AM
هجم النمر هجم النمر هجم النمر هجم النمر ، دا شغل الخوف والرجفيبة ، على الجبهة الثورية الاستفادة من هذة الاجواء والزحف نحو العاصمة لاجتثاث هذة الاورام السرطانية


#662002 [elfatih]
5.00/5 (1 صوت)

05-11-2013 09:46 AM
المحير ان المؤتمر الوثنى فاراتو كتار لسه فى بشر دايره تموت للبشير ونافع وعلى وغيرهم من الارهابيين ولسه فى بشر مصدقه كذبه النظام وانو حيطبق الشريعه والمشروع الحضارى بتاع على زفتان اقصد عثمان فاقد الشئ لا يعطيييييييييييه
النظام عمل على زيادة رواتب القوات المسلحه ليييه فى الوقت دا بالذات ؟ عشان معنوياتهم ترتفع ويمشوا يقاتلوا لبقاء النظام

لماذا لا يتقدم البشير ونافع وعلى واللمبي الصفوف ويقودوا قواتهم لمواجهة الجبهه الثوريه كما فعل المناضل الحلو ؟


ردود على elfatih
United States [مواطن حر] 05-11-2013 06:58 PM
هذه ألزياده سوف ندفعها أنت وأنا وظعيط ومعيط.
بكره حايعلنوا زيادة أسعارألدقيق وألسكر والبنزين ... وألناس لسه نيام.


#661997 [الكوشى]
5.00/5 (1 صوت)

05-11-2013 09:41 AM
و من النمور ما هى الا قطط سمان


وفتح باب للارزقيه جديد.


يا بختكم يا أرزقيه


#661965 [kokomomen]
5.00/5 (2 صوت)

05-11-2013 09:00 AM
وأكد نمر خلال ترؤسه اجتماع اللجنة، بأنه سيتم افتتاح معسكرين مفتوحين في السابع عشر من الشهر الجاري، فضلاً عن افتتاح معسكر مغلق لقيادات المكاتب التنفيذية بالمحلية بواقع استيعاب (400) مجند من القيادات والأفراد من قطاعات الحركة الإسلامية والمؤتمر الوطني

تعليق: 400 من القيادات في معسكر، أرجو التبليغ فورا لقيادة الجبهة الثورية عن مكان هذا المعسكر لإرسال وحدة كوماندوز لتدميره بمن فيه ونكون تخلصنا من عدد كبير من الكيزان الصدأة المقدودة.


ردود على kokomomen
United States [صديق] 05-11-2013 12:42 PM
ورطتنا يا كوكو مأمون
كنا ناويين نهاجمم ، لكن إنت كدا نبهتهم ، وحيحرسوا قياداتم دى بكتيبة كاملة من الجيش .
قيادات تموت ؟! موش معقول .


#661923 [ايفواري]
5.00/5 (1 صوت)

05-11-2013 07:51 AM
تاني رجعنا للدفاع الشعبي والشرطة الشعبية والشهداء والحور العين وعرس الشهيد بعد ما سمعنا ان من ماتوا في السابق هم مجرد فطائس وليسوا شهداء كما قال كبيركم الذي علمكم السحر
وبعدين المعسكرات دي طبعا دايره ميزانية ضخمة وأموال من الدولة بدون حسيب او رقيب ومن اجل ماذا ؟ لحماية من يأكلون أموال الناس بالباطل من اجل الذين تمكنوا وأقاموا الشركات وحولوا الأرصدة للخارج وشردوا وقتلوا ونهبوا واغتصبوا
لو في مليشيات فلبقوموا بتمويلها براهم وليحاربون لوحدهم حماية لأنفسهم ان كانوا موجودين بالخرطوم ولم يلحقوا بأموالهم بالخارج


ردود على ايفواري
United States [هدهد] 05-11-2013 10:09 PM
عمك حاج نمر عندو التمويل جاهز من ستات الشاى ومضاعفة كراسى المحلية واستيراد عربات درداقة يستأجروها لحسابهم فى سوق امدرمان والويل لمواطن لو جاب ليه درداقة واشتغل وسط السوق يعنى احتكار بالقوة والله اصبحنا اجانب فى وطننا وآخر ذل وفساد وطغيان كيزان لكن فقد دنا زوالهم ودمارهم يمهل ولا يهمل ولا عذر لمن انذر .


#661920 [واحد مسطول]
5.00/5 (2 صوت)

05-11-2013 07:48 AM
الابالسة شاطرين في الاستفادة من ماسي الشعب السوداني.. اوع ياشباب تدخلوا معسكرات مليشيات الدفاع الشعبي وانت يانسوان كفاية دهبكم الدفعوتا وتاني ما في حاجة اسمها زاد مجاهد وخلوهم يواجهوا ابطال الجبهة الثورية في شوارع الخرطوم وخير للشعب السوداني ان يضحي بدلا من استمرار هذه العصابة في الحكم


#661916 [hot stick size xxxl]
5.00/5 (1 صوت)

05-11-2013 07:41 AM
يا اسود الجبال ياممحررى الخرطوم اضربوهم فى معسكراتهم فهم خائفون حتى الموت . بعثروهم بالضربات المباغته فى كل المدن .أمانه ما جايينك رجال يا خرطوم .أيها المعلقون قولو تنظيف ولا تقولو اعتداء عندما يقوم الثوار بالهجوم.


#661895 [ابو جهينة]
5.00/5 (1 صوت)

05-11-2013 06:24 AM
@@@@ ونمر ده نمر نمر وله لعب عيال ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
0.00/10 (0 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة