الأخبار
منوعات سودانية
سعودي.. معجب بـنانسي عجاج و”يموت” في الأغاني السودانية
سعودي.. معجب بـنانسي عجاج و”يموت” في الأغاني السودانية
سعودي.. معجب بـنانسي عجاج و”يموت” في الأغاني السودانية


05-13-2013 06:14 AM

الخرطوم – الوئام :

كان صباحاً عادياً، ولكن حدث ما لم نكن نتوقعه ـ أنا وزميلي أسعد حسن ـ عندما قصدنا الشارع العام لاستغلال سيارة أجرة متجهين إلى مقر إحدى الصحف السعودية، وبمجرد أن وطأت أقدامنا السيارة سمعنا صوت ليس بغريب علينا، بل مألوف جداً، وهو صوت الفنانة نانسي عجاج.. دُهشت في بادئ الأمر ولكن السائق قال لي مهلك لا تعجب، فأنا أستمع لهذه الفنانة بجنون وأعشق سماع (شقي ومجنون)، فهي للفنان الكبير صديق الكحلاوي وشاعرها إسحق الحلنقي.

ويقول محمد البلوشي: “استمعت لنانسي للمرة الأولى في أديس أبابا عندما كنت في رحلة ترفيهية، وأسرتني بحنجرتها، وصرت أسمع لها باستمرار، بعد ان استمعت لـ(شقي ومجنون) قال لي أحد السودانيين أن صاحبها هو الفنان صديق الكحلاوي، فبحثت عنها بصوته ووجدتها ، ووجدته يغنيها بصورة غاية في الروعة، بتوزيع هادئ وصوت رخيم”.

لم يقف البلوشي ـ سعودي أباً عن جد ـ عند هذا الحد من الدهشة، بل رفع سقفها لدينا، وهو يقول: “نانسي تغني مسامحك يا حبيبي، بتاعت الفنان الكبير عثمان حسين، وكلمات بازرعة، والله كلماتها عجيبة.. وأنا أسمع صلاح بن البادية أيضاً، وأسمعوا هذه الأغنية ـ سال من شعرها الذهب ـ ويضيف: هذه من كلمات أبو آمنة حامد.. الفن السوداني جميل، بس الكل ما يعرفونه”.

واتحفنا اكثر بأنه يعرف الكثير عن الفن السوداني؛ وبدأ يحكي عن كلمات أغاني وشعرائها بطريقة العارف ببواطن الأمور، مؤكداً أنه يعرف مستثمرين سودانيين أيضاً من بينهم الكاردينال الذي لديه منتجعات في بحر دار الأثيوبية.. تركناه وكلنا دهشة خاصة وأنه لم يزر السودان من قبل ولكنه يعرف عنه الكثير بفضل الفن الجميل.

علاء الدين عبدالرحيم.. صحفي سوداني (مقيم بالمملكة).

بصحيفة الوئام


تعليقات 52 | إهداء 2 | زيارات 20110

التعليقات
#687453 [نورالعيون]
5.00/5 (2 صوت)

06-04-2013 12:36 PM
عجب العجب


#687327 [محمد]
5.00/5 (1 صوت)

06-04-2013 10:43 AM
الغناء اساسا حرام والناس ممشيه الموضوع دا ساكت ربنا يهدينا


#685765 [بهاء]
0.00/5 (0 صوت)

06-02-2013 03:33 PM
ايه يعني نانسي عجاج ؟؟ هي يعني اسماعيل حسب الدايم واللا خضر بشير واللا مجذوب أونسة


#683485 [الحقاني]
3.00/5 (1 صوت)

05-31-2013 08:26 AM
المختصر المفيد عايزين تطلعوا لنا شريف جديد في السودية ولا ايش السالفه


#673837 [حمودات]
0.00/5 (0 صوت)

05-23-2013 03:43 AM
كلمات الاغنية للشاعر فتحي الضو وليست من كلمات اسحق الحلنقي ، البلوشيون قبائل نازحة واغلبهم لايحمل الجنسية السعودية (قال ابا عن جدا قال)


#669722 [الفارس الهمام]
3.00/5 (1 صوت)

05-19-2013 05:29 PM
والله العظيم الفن السودانى ارقى واسمى الفنون على مستوى الوطن العربى من لحن وكلمات وبلاغة وشعر وكل المستويات الشعرية والفنية وكذلك الأدبية وذلك بحكم معايشتى الفعلية بدول الخليج وجدت الفرق الساسع بين الأغنية السودانية والخليجية بالذات ، انه الغناء السودانى مميز بالنسبة للجاليات الشرقية الآسيوية ويطرب الكثير للحن والأيقاع السودانى اكثر من الأيقاعات العربية الأخرى ويتفاعل مع الموسيقى والتعبير بالرقص علماً بانه لايفهم كلمات الأغنية .

عجباً ايها الخليجيون !!!!!!!!!!!!!!!! اسخفافكم بالفن السودانى وانتم لاتدرون عنه شيئاً فيما الأستهتار ؟؟؟؟؟؟؟؟؟؟؟؟؟؟؟؟؟


#664547 [omar]
5.00/5 (1 صوت)

05-14-2013 04:31 AM
BIG DEAL


ردود على omar
United States [ناقد] 05-14-2013 09:28 AM
LIKE


#664544 [الكاشف]
5.00/5 (3 صوت)

05-14-2013 04:24 AM
سعودي ابا عن جد طيب يعني تستفيد شنو اذا هو اصلي ولا تقليد
لكن الظاهر عليك ما بتعرف حاجة زي موضوعك ده

علي فكرة اي شخص ينتمي الي البلوشي فهو في الاصل من جزور باكستانية


ردود على الكاشف
European Union [بنه] 06-04-2013 07:48 PM
نحن والباكستانيون حالة واحدة هم بسفوا التمباك ونحن كذلك وكمان بلفوا عمه أها


#664540 [الكاشف]
4.00/5 (7 صوت)

05-14-2013 04:21 AM
علاء الدين عبدالرحيم.. صحفي سوداني (مقيم بالمملكة).

اسع عليك الله انتا صحفي ده خبر تكتبو يا وهم قوم لف كده جاك بله كرهتونا اي زول بقه عامل فيها صحفي


والله انتا داير ليك 100 سوط يا وهم


اسع بدل تكتب ليك حاجة مثمرة وانت في الغربة هموم ومشاكل المغترب
تجي تقول لينا سعودي وبحب يسمع لي نانسي تستفيد شنو اسع يا وهم امشي انتا والسعودي الاتنين ما عندكم موضوع


#664533 [سودانية سودانية]
5.00/5 (1 صوت)

05-14-2013 03:35 AM
أعزائي المعلقين ، عزيزي كاتب الخبر الغير موفق !
جيت تكحلها عميتها ! يا جماعة ماف واحد فيكم انتبه لأن السعودي الذي أعجبته نانسي هذا مجرد سائق تاكسي لا جا ولا راح ! يعني بإختصار كاتب المقال دا بقولينا يا سودانيين مستواكم هابط ، مستوى سواقين تكاسي ،، فهل اعجبت نانسي عجاج وزير ثقافة لبلد عربي وقرر تكريمها او ابراز هذا الإعجاب ؟ ما هذا المستوى ؟ باللله كل المعلقين ديل مافيهم واحد انتبه للمسألة دي ؟ للدرجة نحنا مستوانا هابط كدا ؟!!!!!! حسبي الله بس


ردود على سودانية سودانية
[alkashef] 06-06-2013 06:08 AM
ومنو القال ليك ان سواقين التكاسي مستواهم هابط وما زي الناس التانين يا اخي في ناس متعلمة وعندها شهادات بس الظروف جبرتهم بعدين الشغل ما فيهو عيب .

مستواك هابط براكي يا اختي قومي لفي كده موهومة

European Union [رنا] 05-21-2013 08:57 PM
لان كل المعلقين ليسوا بهذه السطحيه يا أستاذه .....الناس هنا ما بتتكلم بالطريقه بتاعت سواق تاكسى لا راح ولا جا ؟؟؟؟؟ اتمنى ما اكون ضايقتك والعفو والعافيه .....


#664527 [kareemeo]
0.00/5 (0 صوت)

05-14-2013 02:59 AM
ده شي بيرجع للسعودي اذا كان عنده اذن موسيقية. بس ده خبر ينشر!!! في افريقيا بيسمعوا اغانى سودانية, مثلا مالى الاغانى السودانية فى معظم سيارات الاجرة. واحد من مالى- مالى دى دولة افريقية يامستعربين- قال فنان اخته المفضل وردى رحمه الله. تشاد الحبشة, وحتى اسرائيل بيسمعوا اغانى سودانية. بس قاعدين تهللوا عشان سعودى واحد بيسمع سودانى, سبحان الله, طيب لو كان غنى ليكم شايقى, كنتم حتعملوا سفير السودان بالسعودية. ما 90% من الشعب العجيب بيسمعوا خليجى ولبنانى, ادوكم الجنسية؟ ابعدوا عن العرب ديل, تعيشوا ملوك, مش عبيد ليهم. شعب عجيب.


#664447 [عمر عبدالله]
5.00/5 (3 صوت)

05-13-2013 11:55 PM
كثير من الاخوه العرب معجبين بالاغانى السودانيه
لقد قابلت موظف سعودى فى الخطوط السعوديه فى مكتب جده الواقع بالقرب من محمود سعيد الموظف اذكر اسمه محمد احمد تونس معى عن السودان وعن النكات السودانيه وعن الاغانى السودانيه وغنى لى اغنية قام اتعزز الليمون لمحمد سلام ودهشن جدا وسئلته هل لك اى اصول سودانيه لانك تعرف الكثير عن السودان ولان اسمك محمد احمد فنفى اى علاقه له بالسودان سوى حبه الجارف للسودان وللشعب السودانى
ايضا ركبت تاكسى فى القاهره ووجدت صاحب التاكسى يضع شريط للكابلى ويستمع لاغنية ضنين الوعد فقلت له ما حكايتك مع الكابلى فقال لى انه كان يعمل فى الكويت وكان يجاور سودانيا واستمع للاغانى السودانيه واعجب بها وهو تقريبا يملم تسجيلات لمعظم اغانى كابلى وعثمان حسين وسيد خليفه ووردى والكثير من اغنيات المطربين الكبار فى السودان وحدثنى عن انه استطاع نشر الاغانى السودانيه وسط الكثير من اصدقائه واهله ولديهم رابطه فى مصر الجديده للاستماع للاغانى السودانيه تنعقد كل اثنين فى دار احدهم ودعانى للحضور لكن ظروفى لم تساعدنى لاننى كنت مسافر فى اليوم التالى
ايضا لدى صديق من نيجريا يهوى الاغانى السودانيه لدرجة الجنون وهو لا يجيد العربيه وعرفت منه ان سكان شمال نيجريا وشمال الكمرون وشمال تشاد لا غناء لهم الا الغناء السودانى وهم يعشقون وردى والبلابل وحمد الريح وسيد خليفه
وفى نهاية السبعينيات من القرن الماضى كنت اعيش خارج السودان فى احد الدول الافريقيه وكانت الاذاعات هى الوسيله الوحيده للتواصل ةكانت الاذاعات المسموعه هى لندن وصوت العرب واذاعة الثوره الليبيه صوت الجماهير من طرابلس وكانت هذه الاذاعه تبث الملحمه لمحمد الامين واصبح الصبح ولا السجن ولا السجان باقى لوردى
الفن الغنائى السودانى منتشر فى العالم الخارجى اكثر من الفن العربى كله لان الفن العربى لا يسمعه الا العرب فقط اما الفن الغنائى السودانى فيحبه معظم الافارقه والاوربيون وحتى فى امريكا الجنوبيه كانو فى الستيينيات فى ميناء ساوباولو البرازيلى الشهير بتصدير البن وباغانى السامبا كانو يستمعون لاغنية البامبو السودانى اغنية سيد خليفه الشهيره اثتاء عمل العتاله فى حمل اكياس البن.
دائما وفى الكثير من مسابقات الاغانى العربيه كانت الاغنيات السودانيه تفوز بالاولويه وقد فاز اكثر من مره المرحوم سيد خليفه والفنان حمد الريح وعثمان حسين نحن لا لدينا ارقى كلمات اغانى فى العالم العربى ودونكم ضنين الوعد لصديق مدثر ولتى اعتذر للحسين الحسن وضنين الوعد لتاج السر الحسن ومعبدى القدسى لحميده ابوعشر وسال من شعرها الذهب والكثير من الروائع وهذه الاغانى اتحدى اى اغنيه عربيه تكون فى مستواها الشعرى نحن حقيقة لا نعرف قدرنا.


#664373 [سوداني اصيل]
4.00/5 (2 صوت)

05-13-2013 10:14 PM
هسي الكلام ده كوووووووووووووووووولوووووووووووو لزومو شنو يلا قومو ارحكم نحرر ابو كرشولا ونسقي الارامل والايتام جرعة ماء بمعسكرات النزوح بالرهد ابو دكنة والله يهديكم يا الكملتو الحبر في الفاضي وشيلتو الراكوبة لامن قربت تقع في موضوع لا يستحق سوي ان نقول هو تفكير بصوت عال لصاحبه او خاطرة من الخواطر ..وده الفالحين فيهو يا سودانيين كلمنجية من الطراز الاول ونعامات في ميادين الانتاج والصناعة والعلوم.


#664290 [suanlaststand]
0.00/5 (0 صوت)

05-13-2013 08:27 PM
يا اخوانا الزول ما لاقي ليهو حاجه، اكتبها قال النرمي ليّ عضم للجماعه المنتظرين مقالاتي افرحهم بيهو لحدي ما القا حاجه اكتبها!!!سعودي ال...اقول ليك شنو...قال صحفي قال


#664285 [جاكوما]
5.00/5 (1 صوت)

05-13-2013 08:22 PM
ياصحفى يا نبيه استغلال سيارة اجرة؟؟؟
الصحيح استقل سيارة اجرة .. بالقاااااف


ردود على جاكوما
European Union [kareemeo] 05-14-2013 02:32 AM
احتمال السيارة كانت تحت الاستعمار!!!

United States [فنجاط] 05-14-2013 01:15 AM
انت غلتان يا جاكومه يا نبيه.... استغلال صحيح ميه في الميه.... استقلال دا بتاع 56


#664210 [حجازى]
4.94/5 (6 صوت)

05-13-2013 06:53 PM
والله عندنا عقدة نقص عجيبة وغريبة وماتنتهى ليوم الدين....يعنى شنو سعودى بسمع نانسى ....يعنى بشرف الاغانى السودانية...الغرابة يمكن تكون فى انه كيف استساق السلم الخماسى ....وشايف فى عراقية غنت كدا كدا يالترلة(بالطريقة الخليجية) والناس المعجبين كتار.....بعدين عدم قبول غناءنا فى الوطن العربى لسببين...شكلى واقتصادى...يعنى اشكالنا ما مقبولة مقارنة بالعرب ككل...اقتصادى عشان ما عندنا قروش (كتير من اللبنانيات والمغاربة كسرو الحاجز وبقو بغنو خليجى بالرغم من انه فيه كلمات كتيرة محلية وغير مفهومة)....


#664131 [باخت محمد]
0.00/5 (0 صوت)

05-13-2013 05:03 PM
إسمه بلوشي...........
وانت يا كاتب المقال ما الباقي إلا توصله او توصلها له

لالا لا تجمعهم هي شينة لكنها غزال بلدنا خليها لاسودها


#664123 [سوداني يغلي]
4.94/5 (5 صوت)

05-13-2013 04:51 PM
يا صحفي السجم شوف واحد تاني بيأكل في كسره بملاح ويكه وأكتب عنه،،، أكتب ما تعرفه عن حكومة السجم والرماد ،أكتب عن ما فعلته حكومة الكيزان في الشعب السوداني ، أنت صحفي وإعلامي أكتب عن هجرة الشعب السوداني من السودان ، أكتب عن هزائم الجيش السوداني ،،،أكــتـــــــــــــــــب ، نجوم الغد أصبحت جامعة تخرج دفعة دفعة ،،،ما تكفي !!! أستغفر الله !


ردود على سوداني يغلي
United States [تاج السر] 05-13-2013 07:01 PM
و الله تعليقك رائع و قمة السخرية و خلاني أضحك بصوت عالي. شكرًا ليك ياخي و برد دمك شوية المضوع قائظ من زمان

[جركان فاضى] 05-13-2013 05:57 PM
مافعلته حكومة الكيزان لايحتاج لكتابة بل يحتاج لفعل - اما هزائم الجيش السودانى لان ميزانيته ذهبت لجهاز امن البشير فاصبح الجيش بدون ميزانية - اما نجوم الغد فقد اخرجت لنا مطربين ممتازين لم نكن نعرفهم من قبل ونتمنى ان يقوموا بتطوير الاغنية السودانية - اما هجرة الشعب السودانى فلان الوظائف اصبحت حكرا على اولاد وبنات المؤتمر الوطنى


#664114 [مراقب]
5.00/5 (8 صوت)

05-13-2013 04:39 PM
سعودي أستاذ جامعي أوصاني باحضار كتاب المنسي للطيب صالح وأستاذ أخر حملت له من دار النشر بجامعة الخرطوم مجموعة كتب أذكر منها ديوان لأخي الشاعر الكتيابي .. وأستاذ أخر يردد كلما قابلني لو أن زندها احتمل الندى ويقول في طرب كلام عجيب ... وأخرون أسمعوني قصيدة يا بت يا هندسة رغم كوني لا أحبها .. وأكلت من يد صديق سعودي ويكة بعصيدة ومعي دكتوران سودانيان أحدهما علم كبير .. وأسمع منهم في مجالسهم يقولون في الحركرك ويا حليله وخمش له خمشة ... أهل السعودية ليسوا كلهم سواء .. فالبدو يشبهوننا في كثير من الصلات والتقاليد والعادات واللهجات ومنهم أحباب لنا زارونا بالسودان .. وذات يوم وأنا خارج من مكتبة العبيكان والحر شديد وليست معي سيارة .. توقف سعودي وحملني بسيارته .. وفي الطريق تجاذب معي الحديث حول الكرة التي لا أفهم فيها كثيرا وكانت هناك مباراة في ذات اليوم بين فريقين كان هو يشجع أحدهما .. المهم أنني وعند الوصول إلى مقصدي أدخلت يدي في جيبي لأنفحه حق المشوار ـ طبعا عادي أي سعودي بسيارته الخاصة ممكن يأخذ مشاوير ـ فإذا بالرجل يقول لي ماذا تفعل .. بعد كل هذه السواليف وتبغى تدفع لي .. معك العقيد .. القرني من الاستخبارات العسكرية .. ثم أضاف نحن نحبكم أيها السودانيون .. وهذا هو هاتفي أنا في خدمتك متى ما احتجتني .. والحمد لله ما احتجت إليه .. والحمد لله لنا صداقات مع نفر كريم من كبار ضباط الدفاع المدني والشرطة وأعيان ووجهاء البلد .. وقبل أكثر من شهر كنت ضيفا على عشاء أقامه ضباط من الحرس الوطني ... وذات مرة وأنا مسافر تبعني عقيد بسيارة الدورية ودخل معي إلى المطار حتى تمت إجراءات سفري .. ومع ذلك فأنا لا أنتمي للمؤسسة العسكرية وعمري ما أمسكت سلاحا في يدي .. ليس كل سعودي عنصري أو جبار أو ظالم .. وبمثلما في مجتمعنا أمراض اجتماعية فكذلك يوجد في مجتمعهم كمن هو كذلك ... السودانيون الذين يشتغلون في المهن الضعيفة أو الذين يكونون ضحايا لكفلاء أميين هم من يعاني .. وبالتالي يعكسون صورة غير طيبة عن المجتمع السعودي .. وحتى لا يكون كلامي من فراغ .. زوروا اليوتيوب الذي يتحدث عن السوداني الذي أنقذ غريقا لتروا كيف علق السعوديون على الحادثة ... تبقى أن أقول السوداني عملة نادرة متى تحلى بأخلاق أولاد البلد وهو محل احترام وتوقير حتى من المصريين الذين يعلمون الفرق بيننا وبينهم


ردود على مراقب
United States [نوارة] 05-13-2013 05:55 PM
ولاغرابة في ذلك ياخي فلهجة اهل الحجاز مثل جدة ومكة والمدنية كالهجة السودانية وتقارب في النطق لحروف ومعاني مشتركة في كثير من الالفاظ


#664104 [مامون]
5.00/5 (3 صوت)

05-13-2013 04:30 PM
قصدك نصتديفو في القنوات السودانية ونعمل لية تكريم بحضور وزير الثقافة..وحفل تحية الفنانة الفامة نانسي عجاج...هكذا هو الاعلام السوداني ينزل من قامتنا ويرفع من لا قيمة له...التحية للدره نانسي عجاج


#664075 [ود فارس]
5.00/5 (1 صوت)

05-13-2013 04:00 PM
سعودي.. معجب بـنانسي عجاج و”يموت” في الأغاني السودانية

جد لينانحن السودانيين زي مابقولن حبوباتنا عليك الله ياعلاء الدين شوف لينا تليفون السعودي ده وين ورسلو لينا علشان ندعيه ونكرمه في قاعة الصداقة وننقل تكريمه عبر الاثير والمصير والحبال والموجات الصوتية وعبر الاشعة السينية والاشعة فوق البنفسجية وعبر الفضائيات والارضيات وبعد كله كان تعزر الوصال ننقله بالحمير والبقال والجمال لفيافي سودانا الحبيب و العجيب ليعم الخبر البدو و الحضر
لزومه شنو الشعور بالدونبة علشان كدة خسرنا الافارقة ولم نكسب العرب


#664062 [مسلم غيور]
3.50/5 (3 صوت)

05-13-2013 03:46 PM
(تركناه وكلنا دهشة خاصة وأنه لم يزر السودان من قبل ولكنه يعرف عنه الكثير بفضل الفن الجميل.) بالله عليكم في شعور بالدونية اكثر من كدا ...شعب فاشل دائما يندهش عندما يعجب الاجانب باشيائهم ..هذا دليل على الفشل وعدم الثقة والشعور بالدونية امام الاخرين ..شوفوا المصريين كيف فارضين نفسهم ولهجتهم واكلاتهم على كل الخليج رغم اننا نملك ما لا يملكه جميع العرب وهو الحياء والادب الجم والكرم والطيبة والاخلاق الحميدة وكذلك اكلات كتييرة حلوة واشعار كتييرة رائعة وكذلك اغاني كتييرة حلوة لكن نقول شنو في اعلامنا الوهم دا ...قال تركناه وكلنا دهشة قال ..


ردود على مسلم غيور
[جركان فاضى] 05-13-2013 06:00 PM
كلما قابلت مغربى اغنى له اغنية مغربية فيندهش فهل هذه دونية من المغاربة؟

[ro ro] 05-13-2013 04:57 PM
والله نعم الحقيقة


#664048 [كركـــــــــــاب]
5.00/5 (2 صوت)

05-13-2013 03:32 PM
علاء الدين عبد الرحيم
لينا 20سنة هنا ماشفنا ليك عمود صحفى يا ابوى انت صحفى وين
ولا اوع تكون فى جريدة ام القرى
لم تقدم مادة جديدة كتير لقينا ذى ديل اخر واحد قال معجب(( بقيقم))

اعمل تحقيقات عن هموم ومشاكل الاسر فى غبيراءومنفوحة
ممكن تكون سبب فى علاج بعض الحالات


#664033 [ود فارس]
0.00/5 (0 صوت)

05-13-2013 03:17 PM
سعودي.. معجب بـنانسي عجاج و”يموت” في الأغاني السودانية


#663998 [ابو الشباب]
5.00/5 (1 صوت)

05-13-2013 02:44 PM
الله يكسفك يا صحفي ( الدونية ) هسي بالله دا موضوع حسرة حسرة كبيييييرة عليك


#663990 [ibrahim saeed]
0.00/5 (0 صوت)

05-13-2013 02:36 PM
هنالك اكثر من 200 خبر
تابع برواقة يا ابراهيم


#663978 [wasilasharaf]
1.00/5 (1 صوت)

05-13-2013 02:20 PM
والله العظيم انا بعرف سودانية بتدرس في المنازل السعودية :قالت النساء السعوديات كل ما يلاقنها بغنو ليها اذيكم وكيفنكم انا لي ذمان ما شفتكم × الله الله يرحم سيد خليفة


ردود على wasilasharaf
United States [ود الحلة] 05-13-2013 05:21 PM
ما ياها بس بعرفوا لينا شنو.. خليهم السعودييين الاول امس ديل.. كل العرب بغني ازيكم وكيفنكم


#663967 [المظلوم السوداني]
1.00/5 (1 صوت)

05-13-2013 02:09 PM
أنا ما شايف داعي للهجوم ده كلوا .. الراجل بيكتب انطباعات فقط .. لانو في العادة العرب عموماً ما بيسمعوا الغنا السوداني .. ما أنو في رأيئ أحلي منو مافي


#663961 [نوارة]
0.00/5 (0 صوت)

05-13-2013 02:00 PM
وماسمعتوا بقول الساقطة الفنانة نانسي عجرم عندما اتتي متسابقة سودانية باغنية في برنامج ارب ايدول قالت هذه الساقطة انا ماعم بفهم علي الغناء السوداني وطبعا تبعته في الراي الهبلة الغبية احلام ماعدا الفان راغب احتمال خاف لان كان لديه موقف في مقولته عن نساء السودان اقبح نساء في الوطن العربي اما الفنان حسن الشافي فقبل ولم يعترض بدخوله المسابقة والله كانت الاغنية جميلة وكلماته ايضا واظن اسم الفنانة امنية لكن بسب احلام ونانسي طلعت من المسابقة واحلام (الطقاقة) لايعجبها فن السودان سبحان الله


ردود على نوارة
[جركان فاضى] 05-13-2013 06:16 PM
عزيزتى نوارة لك التحية والاحترام - انا عايشت العرب رجالا ونساء بصورة كبيرة فقد عشت فى الوطن العربى شرقه وغربه وسكنت مع معظم العرب فى سكن واحد وعرفت حتى فروع قبائلهم وقراهم - فالعرب مجمعون على حب السودانيين بصورة كبية جدا جدا -ولك ان تعلمى ان الاحترام والتفدير الذى يجده السودانى فى بعض الدول العربية لايوصف ابدا - اما عن عدم فهم نانسى عجرم للغناء السودانى فهو شئ طبيعى انها لاتعرفه فما الضير فى ذلك؟ -ان من يتكلمون عن العلاقة الدونية للسودانيين بالعرب لم يعايشوا العرب حتى يفهموم -ثم ان معظم الدول العربية تقبل تزويج السودانى فهل نحن فى السودان نقبل تزويجهم بنفس الكيفية؟


#663943 [الطيب احمد]
5.00/5 (3 صوت)

05-13-2013 01:47 PM
سعودي يسمع لي نانسي عجاج ونحن شعب كامل بيسمع الي راشد الماجد ومحمد عبدو وخالد عبدالرحمن
ومافي سعودي واحد عارف هذا الكلام
اعلام سوداني فاشل


#663935 [Mamoun]
3.00/5 (2 صوت)

05-13-2013 01:36 PM
انا زاااتي بحبها مووووووووووووت


#663900 [سوداني نشيط]
5.00/5 (3 صوت)

05-13-2013 01:02 PM
من هو السعودي ,,,, يعتبرون السودانيين كسلانيين و يألفون أبشع النكات أمثال " أحرقهم يا عثمان " والله عندهم السوداني للضحك فقط ولا شيء آخر ,,, وانتم تفرحون بهم


#663887 [سما]
5.00/5 (1 صوت)

05-13-2013 12:53 PM
عليك النبي
بالله
مبروك


#663858 [ابو مازن]
0.00/5 (0 صوت)

05-13-2013 12:20 PM
ما هو دا الشى الطبيعى مفروض العرب يستمعوا الى الطرب الاصيل السودانى لكن نحن عندنا مركب نقص وهذه لا يختلف فيها اثنان يوجد يمنى يبيع شرائط سودانية فى باب شريف بجدة ذات يوم قلت له بحكم تعاملك مع ىالاغانى السودانية اكيد عندك انطباع عنها قال لى والله لو يسمعها العرب بتعقل لما سمعو غيرها وكان لى زميل بالمدرسة دائما ما نتناقش معه عن الاغانى السودانية والعربية الى ان احضرت له اغنية (مال واحتجب ودع الغضب ) بصوت عبد القادر سالم وكاظم الساهر وقلت بربك ايهما افضل اداء فقال لى بصراحة الزووووووووووووووول فابعدو من الونية ارجوكم واعتزو بحقكم


ردود على ابو مازن
United States [جركان فاضى] 05-13-2013 06:29 PM
يا اخ ابو مازن يا حبيبى متعك الله بالصحة والعافية -لماذا نصر على نشر اغانينا فى الوطن العربى رغم تغير السلالم الموسيقية؟فالاغنية السودانية لها انتشار عالمى اضعاف اضعاف ماللاغنية العربية -الاغنية السودانية لها نفس السلالم الموسيقية فى شرق اسيا من هند وصين ويابان وكوريا وغيرها - ولها ايضا معجبين فى افريقيا عددهم اكبر من عدد العرب -فهل للاغنية العربية هذا الانتشار الواسع؟


#663857 [zoal]
5.00/5 (2 صوت)

05-13-2013 12:19 PM
يعني إيه.(امة تحب الاجانب)بلا لمه ياخ .إحنا عارفين قدرنا و ما محتاجين اي اجنبي يقول لينا


#663855 [abdelrahim]
3.00/5 (1 صوت)

05-13-2013 12:18 PM
اعرف واحد من سلطنة عمان فنانه المفضل الفنان عبدالكريم الكابلي ويحفظ جميع أغانيه وبعضها لا يعرفها السودانيون كما يحفظ الكثير من الشعر السوداني الاصيل الفصيح، طبعاً العيب الكبير في اعلامنا وعدم تفعيل وتأثير الجاليات السودانية بالخارج في المحيط المتواجدة فيه بل العكس هم يتأثروا بالمحيط الحولهم إلا من رحم ربي.


#663827 [الشايل المنقة]
3.75/5 (4 صوت)

05-13-2013 11:51 AM
...احسن واجمل واكمل شئ فى الخبر دة كلو...صورة..!


#663806 [عثمان خلف الله]
3.00/5 (2 صوت)

05-13-2013 11:34 AM
احساس بالدونيه رهيب
نا نحنا بسمع اغانى خليجيه هم بيجو يعملو تقرير عن سماعنا اغانى خليجيه
نحنا يكفينا انو الحبش اهل الحضارة بيحفظو غنانا مع انهم ما بيعرفو عربى


ردود على عثمان خلف الله
United States [walcom] 05-15-2013 12:03 AM
لهجتنا اللي مدخلاني كل يوم في منظر من نوع "مرقنبو قرنبو"
لكن برضو ما بخليها، الشوام والمصريين يتعلموا لهجتنا ويتعودوا عليها، مش نحن نتنازل ليهم.

United States [مدني الحبيبة] 05-13-2013 06:05 PM
صدقت يااخي انحنا لو ركزنا على اثيوبيا واريتريا وتشاد وبقية الدول الافريقية افضل لنا كتير من هؤلاء العرب الذين يعانون من امراض نفسية كثيرة حتى على المستوى الداخلي في مابينهم ، ولكن وبكل اسف السواد الاعظم من المغتربين في السعودية والخليج اناس لايحملون فكرا وثقافة بل صاروا عرضة للثقافات والعادات العربية وكثير منا تنكر للهجة السودانية ومحاولة تقليد اللهجات الخليجية باحساس دوني لشخصية هؤلاء البسطاء والسزج ، اللبناني والسورى والمصري لايغير من لهجته بل يفتخر بها ولكن السودانين الضعفاء يتنكرون للغتهم ، انا مقيم في السعودية لمدة زمنية ليست بالقليلة ولكني حتى هذه اللحظة لاتحدث بلهجتهم بل افرض عليهم لهجتي ودائما ازكرهم بالاخوة الشامين ولغتهم المفروضة على هؤلاء الخليجين ، الاعتزاز بلغتنا وثقافتنا من الاشياء العظيمة ، بعد الاستقلال مررنا بمراحل ارجعتنا كثيرا للوراء ولكن تظل الثقافة والحضارة ضاربة الجزور


#663802 [sul.dafa]
5.00/5 (3 صوت)

05-13-2013 11:32 AM
لدينا احساس بالدونية بشكل غريب وعندما يقول لك احد الزملاء الخليجين بانه ذاهب فى رحلة عمل الى السودان يا زول نقوم ونصف ليه البلد و الفنادق واشياء كانه ملك يريد زيارة السودان فى احدى المرات قال لى زميل انه بصدد زيارة السودان فى رحلة عمل بكل عبط قال لى هنالك فنادق ؟ قلت له نعم قطاطى من القش بداخلها عناقريب ح تعجبك لم يفهم شئ ومضى الى حال سبيله ولكنه فهم اننى اقصد الرد على تريقته.


#663801 [سمير]
0.00/5 (0 صوت)

05-13-2013 11:31 AM
رحم الله الفنان سيد خليفة ؟ ازيكم وكيفنكم وانا لي زمان ماشفتكم ؟ و لفنان محمد وردي رحمه الله اشتهرت غانيهم .نحن السودانيين مازال فينا بصيص من امل ؟ والله قادر


#663771 [عنكباوي]
4.94/5 (7 صوت)

05-13-2013 11:12 AM
قال الفصحي : لم يقف البلوشي ـ سعودي أباً عن جد ـ عند هذا الحد من الدهشة، بل رفع سقفها لدينا:
نقطة سطر جديد :
يا أيها الفصحي :
لعلمك البلوشي عمره ما كان سعودي أصلي (أصلي بس بتاع التمباك) البلوشي منحدر أصلاً من قبيلة بلوشستان وهو إقليم باكستاني ...يعني صاحبك دهـ (طرش بحر) كما يقول السعوديون الأصليون ...
أصلي ...أصلي إنت ياخ...
وبيني وبينك والأيام الفن السوداني هو الفن (الأصلي) بين كل الفنون العربية بشهادة(العقاد )حينما وقف وصفق بمسرح القاهرة وقال :(هكذا يغنى الشعر العربي) ووقتها كان الدكتور عبد الكريم الكابلي يشدو بأغنية (أراك عصي الدمع)التي غنتها قبله كوكب الشرق أم كلثوم...وحسب شهادة العقاد فإن الكابلي أفضل من أم كلثوم ...تقول لي بلوشي سعودي أصلي ...
(دهشة رفع سقفها )..ياصحفي دي دهشة واللا راكوبه...


#663743 [محى الدين كرتوب]
4.25/5 (4 صوت)

05-13-2013 10:48 AM
كانه اتكلم معاكم العالم كله قال ليكم انتو فنانين اسى انتو فرحانين عشان سعودي بتاع تكسي قال ليكم كده ده اسى حاجة كبيرة


#663723 [بريجاوي]
3.75/5 (5 صوت)

05-13-2013 10:34 AM
"سعودي.. معجب بـنانسي عجاج و”يموت” في الأغاني السودانية"
غريبة يعني!!!!! طبعا الاحساس بالدونية... تبا لك.


#663704 [سوداني]
5.00/5 (2 صوت)

05-13-2013 10:27 AM
سعودي.. معجب بـنانسي..

الغريب انو المستمع خارج الحلقة صار اهم من الفنان نفسه


وفرحان اوي يا [ علاء الدين عبدالرحيم.. صحفي سوداني (مقيم بالمملكة).

كان تزعرد في اخر تقريرك دا.. عشان تتم الناقصة

طموح متعب.. شنو يعني معجب باغاني علان واغاني فلان.. يعني ايه السر الكبير اللي اكتشفته


#663691 [نادرة ...]
0.00/5 (0 صوت)

05-13-2013 10:17 AM
طيب المشكلة وين هنا ؟؟
الصحفي مقيم في الرياض عشان كدا القصة البايخة دي فُرضت علينا فرض
لأ و كمان بحدد صحفي مقيم في الرياض ... الله يكسفك 💝


#663647 [البيان الواضح]
5.00/5 (1 صوت)

05-13-2013 09:47 AM
الفاضي يهمز أمه


#663643 [الكولا 4]
0.00/5 (0 صوت)

05-13-2013 09:46 AM
والله إنتوا فعلا ناس فارغين !! أيه يعنى سعودى بيسمع لنانسى , ولا إلى إبليس زاتو ,, ماذا هناك ,,؟؟؟ وهل هذا شىء غريب ؟؟؟ طيب أنا بحب أسمع لفيروز ,, حيجى واحد لبنانى يعمل من الموضوع خبر؟؟؟؟ يأخوانا إستحوا ,, وبطلوا لقافه وهباله ,, ضحكتوا علينا خلق الله


#663630 [البقمي]
5.00/5 (1 صوت)

05-13-2013 09:37 AM
انت يا قعقاع جيت السعودية متين....وقاعد مع اسعد كمان....نتمني لكما التوفيق


#663626 [محمد]
5.00/5 (3 صوت)

05-13-2013 09:33 AM
تعملوا من الحبة قبة! شنو الغريبة هنا؟ نحن برضنا بنطرب لطلال مداح ومحمد عبده وغيرهما المشكلة انو أغنياتنا ما توصلهم إعلاميا والشيء الاهم إننا شايفين أنفسنا وتراثنا أقل منهم ومن تراثهم مع أننا من أعرق شعوب الدنيا ولدينا أقدم مدينة في التاريخ وحديثا علمنا الناس أشياء كثيرة حتى ماذا يأكلون وكيف يأكلون وكانوا في السابق يأتوا الينا قبل أن تنقلب الاية بفعل أنفسنا. مشكلة أن نستغرب أن أعجب غيرنا بأشيائنا وحتى إن تزوجت مغربية أ فلبينية أو أ وزبكية أو صينية بسوداني عملنا لهما مقابلات تلفزيونية وأقمنا الدنيا لان أحد غيرنا رضنا بالارتباط بنا لم أجد في الخلق من يقلل من شأن نفسه سوانا.


ردود على محمد
United States [الباشا] 05-13-2013 09:58 AM
شكرا لك محمد... احساسنا بالضالة تجاه البعض والنفخة الكضابة تجاه البعض الاخر هذه نتائجة ... قبل يوميين قامت الدنيا ولم تقعد عندما اكتشف البعض ان فنانة مصرية امها سودانية||||||| انا اقول ببساطة هذا السعودي منفتح على الغير وربما سافر للغرب وعرف يتعامل مع ثقافات الغير.


#663605 [علي خميس]
4.00/5 (3 صوت)

05-13-2013 09:17 AM
أنا أعرف خليجيا يعشق شعر شاعرنا المبدع إدريس جماع إلى حد الجنون ... تسمعه يردد أشعاره في سيارته والشوارع... يحفطها كلها عن ظهر قلب..... ترى، كم من السودانيون اليوم يعرفون إدريس جماع !!!!! يتساءلون لأي فريق يلعب !!!!


#663604 [الحلفاوي 12]
0.00/5 (0 صوت)

05-13-2013 09:14 AM
الفن لغه عالمية المبدع يلا يحتاج لواسطه ليدخل قلوب عشاق الفن , كنت اعمل مع سعودي مثقف يحمل شهادة الدكتوارة في العلاقات العامة يعشق الفن السوداني الاصيل يستمع بعمق للفن السوداني وعاشق لصوت نانسي عجاج , عندما نكون في السيارة يقول لي ( سمعنا حاجه للمبدعه وخاصة اغنية يازمن )


#663538 [سايكو]
5.00/5 (2 صوت)

05-13-2013 07:43 AM
نانسي عجأج بتغني احسن من ناس نانسي عجرم و هايفه الهايفه و باقي الشكاشيك ديل
الغريب شنو في انه سعودي بسمع لسودانيه ؟
عادي ممكن تركب ركشه تلقي سوداني بسمع اغنيه حبشيه و لا افريقيه و لا حتي كوريه الموسيقي لغه عالميه
هسا في داعي للخلعه دي !
لمتين احنا نحقر في روحنا و احنا عندنا حضأره ليها لاف السنين قبل مالعرب ديل يعرفوا حاجه ؟
لكن نقول شنو لناس منهذمه مستلبه متوهمه ادمنت التمسح بغواط العروبه


ردود على سايكو
United States [واحد] 05-28-2013 03:33 PM
الاخ ( سايكو) تعليقك جميل لخصت الموضوع كله فى هذه السطور - شكرا لك -



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة